2008 жылғы 12 желтоқсандағы Кеден одағы комиссиясының хатшылығы туралы келісімге, Еуразиялық экономикалық қоғамдастықтың (кеден одағы жоғарғы органдарының) үкімет басшылары деңгейіндегі мемлекетаралық кеңесінің «Кеден одағының комисиясы туралы» 2008 жылғы 12 желтоқсандағы № 5 шешіміне және Еуразиялық экономикалық қоғамдастықтың Кеден одағы комиссиясының 2010 жылғы 17 тамыздағы № 358 шешіміне сәйкес Қазақстан Республикасының Үкіметі ҚАУЛЫ ЕТЕДІ:
1. Еуразиялық экономикалық қоғамдастықтың Кеден одағы комиссиясының бекітуіне мынадай кандидатуралар:
Ақпанбаева Дина Қияшқызы - Еуразиялық экономикалық қоғамдастықтың Кеден одағы комиссиясы Сауда саясаты департаментінің директоры лауазымына;
Бектасов Әділбек Қатаямұлы - Еуразиялық экономикалық қоғамдастықтың Кеден одағы комиссиясы Кедендік тариф және тарифтік емес реттеу департаментінің директоры орынбасарының лауазымына;
Халимов Мэлсат Исаұлы - Еуразиялық экономикалық қоғамдастықтың Кеден одағы комиссиясы Құқықтық департаментінің директоры орынбасарының лауазымына ұсынылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
