Қазақстан Республикасының Үкiметi қаулы етеді:
1. "Шет елдермен ынтымақтастық жөнiндегi бiрлескен үкiметаралық комиссиялардың жұмысын жандандыру туралы" Қазақстан Республикасы Үкiметiнiң 1998 жылғы 19 наурыздағы N 231 P990231_ қаулысына (Қазақстан Республикасының ПYКЖ-ы, 1998 ж., N 8, 56-құжат) мынадай өзгерiстер енгiзiлсiн:
көрсетiлген қаулыға қосымшада:
Шет елдермен ынтымақтастық жөнiндегi бiрлескен үкiметаралық комиссиялардың тең төрағаларының қазақстандық бөлiгi құрамына мыналар:
Сауда-экономикалық және ғылыми-техникалық ынтымақтастық жөнiндегi қазақстан-қытай үкiметаралық комиссиясына, Сауда-экономикалық, ғылыми-техникалық және мәдени ынтымақтастық жөнiндегi қазақстан-иран үкiметаралық комиссиясына - Қазақстан Республикасының Көлiк және коммуникациялар министрi Мәсiмов Кәрiм Қажымқанұлы;
Сауда-экономикалық байланыстар және ғылыми-техникалық ынтымақтастық жөнiндегi қазақстан-болгар комиссиясына - Қазақстан Республикасының Еңбек және халықты әлеуметтiк қорғау министрi Бәйменов Әлихан Мұхамедияұлы;
Шекара маңындағы ынтымақтастық жөнiндегi қазақстан-ресей шағын комиссиясына - Қазақстан Республикасының Энергетика, индустрия және сауда вице-министрi Нефедов Петр Петрович;
Сауда-экономикалық ынтымақтастық жөнiндегi қазақстан-палестина комиссиясына және Қазақстан-ливия бiрлескен үкiметаралық комиссиясына - Қазақстан Республикасының Қаржы министрлiгi Мемлекеттiк қарыз алу департаментiнiң директоры Дунаев Арман Ғалиасқарұлы енгiзiлсiн.
Көрсетiлген құрамдардан Серiк Мiнәуарұлы Бүркiтбаев, Николай
Владимирович Радостовец, Әнуар Ғалимоллаұлы Сәйденов және Есберген
Әбiтайұлы Әбiтаев шығарылсын.
2. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Мамандар:
Қобдалиева Н.М.
Орынбекова Д.Н.
