Преференциялардың жалпы жүйесiнiң аясында Қазақстан Республикасы аумағында уақытша қолданылатын тарифтiк преференцияларды беру кезiнде Дамушы елдерден тауарлардың шығуын анықтаудың ережелерi туралы Келiсiмдi жүзеге асыру мақсатында бұйрық етемiн:
1. Преференциялардың жалпы жүйесiнiң аясында тарифтiк преференцияларды беру кезiнде Дамушы елдерден тауарлардың шығуын анықтаудың ережелерi туралы тәртiп (қоса тiркелiп отыр) бекiтiлсiн.
2. Тарифтiк преференциалдық режим Қазақстан Республикасы Кеден комитетiне "А" нысанындағы тауарлардың шығу сертификаттарын куәландыруға өкiлеттi құзыреттi органдардың атауларын, мекен-жайларын, мөрлерiнiң басылымын бермеген дамушы елден шығатын тауарға қолданылмайтын болып белгiленсiн.
3. Кеден комитетiнiң Баспасөз қызметi (Ә.О.Мұратбаева) бұқаралық ақпарат құралдарында осы бұйрықтың ережелерiн жарияласын.
4. Осы бұйрықтың орындалуына бақылау жасау Қазақстан Республикасы Кеден комитетi Төрағасының бiрiншi орынбасары Ә.М. Мелдехановқа жүктелсiн.
Төраға
Қазақстан Республикасы
Кеден комитетiнiң
1996 жылғы 1 қыркүйектегi
N 175-П бұйрығына қосымша
Осы Ереже Қазақстан Республикасының Преференциялардың жалпы жүйесiнiң аясында тарифтiк преференцияларды беретiн дамушы елдерден импортталатын тауарларға қатысты кедендiк тарифтердi қолдану мәселелерiн реттеу мақсатында жасалып отыр.
1. Тауар төмендегiдей жағдайларда:
а) сол елде ол шығарылған болса;
б) басқа елден шыққан шикiзат материалдары, жартылай өнiмдер немесе даяр өнiмдер пайдаланып, сол елде өндiрiлсе немесе осындай тауарлар төменде көрсетiлгендей жеткiлiктi өңдеу мен ұқсатудан өткiзiлген жағдайда тауардың шығу тегi белгiсiз болса, тарифтiк преференциалдық режим қолданылатын дамушы елден шығатын тауар болып табылады.
2. Тарифтiк преференциалдық режим қолданылатын мынадай тауарлар:
а) сол елдiң аумағында немесе аумақтық суларында немесе оның континентальдық жағалауында және егер елдiң осы жер қойнауын игеруге басым құқықтары бар болса, теңiз қойнауында алынған қазбалы байлықтар;
б) сол елдiң аумағында өсiрiлген немесе жиналған өсiмдiк өнiмдерi;
в) сол елде туылған және өсiрiлген тiрi жануарлар;
г) сол елде өсiрiлген тiрi жануарлардан алынған өнiмдер;
д) сол елде өндiрiлген аң, балық аулау және теңiз кәсiпшiлiгiнiң өнiмдерi;
е) сол елдiң кемелерiнiң, сондай-ақ сол елдiң жалдаған кемелерiнiң әлем мұхиттарында ұстаған теңiз кәсiпшiлiгiнiң өнiмдерi;
ж) сол елдiң, сондай-ақ жүзбелi балық зауыттарының шанағында сол елдiң жалдаған жүзбелi балық зауыттарының шанағында "е" тармақшасында аталған өнiмдерден ғана әзiрленген өнiмдер;
з) сол елде жүзеге асырылатын өндiрiстiк және өзге де операциялардың нәтижесi болатын қосалқы шикiзат пен қалдықтар;
и) ашық ғарышта сол елдiң немесе жалдаған ғарыш кемелерiнде алынған жоғары технологиялардың өнiмдерi;
к) сол елде осы тармақтың "а" және "и" тармақшаларында аталған өнiмдерден ғана әзiрленген өнiмдер дамушы елде толық өндiрiлген болып есептеледi.
3. Тауар егер:
а) тауар дамушы елде жеткiлiктi өңдеу мен ұқсатуға ұшыраса және оның барысында пайдаланылған, тарифтiк преференциалдық режим қолданылмайтын басқа елдерден шыққан тауарлардың (шикiзат материалдарының, жартылай өнiмдер немесе даяр өнiмдердiң) немесе шығу тегi белгiсiз тауарлардың құны тарифтiк преференциалдық режим қолданылатын дамушы елден экспортталатын тауар құнынан 50% артпаса;
б) тауар тарифтiк преференциалдық режим қолданылатын бiрнеше дамушы елде жеткiлiктi өңдеу мен ұқсатуға ұшыраса және пайдаланылған, тарифтiк преференциалдық режим қолданылмайтын басқа елдерден шыққан тауарлардың немесе шығу тегi белгiсiз тауарлардың құны тарифтiк преференциалдық режим қолданылатын дамушы елдерден экспортталатын тауар құнынан 50% артпаса;
в) тауар тарифтiк преференциалдық режим қолданылатын дамушы елдердiң бiрiнде өндiрiлсе және тарифтiк преференциалдық режим қолданылатын бiр немесе бiрнеше елдерге жеткiлiктi өңдеу мен ұқсатуға ұшыраса, тарифтiк преференциалдық режим қолданылатын дамушы елде жеткiлiктi өңдеу мен ұқсатуға ұшыраған болып есептеледi.
Осы тармақтың "а" және "б" тармақшаларында көрсетiлген тарифтiк преференциалдық режим қолданылмайтын елден шыққан тауардың құны экспортталатын тауарды өндiрушi елде белгiленген осы тауардың кедендiк құны негiзiнде анықталады.
Осы тармақтың "а" және "б" тармақшаларында көрсетiлген шығу тегi белгiсiз тауардың құны тарифтiк преференциалдық режим экспортталатын тауарды өндiрушi-дамушы елдiң аумағында осы тауарға төленген бағаның мөлшерiнде белгiленедi.
тарифтiк преференциалдық режим қолданылатын елге преференцияларды беретiн елдердiң бiрiнен әкетiлген және преференцияларды беретiн осы елге экспортқа жататын тауарларды өндiру үшiн пайдаланылған тауарлар (шикiзат материалдары, жартылай өнiмдер мен даяр өнiмдер) жоғарыда аталған экспорттаушы-елде өндiрiлген болып қаралады.
Дамушы елдiң экспорттайтын тауарының құны тауар әзiрлеушi франко-зауыттың бағасының негiзiнде айқындалады.
4. Тарифтiк преференциалдық режим қолданылатын дамушы елдерден шығатын тауарларға қатысты тарифтiк преференциялар осы елдерде осындай тауарларды тiкелей сатып алатын және тарифтiк преференцияларды беретiн елге оларды тiкелей қою жағдайында ғана берiледi.
Тауар егер импортшы оны тарифтiк преференциалдық режим қолданылатын дамушы елде кәсiпкерлiк қызмет субъектiсi ретiнде белгiлеген тәртiппен тiркелген адамнан сатып алса, тiкелей сатып алынған болып қаралады.
Тiкелей жеткiзiлiм болып тарифтiк преференциалдық режим қолданылатын дамушы елден басқа мемлекеттiң аумағы арқылы тасымай-ақ преференцияларды берген елге тасылатын тауарлардың жеткiзiлiмi есептеледi.
Тiкелей жеткiзiлiм ережесiне сондай-ақ тауарлардың транзит елдерiнде, оның iшiнде тауарларды осы елдердiң аумағында уақытша сақтау кезiнде кедендiк бақылаумен болатын жағдайында географиялық, транспорттық, техникалық немесе экономикалық себептердiң салдарынан бiр немесе бiрнеше елдердiң аумағы арқылы тасылатын тауарлар да жатады.
Тiкелей жеткiзiлiм ережесiне сондай-ақ импортшының көрмелер мен жәрмеңкелерде сатып алған тауарлары:
а) тауарлар тарифтiк преференциалдық режим қолданылатын дамушы елдiң аумағынан көрмелер немесе жәрмеңкелер өткiзiлетiн елдiң аумағына жеткiзiлген және оларды жүргiзу кезiнде кедендiк бақылаумен қалған жағдайда;
б) оларды көрмелер немесе жәрмеңкелерге жөнелткен сәттен бастап тауарлар көрсетуден басқа мақсаттарда пайдаланылмаған болса;
в) тасымалдау мен сақтаудың қалыпты жағдайларында табиғи тозу немесе кему салдарынан күйiнiң өзгеруiн ескермей-ақ тарифтiк преференцияларды берген елге тауарлар көрмелер немесе жәрмеңкелерге жеткiзiлген күйiндегiдей әкелiнетiн кездегi шарттар орындалса жатады.
5. Тауардың тарифтiк преференциалдық режим қолданылатын дамушы елден шыққандығын куәлендiру үшiн тауарларды өткiзетiн адам Преференциялардың жалпы жүйесiнiң аясында қабылданған "А" нысанындағы тауардың шығуы туралы декларация-сертификатты (бұдан әрi - сертификат) ұсынады, (қоса тiркелiп отыр).
Сертификаттың қолданылу мерзiмi ол берiлген күннен бастап 12 ай.
Сертификат кеден органдарына орыс және ағылшын тiлдерiнде түзетусiз қағазға басылған күйiнде ұсынылады.
Сертификат тауарды кедендiк ресiмдеу кезiнде берiлетiн кеден декларациясы және басқа да құжаттармен бiрге ұсынылады.
Тауардың нақты жеткiзiлгендегi және сертификатта көрсетiлгендегi мөлшерi арасындағы айырмашылық 5%-тен аспауы тиiс.
Сертификат жоғалған жағдайда оның ресми куәлендiрiлген көшiрмесi қабылданады.
Тауарлардың шағын топтамаларының (кедендiк құны 5000 АҚШ долларына тең не одан аса) шығу тегiн куәлендiру үшiн сертификатты ұсыну талап етiлмейдi. Мұндай жағдайда экспорттаушы шот-фактура немесе басқа да тауарларды алып жүру құжаттарының негiзiнде тауардың шыққан елiн мәлiмдей алады.
Тауардың шығу тегi туралы мәлiмделiнген деректерге қатысты дәлелдi күмән туындайтын жағдайда кеден органы тауардың шығу тегi туралы сертификатты көрсетудi талап етуге құқылы.
6. Сертификаттың мiнсiздiгiне немесе онда мәлiмделiнген деректерге, сондай-ақ тауардың шығу тегi туралы деректерге қатысты дәлелдi күмән туындайтын жағдайда кеден органы Кеден комитетi арқылы дамушы елдердiң сертификатты куәлендiрiлген құзыреттi ұлттық органдарына қосымша немесе нақтылай түсетiн деректердi хабарлау жөнiнде өтiнiшпен қайырылуға құқылы.
Дамушы елдiң тауары тиiстi түрде ресiмделiнген тауардың шығу тегi және сұрау салынған деректер туралы сертификат ұсынылғанға дейiн тарифтiк преференциалдық режим қолданылатын осы елден шыққан болып есептелiнбейдi.
Осындай тауар үшiн тарифтiк преференциялар тарифтiк преференциалдық режим қолданылатын елдердiң құзыреттi ұлттық органдарының қанағаттандыратын жауабы алынғаннан кейiн ғана берiледi.
