"Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексі 90-бабының 4-тармағына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес, Қазақстан Республикасының азаматтарын алғашқы көмек көрсету дағдыларына оқыту қағидалары;
2) осы бұйрыққа 2-қосымшаға сәйкес, алғашқы көмек көрсетілетін шұғыл және кезек күттірмейтін жағдайлардың тізбесі бекітілсін.
2. Қазақстан Республикасы Денсаулық сақтау министрлігінің Медициналық көмекті ұйымдастыру департаментіне Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты ресми жарияланғаннан кейін Қазақстан Республикасы Денсаулық сақтау министрлігінің интернет-ресурсында жариялауды;
3) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалу туралы мәліметтерді ұсынуды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.
5. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.
|
Қазақстан Республикасы Денсаулық сақтау министрі |
А. Цой |
| Қазақстан Республикасы Денсаулық сақтау министрі 2020 жылғы 19 қазаны № ҚР ДСМ-138/2020 Бұйрыққа 1-қосымша |
Қазақстан Республикасының азаматтарын алғашқы көмек көрсету дағдыларына оқыту қағидалары
1-тарау. Жалпы ережелер
1. Осы Қазақстан Республикасының азаматтарын алғашқы көмек көрсету дағдыларына оқыту қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексі (бұдан әрі - Кодекс) 90-бабының 4-тармағына сәйкес әзірленді.
2. Осы Қағидаларда мынадай ұғымдар пайдаланылады:
1) алғашқы көмек – бұл оқиға орнында зардап шегушінің өзі (өзіне-өзі көмек көрсету) немесе жақын жердегі басқа адам (өзара көмек) медицина қызметкерлері келгенге дейін жүргізетін, шұғыл жағдайлар кезінде адамның өмірін құтқаруға, асқынулардың алдын алуға арналған, сондай-ақ кезек күттірмейтін жағдай кезінде зардап шегушінің денсаулығы мен өміріне қауіп-қатерді төмендету мақсатындағы жедел базалық іс-шаралар кешені.
2) алғашқы көмек бойынша сертификатталған жаттықтырушы – алғашқы көмек пен базалық жүрек-өкпе реанимациясы бойынша қосымша даярлықтан өткен адам;
3) алғашқы көмекті оқыту бойынша нұсқаушы – алғашқы көмек көрсету бойынша нұсқаушы сертификатын бере отырып, уәкілетті орган бекіткен алғашқы көмек бойынша нұсқаушыларды даярлаудың арнайы бағдарламасы бойынша оқытудан өткен, халықты алғашқы көмек көрсету дағдыларына оқытуға уәкілетті медициналық білімі бар адам;
4) сертификат – алғашқы көмек бойынша оқудан өту фактісін растайтын белгіленген үлгідегі құжат.
2-тарау. Адамдарды алғашқы көмек көрсету дағдыларына оқытуды жүргізу тәртібі
3. Азаматтарды алғашқы көмек көрсету дағдыларына оқытуды сертификатталған жаттықтырушылар мен нұсқаушылар жүзеге асырады.
4. Қазақстан Республикасының азаматтарына алғашқы көмек көрсету дағдыларын алғашқы көмек көрсету бойынша сертификатталған жаттықтырушылар мен нұсқаушыларды даярлауды Кодекстің 90-бабының 2-тармағына сәйкес айқындайтын талаптарға сәйкес келетін "Денсаулық сақтау" және (немесе) "Денсаулық сақтаумен және әлеуметтік қамсыздандырумен (медицина) байланысты пәнаралық бағдарламалар" даярлық бағыттары бойынша білім беру бағдарламаларын іске асыратын білім беру ұйымдарының оқу бағдарламаларына және оқу жоспарларына сәйкес денсаулық сақтау саласындағы білім беру ұйымдары жүзеге асырады.
5. Азаматтарды алғашқы көмек көрсету дағдыларына оқыту шарт негізінде сертификатталған жаттықтырушылар мен нұсқаушыларды шақыру есебінен мүдделі ұйымдарда көшпелі оқытуды жүргізу мүмкіндігімен денсаулық сақтау саласындағы білім беру ұйымдарында жүргізіледі.
6. Осы қағидаларға 1-қосымшаға сәйкес оқыту алғашқы көмек көрсету дағдыларына оқытуға арналған симуляциялық жабдықтар тізбесін пайдалана отырып, теориялық дайындық пен практикалық сабақтар нысанында жүргізіледі.
7. Оқытуды жүргізу үшін Кодекстің 90-бабының 6-тармағына сәйкес оқу-көрсету жиынтықтары пайдаланады.
8. Халықты алғашқы көмек көрсету қағидаларына оқыту денсаулық сақтау саласындағы білім беру ұйымы әзірлеген және бекіткен жұмыс оқу бағдарламасы бойынша жүргізіледі.
9. Осы қағидаларға 2-қосымшаға сәйкес, алғашқы көмек көрсету дағдылары бойынша оқудан өткен адамдарға сертификат беріледі.
| Қазақстан Республикасының азаматтарын алғашқы көмек көрсету дағдыларына оқыту қағидаларына 1-қосымша |
Алғашқы көмек көрсету дағдыларына оқытуға арналған симуляциялық жабдықтардың тізбесі
1. Кеуде қуысының экскурсиясымен ауаның кіруін имитациялайтын манекендер-тренажерлер (ересек, жасөспірім, бала).
2. Манекендерге арналған батарейкалар.
3. Ырғақты симуляторы және дефибрилляторға жаттығушы электродтары бар автоматты сыртқы дефибриллятор (бұдан әрі - АСД)
4. АСД түріне сәйкес келетін АСД арналған батарейкалар.
5. Жасанды тыныс алу дағдыларын дамытуға арналған тосқауыл қорғаныс құралдары: көп рет қолданылатын бет маскалары (Pocket mask) және оларға бір рет қолданылатын сүзгілер; бір рет қолданылатын бет экрандары және т.б. (қатысушылар саны бойынша)
6. Көп реттік пайдаланылатын, алынып салынатын маскалары бар Амбу силиконды тыныс алу қабы (көлемдері - ересектерге, балаларға, неонаталды)
7. Барлық манекендерге арналған алынбалы өкпелер жиынтығы.
8. Манекендер мен жабдықтарды өңдеуге арналған дезинфектанттар (антисептиктер, алкогольді және дымқыл майлықтар, дөңгелек мақталар).
9. Магниттік-маркерлік тақта, маркерлер және басқа да кеңсе керек-жарақтары.
10. Шығын материалдары: гемостатикалық турникеттер мен турникеттер, таңу материалдары, шарфтар, шиналар, имитацияға арналған макияж және төтенше жағдайларды модельдеуге арналған басқа материалдар, қолғаптар.
11. Кілемдер, көрпелер.
12. Ұйымдастыру техникасы (ноутбук, мультимедиялық проектор, фотоаппарат, экран, электрондық тасымалдағыштағы оқыту материалы).
| Қазақстан Республикасының азаматтарын алғашқы көмек көрсету дағдыларына оқыту қағидаларына 2-қосымша |
|
| Нысан |
________________________________________________
(оқытатын ұйымның атауы)
Алғашқы көмек көрсету дағдыларына оқытудан өту туралы сертификат
№ ____
Берілді _________________________________________________________
Осы құжат бойынша куәландырады, бұл_____________________________
_______________________________________________________________
(тегі, аты, әкесінің аты (болған жағдайда)
Алғашқы көмек көрсету бойынша дайындықтан өтті___________________
________________________________________________________________
(оқытатын ұйымның атауы)
жалпы көлемде _____________________ сағат
бастап "_______" бойынша "_______" ____________ 20__ жылы
___________________________________
(Т.А.Ә (болған жағдайда), басшының қолы)
М.О. (болған жағдайда)
Берілген күні "____" ______________ 20__ жылы
| Қазақстан Республикасы Денсаулық сақтау министрі 2020 жылғы 19 қазаны № ҚР ДСМ-138/2020 Бұйрыққа 2-қосымша |
Алғашқы көмек көрсетілетін шұғыл және кезек күттірмейтін жағдайлар тізбесі
1. Есінен тану.
2. Тыныс алуының және қанайналымының тоқтатуы.
3. Сыртқы қан кету.
4. Жоғарғы тыныс жолдарындағы бөгде заттар.
5. Бас және дененің әртүрлі аймақтарының жарақаттары.
6. Күйіктер, жоғары температураның әсері, жылу сәулеленуі.
7. Үсік шалу және төмен температуралар әсерінің басқа да әсерлері.
8. Улану.
9. Құрысқақ.
10. Жануарлар мен жәндіктердің шағып алуы.
