БҰЙЫРАМЫН:
1. "Ауыл шаруашылығы саласында табиғи сипаттағы төтенше жағдайлар нәтижесінде жеке және заңды тұлғаларға келтірілген залалды өтеу қағидаларын бекіту туралы" Қазақстан Республикасы Ауыл шаруашылығы министрінің 2024 жылғы 17 мамырдағы № 167 бұйрығына (Нормативтік құқықтық актілерді мемлекеттік тіркеу тізілімінде № 34383 болып тіркелген) мынадай өзгеріс енгізілсін:
көрсетілген бұйрықпен бекітілген Ауыл шаруашылығы саласында табиғи сипаттағы төтенше жағдайлар нәтижесінде жеке және заңды тұлғаларға келтірілген залалды өтеу қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Ауыл шаруашылығы министрлігінің егіншілік және мал шаруашылығы департаменттері заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін қолданысқа енгізіледі.
|
Қазақстан Республикасының Ауыл шаруашылығы министрі |
А. Сапаров |
"КЕЛІСІЛДІ"
Қазақстан Республикасы
Қаржы министрлігі
"КЕЛІСІЛДІ"
Қазақстан Республикасы
Су ресурстары және ирригация
министрлігі
"КЕЛІСІЛДІ"
Қазақстан Республикасы
Төтенше жағдайлар министрлігі
"КЕЛІСІЛДІ"
Қазақстан Республикасы
Ұлттық экономика министрлігі
"КЕЛІСІЛДІ"
Қазақстан Республикасы
Экология және табиғи ресурстар
министрлігі
| Қазақстан Республикасының Ауыл шаруашылығы министрі 2025 жылғы 27 ақпандағы № 62 бұйрығына қосымша |
|
| Қазақстан Республикасы Ауыл шаруашылығы министрінің 2024 жылғы 17 мамырдағы № 167 бұйрығымен бекітілген |
Ауыл шаруашылығы саласында табиғи сипаттағы төтенше жағдайлар нәтижесінде жеке және заңды тұлғаларға келтірілген залалды өтеу қағидалары
1-тарау. Жалпы ережелер
1. Осы Ауыл шаруашылығы саласында табиғи сипаттағы төтенше жағдайлар нәтижесінде жеке және заңды тұлғаларға келтірілген залалды өтеу қағидалары (бұдан әрі – Қағидалар) Қазақстан Республикасы Үкіметінің 2005 жылғы 6 сәуірдегі № 310 қаулысымен бекітілген Қазақстан Республикасы Ауыл шаруашылығы министрлігі туралы ереженің 15-тармағының 508-122) тармақшасына және Қазақстан Республикасы Үкіметінің 2014 жылғы 19 желтоқсандағы № 1358 қаулысымен бекітілген Табиғи сипаттағы төтенше жағдайлар салдарынан зардап шеккендерге келтірілген зиянды (нұқсанды) өтеу қағидаларының 3-1-тармағына сәйкес әзірленді және ауыл шаруашылығы саласында табиғи сипаттағы төтенше жағдайлар нәтижесінде жеке және заңды тұлғаларға келтірілген залалды өтеу тәртібін айқындайды.
2. Осы Қағидалар табиғи сипаттағы төтенше жағдай туындаған сәтте сақтандыру объектісі (бұдан әрі – сақтандырылған мүлік) болып табылатын жеке және заңды тұлғаның мүлкіне қолданылмайды. Сақтандырылған мүлік Қазақстан Республикасының азаматтық заңнамасында белгіленген тәртіппен сақтандырушының қаражаты есебінен өтелуге тиіс.
3. Ауыл шаруашылығы саласында табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу Қазақстан Республикасының бюджет заңнамасына сәйкес жергілікті атқарушы органдардың ауыл шаруашылығы саласында табиғи сипаттағы төтенше жағдай салдарын жоюға көзделген біржолғы бюджет қаражаты есебінен және/немесе ұйымдардың, азаматтардың ерікті жарналарының, қорлар мен қоғамдық бірлестіктердің, Қазақстан Республикасының қолданыстағы заңнамасына қайшы келмейтін өзге де көздер (бұдан әрі – бюджеттен тыс қаражат) есебінен жүзеге асырылады.
2-тарау. Өсімдік шаруашылығы саласындағы табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу тәртібі
4. Табиғи сипаттағы төтенше жағдай жарияланған кезде облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органы облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органдарының, ішкі істер органдарының (келісу бойынша), қоғамдық ұйымдардың, "Атамекен" Қазақстан Республикасы Ұлттық Кәсіпкерлер палатасының өңірлік кәсіпкерлер палатасының өкілдері және жергілікті қоғамдастықтар өкілдерінің қатарынан комиссия (бұдан әрі – өсімдік шаруашылығы саласындағы комиссия) құрады.
Өсімдік шаруашылығы саласындағы комиссия мүшелерінің жалпы саны тақ санды құрайды, жеті адамнан аспайды.
Облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының ауыл шаруашылығы саласындағы функцияларды жүзеге асыратын құрылымдық бөлімшесі өсімдік шаруашылығы саласындағы комиссияның жұмыс органы (бұдан әрі – жұмыс органы) болып табылады.
5. Өсімдік шаруашылығы саласындағы табиғи сипаттағы төтенше жағдай нәтижесінде жеке және заңды тұлғаларға келтірілген залалдың өтелетін құнының мөлшерін айқындауды өсімдік шаруашылығы саласындағы комиссия жүзеге асырады.
6. Жұмыс органы табиғи сипаттағы төтенше жағдай туындаған кезде облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының ресми интернет-ресурсында өсімдік шаруашылығы саласындағы табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеуге арналған өтінімдерді қабылдау туралы хабарландыруды (бұдан әрі – хабарландыру) орналастырады.
7. Өтінімдерді қабылдау табиғи сипаттағы төтенше жағдай туындаған күннен бастап күнтізбелік 30 (отыз) күн ішінде жүзеге асырылады.
Бұл ретте 2024 жылы бүлінген ауыл шаруашылығы дақылдары үшін келтірілген залалды өтеу туралы өтініштер 2025 жылғы 1 сәуірге дейін қабылданады.
Хабарландыру мынадай мәліметтерді қамтиды:
1) орналасқан жері, почталық мекенжайы, телефон нөмірлері, электрондық почта мекенжайы көрсетілген облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының атауы;
2) құжаттарды қабылдаудың басталған және аяқталған күні мен уақыты;
3) осы Қағидалардың 8-тармағында көрсетілген қажетті құжаттардың тізбесі;
4) өсімдік шаруашылығы саласындағы комиссия отырысының өткізілген күні, уақыты және орны.
8. Табиғи сипаттағы төтенше жағдайдың нәтижесінде зардап шеккен жеке және заңды тұлғалар осы Қағидаларға 1-қосымшаға сәйкес нысан бойынша өсімдік шаруашылығындағы табиғи сипаттағы төтенше жағдайдың нәтижесінде жеке және заңды тұлғаларға келтірілген залалды өтеуге арналған өтінім (бұдан әрі – залалды өтеу туралы өтінім) береді.
Залалды өтеу туралы өтінімге мыналар қоса беріледі:
1) жер учаскесіне сәйкестендіру құжатының көшірмесі;
2) жер учаскесіне құқық белгілейтін құжаттың көшірмесі;
3) тұқымның сорттық және егістік сапасын растайтын құжаттардың көшірмелері (бүлінген тұқымдарға өтінім беру кезінде қоса беріледі):
аттестатталған тұқым өндірушілерден сатып алынған тұқымдар бойынша:
тұқым аттестатының не тұқым куәлігінің көшірмесі;
импорттық тұқымдар бойынша:
жөнелтуші елдің құзыретті органы берген тұқымның сорттық және егістік сапасын растайтын құжаттың көшірмесі;
өз өндірісінің тұқымдары бойынша:
апробациядан өткізу актісі мен тұқымның кондициялылығы туралы куәліктің не апробациядан өткізу актісі мен тұқымдарды талдау нәтижесінің көшірмесі.
Жер учаскесіне сәйкестендіру, құқық белгілейтін құжаттарды ұсыну мүмкін болмаған жағдайда (табиғи сипаттағы төтенше жағдай салдарынан немесе табиғи сипаттағы төтенше жағдайды жою кезеңінде мұндай құжат жоғалған, бүлінген немесе жойылған жағдайларда), жұмыс органы жер учаскесі бойынша деректерді жылжымайтын мүліктің бірыңғай мемлекеттік кадастрының ақпараттық жүйесінен алуды дербес жүзеге асырады.
9. Залалды өтеу туралы өтінім және өтінімге қоса берілетін құжаттар облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы қолма қол не электрондық цифрлық қолтаңбамен куәландырылған электрондық құжат нысанында "Электрондық өтініштер" ақпараттық талдау жүйесі арқылы электрондық түрде беріледі.
Залалды өтеу туралы өтінімді жеке тұлға не заңды тұлғаның басшысы не Қазақстан Республикасының азаматтық заңнамасына сәйкес сенімхат негізінде әрекет ететін сенім білдірілген адам беруі мүмкін.
Залалды өтеу туралы өтінімнің көшірмесінде оны қабылдаған адамның тегі және аты-жөні, лауазымы, күні көрсетіле отырып, тіркелгені туралы белгі облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесінде қағаз тасығыштағы өтінімнің қабылданғанын растау болып табылады.
"Электрондық өтініштер" ақпараттық талдау жүйесінде жеке немесе заңды тұлғалардың залалды өтеу туралы өтінімдеріне тіркеу нөмірін (индексін) беру автоматты түрде жасалады және әріптерден тұратын индекстен, сондай-ақ тіркеу жылы мен сегіз таңбадан тұратын тізбекті реттік нөмірден тұратын бірегей нөмірден тұрады.
Облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі залалды өтеу туралы өтінімді және оған қоса берілетін құжаттарды жұмыс органына жібереді.
10. Жұмыс органы құжаттарды алған күннен бастап 2 (екі) жұмыс күні ішінде оларды қарайды және толықтығын тексереді.
Ұсынылған мәліметтердің толық еместігі анықталған кезде, жұмыс органы осы тармақтың бірінші бөлігінде көрсетілген мерзімде құжаттарды одан әрі қараудан бас тартудың нақты себептерін көрсете отырып, жеке немесе заңды тұлғаға уәжді бас тартуды жібереді.
Құжаттарды одан әрі қараудан уәжді бас тарту "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы жіберіледі.
Құжаттарды одан әрі қараудан уәжді бас тартылған жағдайда, жеке немесе заңды тұлға осы Қағидалардың 7-тармағында көрсетілген мерзім ішінде құжаттарды қайта тапсырады.
11. Осы Қағидалардың 10-тармағында көрсетілген құжаттарды қарау мерзімдері өткеннен кейін жұмыс органы бір жұмыс күні ішінде жеке немесе заңды тұлғаның құжаттарын өсімдік шаруашылығы саласындағы комиссияның қарауына береді.
12. Өсімдік шаруашылығы саласындағы комиссия он жұмыс күні ішінде залалды өтеу туралы өтінімде қамтылған деректердің (мәліметтердің) дұрыстығын тексереді, жеке немесе заңды тұлғаның жер учаскелерін қарап-тексеруді, табиғи сипаттағы төтенше жағдай нәтижесінде зардап шеккен ауыл шаруашылығы дақылдарының егістерін, тұқым сақтау орындарын зерттеп-қарауды жүзеге асырады.
Бүлінген тұқымдар үшін залалды өтеу туралы өтінімдерді қарау кезінде өсімдік шаруашылығы саласындағы комиссия мүшелері тұқымдарды есепке алу журналынан, сондай-ақ байқау журналынан деректерді (мәліметтерді) қосымша зерделейді.
Зерттеп-қарау жеке немесе заңды тұлғаның немесе Қазақстан Республикасының азаматтық заңнамасына сәйкес сенімхат негізінде әрекет ететін жеке немесе заңды тұлғаның сенім білдірілген адамының қатысуымен жүзеге асырылады және нәтижелері бойынша растайтын фотосуреттер мен бейнематериалдарды міндетті түрде қоса бере отырып, осы Қағидаларға 2-қосымшаға сәйкес нысан бойынша табиғи сипаттағы төтенше жағдай нәтижесінде зардап шеккен ауыл шаруашылығы дақылдарының егістерін және тұқым сақтау орындарын зерттеп-қарау актісі ресімделеді.
Залалды өтеуден бас тарту туралы шешім қабылданған жағдайда, өсімдік шаруашылығы саласындағы комиссия жеке немесе заңды тұлғаға бас тарту себептерін көрсете отырып, жазбаша хабарлама жібереді.
Бас тарту себептері көрсетілген жазбаша хабарлама "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, ауданның жергілікті атқарушы органының кеңсесі арқылы жіберіледі.
13. Табиғи сипаттағы төтенше жағдай нәтижесінде жеке немесе заңды тұлғаға келтірілген залалды мамандандырылған егіншілік және өсімдік шаруашылығы ғылыми-зерттеу институтымен келісілген ауыл шаруашылығы дақылдарын өсірудің технологиялық картасына сәйкес 1 (бір) гектарға нақты ауыл шаруашылығы дақылын өсіруге жұмсалған шығындарға қарай, сондай-ақ Қазақстан Республикасы Стартегиялық жоспарлау және реформалар агенттігінің Ұлттық статистика бюросы қалыптастыратын ресми статистикалық ақпараттың деректеріне сәйкес тауарлық астықтың ауыл шаруашылығы дақылдарының түрлері бөлінісінде ауыл шаруашылығы дақылдары тұқымдарының нарықтық құны негізінде өсімдік шаруашылығы саласындағы комиссия айқындайды.
Егер жеке немесе заңды тұлға субсидия алушы болып табылса (басым дақылдар, оның ішінде көпжылдық екпелер өндірісін дамыту; тұқым шаруашылығын дамыту; тыңайтқыштардың (органикалық тыңайтқыштарды қоспағанда) құнын арзандату; саны зияндылықтың экономикалық шегінен жоғары зиянды және аса қауіпті зиянды организмдерге және карантиндік объектілерге қарсы өңдеуді жүргізуге арналған пестицидтердің, биоагенттердің (энтомофагтардың) құнын арзандату; ауыл шаруашылығы тауарын өндірушілерге су беру жөніндегі көрсетілетін қызметтердің құнын арзандату), онда залалдың мөлшері алынған субсидия сомасын шегеру арқылы айқындалады.
Бұл ретте өсімдік шаруашылығы саласындағы комиссия ауыл шаруашылығы дақылдарын өсірудің технологиялық картасын тәлімі және суармалы егістіктерге, оның ішінде ауыл шаруашылығы дақылдарын жабық және ашық топырақта өсіретін алаңдар бойынша бөлек жасайды.
14. Табиғи сипаттағы төтенше жағдай нәтижесінде жеке немесе заңды тұлғаларға келтірілген залалды өсімдік шаруашылығы саласындағы комиссия мынадай формула арқылы анықтайды:
U = T *Р – S,
мұндағы:
U – келтірілген залал мөлшері, теңге;
T – ауыл шаруашылығы дақылдарын өсіруге арналған технологиялық картаға сәйкес 1 (бір) гектарға ауыл шаруашылығы дақылын өсіруге жұмсалған шығын мөлшері;
Р – ауыл шаруашылығы дақылдары жойылған, дақылдар өсірілетін алаң;
S – тиісті жылы ауыл шаруашылығы дақылдары жойылған, дақылдар өсірілетін алаңға алынған субсидиялар көлемі, теңге.
15. Ауыл шарушалығы дақылдарының бүлінген тұқымдары үшін келтірілген залалды өсімдік шаруашылығы саласындағы комиссия мынадай формула бойынша айқындайды:
С = К*Н– S,
мұндағы:
С – залал мөлшері, теңге;
К – бүлінген тұқымдардың мөлшері, тонна;
Н – ауыл шаруашалығы дақылдары тұқымдарының нарықтық құны, бір тоннаға теңге;
S – тиісті жылы сатып алынған ауыл шаруашылығы дақылдарының бүлінген тұқымдары үшін алынған субсидиялар сомасы, теңге.
16. Ауыл шаруашылығы дақылдары егістіктері мен тұқым қоймаларын зерттеп-қарау қорытындылары бойынша өсімдік шаруашылығы саласындағы комиссия осы Қағидаларға 3-қосымшаға сәйкес нысан бойынша табиғи сипаттағы төтенше жағдайдан зардап шеккен және өсімдік шаруашылығы саласында залал келтірілген жеке және заңды тұлғалардың тізбесін қалыптастырады және жұмыс органына жібереді.
Комиссия өтеу туралы шешім қабылдағаннан кейін 2 (екі) жұмыс күні ішінде табиғи сипаттағы төтенше жағдайдан зардап шеккен және өсімдік шаруашылығы саласында залал келтірілген жеке немесе заңды тұлғалардың тізбесі облыстың, республикалық маңызы бар қаланың, астананың, ауданның жергілікті атқарушы органының ресми интернет-ресурсында орналастырылады.
17. Жұмыс органы осы Қағидаларға 3-қосымшаға сәйкес нысан бойынша табиғи сипаттағы төтенше жағдайдан зардап шеккен және өсімдік шаруашылығы саласында залал келтірілген жеке және заңды тұлғалардың жиынтық тізбесін (бұдан әрі – өсімдік шаруашылығы саласындағы жиынтық тізбе) облыстың, республикалық маңызы бар қаланың, астананың, ауданның жергілікті атқарушы органының бірінші басшысының қолын қойдырып, қалыптастырады.
18. Жұмыс органы өсімдік шаруашылығы саласындағы бекітілген жиынтық тізбені (есептеулерді) облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органына қаражат бөлу туралы шешім қабылдау үшін жолдайды.
19. Қаражат бөлу туралы шешім қабылданғаннан кейін жұмыс органы жеке ай сайынғы қаржыландыру жоспарлары бекітілгеннен кейін 3 (үш) жұмыс күні ішінде "Қазынашылық-Клиент" ақпараттық жүйесіне жүктелетін қаражатты өтеуге арналған төлем шоттарын қалыптастырады.
Қаражат аудару туралы хабарлама "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, облыстық маңызы бар қаланың жергілікті атқарушы органының кеңсесі арқылы жіберіледі.
3-тарау. Мал шаруашылығындағы табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу тәртібі
20. Жеке және заңды тұлғаларға бюджет қаражаты есебінен және/немесе бюджеттен тыс қаражат есебінен мыналар белгіленген өлген ауыл шаруашылығы жануарлары үшін залалды өтеу жүзеге асырылады:
1) өлген ауыл шаруашылығы жануарында сәйкестендіру белгілерінің (құлақ сырғасы, тавро, микрочип) болуы;
2) өлген ауыл шаруашылығы жануарының сәйкестендіру белгілері жоқ, бірақ ауыл шаруашылығы жануарларын бірдейлендіру дерекқорында болғанының расталуы;
3) өлген ауыл шаруашылығы жануарының орналасқан жерінің болмауы, бірақ ауыл шаруашылығы жануарларын бірдейлендіру дерекқорында болғанының расталуы.
21. Жеке және заңды тұлғаларға бюджеттен тыс қаражат есебінен инкубациялық жұмыртқалар шығынына байланысты өтемақы олар бойынша:
1) инкубациялық жұмыртқаларды сатып алғанын растайтын және инкубациялық процесті растайтын құжаттардың болуы;
2) "Биологиялық қалдықтарды кәдеге жарату, жою қағидаларын бекіту туралы" Қазақстан Республикасының Ауыл шаруашылығы министрінің 2015 жылғы 6 сәуірдегі № 16-07/307 бұйрығына (Нормативтік құқықтық актілер мемлекеттік тізілімінде № 11003 болып тіркелген) сәйкес жануарлардың өлекселерін және өзге де биологиялық қалдықтарды жою туралы актінің бар екені анықталғанда жүзеге асырылады.
22. Табиғи сипаттағы төтенше жағдай жарияланған кезде облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органы облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органдарының, ішкі істер органдарының (келісу бойынша), қоғамдық ұйымдардың, "Атамекен" Қазақстан Республикасы Ұлттық кәсіпкерлер палатасының өңірлік кәсіпкерлер палатасының және жергілікті қоғамдастықтың өкілдерінен комиссия (бұдан әрі – комиссия) құрады.
Комиссия мүшелерінің жалпы саны жеті адамнан кем емес тақ санды құрайды.
Комиссия өлген ауыл шаруашылығы жануарлары, сондай-ақ бүлінген инкубациялық жұмыртқалар үшін келтірілген залалды өтеу құнының мөлшерін анықтауды жүзеге асырады.
23. Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімдерді қабылдау табиғи сипаттағы төтенше жағдай туындаған күннен бастап күнтізбелік 60 (алпыс) күн ішінде жүргізіледі.
Бұл ретте 2024 жылы бүлінген инкубациялық жұмыртқалар үшін келтірілген залалды өтеу туралы өтініштер 2025 жылғы 1 сәуірге дейін қабылданады.
24. Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалдың құнын өтеу үшін жеке және заңды тұлғалар осы Қағидаларға 4-қосымшаға сәйкес нысан бойынша өлген ауыл шаруашылығы жануарлары үшін және бүлінген инкубациялық жұмыртқалар үшін келтірілген залалды өтеуге арналған өтінімді береді.
25. Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы жеке тұлғалардың өтінімі облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы қолма қол не электрондық цифрлық қолтаңбамен куәландырылған электрондық құжат нысанында "электрондық үкіметтің" веб-порталындағы мобильді қосымша арқылы электронды түрде беріледі.
Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы заңды тұлғалардың өтінімі облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы қолма қол не электрондық цифрлық қолтаңбамен куәландырылған электрондық құжат нысанында "Электрондық өтініштер" ақпараттық талдау жүйесі арқылы электронды түрде беріледі.
Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімді жеке тұлға не заңды тұлғаның басшысы не Қазақстан Республикасының азаматтық заңнамасына сәйкес сенімхат негізінде әрекет ететін сенім білдірілген адам беруі мүмкін.
Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімнің көшірмесінде оны қабылдаған адамның тегі және аты-жөні, лауазымы, күні көрсетіле отырып, тіркелгені туралы белгі облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесінде қағаз тасығыштағы өтінімнің қабылданғанын растау болып табылады.
"Электрондық өтініштер" ақпараттық талдау жүйесінде заңды тұлғалардың өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімдеріне тіркеу нөмірін (индексін) беру автоматты түрде жасалады және әріптерден тұратын индекстен, сондай-ақ тіркеу жылы мен сегіз таңбадан тұратын тізбекті реттік нөмірден тұратын бірегей нөмірден тұрады.
Жеке тұлға "электрондық үкіметтің" веб-порталындағы мобильді қосымша арқылы жүгінген жағдайда жеке тұлғаның "жеке кабинетінде" сұранымның қабылдануы туралы мәртебе, сондай-ақ нәтиженің алынған күні мен уақыты көрсетілген хабарлама көрсетіледі.
Облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі өлген ауыл шаруашылығы жануарлары және инкубациялық жұмыртқалар шығыны үшін залалды өтеуге арналған өтінімді жұмыс органына жолдайды.
26. Жұмыс органы өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімді алған күннен бастап 2 (екі) жұмыс күні ішінде оны қарайды және толықтығын тексереді.
Ұсынылған мәліметтердің толық еместігі анықталған кезде жұмыс органы осы тармақтың бірінші бөлігінде көрсетілген мерзімде өтінімді одан әрі қараудан бас тартудың нақты себептерін көрсете отырып, жеке немесе заңды тұлғаға уәжді бас тартуды жібереді.
Өтінімді одан әрі қараудан уәжді бас тарту "электрондық үкіметтің" веб-порталындағы мобильді қосымша арқылы не "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы жіберіледі.
Құжаттарды одан әрі қараудан уәжді бас тартылған жағдайда, жеке немесе заңды тұлға осы Қағидалардың 23-тармағында көрсетілген мерзім ішінде құжаттарды қайта тапсырады.
27. Осы Қағидалардың 26-тармағында көрсетілген өтінімді қарау мерзімдері аяқталған соң жұмыс органы бір жұмыс күні ішінде өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеуге арналған өтінімді комиссияның қарауына береді.
28. Комиссия он бес жұмыс күні ішінде өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеу туралы өтінімде қамтылған деректердің (мәліметтердің) дұрыстығын тексереді.
Осы Қағидалардың 20-тармағында көрсетілген жағдайларда, комиссия ауыл шаруашылығы жануарларының иелері туралы мәліметтерді ауыл шаруашылығы жануарларын бірдейлендіру дерекқорындағы ауыл шаруашылығы жануарларының бірдейлендіру нөмірлері бойынша тексеруді жүзеге асырады.
Осы Қағидалардың 20-тармағының 3) тармақшасына сәйкес ауыл шаруашылығы жануарларының орналасқан жерінің жоқтығы анықталған кезде ауылдық округ әкімінің, учаскелік полиция инспекторының және ветеринариялық қызмет өкілінің қатысуымен кемінде 3 куәгерді – елді мекен тұрғындарын тарта отырып, ауыл шаруашылығы жануарларының өлімі туралы комиссиялық акті жасалады.
Өлген ауыл шаруашылығы жануары болған кезде оны өртегеннен кейін жануарлардың өлекселерін және өзге де биологиялық қалдықтарды жою актісі жасалады.
Құс басы бойынша келтірілген залалды және инкубациялық жұмыртқалар шығынын өтеуді комиссия шаруашылықтардың санатына қарамай жануарлардың өлекселерін және өзге де биологиялық қалдықтарды жою туралы тиісті актілердің қорытындылары бойынша жүзеге асырады.
29. Залалды өтеу мөлшері ауыл шаруашылығы жануарларының түрлері және жастық-жыныстық тобы кесіндісінде ауыл шаруашылығы жануарларының нарықтағы бағасы бойынша Қазақстан Республикасы Стратегиялық жоспарлау және реформалар агенттігінің Ұлттық статистика бюросы қалыптастырған ресми статистикалық ақпараттың деректері негізінде айқындалады.
30. Инкубациялық жұмыртқалар шығыны болған жағдайда осы Қағидалардың 21-тармағында көрсетілген құжаттардың негізінде инкубациялық жұмыртқалар шығынының толық құны өтеледі.
31. Жұмыстың қорытындылары бойынша комиссия осы Қағидаларға 5-қосымшаға сәйкес нысан бойынша табиғи сипаттағы төтенше жағдайдан зардап шеккен және мал шаруашылығы саласында зиян келтірілген жеке және заңды тұлғалардың тізбесін қалыптастырады және жұмыс органына жібереді.
Комиссия өтеу туралы шешім қабылдағаннан кейін 2 (екі) жұмыс күні ішінде табиғи сипаттағы төтенше жағдайдан зардап шеккен және мал шаруашылығы саласында зиян келтірілген жеке және заңды тұлғалардың тізбесі облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының ресми интернет-ресурсында орналастырылады.
Өлген ауыл шаруашылығы жануарлары үшін, сондай-ақ бүлінген инкубациялық жұмыртқалар үшін келтірілген залалды өтеуден бас тарту туралы шешім қабылданған жағдайда, комиссия бас тарту себептерін көрсете отырып, жеке немесе заңды тұлғаларға жазбаша хабарлама жібереді.
Бас тарту себептері көрсетілген жазбаша хабарлама "электрондық үкіметтің" веб-порталындағы мобильді қосымша арқылы не "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы жіберіледі.
32. Жұмыс органы осы Қағидаларға 5-қосымшаға сәйкес нысан бойынша табиғи сипаттағы төтенше жағдайдан зардап шеккен және мал шаруашылығы саласында зиян келтірілген жеке немесе заңды тұлғалардың жиынтық тізбесін (бұдан әрі – мал шаруашылығы саласындағы жиынтық тізбе) облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының бірінші басшысының қолын қойдырып, қалыптастырады.
33. Жұмыс органы бекітілген мал шаруашылығы саласындағы жиынтық тізбені (есептеулерді) қаражат бөлу туралы шешім қабылдау үшін облыстың, республикалық маңызы бар қаланың, астананың, жергілікті атқарушы органына жолдайды.
34. Қаражат бөлу туралы тиісті шешім қабылданғаннан кейін күнтізбелік отыз күн ішінде жеке және заңды тұлғаларға төлем жүзеге асырылады.
Қаражат аудару туралы хабарлама "электрондық үкіметтің" веб-порталындағы мобильді қосымша арқылы не "Электрондық өтініштер" ақпараттық талдау жүйесі арқылы не облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының кеңсесі арқылы жіберіледі.
35. Ауыл шаруашылығы саласындағы табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу мәселелері бойынша шағымдарды қарау Қазақстан Республикасы Әкімшілік рәсімдік-процестік кодексінің 91-бабына сәйкес жүргізіледі.
| Ауыл шаруашылығы саласында табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу қағидаларына 1-қосымша |
Нысан
| _____________________ атынан (облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының толық атауы) ____________________________ (жеке тұлғаның не заңды тұлға басшысының не өкілеттігін растайтын тиісті құжаттың негізінде уәкілетті адамның аты, әкесінің аты (бар болса), тегі)) |
Өсімдік шаруашылығындағы табиғи сипаттағы төтенше жағдайдың нәтижесінде жеке және заңды тұлғаларға келтірілген залалды өтеуге арналған өтінім
Маған табиғи сипаттағы төтенше жағдай салдарынан келтірілген шығынды өтеп беруіңізді сұраймын.
1. Өтініш беруші туралы мәліметтер:
заңды тұлға үшін:
атауы ________________________________________________________
бизнес-сәйкестендіру нөмірі (бұдан әрі – БСН) ______________________
басшының аты, әкесінің аты (бар болса), тегі ________________________
мекенжайы: ____________________________________________________
телефон нөмері, электрондық почтасы: _____________________________
жеке тұлға үшін:
аты, әкесінің аты (бар болса), тегі __________________________________
жеке сәйкестендіру нөмірі (бұдан әрі – ЖСН) _______________________
жеке басын куәландыратын құжат:
нөмірі _________________________________________________________
берген орган ____________________________________________________
берілген күні ____________________________________________________
мекенжайы: ____________________________________________________
телефон нөмірі, электрондық почтасы: ______________________________
Дара кәсіпкер ретінде қызметінің басталғаны туралы хабарлама – жеке тұлға үшін:
орналасқан жері _________________________________________________
хабарлама берілген күн ___________________________________________
2. Жер учаскесі туралы мәліметтер:
Р/с № | кадастрлық нөмірі | жалпы алаңы, гектар | оның ішінде, егістік жерлер | зардап шеккен ауыл шаруашылығы дақылының атауын көрсете отырып, ауыл шаруашылығы дақылдары жойылған, дақылдар өсірілетін алаң | жер учаскесінің меншік иесінің немесе жер пайдаланушының атауы | |
тәлімі | суармалы | |||||
1 | 2 | 3 | 4 | 5 | 6 | |
кестенің жалғасы
тұқым сақтау орнының нөмірі | ауыл шаруашылығы дақылының түрі | репродукция | бүлінген тұқымның көлемі, тонна |
7 | 8 | 9 | 10 |
3. Құжаттар туралы мәліметтер:
тұқымның сорттық және егістік сапасын растайтын құжат:
құжаттың атауы ________________________________________________
құжат нөмірі ___________________________________________________
берілген күні ___________________________________________________
кім берген _____________________________________________________
Тұқым сапасын сараптау жөніндегі аккредиттелген зертхана берген кондициялылығы
туралы куәлік (түйнекті талдау актісі, тұқымдық талдау нәтижесі):
құжат нөмірі ___________________________________________________
берілген күні ____________________________________________________
кім берген ______________________________________________________
Қазақстанда өндірілген тұқымдар бойынша егістерді сынақтан өткізу актілері:
құжат нөмірі ___________________________________________________
берілген күні ____________________________________________________
кім берген ______________________________________________________
4. Ауыл шаруашылығы тауарын өндірушінің екінші деңгейдегі банктегі ағымдағы
шоты туралы мәліметтер:
ЖСН/БСН ______________________________________________________
банктің деректемелері: ___________________________________________
банктің атауы: ___________________________________________________
банктік сәйкестендіру коды _______________________________________
жеке сәйкестендіру коды _________________________________________
БСН ___________________________________________________________
бенефициар коды _______________________________________________
Ұсынылған ақпараттың дұрыстығын растаймын, Қазақстан Республикасының
заңнамасына сәйкес дұрыс емес мәліметтерді ұсынғаным үшін жауапкершілік туралы
хабардармын және заңмен қорғалатын құпияны құрайтын мәліметтерді пайдалануға,
дербес деректерді жинауға, өңдеуге, сондай-ақ деректерді бюджетті атқару жөніндегі
уәкілетті органға беруге келісім беремін.
Басшы
____________________ __________________________________
(қолы) (аты, әкесінің аты (бар болса), тегі)
Күні: 20__ жылғы "____" __________
| Ауыл шаруашылығы саласында табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу қағидаларына 2-қосымша |
Нысан
Табиғи сипаттағы төтенше жағдай нәтижесінде зардап шеккен ауыл шаруашылығы дақылдарының егістерін және тұқым сақау орындарын зерттеп-қарау актісі
_____________________________________________________________
Облыстың (республикалық маңызы бар қаланың, астананың, ауданның,
облыстық маңызы бар қаланың) атауы
Заңды тұлғаның толық атауы, жеке тұлғаның (дара кәсіпкердің) аты, әкесінің аты
(бар болса), тегі:
_____________________________________________________________
Тәлімі/суармалы жер учаскесінің орналасқан жері:
____________________________
20__ жылғы №___________, ____________________________
негізінде құрылған мынадай құрамдағы комиссия:
1._________________________________
2._________________________________
табиғи сипаттағы төтенше жағдай салдарынан зардап шеккен ауыл шаруашылығы
дақылдарының егістерін және тұқым сақтау орындарын зерттеп-қарау негізінде
мыналарды анықтады:
_________________________________________________________________
Табиғи сипаттағы төтенше жағдай нәтижесінде мынадай ауыл шаруашылығы дақылдары жойылды:
Ауыл шаруашылығы дақылының атауы | Шаруашылықтағы ауыл шаруашылығы дақылының алаңы | Жойылған алаң | Кадастрлық нөмірі |
1 | 2 | 3 | 4 |
Табиғи сипаттағы төтенше жағдай нәтижесінде мынадай ауыл шаруашылығы дақылдарының тұқымдары бүлінді:
Тұқым сақтау орнының нөмірі | Ауыл шаруашылығы дақылының түрі | Репродукция | Көлемі, тонна |
1 | 2 | 3 | 4 |
Комиссия мүшелері.
___________________________________ _____________
(аты, әкесінің аты (бар болса), тегі) (қолы)
__________________________________ _____________
(ауыл шаруашылығы тауарын өндірушінің (қолы)
немесе оның өкілінің аты, әкесінің аты
(бар болса), тегі)
| Ауыл шаруашылығы саласында табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу қағидаларына 3-қосымша |
Нысан
Табиғи сипаттағы төтенше жағдайдан зардап шеккен және өсімдік шаруашылығы саласында залал келтірілген жеке және заңды тұлғалардың тізбесі
1-кесте. Ауыл шаруашылығы дақылдарының егістері
Р/с № | Жеке тұлғаның аты, әкесінің аты (бар болса), тегі немесе заңды тұлғаның атауы | Ауыл шаруашылығы дақылының атауы | Залал келтірілген алаң, гектар | 1 гектарға жұмсалған шығындар, теңге | Қаражат көлемі, теңге |
1 | 2 | 3 | 4 | 5 | 6 |
2-кесте. Ауыл шаруашылығы дақылдарының тұқымдары
Р/с № | Жеке тұлғаның аты, әкесінің аты (бар болса), тегі немесе заңды тұлғаның атауы | Ауыл шаруашылығы дақылының атауы | Бүлінген тұқымдардың көлемі, тонна | Бағасы,тоннасына теңге | Қаражат көлемі, теңге |
1 | 2 | 3 | 4 | 5 | 6 |
| Ауыл шаруашылығы саласында табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу қағидаларына 4-қосымша |
Нысан
Өлген ауыл шаруашылығы жануарлары үшін және бүлінген инкубациялық жұмыртқалар үшін келтірілген залалды өтеуге арналған өтінім
Маған табиғи сипаттағы төтенше жағдай нәтижесінде:
1) жануардың жеке нөмірін (бар болса) көрсете отырып, өлген ауыл шаруашылығы
жануарлары үшін:
________________________________________________________________
_____________________________________________________________________
_____________________________________________________________________
2) бүлінген инкубациялық жұмыртқалар үшін келтірілген залалды өтеуді сұраймын.
1. Өтініш беруші туралы мәліметтер:
заңды тұлға үшін:
атауы __________________________________________________________
бизнес-сәйкестендіру нөмірі (бұдан әрі – БСН)______________________
басшының аты, әкесінің аты (бар болса), тегі ________________________
мекенжайы: ____________________________________________________
телефон нөмірі, электрондық почтасы: ___________________________
жеке тұлға үшін:
аты, әкесінің аты (бар болса), тегі _______________________________
жеке сәйкестендіру нөмірі (бұдан әрі – ЖСН) _____________________
жеке басын куәландыратын құжат:
нөмірі _______________________________________________________
кім берді __________________________________________________
берілген күні __________________________________________________
мекенжайы: __________________________________________________
телефон нөмірі, электрондық почтасы: ____________________________
2. Ауыл шаруашылығы тауарын өндірушінің екінші деңгейдегі банктегі ағымдағы
шоты туралы мәліметтер:
ЖСН/БСН ____________________________________________________
банктің деректемелері: ________________________________________
банктің атауы: _______________________________________________
банктік сәйкестендіру коды _____________________________________
жеке сәйкестендіру коды _______________________________________
БСН _________________________________________________________
бенефициар коды ______________________________________________
Өтінішке мынадай құжаттарды қоса беремін:
______________________________________________________________
___________________________________________________________________
___________________________________________________________________
___________________________________________________________________
______________________________________________________________
Ұсынылған ақпараттың дұрыстығын растаймын, Қазақстан Республикасының
заңнамасына сәйкес дұрыс емес мәліметтерді ұсынғаным үшін жауапкершілік туралы
хабардармын және заңмен қорғалатын құпияны құрайтын мәліметтерді пайдалануға,
дербес деректерді жинауға, өңдеуге, сондай-ақ деректерді бюджетті атқару жөніндегі
уәкілетті органға беруге келісім беремін.
Өтініш беруші ______________________ ____________________________________
(қолы) (аты, әкесінің аты (бар болса), тегі)
Күні: 20__ жылғы "____" __________
| Ауыл шаруашылығындағы табиғи сипаттағы төтенше жағдай нәтижесінде жеке және заңды тұлғаларға келтірілген залалды өтеу қағидаларына 5-қосымша |
Нысан
Табиғи сипаттағы төтенше жағдайдан зардап шеккен және мал шаруашылығы саласында зиян келтірілген жеке және заңды тұлғалардың тізбесі
Р/с № | Жеке тұлғаның аты, әкесінің аты (бар болса), тегі немесе заңды тұлғаның атауы | Жануарлар мен құстардың жыныстық жас топтарының, инкубациялық жұмыртқалардың атауы | Жануарлар саны, бас | Келтірілген материалдық залалдың сомасы, теңге |
1 | 2 | 3 | 4 | 5 |
Комиссия мүшелері:
____________________________________ _____________
(аты, әкесінің аты (бар болса), тегі) (қолы)
