Мазут эқспортына уақытша тыйым салуды енгiзу туралы

Қазақстан Республикасы Үкіметінің 2004 жылғы 13 қыркүйектегі N 952 қаулысы

Ел экономикасының мұқтаждары үшiн мазуттың жеткілiкті қорын жасау қажеттігiне байланысты және Қазақстан Республикасының 2003 жылғы 5 сәуiрдегi Кеден кодексiнiң 8-бабына сәйкес Қазақстан Республикасының Үкiметi қаулы етеді:

1. 2005 жылғы 1 наурызға дейiн мазутты (ЕурАзЭҚ СЭҚ ТН 2710 19 610 0 - 2710 19 690 0) Қазақстан Республикасының аумағынан әкетуге тыйым салынсын.

2. Қазақстан Республикасының Кедендiк бақылау агенттігi осы қаулының 1-тармағын орындау жөнiнде қажетті шаралар қабылдасын.

3. Қазақстан Республикасының Сыртқы iстер министрлiгi осы қаулының 1-тармағына сәйкес Қазақстан Республикасының мазутты әкетуге тыйым салуды енгiзгендiгi туралы белгiленген тәртiппен Еуразиялық экономикалық қоғамдастықтың Интеграциялық комитетін хабардар етсін.

4. Осы қаулы жарияланған күнiнен бастап күшiне енедi.

Қазақстан Республикасының
Премьер-Министрі