Ескерту. Нормативтік құқықтық актінің атауындағы "ереже" деген сөз "нұсқаулық" деген сөзбен ауыстырылды - ҚР Ұлттық Банкі Басқармасының 1998.12.31. N 330 ~V980705 қаулысымен .
Банк қызметiнiң нормативтiк құқықтық базасын жетiлдiру мақсатында, сондай-ақ қолданылып жүрген заңдарға енгiзiлген өзгерiстер мен толықтыруларды ескере отырып, Қазақстан Республикасы Ұлттық Банкiнiң Басқармасы қаулы етедi:
1. "Банктегi уақытша әкiмшiлiктi (уақытша әкiмдi) тағайындау тәртiбi және өкiлеттiгi туралы" Ереже бекiтiлсiн және ол Қазақстан Республикасының Әдiлет министрлiгiнде мемлекеттiк тiркелген күннен бастап күшiне енгiзiлсiн.
2. Банктiк қадағалау департаментi (Н.Қ.Абдуллина):
а) Заң департаментiмен (А.Қ.Өртембаев) бiрге "Банктегi уақытша әкiмшiлiктi (уақытша әкiмдi) тағайындау тәртiбi және өкiлеттiгi туралы" Ереженi Қазақстан Республикасының Әдiлет министрлiгiнде тiркесiн.
б) осы қаулыны және жоғарыда аталған Ереженi Қазақстан Республикасы Ұлттық Банкiнiң облыстық (Алматы аумақтық Бас) басқармаларына (филиалдарына) және екiншi деңгейдегi банктерге жiберсiн.
3. Осы Қаулының орындалуын бақылау Қазақстан Республикасы Ұлттық Банкi Төрағасының орынбасары А.Ғ.Сәйденовке жүктелсiн.
Ұлттық Банк Төрағасы
Қазақстан Республикасы
Ұлттық Банкi Басқармасының
1997 жылғы 11 қыркүйектегi
N 325 қаулысымен
бекiтiлген
"Банктегi уақытша әкiмшiлiктi (уақытша әкiмдi)
тағайындау тәртiбi және өкiлеттiгi туралы"
Нұсқаулық
Осы Нұсқаулық қолданылып жүрген банк заңдарына сәйкес жасалды және ол уақытша әкiмшiлiктi (уақытша әкiмдi) тағайындау тәртiбi мен өкiлеттiгiн, сондай-ақ банк операцияларын жүргiзуге арналған лицензиясы жойылған банктiң қызметiн тоқтату туралы сот iс қозғағанға дейiнгi кезеңдегi жұмыс тәртiбiн айқындайды.<*>
Ескерту. Кіріспе өзгертілді - ҚР Ұлттық Банкі Басқармасының
1998.12.31. N 330
V980705_
қаулысымен
.
1-тарау. Жалпы ережелер<*>
Ескерту. "І", "ІІ" деген сандар тиісінше "1-тарау", "2-тарау"
деген сөздермен ауыстырылды - ҚР Ұлттық Банкі
Басқармасының 1998.12.31. N 330
V980705_
қаулысымен.
1. Қазақстан Республикасының Ұлттық Банкi (бұдан әрi - Ұлттық Банк) банк операцияларын жүргiзуге арналған лицензияларды (бұдан әрi - Лицензияларды) "Қазақстан Республикасындағы банктер және банк қызметi туралы" Қазақстан Республикасы Президентiнiң Заң күшi бар Жарлығында
Z952444_
көзделген негiздер бойынша және Ұлттық Банктiң нормативтiк құқықтық актiлерiнде белгiленген тәртiппен жояды.
2. Егер Басқарманың Қаулысында лицензияны жою туралы өзгеше белгiленбеген болса, банктiң уақытша әкiмшiлiгi (уақытша әкiмi) өз қызметiн лицензияны жою туралы шешiм қабылданған күннен бастап және Ұлттық Банктiң өтiнiшi бойынша сот iс қозғағанға дейiнгi кезеңде жүзеге асырады.
3. Лицензиясы жойылған банктiң банктiк немесе өзге қызметтi жүзеге асыруға құқы жоқ, банктi ұстап тұруға арналған ағымдағы шығыстар мен банкке түскен ақшаны есепке алуға байланысты жағдайларда болмаса, өзiндегi банк шоттары бойынша барлық операцияларды тоқтатуға мiндеттi.
2-тарау. Уақытша әкiмшiлiктi (уақытша әкiмдi) тағайындау туралы шешiм қабылдау тәртiбi.
Уақытша әкiмшiлiктiң (уақытша әкiмнiң) өкiлеттiгi
4. Банктегi уақытша әкiмшiлiктi (уақытша әкiмдi) тағайындау және құру тәртiбi туралы шешiмдi Ұлттық Банк Басқармасы Ұлттық Банктiң Банктiк қадағалау департаментiнiң (бұдан әрi - Банктiк қадағалау департаментi) ұсынысы бойынша оның банк операцияларын жүргiзуге арналған лицензияларының жойылуына байланысты қабылдайды.
5. Лицензияны жою және уақытша әкiмшiлiктi (уақытша әкiмдi) тағайындау туралы шешiм банктiң қызметiн тоқтату жөнiнде iс қозғау туралы өтiнiшпен бiрге 10 күн мерзiм iшiнде сотқа жiберiледi.
Лицензияны жою және уақытша әкiмшiлiктi (уақытша әкiмдi) тағайындау туралы шешiмнiң көшiрмесi банктiң басшылығына қолын қойғыза отырып табыс етiледi.
Шешiмдi қол қойғыза отырып табыс ету мүмкiн болмаған жағдайда уақытша әкiмшiлiктiң басшысы (уақытша әкiм) бұл жөнiндегi Ұлттық Банкке хабарлайды.
6. Банк басшылығы уақытша әкiмшiлiктiң басшысына (уақытша әкiмге) банк операцияларын жүргiзу лицензиясын, банктi тiркеу жөнiндегi құжаттарды, банк мөрлерiн, мөртабандары мен бланкiлерiн және басқа құжаттар мен құндылықтарды қабылдап алу-өткiзу актiсi бойынша беруге мiндеттi.
7. Уақытша әкiмшiлiктiң басшысы (уақытша әкiм) банк мүлкiнiң сақталуын мынадай iс-әрекеттердi кешiктiрмей орындау жолымен қамтамасыз етуге:
- банктiң корреспонденттiк шоттарын салыстыруға және оның кассаларына тексеру жүргiзуге;
- корреспондент-банктер мен Ұлттық Банктiң облыстық (аумақтық) басқармаларына (филиалдарына) корреспонденттiк шоттардың жүргiзiлетiн орны бойынша банк атынан құжаттарға қол қоюға құқылы лауазымды адамдардың қолдарының үлгiлерi бар жаңа карточкаларды беруге;
- негiзгi қаржылар мен материалдарды түгендеуге, сондай-ақ баланстық және баланстан тыс шоттардың барлық қалдықтарын салыстыруға;
- банктi басқаруды қамтамасыз ету бойынша басқа да қажеттi iс-шараларды орындауға мiндеттi;
- банктің, оның айырбастау пункттерінің кассасындағы ақша қалдығы банктің Ұлттық Банктегі корреспонденттік шотына аударылсын;<*>
- банк операцияларын жүргізуге берілген лицензияны жою және банк клиенттерінің уақытша әкімшілік (уақытша әкім) тағайындау туралы шешімінің көшірмесі орналастырылсын;<*>
- ай сайын банктің белгіленген есебін жасасын және оған қоса Ұлттық Банкке N 1, 2 қосымшаларымен бірге банк балансының ұсынымын, пруденциалдық нормативтердің және басқа да сақталуға міндетті нормалар мен лимиттердің орындалуы туралы, активтер мен шартты міндеттемелерді жіктеу туралы, ең аз резервтік талаптар туралы есебін және басқа мәліметтерді тиісті уәкілетті мемлекеттік органдарға жіберсін.<*>
Ескерту. 7-тармақ жаңа азатжолдармен толықтырылды - ҚР Ұлттық Банкі Басқармасының 1998.12.31. N 330
V980705_
қаулысымен
.
8. Банктiң уақытша әкiмшiлiгi (уақытша әкiмi) өз қызметi кезеңiнде осы Ереженiң 3-тармағында көзделген жағдайларда болмаса, шығыс операцияларын жүзеге асыруға және банк бұрын жасаған келiсiмдердiң шарттарын өзгертуге құқы жоқ.
9. Ұлттық Банктiң өтiнiшi бойынша сот iс қозғаған күннен бастап үш күннiң iшiнде уақытша әкiмшiлiк (уақытша әкiм) жүргiзiлген жұмыстар туралы есеп жасап, Ұлттық Банкке және банк қызметiн тоқтату туралы өтiнiштi қарайтын сотқа беруге мiндеттi.
10. Банктiң уақытша әкiмшiлiгi (уақытша әкiмi) өз өкiлеттiгiн банк қызметiн тоқтату туралы iс қозғалғаннан кейiн 10 күннен аспайтын мерзiм iшiнде тоқтатады және банктiң құжаттары мен мүлкiн банктiң арнайы басқарушысына бередi.
11. Банктiң уақытша әкiмшiлiгiнен (уақытша әкiмiнен) оның сот
тағайындаған арнайы басқарушысының банктiң құжаттары мен мүлкiн
қабылдап алуы-өткiзуi 4 дана етiп жасалған актiмен ресiмделедi және оны сот бекiтедi. Актiнiң сот бекiткен бiр данасы Ұлттық Банкке жiберiледi.
3-тарау. Қорытынды ережелер
Осы Нұсқаулықпен реттелмеген мәселелер Қазақстан Республикасының заңдарына сәйкес шешілуі тиіс.
Ескерту. Нұсқаулық 3-тараумен толықтырылды - ҚР Ұлттық Банкі
Басқармасының 1998.12.31. N 330
V980705_
қаулысымен
.
Төраға
