Қазақстан Республикасының Әкімшілік рәсімдік-процестік кодексінің 40-бабы 2-тармағына және "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" Қазақстан Республикасы Үкіметінің 2021 жылғы 1 қыркүйектегі № 590 қаулысына сәйкес Солтүстік Қазақстан облысының әкімдігі ҚАУЛЫ ЕТЕДІ:
1. "Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесі туралы ереже осы қаулының қосымшасына сәйкес бекітілсін.
2. "Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесі Қазақстан Республикасының заңнамасында белгіленген тәртіпте қамтамасыз етсін:
1) жоғарыда көрсетілген қаулыны заңнамада белгіленген тәртіппен әділет органдарында мемлекеттік тіркеуді;
2) осы қаулыға қол қойылған күннен бастап күнтізбелік жиырма күн ішінде оның қазақ және орыс тілдеріндегі электрондық түрдегі көшірмесін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнының Солтүстік Қазақстан облысы бойынша филиалына ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін жолдауды;
3) осы қаулы ресми жарияланғаннан кейін оны Солтүстік Қазақстан облысы әкімдігінің интернет-ресурсында орналастыруды.
3. Осы қаулының орындалуын бақылау Солтүстік Қазақстан облысы әкімінің жетекшілік ететін мәселелер жөніндегі орынбасарына жүктелсін.
4. Осы қаулы алғашқы ресми жарияланған күнінен бастап қолданысқа енгізіледі.
| Солтүстік Қазақстан облысының әкімі | Қ. Ақсақалов |
| Солтүстік Қазақстан облысы әкімдігінің | |
| 2022 жылғы "19" сәуірдегі | |
| № 85 қаулысына | |
| қосымша |
"Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесі туралы ЕРЕЖЕ
Петропавл қаласы 2022 жыл
1 тарау. Жалпы ережелер
1. "Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесі (бұдан әрі – Кәсіпкерлік және индустриялық-инновациялық даму басқармасы) Солтүстік Қазақстан облысы аумағында кәсіпкерлік, индустриялық-инновациялық даму және туризм салаларында басшылықты жүзеге асыратын Қазақстан Республикасының мемлекеттік органы болып табылады.
2. Кәсіпкерлік және индустриялық-инновациялық даму басқармасының ведомстволық бағынысты ұйымдары мен ведомстволары жоқ.
3. Кәсіпкерлік және индустриялық-инновациялық даму басқармасы өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
4. Кәсіпкерлік және индустриялық-инновациялық даму басқармасы мемлекеттік мекеменің ұйымдық-құқықтық нысанындағы заңды тұлға болып табылады, оның рәміздері мен айырым белгілері (бар болса), Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.
5. Кәсіпкерлік және индустриялық-инновациялық даму басқармасы азаматтық-құқықтық қатынастарды өз атынан жасайды.
6. Кәсіпкерлік және индустриялық-инновациялық даму басқармасы, егер Қазақстан Республикасының заңнамасына сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
7. Кәсіпкерлік және индустриялық-инновациялық даму басқармасы өз құзыретінің мәселелері бойынша заңнамада белгіленген тәртіппен Кәсіпкерлік және индустриялық-инновациялық даму басқармасы басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
8. "Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесінің құрылымы және штат санының лимиті Қазақстан Республикасының заңнамасына сәйкес бекітіледі.
9. Заңды тұлғаның орналасқан жері: 150011 Солтүстік Қазақстан облысы Петропавл қаласы Қазақстан Конституциясы көшесі, 58.
10. Осы Ереже Кәсіпкерлік және индустриялық-инновациялық даму басқармасының құрылтай құжаты болып табылады.
11. Кәсіпкерлік және индустриялық-инновациялық даму басқармасын қаржыландыру Қазақстан Республикасының заңнамасына сәйкес республикалық және жергілікті бюджеттерден, Қазақстан Республикасы Ұлттық Банкінің бюджетінен (шығыстар сметасынан) жүзеге асырылады.
12. Кәсіпкерлік және индустриялық-инновациялық даму басқармасына кәсіпкерлік субъектілерімен Кәсіпкерлік және индустриялық-инновациялық даму басқармасының функциялары болып табылатын міндеттерді орындау тұрғысында шарттық қарым-қатынас жасауға тыйым салынады.
Егер Кәсіпкерлік және индустриялық-инновациялық даму басқармасына заңнамалық актілермен кіріс әкелетін қызметті жүзеге асыру құқығы берілсе, онда егер Қазақстан Республикасының заңнамасында өзгеше белгіленбесе, кірістер мемлекеттік бюджетке жіберіледі.
2 тарау. Мемлекеттік органның мақсаттары мен өкілеттіктері
13. Мақсаттары:
1) өнеркәсіптің бәсекеге қабілеттілігінің өсуін қамтамасыз ететін басым салаларын дамыту;
2) қаржыландыру көздерінің құралдары мен қолжетімділігін кеңейту арқылы экономиканың басым секторларына отандық және шетелдік инвестицияларды тартуға жәрдемдесу;
3) халықаралық стандарттарға сәйкес келетін өнімдерді өндіруге, менеджмент жүйесін енгізуге және технологиялық қайта жарақтандыруға жәрдемдесу;
4) тиімді өңірлік инновациялық жүйені қалыптастыруға және инновациялық инфрақұрылымды дамытуға жәрдемдесу;
5) отандық кәсіпорындардың техникалық, технологиялық және басқару деңгейлерін жаңғыртуға жәрдемдесу;
6) өнеркәсіптің басым салаларын дамытудың әлеуметтік тиімділігін күшейтуге және инвестициялық жобаларды іске асыруға жәрдемдесу;
7) экономиканың басым секторларын дамыту процесінде жергілікті атқарушы орган мен бизнестің тиімді өзара іс-қимылын қамтамасыз ету;
8) кәсіпкерлік қызметті дамытуға кедергі келтіретін әкімшілік кедергілерді азайтуға жәрдемдесу;
9) мемлекеттік сауда саясатын жүргізуді қамтамасыз ету;
10) туризм саласында мемлекеттік саясатты жүргізуді қамтамасыз ету;
11) инвестициялық саясатты жүргізуді (іске асыруды) қамтамасыз ету.
14. Өкілеттіктер:
Құқықтары:
1) облыстың атқарушы органдарынан, сондай-ақ меншік нысанына қарамастан ұйымдардан, мекемелер мен кәсіпорындардан басқармаға жүктелген функцияларды жүзеге асыру үшін қажетті құжаттарды, қорытындыларды, анықтамалық және өзге де материалдарды белгіленген тәртіппен сұрату және алу;
2) сотта, сондай-ақ басқа да ұйымдарда басқарма қызметінің құқықтық мәселелерін қарау кезінде белгіленген тәртіппен басқарма мүдделерін білдіру болып табылады.
Міндеттері:
1) басқарма құзыретіне кіретін мәселелер бойынша түсіндіру;
2) Қазақстан Республикасының заңнамасында белгіленген тәртіппен тауарларды, жұмыстарды және көрсетілетін қызметтерді мемлекеттік сатып алу жөніндегі конкурстарды ұйымдастыру және өткізу;
3) жұмысқа мемлекеттік органдардың және өзге де ұйымдардың мамандарын, сондай-ақ отандық және шетелдік сарапшылар мен мамандарды тарта отырып, Кәсіпкерлік және индустриялық-инновациялық даму басқармасының құзыретіне кіретін мәселелер бойынша жұмыс топтарын, комиссиялар, штабтар құру;
4) жеке және заңды тұлғалардың өтініштерін белгіленген тәртіппен қарау;
5) мемлекеттік орган қызметінің ашықтығы, оның ішінде "Ашық деректер", "Ашық бюджет", "Ашық НҚА", "Ашық диалог" порталдарын толықтыру және сүйемелдеу жөніндегі жұмысты жүзеге асырсын.
15. Функциялары:
1) "Солтүстік Қазақстан облысы әкімдігінің кәсіпкерлік және индустриялық-инновациялық даму басқармасы" коммуналдық мемлекеттік мекемесінің бюджеттік бағдарламаларын әзірлеу және іске асыру, олар бойынша есептер дайындау;
2) республика аумағында және одан тыс жерлерде форумдарда, конференцияларда, слеттерде, фестивальдарда, көрмелерде, оның ішінде бизнес субъектілері үшін ақпараттық-консультациялық, таныстыру көрме іс-шараларын өткізуді ұйымдастыру және олардың қатысуын ұйымдастыру;
3) басқарма жетекшілік ететін облыстың экономикалық қызмет саласын дамыту концепциялары мен тәсілдерін әзірлеуге қатысу;
4) тиісті мемлекеттік органдарға өз құзыретіндегі мәселелер бойынша ережелерді, нормативтік құқықтық актілерге өзгерістер мен толықтырулар енгізу туралы ұсыныстар енгізу;
5) өнеркәсіпті, инвестицияларды, туризмді, сауданы және кәсіпкерлікті дамыту бөлігінде республикалық және жергілікті деңгейдегі стратегиялық, бағдарламалық құжаттарды әзірлеуге қатысу, үйлестіру және іске асыру мониторингі;
6) Облыстың әлеуметтік-экономикалық даму болжамының салалық тарауын әзірлеуге қатысу;
7) Солтүстік Қазақстан облысының аумағын дамыту бағдарламасының салалық тарауын әзірлеуге және іске асыруға қатысу, олар бойынша есептерді дайындау;
8) орталық мемлекеттік органдармен, даму институттарымен, облыстық және аумақтық ұйымдармен, аудандар мен Петропавл қаласының әкімдіктерімен өңірдегі индустриялық-инновациялық даму, инвестициялық және туристік әлеует, сауда және кәсіпкерлікті дамыту мәселелері бойынша өзара іс-қимыл жасау;
9) өңірде Индустриялық-инновациялық даму мемлекеттік бағдарламасының іске асырылуын үйлестіру, есептер дайындау;
10) Үдемелі индустриялық даму жөніндегі өңірлік үйлестіру кеңесінің қызметін ұйымдастыру;
11) мүдделі адамдардың қатысуымен өңірдегі кәсіпкерлікті қолдау картасын әзірлеу;
12) индустриялық-инновациялық жобаларды қарау және мүдделі адамдардың қатысуымен өтетін кәсіпкерлікті қолдау картасына енгізу үшін ұсынымдар әзірлеу;
13) индустриялық-инновациялық қызметті мемлекеттік қолдауды жүзеге асыратын индустриялық-инновациялық жүйе субъектілерінің әдістемелік, консультациялық, практикалық жұмысына көмек көрсету;
14) мемлекеттік жоспарлау жөніндегі уәкілетті органға экономиканың басым секторларын айқындау жөнінде ұсыныстар енгізу;
15) индустриялық-инновациялық қызметті мемлекеттік қолдау саласындағы уәкілетті органға индустриялық-инновациялық қызметті мемлекеттік қолдау шараларын іске асыру туралы ақпарат беру;
16) облыс аумағында индустриялық-инновациялық қызмет саласындағы салалық бағдарламалардың іске асырылуын үйлестіруді қамтамасыз ету;
17) өз құзыреті шегінде "Qyzyljar" арнайы экономикалық аймағының жұмыс істеуі саласындағы мемлекеттік саясатты іске асыру;
18) өз құзыреті шегінде индустриялық аймақтың, индустриялық парктердің жұмыс істеуі саласындағы мемлекеттік саясатты іске асыру;
19) "Qyzyljar" арнайы экономикалық аймағының әлеуетті қатысушыларын "Qyzyljar" арнайы экономикалық аймағының қызметіне қатысу үшін тарту;
20) "Qyzyljar" арнайы экономикалық аймағына қатысушылардың қызметті жүзеге асыру туралы шарттардың талаптарын орындауы бойынша мониторингті жүзеге асыру, сондай-ақ мониторинг деректерін талдау;
21) жергілікті тауар өндірушілер өнімдерінің экспортын дамытуға және жылжытуға жәрдемдесу;
22) Солтүстік Қазақстан облысының экспорт жөніндегі өңірлік кеңесінің қызметін ұйымдастыру;
23) импорт алмастыру аясында өндірісті ұйымдастыру жөніндегі ұсыныстар әзірлеу;
24) индустриялық-инновациялық даму және өңірдегі инвестициялық ахуалды жақсарту мәселелері жөніндегі шараларды әзірлеу және іске асыру;
25) елшіліктермен, орталық мемлекеттік органдармен, ұлттық компаниялармен, даму институттарымен, облыстық және аумақтық ұйымдармен, аудандар мен Петропавл қаласының әкімдіктерімен өңірдегі инвестициялық әлеуетті дамыту мәселелері бойынша өзара іс-қимыл жасау;
26) Солтүстік Қазақстан облысына инвестициялар тарту саласындағы өңірлік ұйымның инвестицияларын тарту бөлігінде қызметті үйлестіру;
27) Инвесторлар тарту және Солтүстік Қазақстан облысының инвестициялық ахуалын жақсарту жөніндегі өңірлік кеңестің қызметін ұйымдастыру;
28) өңірге жеке инвестицияларды тарту жөніндегі іс-шараларды жүргізу;
29) облыстың шетелдік және отандық қатысуы бар инвестициялық жобаларын қалыптастыру, жылжыту, мониторингілеу, сүйемелдеу;
30) Үйлестіру кеңесі аясында Қазақстан Республикасының Кәсіпкерлік кодексіне сәйкес инвестициялық келісімшарттар аясында инвестициялық жобаны мәлімдеушіге мемлекеттік меншіктен жер учаскелерін беруді келісу;
31) өңірдің қолайлы инвестициялық имиджін жылжыту, оның ішінде Қазақстан Республикасының елшіліктеріне және шетелдегі мекемелеріне өңірдің инвестициялық мүмкіндіктері туралы ақпарат беру;
32) облыс басшылығына ақпарат дайындап өнеркәсіп салаларының дамуына мониторинг және талдау жүргізу;
33) тізілімді қалыптастыру және жүргізу мақсатында тоқсан сайын құзыретті органға ұсынылатын өндірушілердің және олар өндіретін тауарлардың, жұмыстардың, көрсетілетін қызметтердің тізбесін қалыптастыруды жүзеге асыру;
34) өнеркәсіптің өңдеу салаларын дамыту жөніндегі мемлекеттік саясатты іске асыруды ұйымдастыру;
35) облыстың өңдеу өнеркәсібі кәсіпорындарының тауарларды, жұмыстарды және көрсетілетін қызметтерді қазақстандық қамту мониторингіне қатысуын қамтамасыз ету;
36) кең таралған пайдалы қазбалар бойынша жобалық құжаттарға сараптама жүргізуді ұйымдастыру;
37) кең таралған пайдалы қазбаларды барлауға, өндіруге арналған келісімшарттарды сақтау;
38) "Жер қойнауы және жер қойнауын пайдалану туралы" Қазақстан Республикасының Кодексіне сәйкес жер қойнауын пайдалану құқығының (жер қойнауын пайдалану құқығы үлесінің) және (немесе) жер қойнауын пайдалану құқығымен байланысты объектілердің ауысуына рұқсат беру, сондай-ақ кең таралған пайдалы қазбалар бойынша жер қойнауын пайдалану құқығын кепілге беру жөніндегі мәмілені тіркеу;
39) жалпыға ортақ пайдаланылатын автомобиль жолдарын, темір жолдар мен гидроқұрылыстарды салу (реконструкциялау) және жөндеу кезінде жер қойнауын пайдалану құқығына өтінімдерді қарау және рұқсат беру;
40) іздеушілікке, кең таралған пайдалы қазбаларды өндіруге арналған өтінімдерді қарау және лицензиялар беру;
41) кең таралған пайдалы қазбаларды өндіруге, іздеушілікке лицензия алу кезінде өңір халқының әлеуметтік-экономикалық және экологиялық мүдделерін сақтауға байланысты мәселелерді шешу үшін жер қойнауын пайдаланушымен келіссөздерге қатысу;
42) жер қойнауын пайдалануға арналған келісімшартқа өзгерістер мен толықтырулар енгізу бойынша келіссөздер жүргізу;
43) жер қойнауын пайдалану объектілерін жою жөніндегі комиссияны құру және оның жұмысына қатысу;
44) жер қойнауын пайдаланушымен кең таралған пайдалы қазбаларды барлауға және өндіруге арналған жер қойнауын пайдалану мәселелері жөніндегі сараптама комиссиясы қызметі аясында келісімшарт талаптары туралы келіссөздер жүргізу;
45) кең таралған пайдалы қазбаларды барлауға немесе өндіруге арналған келісімшарттарды орындауды және әрекетін тоқтатуды және кең таралған пайдалы қазбаларды өндіруге арналған лицензияларды қайтарып алуды қамтамасыз ету;
46) кең таралған пайдалы қазбалар бойынша барлауға немесе өндіруге арналған келісімшарттардың әрекетін қалпына келтіру туралы шешімдер қабылдау;
47) кең таралған пайдалы қазбаларды өндіруге берілген лицензиялар және іздеушілікке берілген лицензиялар туралы ақпаратқа қол жеткізуді қамтамасыз ету;
48) жер қойнауын пайдаланушылардың тарату қорын пайдалануға рұқсат беру;
49) кең таралған пайдалы қазбалар бойынша келісімшарттық және лицензиялық міндеттемелердің орындалуына мониторингті жүзеге асыру;
50) жер қойнауын пайдаланушылардың кең таралған пайдалы қазбалар бойынша барлау мен өндіруге арналған келісімшарттардың, кең таралған пайдалы қазбаларды өндіруге, іздеушілікке арналған лицензиялардың талаптарын сақтауын бақылауды жүзеге асыру;
51) кең таралған пайдалы қазбаларды барлауға, өндіруге жер қойнауын пайдалану құқығының кепіл шартын тіркеу;
52) алдағы құрылыс учаскелері астындағы жер қойнауында пайдалы қазбалардың жоқ немесе аздығы туралы қорытынды беру;
53) пайдалы қазбалар жатқан алаңдарда құрылыс салуға рұқсат беру;
54) кең таралған пайдалы қазбаларды өндіру, іздеушілік жөніндегі операциялардың жүргізілуін мемлекеттік бақылауды жүзеге асыру;
55) өңірде кәсіпкерлік қызметті қолдау бойынша инфрақұрылымды және кәсіпкерлікті дамыту мәселелері жөніндегі шараларды әзірлеу және іске асыру;
56) кәсіпкерлікті дамыту бөлігінде республикалық және жергілікті деңгейдегі стратегиялық, бағдарламалық құжаттарды әзірлеуге қатысу;
57) экономиканың басым секторларын дамыту процесінде жергілікті атқарушы органдар мен бизнестің тиімді өзара іс-қимылын қамтамасыз ету;
58) кәсіпкерлік қызметті дамытуға кедергі келтіретін әкімшілік кедергілерді азайтуға жәрдемдесу;
59) "Бизнестің жол картасы 2025" бизнесті қолдау мен дамытудың мемлекеттік бағдарламасы саласында іске асыруды үйлестіру, есептер дайындау;
60) Бизнесті қолдау мен дамытудың мемлекеттік бағдарламасын іске асыру жөніндегі өңірлік үйлестіру кеңесінің қызметін ұйымдастыру;
61) әлеуметтік маңызы бар азық-түлік тауарлары бағасының мониторингі. Жанар-жағармай материалдары бағасының мониторингі;
62) жетекшілік ететін бағыттар бойынша сыртқы экономикалық байланыстарды жүзеге асыруға жәрдемдесу;
63) жергілікті атқарушы органдардың жеке кәсіпкерлік субъектілерінің бірлестіктерімен, Қазақстан Республикасының Ұлттық кәсіпкерлер палатасымен және нарықтық инфрақұрылым объектілерімен өзара қарым-қатынасын дамыту стратегиясын айқындау;
64) сараптамалық кеңестердің қызметін ұйымдастыру;
65) жеке кәсіпкерлікті жергілікті деңгейде мемлекеттік қолдауды қамтамасыз ету;
66) өз құзыреті шегінде сауда қызметі субъектілерінің қызметін реттеуді жүзеге асыру;
67) әлеуметтік маңызы бар азық-түлік тауарларына заңнамаға сәйкес тәртіппен бекітілген шекті жол берілетін бөлшек сауда бағалары мөлшерінің сақталуын мемлекеттік бақылауды жүзеге асыру;
68) әлеуметтік маңызы бар азық-түлік тауарларына бағаларды тұрақтандыру тетіктерін іске асыру;
69) бейбіт уақытта және жұмылдыру кезеңінде төтенше жағдай кезінде облыстық сауда және тамақтандыру, жанар-жағар май материалдары қызметтерінің жұмысын ұйымдастыру;
70) облыс аумағында туристік қызмет саласындағы үйлестіруді жүзеге асыру;
71) Қазақстан Республикасының туристік саласын дамытудың мемлекеттік бағдарламасының іс-шараларын іске асыру және мониторингілеу;
72) туризмді дамытудың өңірлік бағдарламалары мен жоспарларын әзірлеу және іске асыру;
73) туристік индустрия объектілерін жоспарлау және салу жөніндегі қызметті үйлестіру;
74) туроператорлық қызметті лицензиялау;
75) гид (гид-аудармашы) кәсіби даярлығын ұйымдастыру;
76) туристік маршруттар мен соқпақтардың мемлекеттік тізілімін жүргізу;
77) туристік қызметті жүзеге асыратын адамдардың мемлекеттік тізілімдерін жүргізу;
78) туристік қызметті көрсету нарығына талдау жүргізу және уәкілетті органға облыс аумағында туризмді дамыту туралы ақпарат беру;
79) облыстық туристік ресурстарды қорғау жөніндегі шараларды әзірлеу және енгізу;
80) туристер бірлестіктерінің қызметіне және өзіндік туризмді дамытуға жәрдем көрсету;
81) туристік ақпарат, оның ішінде туристік әлеует, туризм объектілері және туристік қызметті жүзеге асыратын адамдар туралы ақпарат беру;
82) өз өкілеттіктері шегінде облыста өнеркәсіпті, инвестицияларды, кәсіпкерлік пен туризмді дамытуға арналған қаржы қаражатының тиімді пайдаланылуын бақылауды қамтамасыз ету;
83) басқарманың интернет-ресурстарын ақпараттық толықтыруды және тұрақты жаңартуды қамтамасыз ету;
84) басқарма құзыретіне жататын облыс әкімдігі мен әкімінің нормативтік құқықтық актілерінің жобаларын әзірлеу;
85) инфрақұрылымдық жобалардағы елішілік құндылық үлесін талдау;
86) жеке кәсіпкерлер мен заңды тұлғаларды (ірі кәсіпкерлік субъектілерін қоспағанда) әлеуметтік кәсіпкерлік субъектілерінің тізіліміне енгізу мәселелерін қарау жөніндегі жұмысты ұйымдастыру;
87) жер қойнауын пайдаланушылардың кең таралған пайдалы қазбаларды өндіру операцияларын жүргізу салдарын жою және кен іздеушілік жөніндегі өз міндеттемелерін қамтамасыз етуін ұсынуды бақылау;
88) "Әкімшілік құқық бұзушылық туралы" Қазақстан Республикасы Кодексінің 802-бабында көзделген негіздер іс қозғауға себеп болып табылатын әкімшілік құқық бұзушылық туралы хаттамалар жасау;
89) "Әкімшілік құқық бұзушылық туралы" Қазақстан Республикасы Кодексінің 729-бабына сәйкес Кәсіпкерлік және индустриялық-инновациялық даму басқармасының құзыретіне жатқызылған әкімшілік құқық бұзушылық туралы істерді қарау.
3 тарау. Кәсіпкерлік және индустриялық-инновациялық даму басқармасының бірінші басшысының мәртебесі, өкілеттігі
16. Кәсіпкерлік және индустриялық-инновациялық даму басқармасында басшылықты Кәсіпкерлік және индустриялық-инновациялық даму басқармасына жүктелген міндеттердің орындалуына және оның функцияларын жүзеге асыруға дербес жауапты болатын бірінші басшы жүзеге асырады.
17. Кәсіпкерлік және индустриялық-инновациялық даму басқармасының бірінші басшысы Қазақстан Республикасының заңнамасына сәйкес қызметке тағайындалады және қызметтен босатылады.
18. Кәсіпкерлік және индустриялық-инновациялық даму басқармасының бірінші басшысының Қазақстан Республикасының заңнамасына сәйкес қызметке тағайындалатын және қызметтен босатылатын орынбасарлары болады.
19. Кәсіпкерлік және индустриялық-инновациялық даму басқармасының бірінші басшысының өкілеттігі:
1) құрылымдық бөлімшелердің міндеттері мен өкілеттіктерін анықтайды;
2) Кәсіпкерлік және индустриялық-инновациялық даму басқармасының қызметкерлерін қызметке тағайындайды және қызметтен босатады;
3) Кәсіпкерлік және индустриялық-инновациялық даму басқармасы қызметкерлерін көтермелеу мәселелерін шешеді және тәртіптік жаза қолданады;
4) Кәсіпкерлік және индустриялық-инновациялық даму басқармасының бұйрықтарына қол қояды, сондай-ақ Кәсіпкерлік және индустриялық-инновациялық даму басқармасының қызметкерлері орындауға міндетті нұсқаулар береді;
5) мемлекеттік органдарда, өзге де ұйымдарда Кәсіпкерлік және индустриялық-инновациялық даму басқармасын ұсынады;
6) Кәсіпкерлік және индустриялық-инновациялық даму басқармасының құрылымдық бөлімшелері туралы ережені бекітеді;
7) ерлер мен әйелдердің тең құқықтарының және тең мүмкіндіктерінің мемлекеттік кепілдіктері туралы заңнаманың сақталуын қамтамасыз етеді;
8) Кәсіпкерлік және индустриялық-инновациялық даму басқармасына жүктелген міндеттер мен функциялардың орындалуына, сондай-ақ қызметкерлердің сыбайлас жемқорлыққа қарсы заңнаманы сақтауына дербес жауапты болады;
9) қызметкерлерге сотта және басқа да мемлекеттік және мемлекеттік емес органдар мен ұйымдарда Кәсіпкерлік және индустриялық-инновациялық даму басқармасының мүддесін ұсынуға уәкілеттік береді.
Кәсіпкерлік және индустриялық-инновациялық даму басқармасының бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын адам орындайды.
20. Бірінші басшы қолданыстағы заңнамаға сәйкес орынбасарларының өкілеттіктерін айқындайды.
21. Кәсіпкерлік және индустриялық-инновациялық даму басқармасының алқалы органдары жоқ.
4 тарау. Мемлекеттік органның мүлкі
22. Кәсіпкерлік және индустриялық-инновациялық даму басқармасының заңнамада көзделген жағдайларда жедел басқару құқығында оқшауланған мүлкінің болуына құқығы бар.
Кәсіпкерлік және индустриялық-инновациялық даму басқармасының мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
23. Кәсіпкерлік және индустриялық-инновациялық даму басқармасына бекітілген мүлік коммуналдық меншікке жатады.
24. Егер, заңнамада өзгеше белгіленбесе, Кәсіпкерлік және индустриялық-инновациялық даму басқармасы өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті дербес иеліктен шығаруға немесе оған өзгедей тәсілмен иелік етуге құқығы жоқ.
5 тарау. Мемлекеттік органды қайта ұйымдастыру және тарату
25. Кәсіпкерлік және индустриялық-инновациялық даму басқармасын қайта ұйымдастыру және тарату Қазақстан Республикасының заңнамасына сәйкес жүзеге асырылады.
