Қазақстан Республикасының Жер кодексіне және Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Маңғыстау облысының әкімдігі ҚАУЛЫ ЕТЕДІ және Маңғыстау облыстық мәслихаты ШЕШТІ:
1.Маңғыстау облысы әкімдігінің 2005 жылғы 10 наурыздағы № 101 және Маңғыстау облыстық мәслихатының 2005 жылғы 6 сәуірдегі № 10/157 "Маңғыстау облысының әкімшілік аумағындағы жер учаскелерінің шекті (ең жоғары) мөлшерін бекіту туралы" бірлескен қаулысы мен шешіміне (Нормативтік құқықтық актілерді мемлекеттік тіркеу тізілімінде № 1898 болып тіркелген) келесідей өзгерістер енгізілсін:
тақырыбы жаңа редакцияда жазылсын:
"Маңғыстау облысында жеке меншікте болуы мүмкін жер учаскелерінің шекті (ең жоғары) мөлшерлерін белгілеу туралы";
1 тармақтың бірінші абзацы жаңа редакцияда жазылсын:
"1. Маңғыстау облысында жеке меншікте болуы мүмкін жер учаскелерінің шекті (ең жоғары) мөлшерлері белгіленсін:".
2. Осы бірлескен қаулы және шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Маңғыстау облысының әкімі | Н. Ногаев |
| Маңғыстау облыстық мәслихатының төрағасы | Ж. Матаев |
