Шалқар аудандық мәслихаты ШЕШТІ:
1. Шалқар аудандық мәслихатының 2022 жылғы 17 қарашадағы № 323 "Шалқар ауданы бойынша халық үшін қатты тұрмыстық қалдықтарды жинауға, тасымалдауға, сұрыптауға және көмуге арналған тарифтерді бекіту туралы" (Нормативтік құқықтық актілерді мемлекеттік тіркеудің тізілімінде № 30665 болып тіркелген) шешіміне мынадай өзгерістер енгізілсін:
көрсетілген шешімнің тақырыбы келесідей жаңа редакцияда жазылсын:
"Шалқар ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы";
көрсетілген шешімнің кіріспесі келесідей жаңа редакцияда жазылсын:
"Қазақстан Республикасының Экология Кодексінің 365-бабы 3-тармағының 3) тармақшасына, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабы 1-тармағының 15) тармақшасына сәйкес, Шалқар аудандық мәслихаты ШЕШТІ:";
көрсетілген шешімнің 1-тармағы келесідей жаңа редакцияда жазылсын:
"1. Шалқар ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтер осы шешімнің қосымшасына сәйкес бекітілсін.";
көрсетілген шешімнің қосымшасы осы шешімнің қосымшасына сәйкес жаңа редакцияда жазылсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Шалқар аудандық мәслихатының төрағасы |
С. Бигеев |
| Шалқар аудандық мәслихатының 2023 жылғы "27" қазандағы № 111 шешіміне қосымша |
|
| Шалқар аудандық мәслихатының 2022 жылғы 17 қарашадағы № 323 шешіміне қосымша |
Шалқар ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтер
Атауы | Есептік бірлік | Теңге (Қосылған құн салығысыз) |
Жайлы үйлер | 1 тұрғын айына | 105,00 |
Жайлы емес үйлер | 1 тұрғын айына | 128,62 |
Жылдық тариф бірлігіне (көлеміне) | 1 м3 | 787,48 |
