Қазақстан Республикасының "Қазақстан Республикасының әкімшілік-аумақтық құрылысы туралы" Заңының 14-бабының 4) тармақшасына, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35- бабының 2- тармағына сәйкес, Шығыс Қазақстан облыстық ономастикалық комиссиясының 2021 жылғы 11 маусымдағы қорытындысының негізінде және Урунхайка, Шанағаты, Бұғымүйіз, Балықтыбұлақ, ауылдарының тұрғындарының пікірін ескере отырып, ШЕШТІМ:
1. Шығыс Қазақстан облысы Күршім ауданы Төсқайың ауылдық округі Урунхайка, Шанағаты, Бұғымүйіз, Балықтыбұлақ ауылдарының атауы жоқ көшелеріне келесі атаулар берілсін:
1) Урунхайка ауылының атауы жоқ көшесіне – "Абай" көшесі;
2) Шанағаты ауылының атауы жоқ көшесіне – "Батырлар" көшесі;
3) Бұғымүйіз ауылының атауы жоқ көшесіне – "Қара Қаба" көшесі;
4) Балықтыбұлақ ауылының атауы жоқ көшесіне – "Арасан" көшесі.
2. "Төсқайың ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіпте:
1) осы шешімнің Қазақстан Республикасының Әділет министрлігінде мемлекеттік тіркелуін;
2) осы шешім оның ресми жариялағанынан кейін Күршім ауданы әкімдігінің интернет-ресурсына орналастырылуын қамтамасыз етсін.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Күршім ауданының Төсқайың ауылдық округінің әкімі | А. Беткенбаев |
