БҰЙЫРАМЫН:
1. "Жоғары білімнің білім беру бағдарламаларын іске асырып жатқан Қазақстан Республикасы Ішкі істер министрлігінің әскери, арнаулы оқу орындарына оқуға қабылдау қағидаларын бекіту туралы" Қазақстан Республикасы Ішкі істер министрінің 2016 жылғы 26 қаңтардағы № 77 бұйрығына (Нормативтік құқықтық актілерді мемлекеттік тіркеу тізілімінде № 13199 болып тіркелген, 2016 жылғы 4 наурызда "Әділет" ақпараттық-құқықтық жүйесінде жарияланған) мынадай өзгерістер мен толықтырулар енгізілсін:
Көрсетілген бұйрықпен бекітілген Жоғары білімнің білім беру бағдарламаларын іске асырып жатқан Қазақстан Республикасы Ішкі істер министрлігінің әскери, арнаулы оқу орындарына оқуға қабылдау қағидаларында:
1-тараудың атауы мынадай редакцияда жазылсын:
"1-тарау. Жалпы ережелер";
2-тараудың атауы мынадай редакцияда жазылсын:
"2-тарау. ІІМ әскери оқу орындарына қабылдау тәртібі";
5-тармақ мынадай редакцияда жазылсын:
"5. Кәсіби бейімдеу жұмысының қорытындылары бойынша оқуға түсетін кандидаттардың оқу істері қалыптастырылады.
Полиция департаментінің, әскери бөлімнің кадр қызметі кандидаттардың қалыптастырылған оқу істерін ІІМ әскери оқу орындарына оқуға түсетін жылдың 20 шілдесіне дейін жібереді.
Тікелей әскери оқу орнына өтініш жасаған кандидаттың оқуға түсуге арналған оқу ісін (оның ішінде электрондық форматта) әскери оқу орнының кадр қызметі оқуға түсетін жылдың 20 шілдесіне дейін қалыптастырады.";
7-тармақ мынадай редакцияда жазылсын:
"7. ІІМ әскери оқу орындарына түсуге ниет білдірген әскери қызметте немесе құқық қорғау органдарында қызметте тұрмайтын адамдар еркін нысанда ІІО аумақтық бөліністерінің, тұрғылықты жері бойынша әскери бөлімдердің немесе ІІМ әскери оқу орындарының кадр қызметтеріне өтініш береді.
ІІМ әскери оқу орнының ресми интернет-ресурсы арқылы электронды форматта өтініш беруге рұқсат етіледі.
Өтінішке осы Қағидаларға 1-қосымшаға сәйкес ІІМ әскери оқу орындарына оқуға түсу үшін кандидаттар ұсынатын құжаттар тізбесінде көрсетілген құжаттар (қағаз немесе электронды форматта) қоса беріледі.";
7-1-тармақ мынадай редакцияда жазылсын:
"7-1. Әскери қызметшілер мен әскери қызметте болмаған азаматтар қатарынан кандидаттар әскери қызмет өткеру орны (тұрғылықты жері) бойынша Ұлттық бірыңғай тестілеу (бұдан әрі - ҰБТ) ҰБТ өткізу пункттерінде немесе базалық жоғары оқу орындарында "Ұлттық бірыңғай тестілеуді өткізу қағидаларын бекіту туралы" Қазақстан Республикасы Білім және ғылым министрінің 2017 жылғы 2 мамырдағы № 204 бұйрығымен бекітілген Ұлттық бірыңғай тестілеуді өткізу қағидаларына (Нормативтік құқықтық актілерді мемлекеттік тіркеу тізілімінде № 15173 болып тіркелді) сәйкес екі блок бойынша тапсырады:
1-блок - Қазақстан тарихы, математикалық сауаттылық және оқу сауаттылығы (оқу тілі);
2-блок - екі бейіндік пән, кандидат оларды осы Қағидаларға 1-1-қосымшаға сәйкес ІІМ әскери, арнаулы оқу орындары білім беру бағдарламаларының тізбесіне (бұдан әрі - Білім беру бағдарламаларының тізбесі) сәйкес мамандығына қарай өзі таңдайды.";
19-тармақ мынадай редакцияда жазылсын:
"19. Дене шынықтыру даярлығы бойынша нормативтерге енгізілген жаттығулардың барлық түрлерін кандидаттар мынадай реттілікпен екі күнтізбелік күн ішінде орындайды: 100 метрге жүгіру, белтемірге тартылу, 3000 метрге жүгіру.";
22-тармақ мынадай редакцияда жазылсын:
"22. Егер кандидат 3 жаттығудың қосындысы бойынша кемінде орташа 20 балл жинаса, бұл ретте кемінде 20 балл нәтижесі бар бір жаттығуды орындауға рұқсат беріледі, әскери оқу орындарына кандидаттарға арналған дене шынықтыру даярлығы бойынша нормативтер тапсырылған болып есептеледі.";
3-тараудың атауы мынадай редакцияда жазылсын:
"3-тарау. ІІМ арнаулы оқу орындарына қабылдау тәртібі";
37, 38, 39 және 40-тармақтар мынадай редакцияда жазылсын:
"37. ІІМ арнаулы оқу орындарына күндізгі оқыту нысаны бойынша орта білімі бар, он алты жасқа толған, жеке, моральдық, іскерлік, кәсіби қасиеттері, денсаулығы мен дене шынықтыру, білім деңгейі бойынша оларға жүктелген лауазымдық міндеттерді орындауға қабілетті Қазақстан Республикасының азаматтары қабылданады.
ІІМ арнаулы оқу орындарына қысқартылған мерзіммен білім беру бағдарламалары бойынша күндізгі оқуға "Құқық", "Құқықтану" мамандықтары бойынша жоғары білімі бар адамдарды қоспағанда, Қазақстан Республикасының жоғары білімі бар азаматтары қабылданады.
ІІМ арнаулы оқу орындарына қашықтықтан оқыту технологиясын қолдана отырып, қысқартылған мерзіммен білім беру бағдарламалары бойынша оқуға "Құқық", "Құқықтану" мамандықтар бойынша жоғары білімі бар адамдарды қоспағанда, техникалық және кәсіби, орта білімнен кейінгі немесе жоғары білімі бар ішкі істер органдарының қызметкерлері және қызметшілері қабылданады.
38. ІІМ арнаулы оқу орындары осы Қағидаларға 1-1-қосымшада көрсетілген Білім беру бағдарламалары тізбесіне сәйкес кадрлар даярлауды жүзеге асырады.
39. ІІМ арнаулы оқу орындарына оқуға түсуге ниет білдірген азаматтар арнаулы оқу орындарының не болмаса тұрғылықты жері бойынша полиция департаменттерінің, көліктегі полиция департаменттерінің, қылмыстық-атқару жүйесі департаменттерінің, төтенше жағдайлар департаменттерінің (бұдан әрі - (К) ПД, ҚАЖД, ТЖД) кадр қызметтеріне еркін нысанда өтініш береді.
ІІМ арнаулы оқу орындарының ресми интернет-ресурсы арқылы электронды форматта өтініш беруге жол беріледі.
Өтінішке қоса (қағаз немесе электронды форматта):
1) жеке куәлігінің көшірмесі;
2) фотосуреттер (бас киімсіз, өлшемі 3,5х4,5 см алты фотосурет, өлшемі 10х12 см бір фотосурет);
3) өз қолымен толтырылған өмірбаян;
4) білімі туралы аттестатының немесе дипломының көшірмесі;
5) "Білім алуды аяқтамаған адамдарға берілетін анықтама нысанын бекіту туралы" Қазақстан Республикасы Білім және ғылым министрінің 2009 жылғы 12 маусымдағы № 289 бұйрығымен (Нормативтік құқықтық актілерді мемлекеттік тіркеу тізілімінде № 5717 болып тіркелген) бекітілген нысан бойынша білім алуды аяқтамаған адамдарға берілетін анықтама ұсынылады.
40. ІІМ кадр қызметі ІІО аумақтық бөліністері үшін кандидаттарды ІІМ арнаулы оқу орындарына оқуға жіберу бойынша жоспар әзірлейді беріледі.";
43, 44 және 45-тармақтар мынадай редакцияда жазылсын:
"43. Аумақтық ІІО-ның бөліністерінің кадр қызметтері кандидаттардың оқуға қалыптастырылған жеке істерін оқуға түсетін жылдың 1 шілдесіне дейін ІІМ арнаулы оқу орындарына жолдайды.
Тікелей арнаулы оқу орнына өтінішпен жүгінген оқуға кандидаттың (сондай-ақ электронды форматта) жеке ісін арнаулы оқу орынның кадр қызметі оқуға түсетін жылдың 1 шілдесіне дейін қалыптастырады.
44. Аумақтық ІІО және ІІМ арнаулы оқу орындарының кадр қызметтері кандидаттарға ІІМ арнаулы оқу орындарына оқуға қабылдау мерзімдері туралы хабарлайды.
45. Қашықтықтан оқыту технологияларын қолдана отырып, қысқартылған оқу мерзімімен білім беру бағдарламалары бойынша оқуға кандидаттың жұмыс орны бойынша кадр қызметі оқу істерін қалыптастырады және оқуға қабылдайтын жылдың 1 шілдесіне дейін ІІМ-нің арнаулы оқу орнына жібереді.
Оқу істерінде:
1) қызметкердің баянаты (еркін нысанда);
2) Қазақстан Республикасы Ішкі істер министрінің 2015 жылғы 7 желтоқсандағы № 1000 бұйрығымен бекітілген ішкі істер органдарына қызметке (оқуға) қабылданатын кандидаттарды іріктеу және алдын ала зерделеуді жүзеге асыру қағидаларына 2-қосымшаға сәйкес кадрларды есепке алу бойынша жеке парағы (Нормативтік құқықтық актілерді мемлекеттік тіркеу тізілімінде № 12555 болып тіркелді);
3) оқуға жіберу туралы ұсынымы бар қызметтік мінездеме (ерікті нысанда);
4) жеке куәлігінің көшірмесі;
5) білім туралы құжаттың көшірмесі;
6) ҰБТ сертификаты (техникалық, кәсіби, орта білімнен кейінгі білімі бар кандидаттарға);
7) өлшемі 3х4 см алты фотосуреті;
8) Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) 086-У медициналық анықтаманы қамтиды.";
46-тармақ мынадай редакцияда жазылсын:
"46. ІІМ арнаулы оқу орындарына оқуға қабылдауды ұйымдастыруды арнаулы оқу орнының қабылдау комиссиясы (бұдан әрі - қабылдау комиссиясы) жүзеге асырады.
Қабылдау комиссиясының құрамы арнаулы оқу орны бастығының бұйрығымен бекітіледі және арнаулы оқу орындарының, ПД, ҚАЖД, ТЖД қызметкерлері қатарынан қалыптастырылады. Мемлекеттік органдардың, қоғамдық ұйымдардың, бұқаралық ақпарат құралдарының өкілдері арнаулы оқу орнының шақыруы бойынша бақылаушы ретінде қатыса алады. ІІМ құрылымдық бөліністерінің өкілдері ІІМ басшылығының тапсырмасы бойынша бақылаушы ретінде қатыса алады.
Қабылдау комиссиясы мүшелерінің жалпы саны тақ саннан тұрады. Комиссияны төраға басқарады.
Қабылдау комиссиясының төрағасы ІІМ арнаулы оқу орнының бастығы болып табылады.
Қабылдау комиссиясының төрағасы қабылдау комиссиясының қызметіне басшылық етеді, оның мүшелерінің өкілеттігін белгілейді және осы комиссияның жұмыс жоспарын бекітеді.
Қабылдау комиссиясының хатшысы Қазақстан Республикасы Ішкі істер министрінің 2020 жылғы 13 наурыздағы № 210 бұйрығына сәйкес (нормативтік құқықтық актілерді мемлекеттік тіркеу тізілімінде № 20138 болып тіркелген) арнаулы оқу орнының құрылымдық бөліністерінің басшы құрамы қатарынан тағайындалады, оған қабылдау комиссиясына жүктелген функцияларды іске асыру бойынша құжаттарды, отырыстарға материалдарды, сондай-ақ олардың жұмысы туралы есеп жобасын әзірлеу жүктеледі.
Қабылдау комиссиясы хатшысының орынбасары және техникалық топтың техникалық хатшылары оқуға түсетін кандидаттардың жеке және оқу істерін ресімдеу және өңдеу үшін тағайындалады.
Қабылдау комиссиясының шешімі қабылдау комиссиясы мүшелерінің кемінде үштен екісі болған кезде қарапайым көпшілік дауыспен қабылданады.
Дауыстар тең болған жағдайда қабылдау комиссиясы төрағасының дауысы шешуші болып табылады.
Қабылдау комиссиясы:
1) кандидаттардың жеке істерін қарауды жүзеге асырады;
2) түпкілікті медициналық куәландыруды жүргізеді, кандидаттардың дене шынықтыру даярлығын тексереді;
3) конкурстық тізімдерді және кандидаттарды курсанттар қатарына тіркеу туралы қабылдау комиссиясының хаттамасын осы Қағидаларға 2-қосымшаға сәйкес нысан бойынша дайындайды;
4) конкурстық іріктеу жүргізеді;
5) конкурстық іріктеу қорытындылары бойынша курсанттар қатарына қабылдау немесе қабылдаудан бас тарту туралы шешім қабылдайды;
6) кандидаттарды қабылдау қорытындыларына талдау жасайды және осы жұмысты одан әрі жетілдіру бойынша шаралар әзірлейді;
7) оқуға қабылдау мәселелері бойынша шағымдар мен өтініштерді қарайды.";
48-тармақ алынып тасталсын;
49-тармақ мынадай редакцияда жазылсын:
"49. Кандидаттармен ІІМ арнаулы оқу орындарына азаматтар қатарынан оқуға қысқартылған мерзіммен білім беру бағдарламалары бойынша күндізгі оқуға медициналық куәландырудан, дене шынықтыру даярлығын тексеру және әңгімелесуден тұратын кәсіптік іріктеу жүргізіледі.
Қашықтықтан білім беру технологияларын қолдану арқылы қысқартылған оқу мерзімімен білім беру бағдарламалары бойынша оқуға кандидаттар әңгімелесуден өтеді.
Әңгімелесу ішкі істер органдарының қызметін регламенттейтін қолданыстағы заңнаманы білуін тексеру үшін өткізіледі.
Қызметтегі ІІО қызметкерлері қатарынан оқуға кандидаттар медициналық куәландырудан және дене шынықтыру дайындығын тексеруден босатылады.";
53 және 54-тармақтар мынадай редакцияда жазылсын:
"53. Дене шынықтыру даярлығы бойынша нормативтер кандидаттардың мынадай спорттық жаттығу түрлерін орындауын көздейді:
100 метрге жүгіру (ұлдар, қыздар);
1000 (кросс) метрге жүгіру (қыздар);
биік белтемірге тартылу (ұлдар);
1 минут ішінде арқаға жатып денені көтеру (қыздар).
54. Спорттық жаттығуларды орындау шарттары: 100, 1000 метрге жүгіру стадионның жүгіру жолында немесе кез келген тегіс жерде өткізіледі;
биік белтемірге тартылу бастапқы орнынан тартылған қалпы жоғарыдан ұстап (бас бармақ астыңғы жақта) жерге аяғын тигізбей орындалады. Иегін бел темірден асырып, әрбір орындау кезінде қозғалмайтын қалыпта, тартылған қалпы қолдары түзу, аяқтарын жұлқымай және серіппей орындаған кезінде жаттығу орындалды деп есептеледі. Тартылып тұру қалпында орнынан 5 секундтан артық тоқтауға (демалуға) және тартылуды шайқалудан бастауға жол берілмейді;
денені көтеру арқада жатқан бастапқы қалпынан, қолдың иығына немесе бекітпеге жатып, тізеге шынтағымен жанасқанға дейін (аяқтарды елеусіз бүгуге рұқсат етіледі) дененің алға еңкеюімен, бастапқы қалыпқа оралған кезде тірекке жауырынмен жанасу қажет. Жаттығу 1 минут ішінде тоқтаусыз орындалады.
Жаттығуды орындауды бұзған жағдайда "саналмасын" командасы беріледі. Егер жаттығу үш реттен артық қате орындалса, кандидат жаттығуды орындаудан шығарылады.";
57 және 58-тармақтар мынадай редакцияда жазылсын:
"57. Дене шынықтыру даярлығы нормативтеріне сәйкес енгізілген спорттық жаттығулардың әрбір түрі жеке тапсырылады. Бір күнде екі жаттығудан артық орындауға рұқсат етілмейді, бұл ретте кросс 1000 метрге жүгіру келесі күні басқа жаттығулардан бөлек орындалады.
58. Биік бел темірден тартылу, арқаға жатып денені көтеру және 100 метрге жүгіру бойынша дене шынықтыру даярлығы бойынша нормативтерін орындау үшін біруақытта 3 кандидатқа дейін қатыса алады. 1000 метрге жүгіруге (кросс) бір уақытта кемінде 10 адамға дейін қатыса алады.";
66, 67 және 68-тармақтар мынадай редакцияда жазылсын:
"66. ІІМ арнаулы оқу орындарына қабылдау медициналық, дене шынықтыру және кәсіби көрсеткiштері бойынша іріктеу қорытындыларын ескере отырып, ҰБТ қорытындылары бойынша сертификат балдарына сәйкес конкурс бойынша жүргiзiледi.
Қабылдау комиссиясы конкурстық іріктеу қорытындысы бойынша кандидатты курсант қатарына қабылдау немесе қабылдамау туралы шешімді кандидатқа қабылдау комиссиясының отырысында жариялайды.
67. ҰБТ нәтижелері бойынша ІІМ арнаулы оқу орындарының курсанттары қатарына қабылдау бойынша конкурсқа қатысу үшін қажетті балдардың саны № 58 қаулымен белгіленеді.
68. Арнаулы оқу орындарына қысқартылған мерзімге оқуға қабылдау кәсіби іріктеу нәтижелері жөніндегі конкурс бойынша жүргізіледі.
Қашықтықтан оқыту технологиясын қолдана отырып, қысқартылған білім беру бағдарламалары бойынша оқуға арнайы оқу орындарына қабылдау әңгімелесу нәтижелері бойынша конкурс арқылы жүргізіледі.";
71-тармақ мынадай редакцияда жазылсын:
71. ҰБТ сертификаттарының балдары бiрдей болған жағдайда оқуға қабылдауға мыналардың:
жетiм балалар мен ата-анасының қамқорлығынсыз қалған балалар;
кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасы азаматтары;
үздік білімі туралы құжаттары (аттестаттары, куәліктері, дипломдары) бар адамдар;
кадеттік оқу орындарының, әскери мектеп-интернаттардың негізгі білім беру бағдарламаларын аяқтағаны туралы не болмаса әскери-патриоттық немесе заңгерлік бағыттағы қосымша білімін растайтын құжаттары бар адамдар;
спорттық дәрежесін, республикалық немесе халықаралық жарыстарда, орындаушылар конкурстарында, жалпы білім беретін пәндер бойынша халықаралық, президенттік немесе республикалық олимпиадаларда жүлделі орын алғанын растайтын құжаттары бар адамдар;
жоғары білімді алғаш рет алатын жағдайда ішкі істер органдарының қызметкерлері басым құқыққа ие болады.
Балдардың көрсеткіштері бірдей болған жағдайда және басым құқығы болмаған жағдайда аттестаттың, куәліктің немесе дипломның орта балдары жоғары адамдар қабылданады.
Балдардың көрсеткіштері бірдей болған жағдайда және басым құқығы болмаған жағдайда, сондай-ақ аттестаттың, куәліктің немесе дипломның орташа балдары бірдей болған жағдайда бейіндік пәндер бойынша алған балдары ескеріледі.";
74-тармақ мынадай редакцияда жазылсын:
"74. ІІМ арнаулы оқу орындары ІІМ кадр қызметіне оқуға қабылдауды өткізгеннен кейiн күнтізбелік он күн ішінде оқуға қабылдауды ұйымдастыру және өткiзу бойынша қорытынды есепті, сондай-ақ курсанттарды оқуға қабылдау туралы бұйрықтардың көшiрмелерін ұсынады.";
Қағидаларға 1-1-қосымша осы бұйрыққа 1-қосымшаға сәйкес жаңа редакцияда жазылсын;
Қағидаларға 8-қосымша осы бұйрыққа 2-қосымшаға сәйкес жаңа редакцияда жазылсын.
2. Қазақстан Республикасы Ішкі істер министрлігінің Кадр саясаты департаменті Қазақстан Республикасының заңнамасымен белгіленген тәртіпте:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Ішкі істер министрлігінің интернет-ресурсында орналастыруды;
3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде осы бұйрықтың 2-тармағының 1) және 2) тармақтарында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігі Заң департаментіне ұсынуды қамтамасыз етсін.
3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткеннен соң қолданысқа енгізіледі.
| Қазақстан Республикасы Ішкі істер Министрі | Е. Тургумбаев |
Қазақстан Республикасы Ішкі істер министрлігінің әскери, арнаулы оқу орындарының білім беру бағдарламаларының тізбесі
№ | Даярлау бағыттары (білім беру бағдарламаларының топтары) | Білім беру бағдарламалар | Күндізгі оқыту | |
Бейіндік пәндер комбинациясы | ||||
1 бейіндік пән | 2 бейіндік пән | |||
1-бөлім. Қазақстан Республикасы Ішкі істер министрлігінің әскери оқу орындары | ||||
1. | 6B123 Қоғамдық қауіпсіздік | 6В12192 Ұлттық ұланның командалық тактикалық | Математика | Физика |
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
6В12193 Тәрбие және әлеуметтік-құқықтық жұмыстар командалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
6В12194 Әскерді инженерлік-техникалық қамтамасыз етудің командалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | Тарих | |||
Шетел тілі | Тарих | |||
6В12195 Әскерді зымыран- артиллериялық қамтамасыз етудің командалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
6В12196 Ұлттық ұланның автомобильдік қамтамасыз етудің командалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
6В12197 Ұлттық ұланды тылмен қамтамасыз етудің командалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
6В12198 Байланыс әскерінің командикалық тактикалық | Математика | Физика | ||
Математика | География | |||
Тарих | Адам. Қоғам. Құқық | |||
Тарих | География | |||
Шетел тілі | Тарих | |||
2-бөлім. Қазақстан Республикасы Ішкі істер министрлігінің арнаулы оқу орындары | ||||
2. | 6B123 Қоғамдық қауіпсіздік | 6В12301 Құқық қорғау қызметі | "Ұлттық бірыңғай тестілеуді өткізу қағидаларын бекіту туралы" Қазақстан Республикасы Білім және ғылым министрінің 2017 жылғы 2 мамырдағы № 204 бұйрығымен бекітілген Ұлттық бірыңғай тестілеуді өткізу қағидаларына (Нормативтік құқықтық актілерді мемлекеттік тіркеу тізілімінде № 15173 болып тіркелді) 5-қосымшаға сәйкес кез-келген нұсқадағы екі профильдік пән (шығармашылық емтиханнан басқа) | |
6В12302 Өрт қауіпсіздігі | Математика | Физика | ||
6В12303 Төтенше жағдайларда қорғау | Математика | Физика | ||
6В12304 Өрт сөндіру және авариялық-құтқару ісі | Математика | Физика | ||
6В12191 Азаматтық қорғаныс күштерінің командалық тактикалық | Математика | Физика | ||
3. | 6В061 Ақпараттық-коммуникативтік технологиялар | 6В06101 Ақпараттық жүйелер | Математика | Физика |
4. | 6В062 Телекоммуникациялар | 6В06201 Радиотехника, электроника и телекоммуникациялар | Математика | Физика |
5. | 6В011 Педагогика және психология | 6В01101 Ішкі істер органдарындағы педагогика және психология | Биология | География |
6. | 6В102 Әлеуметтік қамтамасыз ету | 6В10201 Ішкі істер органдарындағы әлеуметтік қамтамасыз ету | Биология | География |
ІІМ арнаулы оқу орындарына кандидаттарға арналған дене шынықтыру даярлығы бойынша нормативтер
Жігіттер үшін
№ | Тест атауы | Баға | ||
өте жақсы | жақсы | қанағаттанарлық | ||
1. | 100 метрге жүгіру (сек.) | 14.0 | 14.5 | 15.0 |
2. | 1000 метрге жүгіру (мин/сек.) | 3.40 | 3.50 | 4.00 |
3. | Тартылу (тартылу саны) | 11 | 9 | 7 |
Қыздар үшін
№ | Тест атауы | Баға | ||
өте жақсы | жақсы | қанағаттанарлық | ||
1. | 100 метрге жүгіру (сек.) | 16.0 | 16.5 | 17.0 |
2. | 1000 метрге жүгіру (мин/сек.) | 4.40 | 5.00 | 5.20 |
3. |
1 минут ішінде шалқадан жатып кеудені көтеру | 35 | 30 | 25 |
Ескертпе:
Егер талапкер жаттығулардың біреуінен "қанағаттанарлықсыз" деген баға алып, қалғандарынан "жақсы" деген баға алса, ІІМ арнаулы оқу орындарына түсушілер үшін дене шынықтыру нормативтері тапсырылды деп есептеледі.
Мысалы: Тартылу - "жақсы", 100 метрге жүгіру - "жақсы", 1000 метрге жүгіру - "қанағаттанарлықсыз" - дене шынықтыру даярлығы бойынша нормативтер тапсырылды.
Тартылу - "өте жақсы", 100 метрге жүгіру - "қанағаттанарлық", 1000 метрге жүгіру "қанағаттанарлықсыз" - нормативтер тапсырылған жоқ.
