"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңының 35-бабына, "Құқықтық актілер туралы" Қазақстан Республикасының Занының 27-бабына сәйкес ШЕШІМ ҚАБЫЛДАДЫ:
1. Қарағанды облысы Ақтоғай ауданы Сарытерек селолық округінің "Ақсай" қыстағының аумағында қой және ешкі малдарының арасында бруцеллез ауруын жою жөніндегі ветеринариялық-санитариялық шаралар кешенінің жүргізілуіне байланысты шектеу іс-шаралары тоқтатылсын.
2. Қарағанды облысы Ақтоғай ауданы Сарытерек селолық округінің "Қарағанды облысы Ақтоғай ауданы Сарытерек селолық округінің "Ақсай" қыстағы аумағына шектеу іс-шараларын енгізе отырып карантин аймағының ветеринариялық режимін белгілеу туралы" 2013 жылғы 29 қазандағы № 1 (Нормативтік құқықтық актілерді мемлекеттік тіркеу тізілімінде № 2413 болып тіркелген) шешімінің күші жойылды деп танылсын.
3. Осы шешім оның алғашқы ресми жарияланған күнінен бастап қолданысқа енгізіледі.
| Сарытерек ауылдық округінің әкімі | К. Серкебаев |
