Қазақстан Республикасының Үкiметi қаулы етеді:
"Қазақстан Республикасы мен Еуропа Қайта Құру және Даму Банкi арасындағы "Автожол саласын қайта құрылымдау (Атырау - Ақтау)" жобасы бойынша Қарыз туралы келiсiмдi бекiту туралы" Қазақстан Республикасы Заңының жобасы Қазақстан Республикасының Парламентi Мәжілісiнiң қарауына енгiзiлсiн.
Қазақстан Республикасының
Премьер-Министрі
Жоба
Қазақстан Республикасының Заңы
Қазақстан Республикасы мен Еуропа Қайта Құру
және Даму Банкi арасындағы "Автожол саласын
қайта құрылымдау (Атырау-Ақтау)" жобасы бойынша
Қарыз туралы келiсiмдi бекiту туралы
2003 жылғы 6 желтоқсанда Алматыда жасалған Қазақстан Республикасы мен Еуропа Қайта Құру және Даму Банкi арасындағы "Автожол саласын қайта құрылымдау (Атырау - Ақтау)" жобасы бойынша Қарыз туралы келiсiм бекiтiлсiн.
Қазақстан Республикасының
Президентi
(Қол қойылатын данасы)
(N 21582 операциясы)
Қазақстан Республикасы
мен
Еуропа Қайта Құру және Даму Банкi
арасындағы
Қарыз туралы келiсiм
Автожол саласын қайта құрылымдау
(Атырау-Ақтау)
2003 жылғы 6 желтоқсан
Қарыз туралы келісім
Қазақстан Республикасы ("Қарыз алушы") мен Еуропа Қайта Құру және Даму Банкi ("Банк") арасындағы 2003 жылғы 6 желтоқсандағы Келісім.
Кіріспе
Банк көп партиялы демократия, плюрализм және рыноктық экономика қағидаттарының негiзiнде және оларды қолдана отырып, Орталық және Шығыс Еуропа елдерiнде ашық рыноктық экономикаға көшуге және жеке және кәсiпкерлiк бастаманы дамытуға жәрдемдесетiн нақты жобаларды қаржыландыру үшiн Құрылғандықтан;
Қарыз алушы Атырау-Ақтау жолдарын қайта құруда Қарыз алушыға көмек көрсету және жол саласын қайта құрылымдауды қолдау үшiн әзiрленген 1-қосымшаға сәйкес Жобаны iске асыруға ниет етiп отырғандықтан;
Жобаны Көлiк және коммуникациялар министрлiгi жүзеге асыратындықтан;
Қарыз алушы Банкке Жобаның бiр бөлiгiн қаржыландыруға жәрдемдесуге көмектесу туралы өтiнiш Жасағандықтан;
Банк Жобаның С Бөлiгiн iске асыруға жәрдем көрсету үшiн өтеусiз негiзде техникалық ынтымақтастық қаражатын тартуға күш салатын Болғандықтан; және
Банк басқа жәйiттермен бiрге жоғарыда сөз болғандар негiзiнде осы Келiсiмде баяндалған немесе айтылған ережелерге және шарттарға сәйкес Жобаның А Бөлiгi мен В Бөлiгiнiң үлестерiн қаржыландыруға көмек көрсету үшiн жүз он тоғыз миллион екi жүз мың доллар (119 200 000 АҚШ доллары) мөлшерiнде қарызды Қарыз алушыға беруге Келіскендіктен
Тараптар осымен мыналар туралы уағдаласты:
I бап - Стандарттық ережелер мен шарттар;
Анықтамалар
1.01-бөлiм. Стандарттық ережелер мен шарттарды енгiзу
Банктiң 1999 жылғы ақпандағы Стандарттық ережелерi мен шарттарының барлық ережелерi осы бойынша осы Келiсiмге енгiзiледi және оған қолданылады және егер олар осы құжатта қалай толығымен баяндалғандағыдай сияқты осындай күшi болады және қолданысқа ие (бұдан әрi осындай ережелер "Стандарттық ережелер мен шарттар" деп аталады).
1.02-бөлiм. Анықтамалар
Кiрiспеде анықталған және осы Келiсiмнiң кез-келген жерiнде пайдаланылатын терминдер (Кiрiспе мен Қосымшаларды қоса алғанда), егер оларды өзгеше түсiндiру жеке келiсiлмесе немесе контекст бойынша талап етiлсе, ондағы тиiсiнше анықталған мағынаға ие болады; Стандарттық ережелер мен шарттарда анықталған терминдер ондағы тиiсiнше сипатталған мағынаға ие болады, ал төменде келтiрiлген терминдер мынадай мағынаға ие:
"Қарыз алушының уәкiлеттi Қарыз алушының Қаржы министрiн
өкiлi" бiлдiредi.
"Доллар" немесе "$" Америка Құрама Штаттарының заңды
валютасын білдiредi.
"ЕҚДБ экологиялық дүркiн-дүркiн Банк өзгертiп тұратын
рәсiмдерi" Банктiң "Экологиялық рәсiмдерiн"
бiлдiредi.
"Экологиялық талдау" "Автожол саласын дамыту бағдарламасын
әзiрлеудi қолдау" бөлiгi ретiнде
Банктiң техникалық ынтымақтастық
жасауымен Қарыз алушы дайындаған және
2003 жылғы ақпандағы "Атырау-Ақтау
жолы әлеуметтiк-экологиялық ықпалын
талдау туралы түпкiлiктi есеп"
атауымен есепте ұсынылған экологиялық
бағалауды және жоспарды бiлдiредi.
"Орындаушы агенттiк" Автомобиль жолдары және
инфрақұрылымдық кешен құрылысы
комитетi өкiлi болып табылатын Қарыз
алушының Көлiк және коммуникациялар
министрлiгiн бiлдiредi.
"Анықтамалық парақ" "Moneyline Telerate 3750 парағы ретiнде
белгiленген қарыз валютасындағы негiзгi
банктердiң лондондық банкаралық
депозиттер бойынша ұсыным ставкасын
көрсетудi бiлдiредi (немесе осы сияқты
парақ, ол қарыз валютасындағы,
лондондық банкаралық депозиттер
бойынша ұсыным ставкаларын көрсету
мақсатында Moneyline Telerate 3750
парағын ауыстыруы мүмкiн).
"Арнаулы шот" 2.03-бөлiмде және 3-қосымшада
көрсетiлген арнаулы депозиттiк шотты
бiлдiредi.
"Дүниежүзiлiк банк" Халықаралық қайта құру және даму
банкiн құру туралы келiсiмге сәйкес
1945 жылы 1 мамырда құрылған
Халықаралық қайта құру және даму
банкiн бiлдiредi.
1.03-бөлiм. Түсiндiру
Көрсетiлген Бапқа, Бөлiмге немесе Қосымшаға сiлтеме, осы Қосымшада жеке көрсетiлген жағдайларды қоспағанда, осы Келiсiмнiң осы көрсетiлген Бабына немесе Бөлiмiне немесе Қосымшасына сiлтеме ретiнде түсiндiрiледi.
II бап - Қарыздың негізгі шарттары
2.01-бөлiм. Қарыздың сомасы мен валютасы
Банк осы Келiсiмде сөз болған немесе айтылған ережелер мен шарттарға сәйкес қарызды бiр жүз он тоғыз миллион екi жүз мың доллары ($119200000) мөлшерiндегi қарызды Қарыз алушыға беруге келiседi.
2.02-бөлiм. Қарыздың өзге де қаржылық шарттары
(а) Қарызды iрiктеудiң ең аз сомасы жүз мың долларды ($100 000) құрайды.
(b) Мерзiмiнен бұрын өтеудiң ең аз сомасы бес миллион долларды ($5 000 000) құрайды.
(с) Жойылатын ең аз сома бес миллион долларды ($5 000 000) құрайды.
(d) Проценттердi төлеу күнi әрбiр жылдың 28 тамызына және 28 ақпанға белгiленедi.
(е) Қарыз алушы төменде келтiрiлген мерзiмдерде және мөлшерде Қарыздың негiзгi сомасын өтейдi:
Қарызды өтеу күнi Төлеуге берiлетiн сома
2007 28 ақпан 4 966 666
2007 28 тамыз 4 966 666
2008 28 ақпан 4 966 666
2008 28 тамыз 4 966 666
2009 28 ақпан 4 966 666
2009 28 тамыз 4 966 666
2010 28 ақпан 4 966 666
2010 28 тамыз 4 966 666
2011 28 ақпан 4 966 666
2011 28 тамыз 4 966 666
2012 28 ақпан 4 966 666
2012 28 тамыз 4 966 666
2013 28 ақпан 4 966 666
2013 28 тамыз 4 966 666
2014 28 ақпан 4 966 666
2014 28 тамыз 4 966 666
2015 28 ақпан 4 966 666
2015 28 тамыз 4 966 666
2016 28 ақпан 4 966 666
2016 28 тамыз 4 966 666
2017 28 ақпан 4 966 666
2017 28 тамыз 4 966 666
2018 28 ақпан 4 966 666
2018 28 тамыз 4 966 682
(f) соңғы беру күнi 2007 жылғы 31 желтоқсан болып табылады.
(g) резервте сақтағаны үшiн комиссия ставкасы жылына 0,5%-тi құрайды.
(h) Проценттiк ставка
Қарыз өзгермелi ставкамен процентпен берiледi, ол "Стандарттық ережелер мен шарттарда" маржа мен тиiстi рынокта проценттiк ставкалар сомасы ретiнде анықталады. Стандарттық ережелер мен шарттардың 3.04 (b) бөлiмiнiң мақсаттары үшiн тиiсті рыноктық ставка қарыздың валютадағы депозиттерiне ұсынылып отырған жылдық ставка болып табылады, бұл тиiстi проценттiк кезеңнiң ұзақтығы бойынша жақын (немесе егер қос кезең тиiстi екi проценттiк ставкалардың орташа көлемiне тиiстi Проценттiк кезеңнiң ұзақтығы бойынша бiрдей жақындайды) кезеңге проценттiк ставканы анықтаудың тиiстi күнi Лондон уақытының таңертеңгi 1:00-дегi жағдай бойынша мынадай шарттарда Анықтамалық парақта көрсетiледi:
(А) егер қандай да болмасын себеппен Тиiстi рыноктық проценттiк ставка Анықтамалық параққа қатысты берiлген уақытта анықталмаса, онда Тиiстi рыноктық проценттiк ставка қарыздың валютадағы депозиттерi бойынша ұсынылатын жылдық проценттiк ставкалардың Банк орташа арифметикасы ретiнде анықтайтын (қажет болған кезде 1/16%-ға дейiн жақын көп жағына дөңгелектей отырып) Қарыздың валютадағы депозиттерi бойынша мөлшерi Банкке Лондондық банкаралық рынокта әрекет ететiндердiң арасынан Банк таңдап алған үш негiзгi банк ұсынатын проценттiк кезеңге тең мерзiмге проценттiк кезеңге сәйкес келетiн кезеңге өтелмей қалған ретiнде жоспарланған Қарыздың сол бөлiгiмен пара-пар болады; және
(В) Егер Банк қарыз валютасындағы депозиттер Лондондық банкаралық рынокта сол мөлшерлерде немесе сол мерзiмдерге ұсынылмайды деп анықтаса, онда Тиiстi рыноктық проценттiк ставка тиiстi Проценттiк кезең аралығында өтелмеген болып қала беретiн Қарыздың сол бөлiгiн қаржыландыру жөнiнде Банктiң таңдауы бойынша оның шығыстары (жылдық проценттiк ставка ретiнде көрсетiлген) болып табылады.
2.03-бөлiм. Қарызды iрiктеу және арнайы шот
(а) берiлген сома дүркiн-дүркiн 2-қосымшаға сәйкес (1) Жоба үшiн талап етiлетiн орынды баға қойылғаны тауарларға, жұмыстарға және қызметтерге қатысты жүргiзiлген шығындарды жабу үшiн (немесе алда жүргiзетiн Банктiң келiсiмiмен) және (2) бiржолғы комиссияны өтеу үшiн пайдаланылуы мүмкін.
(b) Қарыз алушы осы бойынша Банкке Қарыз алушының атынан берiлген сомадан, бiржолғы комиссияға тең сомадан пайдалануға және өз-өзiне бiржолғы комиссия төлеуге өкiлеттiк бередi.
(c) Жобаның мақсатында Қарыз алушы шегерiмнен, тәркiлеуден және тыйым салудан тиiстi қорғауды қоса алғанда, Банк үшiн қанағаттандырарлық болып табылатын ережелер мен шарттарға сәйкес Банк үшiн коммерциялық банкте қолайлы Қарыз валютасында арнайы депозиттiк шот ашады және оны қамтиды. Егер Қарыз алушы қарыз іріктеудi соманы кейiннен Арнайы шотта орналастыра отырып жүзеге асыруды және одан төлемдер есептеудi қаласа (2.03 (а) бөлiмге сәйкес iрiктеудiң орнына), онда осындай iрiктеу 3-қосымшаның ережелерiне сәйкес жүзеге асырылуы тиiс.
2.04-бөлiм. Қарызды іріктеу жөніндегі уәкілетті өкiл
Қарыз алушының Қаржы министрi осы Келiсiмнiң 2.03 (а) бөлiмiнiң ережелерiне сәйкес және Стандарттық ережелер мен шарттардың 3.01 және 3.02-бөлiмiнiң ережелерiне сәйкес талап етiлетiн немесе рұқсат етiлген кез келген iс-әрекеттердi қолдану үшiн Қарыз алушының уәкiлеттi өкiлi болып табылады.
III Бап - Жобаны орындау
3.01-бөлiм. Жоба бойынша басқа да мiндеттемелер
Стандарттық ережелер мен шарттардың IV-бабында айтылған жалпы мiндеттемелерге толықтыру ретiнде Қарыз алушы, егер Банк өзгеге келiспесе:
(а) Жобаны аяқтау үшiн қажеттi қаражатты қамтамасыз ету үшiн қажеттi барлық шараларды қабылдауға және мерзiмi келген немесе қажет болған кезде Жоба бойынша шығыстардағы өз үлесiн төлеуге;
(b) Қазақстан Республикасының әрбiр тиiстi жылға арналған бюджетiнiң жобасы осы Келiсiмге қол қойылғаннан кейiн және берудiң Соңы күнi басталғанға дейiн жалпы сомасы кемiнде 150 млн. АҚШ долларында ұлттық және ұлттық көлiк автожолдарын ұстау мен оңалтуды жыл сайынғы қаржыландыруын көздеуiн қамтамасыз етуге;
(с) Банктiң ұсынымын назарға ала отырып, автожол саласын дамытудың жаңа орта мерзiмдi бағдарламасының жобасын әзiрлеуге және оны қабылдауды 2005 жылғы 31 желтоқсаннан кешiктiрмей қамтамасыз етуге;
(d) Атқарушы агенттiкке: (i) жол жамылғысы жағдайы туралы ақпараттың тиiстi деңгейiн, сондай-ақ жолдарды ұстауға арналған шығыстарды оңтайландырудың тиiстi аспаптарын қамтамасыз ететiн Қарыз алушының жол желiсi үшiн жол жамылғысын басқару жүйесiн әзiрлеудi және iске асыруды; және (іі) 2005 жылғы 30 маусымнан кешiктiрмей банк үшiн қанағаттандырарлық жол жамылғысын басқару жүйесiн енгiзу прогресiн көрсететiн есеп берудi тапсыруға;
(e) Атқарушы агенттiкке 2005 жылғы желтоқсаннан кешiктiрмей мiндеттемелердiң қайталануы мен тендерлiк негiзде кезеңдi жөндеуге және жолдарды ұстауға арналған барлық жасасқан келiсiм-шарттардың қайталануын болдырмау мәселесiн қоса алғанда, автожол саласындағы қайта құрылымдануды iске асыруда Банк үшiн қанағаттандырарлық прогрестi көрсететiн есеп берудi тапсыруға;
(f) 2005 жылғы 1 ақпанға дейiн жолдарды пайдаланушылар есебiнен шығындардың өтелуiн арттыру туралы Банк үшiн қанағаттандырарлық, атап айтқанда: (i) ауыр жүктi көлiк құралдары үшiн төленетiн алымдар ставкасын арттыруды; және (іі) оның нәтижесiнде алымдардың құрылымы көлiк құралдарының әрбiр класымен келтiрiлетiн залалмен тығыз байланысты болатын алымдардың құрылымын өзгертудi өзiне қамтитын ұсыныстарды iске асыруға мiндеттi.
3.02-бөлiм. Жобаны iске асыру
Қарыз алушы Атқарушы агенттiк арқылы Жоба бойынша тауарларды, жұмыстарды және қызметтердi сатып алуды қоса алғанда, Жобаны iске асырудың барлық аспектiлерiнiң мониторингi мен оны бағалауды үйлестiру, басқару мақсатында барлық тиiстi шараларды қабылдайды және атап айтқанда, осы мақсаттар үшiн тиiстi ресурстар мен қолайлы бiлiктi персонал бөледi.
3.03-бөлiм. Сатып алулар
Стандарттық ережелер мен шарттардың 4.03-бөлiмiнiң мақсаттары үшiн мынадай ережелер, егер Банк банк өзге келiспесе Жоба үшiн талап етiлетiн және Қарыз қаражаты есебiнен қаржыландыруға жататын тауарларды, жұмыстарды және қызметтердi сатып алуды реттейдi:
(а) тауарлар, жұмыстар мен қызметтер (3.03 (с)-бөлiмге қосылған консультанттардың қызметтерiн қоспағанда) ашық тендер арқылы сатылып алынады;
(b) 0.03 (а)-бөлiмнiң мақсаттары үшiн ашық тендер өткiзу рәсiмдерi және жергiлiктi бәсекелестiк тендер рәсiмдерiнiң стандарттары ЕҚДБ тауарлар мен қызметтердi сатып алу ережесiнiң 3-тарауында айтылған;
(с) Қарыз алушы Жобаны iске асыруға ықпал ету үшiн тартқан консультанттар ЕҚДБ тауарлар мен қызметтердi сатып алу ережесiнiң 5-тарауында айтылған рәсiмдерге сәйкес iрiктеледi;
(d) барлық мердiгерлiктер ЕҚДБ тауарлар мен қызметтердi сатып алу ережесiнiң қосымшасында айтылған қарау рәсiмдерiне жатады. Банк жазбаша нысанда өзге туралы Қарыз алушыға жазбаша нысанда хабарлаған уақытқа дейiн барлық келiсiм-шарттар алдын-ала қарауға жатады.
3.04-бөлiм. Экологиялық мiндеттемелер
Стандарттық ережелер мен шарттардың 4.02 (а), 4.04 (а) (ііі) және 5.02 (с) (iii) бөлiмдерiнiң жалпы қабылдайтын сипаттағы залалдарсыз, егер Банк өзгеге келiспесе:
(а) Жобаның орналасқан орнындағы юрисдикциясында дүркiн-дүркiн күшiне енетiн экологиялық ережелер мен нормаларға және осы күнге Еуропалық одақта бар экологиялық нормаларға (немесе Еуропалық одақта осындай нормалар қолданылмайтын болса айтылған Дүниежүзiлiк банктiң экологиялық нұсқамасында қолданылатын нормалар) сәйкес Жобаны жүзеге асыруға; және
(b) жобаның объектiлерiн жобалауға қоршаған ортаны қорғау мен қауiпсiздiгiнiң тиiстi шараларын енгiзудi қамтамасыз етуге және одан кейiн Жоба үшiн дайындалған экологиялық талдаудың нұсқауларына және ЕҚДБ экологиялық рәсiмдерiне сәйкес жоба объектiлерiн салуға, пайдалануға және жөндеуге мiндеттенедi.
3.05-бөлiм. Консультанттар
(а) Жобаны iске асыруға жәрдем көрсету үшiн Қарыз алушы, егер Банкпен өзгеше келiсiлмесе, қажет болған кезде құрылыс жұмыстарының мердiгерлiгiне инженерлiк қадағалауды жүзеге асыру үшiн қажеттi консультанттарды қоса алғанда, бiлiктiлiгi және тәжiрибесi, сондай-ақ техникалық тапсырмасы Банк үшiн қолайлы болып табылатын консультанттарды және қажет болған кезде Жобаның мақсаттарына қол жеткiзу үшiн Жобаны iске асыруға жәрдем көрсету үшiн консультанттарды тартады немесе тарту мен пайдалануды қамтамасыз етедi; және
(b) Қарыз алушы Жобаға қатысты мәселелерге немесе Қарыз алушының операцияларына жәрдемдесу үшiн тартылған барлық консультанттарды олар функцияларын орындау үшiн қажеттi құралдармен және қолдаумен, оның iшiнде қызметтiк үй-жаймен, барлық құжаттамамен, материалдармен және олардың жұмысына қатысы бар басқа да ақпаратпен тегiн қамтамасыз етедi.
3.06-бөлiм. Есептiлiктi беру кезеңдiлiгi және оның талаптары
(а) Қарызды толық төлегенге немесе күшiн жойғанға дейiн Қарыз алушы Банкке есептi кезең аяқталғаннан кейiн 90 күннен кешiктiрмей Жобаға қатысы бар экологиялық мәселелер бойынша жыл сайынғы есептi ұсынады. Осындай есептер мынадай нақты мәселелер туралы ақпаратты қамтиды:
(1) Жобаның орналасқан орнындағы юрисдикцияда дүркiн-дүркiн күшiне енетiн экологиялық ережелер мен нормаларды, экологиялық органдар жүргiзген кез келген инспекциялардың нәтижелерi, осындай экологиялық ережелер мен нормалардың кез келген жөнсiздiктерi және тарату жөнiндегi олармен байланысты iс-шаралар және қандай да болмасын осындай жөнсiздiктер үшiн салынған кез келген айыппұлдар туралы Жоба үшiн қажеттi қандай да болмасын экологиялық рұқсаттардың жағдайын қоса алғанда осы күнге Еуропалық одақта бар экологиялық нормаларды (немесе егер осындай нормалар Еуропалық одақта болмаған жағдайда, айтылған Дүниежүзiлiк банктiң экологиялық нұсқауында қолданылатын нормалар) сақтау туралы ақпаратты;
(2) жоба үшiн дайындалған экологиялық сараптаманың нұсқамаларына, ЕҚДБ Экологиялық рәсiмдерге сәйкес қабылданған шаралар; және
(3) экологиялық органдарға Жобаға қатысты берiлген экологиялық мәселелер бойынша кез келген маңызы бар хабарламалардың, есептердiң және басқа да хабарлаулардың жиынтығы.
(b) Қарыз алушы Жоба аяқталғанға дейiн есептi кезең аяқталғаннан кейiн 90 күннен кешiктiрмей жарты жылдық негiзде Стандарттық ережелер мен шарттардың 4.04 (а) (iv) бөлiмiнде көрсетiлген Жобаның орындалуы туралы кезеңдi есептердi бередi. Осындай есептер мынадай нақты деректердi қамтиды:
(1) Жалпы ақпарат:
(А) есептi жасау күнiне және есептi кезең iшiнде Жобаны iске асыру кезiнде қол жеткiзiлген табиғи прогресс;
(В) Жобаны iске асырудағы iс жүзiнде немесе күтiлетiн қиындықтан немесе шығындар мен олардың iске асыру кестесiне ықпал етуi және қиындықтарды жою мен шығындарды болдырмау үшiн қабылданған немесе жоспарланатын iс жүзiндегi шаралар;
(С) Жобаны аяқтау күнiнде күтiлетiн өзгерiстер;
(D) Жобаға байланысты персоналдың негiзгi құрамын өзгерту;
(Е) Жобаның құнына әсер етуi мүмкiн мәселелер; және
(F) Жобаның қандай да болмасын экономикалық жүзеге асырылуына әсер ету мүмкiндiгi бар кез келген оқиғалар немесе қызмет.
(2) Жобаның әрбiр Бөлiгiнiң шеңберiнде келтiрiлген шығындары егжей-тегжейленген қаржылық есептiлiк және есеппен бiрге қарызды iрiктеу, олар мыналарды көрсетедi:
(А) бастапқы сметалық құн;
(В) өзгерту себептерi көрсетiле отырып, осындай болған кезде қайта қаралған сметалық құн;
С) бастапқы ұйғарылатын шығыстар мен осы күнге iс жүзiндегi шығыстар;
(D) осы күнге iс жүзiндегi шығыстардың осы күнге бастапқы шығыстар сметасынан ауытқу себептерi;
(Е) жылдың басқа тоқсанына арналған ұйғарылатын шығыстар.
(с) қоршаған ортаға, денсаулығына немесе қауiпсiздiгiне елеулi терiс әсерi болуы мүмкiн Жобаға байланысты оқыс оқиға немесе жазатайым жағдай туындағаннан кейiн тез арада Қарыз алушы осындай оқыс оқиға немесе жазатайым жағдай сипатын және оларды жою үшiн Қарыз алушы немесе Атқарушы агенттiк қабылдайтын кез келген қадамдарды көрсете отырып бұл туралы Банктi факспен хабардар етедi. Егер қандай-да бiр қолданылатын заң мемлекеттiк органды осындай оқыс оқиға немесе жазатайым жағдай туралы хабардар етудi талап етсе, осындай оқыс оқиға немесе жазатайым жағдай қаза табуға немесе ауруханаға жатқызуды талап ететiн көптеген қауiптi ауыр жарақаттарға әкеп соқтырса немесе осындай оқыс оқиға немесе жазатайым жағдай жұртшылыққа бұқаралық ақпарат құралдары немесе өзге жолмен белгiлi болса, жоғарыда айтылғанның жалпы қолданылатын сипатына залалсыз оқыс оқиға немесе жазатайым жағдай қоршаған ортаға, денсаулық пен қауiпсiздiкке елеулi терiс әсер етуi мүмкiн.
IV бап - Қаржылық міндеттемелер
4.01-бөлiм. Қаржылық есеп пен есептiлiк
(а) Қарыз алушы:
(1) дәйектi қолданылатын халықаралық бухгалтерлiк есеп нормаларына сәйкес көрсету үшiн жеткiлiктi рәсiмдер қолдануға, есеп пен шоттар жүргiзуге, жобаға қатысы бар операциялар, ресурстар мен шығындар, жобаның мониторингi мен дамуын есепке алу үшiн (ол бойынша шығыстарды және оның есебiнен алынатын пайданы қоса алғанда);
(2) 4. 01 (а) Бөлiмiнде көрсетiлген арнайы шотты қоса алғанда халықаралық аудит қағидаттары мен нормаларына сәйкес банк үшiн қолайлы тәуелсiз аудиторлардың әрбiр қаржы жылы үшiн есеп пен шоттардың аудитiн ұйымдастыруға;
(3) Банкке дайын болуына қарай, бiрақ қалай болғанда да әрбiр қаржы жылы аяқталғаннан кейiн алты айдан кешiктiрмей Банк негiздi түрде сұрататын көлемде және егжей-тегжейлi тәптiштей осындай аудиторлар өткiзген аудит туралы есептi Банкке беруге;
(4) Банкке осындай есептiлiк пен шоттарды қамтитын өзге ақпаратты және Банк мерзiмдi сұратуы мүмкiн аудиттi беруге мiндеттенедi.
V бап - Тоқтатып қою, жылдамдату, күшін жою
5.01-бөлiм. Тоқтатып қою
Мына төмендегi 7.01. (а) (xiv) Бөлiмiнiң мақсаттары үшiн Стандарттық ережелер мен шарттар келiсiлдi.
(а) Жобаның аясында жасалған немесе қайта жаңартылған активтерге меншiк құқығы Қарыз алушы болып табылмайтын тарапқа берiлдi.
VI бап - Күшіне енуі
6.01-бөлім. Күшіне ену шарттары
Мынадай шарттар осы Келiсiм күшiне ену үшiн қосымша шарттар ретiнде Стандарттық ережелер мен шарттардың 9.02 (с) бөлiмiнiң мақсаттары үшiн айтылады.
(а) Атқарушы агенттiк мiндеттердiң қосарлануын жою және тендерлiк негiзде жолдарды мерзiмдi жөндеу мен ұстауға арналған барлық келiсiм-шарттар жасасу мәселелерiн қоса алғанда автожол саласын қайта құрылымдау туралы нысаны мен мазмұны бойынша Банк үшiн қанағаттанарлық жоспар мен кестенi бередi;
(b) Банкке нысаны мен мазмұны бойынша Банктi қанағаттандыратын, 2004 жылы контрагенттің Жобаға жеткiлiктi бюджет қаржысын бөлуге қаражаты бар екендiгiн растайтын дәлел ұсынылады.
6.02-бөлiм. Заң қорытындысы
(а) Стандарттық ережелер мен шарттардың 9.03 (а) бөлiмiнiң мақсаттары үшiн заң консультантының қорытындысы немесе қорытындыларын Қарыз алушының атынан Әдiлет министрi бередi және мыналар Банкке берiлетiн қорытындыға немесе қорытындыларға енгiзуге жататын қосымша мәселелер ретiнде келiсiледi.
(1) Келiсiмдi Қарыз алушының Парламентi бекiтуi тиiс.
6.03-бөлiм. Күшiне енбеуіне байланысты Келiсiмнiң
қолданылуын тоқтату
Осы Келiсiмге қол қойылған күннен кейiн 120 күннен тұратын күн Стандарттық ережелер мен шарттардың 9.04-бөлiмiнiң мақсаттары үшiн келiсiледi.
VII Бап - Әр түрлі
7.01-бөлiм. Хабарлау
Мынадай мекен-жайлар Стандартты ережелер мен шарттардың 10.01-бөлiмiнiң мақсаттары үшiн берiледi:
Қарыз алушы:
Қаржы министрлiгi
473000 Астана
Жеңiс даңғылы, 33
Қаржы министрiнiң назарына
Факс: +3172 717762
Банк:
Еуропа Қайта құру және даму банкi
One Exchange Sguare
Лондон EC2A 2JN
Англия
Операцияларды басқару бөлiмiнiң назарына
Факс: +44-20-7338-6100
Осыған куәландыра отырып тиiсiнше өздерiнiң уәкiлетті өкiлдерi арқылы әрекет ететін тараптар осы Келiсiмге төрт данада қол қойды және жоғарыда көрсетiлген күнi және жылы 2003 жылғы 6 желтоқсанда жеткiздi.
Қазақстан Республикасы
Қолы: ________________________
Аты-жөнi: Ерболат Досаев
Лауазымы: Қаржы министрi
Еуропа Қайта құру және даму банкі
Қолы: ________________________
Аты-жөнi: Жан Лемьер
Лауазымы: Президент
I Қосымша - жобаны сипаттау
1. Жобаның мақсаты Қарыз алушыға Батыс Қазақстанда Атырау-Ақтау жолын қайта жаңартуға көмек көрсетуге және қарыз алушының автожол саласын қаржыландыру мен басқаруды жетiлдiруге жәрдемдесуге негiзделген.
2. Жоба Банкпен және Қарыз алушымен келiсiлген өзгерiстердi мерзiмдi енгiзуге жататын мынадай бөлiмдерден тұрады:
А бөлiмi: Атырау-Ақтау жолын қайта жаңарту
В бөлiмi: Құрылысты қадағалау
С бөлiмi: Консультациялық қызметтер
С-1 Халықаралық нормаларға сәйкес ауыр жүк көлiк құралдарынан алымды қайта құрылымдау жоспарын әзiрлеу үшiн қажеттi консультациялық қызметтер.
С-2 Жол жабындысын басқару жүйесiн жетiлдiру арқылы жолдарды ұстауды басқаруды жетiлдiру үшiн қажеттi консультациялық қызметтер
С-3 Жобаны iске асыру үшiн қажеттi консультациялық қызметтер
3. Жоба шамамен 2007 жылы қарашада аяқталатын болады.
2-Қосымша - қарыздың санаттары және талдау
1. Осы Қосымшаға қоса берiлетiн кестеде Қарыз санаттары, әрбiр Санатқа бөлiнетiн Қарыз сомасы, сондай-ақ осы Санатта қаржыландыруға жататын проценттiк қатынаста шығыстар жазылады.
2. Жоғарыда көрсетiлген параграфтың ережелерiне қарамастан, Қарыз туралы Келiсiмге қол қойылған күнге дейiн шеккен және төленген шығындарға қатысты қарызды таңдап алу жүргiзiлмейдi.
2-қосымшаға Толықтыру
__________________________________________________________________
Санаты | Қарыз валютасында | Қаржыландыруға
| бөлiнетiн Қарыз | жататын шығындар
| сомасы | процентi 1
__________________________________________________________________
(1) Жобаның А бөлiгi 111 500 000 Қосылған құн салығы
бойынша жолды есепке алынбаған
жаңғыртудың бiр бөлiгі келiсiм-шарт құнының
бойынша жұмыстар 85% 2
(2) Жобаның В бөлiгi 5 000 000 Келiсiм-шарт құнының
бойынша құрылысты 50% 2
қадағалау
(3) Күтілмеген 1 508 000
шығыстар
(4) Бiржолғы комиссия 1 192 000
Барлығы 119 200 000
__________________________________________________________________
_____________
1 Қарыз қаражаты қосылған құн салығын және басқа да салықтар мен баждарды қаржыландыру үшiн пайдаланылмайды.
2 Қарыз алушы мен Банк арасындағы жазбаша келiсiм құралымен арту жағына түзетілуi мүмкiн Қарыз алушы қаржыландыруға жататын шығындар проценті
3-Қосымша - арнайы шот
1. Осы Қосымшаның мақсатында мына терминдердiң мынадай мәнi бар:
"Қолайлы санат" - 2-қосымшаға Толықтыруға сәйкес
1 және 2-санаттар.
"Қолайлы шығыстар" - Жобаны iске асыру үшiн қажеттi Қарыз
есебiнен қаржыланатын және 2-қосымшаның
ережелерiне сәйкес Қолайлы санаттарға
мерзiмдi жатқызылатын тауарлардың,
жұмыстардың, қызмет көрсетулердiң
негiздемелi құнын есепке ала отырып
жасалатын шығыстар.
"Арнайы шоттың ең- - бес миллион долларға ($5 000 000)
жоғарғы сальдосы" тең сома.
"Арнайы шоттан iрiктеудiң - екi жүз мың долларға ($200 000) тең
ең жоғарғы сомасы" сома.
2. Арнайы шоттан төлемдер осы Қосымшаның ережелерiне сәйкес Қолайлы шығыстар бойынша жүзеге асырылады.
3. Есептерден, тәркiлеуден және мүлiкке тыйым салудан тиiсiнше қорғауды қоса алғанда, Банк үшiн қанағаттанарлық шарттарға сәйкес Арнайы шот ашуға болатындығы туралы Банктен қанағаттанарлық дәлелдемелер алғаннан кейiн Қарыз алушы Арнайы шоттың ең жоғарғы сальдосынан аспайтын және Арнайы шоттан iрiктеудiң ең жоғарғы сомасынан кем емес бастапқы соманы Арнайы шотқа бұдан әрi орналастыра отырып, Қол жетерлiк соманы iрiктеудi жүзеге асыруға құқығы.
4. Бұдан әрi Қарыз алушы қол жетерлiк сомадан қосымша соманы iрiктеудi жүзеге асыруға және 6-тармақтан төмен белгiленген шектеулерге және қарызды әрбiр iрiктеу бойынша мынадай шарттарға сәйкес Арнайы шотқа көрсетiлген соманы орналастыруға құқылы:
(а) Қарыз алушы шоттан көшiрменi және құжаттаманы, сондай-ақ Арнайы шоттан алынған соманы қолдануға жататын кез-келген басқа да дәлелдемелердi Банкке бередi.
(b) Талап етiлген қарыз iрiктеудi жүзеге асырғаннан және осындай соманы Арнайы шотқа орналастырғаннан кейiн Арнайы шоттың сальдосы Арнайы шоттың ең жоғарғы сальдосынан асып кетпеуi қажет.
(с) Банкпен мерзiмдiк келiсу жағдайларын қоспағанда, Арнайы шотта бұдан әрi орналастырылатын талап етiлген қарызды iрiктеу сомасы Арнайы шоттан iрiктеудiң ең жоғарғы сомасынан төмен болмауы тиiс.
5. Қарыз алушы осы Қосымшаның 4 (а) тармақшасының талабына нұқсан келтiрмей Банктiң негiздемелi талабы бойынша кез-келген уақытта сальдо және Арнайы шоттың басқа да бөлшектерi туралы есеп, соның iшiнде шоттан көшiрмелер мен басқа да құжаттар және осы Қосымшамен белгiленген талаптарға сәйкес Арнайы шоттан төлемдердi жүзеге асыратын дәлелдемелер бередi.
6. Қарыз алушының осы Қосымшаның 4-тармағының ережесiне қарамастан, егер Банкпен өзгелей келiсiлмеген жағдайда, Арнайы шотқа бұдан әрi орналастыра отырып жеткiлiктi сомамен қарызды iрiктеудi жүзеге асыруға құқығы жоқ:
(а) егер Банк кез-келген уақытта бұдан әрi қарызды iрiктеудi 2.03 (а) Бөлiмнiң ережелерiне сәйкес жүзеге асыруы қажет деп белгiлесе; немесе
(b) егер Қолайлы санаттарға жататын жеткiлiктi сома Арнайы шоттың ең жоғарғы сальдосының мөлшерiнен екi есе артық болса.
Кейiнiрек тиiстi Қолайлы санаттарға жатқызылған қарызды iрiктеуге қатысты Банк Қарыз алушыға хабарламада көрсете алатын рәсiмдер сақталады. Осындай қарызды бұдан әрi iрiктеу Банк хабарлама алған күнге Арнайы шоттың депозитiнде бар барлық сома қолайлы шығыстарға төлемдi жүзеге асыру үшiн пайдаланылатынына сенiмдi болғаннан кейiн ғана жүзеге асырылады.
7. Егер Банк кез-келген уақытта Арнайы шоттан төлем деп белгiлесе немесе Арнайы шоттың өзi:
(а) шығыстарды жабу үшiн немесе осы Қосымшаның 2-тармағына сәйкес келмейтiн мөлшерде пайдаланса; немесе
(b) Банкке берiлетiн дәлелдемелермен негiзделмесе; онда Банк Қарыз алушыдан:
(1) Банк талап ете алатын қосымша дәлелдемелердi беруiн; және/немесе
(2) қолайлы шарттарға сәйкес келмейтiн немесе негiзделмеген осындай төлемнiң не оның бөлiгiнiң сомасына тең соманы Арнайы шотқа орналастыруды (немесе Банктiң талабы бойынша Банкке төлеудi) талап етуге құқылы.
Жоғарыда аталған (а) немесе (b) тармақшаларға сәйкес осылай белгiлеген жағдайда, егер Банк Арнайы шотта кейiн орналастыра отырып өзгелей келiспесе, Қарыз алушы не (А) Арнайы шотта орналастырмағанша немесе қолайлы шарттарға сәйкес келмейтiн немесе негiзделмеген төлем (немесе оның бөлiгi) сомасына тең соманы Банкке төлемегенше не (В) Банктiң талаптарына жауап беретiн қосымша дәлелдемелердi, Арнайы шоттан алынған пайдалануға тиiстi соманы бермейiнше қарызды бұдан әрi iрiктеу жүзеге асырылмайды.
8. Егер:
(а) Арнайы шот бойынша төленбеген сома қолайлы шығыстар жөнiндегi қосымша төлемдердi жабу үшiн талап етiлмейтiндiгiн Банк кез-келген уақытта белгiлесе; немесе
(b) Банк Қарыз алушыны 7 (2) тармақшаға сәйкес соманы Банкке төлеудi мiндеттесе;
онда Қарыз алушы Банктен хабарлама алғаннан кейiн мерзiмiнен бұрын осындай сомаға тең мөлшерде дереу Қарыз бөлiгiн Банкке төлейдi. Осы мақсат үшiн төменде көрсетiлген 10-тармаққа сәйкес процент төлеген күнге сәйкес Қарызды мерзiмiнен бұрын өтеу туралы талап тоқтатылады.
9. Қарыз алушы Стандарттық ережелер мен шарттардың 3.07 (а) Бөлiмiне сәйкес Банкке алдын-ала хабарлама жiберiп, Арнайы шотқа салынған қаражаттардың бәрiн не бiр бөлiгiн процент төлейтiн кез-келген күнге мерзімiнен бұрын төлеуге құқылы.
10. Жоғарыда көрсетiлген 8 немесе 9-тармақтарға сәйкес мерзiмiнен бұрын өтеу Стандарттық ережелер мен шарттардың 3.07 Бөлiмiне сәйкес жүзеге асырылады, дегенмен: (а) Стандарттық ережелер мен шарттардың 3.07 (с)(i)(А) Бөлiмiне қарамастан мерзiмiнен бұрын өтеу сомасы қарызды мерзiмiнен бұрын өтеудiң ең кiшi сомасына сәйкес келмеуi қажеттiгiн және (b) мерзiмде қарызды мерзiмiнен бұрын өтеу кезiнде процент төлеу күнiне сәйкес келмейтiнiн есепке ала отырып, Стандарттық ережелер мен шарттардың 3.10-Бөлiмiне сәйкес шарттардың өзгеруiне байланысты шығындар жабылады. Жоғарыда көрсетiлген 8 немесе 9-тармақтарға сәйкес мерзiмiнен бұрын өтелген жағдайда, Банк Стандарттық ережелер мен шарттардың 3.07 (c)(ii) Бөлiмiн басшылыққа алады.
