ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін - өзі басқару туралы" Заңының 35 – бабының 2 – тармағына, Қазақстан Республикасының 1993 жылғы 8 желтоқсандағы "Қазақстан Республикасының әкiмшiлiк - аумақтық құрылысы туралы" Заңының 14 – бабы 4) тармақшасына сәйкес, Ново - Хайрузовка ауылының тұрғындарының пікірлерін және Шығыс Қазақстан облыстық ономастикалық комиссиясының 2019 жылғы 11 желтоқсандағы № 03-18/805 қорытындысын есепке ала отырып, Ново – Хайрузовка ауылдық округінің әкімі ШЕШІМ ҚАБЫЛДАДЫ:
1. Шығыс Қазақстан облысы Катонқарағай ауданы Ново - Хайрузовка ауылдық округі Ново - Хайрузовка ауылының келесі көшелері қайта аталсын:
1) "Ленина" көшесі "Павел Полькин" көшесіне;
2) "50 лет Октября" көшесі "Сәкен Сейфуллин" көшесіне;
3) "Первомайская" көшесі "Мұхтар Әуезов" көшесіне.
2. Шығыс Қазақстан облысы Катонқарағай ауданы Ново-Хайрузовка ауылдық округі Приморское ауылының келесі көшесі қайта аталсын:
1) "Советская" көшесі "Әлия Молдағұлова" көшесіне.
3. Шығыс Қазақстан облысы Катонқарағай ауданы Ново-Хайрузовка ауылдық округі Алыбай ауылының келесі көшесі қайта аталсын:
1) "Красноярская" көшесі "Қызылжар" көшесіне.
4. "Шығыс Қазақстан облысы Катонқарағай ауданы Ново-Хайрузовка ауылдық округі әкімінің аппараты" мемлекеттік мекемесі Қазақстан Республикасының заңнамалық актілерінде белгіленген тәртіпте:
1) осы шешімнің аумақтық әділет органында мемлекеттік тіркелуін;
2) осы шешім мемлекеттік тіркелген күнінен бастап күнтізбелік он күн ішінде оның көшірмесін Катонқарағай ауданының аумағында таратылатын мерзімді баспа басылымдарында ресми жариялауға жолданылуын;
3) ресми жарияланғаннан кейін осы шешімді Катонқарағай ауданының әкімдігінің интернет – ресурсына орналастыруын қамтамасыз етсін.
5. Осы шешімнің орындалуын бақылауды өзіме қалдырамын.
6. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ново-Хайрузовка ауылдық округінің әкімі | Л. Мамырханова |
