Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңының 8-бабына сәйкес, қалалық мәслихат ШЕШІМ ЕТТІ:
1. Бейбіт жиналыстарды ұйымдастыру және өткізу үшін арнайы орындар, бейбіт жиналыстарды ұйымдастыру және өткізу үшін оларды пайдалану тәртібі, олардың шекті толу нормаларын, бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар осы шешімнің 1-қосымшасына сәйкес айқындалсын.
2. Пикеттеуді өткізуге тыйым салынған іргелес аумақтардың шекаралары осы шешімнің 2-қосымшасына сәйкес айқындалсын.
3. Шахтинск қалалық мәслихатының 2016 жылғы 28 қыркүйектегі № 1341/7 "Шахтинск аймағының аумағында бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы" шешімінің (Нормативтік құқықтық актілерді мемлекеттік тіркеу тізілімінде № 3989 болып тіркелген, 2016 жылғы 25 қазанда "Әділет" ақпараттық-құқықтық жүйесінде, 2016 жылғы 21 қазандағы "Шахтинский вестник" газетінің №42 санында жарияланған) күші жойылды деп танылсын.
4. Осы шешім алғашқы ресми жарияланған күнінен кейін он күнтізбелік күн өткен соң қолданысқа енгізіледі.
| Сессия төрағасы | М. Кадырова |
| Шахтинск қалалық мәслихатының хатшысы | Ж. Мамерханова |
| Шахтинск қалалық | |
| мәслихатының | |
| 2020 жылғы 20 шілдесі | |
| № 1742/40 | |
| Шешімге 1 қосымша |
Бейбіт жиналыстарды ұйымдастыру және өткізу үшін арнайы орындар, пайдалану тәртібі және олардың шекті толу нормалары, арнайы орындарды материалдық-техникалық және ұйымдастырушылық қамтамасыз етуге қойылатын талаптар
1. Шахтинск қаласында бейбіт жиналыстар ұйымдастыру және өткізу үшін арнайы орындар мен олардың шекті толу нормалары төмендегідей айқындалсын:
1) Шахтинск қаласы - Парковая, Торговая көшелері және Абай Құнанбаев даңғылының қиылысы. Шекті толу нормасы-1000 адам;
2) Шахтинск қаласы - "Техника в быту" сауда үйінің артындағы алаң (қалалық саябақтың аумағы). Шекті толу нормасы -500 адам;
3) Долинка кенті - Долинка кентінің Саяси қуғын-сүргін құрбандарын еске алу мұражайы ғимаратының алдындағы алаң, Школьная көшесі 39 үй. Шекті толу нормасы -200 адам;
4) Новодолинский кенті - "Новодолинский кентінің мәдениет сарайы" коммуналдық мемлекеттік қазыналық кәсіпорнының алдындағы алаң, Школьная көшесі, 3 үй. Шекті толу нормасы - 200 адам;
5) Шахан кенті - 11/17 кварталының аумағындағы алаң, 20-21 үйлер. Шекті толу нормасы - 700 адам.
Ымырт жағдайында бейбіт жиналыстар өткізуге арналған арнайы орындар жарықпен қамтамасыз етілуге тиіс.
Шахтинск қаласында шерулер мен демонстрациялардың маршруттары:
Қазақстан және Бирюзова көшелерінің қиылысынан Бирюзова көшесі мен Абай Құнанбаев даңғылының қиылысына дейін.
2. Ұйымдастырушы мен оның қатысушылары бейбіт жиналыстар өткізуге арналған арнайы орындарды мынадай тәртіппен пайдаланылады:
1) хабарламада көрсетілген уақыт бойы жиналыс үшін арнайы орын аумағында болады;
2) ғимараттардың, құрылыстардың, шағын сәулет нысандарының, жасыл екпелердің, сондай-ақ өзге де мүліктің сақталуын қамтамасыз етеді;
3) қауіпсіздік техникасының санитарлық нормалары мен ережелерін, қоғамдық тәртіпті сақтау жөніндегі Қазақстан Республикасының заңнамасын сақтайды.
| Шахтинск қалалық | |
| мәслихатының 2020 жылғы 20 шілдесі № 1742/40 Шешімге 2 қосымша |
Пикеттеуді өткізуге тыйым салынған іргелес аумақтардың шекаралары
Ескерту. 2-қосымша жаңа редакцияда – Қарағанды облысы Шахтинск қалалық мәслихатының 27.03.2024 № 322/9 шешімімен (оның алғашқы ресми жарияланған күнінен кейін он күнтізбелік күн өткен соң қолданысқа енгізіледі).
Шахтинск қаласының келесі объектілерінің іргелес аумақтарынан кемінде 800 метр қашықтықта пикеттеуді өткізу шекаралары:
1) жаппай жерлеу орындары;
2) теміржол, су, әуе және автомобиль көлігі объектілерінде және оларға іргелес жатқан аумақтары;
3) мемлекеттің қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес жатқан аумақтары;
4) қауіпті өндірістік объектілерге және пайдалануы арнайы қауіпсіздік техникасы қағидаларын сақтауды талап ететін өзге де объектілерге іргелес жатқан аумақтары;
5) магистральдық теміржол желілер, магистральдық құбыржолдар, ұлттық электр желілері, магистральдық байланыс желілері және оларға іргелес жатқан аумақтары.
