Еуразиялық үкіметаралық кеңестің "Еуразиялық технологиялық платформаларды қалыптастыру және олардың жұмыс істеуі туралы ережені бекіту туралы" 2016 жылғы 13 сәуірдегі № 2 шешімінің 3-тармағын іске асыру мақсатында:
1. Қосымшаға сәйкес Еуразиялық экономикалық комиссия Кеңесінің "Еуразиялық басымдықты технологиялық платформаларды қалыптастыру туралы" 2016 жылғы 18 қазандағы № 32 өкіміне өзгерістер енгізілсін.
2. Осы Өкім Еуразиялық экономикалық одақтың ресми сайтында жарияланған күнінен бастап күшіне енеді.
Еуразиялық экономикалық комиссия Кеңесінің мүшелері:
Армения Беларусь Қазақстан Қырғыз Ресей
Республикасынан Республикасынан Республикасынан Республикасынан Федерациясынан
М.Григорян И.Петришенко А.Мамин Ж.Разаков А.Силуанов
| Еуразиялық экономикалық комиссия Кеңесінің | |
| 2018 жылғы 14 қыркүйектегі № 29 өкіміне ҚОСЫМША |
Еуразиялық экономикалық комиссия Кеңесінің 2016 жылғы 18 қазандағы № 32 өкіміне енгізілетін ӨЗГЕРІСТЕР
1. 2-тармақтағы "14" цифры "15" цифрымен ауыстырылсын.
2. Аталған өкімге № 1 қосымшада:
а) бірінші графа мынадай мазмұндағы 11-позициямен толықтырылсын:
"11. Фотоника";
б) екінші графа мынадай мазмұндағы 14-позициямен толықтырылсын:
"14. Жарық техникасы".
3. Мынадай мазмұндағы № 15 қосымшамен толықтырылсын:
| "Еуразиялық экономикалық | |
| комиссия Кеңесінің 2016 жылғы | |
| 18 қазандағы № 32 өкіміне № 15 ҚОСЫМША |
"Жарық техникасы" Еуразиялық технологиялық платформасының ПАСПОРТЫ
1. Құрылтайшылар:
"БООС ЛАЙТИНГ ГРУПП" Халықаралық жарық техникасы корпорациясы жауапкершілігі шектеулі қоғамы (Мәскеу қаласы, Ресей Федерациясы);
"С.И. Вавилов атындағы Бүкілодақтық жарық техникасы ғылыми-зерттеу институты" жауапкершілігі шектеулі серіктестік (Мәскеу қаласы, Ресей Федерациясы);
"Никол Думан" өндірістік кооперативі (Ереван қаласы, Армения Республикасы);
"Горизонт" холдингі басқарушы компаниясы" ашық акционерлік қоғамы (Минск қаласы, Беларусь Республикасы);
"ҚАЗАҚСТАН ЭЛЕКТРО" жауапкершілігі шектеулі серіктестік (Алматы қаласы, Қазақстан Республикасы);
"Электр қауіпсіздігі жобасы" жауапкершілігі шектеулі қоғамы (Бішкек қаласы, Қырғыз Республикасы).
2. Мақсаттары:
мүдделі тараптардың (бизнес, ғылым, мемлекет, қоғамдық ұйымдар) (бұдан әрі – мүдделі тараптар) техникалық, қаржылық және әкімшілік ресурстарын біріктіру арқылы Еуразиялық экономикалық одаққа мүше мемлекеттердің (бұдан әрі – мүше мемлекеттер) аумақтарында барлық мүдделі тараптардың жарық техникасы өнімдері өндірісін дамыту саласындағы өзара іс-қимылының тиімділігін арттыру;
платформаға қатысушылардың өзара тиімді іс-қимылын қамтамасыз ету;
жарық техникасы өндірісінің перспективалы коммерциялық технологияларын әзірлеу;
түрлі экономика, ғылым, білім салаларының, мемлекеттің мұқтажы және әлеуметтік сала мүдделері үшін жарық техникасы өндірісінің технологияларын дамыту және тиімді түрде енгізу;
жоғары технологиялық, инновациялық және бәсекеге қабілетті өнім өндіру, сондай-ақ оны пайдаланумен және жаңғыртумен байланысты қызметтер көрсету.
3. Міндеттері:
жарық техникасы өнімдерін өндіру саласында ғылыми-зерттеу және тәжірибелік-конструкторлық жоспарларды әзірлеу;
өндірістік циклды және мүше мемлекеттерде платформаға қатысушылардың кәсіпкерлік қызметін дамыту бағдарламаларын әзірлеу;
жарық техникасы өндірісі саласында инновациялық технологияларды дамыту және ғылыми-техникалық жобаларды әзірлеу;
мүше мемлекеттердің нарықтары үшін жоғары сапалы бәсекеге қабілетті жарық техникасы өнімін әзірлеу және оны пайдаланумен және жаңғыртумен байланысты қызметтерді көрсету;
жарық техникасы өндірісі саласында мүдделі тараптардың мүдделерін ескере отырып, мемлекеттік-жекеше әріптестіктің барынша тиімді модельдерін енгізу;
мүше мемлекеттерде жарық техникасы өндірісін дамытуға кедергі келтіретін тосқауылдарды анықтау және оларды жою жөнінде ұсынымдар әзірлеу;
құрылтайшылардың әлеуетін (кадрлық, ғылыми-техникалық, технологиялық және өндірістік) бағалау және оны өрістете түсу бойынша ұсыныстар әзірлеу;
жарық техникасы өнімі өндірісі саласын дамыту жөнінде ұсыныстар әзірлеу.
4. Қызметтің негізгі бағыттары:
мүше мемлекеттердің агроөнеркәсіп кешенінің тамақ және қайта өңдеу өндірістері үшін энергия үнемдейтін жарық техникасы жабдығын әзірлеу;
платформа қызметінің негізгі бағыттарына сәйкес конгрестер, форумдар, көрмелер, конференциялар және іскер турлар ұйымдастыру және өткізу;
әзірленетін технологиялар мен жарық техникасы өнімінің патенттік қорғалуы деңгейіне бағалау жүргізу;
жарық техникасы өнімін өндіру үшін қазіргі заманғы жабдықты және инновациялық технологияларды әзірлеу;
мүдделі тараптардың жоғары технологиялық, перспективті және бәсекеге қабілетті жарық техникасы өнімін өндіру және оны пайдаланумен және жаңғыртумен байланысты қызметтер көрсету бойынша күш-жігерін біріктіру;
мүше мемлекеттердің уәкілетті органдарында және халықаралық ұйымдарда платформаға қатысушылардың ортақ мүдделерін білдіру.".
