БҰЙЫРАМЫН:
1. "Арнайы экономикалық аймақтар қатысушыларының бірыңғай тізілімін жүргізу қағидаларын бекіту туралы" Қазақстан Республикасы Индустрия және инфрақұрылымдық даму министрінің 2019 жылғы 1 шілдедегі №468 бұйрығына (Нормативтік құқықтық актілерді мемлекеттік тіркеу тізілімінде № 18978 болып тіркелген) мынадай өзгерістер енгізілсін:
бұйрықтың тақырыбы мынадай редакцияда жазылсын:
"Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу қағидаларын бекіту туралы";
1-тармағы мынадай редакцияда жазылсын:
"1. Қоса беріліп отырған Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу қағидалары бекітілсін."
көрсетілген бұйрықпен бекітілген Арнайы экономикалық аймақтар қатысушыларының бірыңғай тізілімін жүргізу қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Индустрия және инфрақұрылымдық даму министрлігінің Индустриялық даму комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
М. Карабаев |
"КЕЛІСІЛГЕН"
Қазақстан Республикасы
Ұлттық экономика министрлігі
Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу қағидалары
1-тарау. Жалпы ережелер
1. Осы Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу қағидалары "Арнайы экономикалық және индустриялық аймақтар туралы" Қазақстан Республикасының Заңы (бұдан әрі - Заң) 11-бабының 14) тармақшасына сәйкес әзірленді және Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу тәртібін айқындайды.
2. Осы Қағидаларда пайдаланылатын негізгі ұғымдар:
1) арнайы экономикалық аймақ – Заңына сәйкес қызметті жүзеге асыру үшін арнайы экономикалық аймақтың арнайы құқықтық режимі қолданылатын шекаралары дәл белгіленген Қазақстан Республикасы аумағының бөлігі;
2) арнайы экономикалық аймаққа қатысушылардың бірыңғай тізілімі –Қазақстан Республикасының аумағында құрылған барлық арнайы экономикалық аймақтарға қатысушылардың тізілімі;
3) арнайы экономикалық аймақтың басқарушы компаниясы – арнайы экономикалық аймақтың жұмыс істеуін қамтамасыз ету үшін Заңына және "Инновациялық технологиялар паркі "Инновациялық кластері туралы" Қазақстан Республикасының Заңына сәйкес құрылатын немесе айқындалатын заңды тұлға;
4) арнайы экономикалық аймаққа қатысушы – арнайы экономикалық аймақтың аумағында қызметтің басым түрлерін жүзеге асыратын және арнайы экономикалық аймақтарға қатысушылардың бірыңғай тізіліміне енгізілген заңды тұлға;
5) бейінді емес қызмет түрлерін жүзеге асыратын тұлғалардың бірыңғай тізілімі – Қазақстан Республикасының аумағында құрылған арнайы экономикалық аймақтарда бейінді емес қызмет түрлерін жүзеге асыратын тұлғалардың тізілімі;
6) қызметті жүзеге асыру туралы шарт – арнайы экономикалық немесе индустриялық аймақтың қатысушысы немесе бірнеше қатысушысы мен арнайы экономикалық немесе индустриялық аймақтың басқарушы компаниясы арасында жасалатын, арнайы экономикалық немесе индустриялық аймақтың аумағында және (немесе) олардың құқықтық режимінде қызметті жүзеге асыру шарттарын, тараптардың құқықтарын, міндеттері мен жауапкершілігін белгілейтін шарт;
7) бірыңғай үйлестіру орталығы – арнайы экономикалық және индустриялық аймақтардың қызметін үйлестіруді жүзеге асыратын заңды тұлға;
8) қызметтің бейінді емес түрлері – өңдеуші өнеркәсіп салаларына жататын, шикізатты, материалдарды, заттарды, жаңа өнімге арналған компоненттерді өңдеумен байланысты қызметтің басым түрлерінің тізбесіне кірмейтін қызмет түрлері;
9) бейінді емес қызмет түрлерін жүзеге асыратын тұлға – бейінді емес қызмет түрлерін жүзеге асыратын және осындай қызметті арнайы экономикалық аймақтың аумағында жүзеге асыратын адамдардың бірыңғай тізіліміне енгізілген тұлға;
10) бейінді емес қызметті жүзеге асыру туралы шарт – бейінді емес қызмет түрлерін жүзеге асыратын тұлға немесе бейінді емес қызмет түрлерін жүзеге асыратын бірнеше тұлға мен арнайы экономикалық аймақтың басқарушы компаниясы арасында жасалатын, арнайы экономикалық аумақта қызметті жүзеге асыру шарттарын, тараптардың құқықтарын, міндеттері мен жауапкершілігін белгілейтін шарт.
11) уәкілетті орган – арнайы экономикалық және индустриялық аймақтарды құру, олардың жұмыс істеуі және оларды тарату саласында мемлекеттік реттеуді жүзеге асыратын орталық атқарушы орган.
2-тарау. Арнайы экономикалық аймақтар қатысушыларының бірыңғай тізілімін және бейінді емес қызмет түрлерін жүзеге асыратын тұлғалардың бірыңғай тізілімін жүргізу тәртібі
3. Бірыңғай тізілімдерге арнайы экономикалық аймақтардың қатысушылары және арнайы экономикалық аймақтардың аумағында бейінді емес қызмет түрлерін жүзеге асыратын тұлғалар енгізіледі.
4. Арнайы экономикалық аймақтарға қатысушылардың және бейінді емес қызмет түрлерін жүзеге асыратын тұлғалардың бірыңғай тізілімдерін бірыңғай үйлестіру орталығы осы Қағидаларға 1 және 2-қосымшаларға сәйкес нысандар бойынша мемлекеттік және орыс тілдерінде электрондық форматта қалыптастырады және жүргізеді.
5. Арнайы экономикалық аймақтың басқарушы компаниясы қызметті жүзеге асыру туралы шарт немесе бейінді емес қызметті жүзеге асыру туралы шарт жасалған кезден бастап келесі жұмыс күнінен кешіктірмей бірыңғай үйлестіру орталығына қызметті жүзеге асыру туралы шарттың немесе бейінді емес қызметті жүзеге асыру туралы шарттың көшірмесін жібереді және бірыңғай үйлестіру орталығының интернет-ресурсында шарт жасасу туралы ақпаратты орналастырады.
6. Бірыңғай үйлестіру орталығы тиісті шарттың көшірмесін алғаннан кейін бес жұмыс күні ішінде өтініш беруші туралы мәліметтерді арнайы экономикалық аймақтарға қатысушылардың бірыңғай тізіліміне енгізеді және адамның арнайы экономикалық аймаққа қатысушы ретінде тіркелгенін куәландыратын куәлік немесе куәлік бермей бейінді емес қызмет түрлерін жүзеге асыратын тұлғалардың бірыңғай тізіліміне береді.
7. Бірыңғай тізілімді жүргізу мыналарды қамтиды:
1) арнайы экономикалық аймақтардың қатысушылары және қызметтің бейінді емес түрлерін жүзеге асыратын тұлғалар туралы мәліметтерді енгізу (қосу);
2) арнайы экономикалық аймақтардың қатысушылары және бейінді емес қызмет түрлерін жүзеге асыратын тұлғалар туралы мәліметтерді өзектендіру (жаңарту).
8. Арнайы экономикалық аймақтарға қатысушылардың бірыңғай тізіліміндегі және бейінді емес қызмет түрлерін жүзеге асыратын тұлғалардың бірыңғай тізіліміндегі мәліметтерді өзектендіру (жаңарту) төменде келтірілген жағдайлардың бірі туындаған кезде орын алады:
1) арнайы экономикалық аймақтың атауын өзгерту;
2) бұрын бірыңғай тізілімге енгізілген қатысушы туралы мәліметтерді өзгерту;
3) қызметті жүзеге асыру туралы шартқа немесе бейінді емес қызметті жүзеге асыру туралы шартқа қосымша келісім жасасу;
4) қызметті жүзеге асыру туралы шарттың немесе бейінді емес қызметті жүзеге асыру туралы шарттың қолданылуын тоқтату.
9. Арнайы экономикалық аймақтарға қатысушылардың бірыңғай тізілімінің және бейінді емес қызмет түрлерін жүзеге асыратын тұлғалардың бірыңғай Тізілімінің мәліметтерін өзектендіру (жаңарту) арнайы экономикалық аймақтың басқарушы компанияларынан тиісті хабарлама келіп түскен күннен бастап 5 (бес) жұмыс күні ішінде жүргізіледі.
10. Арнайы экономикалық аймақтың басқарушы компаниясы ауысқан кезде соңғысы бұл туралы уәкілетті органға және бірыңғай үйлестіру орталығына осындай ауысым туралы шешім қабылданған күннен бастап 2 (екі) жұмыс күні ішінде хабарлайды.
11. Арнайы экономикалық аймақтарға қатысушылардың бірыңғай тізіліміне немесе бейінді емес қызмет түрлерін жүзеге асыратын тұлғалардың бірыңғай тізіліміне мәліметтер енгізілген күннен бастап бір жұмыс күні ішінде бірыңғай үйлестіру орталығы арнайы экономикалық аймаққа қатысушы немесе осындай тұлғалар қызметінің бейінді емес түрлерін жүзеге асыратын тұлға және арнайы экономикалық аймақтың басқарушы компаниясы мәртебесін алғаны туралы хабардар етеді.
Арнайы экономикалық аймақтарға қатысушылардың бірыңғай тізіліміне мәліметтер енгізілген күннен бастап бір жұмыс күні ішінде бірыңғай үйлестіру орталығы, сондай-ақ адамды арнайы экономикалық аймақтарға қатысушылардың бірыңғай тізіліміне енгізу туралы мемлекеттік кіріс органдарын хабардар етеді.
Аталған тұлғаларды арнайы экономикалық аймақтар қатысушыларының бірыңғай тізіліміне немесе бейінді емес қызмет түрлерін жүзеге асыратын тұлғалардың бірыңғай тізіліміне енгізу туралы ақпарат бірыңғай үйлестіру орталығының интернет-ресурсында орналастырылады.
12. Арнайы экономикалық аймақтың басқарушы компаниясы бірыңғай үйлестіру орталығы мен мемлекеттік кіріс органдарын қызметті жүзеге асыру туралы шарттың немесе бейінді емес қызметті жүзеге асыру туралы шарттың қолданылуын тоқтату туралы тиісті шарттың қолданылуы тоқтатылған күннен бастап бес жұмыс күнінен кешіктірмей хабардар етеді.
13. Бірыңғай тізілімде қамтылған ақпарат Бірыңғай үйлестіру орталығының интернет-ресурсында орналастырылады.
| Арнайы экономикалық аймақ қатысушыларының бірыңғай тізілімін жүргізу қағидаларына қосымша |
|
| 1-нысан |
Арнайы экономикалық аймақтарға қатысушылардың бірыңғай тізілімі
№ р/с | Ұйымдық-құқықтық нысаны көрсетілген заңды тұлғаның толық атауы | Заңды тұлғаның қысқартылған атауы | Заңды мекенжайы | БСН | Аумағында АЭА қатысушысы қызметін жүзеге асыратын АЭА атауы | АЭА қатысушысы қызметті жүзеге асыру туралы жасалған шартқа сәйкес жүзеге асыратын жобаның атауы | АЭА қатысушыларының тізіліміне адамды АЭА қатысушысы ретінде тіркеу туралы немесе адамды АЭА қатысушысы мәртебесінен айыру туралы жазба енгізілген күн |
1 | 2 | 3 | 4 | 5 | 6 | 7 | 8 |
1. |
кестенің жалғасы
Қызметті жүзеге асыру туралы шарттың деректемелері | Адамды АЭА қатысушысы ретінде тіркеу туралы куәліктің сериясы, нөмірі | Қызметті жүзеге асыру туралы шартқа қосымша келісімдердің деректемелері (бар болса) | Қосымша келісімдер жасасу негіздері (нысанасы) |
9 | 10 | 11 | 12 |
| 2-нысан |
Бейінді емес қызмет түрлерін жүзеге асыратын тұлғалардың бірыңғай тізілімі
№ р/с | Тұлғаның толық атауы | Тұлғаның қысқартылған атауы | Заңды мекен-жайы |
БСН/ | Аумағында адам қызметін жүзеге асыратын АЭА атауы | Бейінді емес қызметті жүзеге асыру туралы жасалған шартқа сәйкес бейінді емес қызмет түрінің атауы | Бейінді емес қызмет түрлерін жүзеге асыратын тұлғалардың бірыңғай тізіліміне немесе адамды тізілімнен шығару туралы жазба енгізілген күн |
1 | 2 | 3 | 4 | 5 | 6 | 7 | 8 |
1. |
кестенің жалғасы
Бейінді емес қызметті жүзеге асыру туралы шарттың деректемелері | Бейінді емес қызметті жүзеге асыру туралы шартқа қосымша келісімдердің деректемелері (бар болса) | Қосымша келісімдер жасасу негіздері (нысанасы) |
9 | 10 | 11 |
