Еуразиялық экономикалық одақтың Кеден кодексінің 105-бабының 5-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының 2023 жылғы 30 мамырдағы № 74 шешімімен бекітілген транзиттік декларацияның құрылымы мен форматының 10-кестесіне өзгерістер енгізілсін.
2. Осы Шешім ол ресми жарияланған күннен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
| Еуразиялық экономикалық комиссия Алқасының 2023 жылғы 18 шілдедегі № 105 шешіміне ҚОСЫМША |
Транзиттік декларацияның құрылымы мен форматының 10-кестесіне енгізілетін ӨЗГЕРІСТЕР
21.12.2-позицияда:
а) 6-графада "KZ" елдің коды алып тасталсын;
б) толықтырылсын:
4-графада – "B.048.00562" ереже кодымен;
5-графада – "2" ереже түрімен;
6-графада – "KZ" елдің кодымен;
7-графада – мынадай мазмұндағы ереже сипаттамасымен:
"егер "Транзиттік декларацияда декларацияланатын тауарлардың тағайындалған коды (casdo: Transit Feature Code)" деректемесі мына мәндердің 1-ін қамтитын: "ХПЖ", "ӘЧ" немесе "Тауарларды өткізу түрінің коды (casdo: Transit Procedure Code)" деректемесі "ТР" мәнін қамтитын, "Көлік құралы (cacdo: Transport Means Item Details)" деректемесі данасының құрамындағы "Көлік түрінің коды (csdo: Unified Transport Mode Code)" деректемесі "40" мәнін қамтитын, "Тауардың тыйымдар мен шектеулер қолданудан азат болуы белгісі (casdo: Goods Prohibition Free Code)" деректемесі "С" мәнін қамтитын және "Кеден органы және межелі пункт (cacdo: Transit Destination Details)" деректемесінің құрамындағы "Кеден органының коды (csdo: Customs Office Code)" деректемесінің мәні "398" мәнінен басталатын болса, онда "Тауардың ЕАЭО СЭҚ ТН бойынша коды (csdo: Commodity Code)" деректемесі толтырылмауы тиіс, олай болмаса "Тауардың ЕАЭО СЭҚ ТН бойынша коды (csdo: Commodity Code)" деректемесі толтырылған болуы тиіс".
