"Жеке кәсіпкерлікті мемлекеттік қолдаудың жекелеген шаралары жөніндегі шарттардың үлгілік нысандарын бекіту туралы" Қазақстан Республикасы Ұлттық экономика министрінің 2020 жылғы 29 қаңтардағы № 5 бұйрығына өзгерістер мен толықтырулар енгізу туралы

Қазақстан Республикасы Ұлттық экономика министрінің 2023 жылғы 11 қыркүйектегі № 158 бұйрығы. Қазақстан Республикасының Әділет министрлігінде 2023 жылғы 12 қыркүйекте № 33408 болып тіркелді

БҰЙЫРАМЫН:

1. "Жеке кәсіпкерлікті мемлекеттік қолдаудың жекелеген шаралары жөніндегі шарттардың үлгілік нысандарын бекіту туралы" Қазақстан Республикасы Ұлттық экономика министрінің 2020 жылғы 29 қаңтардағы № 5 бұйрығына (Нормативтік құқықтық актілерді мемлекеттік тіркеу тізілімінде № 19959 болып тіркелген) мынадай өзгерістер мен толықтырулар енгізілсін:

1 және 2-тармақтар мынадай редакцияда жазылсын:

"1. Мыналар:

1) осы бұйрыққа 1-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Субсидиялау және (немесе) кепілдік беру туралы шарттың үлгілік нысаны;

2) осы бұйрыққа 2-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Сыйақы мөлшерлемесінің бір бөлігін субсидиялау шартының үлгілік нысаны;

3) осы бұйрыққа 3-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасының бір бөлігін және жалдау төлемінің бір бөлігін субсидиялау шартының үлгілік нысаны;

4) осы бұйрыққа 4-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау шартының үлгілік нысаны;

5) осы бұйрыққа 5-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кредиттер/қаржылық лизинг бойынша кепілдік беру шартының үлгілік нысаны;

6) осы бұйрыққа 6-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Жаңа бизнес-идеяларды іске асыруға мемлекеттік гранттар беру шартының үлгілік нысаны;

7) осы бұйрыққа 7-қосымшаға сәйкес 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Жеке кәсіпкерлік субъектілері шығарған облигациялар бойынша кепілдік беру шартының үлгілік нысаны;

8) осы бұйрыққа 8-қосымшаға сәйкес Қосылу шартының үлгілік нысаны бекітілсін.

2. Қазақстан Республикасы Ұлттық экономика министрінің осы бұйрыққа 9-қосымшаға сәйкес тізбе бойынша кейбір бұйрықтарының күші жойылды деп танылсын.";

көрсетілген бұйрықпен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Субсидиялау және кепілдік беру туралы шарттың үлгілік нысанында:

шарт нысанының тақырыбы мынадай редакцияда жазылсын:

"2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Субсидиялау және (немесе) кепілдік беру туралы үлгілік шарт";

кіріспе мынадай редакцияда жазылсын:

"Осы 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Субсидиялау және (немесе) кепілдік беру туралы шарт (бұдан әрі – Шарт):

бірлесіп "Тараптар", ал әрқайсысы жеке алғанда "Тарап" деп не төменде көрсетілгендей аталатын

1) "Өңірлік үйлестіруші":

___________________________ атынан ____________________ негізінде әрекет ететін

___________________________________ және

2) "Қаржы агенттігі":

"Даму" кәсіпкерлікті дамыту қоры" акционерлік қоғамының атынан ________________ негізінде әрекет ететін _____________________________ арасында:

Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаға (бұдан әрі – Ұлттық жоба);

Қазақстан Республикасы Үкіметінің 2019 жылғы 31 желтоқсандағы № 1060 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде сыйақы мөлшерлемесінің бір бөлігін субсидиялау қағидаларына сәйкес шағын жеке және орта жеке кәсіпкерлік субъектілерін өңірлік қаржыландыруға;

Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігіне (бұдан әрі – Тетік);

Қазақстан Республикасы Үкіметінің 2019 жылғы 31 желтоқсандағы № 1060 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде сыйақы мөлшерлемесінің бір бөлігін субсидиялау қағидаларына (бұдан әрі – Субсидиялау қағидалары), 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялауды беру және ішінара кепілдік беру қағидаларына (бұдан әрі – Портфельдік субсидиялау және кепілдік беру қағидалары), 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасының бір бөлігін және жалдау төлемінің бір бөлігін субсидиялау қағидаларына (бұдан әрі – Ислам банктері қаржыландырған кезде субсидиялау қағидалары), 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кредиттер/қаржылық лизинг бойынша кепілдік беру қағидаларына (бұдан әрі – Кепілдік беру қағидалары) және 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидаларына (бұдан әрі – Купондық сыйақы мөлшерлемесін субсидиялау қағидалары) сәйкес жасалды;

2-тармақтың бірінші абзацы мынадай редакцияда жазылсын:

"2. Осы Шарттың талаптары бойынша өңірлік үйлестіруші жергілікті бюджеттердің қаражаты есебінен субсидиялау және (немесе) кепілдік беру үшін көзделген қаражатты қаржы агенттігіне аударады.";

көрсетілген бұйрықпен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде cыйақы мөлшерлемесінің бір бөлігін субсидиялау шартының үлгілік нысанында:

13-тармақтың 4) тармақшасы мынадай редакцияда жазылсын:

"4) банкке/лизингтік компанияға/МҚҰ-ға алдын ала жазбаша хабарлай отырып, банк/лизингтік компания/МҚҰ мен Алушы арасындағы банктік қарыз шартында/микрокредит жөніндегі шартта/қаржылық лизинг шартында көзделген құқықтар шеңберінде Жоба іске асырылатын жерге кемінде жарты жылда 1 (бір) рет шыға отырып, жобаның және (немесе) Алушының Субсидиялау қағидаларының/Тетіктің талаптарына сәйкестігін мониторингтеу, субсидиялау жүзеге асырылатын қаражаттың мақсатты пайдаланылуын мониторингтеуді жүзеге асыруға;";

13-тармақтың 9) тармақшасы мынадай редакцияда жазылсын:

"9) мынадай анықталған фактілердің негізінде субсидиялауды тоқтатуға құқылы:

субсидиялау жүзеге асырылатын кредитті/микрокредитті/лизингті мақсатты пайдаланбау, бұл ретте субсидиялау кредит/лизингтік мәмілелер қаражатын мақсатты пайдаланбау сомасына пропорционалды түрде тоқтатыла тұрады;

Алушының субсидиялау жүзеге асырылатын қаржылық лизинг шарты бойынша лизинг нысанасын алмауы;

жобаның және/немесе Алушының Субсидиялау қағидаларының талаптарына және/немесе қаржы агенттігінің уәкілетті органының шешіміне сәйкес келмеуі;

төтенше жағдай/ахуал қолданылатын кезеңде туындаған жағдайларды қоспағанда, Алушының банктік қарыз шартына/микрокредит бойынша шартқа/ субсидиялау шартына төлемдер кестесіне сәйкес төлемдерді төлеу бойынша банк/МҚҰ алдындағы міндеттемелерді қатарынан 3 (үш) ай бойы орындамауы;

төтенше жағдай/ахуал кезінде туындаған жағдайларды қоспағанда, Алушының қаржылық лизинг шартына төлемдерді өтеу кестесіне сәйкес лизингтік төлемдерді жасау бойынша лизингтік компания/банк алдындағы міндеттемелерді қатарынан 2 (екі) және одан да көп рет орындамауы;

Алушының шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе Алушының шоты бойынша шығыс операцияларын тоқтата тұру;

Қазақстан Республикасының заңнамасында көзделген жағдайларда борышкерден лизинг нысанасын кері талап ету;

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін Алушылардың салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде бюджетке төленетін салықтарды (корпоративтік табыс салығын/жеке табыс салығын) 10 %-ға ұлғайту бойынша, сондай-ақ жұмыс орындарын сақтай отырып, еңбекақы төлеу қорының өсуіне қол жеткізу немесе жұмыс орындарының орташа жылдық санын ұлғайту бойынша міндеттемелерді орындамауы ( "Кәсіпкерлерді/индустриялық-инновациялық қызмет субъектілерін қолдау" бағыты бойынша кәсіпкерлердің жобалары бойынша);

шағын және орта кәсіпкерлік субъектілерінің "Шағын жеке және орта жеке кәсіпкерлік субъектілерін қаржыландырудың өңірлік бағдарламасы" шеңберінде жоба қаржыландырылатын күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) немесе төленетін салықтар көлемінің (корпоративтік табыс салығы/жеке табыс салығы) 10 %-ға өсуіне қол жеткізу міндеттемелерін орындамауы;

"жасыл" жоба бойынша мәлімделген "жасыл" таксономияның шекті өлшемшарттары:

1) энергия тұтынуды төмендетудің нақты ең төмен мәндерін;

2) парниктік газдар шығарындыларының ең төмен деңгейлерін;

3) қалдықтардың үлесін азайтуды/кәдеге жаратуды;

4) су тұтынуды төмендетуді;

5) ең үздік қолжетімді технологиялар анықтамалықтарының талаптарына сәйкес келуі (шекті өлшемшартта көрсетілген бөлігінде) көзделген жағдайда Алушы ұсынатын сыртқы бағалау провайдерінің қорытындысы негізінде жобаны субсидиялау басталғаннан 2 (екі) жыл өткен соң Алушының "жасыл" жоба бойынша аталған шекті өлшемшарттарға қол жеткізбеуі.

Тетік шеңберінде Алушының:

жұмыс органы/қаржы агенттігі инвестициялық мақсаттарға 100 % берілетін кредит қаражаты бойынша субсидиялау туралы шешім қабылдаған күннен бастап 3 (үш) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу;

жұмыс органы/қаржы агенттігі қарыз алушының бір жобасы шеңберінде инвестициялық мақсаттарға және 50 %-дан аспайтын мөлшерде айналым қаражатын толтыруға берілетін кредит қаражаты бойынша субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер немесе өндіріс көлемі (ақшалай мәнде) бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу (салық төлеуден босатылмаған кәсіпорындар Тетік талаптарына сәйкес салық төлемдеріy ұлғайтуды қамтамасыз етеді);

жұмыс органы/қаржы агенттігі айналым қаражатын 100 % толтыру мақсатында берілетін кредит қаражаты бойынша субсидиялау туралы шешім қабылдаған күннен бастап 1 (бір) жылдың қорытындысы бойынша салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер бойынша деректердің негізінде жұмыс орындарының орташа жылдық санын сақтау/ұлғайту немесе өндіріс көлемін (ақшалай мәнде) ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу жөніндегі міндеттемелерді орындамауы (салық төлеуден босатылмаған кәсіпорындар Тетік талаптарына сәйкес салықтық төлемдерді ұлғайтуды қамтамасыз етеді).

"Бизнестің жол картасы-2020" бизнесті қолдау мен дамытудың мемлекеттік бағдарламасының шарттары бойынша мақұлданған Алушының жобалары бойынша субсидиялау мынадай:

субсидиялау жүзеге асырылатын кредитті нысаналы пайдаланбау;

кәсіпкердің субсидиялау жүзеге асырылатын қаржылық лизинг шарты бойынша лизинг нысанасын алмауы;

жобаның және/немесе Алушының Субсидиялау қағидаларының талаптарына және/немесе уәкілетті органның шешіміне сәйкес келмеуі;

Алушының банктік қарыз шартына/субсидиялау шартына төлемдер кестесіне сәйкес төлемдерді төлеу бойынша банк алдындағы міндеттемелерді қатарынан 3 (үш) ай бойы орындамауы;

Алушының қаржылық лизинг шартына төлемдерді өтеу кестесіне сәйкес лизингтік төлемдерді жасау бойынша лизингтік компания/банк алдындағы міндеттемелерді қатарынан 2 (екі) және одан көп рет орындамауы;

Алушының шоттарындағы ақшаға тыйым салу және/немесе Алушының шоты бойынша шығыс операцияларын тоқтата тұру;

Қазақстан Республикасының заңнамасында көзделген жағдайларда борышкерден лизинг нысанасын кері талап ету;

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін Алушының міндетті зейнетақы жарналары және (немесе) әлеуметтік аударымдар бойынша деректердің негізінде кірістің өсуіне және жұмыс орындарының орташа жылдық санын 10 %-ға ұлғайтуға қол жеткізу жөніндегі міндеттемелерді орындамауы (Субсидиялау қағидаларының шағын, оның ішінде микрокәсіпкерлік субъектілерін қолдау бағыты шеңберінде кәсіпкерлердің жобалары бойынша, сондай-ақ "Кәсіпкерлерді/индустриялық-инновациялық қызмет субъектілерін қолдау" бағыты шеңберінде Алушының – шағын кәсіпкерлік субъектісінің жобалары бойынша);

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін салық есептілігі деректерінің негізінде жұмыс орындарының орташа жылдық санын сақтау және (немесе) ұлғайту және (немесе) кірістің 10 %-ға өсуіне қол жеткізу Тетігі шеңберінде Алушының міндеттемелерді орындамау фактілері анықталған кезде тоқтатыла тұрады.

"Бизнестің жол картасы-2025" бизнесті қолдау мен дамытудың мемлекеттік бағдарламасының шарттары бойынша мақұлданған Алушының жобалары бойынша субсидиялау мынадай:

субсидиялау жүзеге асырылатын кредитті нысаналы пайдаланбау;

Алушының субсидиялау жүзеге асырылатын қаржылық лизинг шарты бойынша лизинг нысанасын алмауы;

жобаның және/немесе Алушының Субсидиялау қағидаларының талаптарына және/немесе уәкілетті органның шешіміне сәйкес келмеуі;

төтенше жағдай/ахуал қолданылатын кезеңде туындаған жағдайларды қоспағанда, Алушының банктік қарыз шартына/субсидиялау шартына төлемдер кестесіне сәйкес төлемдерді төлеу бойынша банк алдындағы міндеттемелерді қатарынан 3 (үш) ай бойы орындамауы;

төтенше жағдай/ахуал қолданылатын кезеңде туындаған жағдайларды қоспағанда, Алушының қаржылық лизинг шартына төлемдерді өтеу кестесіне сәйкес лизингтік төлемдерді енгізу бойынша лизингтік компания/банк алдындағы міндеттемелерді қатарынан 2 (екі) және одан көп рет орындамауы;

Алушының шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе Алушының шоты бойынша шығыс операцияларын тоқтата тұру;

Қазақстан Республикасының заңнамасында көзделген жағдайларда борышкерден лизинг нысанасын кері талап ету;

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін Алушының салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын сақтау/ұлғайту жөніндегі немесе еңбекке ақы төлеу қорының көлемін ұлғайту жөніндегі немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін кызметтердің құны) өсуіне немесе бюджетке төленетін салықтар (корпоративтік табыс салығы/жеке табыс салығы) көлемінің 10 %-ға өсуіне қол жеткізу жөніндегі міндеттемелерді орындамауы ("Кәсіпкерлерді/индустриялық-инновациялық қызмет субъектілерін қолдау" бағыты шеңберінде Алушының жобалары бойынша);

Тетік шеңберінде Алушының:

жұмыс органы/қаржы агенттігі инвестициялық мақсаттарға 100 % берілетін кредит қаражаты бойынша субсидиялау туралы шешім қабылдаған күннен бастап 3 (үш) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу;

жұмыс органы/қаржы агенттігі қарыз алушының бір жобасы шеңберінде инвестициялық мақсаттарға және 50 %-дан аспайтын мөлшерде айналым қаражатын толтыруға берілетін кредит қаражаты бойынша субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер немесе өндіріс көлемі (ақшалай мәнде) бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу (салық төлеуден босатылмаған кәсіпорындар Тетік талаптарына сәйкес салық төлемдерін ұлғайтуды қамтамасыз етеді);

жұмыс органы/қаржы агенттігі 100 % айналым қаражатын толтыру мақсатында берілетін кредит қаражаты бойынша субсидиялау туралы шешім қабылдаған күннен бастап 1 (бір) жылдың қорытындысы бойынша салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер бойынша деректердің негізінде жұмыс орындарының орташа жылдық санын сақтау/ұлғайту немесе өндіріс көлемін (ақшалай мәнде) ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға өсуіне қол жеткізу (салық төлеуден босатылмаған кәсіпорындар Тетік талаптарына сәйкес салық төлемдерін ұлғайтуды қамтамасыз етеді) жөніндегі міндеттемелерді орындамау фактілері анықталған кезде субсидиялау тоқтатыла тұрады;

2023 жылғы 23 ақпанға дейін мақұлданған Ұлттық жоба шеңберінде Алушылардың жобалары бойынша субсидиялау мынадай фактілер анықталған кезде тоқтатыла тұрады:

субсидиялау жүзеге асырылатын кредитті/микрокредитті/лизингті нысаналы пайдаланбау, бұл ретте субсидиялау кредит/лизингтік мәмілелер қаражатын нысаналы пайдаланбау сомасына пропорционалды түрде тоқтатыла тұрады;

Алушының субсидиялау жүзеге асырылатын қаржылық лизинг шарты бойынша лизинг нысанасын алмауы;

жобаның және/немесе Алушының Субсидиялау қағидаларының талаптарына және/немесе қаржы агенттігінің уәкілетті органының шешіміне сәйкес келмеуі;

төтенше жағдай/ахуал қолданылатын кезеңде туындаған жағдайларды қоспағанда, Алушының банктік қарыз шартына/микрокредит бойынша шартқа/ субсидиялау шартына төлемдер кестесіне сәйкес төлемдерді төлеу бойынша банк/МҚҰ алдындағы міндеттемелерді қатарынан 3 (үш) ай бойы орындамауы;

төтенше жағдай/ахуал кезінде туындаған жағдайларды қоспағанда, Алушының қаржылық лизинг шартына төлемдерді өтеу кестесіне сәйкес лизингтік төлемдерді жасау бойынша лизингтік компания/банк алдындағы міндеттемелерді қатарынан 2 (екі) және одан көп рет орындамауы;

Алушының шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе Алушының шоты бойынша шығыс операцияларын тоқтата тұру;

Қазақстан Республикасының заңнамасында көзделген жағдайларда борышкерден лизинг нысанасын кері талап ету;

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін Алушының салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын ұлғайту, сондай-ақ кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін кызметтердің құны) өсуіне немесе бюджетке төленетін салықтар (корпоративтік табыс салығы/жеке табыс салығы) көлемінің 10 %-ға өсуіне қол жеткізу жөніндегі міндеттемелерді орындамауы ("Кәсіпкерлерді/индустриялық-инновациялық қызмет субъектілерін қолдау" бағыты шеңберінде кәсіпкерлердің жобалары бойынша);

шағын және орта кәсіпкерлік субъектілерінің "Шағын жеке және орта жеке кәсіпкерлік субъектілерін қаржыландырудың өңірлік бағдарламасы" шеңберінде жоба қаржыландырылатын күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде жұмыс орындарының орташа жылдық санын сақтау/ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) немесе төленетін салықтар көлемінің (корпоративтік табыс салығы/жеке табыс салығы) 10 %-ға өсуіне қол жеткізу міндеттемелерін орындамауы;

"жасыл" жоба бойынша мәлімделген "жасыл" таксономияның шекті өлшемшарттары:

1) энергия тұтынуды төмендетудің нақты ең төмен мәндерін;

2) парниктік газдар шығарындыларының ең төмен деңгейлерін;

3) қалдықтардың үлесін азайтуды/кәдеге жаратуды;

4) су тұтынуды төмендетуді;

5) ең үздік қолжетімді технологиялар анықтамалықтарының талаптарына сәйкес келуі (шекті өлшемшартта көрсетілген бөлігінде) көзделген жағдайда Алушы ұсынатын сыртқы бағалау провайдерінің қорытындысы негізінде жобаны субсидиялау басталғаннан 2 (екі) жыл өткен соң Алушының "жасыл" жоба бойынша аталған шекті өлшемшарттарға қол жеткізбеуі;";

көрсетілген бұйрықпен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасының бір бөлігін және жалдау төлемінің бір бөлігін субсидиялау шартының үлгілік нысанында:

21-тармақтың 8) тармақшасы мынадай редакцияда жазылсын:

"8) қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін Алушылардың салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде бюджетке төленетін салықтарды (корпоративтік табыс салығын/жеке табыс салығын) 10 %-ға ұлғайту бойынша, сондай-ақ жұмыс орындарын сақтай отырып, еңбекақы төлеу қорының өсуіне қол жеткізу немесе жұмыс орындарының орташа жылдық санын ұлғайту бойынша міндеттемелерді орындамауы ("Кәсіпкерлерді/индустриялық-инновациялық қызмет субъектілерін қолдау" бағыты бойынша кәсіпкерлердің жобалары бойынша).";

мынадай мазмұндағы 21-3-тармақпен толықтырылсын:

"21-3. 2023 жылғы 23 ақпанға дейін мақұлданған Ұлттық жоба шеңберінде Алушылардың жобалары бойынша субсидиялау мынадай фактілер анықталған кезде тоқтатыла тұрады:

1) субсидиялау жүзеге асырылатын жаңа қаржыландыруды мақсатты пайдаланбау, бұл ретте субсидиялау қаржыландыруды мақсатты пайдаланбау сомасына пропорционалды түрде тоқтатыла тұрады;

2) Алушының субсидиялау жүзеге асырылатын исламдық лизинг шарты бойынша лизинг нысанасын (жалдауды) алмауы;

3) жобаның және/немесе Алушының Исламдық қаржыландыру жөніндегі қағидалардың талаптарына және/немесе өңірлік үйлестіру кеңесінің/қаржы агенттігінің шешіміне сәйкес келмеуі;

4) Алушының қаржыландыру шартына төлемдерді өтеу кестесіне сәйкес ислам банкі алдындағы төлемдер төлеу жөніндегі міндеттемелерін қатарынан 3 (үш) ай бойы орындамауы;

5) Алушының қаржыландыру шартына төлемдерді өтеу кестесіне сәйкес ислам банкі/исламдық лизингтік компания алдындағы лизингтік (жалдау) төлемдерін жасау жөніндегі міндеттемелерін қатарынан 2 (екі) және одан көп рет орындамауы;

6) Алушының шоттарындағы ақшаға тыйым салу (шоттағы талап қоюды толық көлемде қамтамасыз ететін ақша жеткілікті болған жағдайда, талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе Алушының шоты бойынша шығыс операцияларын тоқтата тұру;

7) Қазақстан Республикасының заңнамасында көзделген жағдайларда борышкерден лизинг (жалдау) нысанасын кері талап ету;

8) қаржы агенттігінің уәкілетті органы шешім ("Кәсіпкерлерді/индустриялық-инновациялық қызмет субъектілерін қолдау" бағыты шеңберінде кәсіпкерлердің жобалары бойынша) қабылдаған күннен бастап 2 (екі) қаржы жылынан кейін кәсіпкерлердің салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын ұлғайту жөніндегі, сондай-ақ кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін кызметтердің құны) өсуіне немесе бюджетке төленетін салықтар (корпоративтік табыс салығы/жеке табыс салығы) көлемінің 10 %-ға өсуіне қол жеткізу жөніндегі міндеттемелерді орындамау фактілері анықталған кезде субсидиялау тоқтатылады.";

көрсетілген бұйрықпен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау шартының үлгілік нысанында:

1-тармақтың 1) тармақшасы мынадай редакцияда жазылсын:

"1) "Астана" халықаралық қаржы орталығы (бұдан әрі – АХҚО) – "Астана" халықаралық қаржы орталығы аумағының шекараларын айқындау туралы" Қазақстан Республикасы Президентінің 2015 жылғы 31 желтоқсандағы № 161 Жарлығымен айқындалған, дәл белгіленген шекарасы бар, қаржы саласындағы ерекше құқықтық режим қолданылатын Астана қаласының шегіндегі аумақ;";

көрсетілген бұйрықпен бекітілген 2021 – 2025 жылдарға арналған кәсіпкерлікті дамыту жөніндегі ұлттық жобаның шеңберінде Кредиттер/қаржылық лизинг бойынша кепілдік беру шартының үлгілік нысанында:

2-тармақ мынадай редакцияда жазылсын:

"2. Осы Шарттың талаптарында Кепілгер Қарыз алушының есептелген сыйақының, комиссиялардың, тұрақсыздық айыбының, өсімпұлдың, айыппұл санкцияларының, борышты өндіріп алу бойынша сот шығасыларының, Қарыз алушының банк пен Қарыз алушының арасында жасалған кредит шарты бойынша міндеттемелерді орындамауынан және (немесе) тиісінше орындамауынан туындаған банктің басқа да шығындары сомасын есепке алмай, негізгі борыштың бір бөлігін, сондай-ақ негізгі борышқа капиталдандырылған сыйақы сомаларын және өзге де төлемдерді төлеу бойынша міндеттемелерді орындауы үшін банк алдында жауап беруге міндеттенеді:

1) кредит шартының атауы мен нөмірі: __________________________;

2) кредит шартын жасау күні: __________________________________;

3) кредит сомасы: ____________________________________________;

4) кредит бойынша сыйақы мөлшерлемесі: _______________________;

5) кредит мерзімі: ____________________________________________;

6) кредиттің нысаналы мақсаты: ________________________________;

7) жобаның атауы: ____________________________________________;

8) Қарыз алушының жобасы бойынша экономикалық қызмет түрлерінің жалпы жіктеуіші (бұдан әрі – ЭҚЖЖ) ________________________________.

Осы тармақтағы мәліметтер кредит шартының талаптарына сәйкес көрсетіледі.";

12-тармақ мынадай редакцияда жазылсын:

"12. Кепілгердің, оның ішінде осы Шарттың қолданылу мерзімі кезеңінде, мынадай талаптарын сақтау кепілдік жарамдылығының міндетті талабы болып табылады:

1) __________________________________________________________;

2) __________________________________________________________;

3) __________________________________________________________.

Осы тармақшаға мәліметтер Кепілгердің уәкілетті органының талаптарына сәйкес толықтырылады.";

20, 21 және 22-тармақтар мынадай редакцияда жазылсын:

"20. Қарыз алушы кредиттік шарт бойынша негізгі борыш сомасын өтеу жөніндегі міндеттемелерді үздіксіз орындамаған күннен бастап 30 (отыз) жұмыс күнінен ерте емес мерзімде банк Кепілдік мөлшерінің қалдығын және Қарыз алушының банк алдындағы берешегінің қалдығын және Қарыз алушының банк алдындағы берешегінің бар-жоғын көрсете отырып, бұл туралы Кепілгерді жазбаша (хат/хабарлама/есеп арқылы) хабардар етеді.

21. Қарыз алушы кредит шарты бойынша негізгі борыш сомасын өтеу бойынша міндеттемелерін орындамаған күннен бастап күнтізбелік 120 (бір жүз жиырма) күн ішінде банк Қарыз алушыдан және қамтамасыз етуді ұсынған адамдардан мерзімі өткен берешекті алу мақсатында шараларды, оның ішінде берешекті өндіріп алу, қамтамасыз етуді өндіріп алу, банк кепілдігі, үшінші тұлғалардың кепілдіктері/тапсырмалары бойынша талап қою (кепілдікті қоспағанда), Қарыз алушы шоттарынан ақшаны алып қою жолымен қабылдауға міндетті.

Бұл ретте банк Қарыз алушының міндеттемелерін қамтамасыз ету (кепілзат/салым) болып табылатын ақшаға қатысты өндіріп алу құқығын өзіне қалдырады.

22. Банк осы Шарттың 32-тармағына сәйкес кезектілікке сәйкес Қарыз алушының берешегін өтеуге жіберуге міндетті болатын кепілдік қамтамасыз етуді/лизинг нысанасын сатудан алынған соманы қоспағанда, Кепілгер талапты орындағанға дейін банк қабылдаған Қарыз алушының берешегін өндіріп алу жөніндегі шаралардың нәтижесінде алынған сомалар кредит шартының талаптарында белгіленген кезектілікке және Қазақстан Республикасының қолданыстағы азаматтық және банк заңнамасының талаптарына сәйкес Қарыз алушының берешегін өтеуге жұмсалады.";

26-тармақ мынадай мазмұндағы 11) тармақшамен толықтырылсын:

"11) "Бірінші кредиттік бюро" жауапкершілігі шектеулі серіктестігінің кредиттік есебі (Кепілгердің сұрау салуы бойынша).";

29-тармақ мынадай редакцияда жазылсын:

"29. Талап Кепілгерге Астана қаласының уақыты бойынша ағымдағы жұмыс күні сағат 16.00-ге дейін қойылуы мүмкін. Астана қаласының уақыты бойынша сағат 16.00-ден кейін қойылған талап келесі жұмыс күні қойылған болып есептеледі.";

31 және 32-тармақтар мынадай редакцияда жазылсын:

"31. Кепілгер банк талабын және осы Шартта көзделген барлық құжаттарды алған күннен бастап 20 (жиырма) жұмыс күнінен кешіктірмей, сондай-ақ талапқа және ұсынылған құжаттарға қарсылық болмаған кезде банкке талапта көрсетілген сома мөлшерінде төлем жасайды не банкке барлық қарсылықтарын көрсете отырып, хат жібереді.

32. Банк Шарттың 21-тармағында белгіленген мерзім шегінде кепілдік қамтамасыз етуді/лизинг нысанасын сату жұмыстарын және Қарыз алушыдан берешекті өндіріп алудың өзге де шараларын жүргізеді. Осы шараларды жүргізу нәтижесінде банк алған барлық сомалар Кепілгер мен банк арасында мынадай кезектілікпен бөлінеді:

1) Қарыз алушының банк алдындағы сыйақы мөлшерлемесінің қалдық сомасын өтеу;

2) банк алдындағы кредит шарты бойынша негізгі борыш қалдығының сомасын өтеу;

3) Қарыз алушының Кепілгер алдындағы берешегін өтеу;

4) Қарыз алушының кредит шарты бойынша банк алдындағы тұрақсыздық айыбын және өзге де берешегін өтеу.

Бұл ретте ақшаны бөлу банк оларды алған күннен бастап 5 (бес) жұмыс күні ішінде жүргізіледі.";

33-тармақ мынадай мазмұндағы үшінші бөлікпен толықтырылсын:

"Банк кепілмен қамтамасыз етуді/лизинг нысанасын осы тармақтың шарттарына сәйкес Кепілгерге бермей мерзімінен бұрын босатқан жағдайда, банк Кепілгерден жазбаша талап алған күннен бастап 10 (он) жұмыс күні ішінде төленген кепілдік бойынша барлық өтелмеген берешекті Кепілгерге өтейді.";

Қазақстан Республикасы Ұлттық экономика министрінің күші жойылды деп танылатын бұйрықтарының тізбесінде:

жоғарғы оң жақ бұрыштағы мәтін мынадай редакцияда жазылсын:

"Қазақстан Республикасы Ұлттық экономика министрінің 2020 жылғы 29 қаңтардағы № 5 бұйрығына 9-қосымша";

осы бұйрыққа қосымшаға сәйкес 8-қосымшамен толықтырылсын.

3. Қазақстан Республикасы Ұлттық экономика министрлігінің Кәсіпкерлікті мемлекеттік қолдау және қорғау департаменті заңнамада белгіленген тәртіппен осы бұйрықты Қазақстан Республикасының Әділет министрлігінде мемлекеттік тіркеуді және оны Қазақстан Республикасы Ұлттық экономика министрлігінің интернет-ресурсында орналастыруды қамтамасыз етсін.

4. Осы бұйрықтың орындалуын бақылау Қазақстан Республикасының Ұлттық экономика бірінші вице-министріне жүктелсiн.

5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Ұлттық экономика министрі

А. Куантыров

"КЕЛІСІЛДІ"

Қазақстан Республикасының

Бәсекелестікті қорғау және дамыту агенттігі

	Қазақстан Республикасы Ұлттық экономика министрі 2023 жылғы 11 қыркүйектегі № 158 Бұйрыққа қосымша
	Қазақстан Республикасы Ұлттық экономика министрінің 2020 жылғы 29 қаңтардағы № 5 бұйрығына 8-қосымша

Нысан

Қосылу шарты

1-тарау. Жалпы ережелер

1. Бұдан әрі "Шарт" деп аталатын осы Қосылу шарты "Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2019 жылғы 31 желтоқсандағы № 1060 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде сыйақы мөлшерлемесінің бір бөлігін субсидиялау қағидаларына (бұдан әрі – Қағидалар) және "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігіне (бұдан әрі – Тетік) сәйкес жасалады.

2. Осы Шарт "Даму" кәсіпкерлікті дамыту қоры" акционерлік қоғамы, Банк/Лизингтік компания (бұдан әрі – ЛК) және Алушы арасында жасалатын шарт болып табылады. Осы Шарттың талаптары стандартты нысандарда айқындалған және оны Банк/ЛК және Алушы Қазақстан Республикасы Азаматтық кодексінің 389-бабына сәйкес жалпы ұсынылған Шартқа қосылу жолымен қабылдануы мүмкін.

Шарт, Қағидалар/Тетік, сондай-ақ оларға өзгерістер мен толықтырулар Қаржы агенттігінің интернет-ресурсында және Қаржы агенттігінің филиалдарында көру үшін қолжетімді жерде орналастырылады.

3. Осы Шарт Қағидалар/Тетік шеңберінде Банктердің/ЛК-ның кредиттері/лизингтік мәмілелері бойынша сыйақы мөлшерлемесінің бір бөлігіне субсидиялау беру талаптарын айқындайды.

4. Алушының Шарт талаптарын қабылдауы Алушының Шартқа 1-қосымшаға сәйкес нысан бойынша қол қойылған өтінішті (бұдан әрі – Алушының өтініші) беру және оны Қаржы агенттігінің уәкілетті жұмыскерінің қабылдауы жолымен білдірген келісуі негізінде жүзеге асырылады.

5. Банктің/ЛК-ның Шарт талаптарын қабылдауы Шартқа 2-қосымшаға сәйкес нысан бойынша қол қойылған өтінішті (бұдан әрі – Банк/ЛК өтініші) беру және оны Қаржы агенттігінің уәкілетті жұмыскерінің қабылдауы жолымен білдірген Банктің/ЛК-ның келісуі негізінде жүзеге асырылады.

6. Шартқа қосылған Алушы мен Банк/ЛК Шартта белгіленген барлық талаптар мен міндеттемелерді, жалпы Шарттың талаптарын (бұдан әрі Қаржы агенттігі, Банк/ЛК және Алушы бірлесіп "Тараптар", ал жекелеп алғанда "Тарап" не тиісінше "Қаржы агенттігі", "Банк/ЛК" және "Алушы" деп аталады)сөзсіз қабылдай отырып, толық көлемде қабылдайды.

7. Тараптар Қаржы агенттігі Алушының өтінішін қабылдаған күн Алушымен жасасқан Шарттың күні болып табылады деп айқындады. Алушының өтінішіне Қаржы агенттігі мен Алушы 2 (екі) данада қол қояды, біреуі Қаржы агенттігінде қалады, екінші данасы Алушыға беріледі және ол Шарт жасасу фактісін растайтын құжат болып табылады.

8. Тараптар Банкпен/ЛК-мен Шарт жасасқан күн Қаржы агенттігінің Банк/ЛК өтінішін қабылдаған күн болып табылады деп айқындады. Банктің/ЛК-нің өтінішіне Қаржы агенттігі мен Банк/ЛК 2 (екі) данада қол қояды, біреуі Қаржы агенттігінде қалады, екінші данасы Банкке/ЛК-ға беріледі және ол Шарт жасасу фактісін растайтын құжат болып табылады.

9. Банк/ЛК осы Шартқа бір рет қосылады. Осы Шартқа қосылған Банк/ЛК, Қаржы агенттігі және Алушылар арасында субсидиялау мәселелері бойынша барлық құқықтық қатынастарды осы Шарт реттейді. Кредит шарты/Қаржылық лизинг шарты (бұдан әрі – ҚЛШ) жасалған немесе жасалатын Банк/ЛК және әрбір Алушы арасындағы құқықтық қатынастар Кредит шартымен/қаржылық лизинг шартымен реттеледі.

10. Шартқа өзгерістер және/немесе толықтырулар енгізілген жағдайда Қаржы агенттігі осындай өзгерістерді және/немесе толықтыруларды Банкке/ЛК-ға келісуге жібереді. Банк/ЛК 10 (он) жұмыс күні ішінде Шартқа өзгерістер және/немесе толықтырулар енгізу туралы хабарламаны алған күннен бастап осы өзгерістерді және/немесе толықтыруларды хатпен келіседі. Көрсетілген өзгерістермен және/немесе толықтырулармен келіспеген жағдайда Банк/ЛК Шартқа өзгерістер және/немесе толықтырулар енгізу туралы хабарламаны алған күннен бастап 10 (он) жұмыс күні ішінде Қаржы агенттігіне хатпен ұсыныстар және/немесе келіспеушіліктер хаттамасын жіберуге тиіс. Банкпен/ЛК-мен Шартқа өзгерістерді және/немесе толықтыруларды келіскеннен кейін Қаржы агенттігі жаңартылған нұсқаны Қаржы агенттігінің интернет-ресурсында орналастырады.

11. Осы Шарт, оған қосымшалар мен толықтырулар, сондай-ақ Алушының өтініші және Банктің/ЛК-ның өтініші бір-бірінің ажырамас бөліктері болып табылады, бірыңғай құқықтық құжатты білдіреді, мұнымен барлық Тараптар сөзсіз және қайтарымсыз келіседі және Шарт жасалған кезде де, болашақта да олар бойынша өздеріне қабылдаған барлық міндеттемелерді растайды.

2-тарау. Терминдер мен Анықтамалар

12. Осы Шартта мынадай негізгі терминдер мен анықтамалар пайдаланылады:

1) Алушы – өз қызметін Қағидалар шеңберінде жүзеге асыратын шағын және (немесе) орта кәсіпкерлік субъектісі, оның ішінде әлеуметтік кәсіпкерлік субъектісі және өз қызметін Тетік шеңберінде жүзеге асыратын жеке кәсіпкерлік субъектілері, сондай-ақ "Астана" халықаралық қаржы орталығының аумағында тіркелген, Банкпен/ЛК-мен Кредит шартын/ҚЛШ жасасқан заңды тұлғалар;

2) Банк – Қағидаларды/Тетікті іске асыру шеңберінде қатысатын екінші деңгейдегі банк;

3) банк-төлем агенті – Қаржы агенттігімен келісілген және жобалар бойынша субсидияларды аударуға және есептен шығаруға арналған ЛК-ның арнайы шотын жүргізу жөніндегі функцияларды жүзеге асыратын ЛК-ның уәкілетті банкі;

4) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның құрылымдық бөлімшесі;

5) жұмыс күні – Тараптар Қазақстан Республикасында өз қызметін жүзеге асыру үшін ашық болатын күн (сенбі немесе жексенбі немесе ресми мереке және демалыс күндерін қоспағанда);

6) жоба – кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде кәсіпкер жүзеге асыратын бизнестің түрлі бағыттарындағы іс-қимылдар мен іс-шаралардың жиынтығы (бір жоба шеңберінде бірнеше банктік кредиттер/лизингтік мәмілелер алуға болады);

7) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экологиялық заңнамасына сәйкес қолда бар табиғи ресурстарды пайдалану тиімділігін арттыруға, қоршаған ортаға теріс әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар;

8) "жасыл" таксономия – қоршаған ортаны қорғау саласындағы уәкілетті орган әзірлейтін және "Жасыл" облигациялар мен "жасыл" кредиттер арқылы қаржыландыруға жататын "жасыл" жобалардың сыныптамасын (таксономиясын) бекіту туралы Қазақстан Республикасы Үкіметінің 2021 жылғы 31 желтоқсандағы № 996 қаулысымен бекітілетін "жасыл" кредиттер арқылы қаржыландыруға жататын "жасыл" жобалардың сыныптамасы;

9) кредитті/лизингті мақсатты пайдалану – Алушының Банкке/ЛК-ға растайтын құжаттарды ұсына отырып, кредит қаражатын Кредит шартында/ҚЛШ-да белгіленген мақсаттарға пайдалануы. Мақсатты пайдалану тиісті құжаттармен расталады, бұл құжаттар жиынтығында Алушының Қағидалардың/Тетіктің шарттарына сәйкес активке/жұмыстарға/көрсетілетін қызметтерге толық көлемде ақы төлегенін, оларды алғанын және пайдаланғанын (Қағидалардың/Тетіктің шарттарына қайшы келмейтін қызмет шеңберінде) және (немесе) басқа мақсаттарға қол жеткізгенін растайды;

10) қаржылық лизинг шарты (Шарттың мәтіні бойынша "ҚЛШ" деп те аталады) – ЛК/Банк және Алушы арасында жасалған жазбаша келісім, оның шарттары бойынша ЛК/Банк Алушыға қаржылық лизинг ұсынады;

11) Қаржы агенттігі – "Даму" кәсіпкерлікті дамыту қоры" акционерлік қоғамы;

12) лизингтік компания – Қағидаларды/Тетікті іске асыру шеңберінде қызметті жүзеге асыратын лизингтік мәмілеге қатысушы;

13) лизингтік мәміле (бұдан әрі – Лизинг) – лизингке қатысушылардың азаматтық құқықтар мен міндеттерді белгілеуге, өзгертуге және тоқтатуға бағытталған келісілген іс-қимылдарының жиынтығы;

14) Кредит шарты – Алушы мен Банк арасында жасалған банктік қарыз шарты/кредиттік желіні ашу туралы келісім;

15) кредит – Банк Алушыға Кредит шарты негiзiнде мерзiмдiлiк, ақылылық, қайтарымдылық, қамтамасыз етiлу және мақсатты пайдалану талаптарында беретiн ақша сомасы;

16) негізгі борыш – есептелген сыйақы сомасын, сондай-ақ Алушының Кредит шарты/ҚЛШ бойынша міндеттемелерді орындамауынан және/немесе тиісінше орындамауынан туындаған комиссияларды, тұрақсыздық айыбын, өсімпұлды, айыппұл санкцияларын, борышты өндіріп алу жөніндегі сот шығасыларын, Банктің/ЛК-ның басқа да шығыстары мен залалдарын есепке алмағанда, Кредит шарты/ҚЛШ бойынша негізгі борыш сомасы;

17) субсидиялар – осы Шарттың талаптарында субсидиялау шеңберінде Қаржы агенттігі Банкке/ЛК-ға өтеусіз және қайтарымсыз негізде төлейтін мерзімді төлемдер;

18) субсидиялау – Алушының операциялық қызметіне жататын белгілі бір шарттарды болашақта орындаудың орнына кредиттер/лизинг бойынша сыйақы ретінде Алушы Банкке/ЛК-ға төлейтін шығыстарды ішінара өтеу үшін пайдаланылатын Алушыларды мемлекеттік қаржылық қолдау нысаны;

19) субсидиялау мерзімі – Алушының өтінішінде көрсетілген субсидиялар беру мерзімі;

20) уәкілетті орган – кәсіпкерлік жөніндегі уәкілетті орган;

21) Қаржы агенттігінің уәкілетті органы – "Даму" кәсіпкерлікті дамыту қоры" акционерлік қоғамының тұрақты жұмыс істейтін, өз қызметін Алушының жобасын субсидиялау мүмкіндігі/мүмкін еместігі және тоқтату/қайта бастау туралы шешімді қарау және қабылдау жөніндегі ішкі актілерде берілген өкілеттіктер шегінде жүзеге асыратын алқалы органы.

Осы Шартта пайдаланылатын өзге де терминдер мен анықтамалар Қағидаларда айқындалған.

3-тарау. Шарттың нысанасы

13. Осы Шарттың талаптары бойынша Қаржы агенттігі осы Шарттың және Қағидалардың талаптарында Банктен/ЛК-дан алынған кредиттер/лизингтік мәмілелер бойынша Алушының сыйақы мөлшерлемесінің бір бөлігін субсидиялауды жүзеге асырады.

14. Субсидиялау Қағидаларға сәйкес республикалық және жергілікті бюджеттердің қаражаты есебінен жүргізіледі.

15. Қосылу шарты бойынша субсидиялау кредиттер/лизинг бойынша сыйақы сомасын субсидияланатын және субсидияланбайтын бөліктерге бөлетін осы Шартқа 3-қосымшаға сәйкес нысан бойынша төлемдер кестесіне сәйкес жүзеге асырылады.

16. Қаржы агенттігі субсидиялар төлеуді бюджетте субсидиялауға қаражат болған кезде ғана және тиісті өңірде жүзеге асырады.

17. Банк/ЛК есептеген және мерзімі өткен берешек бойынша Алушы төлемеген сыйақылар субсидиялауға жатпайды.

18. Банктің/банк-төлем агентінің кредиттік рейтингі төмендеген және қаржылық жағдайының өзге де нашарлау белгілері орын алған (бір немесе бірнеше жағдайдың басталуы), оның ішінде:

Standard&Poors рейтингтер шәкілі бойынша халықаралық рейтингтік агенттіктер беретін кредиттік рейтингі "В" деңгейінен төмендеген;

К4 коэффициентінің мәні 0,4 деңгейінен төмендеген;

пруденциялық нормативтер қатарынан 2 (екі) ай бойы бұзылған кезде Алушының жобалары бойынша субсидиялау үшін көзделген қаражатты аударуды Қаржы агенттігі Банктің/ЛК-ның Алушының кредит бойынша толық төлем жүргізу (негізгі борыш, субсидияланатын және субсидияланбайтын сыйақы бөлігі) фактісі туралы хабарламасының негізінде не Кредит шартына/ҚЛШ-ға төлем кестелерін негізге ала отырып, қысқа мерзімді кезеңге арналған сыйақының субсидияланатын бөлігі бойынша Алушының алдағы міндеттемелерін өтейтін төлемдермен жүзеге асырады.

Банкте/банк-төлем агентінде жоғарыда аталған көрсеткіштер түзетілген жағдайда Қаржы агенттігінің субсидиялау үшін көзделген қаражатты аударуы Кредит шартына/ҚЛШ-ға төлем кестесі ескеріле отырып, аванстық төлемдермен (айына бір рет/бірнеше рет) жүзеге асырылады.

19. Тараптар осы Шарттың шеңберінде, егер төлем күні демалыс немесе мереке күніне келген болса, төлем одан кейінгі жұмыс күні жүргізіледі деп келісті.

4-тарау. Тараптардың құқықтары және міндеттері

20. Қаржы агенттігі:

1) осы Шарттың талаптарында Банкте/банк-төлем агентінде ашылған ағымдағы шотты субсидиялау үшін жеткілікті сомамен уақтылы толтыруға;

2) уәкілетті органға есеп беру мақсатында кредиттер/лизинг бойынша сыйақы мөлшерлемесін субсидиялау бөлігінде Қағидалардың/Тетіктің іске асырылуын мониторингтеуді жүзеге асыруға;

3) Алушының кредит қаражатын/лизингтік мәмілелерді мақсатты пайдаланбауы және (немесе) оның жобасының Қағидалар/Тетік талаптарына сәйкес келмеу фактілері анықталған кезде Алушының төленген сыйақы сомасын өтеуін қамтамасыз ету шараларын қабылдауға, оның ішінде сот тәртібінде қабылдауға міндетті.

21. Қаржы агенттігі:

1) Қағидалар/Тетік шеңберінде өңірлік үйлестірушіден/уәкілетті органнан қаражат алынбаған жағдайда субсидияларды аудармауға;

2) қаражаттың мақсатты пайдаланылуы тұрғысынан Алушыға тексерулер жүргізуге құқылы. Алушыдан кредиттің/лизингтің мақсатты пайдаланылуын растайтын құжаттар мен мәліметтерді талап етуге;

3) Алушы туралы, сондай-ақ Кредит шартын/ҚЛШ іске асыру туралы құжаттар мен ақпаратты Банктен/ЛК-дан сұратуға және алуға;

4) Банкті/ЛК алдын ала жазбаша хабардар ете отырып, жобаның және (немесе) Алушының Қағидалар/Тетік талаптарына сәйкестігін мониторингтеуді, субсидиялау жүзеге асырылатын қаражаттың мақсатты пайдаланылуын мониторингтеуді Кредит шартында/ҚЛШ-да көзделген құқықтар шеңберінде жобаны іске асыру орнына бару арқылы жарты жылда кемінде 1 (бір) рет жүзеге асыруға;

5) есепті қалыптастыру мақсатында субсидиялау мерзімі ішінде Қағидаларды/Тетікті іске асыру шеңберінде оның қаржы-шаруашылық қызметінің нәтижелері туралы қажетті мәліметтерді Алушыдан қосымша сұратуға;

6) осы Шартта белгіленген, Тараптар үшін көзделген Алушының міндеттемелерін орындау мерзімдерінің сақталуын бақылауды жүзеге асыруға және оларды Алушының уақтылы орындауын талап етуге;

7) Банкті/ЛК-ны жазбаша хабардар ете отырып, олардың жедел қызметіне араласпай Банкке/ЛК-ға бара отырып, осы Шарт бойынша міндеттемелердің орындалуын тексеруді жүзеге асыруға;

8) жарнама науқанын өткізу кезінде, Қаржы агенттігінің ресми сайтында ақпаратты орналастыру кезінде осы Шартты орындау шеңберінде Алушыдан немесе Банктен/ЛК-дан алынған Алушы туралы ақпаратты пайдалануға, сондай-ақ оны Алушының жазбаша келісуімен үшінші тұлғаларға беруге;

9) Банктің/ЛК-ның хабарламасы және/немесе мониторинг нәтижелері негізінде мынадай фактілер анықталған жағдайда субсидиялауды тоқтатуға:

субсидиялау жүзеге асырылатын кредитті/лизингті мақсатты пайдаланбау, бұл ретте субсидиялау кредит қаражатын/лизингтік мәмілелер қаражатын мақсатсыз пайдалану сомасына пропорционалды түрде тоқтатыла тұрады;

Алушының субсидиялау жүзеге асырылатын ҚЛШ бойынша лизинг нысанасын алмауы;

жобаның және/немесе Алушының Қағидалар/Тетік шарттарына және/немесе Қаржы агенттігінің уәкілетті органының шешіміне сәйкес келмеуі;

төтенше жағдай/ахуал кезеңінде туындаған жағдайларды қоспағанда, Алушы Кредит шартына төлемдер кестесіне/осы Шартқа төлемдер кестесіне сәйкес төлемдерді төлеу бойынша Банк алдындағы міндеттемелерді қатарынан 3 (үш) ай бойы орындамауы;

төтенше жағдай/ахуал кезеңінде туындаған жағдайларды қоспағанда, Алушының осы ҚЛШ-ға төлемдер кестесіне/осы Шартқа төлемдер кестесіне сәйкес лизингтік төлемдерді енгізу бойынша ЛК алдындағы міндеттемелерді қатарынан 2 (екі) рет және одан да көп орындамауы;

Алушының шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе Алушының шоты бойынша шығыс операцияларын тоқтата тұру;

Қазақстан Республикасының заңнамасында көзделген жағдайларда борышкерден лизинг нысанасын кері талап ету;

қаржы агенттігінің уәкілетті органы шешім ("Кәсіпкерлерді/индустриялық-инновациялық қызмет субъектілерін қолдау" бағыты шеңберінде кәсіпкерлердің жобалары бойынша) қабылдаған күннен бастап 2 (екі) қаржы жылынан кейін кәсіпкерлердің салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын ұлғайту жөніндегі, сондай-ақ кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін кызметтердің құны) өсуіне немесе бюджетке төленетін салықтар (корпоративтік табыс салығы/жеке табыс салығы) көлемінің 10 %-ға өсуіне қол жеткізу жөніндегі міндеттемелерді орындамауы;

шағын және орта кәсіпкерлік субъектілерінің "Шағын жеке меншік және орта жеке кәсіпкерлік субъектілерін қаржыландыру өңірлік бағдарламасы" шеңберінде жоба қаржыландырылған күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуіне қол жеткізу немесе төленетін салықтар көлемінің (корпоративтік табыс салығы/жеке табыс салығы) өсуі бойынша жұмыс орындарының орташа жылдық санын сақтау/10% ұлғайту міндеттемелерін орындамау;

Осы шекті өлшемшарттар:

1) энергия тұтынуды төмендетудің нақты ең төмен мәндерін;

2) парниктік газдар шығарындыларының ең төмен деңгейлерін;

3) қалдықтардың үлесін азайтуды/кәдеге жаратуды;

4) су тұтынуды төмендетуді;

5) ең озық қолжетімді технологиялар анықтамалықтарының талаптарына сәйкес келуін (шекті өлшемшартта көрсетілген бөлігінде) көздеген кезде "жасыл" жоба бойынша мәлімделген "жасыл" таксономияның Алушы ұсынатын сыртқы бағалау провайдерінің қорытындысы негізінде жобаны субсидиялау басталғаннан бастап 2 (екі) жыл өткен соң Алушының "жасыл" жоба бойынша аталған шекті өлшемшарттарға қол жеткізбеу.

Тетік шеңберінде Алушының:

жұмыс органы/Қаржы агенттігі 100 % инвестициялық мақсаттарға берілетін кредит қаражаты бойынша субсидиялау туралы шешім қабылдаған күннен бастап 3 (үш) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуіне қол жеткізу жұмыс орындарының орташа жылдық санын сақтау/10 %-ға ұлғайту;

жұмыс органы/Қаржы агенттігі Алушының (салық төлеуден босатылмаған кәсіпорындар салықтық төлемдерді Тетік талаптарына сәйкес ұлғайтуды қамтамасыз етеді) бір жобасы шеңберінде инвестициялық мақсаттарға және 50 %-дан аспайтын мөлшерде айналым қаражатын толтыруға берілетін кредит қаражаты бойынша субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер немесе өндіріс көлемі (ақшалай мәнде) бойынша деректердің негізінде немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуіне қол жеткізу бойынша жұмыс орындарының орташа жылдық санын сақтау/10 %-ға ұлғайту;

жұмыс органы/Қаржы агенттігі 100 % айналым қаражатын (салық төлеуден босатылмаған кәсіпорындар Тетік талаптарына сәйкес салықтық төлемдерді ұлғайтуды қамтамасыз етеді) толтыру мақсатында берілетін кредит қаражаты бойынша субсидиялау туралы шешім қабылдаған күннен бастап 1 (бір) жылдың қорытындысы бойынша салық декларациясының деректері негізінде, оның ішінде міндетті зейнетақы жарналары және (немесе) әлеуметтік аударымдар немесе салықтық төлемдер бойынша деректердің негізінде немесе өндіріс көлемін (ақшалай мәнде) ұлғайту немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуіне қол жеткізу бойынша жұмыс орындарының орташа жылдық санын сақтау/10%-ға ұлғайту бойынша міндеттемелерді орындамау фактілері анықталған жағдайларда субсидиялауды тоқтатуға құқылы;

10) Алушының кредит қаражатын мақсатты пайдаланбауы және (немесе) жобасының Қағидалар/Тетік талаптарына сәйкес келмеу фактілері анықталған кезде осы Шарт шеңберінде алынған сыйақы мөлшерлемесінің субсидияланатын бөлігін қаржы агенттігіне өтеуді талап етуге құқылы.

22. Алушы:

1) Кредит шарты/ҚЛШ бойынша өз міндеттемелерін уақтылы және толық көлемде орындауға;

2) Банкке/ЛК-ға:

Кредит шартына/ҚЛШ-ға сәйкес төлемдер кестесіне сәйкес субсидияланбайтын сыйақы мөлшерлемесін;

осы Шарттың 18-тармағында көрсетілген жағдайларды ескере отырып, сыйақының субсидияланатын және субсидияланбайтын бөлігін төлеу бөлігінде сыйақы төлеу жүргізуге;

3) Қаржы агенттігіне жазбаша сұрау салуы бойынша кредиттің/лизингтің мақсатты пайдаланылуына, жобаның және (немесе) Алушының Қағидаларға/Тетікке сәйкес келуіне жобаның іске асырылатын аумағында тексерулер жүргізу құқығын беруге;

4) Қаржы агенттігінің жазбаша сұрау салуы бойынша Қағидалардың/Тетіктің, Кредит шартының/ҚЛШ-ның және осы Шарттың талаптарын орындауға байланысты құжаттар мен ақпаратты беруге;

5) мемлекеттік қолдау көрсетілетін қызмет түрлерінің айырмашылығы болған жағдайда, осы Шарт жасалған күннен бастап 90 (тоқсан) жұмыс күні ішінде статистика органдарында тиісті Экономикалық қызметтің жалпы жіктеуішін (бұдан әрі – ЭҚЖЖ) беруге және оны Қаржы агенттігіне хабарлауға;

6) осы Шарттың басқа Тараптарының алдын ала жазбаша келісімінсіз Алушының Өтінішіне сәйкес жобаның шарттары мен іске асырылуы туралы ақпаратты үшінші тұлғаларға бермеуге және жария етпеуге;

7) кредитті/лизингті мақсатсыз/ішінара мақсатсыз пайдалану және (немесе) Алушы жобасының Қағидалар/Тетік талаптарына сәйкес келмеу фактілері анықталған кезде осы Шарт шеңберінде алынған, оның ішінде кредитті/лизингті мақсатсыз пайдалану сомасына пропорционалды түрде сыйақы мөлшерлемесінің субсидияланатын бөлігін Қаржы агенттігіне қайтаруға;

8) "жасыл" жобаларды іске асыру мақсаттарына арналған кредиттерге қатысты жобаны субсидиялау басталғаннан бастап 2 (екі) жыл өткен соң Алушының жоба бойынша мәлімделген "жасыл" таксономияның шекті өлшемшарттарына қол жеткізуіне тиісті тәуелсіз бағалау не нәтижелері бойынша қорытындыны Алушы Қаржы агенттігіне беретін энергия аудитін жүргізуді қамтамасыз етуге міндетті. Алушының жоба бойынша мәлімдеген "жасыл" таксономияның шекті өлшемшарттарын орындауын сыртқы тексеруді жобаның "жасыл" таксономияның шекті өлшемшарттарына сәйкестігі туралы бастапқы қорытындыны берген бағалау провайдерлері жүргізе алады;

9) Қаржы агенттігі белгілеген нысан бойынша Қазақстан Республикасының заңнамасына сәйкес ол туралы дербес деректерді жинауға және өңдеуге келісім беруге (жеке тұлғалар – дара кәсіпкерлер үшін);

10) Қаржы агенттігі белгілеген (заңды тұлғалар үшін) нысан бойынша Қазақстан Республикасының заңнамасына сәйкес жұмыскерлерден дербес деректерді жинауға және өңдеуге жазбаша келісімдер беруге;

Дербес деректерді жинауға және өңдеуге келісу Өтінішке қоса беріледі.

11) Алушының өтінішінде көзделген, қосылу шартына қойылған талаптар өзгерген жағдайда Алушы қаржы агенттігінің үзінді көшірмесін алғаннан кейін Банкке/ЛК-ға қосылу шартының 4-қосымшасына сәйкес қосылу шартына қосымша өтініш (бұдан әрі - қосымша өтініш) беруге міндетті.

23. Алушы:

1) Қаржы агенттігінен Банкке/ЛК-ға субсидияланатын сыйақы мөлшерлемесі бөлігінде субсидиялар төлеуді талап етуге;

2) Алушының өтініші бойынша субсидиялау мерзімі аяқталғанға дейін күнтізбелік 75 (жетпіс бес) күннен кешіктірмей Банкке/ЛК-ға субсидиялау мерзімін ұзартуға өтінім беруге;

3) Қағидалардың/Тетіктің іске асырылуы шеңберінде мониторинг жүргізу мақсатында Қаржы агенттігіне Қазақстан Республикасы Қаржы министрлігінің Мемлекеттік кірістер комитетінен Қазақстан Республикасының салық заңнамасына сәйкес салықтық құпия болып табылатын мынадай:

Қаржы агенттігінің кірістердің өсу серпінін айқындауы үшін кәсіпкердің кірістері;

Қаржы агенттігінің жұмыс орындарының орташа жылдық санының өсуін айқындауы үшін Алушы жұмыскерлерінің саны;

Қаржы агенттігінің бюджетке төленген салықтардың ұлғаю серпінін айқындауы үшін Алушының төлеген салықтарының сомасы туралы мәліметтерді алуға келісім беру туралы өтініш беруге құқылы.

24. Банк/ЛК:

1) осы Шарт жасалғаннан кейін Алушының қосылу туралы Өтінішіне қол қойылған сәттен бастап субсидиялау мерзімі аяқталғанға дейін Алушының кредиті/лизингі бойынша сыйақы мөлшерлемесін ұлғайтпауға;

2) осы Шартқа Субсидиялау қағидаларында көзделген мерзімде уақтылы қосылмаған жағдайда, кідірту себептерін түсіндіре отырып, ресми хатпен Қаржы агенттігін хабардар етуге;

3) Қаржы агенттігінің тиісті хабарламасы негізінде Алушының жобасы бойынша Қаржы агенттігінің ағымдағы шотынан субсидиялардың сомасын ай сайын есептен шығаруды жүзеге асыруға міндетті, бұл ретте Банктің/ЛК-ның Қаржы агенттігінің шоттарындағы қаражаттың ағымдағы жалпы қалдықтарынан субсидияны есептен шығаруға құқығы жоқ. Алушы кредит/лизинг бойынша жоспарлы төлемді нақты өтеген күннен бастап күнтізбелік 30 (отыз) күн өткеннен кейін сыйақы мөлшерлемесінің субсидияланатын бір бөлігін өтеу үшін Қаржы агенттігінің ағымдағы шотынан субсидиялар сомасы есептен шығарылған жағдайда Қаржы агенттігінің талабы бойынша Банк/ЛК Қаржы агенттігіне 50 (елу) айлық есептік көрсеткіш (бұдан әрі – АЕК) мөлшерінде айыппұл төлейді;

4) Алушы кредит/лизинг бойынша төлемді уақтылы өтемеген жағдайда, оның ішінде сыйақы мөлшерлемесінің субсидияланбайтын бір бөлігін уақтылы өтемеген жағдайда немесе Алушы 3 (үш) ай қатарынан (қаржылық лизинг шарты бойынша қатарынан 2 (екі) және одан көп рет) төлемдерді төлеу бойынша Банктің/ЛК-ның алдындағы міндеттемелерді орындамаған күннен бастап, бұл туралы Қаржы агенттігіне 2 (екі) жұмыс күні ішінде хабарлауға міндетті. Бұл ретте Банк/ЛК Алушы берешекті өтегенге дейін сыйақы мөлшерлемесінің субсидияланатын бір бөлігін өтеу үшін Қаржы агенттігінің ағымдағы шотынан қаражатты есептен шығаруды жүргізбейді.

Осы тармақшада көзделген жағдайлар басталған күннен бастап күнтізбелік 30 (отыз) күн өткеннен кейін хабарламаған/хабарлаған жағдайда Банк/ЛК Қаржы агенттігіне 50 (елу) АЕК мөлшерінде айыппұл төлейді;

5) Алушының кредиті/лизингі бойынша негізгі борышы ішінара/толық мерзімінен бұрын өтелген күннен бастап Қаржы агенттігіне 2 (екі) жұмыс күні ішінде хабарлауға міндетті. Алушы негізгі борышты ішінара/толық мерзімінен бұрын өтеген күннен бастап күнтізбелік 30 (отыз) күн өткеннен кейін хабарламаған/хабарлаған жағдайда, Қаржы агенттігінің талабы бойынша Банк/ЛК Қаржы агенттігіне 50 (елу) АЕК мөлшерінде айыппұл төлейді.

Алушының кредиті/лизингі бойынша негізгі борышы толық мерзімінен бұрын өтелген жағдайда және Алушының кредиті/лизингі бойынша сыйақы мөлшерлемесінің бір бөлігін субсидиялау тоқтатылған жағдайда банк/ЛК 7 (жеті) жұмыс күні ішінде Қаржы агенттігіне өзара есеп айырысу бойынша салыстырып тексеру актісін беруге міндетті. Бұл ретте Банк/ЛК салыстырып тексеру актісінде іс жүзінде есептен шығарылған субсидиялар сомасы мен күндерін көрсетеді, ал Қаржы агенттігі субсидиялар аудару сомасы мен күндерін көрсетеді.

Алушының кредиті/лизингі бойынша негізгі борышты ішінара мерзімінен бұрын өтеген жағдайда Банк/ЛК Кредит шартына/ҚЛШ-на қосымша келісім жасасу кезінде Қаржы агенттігіне өзгертілген төлем кестесін қоса бере отырып, негізгі борышты ішінара өтеген күннен бастап 7 (жеті) жұмыс күні ішінде төлеуге тиесілі субсидиялар сомасын/өзгертілген тиесілі субсидиялар сомасын көрсете отырып, Кредит шартына/ҚЛШ-на қосымша келісімнің көшірмесін электрондық форматта (XLS немесе XLSX) жібереді;

6) Алушы субсидиялар сомасын дербес төлеген жағдайда, кейін Қаржы агенттігі қаражатты өтеген кезде Қаржы агенттігінің хабарламасы негізінде тиісті субсидиялар сомасын есептен шығаруға және Алушының ағымдағы шотына аударуға;

7) сұрау салу бойынша Қаржы агенттігіне Алушының субсидияланатын кредиті/лизингі бойынша төлем тәртібіне қатысты деректерді беруге;

8) жобаға мониторинг жүргізу үшін қажетті құжаттарды беруге, Қаржы агенттігімен және Алушымен мониторингтік есептерге қол қоюға;

9) осы Шарттың талаптарын орындауға ықпал етуі мүмкін барлық мән-жайлар туралы Қаржы агенттігіне уақтылы хабарлауға;

10) егер Банк/ЛК төлемдер кестесінде көзделген, қолданыстағы Кредит шартының/ҚЛШ-ның талаптарын өзгерткен жағдайда, өзгерістерді ескере отырып, төлемдер кестесін беруге;

11) осы Шарттың қолданылу мерзімі ішінде Қаржы агенттігімен келісусіз кредиттің/лизингтің сомасын және (немесе) кредит/лизинг бойынша сыйақының номиналдық мөлшерлемесін өзгертпеуге;

12) Банк/ЛК тарапынан Қағидаларда/Тетікте көзделген өндіріп алынуы ықтимал комиссияларды қоспағанда, Қаржы агенттігінің уәкілетті органы қолданыстағы кредитті/лизингті субсидиялау туралы шешім қабылдаған жағдайда, Алушыға ағымдағы қаржы жылы бұрын алынған комиссияларды, алымдарды және (немесе) өзге де төлемдерді өтеуге міндетті. Бұл ретте осы комиссиялар, алымдар және/немесе өзге де төлемдер Алушы Шартқа қосылған күннен бастап 3 (үш) ай ішінде Алушыға өтелуге тиіс. Банк/ЛК ағымдағы жылы алынған комиссияларды, алымдарды және/немесе өзге де төлемдерді Алушыға Шарттың осы тармағында көрсетілген мерзімде уақтылы өтемеген жағдайда, Банк/ЛК Қаржы агенттігіне 50 (елу) АЕК мөлшерінде айыппұл төлейді;

13) Қаржы агенттігінен субсидиялар сомасын атаулы аудару туралы хабарлама алмаған жағдайда, Алушыға сыйақы мөлшерлемесін толық көлемде өтеу туралы хабарлауға;

14) Алушы қосымша өтініш берген жағдайда оны Шартқа өзгертілген кестемен Қаржы агенттігіне беруге міндетті.

25. Банк/ЛК:

1) Қаржы агенттігінен осы Шарт шеңберінде көзделген субсидияларды уақтылы аударуды талап етуге;

2) Қағидаларда белгіленген негіздемелер бойынша қолданыстағы кредит/лизинг бойынша субсидиялау тоқтатылған жағдайда, Алушыға бұрын қолданылған қаржыландыру шарттарын (оның ішінде сыйақы мөлшерлемесін, комиссияларды, алымдарды және (немесе) басқа төлемдерді) белгілеуге.

3) қолданыстағы кредит/лизинг бойынша субсидиялау мерзімі аяқталған жағдайда, Алушы бұрын төлеген және Банк/ЛК қайтарған комиссияларды, алымдарды және (немесе) қолданыстағы кредит/лизинг бойынша өзге де төлемдерді қоспағанда, Алушыға бұрын қолданылған қаржыландыру шарттарын белгілеуге құқылы.

5-тарау. Шарттың қолданылу мерзімі

26. Алушы үшін осы Шарт Алушы осы Шартқа қосылған күннен бастап күшіне енеді және Тараптар Шарт бойынша міндеттемелерді толық орындағанға дейін қолданылады.

Банк/ЛК үшін Шарт Банк/ЛК осы Шартқа қосылған күннен бастап күшіне енеді және Тараптар Шарт бойынша міндеттемелерді толық орындағанға дейін қолданылады.

27. Осы Шарттың 21-тармағының 9) тармақшасында көзделген негіздер бойынша субсидиялауды тоқтату туралы шешім қабылданған жағдайда, осы Шартты Қаржы агенттігі, оған субсидиялауды тоқтату туралы шешім қабылданған Алушымен біржақты соттан тыс тәртіппен бұзды деп есептеледі.

28. Осы Шарт Банктің/ЛК-ның және Алушының өтініші бойынша Банкпен/ЛК-мен және Алушымен бұзылуы мүмкін.

6-тарау. Жауапкершілік

29. Осы Шарт бойынша Тараптар осы Шарттан туындайтын міндеттемелерді орындамағаны және (немесе) тиісінше орындамағаны үшін осы Шартқа және Қазақстан Республикасының азаматтық заңнамасына сәйкес жауапты болады.

30. Қазақстан Республикасының қолданыстағы азаматтық заңнамасына және Кредит шартына/ҚЛШ-ға сәйкес кредитті/лизингті уақтылы және толық қайтару бойынша міндеттемелерді тиісінше орындамағаны және сыйақы мөлшерлемесінің субсидияланбайтын бір бөлігін өтемегені үшін Банк/ЛК алдындағы барлық жауапкершілікті Алушы көтереді. Бұл ретте осындай жауапкершілік ешбір жағдайда Қаржы агенттігіне жүктелмейді.

7-тарау. Еңсерілмейтін күш мән-жағдайлары

31. Егер орындау еңсерілмейтiн күштің, яғни төтенше және тойтаруға болмайтын мән-жайлардың (зілзала құбылыстары, әскери іс-шаралар, форс-мажорлық жағдайлар) салдарынан мүмкін болмаса, Тараптар осы Шарт бойынша өздерінің міндеттерін орындамағаны немесе тиісінше орындамағаны үшін жауапкершіліктен босатылады.

32. Еңсерілмейтін күш мән-жайлары туындаған кезде осы Шарт бойынша өз міндеттемелерін орындау мүмкін болмайтын Тарап осындай мән-жайлар орын алған сәттен бастап 10 (он) жұмыс күні ішінде екінші Тарапқа осындай мән-жайлар туралы уақтылы хабарлайды. Бұл ретте еңсерілмейтін күш мән-жайларының сипаты, әрекет ету кезеңі, басталу фактісі уәкілетті мемлекеттік органдардың/ұйымдардың тиісті құжаттарымен расталады.

33. Уақтылы хабарлама болмаған жағдайда, Тарап екінші Тарапқа хабарламаудың немесе уақтылы хабарламаудың салдарынан келтірілген зиянды өтейді.

34. Еңсерілмейтін күш мән-жайларының басталуы осы Шартты орындау мерзімін олардың әрекет ету кезеңіне ұлғайтуға алып келеді.

35. Егер осындай мән-жайлар қатарынан 3 (үш) айдан астам уақытқа созылса, онда кез келген Тарап осы Шарт бойынша міндеттемелерді одан әрі орындаудан бас тартуға құқылы.

8-тарау. Дауларды шешу

36. Осы Шартты орындауға байланысты туындаған қандай да бір дау болған жағдайда, кез келген Тарап барлық дауларды келіссөздер арқылы реттеуге күш-жігерлерін салады.

37. Егер туындаған дауды келіссөздер арқылы шешу мүмкін болмаса, осы дау және оған қатысты басқа да мәселелер Қазақстан Республикасының азаматтық заңнамасына сәйкес шешіледі және реттеледі.

9-тарау. Құпиялылық

38. Осы арқылы Тараптар осы Шарттың талаптарына қатысты болатын ақпараттың, банктік құпияның, сондай-ақ қаржылық, коммерциялық және осы Шартты жасасу және орындау барысында өздері алған басқа да ақпараттың құпия болып табылатынымен және осы Шартта және Қазақстан Республикасының қолданыстағы заңнамасында тікелей көзделген жағдайларды қоспағанда, үшінші тұлғаларға жария етуге болмайтынымен келіседі.

39. Тараптың құпия ақпаратты үшінші тұлғаларға беруі, жариялауы немесе оны өзге де жария етуі осы Шартта, сондай-ақ Қазақстан Республикасының заңнамасында тікелей көзделген жағдайларда мүмкін болады.

40. Тараптар осы Шарттың бар екенін және оның талаптарының құпиялылығын сақтау үшін барлық қажетті шараларды, оның ішінде құқықтық сипаттағы шараларды қабылдайды. Тараптардың лауазымды адамдарына және жұмыскерлеріне осы Шартты іске асыру барысында алынған мәліметтерді үшінші тұлғаларға жария етуге не беруге тыйым салынады.

41. Кез келген Тарап осы Шарттың талаптарын бұза отырып құпия ақпаратты жария еткен не таратқан жағдайда, кінәлі Тарап Қазақстан Республикасының заңнамасында көзделген жауапкершілікте болады.

10-тарау. Қорытынды ережелер

42. Осы Шартқа қол қою арқылы Алушы Қаржы агенттігіне:

1) субсидиялау жүзеге асырылатын осы Кредит/лизинг шарты шеңберінде алынған ақпарат пен құжаттарды, оның ішінде банктік және коммерциялық құпияны Қаржы агенттігінің мүдделі үшінші тұлғаларға Алушының алдын ала жазбаша келісімінсіз беруіне;

2) Қаржы агенттігінің бұқаралық ақпарат құралдарында Алушының атауын, жоба іске асырылатын өңірдің атауын, Алушы жобасының атауы мен сипаттамасын, сондай-ақ саласын жариялауына келісім береді.

43. Алушы Қаржы агенттігіне мыналарды мәлімдейді және оларға кепілдік береді:

1) осы Шартта көрсетілген растаулар мен кепілдіктердің шынайы екенін және шындыққа сәйкес келетінін растайды;

2) Қаржы агенттігі көрсетілген растаулар мен кепілдіктердің шындыққа сәйкес келетінін тексеруге міндетті емес;

3) Алушы өз бизнесіне, қаржылық жағдайына, активтеріне және өзінің міндеттемелері бойынша жауап беру қабілетіне кері әсерін тигізуі мүмкін ешқандай жағдайлардан хабардар емес.

44. Осы Шарт шеңберінде Қағидаларға өзгерістер және/немесе толықтырулар енгізілген жағдайда, осы Шарттың ережелеріне қатысты бөлігінде осы Шартқа тиісті өзгерістер мен толықтырулар енгізу қажет. Осы Шарттың және Қағидалардың және/немесе Тетіктің ережелері арасында әртүрлі оқылулар туындаған жағдайда, Қазақстан Республикасы Үкіметінің жоғарыда көрсетілген қаулысының нормалары қолданылады.

45. Осы Шартта көзделмеген барлық өзге жағдайларда Тараптар Қағидалардың/Тетіктің талаптарын және Қазақстан Республикасының қолданыстағы заңнамасын басшылыққа алады.

Қосылу шартына 1-қосымша

Нысан

Қосылу шартына Алушының өтініші

Бұдан әрі "Алушы" деп аталатын ______________________________ (заңды тұлғаның атауы/жеке тұлғаның тегі, аты, әкесінің аты (болған жағдайда) атынан __________________________ негізінде әрекет ететін _____________________ (заңды тұлғалар үшін), 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде сыйақы мөлшерлемесінің бір бөлігін субсидиялау қағидалары (бұдан әрі – Қағидалар)/Басым жобаларға кредит беру және қаржы лизингі тетігі (бұдан әрі – Тетік) шеңберінде "Даму" кәсіпкерлікті дамыту қоры" акционерлік қоғамынан (бұдан әрі – Қаржы агенттігі) ____________________ Акционерлік қоғамы/ Жауапкершілігі шектеулі серіктестік (Банктің/ЛК-ның атауы) (бұдан әрі – Банк/ЛК) кредиті/лизингі бойынша мынадай шарттармен субсидия беруді сұрайды.

Алушының қосылу туралы осы Өтінішіндегі терминдер мен қысқартулар (бұдан әрі – Өтініш) Шартқа сәйкес түсіндіріледі.

Алушы туралы ақпарат
Алушының толық атауы және ұйымдық нысаны/Тегі, аты, әкесінің аты (болған жағдайда)
Алушының заңды тұлға ретінде тіркелгені туралы деректер (мемлекеттік тіркеу/қайта тіркеу туралы куәлік/анықтама) (заңды тұлғалар үшін)
Алушының дара кәсіпкер ретінде тіркелгені туралы деректер (жеке тұлғалар үшін)
Бизнес сәйкестендіру нөмірі/Жеке сәйкестендіру нөмірі (БСН/ЖСН)
Тіркеу орны бойынша заңды мекенжайы/тұрғылықты мекенжайы
Нақты мекенжайы/нақты тұратын мекенжайы

Субсидиялаудың негізгі шарттары

1.	Кредит шартының атауы, күні және нөмірі (Кредиттік желіні ашу туралы келісім/Банктік қарыз шарты/Қаржы лизингі шарты
2.	Банк/ЛК
3.	Кредит/лизинг сомасы/кредит желісі
4.	Кредит/лизинг бойынша сыйақы мөлшерлемесі: 1) субсидияланатын; 2) субсидияланбайтын.
5.	Кредит/лизинг мерзімі/кредит желісі
6.	Кредиттің/лизингтің нысаналы мақсаты
7.	Субсидиялау мерзімі (айларда)
8.	Қағидаларды/Тетікті іске асыру шеңберіндегі бағыты
9.	Негізгі борыш пен сыйақыны өтеу шарттары
10.	Қаржы агенттігінің уәкілетті органы шешімінің нөмірі және күні
11.	Экономикалық қызметтің жалпы жіктеуіші бойынша сала (бұдан әрі –ЭҚЖЖ, 5 мәнді)
12.	Жоба бойынша ерекше шарттар

1. Төменде қол қоя отырып, мыналарды:

1) бұдан әрі "Шарт" деп аталатын, _______________ электрондық мекенжайы бойынша интернет-ресурста орналастырылған Қосылу шартының талаптарымен танысқанымды және келісетінімді;

2) Қазақстан Республикасы Азаматтық кодексінің 389-бабына сәйкес тұтастай Шартқа қосылатынымды, Шарттың барлық ережелерін толық көлемде қабылдайтынымды және оларды тиісті түрде орындауға міндеттененімді;

3) осы Өтінішті Қаржы агенттігінің уәкілетті жұмыскері Шартпен жиынтықта қабылдаған жағдайда ол жасалған Шарт болып табылатынын растаймын.

2. Мыналармен:

1) Қаржы агенттігі Шартқа менімен алдын ала келісусіз біржақты тәртіппен өзгерістер немесе толықтырулар енгізуге құқылы екендігіне;

2) енгізілген өзгерістерді немесе толықтыруларды ескере отырып, Шарт Қаржы агенттігінің интернет-ресурсында _______________ электрондық мекенжайы бойынша орналастырылатынына;

3) Қаржы агенттігімен жеке субсидиялау шартын жасасу мүмкіндігі туралы хабардар екеніме, бірақ Шартқа қосылу жолымен Шарт жасасудың пайдасына таңдау жасайтыныма келісемін және осы арқылы қосылу жолымен Шарттың жасалуы әдетте осындай түрдегі шарттар бойынша берілетін Алушының құқықтарынан айырмайтынын, Қаржы агенттігінің жауапкершілігін жоққа шығармайтынын немесе шектемейтінін, не өзінің ақылға қонымды түсінікті мүдделерін негізге ала отырып, Шарттың талаптарын айқындауға қатысу мүмкіндігі болған кезде қабылдамайтын Алушы үшін айқын ауыртпалық түсіретін басқа да талаптарды қамтымайтынын мәлімдеймін.

3. Мыналарға:

1) осы Шарт және Шартқа төлемдер кестесі бойынша өз міндеттемелерімді уақтылы және толық көлемде орындауға;

2) Банкке/ЛК-ға:

Кредит шартына/Қаржы лизингі шартына сәйкес төлемдер кестесі бойынша субсидияланбайтын сыйақы мөлшерлемесі;

Шарттың 18-тармағында көрсетілген жағдайларды ескере отырып, сыйақының субсидияланатын және субсидияланбайтын бөлігінде сыйақы төлеуге;

3) Қаржы агенттігіне жазбаша сұрау салу бойынша кредиттің/лизингтің мақсатты пайдаланылуына, жобаның және (немесе) Алушының жобаны іске асыру аумағында Қағидалардың/Тетіктің шарттарына сәйкестігіне тексеру жүргізу құқығын беруге;

4) Қаржы агенттігінің жазбаша сұрау салуы бойынша Қағидалардың/Тетіктің, Кредит шартының/Қаржы лизингі шартының және осы Шарттың талаптарын орындауға байланысты құжаттар мен ақпаратты беруге;

5) Тараптардың алдын ала жазбаша келісімінсіз осы Шарттың талаптары мен іске асырылуы туралы ақпаратты үшінші тұлғаларға бермеуге және жария етпеуге;

6) мемлекеттік қолдау көрсетілетін қызмет түрлерінің айырмашылығы болған жағдайда осы Шарт жасалған күннен бастап 30 (отыз) жұмыс күні ішінде статистика органдарында тиісті ЭҚЖЖ беруге және оны Қаржы агенттігіне хабарлауға;

7) кредит қаражатын мақсатсыз пайдалану және (немесе) Алушының жобасының Қағидалардың/Тетіктің талаптарына сәйкес келмеу фактілері анықталған кезде осы Шарт шеңберінде алынған сыйақы мөлшерлемесінің субсидияланатын бөлігін Қаржы агенттігіне өтеуді қамтамасыз етуге;

8) "жасыл" жобаларды іске асыру мақсаттарына арналған кредиттерге қатысты жобаны субсидиялау басталғаннан бастап 2 (екі) жыл өткен соң Алушының жоба бойынша мәлімделген "жасыл" таксономияның шекті өлшемшарттарына не нәтижелері бойынша қорытындыны Алушы Қаржы агенттігіне беретін энергия аудитіне қол жеткізуіне тиісті тәуелсіз бағалау жүргізуді қамтамасыз етуге міндеттенемін. Жоба бойынша Алушы мәлімдеген "жасыл" таксономияның шекті өлшемшарттарының орындалуына сыртқы тексерулерді жобаның "жасыл" таксономияның шекті өлшемшарттарына сәйкестігі туралы бастапқы қорытынды берген бағалау провайдерлері жүргізуі мүмкін;

9) Шартта көзделген өзге де құқықтар мен міндеттерді сақтауға және орындауға міндеттенемін.

4. Алушы осы арқылы Қаржы агенттігіне:

1) Қаржы агенттігі осы өтініште көрсетілген мәліметтерді, ақпаратты және Алушы берген құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығын және қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамына бере алатынына;

2) Қаржы агенттігі осы Шартты орындау шеңберінде Алушыдан немесе Банктен/ЛК-дан алынған Алушы туралы ақпаратты жарнама науқанын жүргізу кезінде, Қаржы агенттігінің ресми сайтында ақпаратты орналастыру кезінде пайдалана алатынына келісім беремін.

Осы Өтініш және оған қосымшалар Шарттың ажырамас бөлігі болып табылады.

Қосымшалар:

1. Кредит шартының/Қаржы лизингі шартының көшірмесі: _________________________;

2. Дербес деректер субъектілерінің дербес деректерді жинауға және өңдеуге келісімі: ______________________________;

3. _________________________________________.

Жеке тұлғалар – дара кәсіпкерлер үшін:

Тегі, аты, әкесінің аты (болған жағдайда)
Жеке басын куәландыратын құжаттың деректері
Мемлекеттік тіркеу туралы куәлік
Қолы
Күні

Заңды тұлғалар үшін:

Басшы: лауазымы, тегі, аты, әкесінің аты (болған жағдайда)
Мынаның негізінде әрекет етеді:
Жеке басын куәландыратын құжаттың деректері
Қолы, мөр (болған жағдайда)
Күні

Қаржы агенттігінің Өтінішті қабылдау туралы белгілері:

20___ ж. "____" _____________.

Қосылу шартына Алушының өтінішіне қосымша

Дербес деректер субъектісінің "Даму" кәсіпкерлікті дамыту қоры" акционерлік қоғамының оның дербес деректерін жинауына және өңдеуіне келісімі

_________________ қ. 20___ ж. "____" ____________

"____________" жауапкершілігі шектеулі /қосымша жауапкершілігі бар серіктестігі /Толық/Коммандиттік серіктестігі/Акционерлік қоғамы (бұдан әрі – Алушы)1, Қазақстан Республикасының заңнамасына сәйкес құрылған және әрекет ететін (мемлекеттік қайта/тіркеу туралы куәлігінің/анықтамасының № ______________, [_______________________ қаласының Әділет департаменті ___________ ___________ж. берген]2), бизнес сәйкестендіру нөмірі (бұдан әрі – БСН) __________, орналасқан мекенжайы: Қазақстан Республикасы, ________________, оның атынан _____________ негізінде әрекет ететін _____________,

__________________________

¹ Шартта берілген қысқартуға сәйкес қысқарту көрсетіледі

² Егер анықтама Egov.kz арқылы берілсе, квадрат жақшада көрсетілген алып тасталуы мүмкін

"Даму" кәсіпкерлікті дамыту қоры" акционерлік қоғамына (бұдан әрі – Қаржы агенттігі), БСН 970840000277, Алушыға қатысты деректерді, оның ішінде Республика Кәсіпкерлік кодексінің 28-бабының 13-тармағына сәйкес дербес деректерді жинауға және өңдеуге, сондай-ақ жеке тұлғалардың дербес деректерін жинауға және өңдеуге келісім береді, және жеке тұлғалардың – Алушы жұмыскерлерінің, өкілдерінің және т.б. мұндай келісімдерінің болуына кепілдік береді, сондай-ақ барлық мүдделі тұлғаларға (Қазақстан Республикасының Үкіметіне, Қаржы агенттігінің жалғыз акционеріне, Қазақстан Республикасы Қаржы министрлігінің Мемлекеттік кірістер комитетіне, ұйымдарға, мемлекеттік және жергілікті атқарушы органдарға, үшінші тұлғаларға не Қазақстан Республикасының заңнамасына сәйкес өзге де тұлғалардың пайдасына) салық, коммерциялық және заңнамамен қорғалатын басқа да құпия болып табылатын, Алушының қызметіне қатысты:

1) түзетулерді ескере отырып, жылдық жиынтық кірісі;

2) өткізілген тауарлар (жұмыстар, көрсетілетін қызметтер) бойынша шығыстары;

3) жұмыскерлердің есептелген кірістері және жеке тұлғаларға өзге де төлемдер бойынша шығыстары;

4) шетелдік көздерден алынатын кірістері;

5) таза кірісі;

6) жұмыскерлердің саны (адам);

7) салық төлемдерінің сомалары (корпоративтік табыс салығы, қосылған құн салығы, әлеуметтік салық, жеке табыс салығы бойынша шығыстарды қоса алғанда).

8) басшының, акционерлердің, құрылтайшылардың, қатысушылардың тегі, аты, әкесінің аты (болған жағдайда);

9) орналасқан жерінің заңды және нақты мекенжайы;

10) Қаржы агенттігінің тарапынан жобаға жүргізілген мониторинг нәтижелері;

11) Қаржы агенттігінең алынған қарыз бойынша өзге де мәліметтер мен деректер туралы мәліметтерді беруге келісім береді.

Субъектінің дербес деректерін жинау, өңдеу және пайдалану (оның ішінде, жинақтау, өңдеу және қағаз жеткізгіштерде және (немесе) массивтерде және (немесе) дерекқорларда электрондық форматта сақтау), оның ішінде мынадай мақсаттар үшін:

1) уәкілетті органдарға/органдардан (Қазақстан Республикасының Үкіметі, мемлекеттік органдар мен ұйымдар), аудиторлық/және өзге де құзыретті ұйымдарға/ұйымдардан, акционерлерге/акционерлерден және/немесе Қаржы агенттігінің үлестес тұлғаларына/тұлғаларынан, Қаржы агенттігінің контрагенттеріне/контрагенттерінен есептілік және/немесе ақпарат беру/алу үшін;

2) Қаржы агенттігі беретін, оның ішінде Қазақстан Республикасы Ұлттық қорының қаражаты, бюджеттік, тартылған қаражаты, сондай-ақ өз қаражаты есебінен қаражатты пайдаланудың тиімділігін талдау, бағалау және тексеру үшін;

3) Қазақстан Республикасы заңнамасының талаптарын сақтай отырып, бұқаралық ақпарат құралдарында (жалпыға бірдей қолжетімді көздерде) жария (ашық) деректер мен мәліметтерді орналастыру үшін;

4) математикалық, статистикалық және мінез-құлық модельдерін, ақпараттық жүйелерді, дерекқорларды әзірлеу, сақтау және қолдану (оның ішінде талдау, модельдеу, болжау) үшін;

5) ақпарат алмасу үшін, оның ішінде субъектінің (және/немесе үшінші тұлғалардың) өтініштеріне есептерді, шағымдарды, ұсыныстарды, ұсынымдарды, наразылықтарды, тапсырмаларды және тағыда басқа қарау және/немесе ұсыну үшін;

6) маркетингтік мақсаттар үшін;

7) Шартта және/немесе Қазақстан Республикасының заңнамасында белгіленген (белгіленуі мүмкін) өзге де мақсаттар үшін жүзеге асырылады.

Дербес деректерді жинауға, өңдеуге келісім шектеусіз мерзімде қолданылады.

Басшы

______________________________________ __________________________

Тегі, аты, әкесінің аты (болған жағдайда) (қолы, мөр (болған жағдайда)

Дербес деректер субъектісінің өзінің деректерін "Даму" кәсіпкерлікті дамыту қоры" акционерлік қоғамының жинауына және өңдеуіне келісімі

_____________ қ. 20___ жылғы "____" _____________

Мен, _________________жылы берілген № ______________ мемлекеттік тіркеу туралы куәліктің/талонның негізінде әрекет ететін, Қазақстан Республикасы, __________________________________ мекенжайында тұратын, Дара кәсіпкер ______________ (бұдан әрі – Алушы) (______ берген (кім берді, күні) жеке куәлік №____, жеке сәйкестендіру нөмірі (ЖСН_______) "Даму" кәсіпкерлікті дамыту қоры" акционерлік қоғамына (бұдан әрі – Қаржы агенттігі), БСН 970840000277, менің қызметіме қатысты дербес деректерімді жинауға және өңдеуге, оның ішінде Республика Кәсіпкерлік кодексінің 28-бабының 13-тармағына сәйкес дербес деректерімді жинауға және өңдеуге, сондай-ақ барлық мүдделі тұлғаларға (Қазақстан Республикасының Үкіметіне, Қаржы агенттігінің жалғыз акционеріне, Қазақстан Республикасы Қаржы министрлігінің Мемлекеттік кірістер комитетіне, ұйымдарға, мемлекеттік және жергілікті атқарушы органдарға, үшінші тұлғаларға не Қазақстан Республикасының заңнамасына сәйкес өзге де тұлғалардың пайдасына) салық, коммерциялық және заңнамамен қорғалатын басқа да құпия болып табылатын, Алушының қызметіне қатысты:

1) салық салуға және түзетуге жатпайтын кірістерді ескере отырып, салық кезеңі үшін жиынтық алынған кіріс;

2) өткізілген тауарлар (жұмыстар, көрсетілген қызметтер) бойынша шығыстар;

3) шетелдік кіріс көздерінен түсетін кірістер;

4) келтірілген залалдарды ескере отырып, салық салынатын кіріс;

5) салық салынатын кірістен алынатын жеке табыс салығы;

6) жұмыскерлердің есептелген кірістері және жеке тұлғаларға төленетін өзге де төлемдер бойынша шығыстар;

7) жұмыскерлер саны/жұмыскерлердің орташа тізімдік саны;

8) бір жұмыскерге есептелетін орташа айлық жалақы;

9) салық төлемдері сомасы (корпоративтік табыс салығы, қосылған құн салығы, әлеуметтік салық, жеке табыс салығы бойынша шығыстарды қоса алғанда);

10) басшының тегі, аты, әкесінің аты (болған жағдайда);

11) орналасқан жерінің заңды және нақты мекенжайы;

12) жобаға Қаржы агенттігінің тарапынан жүргізілген мониторинг нәтижелері;

13) Қаржы агенттігінең, оның ішінде ҚР Ұлттық қорының қаражаты есебінен алынған қарыз бойынша өзге де мәліметтер мен деректер туралы мәліметтерді беруге келісімімді беремін.

Субъектінің дербес деректерін жинау, өңдеу және пайдалану (оның ішінде, жинау, өңдеу және қағаз жеткізгіштерде және (немесе) массивтерде және (немесе) дерекқорларда электрондық форматта сақтау), сондай-ақ мынадай:

1) уәкілетті органдарға/органдардан (Қазақстан Республикасының Үкіметі, мемлекеттік органдар мен ұйымдар), аудиторлық/және өзге де құзыретті ұйымдарға/ұйымдардан, акционерлерге/акционерлерден және/немесе Қаржы агенттігінің үлестес тұлғаларына/тұлғаларынан, Қаржы агенттігінің контрагенттеріне/контрагенттерінен есептілікті және/немесе ақпаратты беру/алу үшін;

2) Қаржы агенттігі, оның ішінде Қазақстан Республикасының Ұлттық Қор қаражаты есебінен берілетін, бюджет, тартылған қаражатты, сондай-ақ өз қаражатын пайдаланудың тиімділігін талдау, бағалау және тексеру үшін;

3) Қазақстан Республикасының заңнамасы талаптарын сақтай отырып, бұқаралық ақпарат құралдарында (жалпыға бірдей қолжетімді көздерде) жария (ашық) деректер мен мәліметтерді орналастыру үшін;

4) математикалық, статистикалық және мінез-құлық модельдерін, ақпараттық жүйелерді, деректер базаларын әзірлеу, сақтау және қолдану (оның ішінде талдау, модельдеу, болжау) үшін;

5) ақпарат алмасу үшін, оның ішінде субъектінің (және/немесе үшінші тұлғалардың) жолданымдарына берілген есептерді, шағымдарды, ұсыныстарды, ұсынымдарды, наразылықтарды, тапсырмаларды және тағыда басқа қарау және/немесе ұсыну үшін;

6) маркетингтік мақсаттар үшін;

7) Шартта және/немесе Қазақстан Республикасының заңнамасында белгіленген (белгіленуі мүмкін) өзге де мақсаттар үшін жүзеге асырылады;

Дербес деректерді жинауға, өңдеуге берілген келісім шектеусіз мерзімде қолданылады.

Басшы

______________________________________ __________________________

Тегі, аты, әкесінің аты (болған жағдайда) (қолы, мөр (болған жағдайда)

Дербес деректер субъектісінің өзінің деректерін "Даму" кәсіпкерлікті дамыту қоры" акционерлік қоғамының жинауына және өңдеуіне келісімі

_____________ қ. 20___ жылғы "____" _____________

Мен, _________________жылы берілген № ______________ мемлекеттік тіркеу туралы куәліктің/талонның негізінде әрекет ететін, Қазақстан Республикасы, __________________________________ мекенжайында орналасқан, Шаруа қожалығының басшысы ______________ (бұдан әрі – Алушы) "Даму" кәсіпкерлікті дамыту қоры" акционерлік қоғамына (бұдан әрі – Қаржы агенттігі), бизнес сәйкестендіру нөмірі (БСН) 970840000277, ______________ шаруа қожалығының қызметіне қатысты деректерді жинауға және өңдеуге, оның ішінде Республика Кәсіпкерлік кодексінің 28-бабының 13-тармағына сәйкес дербес деректерімді жинауға және өңдеуге, сондай-ақ барлық мүдделі тұлғаларға (Қазақстан Республикасының Үкіметіне, Қаржы агенттігінің жалғыз акционеріне, Қазақстан Республикасы Қаржы министрлігінің Мемлекеттік кірістер комитетіне, ұйымдарға, мемлекеттік және жергілікті атқарушы органдарға, үшінші тұлғаларға не Қазақстан Республикасының заңнамасына сәйкес өзге де тұлғалардың пайдасына) салық, коммерциялық және заңнамамен қорғалатын басқа да құпия болып табылатын, Алушының қызметіне қатысты:

1) салық кезеңі үшін есептелген кірістер;

2) әлеуметтік аударымдар есептелетін шаруа қожалығы басшысы мен мүшелерінің салық кезеңіндегі кірістері;

3) салық кезеңінде төленген кірістер;

4) басшысы мен кәмелетке толған адамдарды қоса алғанда, шаруа қожалығы мүшелерінің саны;

5) шаруа қожалығы жұмыскерлерінің саны;

6) салық төлемдері сомасы (корпоративтік табыс салығы, қосылған құн салығы, әлеуметтік салық, жеке табыс салығы бойынша шығыстарды қоса алғанда);

7) шаруа қожалығы басшысының, барлық мүшелерінің тегі, аты, әкесінің аты (болған жағдайда);

8) орналасқан жерінің заңды және нақты мекенжайы;

9) жобаға Қаржы агенттігінің тарапынан жүргізілген мониторинг нәтижелері;

10) Қаржы агенттігінең, оның ішінде ҚР Ұлттық қорының қаражаты есебінен алынған қарыз бойынша өзге де мәліметтер мен деректер туралы мәліметтерді беруге келісімімді беремін.

Субъектінің дербес деректерін жинау, өңдеу және пайдалану (оның ішінде, жинау, өңдеу және қағаз жеткізгіштерде және (немесе) массивтерде және (немесе) дерекқорларда электрондық форматта сақтау), сондай-ақ мынадай:

1) уәкілетті органдарға/органдардан (Қазақстан Республикасының Үкіметі, мемлекеттік органдар мен ұйымдар), аудиторлық/және өзге де құзыретті ұйымдарға/ұйымдардан, акционерлерге/акционерлерден және/немесе Қаржы агенттігінің үлестес тұлғаларына/тұлғаларынан, Қаржы агенттігінің контрагенттеріне/контрагенттерінен есептілікті және/немесе ақпаратты беру/алу үшін;

2) Қаржы агенттігі, оның ішінде Қазақстан Республикасының Ұлттық Қор қаражаты есебінен берілетін, бюджет, тартылған қаражатты, сондай-ақ өз қаражатын пайдаланудың тиімділігін талдау, бағалау және тексеру үшін;

3) Қазақстан Республикасының заңнамасы талаптарын сақтай отырып, бұқаралық ақпарат құралдарында (жалпыға бірдей қолжетімді көздерде) жария (ашық) деректер мен мәліметтерді орналастыру үшін;

4) математикалық, статистикалық және мінез-құлық модельдерін, ақпараттық жүйелерді, деректер базаларын әзірлеу, сақтау және қолдану (оның ішінде талдау, модельдеу, болжау) үшін;

5) ақпарат алмасу үшін, оның ішінде субъектінің (және/немесе үшінші тұлғалардың) жолданымдарына берілген есептерді, шағымдарды, ұсыныстарды, ұсынымдарды, наразылықтарды, тапсырмаларды және тағыда басқа қарау және/немесе ұсыну үшін;

6) маркетингтік мақсаттар үшін;

7) Шартта және/немесе Қазақстан Республикасының заңнамасында белгіленген (белгіленуі мүмкін) өзге де мақсаттар үшін жүзеге асырылады;

Дербес деректерді жинауға, өңдеуге берілген келісім шектеусіз мерзімде қолданылады.

Басшы

______________________________________ __________________________

Тегі, аты, әкесінің аты (болған жағдайда) (қолы, мөр (болған жағдайда)

Қосылу шартына 2-қосымша

Нысан

Қосылу шартына банктің/лизингтік компанияның өтініші

Бұдан әрі "Банк/ЛК" деп аталатын, 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде сыйақы мөлшерлемесінің бір бөлігін субсидиялау қағидалары (бұдан әрі – Қағидалар)/Басым жобаларға кредит беру және қаржы лизингі тетігі (бұдан әрі – Тетік) шеңберінде, _____________________ негізінде әрекет ететін, бизнес сәйкестендіру нөмірі (БСН) __________________, __________________атынан ______________________ (екінші деңгейдегі банктің/лизингтік компанияның атауы) осы Қосылу туралы өтінішке қол қоя отырып, Банк/ЛК "Даму" кәсіпкерлікті дамыту қоры" акционерлік қоғамға (бұдан әрі – Қаржы агенттігі) қосылатынын, _______________ электрондық мекенжайындағы интернет-ресурста орналастырылған, бұдан әрі "Шарт" деп аталатын Қосылу шартының талаптарымен танысқанын және келісетінін растайды.

Осы Қосылу туралы өтініштегі терминдер мен қысқартулар Шартқа сәйкес түсіндіріледі.

Қосылу туралы осы Өтінішке қол қоюмен Банк/ЛК мыналарға өзінің сөзсіз келісімін білдіреді:

1. Шартқа өзгерістер және/немесе толықтырулар енгізілген жағдайда, Қаржы агенттігі сол өзгерістерді және/немесе толықтыруларды келісу үшін Банкке/ЛК-ға жібереді. Банк/ЛК 10 (он) жұмыс күні ішінде Шартқа өзгерістер және/немесе толықтырулар енгізу туралы хабарламаны алған күннен бастап осы өзгерістерді және/немесе толықтыруларды хатпен келіседі. Көрсетілген өзгерістермен және/немесе толықтырулармен келіспеген жағдайда, Банк/ЛК Шартқа өзгерістер және/немесе толықтырулар енгізу туралы хабарлама алған күннен бастап 10 (он) жұмыс күні ішінде Қаржы агенттігіне хатпен ұсыныстар және/немесе келіспеушіліктер хаттамасын жіберуге тиіс. Банкпен/ЛК-мен Шартқа енгізілетін өзгерістерді және/немесе толықтыруларды келіскеннен кейін Қаржы агенттігі оның жаңартылған нұсқасын Қаржы агенттігінің интернет-ресурсында орналастырады.

2. Банк/ЛК:

1) осы Шарт жасалғаннан кейін Алушының Қосылу туралы өтінішіне қол қойылған кезден бастап субсидиялау мерзімі аяқталғанға дейін кәсіпкерлік субъектісінің (бұдан әрі – Алушы) кредиті/лизингі бойынша сыйақы мөлшерлемесін ұлғайтпауға;

2) Қаржы агенттігінің тиісті хабарламасы негізінде Алушының жобасы бойынша субсидиялар сомасын Қаржы агенттігінің ағымдағы шотынан ай сайын есептен шығаруды жүзеге асыруға міндетті, бұл ретте Банктің/ЛК-ның Қаржы агенттігінің шоттарындағы қаражаттың жалпы ағымдағы қалдықтарынан субсидияларды есептен шығаруға құқығы жоқ. Қаржы агенттігінің ағымдағы шотынан субсидиялар сомасы есептен шығарылған жағдайда, Алушы кредит/лизинг бойынша жоспарлы төлемді нақты өтеген күннен бастап күнтізбелік 30 (отыз) күн өткеннен кейін сыйақы мөлшерлемесінің субсидияланатын бір бөлігін өтеу үшін Банк/ЛК Қаржы агенттігіне 50 (елу) айлық есептік көрсеткіш (бұдан әрі – АЕК) мөлшерінде айыппұл төлейді;

3) Алушы кредит/лизинг бойынша төлемді уақтылы өтемеген, оның ішінде сыйақы мөлшерлемесінің субсидияланбайтын бір бөлігін уақтылы өтемеген жағдайда немесе Алушы 3 (үш) ай қатарынан (қаржылық лизинг шарты бойынша қатарынан 2 (екі) және одан көп рет) Банктің/ЛК алдындағы төлемдерді төлеу бойынша міндеттемелерін орындамаған күннен бастап, ол туралы Қаржы агенттігіне 2 (екі) жұмыс күні ішінде хабарлауға міндетті. Бұл ретте Банк/ЛК Алушы берешекті өтегенге дейін сыйақы мөлшерлемесінің субсидияланатын бір бөлігін өтеу үшін Қаржы агенттігінің ағымдағы шотынан қаражатты есептен шығаруды жүргізбейді;

Осы тармақшада көзделген жағдайлар басталған күннен бастап күнтізбелік 30 (отыз) күн өткеннен кейін хабарламаған/хабарлаған жағдайда, Банк/ЛК Қаржы агенттігіне 50 (елу) АЕК мөлшерінде айыппұл төлейді;

4) Алушының кредиті/ лизингі бойынша негізгі борышы мерзімінен бұрын ішінара/толық өтелген күннен бастап, Қаржы агенттігіне 2 (екі) жұмыс күні ішінде хабарлауға міндетті. Алушы негізгі борышты мерзімінен бұрын ішінара/толық өтеген күннен бастап күнтізбелік 30 (отыз) күн өткеннен кейін хабарламаған/хабарлаған жағдайда Банк/ЛК Қаржы агенттігіне 50 (елу) АЕК мөлшерінде айыппұл төлейді.

Алушының кредиті/лизингі бойынша негізгі борышы мерзімінен бұрын ішінара/толық өтелген жағдайда және Алушының кредиті/лизингі бойынша сыйақы мөлшерлемесінің бір бөлігін субсидиялау тоқтатылған жағдайда Банк/ЛК 7 (жеті) жұмыс күні ішінде Қаржы агенттігіне өзара есеп айырысу бойынша салыстырып тексеру актісін беруге міндетті. Бұл ретте Банк/ЛК салыстырып тексеру актісінде іс жүзінде есептен шығарылған субсидиялардың сомасы мен күндерін көрсетеді, ал Қаржы агенттігі субсидиялардың аударылған сомасы мен күндерін көрсетеді.

Алушының кредиті/лизингі бойынша негізгі борышты ішінара мерзімінен бұрын өтеген жағдайда, Банк/ЛК Кредит шартына/Қаржы лизингі шартына қосымша келісім жасасу кезінде Қаржы агенттігіне өзгертілген төлем кестесін қоса бере отырып, негізгі борышты ішінара өтеген күннен бастап 7 (жеті) жұмыс күні ішінде төлеуге тиесілі субсидиялар сомасын/өзгертілген тиесілі субсидиялар сомасын көрсете отырып, электрондық форматта (XLS немесе XLSX) Кредит шартына/Қаржы лизингі шартына қоса берілген қосымша келісімнің көшірмесін жібереді;

5) Алушы субсидиялар сомасын дербес түрде төлеген жағдайда, кейін Қаржы агенттігі қаражатты өтеген кезде Қаржы агенттігінің хабарламасы негізінде субсидиялардың тиісті сомасын есептен шығаруға және Алушының ағымдағы шотына аударуға;

6) сұрау салу бойынша Қаржы агенттігіне Алушының субсидияланатын кредиттің/лизингтің төлем тәртібіне қатысты деректерді беруге;

7) жобаға мониторинг жүргізу үшін қажетті құжаттарды беруге, Қаржы агенттігімен және Алушымен мониторингтік есептерге қол қоюға;

8) осы Шарттың талаптарын орындауға әсерін тигізуі мүмкін барлық мән-жайлар туралы Қаржы агенттігіне уақтылы хабарлауға;

9) осы Шарттың қолданылу мерзімі ішінде Қаржы агенттігінің келісімінсіз кредит/лизинг сомасын және (немесе) кредит/лизинг бойынша номиналдық сыйақы мөлшерлемесін өзгертпеуге;

10) Банк/ЛК тарапынан Қағидаларда/Тетікте көзделген өндіріп алынуы мүмкін комиссияларды қоспағанда, Қаржы агенттігінің уәкілетті органы қолданыстағы кредитті/лизингті субсидиялау туралы шешім қабылдаған жағдайда, Алушыға ағымдағы қаржы жылы бұрын алынған комиссияларды, алымдарды және (немесе) өзге де төлемдерді өтеуге міндетті. Бұл ретте осы комиссиялар, алымдар және/немесе өзге де төлемдер барлық тараптар бірінші Шартқа қол қойған нақты күннен бастап 3 (үш) ай ішінде Алушыға өтелуге тиіс. Банк/ЛК ағымдағы жылы алынған комиссияларды, алымдарды және/немесе өзге де төлемдерді Шарттың осы тармағында көрсетілген мерзімде алушыға уақтылы өтемеген жағдайда, Банк/ЛК Қаржы агенттігіне 50 (елу) АЕК мөлшерінде айыппұл төлейді;

11) Алушы кредит/лизинг бойынша негізгі борышты ішінара/толық мерзімінен бұрын өтеген жағдайда, 2 (екі) жұмыс күні ішінде Қаржы агенттігіне кредит/лизинг бойынша негізгі борыштың ішінара/мерзімінен бұрын толық өтелу фактісі туралы міндетті.

Алушы кредиті/лизингі бойынша негізгі борыш мерзімінен бұрын ішінара өтелген жағдайда, Банк/ЛК Кредит шартына/Қаржы лизингі шартына қосымша келісім жасасу кезінде негізгі борыш ішінара өтелген күннен бастап 7 (жеті) жұмыс күні ішінде өзгертілген төлемдерді өтеу кестесін қоса бере отырып, Кредит шартына/Қаржы лизингі шартына қосымша келісімнің көшірмесін Қаржы агенттігіне жібереді;

12) Қаржы агенттігінен субсидиялар сомасын атаулы аударылғаны туралы хабарлама алмаған жағдайда, Алушыға сыйақы мөлшерлемесін толық көлемде өтейтіні туралы хабарлауға;

13) Шартта көзделген өзге де құқықтар мен міндеттерді сақтауға және орындауға міндетті.

3. Осы қосылу туралы Өтінішті Қаржы агенттігінің уәкілетті жұмыскері қабылдаған жағдайда, Шартпен жиынтығында жасалған Шарт болып табылады.

Осы Өтініш Шарттың ажырамас бөлігі болып табылады.

Банк/ЛК:
Басшы: лауазымы, тегі, аты, әкесінің аты (болған жағдайда)
Мынаның негізінде әрекет етеді:
Қолы, мөр (болған жағдайда)
Күні

Қаржы агенттігінің Өтінішті қабылдағаны туралы белгілері:

20___ ж. "____" _____________

Қосылу шартына 3-қосымша

Нысан

Қосылу шартына берілетін төлемдер графигі

№ ______ күні ________ (қағаз түрінде қол қойған кезде)

Алушының атауы
Алушының Бизнес-сәйкестендіру нөмірі /Жеке сәйкестендіру нөмірі (бұдан әрі – БСН/ЖСН)
Кредит шартының/Қаржы лизингі шартының нөмірі
Банктік қарыз алу күні/Қаржы лизингі шарты
Қағидаларды/тетікті іске асыру шеңберіндегі бағыты

Сәйкестендіру коды: International bank account number (IBAN) форматындағы бірегей 20 таңбалы код)

Негізгі борышты өтеу күні	Негізгі борыш қалдығының сомасы	Негізгі борышты өтеу сомасы	Қаржы агенттігі төлейтін сыйақы сомасы	Алушы төлейтін сыйақы сомасы	Есептелген сыйақы сомасының жиыны
Жиыны:

Банк/лизингтік компания	Алушы
_______________________ мөр орны (болған жағдайда)	___________________ мөр орны (болған жағдайда)
Қазақстан Республикасы _____________ қаласы _____________ көшесі телефон ____________ БСН ______________ ЖСК KZ ___________ Банктік сәйкестендіру коды (БСК) ______________ Бенефициар Коды (КБЕ) ______________ " ___________________ " АҚ/ЖШС	Қазақстан Республикасы _____________ қаласы _____________ көшесі телефон ____________ БСН ______________

Қосылу шартына 4-қосымша

Қосылу шартына берілетін Алушының Қосымша өтініші

20___ ж. __________№ ___ өтінішке

Бұдан әрі "Алушы" деп аталатын, 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде сыйақы мөлшерлемесінің бір бөлігін субсидиялау қағидалары (бұдан әрі – Қағидалар)/Басым жобаларға кредит беру және қаржы лизингі тетігі (бұдан әрі – Тетік) шеңберінде, ____________________ негізінде әрекет ететін (заңды тұлғалар үшін), ______________________________ атынан ______________________ (заңды тұлғаның атауы/жеке тұлғаның тегі, аты, әкесінің аты (болған жағдайда), "Даму" кәсіпкерлікті дамыту қоры" акционерлік қоғамынан (бұдан әрі – Қаржы агенттігі) уәкілетті органның шешіміне сәйкес енгізілген өзгерістерімен субсидия беруді сұрайды:

Субсидиялаудың негізгі шарттары

		Бұдан бұрын мақұлданған шарттар	Енгізілетін өзгерістер
1	Кредит шартының атауы, күні және нөмірі (Кредиттік желіні ашу туралы келісім/Банктік қарыз шарты/ қаржы лизингі шарты
2	Банк/ЛК
3	Кредит/лизинг сомасы/кредит желісі
4	Кредит/лизинг бойынша: 1) субсидияланатын; 2) субсидияланбайтын сыйақы мөлшерлемесі.
5	Кредит/лизинг мерзімі/кредит желісі
6	Кредиттің/лизингтің нысаналы мақсаты
7	Субсидиялау мерзімі (айларда)
8	Қағидаларды/Тетікті іске асыру шеңберіндегі бағыты
9	Негізгі борыш пен сыйақыны өтеу шарттары
10	Қаржы агенттігі уәкілетті органы шешімінің нөмірі және күні
11	Экономикалық қызметтің жалпы жіктеуіші бойынша сала (ЭҚЖЖ, 5 мәнді)
12	Жоба бойынша ерекше шарттар

Осы Өтініш және оған қосымшалар қосылу Шарттың ажырамас бөлігі болып табылады.

Қосымшалар:

Кредит шартының/қаржы лизингі шартының көшірмесі: _________________________.

Жеке тұлғалар – дара кәсіпкерлер үшін:

Тегі, аты, әкесінің аты (болған жағдайда)
Жеке басын куәландыратын құжаттың деректері
Мемлекеттік тіркеу туралы куәлік
Қолы
Күні

Заңды тұлғалар үшін:

Басшы: лауазымы, тегі, аты, әкесінің аты (болған жағдайда)
Мынаның негізінде әрекет етеді:
Жеке басын куәландыратын құжаттың деректері
Қолы, мөр (болған жағдайда)
Күні

Қаржы агенттігінің Өтінішті қабылдағаны туралы белгілер:

20___ ж. "____" _____________