"Қазақстан Республикасының әкімшілік-аумақтық құрылысы туралы" Қазақстан Республикасы Заңының 13-бабы 4) тармақшасына сәйкес, Астана қаласы тұрғындарының пікірін ескере отырып, Астана қаласы ономастика комиссиясының 2022 жылғы 7 қазандағы, Қазақстан Республикасы Үкіметінің жанындағы Республикалық ономастикалық комиссиясының 2023 жылғы 17 қаңтардағы қорытындыларының негізінде Астана қаласының әкімдігі ҚАУЛЫ ЕТЕДІ және Астана қаласының мәслихаты ШЕШТІ:
1. Мыналарға:
Астана қаласының "Алматы" ауданы бойынша:
жобалық атауы А23 көшеге – Әскен Нәбиев көшесі;
жобалық атауы А24 көшеге – Сырбай Мәуленов көшесі;
Астана қаласының "Есіл" ауданы бойынша:
жобалық атауы Е12 көшеге – Мәншүк Мәметова көшесі;
жобалық атауы Е20 көшеге – Шапық Шөкин көшесі;
жобалық атауы Е753 көшеге – Санжар Асфендиаров көшесі;
Астана қаласының "Сарыарқа" ауданы бойынша:
жобалық атауы № 187 көшеге – Бердібек Соқпақбаев көшесі;
жобалық атауы № 189 көшеге – Бейбарыс сұлтан көшесі атауы берілсін.
2. Мыналар:
Астана қаласының "Алматы" ауданы бойынша:
жобалық атауы № 23-16 көше – Мағжан Жұмабаев даңғылы;
Астана қаласының "Байқоңыр" ауданы бойынша:
Мәншүк Мәметова көшесі – Қарамерген көшесі;
Астана қаласының "Есіл" ауданы бойынша:
Бұқар жырау көшесінен басталатын № 29/1 жобалық көшесімен аяқталатын Сауран көшесінің бөлігі – Гейдар Әлиев көшесі болып қайта аталсын.
3. Осы бірлескен Астана қаласы әкімдігінің қаулысы және мәслихатының шешімі оның алғашқы ресми жарияланғанынан кейін күнтізбелік он күн өткен соң қолданысқа енгізіледі.
| Астана қаласының әкімі | Ж. Қасымбек |
| Астана қаласы мәслихатның төрағасы | Е. Каналимов |
