Қазақстан Республикасының "Ветеринария туралы" Заңының 10-1-бабының 8) тармақшасына, Қазақстан Республикасының "Құқықтық актілер туралы" Заңының 27-бабына сәйкес, "Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Шемонаиха аудандық аумақтық инспекциясы" мемлекеттік мекемесі басшысының 2022 жылғы 22 маусымдағы № 136 ұсынысының негізінде ШЕШТІМ:
1. Ірі қара малдың бруцеллез ауруын жою жөніндегі ветеринариялық іс-шаралар кешенінің жүргізілуіне байланысты, Шығыс Қазақстан облысы Шемонаиха ауданының Каменевский ауылдық округі Рулиха ауылының аумағында белгіленген шектеу іс-шаралары тоқтатылсын.
2. Шемонаиха ауданының Каменевский ауылдық округі әкімінің 2022 жылғы 10 наурыздағы "Шығыс Қазақстан облысы Шемонаиха ауданы Каменевский ауылдық округі Рулиха ауылында шектеу іс-шараларын белгілеу туралы" (Нормативтік құқықтық актілерді мемлекеттік тіркеу тізілімінде № 27295 болып тіркелген) № 2 шешімінің күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
|
Шемонаиха ауданы Каменевский ауылдық округінің әкімі |
Б. Тайтөлеуов |
