Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35 бабына, Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңының 14-бабының 4) тармақшасына сәйкес және Ақтөбе облысы әкімдігі жанындағы облыстық ономастика комиссиясының 2020 жылғы 27 шілдедегі қорытындысы негізінде, тиісті аумақ халқының пікірін ескере отырып, Саралжын ауылдық округінің әкімі ШЕШІМ ҚАБЫЛДАДЫ:
1. Саралжын ауылдық округінің Саралжын және Ақкемер ауылдарының келесідей көшелері қайта аталсын:
Саралжын ауылында:
"Ботагөз-1" көшесін "Алаш" көшесіне;
Ақкемер ауылында:
"Ботагөз" көшесін "Бекет ата" көшесіне.
2. "Ақтөбе облысы Ойыл ауданы Саралжын ауылдық округі әкімінің аппараты" мемлекеттік мекемесі заңнамада белгіленген тәртіппен:
1) осы шешімді Ақтөбе облысының Әділет департаментінде мемлекеттік тіркеуді;
2) осы шешімді оны ресми жариялағаннан кейін Ойыл ауданы әкімдігінің интернет-ресурсында орналастыруды қамтамасыз етсін.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Саралжын ауылдық округінің әкімі | А. Мубараков |
