Қазақстан Республикасының "Құқық қорғау қызметі туралы" Заңының 33-бабының 1-1-тармағына сәйкес БҰЙЫРАМЫН:
1. Қоса беріліп отырған:
1) осы бұйрыққа 1-қосымшаға сәйкес қаржылық мониторинг органдарының жедел-тергеу бөлімшелеріне (экономикалық тергеу қызметі) конкурстық негізде орналасатын басшы лауазымдарының тізбесі;
2) осы бұйрыққа 2-қосымшаға сәйкес қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізу қағидалары мен шаттары бекітілсін.
2. Қазақстан Республикасы Қаржы министрінің "Қаржылық мониторинг органдарының жедел-тергеу бөлімшелеріне (экономикалық тергеу қызметі) конкурстық негізде орналасатын басшы лауазымдарының тізбесін және қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізу қағидалары мен шарттарын бекіту туралы" 2018 жылғы 28 қыркүйектегі № 868 бұйрығының (Нормативтік құқықтық актілерді мемлекеттік тіркеу тізілімінде № 17586 болып тіркелген) күші жойылды деп танылсын.
3. Қазақстан Республикасы Қаржылық мониторинг агенттігінің Кадр жұмысы департаменті заңнамамен белгіленген тәртіпте:
1) осы бұйрықтың Қазақстан Республикасының Әділет министрлігінде мемлекеттік тіркеуге алынуын;
2) осы бұйрық ресми жарияланғаннан кейін оны Қазақстан Республикасының Қаржылық мониторинг агенттігінің интернет-ресурсына орналастыруды қамтамасыз етсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Қаржылық мониторинг агенттігінің төрағасы |
Ж. Элиманов |
| Қазақстан Республикасының Қаржылық мониторинг агенттігінің төрағасы 2022 жылғы 6 қаңтардағы № 9 бұйрыққа қосымша 1 |
Қаржылық мониторинг органдарының жедел-тергеу бөлімшелеріне (экономикалық тергеу қызметі) конкурстық негізде орналасатын басшы лауазымдарының тізбесі
Қазақстан Республикасы Қаржылық мониторинг агенттігінің аумақтық органдарына (экономикалық тергеу қызметі) конкурстық негізде орналасатын:
бөлім басшысы.
| Қазақстан Республикасының Қаржылық мониторинг агенттігінің төрағасы 2022 жылғы 6 қаңтардағы № 9 бұйрыққа қосымша 2 |
Қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізу қағидалары мен шарттары
1-бөлім. Жалпы ереже
1. Қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізудің осы қағидалары мен шарттары (бұдан әрі - Қағидалар) Қазақстан Республикасы "Құқық қорғау қызметі туралы" 2011 жылғы 6 қаңтардағы Заңының (бұдан әрі - Заң) 33-бабының 1-1-тармағына сәйкес әзірленді және экономикалық тергеу қызметінің (бұдан әрі - ЭТҚ) жоғары тұрған басшы лауазымдарына конкурс өткізу тәртібі мен шартын айқындайды.
2. Конкурсты бос және уақытша бос лауазымы бар (бұдан әрі - бос лауазым) облыстар, республикалық маңызы бар қалалар және астана бойынша қаржылық мониторинг органдары конкурстық негізде орналасатын ЭТҚ басшы лауазымдарының тізбесіне сәйкес өткізеді.
3. Конкурс мынадай түрлерден тұрады:
1) ішкі конкурс – ЭТҚ қызметкерлері арасындағы конкурс (бұдан әрі - ішкі конкурс);
2) сыртқы конкурс – барлық құқық қорғау органдары қызметкерлерінің арасындағы конкурс (бұдан әрі - сыртқы конкурс).
4. Ішкі конкурста конкурстық комиссияның оң қорытындысын алған кандидаттар болмаған жағдайда сыртқы конкурс өткізіледі.
5. Қаржылық мониторинг органдары қайта ұйымдастырылған не таратылған жағдайда жарияланған конкурс оны өткізудің кез келген кезеңінде бұзуға жатады және ол жөнінде қаржылық мониторинг органдарының интернет-ресурсында міндетті түрде жарияланады.
2-бөлім. Конкурстық комиссияны құру
6. Қаржылық мониторинг органдары конкурсты жариялау және өткізу үшін жоғары тұрған басшы лауазымына кандидаттарды іріктеуді жүзеге асыру үшін конкурстық комиссия (бұдан әрі - конкурстық комиссия) құрылады, оның төрағасы мен құрамын тиісті лауазымға тағайындауға құқығы бар қаржылық мониторинг органдарының басшысы бекітеді.
7. Конкурстық комиссия кемінде 5 (бес) мүшеден, оның ішінде төрағадан құралады. Бұл ретте конкурстық комиссияның құрамына ішкі қауіпсіздік қызметінің, кадр қызметінің және бос лауазымға конкурс өткізілетін құрылымдық бөлімшенің өкілдері кіреді.
8. Кадр қызметінің өкілі конкурстық комиссияның хатшысы болып табылады, ол оның жұмысын ұйымдастыруды қамтамасыз етуді жүзеге асырады және дауыс беруге қатыспайды.
9. Конкурстық комиссияның шешімі жоғары тұрған басшы лауазымына орналасуға не тиісті лауазымға тағайындаудан бас тартуға негіз болып табылады.
3-бөлім. Ішкі конкурсты өткізу тәртібі мен шарттары
10. Ішкі конкурсты өткізу туралы хабарландыру қаржылық мониторинг органдарының, сондай-ақ мемлекеттік қызмет істері жөніндегі уәкілетті органның интернет-ресурсында жарияланады.
11. Ішкі конкурсқа қатысу үшін өтініш қаржылық мониторинг органының интернет-ресурстарында хабарландыру жарияланған күннен кейін 3 (үш) жұмыс күннен кешіктірмей, осы Қағидаларға 1-қосымшаға сәйкес нысан бойынша кадр қызметіне беріледі.
Өтінішке кандидаттың жеке басын куәландыратын куәлігінің көшірмесі қоса беріледі.
Сканерленген құжаттар көшірмесі кадр қызметінің электрондық поштасына жіберіледі. Құжаттарды қолма-қол табыс ету мүмкін болмаған жағдайда, жоғарыда көрсетілген құжаттардың түпнұсқалары әңгімелесу басталғанға дейін екі сағаттан кешіктірілмей беріледі.
12. Құжаттар топтамасы толық емес, сондай-ақ осы Қағидалардың 12-тармағында көзделген мерзімді бұза отырып ұсынылған жағдайда, кандидат конкурсқа қатысуға жіберілмейді.
13. Кадр қызметі кандидаттардың тізімдерін қаржылық мониторинг органының Өзіндік қауіпсіздік қызметіне жолдайды, ал ол кандидаттардың тізімін алғаннан кейін 3 (үш) жұмыс күнінен кешіктірілмейтін мерзімде тиісті ақпаратты жолдайды.
14. Ұсынылған құжаттарды қарау нәтижелері бойынша конкурстық комиссия құжаттарды қабылдау мерзімі аяқталғаннан кейін 1 (бір) жұмыс күні ішінде ішкі қауіпсіздіқ қызметінен ақпарат алғаннан кейін кандидаттарды әңгімелесуге жіберу туралы шешім қабылдайды.
15. Конкурс комиссиясы кандидатты әңгімелесуге жіберу туралы шешім қабылдағаннан кейін 2 (екі) жұмыс күнінен кешіктірмей кадр қызметінің қызметкері қаржылық мониторинг органдарының интернет-ресурсында әңгімелесу кестесін, кандидаттардың тізімін, әңгімелесуге жіберілген кандидаттардың әңгімелесу өтетін күні мен уақытын, орнын орналастырады, сондай-ақ телефон байланысы арқылы хабардар етеді.
4-бөлім. Сыртқы конкурсты өткізу тәртібі мен шарттары
16. Сыртқы конкурс өткізу туралы хабарландыру қаржылық мониторинг органдарының, сондай-ақ мемлекеттік қызмет істері жөніндегі уәкілетті органның интернет-ресурсында жарияланады.
Конкурс өткізу туралы хабарландыру мынадай мәліметтерді қамтиды:
1) орналасқан жерін көрсете отырып, конкурс өткізетін мемлекеттік органның атауы, почталық мекенжайлары, телефон нөмірлері, файлдардың барынша рұқсат етілетін мөлшерінің шектеулерін көрсете отырып, электрондық почта мекенжайларын;
2) негізгі функциялық міндеттері, еңбекақы мөлшері мен шарттары көрсетілген бос лауазымдар атауын;
3) конкурска қатысушыға құқық қорғау қызметі туралы заңнамамен біліктілік талаптарына сәйкес айқындалатын негізгі талаптарын;
4) құжаттарды қабылдау мерзімі (3 жұмыс күні), ол уәкілетті органның интернет-ресурсында ішкі конкурс өткізу туралы хабарландыру жарияланғаннан кейін келесі жұмыс күнінен бастап есептеледі;
5) қажетті құжаттар тізбесін;
6) әңгімелесуді өткізу мерзімі мен орнын;
7) конкурс комиссиясының отырысына байқаушылардың қатысуына қатысты ақпаратты;
8) конкурсқа қатысу үшін өтініш нысанын;
9) конкурстық комиссияның іс-әрекетіне және шешіміне шағымдану тәртібі туралы ақпаратты;
10) кандидаттарды іріктеу құралдарының қолданылуы туралы ақпаратты.
17. Сыртқы конкурсқа қатысу үшін өтініш мемлекеттік қызмет істері жөніндегі уәкілетті органның интернет-ресурсында хабарландыру жарияланған күннен кейін 3 (үш) жұмыс күнінен кешіктірмей, осы Қағидаларға 1-қосымшаға сәйкес нысан бойынша кадр қызметіне беріледі.
Өтінішке осы Қағидаларға 2-қосымшаға сәйкес нысан бойынша Кадрлар есебі жөніндегі жеке іс-парағы мен кандидаттың жеке басын куәландыратын куәлігінің көшірмесі қоса беріледі.
Сканерленген құжаттар көшірмесі кадр қызметінің электрондық поштасына немесе қолма-қол жіберіледі. Құжаттарды қолма-қол табыс ету мүмкін болмаған жағдайда, жоғарыда көрсетілген құжаттардың түпнұсқалары әңгімелесу басталғанға дейін екі сағаттан кешіктірілмей беріледі.
18. Құжаттар топтамасы толық емес, сондай-ақ осы Қағидалардың 19-тармағында көзделген мерзімді бұза отырып ұсынған жағдайда, кандидат конкурсқа қатысуға жібермейді.
19. Кандидаттарды әшкерелейтін материалдар туралы ақпарат алу үшін кадр қызметі құжаттарды қабылдау мерзімі аяқталғаннан кейін 1 (бір) жұмыс күні ішінде кандидаттардың тізімдерін жасайды және тексеру үшін қаржылық мониторинг органының ішкі қауіпсіздік қызметіне (басқа құқық қорғау органдарына) жібереді.
20. Қаржылық мониторинг органының ішкі қауіпсіздік қызметі (басқа құқық қорғау органдары) кандидаттар тізімін алғаннан кейін 3 (үш) жұмыс күнінен кешіктірмейтін мерзімде тиісті ақпаратты кадр қызметіне жібереді.
21. Ұсынылған құжаттарды қарау нәтижелері бойынша конкурстық комиссия құжаттарды қабылдау мерзімі аяқталғаннан кейін 1 (бір) жұмыс күні ішінде ішкі қауіпсіздіқ қызметінен ақпарат алғаннан кейін кандидаттарды әңгімелесуге жіберу туралы шешім қабылдайды.
22. Кадр қызметінің қызметкері конкурс комиссиясының кандидатты әңгімелесуге жіберу туралы шешімі қабылданғаннан кейін 2 (екі) жұмыс күнінен кешіктірілмейтін мерзімде мемлекеттік қызмет істері жөніндегі уәкілетті органның интернет-ресурсында әңгімелесу кестесін, кандидаттардың тізімін, әңгімелесуге жіберілген кандидаттардың әңгімелесу өтетін күні мен уақыты мен орнын орналастырады, сондай-ақ телефон байланысы арқылы хабардар етеді.
5-бөлім. Әңгімелесу өткізу тәртібі
23. Кандидаттармен әңгімелесуді қаржылық мониторинг органының конкурстық комиссиясы әңгімелесуге жіберілген кандидаттардың тізімі ресми жарияланған күннен кейін 3 (үш) жұмыс күнінен кешіктірмей өткізеді.
24. Әңгімелесудің мақсаты кандидаттардың кәсіби, іскерлік және жеке қасиеттерін бағалау болып табылады.
25. Конкурстық комиссия жоғары тұрған әрбір жарияланған басшы лауазым үшін сол лауазымға үміткер кандидаттарға тең көлемде қойылатын қызмет бағыты бойынша сұрақтар тізбесін қалыптастырады.
26. Әңгімелесуге жіберілген кандидаттар, қаржылық мониторинг органының интернет-ресурстарында орналастырылған кестеге сәйкес қаржылық мониторинг органында немесе бейне конференция байланысы арқылы өтеді.
27. Кандидаттармен әңгімелесу хаттама түрінде ресімделеді және техникалық жазба құралдарының (аудио (және) немесе бейне) көмегімен тіркеледі.
28. Кандидаттармен әңгімелесу хаттамасына конкурстық комиссияның төрағасы, мүшелері және хатшысы қол қояды.
Комиссияның техникалық жазба құралдарын қолдану туралы белгі комиссия отырысының хаттамасында көрсетіледі.
29. Техникалық жазба құралдарының көмегімен әңгімелесу барысында тіркелген материалдар конкурс аяқталған сәттен бастап кемінде 3 (үш) ай аумақтық қаржылық мониторинг органының кадр қызметінде сақталады.
30. Кандидат, егер оған конкурстық комиссияның құрамынан қатысушылардың көпшілігі дауыс берсе, оң баға алады.
Дауыстар тең түскен жағдайда конкурстық комиссия төрағасының дауысы шешуші болып табылады.
31. Конкурстық комиссия әңгімелесу өткізудің қорытындысы бойынша мынадай шешімдердің бірін қабылдайды:
1) жарияланған жоғары тұрған басшы лауазымына тағайындауды ұсыну;
2) жарияланған жоғары тұрған басшы лауазымына тағайындаудан бас тарту.
32. Жарияланған жоғары тұрған лауазымдарға тағайындауға ұсынылған кандидаттардың тізімі әңгімелесу өткізілген күннен кейін 2 (екі) жұмыс күні ішінде қаржылық мониторинг органының интернет-ресурсында орналастырылады.
33. Қаржылық мониторинг органының басшысы жоғары тұрған басшы лауазымына әңгімелесу өткізген күннен кейін 5 (бес) жұмыс күні ішінде конкурстық комиссия ұсынған кандидатты тағайындау туралы шешім қабылдайды.
6-бөлім. Қорытынды ережелер
34. Конкурстық комиссияның шешіміне жоғары тұрған қаржылық мониторинг органына (жоғары тұрған лауазымды адамға) немесе сотқа шағымдануға болады.
| Қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізу қағидалары мен шарттарына 1-қосымша |
Нысан
| ____________________________ | |
| қаржылық мониторинг органының атауы |
Өтініш
Мені _____________________________________________________________________
жоғары тұрған басшы лауазымы конкурсына қатысуға жолдауыңызды сұраймын.
Қаржылық мониторинг органдарының жедел-тергеу бөлімшелерінің (экономикалық
тергеу қызметі) жоғары тұрған басшы лауазымдарына конкурс өткізу қағидаларының негiзгi
талаптарымен таныстым және орындауға мiндеттеме аламын.
Ұсынылып отырған құжаттарымның тұпнұсқалығына және Кадр есебі жөніндегі жеке
іс-парағында көрсетілген мәліметтердің дұрыстығына жауап беремiн.
Қоса берілген құжаттар:
1) __________________________
2) __________________________
____________________________
Қолы, аты, әкесінің аты (бар болған жағдайда) және тегі
20____ жылғы "___" ___________
| Қаржылық мониторинг органдарының жедел-тергеу бөлімшелерінің (экономикалық тергеу қызметі) жоғары тұрған басшы лауазымдарына конкурс өткізу қағидалары мен шарттарына 2-қосымша |
Нысан
| Фотосуретке арналған орын (3х4) Место для фотокарточки |
Кадр есебі жөніндегі жеке ІС ПАРАҒЫ ЛИЧНЫЙ ЛИСТОК по учету кадров
1. Тегі ____________________________________________________________
Фамилия аты _____________________________________________________
имя әкесінің аты (бар болған жағдайда) _____________________________________________
отчество (при его наличии)
2. _________________________________________________________________ тегіңізді,
атыңызды, әкеңіздің атын (бар болған жағдайда) өзгерткен болсаңыз, қашан, қайда және
қандай себеппен өзгерткеніңізді көрсетіңіз если изменяли фамилию, имя или отчество (при
его наличии), то укажите их, а также когда, где и по какой причине изменяли
3. Жынысы ________________________________ Пол
4. Туған күні, айы және жылы _________________________________________
Год, число и месяц рождения
5. Туған жері __________________________________________________
Место рождения (село, ауыл, қала, аудан, облыс, өлке, республика) (село, деревня, город,
район, область, край, республика)
6. Ұлты ______________________________________________
Национальность
7. Азаматтық _____________________________________________
Гражданство
8. Білімі ____________________________________________________________
Образование
Оқу орнының атауы және оның тұрған жері |
Түскен жылы |
Бітірген немесе шыққан жылы |
Бітірмесе, қай курстан кетті |
Қандай мамандық бойынша білім алды |
Оқу орнын бітірген соң, кім болып шықты, диплом немесе куәлік нөмірін көрсету керек |
9. Қандай шетел тілдерін білесіз _________________________________
Какими иностранными языками владеете (оқи аласыз ба, әлде сөздікпен аудара аласыз ба,
(читаете и переводите со словарем, читаете и можете
____________________________________________________________________________
әлде түсінісе аласыз ба, еркін сөйлейсіз бе) объясняться, владеете свободно)
10. Ғылыми дәрежеңіз, ғылыми атағыңыз _________________________________________
Ученая степень, ученое звание (қашан берілген, дипломдарыңыздың нөмірі)
(когда присвоены, номера дипломов)
11. Қандай ғылыми еңбектеріңіз бен жетістіктеріңіз бар ______________________________
Какие имеете научные труды и изобретения ________________________________________
______________________________________________________________________________
12. Еңбек жолыңыз (жоғары және арнаулы орта оқу орындарында оқыған жылдарыңыз,
әскери қызмет, қоса атқарған жұмысыңыз, кәсіпкерлік қызметіңіз және т.б. түгел жазылады)
______________________________________________________________________________
Бұл тармақты толтырғанда мекемелер мен кәсіпорындар кезінде қалай аталса, сол қалпында
берілсін, әскери қызметтің лауазымы мен әскери бөлімі қоса көрсетілсін
Трудовая деятельность (включая учебу в высших и средних специальных учебных
заведениях, военную службу, работу по совместительству, предпринимательскую деятельность и т.п.)
________________________________________________________________________
______________________________________________________________________________
При заполнении данного пункта учреждения организации и предприятия необходимо
именовать так, как они назывались в свое время, военную службу записывать с указанием
должности и номера воинской части
Айы және жылы |
Қызметі, мекеме, ұйым, кәсіпорын, сондай-ақ министрлік (ведомство) қоса көрсетілсін |
Мекеме, ұйым, кәсіпорынның тұрған жері | |
келген вступления | кеткен ухода | ||
13. Жақын туыстарыңыз (әкеңіз, шешеңіз, бауырларыңыз, апа-қарындастарыңыз және
балаларыңыз), сондай-ақ жұбайыңыз (зайыбыңыз): Ваши близкие родственники (отец, мать,
братья, сестры и дети), а также муж (жена):
Туысқандық деңгейі |
Тегі, аты, әкесінің аты (бар болған жағдайда) |
Туған жері, датасы |
Жұмыс орны, қызметі |
Тұрғылықты мекен-жайы |
Егер туысқандарыңыз фамилиясын, атын, әкесінің атын (бар болған жағдайда) өзгерткен
болса, олардың бұрынғы тегін, атын, әкесінің атын қоса көрсетіңіз
Если родственники изменяли фамилию, имя, отчество, то необходимо указать их прежние
фамилию, имя, отчество (при его наличии)
14. Қандай мемлекеттік және өзге марапаттарыңыз бар _______________________________
______________________________________________________________________________
Какие имеете государственные и другие награды (қашан, немен марапатталдыңыз)
(когда и чем награждены) ________________________________________________________
15. Әскери қызметке қатысыңыз және әскери атағыңыз _______________________________
_______________________________________________________________________________
Құрамы
Әскер түрі (командалық, саяси, әкімшілік, техникалық және т.б.)
Отношение к воинской обязанности и воинское звание
Состав
Род войск (командный, политический, административный, технический и т.д.)
16. Мекен-жайыңыз бен телефоныңыз ____________________________________
Домашний адрес и телефон_____________________________________________
20___жылғы "_____"_______________________
Өзінің қолы ____________________________________________
(толтырылған күні) ______________________________________
Личная подпись _________________________________________
(дата заполнения) ________________________________________
