Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына, Қазақстан Республикасының "Қазақстан Республикасының әкімшілік-аумақтық құрылысы туралы" Заңының 14-бабының 4) тармақшасына сәйкес, Ақылбай ауылы халқының пікірін ескере отырып және 2022 жылғы 23 маусымдағы Ақмола облыстық ономастика комиссиясы отырысының қорытындысы негізінде, ШЕШТІМ:
1. Ақмола облысы Бурабай ауданы Абылайхан ауылдық округі Ақылбай ауылының келесі көшелері қайта аталсын:
Мира көшесін Кенесары хан көшесіне;
Советская көшесін Валентина Байер көшесіне;
Интернациональная көшесін Бірлік көшесіне;
Комсомольская көшесін Тәуелсіздік көшесіне;
Школьная көшесін Мамыр Сағитов көшесіне.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Абылайхан ауылдық округінің әкімі |
Ж.Кубенов |
