"Жер қойнауы және жер қойнауын пайдалану туралы" 2017 жылғы 27 желтоқсандағы Қазақстан Республикасы Кодексінің 58-бабының 1-1-тармағына сәйкес БҰЙЫРАМЫН:
1. Осы бұйрыққа қосымшаға сәйкес Жер қойнауын пайдалану жөніндегі операциялардың салдарын жою жөніндегі міндеттемелердің орындалуын қамтамасыз ету мақсатында сақтандыру шартының үлгі нысаны бекітілсін.
2. Қазақстан Республикасы Индустрия және инфрақұрылымдық даму министрлігінің Жер қойнауын пайдалану департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты ресми жарияланғаннан кейін Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
Б. Атамкулов |
"КЕЛІСІЛДІ"
Қазақстан Республикасы
Қаржы нарығын реттеу және дамыту агенттігі
| Қазақстан Республикасы Индустрия және инфрақұрылымдық даму министрінің 2021 жылғы 31 наурыздағы № 148 бұйрығымен бекітілген |
Жер қойнауын пайдалану жөніндегі операциялардың салдарын жою жөніндегі міндеттемелердің орындалуын қамтамасыз ету мақсатында сақтандыру шартының үлгі нысаны
__________ қаласы |
20__ жылғы "____" ________ № ____ |
________________________________________________________________________________________, (сақтандыру ұйымының атауы)
______________________________________________________________________________________ атынан, (уәкілетті тұлғаның лауазымы, тегі, аты және әкесінің аты (бар болған жағдайда) (бұдан әрі – Т. А. Ә.))
_________________________________________________________________________ негізінде әрекет ететін, (жарғының, ереженің немесе сенімхаттың)
20___ жылғы "___" __________ № _______________ "жалпы сақтандыру" саласы бойынша сақтандыру (қайта сақтандыру) қызметін жүзеге асыру құқығына лицензиялар қаржы нарығын және қаржы ұйымдарын реттеу, бақылау және қадағалау жөніндегі уәкілетті орган берген _____________________________________________________________________________________________, және бұдан әрі "Сақтандырушы" деп аталатын_____________________________________________________________________________________, сақтандыру ережелері және _____________________________________________________________________________________________, (жеке тұлғаның толық аты, тегі және әкесінің аты (бар болған жағдайда), жеке сәйкестендіру нөмірі немесе заңды тұлғаның толық атауы, бизнес- сәйкестендіру нөмірі)
___________________________________________________________________________________тұлғасында,(лауазымы, аты, тегі және әкесінің аты (бар болған жағдайда))
бұдан әрі "Сақтандырушы" деп аталатын, екінші тараптан "Тараптар" деп аталатын бірлесіп негізінде қызмет ететін ____________________________________________________________________________________________, (жарғы, лицензия және сенімхат)
1999 жылғы 1 шілдедегі Қазақстан Республикасы Азаматтық Кодексі (бұдан әрі– Азаматтық кодекс ) (Негізгі бөлім), "Жер қойнауы және жер қойнауын пайдалану туралы" 2017 жылғы 27 желтоқсандағы Қазақстан Республикасының Кодексі (бұдан әрі – Кодекс), "Сақтандыру қызметі туралы" 2000 жылғы 18 желтоқсандағы Қазақстан Республикасының Заңдары негізінде жер қойнауын пайдалану салдарын жою жөніндегі міндеттерді орындауды қамтамасыз ету мақсаттары үшін төмендегілер туралы осы сақтандыру шартын (бұдан әрі – шарт) жасасты.
1. Шартта пайдаланылатын негізгі ұғымдар
Осы Шартта келесі негізгі ұғымдар пайдаланылады:
1) Пайда алушы-осы Шартқа сәйкес сақтандыру төлемін алушы болып табылатын тұлға;
2) жер қойнауын пайдалануға арналған лицензия – (_________________________________________); (жер қойнауын пайдалануға арналған лицензияның түрі, берілген күні және нөмірі болған кезде немесе осы Шартты жасасу кезінде лицензияның түрі оны бергенге дейін көрсетілсін);
3) сақтандырушы-сақтандыру ұйымы ретінде тіркелген және қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган берген сақтандыру қызметін жүзеге асыру құқығына лицензиясы бар, сақтандыру жағдайы басталған кезде пайдасына осы Шарт жасалған тұлғаға (пайда алушыға) осы шартта айқындалған сақтандыру сомасы шегінде сақтандыру төлемін жүргізуге міндетті заңды тұлға;
4) Сақтанушы – сақтандырушымен осы Шартты жасасқан тұлға (кодекстің 188-бабының 1-тармағына сәйкес хабарлама алған тұлға, жер қойнауын пайдаланушы);
5) сақтандыру жағдайы-туындауымен шарт сақтандыру төлемін жүзеге асыруды көздейтін, Қазақстан Республикасының Жер қойнауы және жер қойнауын пайдалану туралы заңнамасында көзделген тәртіппен және мерзімде жер қойнауы учаскесінде жер қойнауын пайдалану жөніндегі операциялардың салдарын жою жөніндегі міндеттеменің орындалмауы;
6) сақтандыру объектісі-Кодексте белгіленген тәртіппен және мерзімдерде жер қойнауын пайдалану жөніндегі операциялардың салдарын жою жөніндегі өз міндеттемелерін орындауға байланысты сақтанушының мүліктік мүддесі;
7) жер қойнауын пайдалану құқығы-жер қойнауын пайдалануға арналған лицензия бойынша жер қойнауын пайдалану жөніндегі тиісті операцияларды жүзеге асыру үшін сақтанушыға берілетін немесе берілген жер қойнауы учаскесін пайдалану құқығы;
8) сақтандыру сомасы-сақтандыру объектісі сақтандырылған және сақтандыру жағдайы басталған кезде сақтандырушы жауапкершілігінің шекті көлемін білдіретін ақша сомасы;
9) сақтандыру сыйлықақысы-Сақтанушының пайда алушыға осы шартта айқындалған мөлшерде сақтандыру төлемін жүргізу міндеттемелерін қабылдағаны үшін сақтандырушыға төлеуге міндетті ақша сомасы;
10) сақтандыру төлемі-сақтандыру жағдайы басталған кезде сақтандырушы пайда алушыға сақтандыру сомасы шегінде төлейтін ақша сомасы;
11) жер қойнауы учаскесі-сақтанушыға берілетін немесе аумағында жер қойнауын пайдалану жөніндегі тиісті операцияларды жүзеге асыру үшін оның пайдалануындағы жер қойнауы учаскесі:
_________________________________
_________________________________ (жер қойнауын пайдалануға берілетін немесе берілген лицензияның түріне байланысты қатты пайдалы қазбаларды өндіру, кең таралған пайдалы қазбаларды өндіру, жер қойнауы кеңістігін пайдалану немесе кен іздеушілік учаскесі үшін бұрыштық нүктелердің географиялық координаттарын көрсету; немесе қатты пайдалы қазбаларды барлау учаскесі үшін блоктар).
2. Шарттың Мәні
Сақтанушы сақтандыру сыйлықақысын төлеуге міндеттенеді, ал Сақтандырушы сақтандыру жағдайы басталған кезде пайда алушыға осы Шартта көзделген көлемде және шарттарда сақтандыру төлемін жүзеге асыруға міндеттенеді.
3. Пайда алушы
Осы Шарт жасалған жер қойнауын пайдалану жөніндегі операцияларды жүзеге асырудың салдарына байланысты жер қойнауын пайдаланудың тиісті құқығын беретін мемлекеттік орган не Қазақстан Республикасының заңнамасына сәйкес сақтандыру төлемін алуға уәкілеттік берілуі мүмкін өзге мемлекеттік орган мен мемлекеттік ұйым атынан әрекет ететін Қазақстан Республикасы осы Шарт бойынша пайда алушы болып табылады.
4. Сақтандыру сомасының және сақтандыру сыйлықақысының мөлшері
4.1. Осы Шарт бойынша сақтандыру сомасы иесі сақтанушы болып табылатын жер қойнауын пайдалану жөніндегі операцияның түрі және жер қойнауын пайдалану құқығының туындау негізі негізге алына отырып, Қазақстан Республикасының Жер қойнауы және жер қойнауын пайдалану туралы заңнамасына сәйкес есептеледі.
4.2. Осы Шарттағы сақтандыру сомасы мынадай мөлшерде белгіленген ________________(_____________________________________) теңге. (жазумен)
4.3. Осы Шарт бойынша сақтандыру сыйлықақысы _____________ (_______________________________) теңге. (жазумен)
4.4. Сақтандыру сыйлықақысы сақтандырушыға төленуге тиіс _____________________________________________________________________________________________ _____________________________________________________________________________________________ (қатты пайдалы қазбаларды өндіруге арналған лицензия, кең таралған пайдалы қазбаларды өндіруге арналған лицензиялар, тау-кен өндіру және (немесе) тау-кен байыту өндірісінің техногендік минералдық түзілімдерін орналастыру объектілерін орналастыру және (немесе) пайдалану мақсатында жер қойнауы кеңістігін пайдалануға арналған лицензиялар немесе кен іздеушілікке арналған лицензиялар үшін белгілі бір мерзімді және "толық көлемде біржолғы төлемді" көрсету"; екі және одан да көп блоктары бар қатты пайдалы қазбаларды барлауға арналған лицензия үшін оның қолданылу кезеңі ішінде лицензия бойынша блоктар санының ықтимал өзгеруін ескере отырып, тараптармен келісілген сақтандыру сыйлықақысын төлеу тәртібі мен мерзімдерін көрсету).
5. Тараптардың құқықтары мен міндеттері
5.1. Сақтанушы құқылы:
1) сақтандырушыдан сақтандыру ережелері, сақтандыру шарттары, осы Шарт бойынша өз құқықтары мен міндеттері туралы түсінік алуға; ;
2) сақтандыру шарты жоғалған жағдайда оның телнұсқасын алуға құқығы бар;
3) Шартта көзделген негіздерде шартты мерзімінен бұрын бұзуға құқылы;
4) Қазақстан Республикасының қолданыстағы заңнамасына, сондай-ақ осы Шартқа қайшы келмейтін өзге де әрекеттерді жасауға құқылы.
5.2. Сақтанушы міндетті:
1) осы Шартты жасасу кезінде сақтандырушыға ұсынылған мәліметтерді растайтын қажетті мәліметтер мен құжаттарды ұсынуға міндетті;
2) осы Шартты жасасу кезінде сақтандырушыға өзіне белгілі, сақтандыру тәуекелін бағалау үшін елеулі маңызы бар барлық мән-жайлар туралы хабарлауға міндетті;
3) осы Шартта белгіленген мөлшерде, тәртіппен және мерзімде сақтандыру сыйлықақысын төлеуге міндетті;
4) осы Шартты жасасу кезінде және оның қолданылу кезеңінде пайда алушының пайдасына жер қойнауын пайдалану жөніндегі операциялардың салдарын жою жөніндегі міндеттемелердің орындалуын қамтамасыз ету үшін барлық қолданыстағы немесе жасалатын сақтандыру шарттары туралы сақтандырушыға хабарлауға міндетті;
5) сақтандырушыны сақтандыру тәуекелінің жай-күйі туралы хабардар етуге міндетті;
6) сақтандыру жағдайының басталу мән-жайларын тексеруді қамтамасыз етуге міндетті;
7) сақтандыру жағдайының себептерін, барысы мен салдарларын анықтау үшін шаралар, сондай-ақ сақтандыру жағдайынан болатын залалдарды азайту жөнінде шаралар қолдануға міндетті;
8) сақтандыру жағдайы бойынша қолда бар ақпаратты хабарлауға және сақтандырушыға сақтандыру жағдайының басталу мән-жайларын тергеп-тексеруде қажетті көмек көрсетуге міндетті;
9) сақтандыру жағдайының басталуына жауапты өзге тұлғаға талап қою құқығының сақтандырушыға ауысуын қамтамасыз етуге міндетті;
10) сақтандырушыға оның талап етуі бойынша дауларды сотқа дейінгі немесе үшінші тұлғалармен сот тәртібімен реттеу кезінде Сақтанушының өкілеттіктерін беруге міндетті;
11) дереу, 3 (үш) жұмыс күнінен кешіктірмей сақтандырушыны сақтандыру жағдайының басталғаны туралы немесе салдары сақтандыру жағдайының туындауына әкеп соғуы мүмкін оқиға туралы кез келген қолжетімді тәсілмен (ауызша, жазбаша) хабардар етуге міндетті. Ауызша нысандағы хабарлама кейіннен жиырма төрт сағат ішінде жазбаша расталуға тиіс. Мұндай хабарламада неғұрлым толық көлемде мынадай ақпарат болуға тиіс: сақтандыру жағдайының басталуына әкеп соққан іс-қимылдардың сипаты мен себептері, осы оқиғаға тартылған барлық адамдардың аттары, байланыс деректері мен мекен-жайы. Егер сақтанушының дәлелді себептермен аталған іс - әрекеттерді орындау мүмкіндігі болмаса, ол оны құжатпен растауы тиіс;
12) егер сақтандыру жағдайы осы Шарттың 7.1-тармағында көрсетілген жағдайлардың салдарынан басталған жағдайда, сақтандырушыға ол жүзеге асырған күннен бастап 30 (отыз) жұмыс күнінен кешіктірілмейтін мерзімде ол жүзеге асырған сақтандыру төлемін толық көлемде өтеуге міндетті. Сақтандырушыға сақтандыру төлемінің сомасы және сақтандыру төлемін жүзеге асыруға байланысты шығыстар уақтылы өтелмеген кезде сақтанушы сақтандырушыға тұрақсыздық айыбын төлеуге міндетті __________________(_________________________________________________) (жазумен)мерзімі өткен әрбір күн үшін өтелуге жататын соманың пайызы мөлшерінде белгіленеді.
5.3. Сақтандырушы құқылы:
1) Сақтанушы ұсынған мәліметтер мен құжаттарды, сондай-ақ сақтанушының осы Шарттың талаптары мен талаптарын орындауын тексеруге міндетті;
2) сақтанушыдан сақтандыру жағдайының басталу ықтималдығын және ықтимал залалдың (сақтандыру тәуекелінің) мөлшерін айқындау үшін елеулі маңызы бар мән-жайлар туралы мәліметтерді және сақтандыру тәуекелін бағалауды алуға құқылы;
3) осы Шартта белгіленген мөлшерде, тәртіппен және мерзімде сақтандыру сыйлықақысын алуға құқылы;
4) сақтандыру жағдайының басталғаны туралы хабарламаны және оның Құжаттамалық растамасын алуға құқылы;
5) сақтандыру төлемі жүзеге асырылғаннан кейін осы Шарттың 7.1-тармағында көрсетілген жағдайларда сақтанушыға не сақтандыру жағдайының басталуына жауапты өзге тұлғаға кері талап қоюға құқылы;
6) сақтандыру төлемі жүзеге асырылғаннан кейін өз құзыретіне қарай тиісті мемлекеттік органдар мен ұйымдардан пайда алушыға келтірілген сақтандыру жағдайының басталу фактісін растайтын құжаттарды сұратуға құқылы;
7) сақтанушыдан өкілеттіктер алған кезде дауларды сотқа дейінгі немесе сот тәртібімен реттеу кезінде үшінші тұлғалармен Сақтанушының атынан сот органдарында сөз сөйлеу;
8) тәуекелдің ұлғаюына мөлшерлес осы Шарттың талаптарын өзгертуді немесе қосымша сақтандыру сыйлықақысын төлеуді талап етуге құқылы;
9) сақтандыру төлемі жүзеге асырылғаннан кейін сақтанушыға қойылатын талаптардың мөлшеріне Қазақстан Республикасының заңнамасында белгіленген тәртіппен дау айтуға құқылы.
5.4. Сақтандырушы:
1) сақтанушыны оның талабы бойынша сақтандыру ережелерімен таныстыру, Қағидалардың көшірмесін ұсыну (жіберу);;
2) сақтанушының сақтандыру жағдайының басталуы туралы өтінішін уақтылы қабылдауға міндетті;
3) Сақтанушы жер қойнауын пайдалану жөніндегі операцияларды жүргізу салдарларын жою жөніндегі міндетті орындамаған жағдайда, сақтанушының тарапынан сақтандыру жағдайының туындағанын растайтын құжаттардың өтінішіне және ұсынылуына не ұсынылмауына қарамастан, осындай талапты алған күннен бастап 1 (бір) ай ішінде сақтандыру төлемін жүзеге асыру арқылы пайда алушының тиесілі соманы төлеу туралы талабын орындауға міндетті;
4) сақтандыру құпиясын қамтамасыз етуге міндетті;
5) сақтанушыға оның сақтандыру жағдайы кезіндегі залалдарды азайту үшін жұмсаған шығыстарын өтеуге міндетті.
5.5. Пайда алушы құқылы:
1) осы Шартта белгіленген мөлшерде, тәртіппен және мерзімде сақтандыру төлемін алуға құқылы;
2) сақтандырушы жер қойнауын пайдалану жөніндегі операцияларды жүргізу салдарларын жою жөніндегі тиесілі соманы төлеу талабын орындамаған жағдайда, жер қойнауын пайдалану жөніндегі операцияларды жүргізу салдарларын жою құнының ұлғаюына әкеп соқса, сақтандырушыны Қазақстан Республикасының заңдарына сәйкес жауаптылыққа тарту жөнінде шаралар қабылдасын.
5.4. Сақтанушының, сақтандырушының және пайда алушының Қазақстан Республикасының заңдарында және осы Шартта көзделген өзге де құқықтары мен міндеттері болады.
6. Сақтандыру төлемінің мөлшерін айқындау және оны жүзеге асыру тәртібі
6.1. Сақтандыру жағдайының басталу фактісі пайда алушының төлем деректемелерін көрсете отырып, пайда алушы жазбаша нысанда жіберген жер қойнауын пайдалану жөніндегі операцияларды жүргізу салдарын жою жөніндегі міндеттеме бойынша тиесілі соманы төлеу туралы талаптың негізінде белгіленеді.
6.2. Сақтандыру төлемі Қазақстан Республикасының бюджетіне пайда алушы тиісті соманы төлеу туралы талапта көрсеткен деректемелерге сәйкес сақтандырушы осындай талапты алған күннен бастап 1 (бір) ай ішінде жүзеге асырылады.
6.3. Жер қойнауын пайдалану жөніндегі операцияларды жүргізу салдарын жою жөніндегі міндеттеме бойынша тиесілі соманы төлеу күні сақтандыру төлемін жүзеге асыру күні болып есептеледі.
6.4. Сақтандыру жағдайы басталған күннен бастап 1 (бір) ай ішінде сақтанушы сақтандырушыға мынадай құжаттарды ұсынуға міндетті:
1) сақтандыру жағдайының басталуы туралы өтініш;
2) шарттың көшірмесі;
3) мемлекеттік органдар мен ұйымдардың сақтандыру жағдайының басталғанын растайтын құжаттары;
4) сақтанушының залалдарды болғызбау немесе азайту мақсатында шеккен шығыстарын растайтын құжаттар;
5) жер қойнауын пайдалануға арналған лицензияның көшірмесі;
6) жер қойнауын пайдалану жөніндегі операцияларды жүргізу салдарын жою жөніндегі міндеттеменің бір бөлігінің орындалғанын растайтын шот-фактураның (инвойстың) (бар болса) көшірмесі.
6.5. Құжаттарды қабылдаған сақтандырушы құжаттардың толық тізбесін және оларды қабылдау күнін көрсете отырып, 2 (екі) данада анықтама жасауға міндетті. Анықтаманың бір данасы сақтанушыға беріледі, екінші данасы сақтанушының оны алғаны туралы белгісі бар сақтандырушыда қалады.
6.6. Сақтанушы не оның өкілі осы Шарттың 6.4-тармағында көзделген құжаттарды ұсынбаған немесе толық ұсынбаған жағдайда, сақтандырушы дереу, бірақ 2 (екі) жұмыс күнінен кешіктірмей сақтанушыны жетіспейтін құжаттар туралы жазбаша хабардар етеді.
6.7. Сақтандыру төлемі осы Шартта белгіленген сақтандыру сомасы шегінде жүзеге асырылады.
6.8. Егер сақтандыру жағдайы осы Шарттың қолданылу мерзімі ішінде орын алған болса, сақтандыру төлемі жүргізіледі.
6.9. Сақтандыру төлемінің мөлшері пайда алушының жер қойнауын пайдалану жөніндегі операцияларды жүргізу салдарын жою жөніндегі міндеттеме бойынша тиесілі соманы төлеу туралы талабының негізінде белгіленеді.
6.10. Сақтанушы жер қойнауын пайдалану жөніндегі операцияларды жүргізу салдарларын жою жөніндегі міндеттемені орындамаған жағдайда, пайда алушы сақтандырушыға жер қойнауын пайдалану жөніндегі операцияларды жүргізу салдарларын жою жөніндегі міндеттеме бойынша тиесілі соманы төлеу туралы талапты жер қойнауын пайдалану жөніндегі операцияларды жүргізу салдарларын жою жөніндегі міндеттемені орындау мерзімдері аяқталғаннан кейін 2 (екі) жыл ішінде кез келген уақытта жібереді.
6.11. Пайда алушының сақтандыру сомасын төлеу туралы талабын сақтандырушы осындай талапты алған күннен бастап 1 (бір) ай ішінде сөзсіз және міндетті түрде орындауға тиіс. Сақтандырушы көрсетілген талапты тиісінше орындамаған, орындамаған немесе орындау мерзімдерін бұзған кезде Қазақстан Республикасының заңдарында белгіленген жауаптылықта болады.
7. Сақтандыру жағдайының басталуына жауапты тұлғаға кері талап қою құқығы
7.1. Сақтандыру төлемін жүзеге асырған сақтандырушының мынадай жағдайларда жүзеге асырылған сақтандыру төлемі шегінде сақтанушыға кері талап қою құқығы бар:
1) сақтанушының азаматтық-құқықтық жауапкершілігі оның сақтандыру жағдайының туындауына бағытталған не оның басталуына ықпал ететін қасақана іс-әрекеттері және (немесе) әрекетсіздігі салдарынан басталса;
2) сақтанушы Қазақстан Республикасының заңнамалық актілерінде белгіленген тәртіппен сақтандыру жағдайымен себептік байланыста болатын қасақана қылмыстық не әкімшілік құқық бұзушылықтар деп танылған іс-әрекеттер жасаған жағдайларда тоқтатылады;
3) Сақтанушы сақтандыру жағдайы кезіндегі шығындарды азайту жөнінде шараларды қасақана қолданбаған жағдайларда жүргізіледі;
4) сақтанушы сақтандырушыға сақтандыру объектісі, сақтандыру тәуекелі, сақтандыру жағдайы және оның салдары туралы көрінеу жалған мәліметтер хабарлаған жағдайларда жүргізіледі;
5) сақтанушының сақтандырушыға сақтандыру жағдайының басталу мән-жайларын тергеп-тексеруде кедергі келтіруі мүмкін.
7.2. Пайда алушы сақтандыру төлемін алғаннан кейін сақтандырушыға барлық құжаттар мен дәлелдемелерді беруге және оған Сақтандырушының өзіне Өткен талап ету құқығын жүзеге асыруы үшін қажетті барлық мәліметтерді хабарлауға міндетті.
8. Сақтандырушыны сақтандыру төлемін жүзеге асырудан босату
8.1. Пайда алушының сақтандыру жағдайының басталуына жауапты тұлғадан тиісті өтем алуы Сақтандырушының сақтандыру төлемін жүзеге асырудан бас тартуы үшін негіз болуы мүмкін.
8.2. Егер сақтандыру жағдайы осы Шарттың 9.3-тармағында көзделген еңсерілмейтін күш мән-жайлары салдарынан туындаса, сақтандырушы сақтандыру төлемін жүзеге асырудан босатылады.
8.3. Сақтандыру төлемінен бас тарту үшін негіздер болған кезде сақтандырушы пайда алушының тиесілі соманы төлеу туралы талабын алған күннен бастап 2 (екі) жұмыс күні ішінде пайда алушыға бас тарту себептерін дәлелді негіздей отырып, сақтандыру төлемінен бас тарту туралы тиісті шешімді жазбаша нысанда жіберуге міндетті.
9. Тараптардың жауапкершілігі және еңсерілмейтін күш жағдайлары
9.1.Тараптар осы Шартқа және Қазақстан Республикасының заңнамалық актілеріне сәйкес Шарт талаптарын орындамағаны немесе тиісінше орындамағаны үшін жауапты болады.
9.2.Егер тиісінше орындау еңсерілмес күш мән-жайларының салдарынан мүмкін болмаса, Шарттың Тараптары осы Шарт бойынша міндеттемелерді ішінара немесе толық орындамағаны үшін жауапкершіліктен босатылады.
9.3.Өрт, су тасқыны, жер сілкінісі, дүлей зілзала, террористік актілер және Тараптар болжай алмаған және осы Шарттың орындалуына тікелей әсер еткен өзге де осындай мән-жайлар еңсерілмейтін күштің мән-жайлары болып табылады.
9.4.Еңсерілмейтін күш мән-жайлары тоқтатылғаннан кейін 2 (екі) жұмыс күні ішінде оған тартылған Тарап екінші Тарапты еңсерілмейтін күш мән-жайлары тоқтатылғаны туралы жазбаша хабардар етуге және өз міндеттемелерін орындауды қайта бастауға тиіс.
9.5.Тиісінше хабардар етпеу Тарапты осы Шарт бойынша міндеттемелерді орындамағаны немесе тиісінше орындамағаны үшін жауапкершіліктен босататын негіз ретінде жоғарыда көрсетілген кез келген мән-жайға сілтеме жасау құқығынан айырады.
9.6.Еңсерілмес күш мән-жайларының әрекеті Қазақстан Республикасының тиісті құзыретті мемлекеттік органдары мен ұйымдарының құжаттарымен расталуға тиіс.
10. Шарттың қолданылу мерзімі
10.1. Осы шарт сақтанушы сақтандыру сыйлықақысын төлеген сәттен бастап күшіне енеді және тараптар үшін міндетті болады және Сақтанушы сақтандыру сыйлықақысын төлегенге дейін қолданылады "_____" ________20__жыл.(кодекстің 58-бабы 1-1-тармағының талаптарына сәйкес жер қойнауын пайдалануға арналған лицензияның түрін негізге ала отырып, тиісті кезең өткеннен кейінгі күнді көрсету)
10.2. Осы Шарттың қолданылуы мынадай жағдайларда тоқтатылады:
1) осы Шарттың қолданылу мерзімі аяқталған кезде;
2) сақтандыру төлемін толық көлемде жүзеге асыру;
3) Кодекске сәйкес Жер қойнауы учаскесінде жер қойнауын пайдалану жөніндегі операциялардың салдарын жою жөніндегі міндеттеме тоқтатылған жағдайларда жүзеге асырылады.
10.3. Сақтандыру қорғанысының қолданылу кезеңі Шарттың қолданылу мерзімімен сәйкес келеді.
10.4. Осы Шарттың қолданылу орны Қазақстан Республикасының аумағы болып табылады.
11. Шарт талаптарының өзгеруі
Шарттың талаптарын өзгерту пайда алушының жазбаша келісімімен сақтанушы мен сақтандырушының өзара келісімі бойынша Тараптардың бірінің өтініші негізінде пайда алушының келісімін қоса бере отырып, екінші Тарап өтінішті алған күннен бастап 5 (бес) жұмыс күні ішінде жүргізіледі және Тараптардың осы Шартқа қосымша келісімімен ресімделеді.
12. Шартты тоқтату және мерзімінен бұрын бұзу
12.1. Осы Шарт мынадай жағдайларда тоқтатылды деп есептеледі:
1) Шарттың қолданылу мерзімі аяқталған кезде;
2) Азаматтық кодекстің 841-бабына сәйкес осы Шарт мерзімінен бұрын тоқтатылғанда;
3) сақтандырушы осы Шарттың қолданылу мерзімі ішінде орын алған сақтандыру жағдайы бойынша осы Шартта белгіленген жалпы сақтандыру сомасы мөлшерінде сақтандыру төлемдерін жүзеге асырған жағдайларда тоқтатылады;
4) пайда алушының осы шартты бұзу туралы жазбаша келісімі болған кезде Тараптардың келісімдері қоса беріледі. Бұзуға бастамашылық жасаған тарап пайда алушының жазбаша келісімін қоса бере отырып, өзінің осы шартты мерзімінен бұрын тоқтату ниеті туралы болжамды бұзу күніне дейін кемінде күнтізбелік 5 (бес) күн бұрын екінші Тарапты хабардар етуге міндетті. Бұл ретте осы шартты бұзу күні пайда алушының жазбаша келісімі күнінен бұрын бола алмайды.
12.2. Егер осы Шарттың мерзімінен бұрын тоқтатылуы Сақтандырушының кінәсінен оның талаптарының орындалмауынан не осы Шартты Сақтандырушының орындай алмауынан туындаған жағдайларда, соңғысы сақтанушыға ол төлеген сақтандыру сыйлықақысын толық қайтаруға міндетті.
12.3. Осы Шарттың 12.1-тармағының 2) тармақшасында көрсетілген негіз бойынша осы Шарт мерзімінен бұрын тоқтатылған кезде Сақтандырушының сақтандыру сыйлықақысының сақтандыру қолданылған уақытқа барабар бөлігіне құқығы бар.
12.4. Осы Шарттың мерзімінен бұрын тоқтатылуы Сақтанушының оның талаптарын орындамауынан туындаған жағдайларда, төленген сақтандыру сыйлықақысы қайтарылуға жатпайды.
12.5. Осы Шарттың 12.1-тармағының 4) тармақшасында көрсетілген негіз бойынша осы Шарт мерзімінен бұрын тоқтатылған кезде сақтандырушы сақтанушыға сақтандыру сыйлықақысының бір бөлігін әкімшілік шығыстарды шегергенде, сақтандыру кезеңінде өтпеген кезеңге барабар мөлшерде қайтарады.________________(____________) қайтарылуға жататын сыйлықақы сомасының (жазумен)пайызы мөлшерінде белгіленеді.
12.6. Осы Шарттың тоқтатылуы сақтандырушыны осы Шарттың қолданылу кезеңінде болған, кейіннен сақтандыру жағдайлары деп танылған сақтандыру жағдайлары бойынша пайда алушыға сақтандыру төлемін жүзеге асыру жөніндегі міндеттен босатпайды. Сақтандыру төлемін сақтандыру жағдайы орын алған қолданылу кезеңінде осы Шартты жасасқан сақтандырушы жүзеге асырады.
13. Дауларды шешу тәртібі
13.1. Осы Шарт бойынша Тараптар арасында туындайтын барлық даулар келіссөздер жүргізу жолымен шешіледі.
13.2. Тараптар келісімге қол жеткізбеген келіспеушіліктер Қазақстан Республикасының заңнамасына сәйкес сот тәртібімен шешіледі.
14. Қорытынды ережелер
14.1. Осы Шартқа қосымша, өзгерістер мен толықтырулар оның ажырамас бөлігі болып табылады және олар жазбаша нысанда жасалған және екі тарап қол қойған жағдайда ғана заңды күшке ие болады.
14.2. Тараптар Қазақстан Республикасының Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы заңнамасының талаптарын, оның ішінде қажетті құжаттарды, мәліметтерді, куәліктерді ұсыну арқылы орындайды.
14.3. Шарт тараптардың әрқайсысы үшін бірдей және пайда алушы үшін бір заңды күші бар мемлекеттік және орыс тілдерінде 3 (үш) данада жасалды.
14.4. Тараптардың ешқайсысы екінші Тараптың және пайда алушының жазбаша келісімінсіз осы Шарт бойынша өз құқықтары мен міндеттемелерін үшінші тарапқа беруге құқылы емес.
14.5. Тараптар Қазақстан Республикасының заңнамасында көзделген жағдайларды қоспағанда, бір-біріне берілетін ақпараттың және қол жеткізілген уағдаластықтардың құпиялылығын сақтауға міндеттенеді.
15. Тараптардың деректемелері
"САҚТАНДЫРУШЫ" | "САҚТАНУШЫ" |
Атауы: ____________________ | Атауы: _______________ |
Мекенжайы: _______________________ | Мекенжайы: _____________________ |
Бизнес-сәйкестендіру нөмірі | Жеке сәйкестендіру нөмірі/бизнес сәйкестендіру нөмірі ______________________________ |
Жеке сәйкестендіру коды______________________________ |
Жеке сәйкестендіру коды |
Банктік сәйкестендіру коды |
Банктік сәйкестендіру коды |
(Т. А. Ә, (бар болған жағдайда), қолы) |
(Т. А. Ә,(бар болған жағдайда),қолы) |
"АГЕНТ" |
