Сұңқар ауылдық округінің Сұңқар ауылы аумағында шектеу іс-шараларын тоқтату туралы

Қарағанды облысы Осакаров ауданының әкімдігінің 2015 жылғы 15 қыркүйектегі № 47/01 қаулысы

Қазақсатан Республикасының 2002 жылдың 10 шілдесіндегі "Ветеринария туралы" Заңының 10 бабы 2 тармағының 10 тармақшасының негізінде және Осакаров ауданы мемлекеттік ветеринариялық – санитариялық бас инспекторы Мұратбек Жақыпбайұлы Бейсенбековтың 2015 жылдың 8 қыркүйегіндегі № 02-29/789 ұсынысы негізінде, Сұңқар ауылдық аумағында құтырма ошағын жою бойынша ветеринариялық – санитариялық іс-шаралар комплексінің өтуіне байланысты, аудан әкімдігі ҚАУЛЫ ЕТЕДІ:
1. Сұңқар ауылдық округінің Сұңқар ауылы аумағында белгіленген шектеу іс – шаралары тоқтатылсын.
2. Осакаров аудан әкімдігінің 2015 жылғы 9 шілдесіндегі № 36/01 "Сұңқар ауылдық округінің Сұңқар ауылы аумағында шектеу іс-шараларын белгілеу туралы" қаулысының (нормативтік құқықтық актілерді мемлекеттік тіркеу Тізілімінде 2015 жылдың 20 шілдесінде № 3339, болып тіркелген 2015 жылғы 1 тамызында № 31 (7463) "Сельский труженик" аудандық газетінде жарияланған) күші жойылды деп танылсын.
3. Осы қаулының орындалуын бақылау аудан әкімінің жетекшілік ететін орынбасарына жүктелсін.

Аудан әкімінің міндетін атқарушы

Н. Ламбеков

"КЕЛІСІЛДІ"

"Қазақстан Республикасы ауыл шаруашылығы Министрлігі ветеринариялық бақылау және қадағалау Комитетінің Осакаров аудандық аумақтық инспекциясы" мемлекеттік мекемесінің басшысы

__________________М. Бейсенбеков

2015 жылдың 15 қыркүйектегі