"Қазақстан Республикасының әкімшілік-аумақтық құрылысы туралы" Қазақстан Республикасы Заңының 14-бабы 4) тармақшасына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабы 2-тармағына сәйкес, Шығыс Қазақстан облыстық ономастика комиссиясының 2021 жылғы 11 маусымдағы қорытындысы негізінде, Шығыс Қазақстан облысы Глубокое ауданы Кожохово ауылдық округінің Прогресс ауылы халқының пікірін ескере отырып ШЕШТІМ:
1. Шығыс Қазақстан облысы Глубокое ауданы Кожохово ауылдық округі Прогресс ауылының құрамдас бөліктері қайта аталсын:
Карл Либкнехт көшесін Шоқан Уалиханов көшесіне;
Чапаев көшесін Әлия Молдағұлова көшесіне.
2. "Шығыс Қазақстан облысы Глубокое ауданы Кожохово ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіппен:
1) осы шешімнің Қазақстан Республикасының Әділет министрлігінде мемлекеттік тіркелуін қамтамасыз етсін;
2) ресми жарияланғаннан кейін осы шешімді Шығыс Қазақстан облысы Глубокое ауданы әкімдігінің интернет-ресурсында орналастыруды қамтамасыз етсін.
3.Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Кожохово ауылдық округінің әкімі | Ф. Шаяхметова |
