"Қазақстан Республикасының әкімшілік-аумақтық құрылысы туралы" Қазақстан Республикасының 1993 жылғы 08 желтоқсандағы Заңының 14-бабының 4) тармақшасына және Облыстық ономастика комиссиясының 2019 жылғы 10 желтоқсандағы №3 қорытындысына сәйкес, Байкенже ауылдық округінің әкімі ШЕШІМ ҚАБЫЛДАДЫ:
1. Байкенже ауылдық округі Байкенже ауылының келесі көшелеріне:
1) Байкенже ауылының кіре беріс бөлігінде орналасқан атауы жоқ көшеге "Қожамберді батыр" есімі;
2) Қ.Сіргебайұлы және А.Дүйсенұлы көшелерімен перпендикуляр орналасқан атауы жоқ көшеге "Тұрдан Өмірбайұлы" есімі;
3) Ө.Өткелбайұлы көшесінен басталатын және А.Дүйсенұлы көшесімен қиылысатын атауы жоқ көшеге "Өтебай Дүйсенов" есімі;
4) атауы жоқ 5-көшеге "Орал палуан" есімі;
5) атауы жоқ 6-көшеге "Смайыл Жандарбеков" есімі берілсін.
2. Осы шешімнің орындалуын бақылауды өзіме қалдырамын.
3. Шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Байкенже ауылдық округінің әкімі | Н. Оспанов |
