Алтай ауданы бойынша жер салығының базалық мөлшерлемелерін түзету туралы

Шығыс Қазақстан облысы Алтай ауданы мәслихатының 2022 жылғы 26 қыркүйектегі № 22/3-VII шешімі. Қазақстан Республикасының Әділет министрлігінде 2022 жылғы 28 қыркүйекте № 29872 болып тіркелді

"Салық және бюджетке төленетін басқа да міндетті төлемдер туралы (Салық кодексі)" Қазақстан Республикасы Кодексінің 510-бабы 1-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 6-бабы 1-тармағының 15) тармақшасына сәйкес, Алтай ауданының мәслихаты ШЕШТІ:

1"Салық және бюджетке төленетін басқа да міндетті төлемдер туралы (Салық кодексі)" Қазақстан Республикасы Кодексінің 505,506-баптарында белгіленген Алтай ауданының елді мекендерінің жерлерін аймақтарға бөлу жобасының (схемасының) негізінде келесі жерге:

1) Алтай қаласы (үй жанындағы жер телімдерін қоспағанда), жер салығының базалық мөлшерлемесі:

I, II, V, VI аймақтар бойынша - 50% - ға жоғарылатылсын;

III, IV аймақтар бойынша - 40% - ға жоғарылатылсын;

2) Серебрянск қаласы (үй жанындағы жер телімдерін қоспағанда), жер салығының базалық мөлшерлемесі:

I, II, III, IV, V аймақтар бойынша - 50% - ға жоғарылатылсын;

3) Алтай ауданының ауылдық елді мекендері (үй жанындағы жер телімдерін қоспағанда), жер салығының базалық мөлшерлемесі:

I, II, III, IV, V аймақтар бойынша - 50% - ға жоғарылатылсын;

VI аймақ бойынша - 40% - ға жоғарылатылсын;

VII аймақ бойынша:

Дородница, Бородино ауылдары - 50% - ға жоғарылатылсын;

Заводинка, Северное, Васильевка, Богатырево, Чиркаин, Александровка ауылдары (Средигорный ауылдық округі) - 40% - ға жоғарылатылсын;

Баяновск, Андреевка, Пролетарка, Орловка, Крестовка ауылдары - 30% жоғарылатылсын;

VIII аймақ бойынша:

Ермаковка, Алтайка ауылдары - 50% жоғарылатылсын;

Бұқтырма бекеті, Селезневка, Быков, Кутиха ауылдары - 40% жоғарылатылсын;

Сажаевка ауылы - 30% жоғарылатылсын;

IX аймақ бойынша:

Березовка ауылы - 50% жоғарылатылсын;

Александровка, Кремнюха ауылдары - 40% жоғарылатылсын;

4) Алтай ауданының елді мекендерінен тыс орналасқан өнеркәсіптер, жер салығының базалық мөлшерлемесі:

I аймақ бойынша - 50% - ға жоғарылатылсын;

II аймақ бойынша - 40% - ға жоғарылатылсын;

III аймақ бойынша - 30% - ға жоғарылатылсын;

2. Осы шешім 2023 жылдың 01 қаңтардан бастап қолданысқа енгізіледі.

Алтай ауданының мәслихат хатшысы

Л. Гречушникова