Ескерту. Күші жойылды - Қарағанды облыстық мәслихатының 18.04.2023 № 35 шешімімен (оның алғашқы ресми жарияланған күнінен кейін күнтізбелік он күн өткен соң қолданысқа енгізіледі).
"Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексіне, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес Қарағанды облыстық мәслихаты ШЕШІМ ЕТТІ:
1. Қазақстан Республикасы азаматтарының жекелеген санаттарына амбулаториялық емдеу кезінде тегін медициналық көмектің кепілдік берілген көлемі, оның ішінде дәрілік заттар қосымша тегін берілсін:
"Дюшен бұлшықет дистрофиясы" - "Этеплирсен", "Дефлазакорт" дәрілік заттары;
"Жұлын бұлшықетінің атрофиясы" - "Нусинерсен" дәрілік заты;
"Эпилепсия" - "Вигабатрин", "Сультиам", "Этосуксимид" дәрілік заттары;
"Созылмалы миелолейкоз" - "Понатиниб" дәрілік заты;
"Шашыраңқы склероз" - "Диметилфумарат" дәрілік заты.
2. Шешімнің орындалуын бақылау облыстық мәслихаттың халықты әлеуметтік-мәдени дамыту және әлеуметтік қорғау жөніндегі тұрақты комиссиясына жүктелсін.
3. Осы шешім ресми жарияланған күннен бастап қолданысқа енгізіледі.
| Сессия төрағасы | К. Оспанова |
| Облыстық мәслихат хатшысы | С. Утешов |
