"Бюджет жүйесi туралы" Қазақстан Республикасының 1999 жылғы 1 сәуiрдегi Заңына сәйкес Қазақстан Республикасының Үкiметi ҚАУЛЫ ЕТЕДI:
1. "2004 жылға арналған республикалық бюджеттiк бағдарламалардың паспорттарын бекiту туралы" Қазақстан Республикасы Үкiметiнiң 2003 жылғы 26 желтоқсандағы N 1327 қаулысына мынадай толықтырулар енгiзiлсiн:
көрсетiлген қаулыға 269-қосымшада :
"Бюджеттiк бағдарламаны iске асыру жөнiндегi iс-шаралар жоспары" деген 6-тармақ кестесiнiң 5-бағаны "тiзбе бойынша" деген сөздерден кейiн ", оның iшiнде Астана қаласының ЖЭО-2-сiн, жылу тораптарын және энергия тораптары объектiлерiн кеңейту және қайта жаңарту жобасы бойынша мердiгер ұйым аванс сомасына құбыр генераторын жеткiзу жөнiндегi келiсiм-шарт мiндеттемелерiн уақтылы орындауға және құбыр генераторының қалған құнына аккредитив ашуға екiншi деңгейдегi банктiң кепiлдiгiн берген жағдайда құбыр генераторына тапсырыс беру үшiн оның құнының 50% мөлшерiнде аванс аудару үшiн" деген сөздермен толықтырылсын;
7-тармақтың 2) тармақшасы "жабдықтарға тапсырыс беру үшiн" деген сөздерден кейiн ", оның iшiнде құбыр генераторына тапсырыс беру үшiн оның құнының 50% мөлшерiнде құбыр генераторының қалған құнына аккредитив ашып" деген сөздермен толықтырылсын.
2. Осы қаулы қол қойылған күнiнен бастап күшіне енедi.
Қазақстан Республикасының
Премьер-Министрі
