Қазақстан Республикасының 1993 жылғы 8 желтоқсанындағы "Әкімшілік-аумақтық құрылысы туралы", 2016 жылғы 6 сәуірдегі "Құқықтық актілер туралы" Заңдарына және Маңғыстау облысы әкімдігінің 2008 жылғы 20 наурыздағы № 181 "Ақтау, Форт-Шевченко қалаларында, Құрық ауылы және Кендірлі демалыс аймағында су қорғау аймақтары мен белдеулерін белгілеу туралы" қаулысына (нормативтік құқықтық актілерді мемлекеттік тіркеу Тізілімінде № 2009 болып тіркелген), Маңғыстау облысы әкімдігінің 2013 жылғы 2 шілдедегі № 189 және Маңғыстау облыстық мәслихатының 2013 жылғы 2 шілдедегі № 11/165 "Түпқараған ауданының Баутин поселкесін "ауыл" санатына жатқызу туралы" бірлескен қаулысы мен шешіміне (нормативтік құқықтық актілерді мемлекеттік тіркеу Тізілімінде № 2260 болып тіркелген) сәйкес, Түпқараған ауданының әкімдігі ҚАУЛЫ ЕТЕДІ және Түпқараған аудандық мәслихаты ШЕШІМ ҚАБЫЛДАДЫҚ:
1. Жалпы жер аумағы 1104,44 гектар болатын Баутин ауылының шекарасы қоса беріліп отырған қосымшаға сәйкес белгіленсін.
2. Түпқараған ауданының әкімдігінің 2008 жылғы 25 қыркүйектегі № 493 және Түпқараған аудандық мәслихатының 2008 жылғы 25 қыркүйектегі № 11/165 "Баутин поселкесінің шекарасын белгілеу туралы" бірлескен қаулысы мен шешімінің (нормативтік құқықтық актілерді мемлекеттік тіркеу Тізілімінде № 11-6-71 болып тіркелген, 2008 жылғы 2 желтоқсанда "Ақкетік арайы" газетінің № 57 (268) санында жарияланған) күші жойылды деп танылсын.
3. Түпқараған ауданының әкімдігінің 2009 жылғы 24 желтоқсандағы № 443 және Түпқараған аудандық мәслихатының 2010 жылғы 8 ақпандағы № 27/164 "25 қыркүйек 2008 жылғы "Баутин поселкесінің шекарасын белгілеу туралы" аудандық мәслихаттың № 9/62 шешіміне және аудан әкімдігінің № 493 қаулысына өзгеріс енгізу туралы" бірлескен қаулысы мен шешімінің (нормативтік құқықтық актілерді мемлекеттік тіркеу Тізілімінде № 11-6-115 болып тіркелген , 2010 жылғы 26 наурызда "Ақкетік арайы" газетінің № 31-32 (379-380) санында жарияланған) күші жойылды деп танылсын.
4. "Түпқараған аудандық мәслихатының аппараты" мемлекеттік мекемесі (аппарат басшысы Кельбетова Э.) осы бірлескен қаулы мен шешімнің әділет органдарында мемлекеттік тіркелуін, оның Қазақстан Республикасы нормативтік құқықтық актілерінің эталондық бақылау банкі мен бұқаралық ақпарат құралдарында ресми жариялануын қамтамасыз етсін.
5. Осы бірлескен қаулы мен шешімнің орындалуын бақылау Түпқараған аудандық мәслихатының әлеуметтік мәселелері жөніндегі тұрақты комиссиясына (комиссия төрағасы Берішбаева А.) жүктелсін.
6. Осы бірлескен қаулы мен шешім әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | Р.Рысмұхамбетов |
| Түпқараған ауданының әкімі | А.Хамиев |
| Түпқараған аудандық мәслихат хатшысы | А.Досанова |
| Түпқараған ауданының әкімдігінің | |
| 2019 жылғы 7 қазандағы № 162 және | |
| Түпқараған аудандық мәслихатының | |
| 2019 жылғы 7 қазандағы № 33/269 | |
| бірлескен қаулысы мен шешіміне | |
| қосымша |
Баутин ауылының шекарасы
