Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабының 1 тармағы 15) тармақшасына, Қазақстан Республикасының "Білім туралы" Заңының 47 бабы 4 тармағы 2) тармақшасына, 6 бабы 1 тармағы 2) тармақшасына сәйкес, Балқаш қалалық мәслихаты ШЕШІМ ҚАБЫЛДАДЫ:
1. Балқаш өңірінің білім беру ұйымдары оқушыларының келесі санаттарына: жалпы білім беретін орта білім беру ұйымдарының, интернаттардың оқушыларына демалыс, каникул, мереке күндерін қоспағанда, жетім балаларға және ата-анасының қамқорлығынсыз қалған балаларға, атаулы әлеуметтік көмек алуға құқығы бар балаларға, жан басына шаққандағы орташа табысы ең төменгі күнкөріс деңгейінен төмен балаларға қоғамдық көлікте (таксиден басқа) тариф құнынан 100% жеңілдікпен жол жүру ұсынылсын.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қалалық мәслихат төрағасы | А. Муслымов |
