"Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесінің ережесін бекіту туралы

Ескерту. Күші жойылды – ҚР Мәдениет және ақпарат министрінің 27.09.2023 № 384-НҚ бұйрығымен.

БҰЙЫРАМЫН:

1. Қоса беріліп отырған "Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесінің ережесі бекітілсін.

2. Қазақстан Республикасы Ақпарат және қоғамдық даму министрлігінің Дін істері комитеті:

1) осы бұйрықтың көшірмесін бес жұмыс күні ішінде Қазақстан Республикасы Әділет министрлігіне жолдауды;

2) осы бұйрық бекітілген күннен бастап күнтізбелік он күн ішінде қазақ және орыс тілдерінде оның электронды түрдегі көшірмесін Қазақстан Республикасы нормативтік құқықтық актілерінің эталондық бақылау банкіне ресми енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

3) осы бұйрықты Қазақстан Республикасы Ақпарат және қоғамдық даму министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Ақпарат және қоғамдық даму вице-министріне жүктелсін.

4. Осы бұйрық қол қойылған күнінен бастап күшіне енеді.

Министр

Д. Абаев

Қазақстан Республикасы
Ақпарат және қоғамдық даму
министрінің
2019 жылғы 28 наурыздағы
№ 33 бұйрығымен
бекітілген

"Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесінің ережесі

Ескерту. Ереже жаңа редакцияда – ҚР Ақпарат және қоғамдық даму министрінің м.а. 02.09.2021 № 310 бұйрығымен.

1-тарау. Жалпы ережелер

1. Қазақстан Республикасы Ақпарат және қоғамдық даму министрлігінің Дін істері комитеті (бұдан әрі – Комитет) діни қызмет саласын реттеуді жүзеге асыратын Қазақстан Республикасы Ақпарат және қоғамдық даму министрлігінің ведомствосы болып табылады.

2. Комитет өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

3. Комитет республикалық мемлекеттік мекеменің ұйымдастырушылық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.

4. Комитет өз атынан азаматтық-құқықтық қатынастарға түседі.

5. Егер Комитетке Қазақстан Республикасы заңнамасына сәйкес уәкілеттілік берілсе, оның мемлекеттің атынан азаматтық-құқықтық қатынастардың тарапы болуға құқығы бар.

6. Комитет өз құзыретінің мәселелері бойынша заңнамада белгіленген тәртіппен Комитет төрағасының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.

Ескерту. 6-тармақ жаңа редакцияда – ҚР Ақпарат және қоғамдық даму министрінің 03.08.2023 № 324-НҚ бұйрығымен.

7. Комитеттің құрылымы мен штат санының лимиті Қазақстан Республикасының қолданыстағы заңнамасына сәйкес бекітіледі.

8. Комитеттің орналасқан жері: 010000, Астана қаласы, Есіл ауданы, Мәңгілік Ел даңғылы, 8 үй, "Министрліктер үйі" ғимараты, № 15 кіреберіс.

Ескерту. 8-тармақ жаңа редакцияда – ҚР Ақпарат және қоғамдық даму министрінің 03.08.2023 № 324-НҚ бұйрығымен.

9. Комитеттің толық атауы – "Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесі.

10. Осы Ереже Комитеттің құрылтай құжаты болып табылады.

11. Комитеттің қызметін қаржыландыру республикалық бюджет есебінен жүзеге асырылады.

12. Комитетке кәсіпкерлік субъектілерімен Комитеттің функциялары болып табылатын міндеттерді орындау тұрғысында шарттық қатынастарға түсуге тыйым салынады.

Егер Комитетке заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер мемлекеттік бюджеттің кірісіне жіберіледі.

13. Комитет мына басқармаларадан құрылған:

1) Исламдық діни бірлестіктермен байланыстар басқармасы;

2) Христиандық және басқа діни бірлестіктермен байланыстар басқармасы;

3) Оңалту жұмыстарын үйлестіру басқармасы;

4) Дінтану сараптамасы басқармасы;

5) Діни білім беру ұйымдарымен өзара іс-қимыл басқармасы;

6) Діни қызмет саласындағы құқық қолдану практикасы басқармасы;

7) Өңірлік жұмыс және ішкі үйлестіру басқармасы;

8) Ақпараттық-түсіндіру жұмыстарын үйлестіру басқармасы;

9) Интернет кеңістікте діни экстремизмнің алдын алуды үйлестіру басқармасы.

Ескерту. 13-тармаққа өзгеріс енгізілді – ҚР Ақпарат және қоғамдық даму министрінің 03.08.2023 № 324-НҚ бұйрығымен.

2-тарау. Комитеттің негізгі міндеттері, функциялары, құқықтары мен міндеттемелері

14. Міндеттері:

1) діни қызмет саласындағы мемлекеттік саясатты қалыптастыруға және іске асыруға қатысу;

2) Комитетке жүктелген өзге де міндеттер.

15. Функциялары:

Исламдық діни бірлестіктермен байланыстар басқармасы:

стратегиялық:

басқарманың құзыретіне жататын мәселелер бойынша стратегиялық және бағдарламалық құжаттарды әзірлеуге қатысу;

діни қызмет, діни бірлестіктермен өзара іс-қимыл саласындағы мемлекеттік саясаттың негізгі бағыттарын іске асыруға қатысу;

шет мемлекеттердің діни қызмет саласындағы уәкілетті органдарымен ынтымақтастықты ұйымдастыру және жүзеге асыру;

басқарманың құзыретіне жататын мәселелер бойынша Қазақстан Республикасының атынан жасалған Қазақстан Республикасының халықаралық шарттары бойынша міндеттемелердің орындалуын қамтамасыз ету;

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне кіретін мәселелер бойынша нормативтік құқықтық актілерді әзірлеу, келісу және бекіту;

басқарманың құзыретіне жататын нормативтік құқықтық және құқықтық актілерді, сондай-ақ келісімдерді, меморандумдар мен шарттарды әзірлеу;

діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың, сондай-ақ ғибадат үйлерінен (ғимараттарынан) тыс жерлерде діни іс-шаралар өткізуге арналған үй-жайлардың орналастырылуын айқындау жөніндегі нұсқаулықты әзірлеу;

туристік қызмет саласындағы уәкілетті органмен келісу бойынша діни қажеттіліктерді қанағаттандыруға бағытталған туроператорлық қызметті жүзеге асыру қағидаларын әзірлеу;

мемлекеттік статистика саласындағы уәкілетті органмен келісу бойынша әкімшілік деректерді жинауға арналған нысандарды әзірлеу;

іске асыру:

басқарманың құзыретіне жататын мәселелер бойынша мемлекеттік стратегиялық бағдарламалар мен құжаттарды түсіндіру және ілгерілету жөніндегі ақпараттық іс-шараларды ұйымдастыру және жүзеге асыру;

республикада конфессияаралық келісімді нығайтуға бағытталған халықаралық, республикалық және басқа іс-шараларды, акциялар мен конкурстарды ұйымдастыру;

басқарманың құзыреті шегінде Мемлекеттік жоспарлау жүйесі құжаттарының іс-шараларын сапалы және уақтылы орындау, нысаналы индикаторларға, көрсеткіштерге қол жеткізу бойынша жұмысты қамтамасыз ету;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

басқарманың құзыретіне жататын мәселелер бойынша ақпараттық-түсіндіру жұмыстарын жүзеге асыруды қамтамасыз ету;

мемлекеттік құпияларды қамтитын нормативтік құқықтық актілерді қоспағанда, сараптама қорытындылар алу үшін консультативтік құжатты немесе кәсіпкерлік субъектілерінің мүдделерін қозғайтын нормативтік құқықтық актінің тиісті жобасын ашық нормативтік құқықтық актілердің интернет-порталында орналастырылғаны туралы хабарламаны Қазақстан Республикасының Ұлттық кәсіпкерлер палатасына және сараптама кеңестерге жіберу;

қоғамдық кеңестің ұсынымдарын қарау;

басқарманың құзыреті бойынша мамандардың қажеттілігі туралы Кадр және әкімшілік жұмыс департаментіне ұсыныстар әзірлеу;

Қазақстан Республикасының діни қызмет және діни бірлестіктер туралы заңнамасын бұзушылықтарға қатысты жеке және заңды тұлғалардың өтініштерін қарау;

жастар ұйымдарымен конфессияаралық келісім мен толеранттылықты нығайту бойынша өзара іс-қимылды және ынтымақтастықты жүзеге асыру;

жастар арасында конфессияаралық келісімді және толеранттылықты нығайту мәселелері бойынша мемлекеттік әлеуметтік тапсырысты қалыптастыру мен іске асыруды жүзеге асыру;

ведомстволық бағынысты ұйымдарға қатысты мемлекеттік басқарудың тиісті саласында (аясына) басшылықты жүзеге асыру;

Комитет өз құзыреті шегінде мемлекеттік қызмет көрсету кезінде тұтынушылардың құқықтарын қорғауды қамтамасыз ету;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

республика аумағындағы шетелдік діни бірлестіктердің қызметін, шетелдік діни орталықтардың Қазақстан Республикасындағы діни бірлестіктер басшыларын тағайындауын келісу;

Қазақстан Республикасының аумағында құрылған діни бірлестіктердің, миссионерлердің, рухани (діни) білім беру ұйымдарының қызметіне зерделеу және талдау жүргізу;

діни қызмет, қоғамдық келісім, қоғамдық институттарды дамыту және қазақстандық қоғамның рухани-адамгершілік әлеуеті мәселелері бойынша зерттеулер жүргізуді қамтамасыз ету;

басқарманың құзыретіне жататын мәселелер бойынша саяси партиялармен, коммерциялық емес ұйымдармен және өзге де ұйымдармен өзара іс-қимыл жасасу;

басқарманың құзыреті бойынша жергілікті атқарушы органдарды үйлестіруді және оларға әдістемелік басшылық жасауды жүзеге асыру.

басқарманың құзыреті шегінде көрсетілген қызметтердің актілерін қарау және келісу;

Қазақстан Республикасының заңдарында, Қазақстан Республикасының Президенті мен Үкіметінің актілерінде көзделген өзге де функцияларды жүзеге асыру.

Христиандық және басқа діни бірлестіктермен байланыстар басқармасы:

стратегиялық:

басқарманың құзыретіне жататын мәселелер бойынша Қазақстан Республикасының атынан жасалатын Қазақстан Республикасының халықаралық шарттары бойынша міндеттемелердің орындалуын қамтамасыз ету;

реттеуші:

адам мен азаматтың құқықтары мен бостандықтарын қозғайтын нормативтік құқықтық актілерді қоспағанда, заңнамада оларды бекіту бойынша тікелей құзыреті болған кезде басқарманың құзыретіне кіретін мәселелер бойынша нормативтік құқықтық актілерді әзірлеу және келісу;

іске асыру:

Әлемдік және дәстүрлі діндер лидерлері мен оның институттарының съезін ұйымдастыру мен өткізуді қамтамасыз ету;

миссионерлік қызметті келісу;

"Әртүрліліктегі бірлік" әмбебап қағидаты негізінде конфессияаралық келісімді нығайту саясатын жалғастыруға қатысу;

қоғамдық кеңестің ұсынымдарын қарау;

ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік көрсетілетін қызметтер тізіліміне жаңа мемлекеттік көрсетілетін қызмет енгізілгеннен кейін оны электрондық форматта көрсетуге ауыстыру бойынша шаралар қабылдау;

ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік қызметтер көрсету процесін автоматтандыруды және оңтайландыруды қамтамасыз ету;

Комитеттің өз құзыреті шегінде мемлекеттік қызмет көрсету кезінде тұтынушылардың құқықтарын қорғауын қамтамасыз ету;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарма құзыреті бойынша нормативтік құқықтық актілерге құқықтық мониторинг жүргізу;

Қазақстан Республикасының аумағында құрылған діни бірлестіктердің, миссионерлердің қызметіне зерделеу және талдау жүргізу;

басқарманың құзыретіне жататын мәселелер бойынша коммерциялық емес ұйымдармен және өзге де ұйымдармен өзара іс-қимыл жасау;

басқарма құзыреті бойынша жергілікті атқарушы органдарды үйлестіруді және оларға әдістемелік басшылық жасауды жүзеге асыру.

басқарманың құзыреті шегінде көрсетілген қызметтердің актілерін қарау және келісу;

Оңалту жұмыстарын үйлестіру басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітугетікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

іске асыру:

Қазақстан Республикасының діни қызмет және діни бірлестіктер туралы заңнамасын бұзатын жеке және заңды тұлғалардың қызметіне тыйым салу жөнінде ұсыныстар енгізу;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

қоғамдық кеңестің ұсынымдарын қарау;

оператор арқылы гранттарды ұсыну бойынша, Мемлекеттік әлеуметтік тапсырыстың тақырыбын интернет-ресурста орналастыру және нәтижелерін бағалау бойынша Мемлекеттік әлеуметтік тапсырыстың іске асырылуына және нәтижелерін бағалауға мониторингті жүзеге асыру;

өз құзыреті шегінде діни экстремизм мен радикализмнің алдын алуға бағытталған алдын алу шараларын іске асыру;

деструктивтік діни ағымдардан зардап шеккендерге көмек көрсету орталықтарымен және басқа да үкіметтік емес ұйымдармен Комитеттің құзыретіне кіретін мәселелер бойынша өзара іс-қимыл жасасу;

облыстардың, республикалық маңызы бар қалалардың және астананың жергілікті атқарушы органдарымен діни экстремизмнің алдын алу және оңалту жұмысы мәселелері бойынша бірлескен іс-шаралар өткізу, оларға әдістемелік және консультациялық көмек көрсету;

Комитеттің құзыретіне жататын мәселелер бойынша мемлекеттік стратегиялық бағдарламалар мен құжаттарды түсіндіру және ілгерілету жөніндегі ақпараттық іс-шараларды ұйымдастыру және жүзеге асыру;

Министрліктің интернет-ресурсында жоспарланған және іске асырылатын мемлекеттік әлеуметтік тапсырыс тақырыптарын және мемлекеттік әлеуметтік тапсырыстың нәтижелерін бағалауды орналастыру;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

Комитеттің құзыретіне жататын мәселелер бойынша саяси партиялармен, коммерциялық емес ұйымдармен және өзге де ұйымдармен өзара іс-қимыл жасасу;

басқарманың құзыреті бойынша жергілікті атқарушы органдарды үйлестіруді және оларға әдістемелік басшылықты жүзеге асыру;

басқарманың құзыреті шегінде көрсетілген қызметтердің актілерін қарау және келісу;

Қазақстан Республикасының заңдарында, Қазақстан Республикасының Президенті мен Үкіметінің актілерінде көзделген өзге де функцияларды жүзеге асыру;

Дінтану сараптамасы басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекіуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

Комитеттің құзыретіне жататын нормативтік құқықтық және құқықтық актілерді, сондай-ақ келісімдерді, меморандумдар мен шарттарды әзірлеу;

Комитет реттейтін салада мемлекеттік қызметтер көрсету тәртібін айқындайтын заңға тәуелді нормативтік құқықтық актілерді әзірлеу;

дінтану сараптамасын жүргізу қағидаларын әзірлеу;

Дінтану сараптамасын жүргізу үшін сарапшыларды тағайындау жөніндегі комиссия туралы ережені және комиссияның құрамын әзірлеу;

іске асыру:

қоғамдық кеңестің ұсынымдарын қарау;

дінтану сараптамасын жүргізуді қамтамасыз ету;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

басқарманың құзыреті бойынша жергілікті атқарушы органдарды үйлестіруді және оларға әдістемелік басшылық жасауды жүзеге асыру;

басқарманың құзыреті шегінде көрсетілген қызметтердің актілерін қарау және келісу;

Діни білім беру ұйымдарымен өзара іс-қимыл басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

іске асыру:

мектепке дейінгі, орта, техникалық және кәсіптік, орта білімнен кейінгі білім беру, қосымша білім беру және балалардың құқықтарын қорғау салаларында басшылықты жүзеге асыратын уәкілетті органмен өзара іс-қимылды жүзеге асыру және мектепке дейінгі, орта, техникалық және кәсіптік, орта білімнен кейінгі білім беру саласында жалпы білім беру мекемелерінде дінтану білім беру мәселелері бойынша сапаны қамтамасыз ету;

Қазақстан Республикасының аумағында құрылған діни білім беру ұйымдарының қызметіне зерделеу және талдау жүргізу;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

қоғамдық кеңестің ұсынымдарын қарау;

оператор арқылы гранттарды ұсыну бойынша, мемлекеттік әлеуметтік тапсырыстың тақырыбын интернет-ресурста орналастыру және нәтижелерін бағалау бойынша мемлекеттік әлеуметтік тапсырыстың іске асырылуына және нәтижелерін бағалауға мониторингті жүзеге асыру;

Комитеттің құзыреті шегінде жастар арасында конфессияаралық келісім мен толеранттылықты нығайту мәселелері бойынша Мемлекеттік әлеуметтік тапсырысты қалыптастыруды және іске асыруды жүзеге асыру;

Министрліктің интернет-ресурсында жоспарланған және іске асырылатын мемлекеттік әлеуметтік тапсырыстың тақырыптарын және мемлекеттік әлеуметтік тапсырыстың нәтижелерін бағалауды орналастыру;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

діни білім беру ұйымдарының қызметіне, оның ішінде білім саласындағы заңнаманы және діни қызмет және діни бірлестіктер туралы заңнаманы сақтау мәніне мониторинг жүргізуді қамтамасыз ету;

жоғары және жоғары оқу орнынан кейінгі білім беру, ғылым, тіл саясаты, ғылым, жоғары және жоғары оқу орнынан кейінгі білім беру, ғылымды цифрландыру, жоғары және жоғары оқу орнынан кейінгі білім беру саласында басшылықты жүзеге асыратын уәкілетті органмен "дінтану", "исламтану", "теология" және өзге де мамандықтар бойынша кадрлар даярлау мәселелері бойынша өзара іс-қимылды жүзеге асыру, сондай-ақ христиандық және басқа да конфессиялар бойынша діни білім беру ұйымдарында оқу әдебиеттерімен қамтамасыз ету;

шетелдік теологиялық жоғары оқу орындарында оқитын қазақстандық студенттерге мониторинг жүргізуде мемлекеттік органдармен және өзге де ұйымдармен өзара іс-қимылды жүзеге асыру;

"Нұр Мүбарак" Египет ислам мәдениеті университетімен өзара іс-қимылды жүзеге асыру;

басқарманың құзыреті шегінде көрсетілген қызметтердің актілерін қарау және келісу;

Діни қызмет саласындағы құқық қолдану практикасы басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

іске асыру:

жеке қолданылатын құқықтық актілердің (орындалуы құқықтық актілерде көзделген іс-шаралардың) және Қазақстан Республикасы Президентінің, Қазақстан Республикасының Үкіметі мен мемлекеттік органның басшы лауазымды адамдарының қызметтік сипаттағы өзге де құжаттардан туындайтын тапсырмаларының орындалуына ішкі бақылау жүргізу;

қажет болған кезде Қазақстан Республикасы Әділет министрлігінің сұрау салуы бойынша хабардар ету тәсілінің және реттеуші саясаттың консультативтік құжатын жария талқылауды жүргізу тәсілінің (тәсілдерінің) толықтығы бойынша қорытынды беру;

Комитеттің құзыретіне жататын мәселелер бойынша халықаралық ынтымақтастықты жүзеге асыру, сондай-ақ келісімдерді, меморандумдар мен шарттарды, оның ішінде Комитет реттейтін халықаралық келісімдерді, меморандумдар мен шарттарды әзірлеу және жасасу;

республикада конфессияаралық келісімді нығайтуға бағытталған халықаралық, республикалық және басқа іс-шараларды, акциялар мен жарыстарды ұйымдастыру;

басқарманың құзыреті шегінде мемлекеттік жоспарлау жүйесі құжаттарының іс-шараларын сапалы және уақтылы орындау, нысаналы индикаторларға, көрсеткіштерге қол жеткізу бойынша жұмысты қамтамасыз ету;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

соттарға Қазақстан Республикасының заңнамасына сәйкес талап қоюды беру;

Басқарманың құзыретіне жататын мәселелер бойынша ақпараттық-түсіндіру жұмыстарын жүзеге асыруды қамтамасыз ету;

ашық нормативтік құқықтық актілердің интернет-порталында ақпарат орналастыру;

қоғамдық кеңестің ұсынымдарын қарау;

Қазақстан Республикасының заңнамасына сәйкес жеке және заңды тұлғалардың өтініштерін қарау;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

заңнамада белгіленген жағдайларда әкімшілік құқық бұзушылықтар туралы хаттамаларды жасау;

Комитеттің құзыретіне жататын мәселелер бойынша саяси партиялармен, коммерциялық емес ұйымдармен және өзге де ұйымдармен өзара іс-қимыл жасау;

басқарманың құзыреті шегінде көрсетілген қызметтердің актілерін қарау және келісу;

Өңірлік жұмыс және ішкі үйлестіру басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

діни қызмет мәселелері бойынша облыстардың, республикалық маңызы бар қалалардың және астананың жергілікті атқарушы органдарының қызметін үйлестіру;

іске асыру:

діни қызмет саласында жергілікті атқарушы органдарға әдістемелік басшылықты жүзеге асыру;

үкіметтік емес ұйымдармен өзара іс-қимыл саласындағы уәкілетті орган айқындайтын тәртіппен жастар арасында конфессияаралық келісім мен діни толеранттылықты нығайту мәселелері бойынша мемлекеттік әлеуметтік тапсырысты қалыптастыруды, оның іске асырылу мониторингін және нәтижелерін бағалауды жүзеге асыру;

республикада конфессияаралық келісімді нығайтуға бағытталған халықаралық, республикалық және өзге де іс-шараларды, акциялар мен конкурстарды өткізуді ұйымдастыру;

басқарманың құзыреті шеңберінде Мемлекеттік жоспарлау жүйесі құжаттарының іс-шараларын сапалы және уақтылы орындау, нысаналы индикаторларға, көрсеткіштерге қол жеткізу бойынша жұмысты қамтамасыз ету;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

басқарманың құзыреті шеңберінде стратегиялық және операциялық жоспарды пысықтауды және келісуді қамтамасыз ету;

қоғамдық кеңестің ұсынымдарын қарау;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік қызметтерді көрсету процестерін автоматтандыруды және оңтайландыруды қамтамасыз ету;

республикадағы діни ахуалды зерделеу және талдау жүргізу;

Комитеттің құзыретіне жататын мәселелер бойынша Қазақстан Республикасының Президенті, Қазақстан Республикасының Үкіметі жанындағы консультациялық-кеңесші органның қызметін қамтамасыз ету;

басқарманың құзыреті бойынша жергілікті атқарушы органдарды үйлестіруді және оларға әдістемелік басшылықты жүзеге асыру.

басқарманың құзыреті шегінде көрсетілген қызметтердің актілерін қарау және келісу;

Ақпараттық-түсіндіру жұмыстарын үйлестіру басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

іске асыру:

діни экстремизмді профилактикалау саласында озық халықаралық тәжірибені ендіру жөнінде ұсыныстарды зерделеу және енгізу;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

қоғамдық кеңестің ұсынымдарын қарау;

Комитеттің құзыреті шегінде жастар арасында конфессияаралық келісім мен толеранттылықты нығайту мәселелері бойынша мемлекеттік әлеуметтік тапсырысты қалыптастыруды және іске асыруды жүзеге асыру;

Министрліктің интернет-ресурсында мемлекеттік әлеуметтік тапсырыстың жоспарланатын және іске асырылатын тақырыптарын және мемлекеттік әлеуметтік тапсырыстың нәтижелерін бағалауды орналастыру;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

дін мәселелері бойынша республикалық және жергілікті ақпараттық-насихаттау топтары мүшелерінің біліктілігін арттыру жөніндегі жұмысты ұйымдастыру және үйлестіру;

басқарманың құзыреті шегінде көрсетілген қызметтердің актілерін қарау және келісу;

Интернет кеңістікте діни экстремизмнің алдын алуды үйлестіру басқармасы:

стратегиялық:

реттеуші:

адам мен азаматтың құқығы мен бостандығын қозғайтын нормативтік құқықтық актілерді қоспағанда, Министрдің бұйрықтарында оларды бекітуге тікелей құзыреті болған кезде, ведомство құзыретіне жататын мәселелер бойынша нормативтік құқықтық актілерді әзірлеу, келісу және бекіту;

іске асыру:

Комитеттің құзыреті шегінде Мемлекеттік органдардың интернет-ресурстарының бірыңғай платформасында ақпаратты орналастырады және өзектендіреді;

республикалық бюджеттік бағдарламаларды іске асыруға қатысу;

республикалық бюджеттік бағдарламаларды іске асыру;

қоғамдық кеңестің ұсынымдарын қарау;

діни экстремизмнің алдын алуға бағытталған материалдарды дайындау, Интернет желісінде жариялау және ілгерілету бойынша жұмыстарды ұйымдастыру және өткізу;

интернет кеңістікте діни экстремизмнің алдын алу саласындағы озық халықаралық тәжірибені енгізу;

Комитеттің кадрлық саясатында гендерлік теңдік қағидаттарының сақталуын қамтамасыз ету;

басқарманың құзыреті бойынша нормативтік құқықтық актілерге құқықтық мониторинг жүргізу;

басқарманың құзыреті шегінде көрсетілген қызметтердің актілерін қарау және келісу;

Ескерту. 15-тармаққа өзгеріс енгізілді – ҚР Ақпарат және қоғамдық даму министрінің 03.08.2023 № 324-НҚ бұйрығымен.

16. Құқықтары мен міндеттемелері:

1) Қазақстан Республикасының заңнамасында көзделген тәртіппен өз құзыреті шегінде құқықтық актілерді қабылдау;

2) Комитеттің құзыреті шегінде іс-шараларды ұйымдастыру және өткізу;

3) Комитет жанынан консультативтік-кеңесші органдарды құру;

4) мемлекеттік органдардан, ұйымдардан, олардың лауазымды адамдарынан Қазақстан Республикасы заңнамасында белгіленген тәртіппен қажетті ақпаратты және материалды сұрату және алу;

5) Комитетке берілген мүлікті басқаруды жүзеге асыру;

6) Қазақстан Республикасының заңнамасын сақтау;

7) Комитет Қазақстан Республикасының қолданыстағы заңнамасында көзделген өзге де құқықтар мен міндеттерді жүзеге асырады.

3-тарау. Комитеттің қызметін ұйымдастыру

17. Комитетке басшылықты және Комитетке жүктелген міндеттердің орындалуына және оның өз функцияларын жүзеге асыруға дербес жауапты болатын төраға жүзеге асырады.

18. Комитет төрағасы Қазақстан Республикасының заңнамасына сәйкес лауазымға тағайындалады және лауазымнан босатылады.

19. Комитет төрағасының Қазақстан Республикасының заңнамасына сәйкес лауазымға тағайындалатын және лауазымға босатылатын орынбасарлары болады.

20. Комитет төрағасының өкілеттігі:

1) Министрдің, Министрліктің аппарат басшысының тапсырмаларын міндетті түрде орындайды;

2) өзінің орынбасарларының, Комитеттің құрылымдық бөлімшелері басшыларының және жұмыскерлерінің міндеттері мен өкілеттіктерін айқындайды;

3) өз құзыреті шегінде бұйрықтар шығарады, нұсқаулықтар береді;

4) еңбек қатынастары мәселелері жоғары тұрған мемлекеттік органдардың және лауазымды адамдардың құзыретіне жатқызылған жұмыскерлерден басқа, Комитет жұмыскерлерін лауазымға тағайындайды және лауазымнан босатады;

5) іссапар, еңбек демалысын беру, материалдық көмек көрсету, даярлау (қайта даярлау), біліктілгін арттыру, ынталандыру, үстемеақылар төлеу және сыйлықақы беру, сондай-ақ еңбек қатынастары мәселелері жоғары тұрған органдардың және лауазымды адамдардың құзыретіне жататын жұмыскерлерді қоспағанда, Комитет жұмыскерлерін тәртіптік жауапкершілікке тарту мәселелерін шешеді;

6) мемлекеттік органдарда және өзге де ұйымдарда қолданыстағы заңнамаға сәйкес Комитеттің мүддесін білдіреді;

7) Комитеттің құрылымдық бөлімшелерінің ережесін бекітеді;

8) мемлекеттік сатып алу қорытындылары бойынша тауарларды, жұмыстарды, көрсетілетін қызметтерді мемлекеттік сатып алу туралы шарттарға, орындалған жұмыс актілеріне, сондай-ақ жетекшілік ететін салалар шеңберінде шарттарға қол қояды;

9) сыбайлас жемқорлық-әрекеттерінің туындауына әкеп соқтыратын сыбайлас жемқорлық құқық бұзушылықтары немесе әрекеттері белгілі болған жағдайда, ол туралы Минстрліктің басшылығын хабардар етеді;

10) Комитет қызметкерлерінің мемлекеттік қызметшілердің қызмет этикасы нормаларын сақтауын қамтамасыз етеді;

11) Комитетте сыбайлас жемқорлыққа қарсы іс-қимылға бағытталған шараларды қабылдайды және сыбайлас жемқорлыққа қарсы шаралардың қабылдануына дербес жауапты болады;

12) өз құзыретіне жататын басқа да мәселелер бойынша шешімдер қабылдайды.

Комитет төрағасы болмаған кезеңде оның өкілеттіктерін орындауды Қазақстан Республикасының қолданыстағы заңнамасына сәйкес оны алмастыратын адам жүзеге асырады.

21. Комитет төрағасы өз орынбасарларының өкілеттіктерін Қазақстан Республикасының қолданыстағы заңнамасына сәйкес белгілейді.

22. Комитет төрағасының орынбасарлары:

1) өз өкілеттігі шегінде Комитеттің құрылымдық бөлімшелерінің қызметін үйлестіреді;

2) Министрдің, Министрліктің аппарат басшысының, жетекшілік ететін вице-министрдің және Комитет төрағасының тапсырмаларын міндетті түрде орындайды;

3) өзге де функцияларды жүзеге асырады.

4-тарау. Комитеттің мүлкі

23. Комитеттің Қазақстан Республикасы заңнамасында көзделген жағдайларда жедел басқару құқығында оқшауланған мүлкі болады.

Комитеттің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

24. Комитетке бекітілген мүлік республикалық меншікке жатады.

25. Егер Қазақстан Республикасы заңнамасында өзгеше белгіленбесе, Комитеттің өзіне бекітіліп берілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

5-тарау. Комитетті қайта ұйымдастыру және тарату

26. Комитетті қайта ұйымдастыру және тарату Қазақстан Республикасының заңнамасына сәйкес жүзеге асырылады.

"Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесінің ережесін бекіту туралы

"Қазақстан Республикасы Ақпарат және қоғамдық даму министрлігінің Дін істері комитеті" республикалық мемлекеттік мекемесінің ережесі

1-тарау. Жалпы ережелер

2-тарау. Комитеттің негізгі міндеттері, функциялары, құқықтары мен міндеттемелері

3-тарау. Комитеттің қызметін ұйымдастыру

4-тарау. Комитеттің мүлкі

5-тарау. Комитетті қайта ұйымдастыру және тарату

Базаның жай-күйі

Құқықтық ақпараттық қызметі

Қолдау қызметі

Соңғы құжаттар

Кеңінен таралған құжаттар