Қазақстан Республикасының аумағында техногендік және табиғи сипаттағы төтенше жағдайлардың алдын алу, халықтың қауіпсіздігін қамтамасыз ету мақсатында қаулы етемін:
1. Қазақстан Республикасының Төтенше жағдайлар жөніндегі агенттігі, Қазақстан Республикасының Ауыл шаруашылығы министрлігі, облыстардың, Астана және Алматы қалаларының әкімдері:
су көздерін реттеу, олардағы судың қауіпсіз деңгейін ұстап тұру, гидротехникалық құрылыстардың орнықтылығын арттыру, су тасқынына қарсы және жағалауларды бекіту жұмыстарын дер кезінде жүргізу жөнінде қажетті шаралар қолдансын;
сел жағдайы мен селден қорғау құрылыстарының жай-күйіне тұрақты бақылау орнатсын, аса қысқа мерзімде қар көшкіні мен жер көшкіні туындауы ықтимал қауіпті учаскелерге зерттеу жүргізсін, уақытылы және толық көлемде тиісті алдын алу іс-шараларын жүзеге асырсын.
2. Қазақстан Республикасының Индустрия және сауда министрлігі облыстардың, Астана және Алматы қалаларының әкімдерімен бірлесіп:
үйлер мен ғимараттарды жобалау мен тұрғызудың сапасына, оларды пайдаланудың белгіленген ережелерінің сақталуына бақылауды қатайтсын;
2004 жылғы 1 шілдеге дейін мектептердің, бала бақшалардың, мәдениет үйлерінің, кинотеатрлар мен адамдар жаппай жиналатын басқа да объектілердің, көп қабатты тұрғын үйлердің апатсыз жұмыс істеуін қамтамасыз ету мақсатында олардың техникалық жай-күйіне тексеруді жүзеге асырсын.
3. Қазақстан Республикасының Үкіметі:
2004 жылдың аяғына дейін Төтенше жағдайлардың алдын алу және жою жөніндегі мемлекеттік бағдарламаны әзірлеп, бекітуге енгізсін;
2004-2005 жылдар ішінде Қазақстан Республикасының Төтенше жағдайлар жөніндегі агенттігі қызметтерінің материалдық-техникалық базасын нығайту мәселелерін шешсін;
ұлттық парктердің, қорықтар мен қорықшалардың аумақтарында, су қорғау аймақтарында, көшкін қаупі бар учаскелерде, туризм инфрақұрылымын дамыту мақсатындағы құрылыстарды қоспағанда, қандай да бір объектілер тұрғызуға тыйым салсын;
жер бөліп беру мен құрылыстардың заңдылығын анықтау үшін осы учаскелерде тұрғызылған объектілерге 2004 жылғы 1 шілдеге дейін тексеру жүргізсін.
4. Осы өкімнің орындалуын бақылау Қазақстан Республикасы Президентінің Әкімшілігіне жүктелсін.
Қазақстан Республикасының
Президенті
