ЗҚАИ-ның ескертпесі!
Осы бұйрық 01.07.2021 бастап қолданысқа енгізіледі.
"Техникалық реттеу туралы" Қазақстан Республикасы Заңының 14-бабының 2-тармағына сәйкес БҰЙЫРАМЫН:
1. Сынақ зертханаларға (орталықтарға) Еуразиялық экономикалық одақтың (Кеден одағының) және Қазақстан Республикасының техникалық регламенттерінің көрсеткіштері бойынша аккредиттеу саласында мәлімделген сынақтар (зерттеулер) үшін қажетті меншік құқығымен немесе өзге де заңды негізде расталған жабдықтың көлемі (тізбесі) 100% мөлшерінде белгіленсін.
2. Сынақ зертханаларға (орталықтарға) Еуразиялық экономикалық одақтың (Кеден одағының) және Қазақстан Республикасының техникалық регламенттерінің талаптарына сәйкес сынақтар (зерттеулер) жүргізуге арналған өтінімдерде көрсетілген көрсеткіштер бойынша жабдықты пайдалану көлемі (тізбесі) 100% мөлшерінде белгіленсін.
3. Осы бұйрыққа қосымшаға сәйкес тізбе бойынша кейбір бұйрықтардың күші жойылды деп танылсын.
4. Қазақстан Республикасы Сауда және интеграция министрлігінің Техникалық реттеу және метрология комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.
5. Осы бұйрық 2021 жылғы 1 шілдеден бастап қолданысқа енгізіледі және ресми жариялануға тиіс.
|
Қазақстан Республикасының сауда және интеграция министрі |
Б. Сұлтанов |
| Қазақстан Республикасының сауда және интеграция министрінің 2021 жылғы 24 мамырдағы № 356-НҚ бұйрығына қосымша |
Күші жойылған кейбір бұйрықтардың тізбесі
1. "Сәйкестікті растау жөніндегі органның сынақ зертханасы қамтамасыз етуге жататын аккредиттеу саласындағы объектілердің сынақ көлемін бекіту туралы" Қазақстан Республикасы Индустрия және сауда министрінің 2008 жылғы 29 қазандағы № 427 бұйрығы (Нормативтік құқықтық актілерді мемлекеттік тіркеу тізілімінде № 5353 болып тіркелген).
2. "Сәйкестікті растау жөніндегі органның сынақ зертханасы қамтамасыз етуге жататын аккредиттеу саласындағы объектілердің сынақтар көлемін бекіту туралы" Қазақстан Республикасы Индустрия және сауда министрінің 2008 жылғы 29 қазандағы № 427 бұйрығына өзгерістер енгізу туралы" Қазақстан Республикасы Сауда және интеграция министрінің 2019 жылғы 23 желтоқсандағы № 144 бұйрығы (Нормативтік құқықтық актілерді мемлекеттік тіркеу тізілімінде № 19794 болып тіркелген).
3. "Сәйкестікті растау жөніндегі органның сынақ зертханасы қамтамасыз етуге жататын аккредиттеу саласындағы объектілердің сынақтар көлемін бекіту туралы" Қазақстан Республикасы Индустрия және сауда министрінің 2008 жылғы 29 қазандағы № 427 бұйрығына өзгеріс енгізу туралы" Қазақстан Республикасы Сауда және интеграция министрінің 2021 жылғы 14 сәуірдегі № 277-НҚ бұйрығы (Нормативтік құқықтық актілерді мемлекеттік тіркеу тізілімінде № 22552 болып тіркелген).
