Қазақстан Республикасы "Құқықтық актілер туралы" Заңының 46-бабы 2-тармағының 4) тармақшасы, Қазақстан Республикасының "Ветеринария туралы" Заңының 10-1-бабының 8) тармақшасына сәйкес, Ғабит Мүсірепов ауданының бас мемлекеттік ветеринарлық-санитарлық инспекторының 2021 жылғы 21 сәуірдегі № 09-08/246 ұсынысы негізінде, ШЕШТІМ:
1. Солтүстік Қазақстан облысы Ғабит Мүсірепов атындағы ауданының Тахтаброд ауылдық округінің Ковыльное ауылында орналасқан "Ақселеу" жауапкершілігі шектеулі серіктестігінің мал шаруашылығы фермасының аумағында орнатылған шектеу іс-шаралары ірі қара мал арасында ринотрахеит ауруын жою жөніндегі ветеринариялық іс-шаралар кешенінің жүргізілуіне байланысты тоқтатылсын.
2. Солтүстік Қазақстан облысы Ғабит Мүсірепов атындағы ауданы Тахтаброд ауылдық округі әкімінің 2021 жылғы 15 ақпандағы № 11 "Шектеу іс-шараларын белгілеу туралы" (Нормативтік құқықтық актілерді мемлекеттік тіркеу тізілімінде № 7134 болып тіркелген) шешімінің күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Тахтаброд ауылдық округі әкімі | С. Жильцов |
