Еуразиялық экономикалық одақта тасымалдарды қадағалау үшін навигациялық пломбаларды қолдану туралы 2022 жылғы 19 сәуірдегі келісімнің 5-бабы 2-тармағының төртінші абзацына сәйкес Еуразиялық экономикалық комиссиясының алқасы шешті:
1. Әрбір бақыланатын тасымалдауға қатысты екі және одан да көп
мүше мемлекеттердің аумақтары бойынша навигациялық пломбаларды (бұдан әрі – тасымалдаулар) пайдалана отырып, бақылау объектілерін тасымалдауды қадағалау үшін қолданылатын Еуразиялық экономикалық одаққа мүше мемлекеттердің (бұдан әрі – мүше мемлекеттер) ұлттық операторларының ақпараттық жүйелерінде мынадай мәліметтер (уақыт туралы мәліметтер 1 миллисекундқа дейінгі дәлдікпен, географиялық координаттар туралы мәліметтер – 1 бұрыштық секундқа дейінгі дәлдікпен көрсетіледі) міндетті есепке алынуға және сақталуға жататыны айқындалсын:
а) тасымалдау туралы мәліметтер:
бірегей тасымалдау нөмірі;
тасымалдауды қадағалаудың басталу және аяқталу күні мен уақыты;
навигациялық пломбаны қолдану туралы шешім қабылдаған мүше мемлекеттің бақылаушы органының атауы (бар болған жағдайда);
навигациялық пломбаны белсендіруге (белсенсіз етуге) рұқсат беру туралы шешім қабылдаған мүше мемлекеттің бақылаушы органының атауы (бар болған жағдайда);
тасымалдау кезінде қолданылатын көлік құралы туралы мәліметтер (тіркеу нөмірі, түрі және тіркелген елі (автомобиль тасымалы үшін));
жүргізушінің байланыс деректері (автомобиль тасымалы үшін), сондай-ақ, егер мүше мемлекеттің заңнамасына сәйкес байланыс деректерін есепке алу және сақтау үшін осындай келісім талап етілсе, дербес деректерді өңдеуге келісім туралы мәліметтер;
тасымалдаушы туралы мәліметтер (атауы, тіркелген елі, мүше мемлекеттің салық органында есепке қою кезінде берілетін нөмір (бар болған жағдайда), байланыс деректері), сондай-ақ, егер мүше мемлекеттің заңнамасына сәйкес байланыс деректерін есепке алу және сақтау үшін осындай келісім талап етілсе, дербес деректерді өңдеуге келісім туралы мәліметтер;
бағыты (ол белгіленген жағдайда);
б) тасымалдауды қадағалау кезінде қолданылатын әрбір навигациялық пломба туралы мәліметтер:
навигациялық пломбаның бірегей сәйкестендіру нөмірі;
мүше мемлекеттің ұлттық операторының ақпараттық жүйесінде пломбаны бақылауға қою және бақылаудан алу күні мен уақыты;
пломбалау элементінің тұйықталу және ажырату күні мен уақыты;
бақылау объектісін қадағалауды тоқтатпай навигациялық пломбаны алу күні мен уақыты;
оқыс жағдайдың туындау және (немесе) навигациялық пломбамен рұқсат етілмеген әрекетті жүзеге асыру күні мен уақыты;
в) Еуразиялық экономикалық одақта тасымалдарды қадағалау үшін навигациялық пломбаларды қолдану туралы 2022 жылғы 19 сәуірдегі келісімнің 5-бабы 2-тармағының төртінші абзацына сәйкес навигациялық пломбадан ақпарат алу күні мен уақыты туралы мәліметтер.
2. Анықтау:
а) осы шешімнің 1-тармағында көрсетілген мәліметтер тасымалдауды қадағалауды жүзеге асыратын мүше мемлекеттің ұлттық операторының ақпараттық жүйесінде, сондай- ақ тасымалдауды қадағалауды жүзеге асыратын мүше мемлекеттің ұлттық операторынан тасымалдау туралы мәліметтер алған мүше мемлекеттердің ұлттық операторларының ақпараттық жүйелерінде есепке алынуға және сақталуға тиіс;
б) осы шешімнің 1-тармағының "в" тармақшасында көрсетілгендер навигациялық пломба тіркелген мүше мемлекеттің ұлттық операторының ақпараттық жүйесінде есепке алынуға және сақталуға тиіс.
3. Осы шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссиясы алқасының төрағасы |
М. Мясникович |
