"Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" Қазақстан Республикасы Үкіметінің 2015 жылғы 31 желтоқсандағы № 1193 қаулысына сәйкес БҰЙЫРАМЫН:
1. "Дене шынықтыру және спорт ұйымдарының жұмыскерлеріне қосымша ақыларды төлеу қағидалары мен шарттарын бекіту туралы" Қазақстан Республикасы Мәдениет және спорт министрінің 2016 жылғы 29 маусымдағы № 190 бұйрығына (нормативтік құқықтық актілерді мемлекеттік тіркеу тізілімінде № 13963 болып тіркелген, "Әділет" ақпараттық-құқықтық жүйесінде 2016 жылғы 29 шілдеде жарияланған) келесі өзгерістер мен толықтыру енгізілсін:
көрсетілген бұйрықпен бекітілген Дене шынықтыру және спорт ұйымдарының жұмыскерлеріне қосымша ақыларды төлеу қағидалары мен шарттарында:
1-тараудың тақырыбы мынадай редакцияда жазылсын:
"1-тарау. Жалпы ережелер";
2-тараудың тақырыбы мынадай редакцияда жазылсын:
"2-тарау. Қосымша ақыларды төлеу тәртібі";
3-тармақтың 3) тармақшасы алып тасталсын;
5-тармақ мынадай редакцияда жазылсын:
"5. Осы Қағидалардың 3-тармағының 1) және 2) тармақшаларында көрсетілген қосымша ақылар мөлшерлері спорттық жарыстардың хаттамаларымен расталған спортшылардың нәтижелері негізінде белгіленеді.";
3) тармақша мынадай редакцияда жазылсын:
"3) мемлекеттік жаттықтырушыға, бас жаттықтырушыға, аға жаттықтырушыға, аға жаттықтырушы-оқытушыға, әдіскерге, нұсқаушыға 100%-ға дейін;";
келесі редакцияда 7) тармақшамен толықтырылсын:
"7) команда бастығына, нұсқаушы-спортшыға, инспекторға, менеджерге, баспасөз хатшысына 60%-ға дейін.";
3-параграф алып тасталсын;
3-тараудың тақырыбы мынадай редакцияда жазылсын:
"3-тарау. Қосымша ақыларды төлеу шарттары";
20-тармақ мынадай редакцияда жазылсын:
"17. 1 және 2-қосымша ақыларды төлеу ұйым спортшыларының республикалық және халықаралық спорттық жарыстарда көрсеткен нәтижелерінің қорытындылары бойынша жүргізіледі.";
21-тармақ алып тасталсын.
2. Қазақстан Республикасы Мәдениет және спорт министрлігінің Спорт және дене шынықтыру істері комитеті Қазақстан Республикасының заңнамасымен белгіленген тәртіпте:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықты Қазақстан Республикасы Мәдениет және спорт министрлігінің интернет-ресурсында орналастыруды;
3) осы бұйрықпен көзделген іс-шаралар орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министрдің м.а. | С. Мусайбеков |
