"Мемлекеттік мүлік туралы" Қазақстан Республикасының 2011 жылғы 1 наурыздағы Заңының 140-бабының 2-тармағына сәйкес Қазалы ауданының әкімдігі ҚАУЛЫ ЕТЕДІ:
1. Аудандық коммуналдық мемлекеттік кәсіпорындардың иелігінде қалған таза кірістің бір бөлігін бөлу нормативі осы қаулының қосымшасына сәйкес белгіленсін.
2. "Қазалы ауданының қаржы бөлімі" коммуналдық мемлекеттік мекемесі осы қаулыдан туындайтын шараларды қабылдасын.
3. Осы қаулының орындалуын бақылау жетекшілік ететін Қазалы ауданы әкімінің орынбасарына жүктелсін.
4. Осы қаулы алғашқы ресми жарияланған күнінен бастап қолданысқа енгізіледі.
| Қазалы ауданының әкімі | М. Ергешбаев |
| Қазалы ауданы әкімдігінің 2019 жылғы "29" сәуірдегі №64 қаулысына қосымша |
Аудандық коммуналдық мемлекеттік кәсіпорындардың иелігінде қалған таза кірістің бір бөлігін бөлу нормативі
Активтерді дамыту және кеңейту (күрделі жөндеу, реконструкция, жаңғырту, цифрландыру) - 50%
Адами капиталды дамыту және ынталандыру (біліктілікті арттыру, тәжірибе алмасу, сыйақы беру) - 15%
Тәуекелдерді сақтандыруға провизиялар (резервтер) және шығынды жабу - 20%
Кезек күттірмейтін қажеттіліктерге жұмсалатын резерв - 10%
Кәсіпорындар қызметінің спецификасы бойынша қажет ететін шығындар түрі - 5%
