Қазақстан Республикасының Үкіметі ҚАУЛЫ ЕТЕДІ:
«Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімге (Даму бағдарламасын қолдауға берілетін кредит) қол қою туралы» Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
Қазақстан Республикасының
Премьер-Министрі К. Мәсімов
Қазақстан Республикасы Президентінің Жарлығы Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімге (Даму бағдарламасын қолдауға берілетін кредит) қол қою туралы
«Қазақстан Республикасының халықаралық шарттары туралы» Қазақстан Республикасының 2005 жылғы 30 мамырдағы Заңының 8-бабына сәйкес ҚАУЛЫ ЕТЕМІН:
1. Қоса беріліп отырған Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімнің (Даму бағдарламасын қолдауға берілетін кредит) жобасы мақұлдансын.
2. Қазақстан Республикасының Қаржы министрі Болат Бидахметұлы
Жәмішевке Қазақстан Республикасының атынан Қазақстан Республикасы
мен Халықаралық Қайта Құру және Даму Банкі арасындағы Қарыз туралы
келісімге (Даму бағдарламасын қолдауға берілетін кредит) қол қоюға
өкілеттік берілсін.
3. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Н. Назарбаев
Қазақстан Республикасы
Президентінің
2010 жылғы «__» мамырдағы
№ ___ Жарлығымен
МАҚҰЛДАНҒАН
Жоба
ҚАРЫЗ ТУРАЛЫ КЕЛІСІМ
Қазақстан Республикасы («Қарыз алушы») мен Халықаралық Қайта Құру және Даму Банкі («Банк») арасындағы Даму бағдарламасын қолдау үшін (осы Келісімге Толықтыруда анықталғандай) қаржыландыруды қамтамасыз ету мақсатында жасасқан 201__ жылғы __________ Келісім. Банк осы қаржыландыру туралы шешімді, басқалар арасында, (а) Қарыз алушының Бағдарлама шеңберінде қабылдаған және осы Келісімге 1-қосымшаның 1-бөлімінде баяндалған іс-қимылдар және (б) Қарыз алушының тиісті макроэкономикалық саясатты қолдауы негізінде қабылдады. Осымен Қарыз алушы мен Банк мына төмендегілер туралы уағдаласты:
1-БАП - ЖАЛПЫ ШАРТТАР; АНЫҚТАМАЛАР
1.01. Жалпы шарттар (осы Келісімге Толықтыруда анықталған) осы Келісімнің ажырамас бөлігі болып табылады.
1.02. Егер түпмәтінінен өзгеше туындамаса, онда осы Келісімде пайдаланылатын бас әріптен басталатын терминдердің Жалпы шарттарда немесе осы Келісімге Толықтыруда жазылған мәндері болады.
2-БАП - ҚАРЫЗ
2.01. Банк Қарыз алушыға осы Келісімде баяндалған немесе көрсетілген мерзімге және шарттарда бір миллиард АҚШ долларына тең ($ 1 000 000 000) соманы беруге келісті және осы сома осы Келісімнің («Қарыз») 2.07-тармағының ережелеріне сәйкес валюта Конверсиясы арқылы кезең-кезеңмен айырбасталуы мүмкін.
2.02. Қарыз алушы Бағдарламаны қолдау үшін Қарыз қаражатын осы Келісімге 1-қосымшаның II бөліміне сәйкес алуға құқығы бар.
2.03. Қарыз алушы төлеуге тиіс Бір жолғы комиссия Қарыз сомасының бір пайызының (0,25 %) төрттен бір бөлігін құрайды. Қарыз алушы Бір жолғы комиссияны Күшіне енген күннен кейінгі алпыс күннен кешіктірмей төлейді.
2.04. Төлеуге жататын сыйақы әрбір Пайыздық кезеңде Қарыз валютасы қосу ауыспалы спред үшін ЛИБОР ставкасына тең ставка бойынша есептелетін болады; Қарыздың негізгі сомасының барлық немесе кез келген бөлігін Конверсиялау кезінде Қарыз алушы осы сома бойынша Конверсиялау кезеңі уақытында төлеуге жататын сыйақы мөлшері Жалпы шарттардың 4-бабының ережелеріне сәйкес анықталуы тиіс. Жоғарыда айтылғандарға қарамастан, Қарыздың өтелмеген қалдығының Алынған кез келген бөлігі уақтылы төленбесе және отыз күннің ішінде төленбесе, онда Қарыз алушы төлеуге тиіс сыйақы мөлшері Жалпы ережелердің 3.02 (d) Бөлімінде айқындалғандай есептелуі тиіс.
2.05. Төлем күндері әр жылдың 15 наурызы және 15 қыркүйегі болып табылады.
2.06. Қарыздың негізгі сомасы осы Келісімге 2-қосымшада келтірілген өтеу кестесіне сәйкес өтеледі.
2.07. (а) Қарыз алушы кез келген уақытта борышты ұтымды басқаруды қамтамасыз ету үшін Қарыз шартының мынадай Конверсияларынан кез келгенін жүргізуді сұратуға құқығы бар: (і) Мақұлданған валютаға алынған да, алынбаған да Қарыз Валютасының барлық немесе Қарыздың негізгі сомасының кез келген бөлігін өзгерту; (іі) Ауыспалы ставкадан Тіркелген ставкаға және керісінше Қарыздың алынған және өтелмеген негізгі сомасының барлық немесе кез келген бөлігіне қолданылатын пайыздық ставканың базисін өзгерту, және (ііі) Ауыспалы ставка үшін жоғарғы немесе төменгі шектерін белгілеу арқылы Қарыздың алынған және өтелмеген негізгі сомасының барлық немесе кез келген бөлігіне қолданылатын Ауыспалы ставка үшін шектерін енгізу.
(б) Осы Бөлімнің (а) тармақшасына сәйкес сұратылған және Банк мақұлдаған кез келген өзгеріс Жалпы шарттарда анықталғандай «Конверсия» болып саналады және Жалпы шарттардың 4-бабының және Конверсия жөніндегі нұсқаулықтың ережелеріне сәйкес күшіне енеді.
2.08. Банк, Жалпы шарттардың 5.08-бөлімінің (осы Келісімге Толықтырудың II бөлімі 4-тармағына сәйкес қайта нөмірленген және Өзара іс-қимылдар мен консультацияларға қатысы бар) ережелеріне қатысты шектеусіз, кезең-кезеңімен осы 2-баптың ережелеріне қатысты ақпаратты негізділікпен талап ете алады, ал Қарыз алушы Банкке сұратылған ақпаратты дереу беруге тиіс.
3-БАП - БАҒДАРЛАМА
3.01. Қарыз алушы өзінің Бағдарламаның мақсаттарын және оны іске асыруды жақтайтынын мәлімдейді. Осы мақсатпен және Жалпы шарттардың 5.08-бөлімінің ережелеріне сәйкес:
(а) Қарыз алушы мен Банк уақты келгенде бір немесе екінші тараптың сұратуы бойынша Қарыз алушының макроэкономикалық саясаты және Бағдарламаны іске асыру барысында қол жеткізген прогресс жөнінде пікір алмасып отыруға тиіс;
(б) Қарыз алушы Банк негізділікпен талап етуі мүмкін болған дәрежеде егжей-тегжейлі түрде Банкке қарауға және түсіндірме үшін Бағдарламаны іске асыру барысында қол жеткізген нәтижелер туралы есепті әрбір осындай пікір алмасуға дейін беруге тиіс; және
(в) осы Бөлімнің (а) және (б) тармақтарын шектеусіз, Қарыз алушы Бағдарламаның мақсаттарына іс жүзінде қол жеткізуге немесе осы Келісімге 1-қосымшаның I бөлімінде айқындалған кез келген іс-қимылды қоса алғанда, Бағдарлама шеңберінде қабылданатын кез келген іс-қимылды жүзеге асыруға елеулі кедергі болуы мүмкін кез келген оқиғалар туралы Банкті дереу хабардар етіп отыруға тиіс;
4-БАП - БАНКТІҢ ЗАҢДЫҚ ШАРАЛАРЫ
4.01. Уақытша тоқтата тұруға әкеп соқтыратын қосымша жағдай мынаны: нәтижесінде Бағдарламаны немесе оның елеулі бөлігін іске асыру іс жүзінде мүмкін болмаған жағдайдың туындауын қамтиды.
4.02. Тоқтата тұруды жеделдететін қосымша жағдай мынаны: осы Келісімнің 4.01-тармағында сипатталған жағдай басталады және Банк осындай жағдайдың басталғаны туралы Қарыз алушыға хабарлама жіберген күннен кейінгі 30 күн бойындағы кезеңде жалғасады.
5-БАП - КҮШІНЕ ЕНУІ; БҰЗЫЛУЫ
5.01. Күшіне енудің қосымша шарты мынадай: Банк Қарыз алушының Бағдарламаны іске асыру барысында қол жеткізген прогреспен және Қарыз алушының макроэкономикалық саясатының келісілгендігімен қанағаттанады.
5.02. Күшіне енудің соңғы мерзімі осы Келісімге қол қойылған күннен кейін бір жүз сексен (180) күн өткеннен кейін басталатын күн болып табылады.
6-БАП - ӨКІЛДЕРІ; МЕКЕНЖАЙЛАР
6.01. Қарыз алушының өкілі Қаржы министрлігі болып табылады.
6.02. Қарыз алушының мекенжайы:
Қазақстан Республикасы
Астана, 010000
Жеңіс даңғылы, 11
Қаржы министрлігі
Телекс: Факс:
265126 (FILIN) 7-7172-717785
6.03. Банктің мекенжайы:
1818 Н Street, N.W.
Washington, D.C. 20433
United States of America
Телеграф: Телекс: Факс:
INTBAFRAD 248423(MCI) or 1-202-477-6391
Washington, D.C. 64145(MCI)
_______________, _________, жоғарыда көрсетілген күні және жылы
КЕЛІСІЛДІ.
Қазақстан Республикасы үшін
Уәкілетті өкіл
Халықаралық Қайта Құру және Даму Банкі
Уәкілетті өкіл
1-ҚОСЫМША Бағдарламаның іс-әрекеттері; Қарыз қаражатына қол жетімділік
I Бөлім. Бағдарлама шеңберінде қабылданған іс-әрекеттер
Бағдарлама шеңберінде қабылданған іс-әрекеттер мынаны қамтиды:
1. 2010 жылғы 2 сәуірде ҚР Президентінің № 962 Жарлығы шықты, ол Ұлттық қор қаражатынан республикалық бюджетке жыл сайынғы кепілдендірілген трансферттің көлеміне 8 миллиард АҚШ доллары мөлшерінде шектеуді белгілейді және Ұлттық қордың активтерін тек қана шетел қаржы нарықтарында айналып жүрген қаржы құралдарына орналастыруды міндеттейді.
2. Қарыз алушы «Қазақстан Республикасының Бюджет кодексі» 2008 жылғы 4 желтоқсандағы № 95-VI ҚР Заңын (2010 жылғы 2 сәуірдегі өзгерістермен және толықтыруларымен) қабылдады, ол тиісті нормативтік актілердің қабылдануымен мыналарды: (і) мемлекеттік органдардың стратегиялық жоспарлары негізінде республикалық және жергілікті деңгейлерде сырғымалы негізде үш жылдық бюджеттерді әзірлеуді және мақұлдауды; (іі) бюджеттің атқарылуы барысында кіші бағдарламалар арасында қаражатты қайта бөлу бойынша бюджеттік бағдарламалардың әкімшілеріне республикалық және жергілікті деңгейлерде өкілеттік беруді; (ііі) орталық мемлекеттік органдар мен облыстық бюджеттен, республикалық маңызы бар қала мен астананың бюджетінен қаржыландырылатын атқарушы органдардың ішкі бақылау қызметтерін құруды қолданысқа енгізеді.
3. Қарыз алушы 2010 жылғы 29 наурызда қайта қаралған «2010 - 2012 жылдарға арналған республикалық бюджет туралы» 2009 жылғы 7 желтоқсандағы № 219-IV ҚР Заңын қабылдады; басқалардың қатарында ол басымдығы жоқ әкімшілік шығыстардың және шоғырландырылған бюджеттің шығыстарында әлеуметтік шығыстардың үлесін ұлғайту пайдасына ұлттық компаниялардың қаржы активтерін сатып алуға арналған шығыстарды қысқартуды көздейді.
4. «Қазақстан Республикасының кейбір заңнамалық актілеріне ақша төлемі мен аударымы, қаржы ұйымдарының бухгалтерлік есебі мен қаржылық есептілігі, банк қызметі және Қазақстан Республикасы Ұлттық Банкінің қызметі туралы Қазақстан Республикасының заңнамасын жетілдіру мәселелері бойынша өзгерістер мен толықтырулар енгізу туралы» 2009 жылғы 11 шілдедегі № 185-IV ҚР Заңына сәйкес ТӘБ банкі және Альянс банкі, ТӘБ банкінің кредит берушілер комитетімен және Альянс банкінің кредит берушілер комитетімен, басқалардың қатарында, осы банктердің өмірге қабілеттілігін тиісінше қамтамасыз етуге бағытталған және сыртқы борыштарының көп бөлігін есептен шығаруды көздейтін қайта құрылымдау жоспарын қамтитын Негізгі коммерциялық шарттарға (қайта құрылымдау) қол қойды.
5. Қарыз алушы «Қазақстан Республикасының кейбір заңнамалық актілеріне ақша төлемі мен аударымы, қаржы ұйымдарының бухгалтерлік есебі мен қаржылық есептілігі, банк қызметі және Қазақстан Республикасы Ұлттық Банкінің қызметі туралы Қазақстан Республикасының заңнамасын жетілдіру мәселелері бойынша өзгерістер мен толықтырулар енгізу туралы» 2009 жылғы 11 шілдедегі № 185-IV ҚР Заңын қабылдады; онда проблемалы банктерді реттеу жүйесін, оның ішінде тұрақтандырушы банктер құру, міндеттемелер сатып алу және қабылдау туралы келісімдер арқылы күшейтуді, сондай-ақ қайта құрылымдауды мамандандырылған қаржылық соттар жүргізуін көзделеді.
6. Қарыз алушы «Қазақстан Республикасының кейбір заңнамалық актілеріне қаржы жүйесінің тұрақтылығы мәселелері бойынша өзгерістер мен толықтырулар енгізу туралы» ҚР 2008 жылғы 23 қазандағы № 72-IV Заңын қабылдады; онда ерте ден қою жүйесін құру көзделген, оның көмегімен ҚҚА (і) Банктің тиімділік көрсеткіштерін қадағалай алады, және, (іі) мұндай көрсеткіштер нашарлаған жағдайда ерте ден қою шаралары көзделетін іс-шаралар жоспарын орындауды талап ете алады, және (ііі) тіпті пруденциалдық нормалар керінеу бұзылмаса да банктің қызметіне араласу жүргізе алады.
7. ҚР Қаржы нарығын және қаржы ұйымдарын реттеу мен қадағалау агенттігі 2009 жылғы 30 қарашадағы өзгерістермен және толықтыруларымен Басқармасының 2005 жылғы 30 қыркүйектегі № 358 қаулысын шығарады, онда басқалардың қатарында, (і) 2011 жылдың 1 шілдесінен бастап коммерциялық банктердің меншікті капиталдарының жеткіліктілігіне талаптарды ұлғайту; және (іі) коммерциялық банктердің өзінің меншікті капиталына қатысты резидент еместер алдындағы жиынтық міндеттемелерін мөлшерге шектеу көзделеді.
II. Бөлім. Қарыз қаражатының қолжетімділігі
А. Жалпы ережелер. Қарыз алушы осы Бөлімнің ережелеріне және Қарыз алушыға Банк хабарламасында көрсеткен қосымша нұсқаулықтарға сәйкес Қарыз қаражатын ала алады.
В. Қарыз қаражатын бөлу. Қарыз Бір жолғы транш түрінде бөлінеді, оның қаражатынан Қарыз алушы қарыз қаражатын ала алады. Қарыз сомасын бөлу мына кестеде көрсетілген:
| Қаражатты бөлу | Бөлінген қарыз сомасы (АҚШ долларымен көрсетілген) |
|---|---|
(І) Біржолғы транш |
1 000 000 000 |
ЖАЛПЫ СОМА |
1 000 000 000 |
С. Бір жолғы комиссияны төлеу. Бір жолғы комиссия толығымен төленбейінше Қарыз алушы Қарыз шотынан қаражат ала алмайды.
D. Траншты бөлу шарттары. Бір жолғы транш түріндегі қаражатты Банк Қарыз алушының іске асырып жатқан (а) Бағдарламасымен және (б) Қарыз алушының макроэкономикалық саясатымен қанағаттанбайынша алу мүмкін емес.
E. Қарыз қаражатын депонирлеу. Банкпен өзгеше келісілген жағдайларды қоспағанда:
1. Қарыз Шотынан әрқандай қаражат алуды Банк Қарыз алушы көрсеткен және Банк үшін қолайлы шотқа депонирлеуге тиіс; және
2. Қарыз алушы осы шотқа Қарыздың қандай да бір сомасын әрбір депонирлеу кезінде Қарыз алушының бюджеттік басқару жүйесінде Банк үшін қолайлы нысанда балама сома есепке алынып отырады.
Ғ. Заңсыз шығыстар. Қарыз алушы өзіне Қарыз қаражатын заңсыз шығыстарды қаржыландыру үшін пайдалануға жол бермеу бойынша жауапкершілікті алады. Егер Банк кез келген уақытта Қарыз қаражаты заңсыз шығыстарды жабу үшін пайдаланылды деп тапса, онда Қарыз алушы Банктен хабарлама алғаннан кейін Банкке дереу балама соманы өтеуге тиіс. Банкке мұндай талап бойынша өтелген сомалар өз күшін жояды.
G. Жабылу күні. Жабылу күні 2011 жылдың 7 қаңтары болып табылады.
2-ҚОСЫМША Өтеу кестесі
1. Келесі кестеде негізгі борышты Өтеу күндері мен негізгі борышты өтеудің әрбір күніне өтеуге жататын Қарыздың жалпы негізгі сомасының пайыздық үлесі («Өтеу үлесі») көрсетілген. Егер Қарыз қаражаты негізгі борышты өтеудің бірінші Күніне толығымен алынған болса, онда Қарыз алушы осындай әрбір негізгі борышты Өтеу күніне өтеуге тиісті Қарыздың негізгі сомасын Банк көбейту жолымен айқындайды: (а) Қарыздың негізгі борышты өтеудің бірінші Күніне алынған сомасы мен (б) негізгі борышты өтеудің әрбір Күніне төлемнің Өтеу үлесі. Бұл төлеуге жататын сома осы Қосымшаның 4-тармағында көзделген және валюта Конверсиясы қолданылатын соманы шегеру мақсатында қажеттілігіне қарай түзетілетін болады.
| Негізгі борыш бойынша төлеу күні | Өтеу үлесі (пайыздық көріністе) |
|---|---|
2013 жылдың 15 қыркүйегінен бастап 2034 жылдың 15 қыркүйегіне дейін әрбір жылдың 15 наурызы мен 15 қыркүйегі |
2,27 % |
2035 жылғы 15 наурыз |
2,39 % |
2. Егер Қарыз қаражаты негізгі борышты өтеудің бірінші Күніне толығымен алынбаған болса, онда Қарыз алушының осындай әрбір негізгі борышты Өтеу күніне өтеуіне жататын Қарыздың негізгі сомасы былайша айқындалады:
(а) Негізгі борышты өтеудің бірінші Күні алынған Қарыздың кез келген қаражаты шамасында Қарыз алушы осы Қосымшаның 1-тармағына сәйкес осындай күнге алынған Қарыз сомасын өтеуі тиіс.
(b) Негізгі борышты өтеудің бірінші Күнінен кейін алынған кез келген сома әрбір осындай алу сомасын осы Қосымшаның 1-тармағының кестесінде көрсетілген төлем үлесінің бастапқы сомасы осы Негізгі борышты өтеу күні үшін алымы болып табылатын («Төлемді өтеу үлесінің бастапқы сомасы»), ал бөлшегі осындай күнге немесе одан кейін негізгі борышты өтеу күнінде Төлемдерді өтеу үлесінің бастапқы сомаларының барлық қалған сомаларының сомасы болып табылатын бөлшекке көбейту жолымен Банк анықтаған сомада осындай алу күнінен кейін негізгі борышты өтеудің әрбір Күніне өтелуі тиіс. Төленуі тиіс бұл сома осы Қосымшаның 4-тармағында көзделген және валютаны Конвертациялау қолданылатын сомаларды шегеру мақсатында қажеттілігіне қарай түзетілуі тиіс.
3. (а) Негізгі борышты өтеудің кез келген Күніне төленуі тиіс негізгі борыш сомаларын есептеу мақсатында ғана негізгі борышты өтеудің кез келген Күніне дейін екі күнтізбелік ай ішінде алынған Қарыз сомалары алынған күннен кейін негізгі борышты өтеудің екінші Күніне алынды және өтелмеді деп есептеледі және алынған күннен кейін негізгі борышты өтеудің екінші Күнінен бастап негізгі борышты өтеудің әрбір Күніне өтеуге жататын болады.
(b) Осы тармақтың (а) тармақшасының ережесіне қарамастан, егер кез келген уақытта Банк төлем мерзімдері бойынша шоттарды шығару жүйесін қабылдаса, осы ретте шоттар негізгі борышты өтеудің тиісті Күніне немесе одан кейін беріледі, шоттарды шығарудың осындай жүйесі қабылданғаннан кейін жасалған қандай да алуларға осы тармақшаның ережесі қолданылмайтын болады.
4. Осы Қосымшаның 1 және 2-тармақтарының ережелеріне қарамастан барлық немесе Қарыздың кез келген бөлігінің валютасын конвертациялау кезінде кезеңі ішінде пайда болатын негізгі борышты өтеудің кез келген Күніне өтеуге жататын Мақұлданған валютаға осындай түрде конвертацияланатын Мақұлданған валюта сомасындағы Қарыздың барлық валютадағы немесе алынған соманың кез келген бөлігіндегі Конвертациялаудан кейін осы, тікелей конвертациялау алдында осындай соманы деноминациялау валютасында көбейту жолымен немесе (і) конвертациялауға жататын Валюталық хедждік мәмілелер шеңберінде Банктің төлеуіне жататын немесе (іі) Конверсия бойынша нұсқауға сәйкес мұндай шешімді егер Банк қабылдаса, Экранды ставканың валюталық құрылымы анықталуы тиіс.
ТОЛЫҚТЫРУ
I Бөлім. Анықтамалар
1. «Альянс» басында 2001 жылы 13 тамызда құрылған және кейіннен «Альянс Банк» акционерлік қоғамының акцияларын мәжбүри сатып алу және оларды «Самұрық-Қазына» ұлттық әл-ауқат қоры» акционерлік қоғамына сату туралы» 2009 жылғы 30 желтоқсандағы қаулысын шығарған ҚР Қаржы нарығын және қаржы ұйымдарын реттеу мен қадағалау агенттігі қайта атаған және қайта құрылымдаған «Альянс Банк» акционерлік қоғамын білдіреді.
2. «ТӘБ» «Тұранбанк» және «AlemBank Kazakstan» қазақ акционерлік банкін қайта ұйымдастыру туралы» Үкіметінің 1997 жылғы 15 қаңтардағы № 73 ҚР қаулысымен құрылған және 2008 жылғы ақпанда «ТӘБ Банкі» акционерлік қоғамына ресми қайта аталған банкті білдіреді.
3. «Заңсыз шығыстар»: означают любые расходы:
(а) кез келген ұлттық немесе халықаралық қаржы ұйымы немесе Банк болып табылмайтын агент қаржыландыратын немесе қаржыландыруы тиіс немесе басқа қарыздар, кредиттер немесе гранттар шеңберінде Банк немесе Қауымдастық қаржыландыратын келісім-шарттар бойынша жеткізілетін тауарларға немесе қызмет көрсетулерге;
(b) БҰҰ Статистикалық материалдар жинағында жариялаған, 3-нұсқа (SITC, Rev.3), М сериялы, № 34/3-нұсқа (1986) (SITС) Халықаралық сауда жіктеуішінің стандарттарының мынадай топтарының немесе кіші топтарының немесе Банк Қарыз алушыны ол туралы хабарландыратын Халықаралық сауда жіктеуішінің стандарттарының жаңа нұсқаларының кез келген басқа кейінгі топтарының немесе кіші топтарының құрамына кіретін тауарларға:
Топ |
Топ |
Тауардың сипаттамасы |
112 |
Алкогольді ішімдіктер |
|
121 |
Темекі, өнеркәсіптік емес темекі, темекі қалдықтары |
|
122 |
Өнеркәсіптік темекі (темекіні ауыстыратындары бар/оларсыз) |
|
525 |
Радиоактивтік немесе оған ілеспе материалдар |
|
667 |
өңделген немесе өңделмеген маржан, қымбат бағалы және жартылай қымбат бағалы тастар |
|
718 |
718.7 |
Атомдық реакторлар және оның бөліктері, отындық элементтері (картридждер), сәулеленбеген, ядролық реакторлар үшін |
728 |
728.43 |
Темекі өнімдерін өндіруге арналған жабдық |
897 |
897.3 |
Алтыннан, күмістен, платинадан жасалған зергерлік бұйымдар (сағаттан және сағат камераларынан басқа), сондай-ақ алтын және күміс зергерлік бұйымдар (қымбат бағалы тастардан жасалған тұғырларды қоса алғанда) |
971 |
Монетарлық емес алтын (құрамында алтын бар кендерді және концентраттарды қоспағанда) |
(c) әскери және әскерилендірілген мақсаттарға немесе әдемілік заттар ретінде тұтынуға арналған тауарларға;
(d) Қарыз алушының заңдарымен немесе олар бойынша Қарыз алушы тараптардың бірі болып табылатын халықаралық келісімдермен өндіру, пайдалану және импорты тыйым салынған экологиялық қауіпті тауарларға;
(e) БҰҰ Жарғысының VII тарауына сәйкес қабылданған Біріккен Ұлттар Ұйымының Қауіпсіздік кеңесінің шешімімен тыйым салынған кез келген төлемдер бойынша; және
(f) Қарыз алушының қандай да бір өкілінің (немесе Қарыз қаражаттарын кез келген өзге алушы) Қарыз қаражаттарын пайдаланылуына байланысты сыбайлас жемқорлық, жалған, алаяқтық мәжбүрлеуге негізделген немесе бәтуаласуға, тәжірибеге қатысқанын, және Қарыз алушының (немесе кез келген өзге алушының) осындай тәжірибені жедел жоюға бағытталған Банк үшін қанағаттанымды уақтылы шаралар және тиісті іс-әрекеттер қолданбағанын Банк анықтаған төлемдерге қатысты кез келген шығыстарды білдіреді.
4. ҚР Қаржы нарығын және қаржы ұйымдарын реттеу мен қадағалау агенттігі «Қазақстан Республикасының мемлекеттік басқару жүйесін одан әрі жетілдіру туралы» Қазақстан Республикасы Президентінің 2003 жылғы 31 желтоқсандағы № 1270 Жарлығымен алғаш құрылған, қаржы нарығын және қаржы ұйымдарын мемлекеттік реттеуді және қадағалауды жүзеге асыруға жауапты агенттік.
5. «Жалпы шарттар» - осы Толықтырудың II Бөлімінде ұсынылған өзгерістер ескеріле отырып, 2005 жылғы 1 шілдедегі «Халықаралық қайта құру және даму банкінің қарыздары үшін жалпы шарттар» (2008 жылғы 12 ақпандағы түзетулермен).
6. «Ұлттық қор» «Қазақстан Республикасының Ұлттық қоры туралы» ҚР Президентінің 2000 жылғы 23 тамыздағы № 402 Жарлығымен құрылған Қарыз алушының ұлттық мұнай қорын білдіреді.
7. «Бағдарлама» Қарыз алушы Банке Бағдарламаны іске асыру бойынша өз міндеттемелері туралы мәлімдейтін және Банктен оны іске асыру бойынша қолдау көрсету туралы сұрайтын 2010 жылғы 19 сәуірдегі № DGZ-1/4909 хатта айқындалған немесе оған сілтеме жасайтын кедейшілікті біртіндеп қысқартудың өсуін ынталандыру және оған қол жеткізу үшін әзірленген іс-әрекет, мақсат пен стратегия бағдарламасын білдіреді.
8. «Бір жолғы транш» осы Келісімге 1-қосымшаның II Бөлімі В бөлігінде келтірілген кестеде «Бір жолғы транш» санаты бойынша бөлінген Қарыз сомасын білдіреді.
II Бөлім. Жалпы шарттарға түзетулер
Жалпы шарттарға мынадай өзгерістер енгізілді:
1. 2.03-бөлімнің (а) тармағының соңғы сөйлемі (Қаражаттарды алуға өтінімдерге қатысты) толық алып тасталды.
2. 2.04 {Бөлінген шоттар) мен 2.05 (Қолданымды шығыстар) бөлімдер толығымен жойылды, ал қалған Бөлімдер II Бабында тиісінше қайта нөмірленді.
3. 2.05-бөлімінің (а) тармағы (2-тармаққа сәйкес қайта нөмірленді) мынадай редакцияда жазылады:
«2.05-бөлім. Қайта қаржыландыруға дайындау үшін аванс, Бір жолғы комиссия мен сыйақыны капиталдандыру
(а) Егер Қарыз туралы келісім Банк немесе Қауымдаcтық Берген Қарыз қаражатынан аванс төлеуді («Дайындыққа аванс») көздесе, Банк Қарыз бойынша Тараптардың атынан Қарыз шотынан осы сома алынған күнге алынған және өтелмеген аванс сомасын өтеу үшін қажет осындай сома күшіне енген күні немесе одан кейін Қарыз шотынан алуы тиіс және егер мұндай қолданылатын болса, осы күнге аванс сомасына есептелген және төленбеген барлық алымдарды төлеуге тиіс. Банк осылайша алған соманы өз пайдасына немесе жағдайға қарай Қауымдастық пайдасына төлейді және аванстың алынбаған сомасын жояды».
4. 5.01 (Жобаны орындаудың жалпы қағидаттары) және 5.09-бөлімдер (Қаржылық басқару; Қаржылық есептілік; Аудит) толығымен алып тасталған, ал қалған 5-баптың Бөлімдері тиісінше нөмірленген.
5. 5.05-бөлімнің (а) тармағы (Тауарларды, жұмыстарды және қызметтерді пайдалануға жоғарыда көрсетілген 4-тармаққа сәйкес нөмірленген) толығымен алып тасталған.
6. 5.06-бөлімнің (с) тармағы (жоғарыда көрсетілген 4-тармаққа сәйкес нөмірленген) мынадай редакцияда оқылады:
«5.06-бөлім. Жоспарлар; Құжаттар; Есепке алу жазбалары
... (с) Қарыз алушы есепті жабу күнінен кейін екі жыл ішінде Қарыз шеңберіндегі шығыстары растайтын барлық есепке алу жазбаларын (шарттар, төлем құжаттары, шот-фактуралар, шоттар, квитанциялар мен) сақтайды. Қарыз алушы бұл есепке алу жазбаларын Банк өкілдеріне зерттеу мүмкіндігін береді».
7. 5.07-бөлімнің (с) тармағы (жоғарыда көрсетілген 4-тармаққа сәйкес нөмірленген) мынадай редакцияда оқылады:
5.07-бөлім. Бағдарламаның мониторингімен оны бағалау
... (с) Қарыз алушы Банк бағдарламаны орындау туралы, Қарыз және Банк бойынша Тараптардың Заң келісімдері бойынша өздерінің тиісті міндеттемелерін орындау және Қарыз міндеттемелерін орындауы туралы дәлелді талап ете алады, осындай көлемде және осындай егжей-тегжейлі деңгейде есепті жабу күнінен Банкке алты айдан кешіктірмей әзірлеп немесе әзірлеуді қамтамасыз етеді.
8. Қосымшада мынадай ұғымдар өзгертіліп немесе ұғымдар мен анықтаулар алып тасталған, сондай-ақ мынадай жаңа ұғымдар және ұғымдардың нөмірленуін тиісті өзгертумен алфавиттік тәртіпте айқындау енгізілген:
(а) «Қолайлы шығыс» ұғымын айқындау мынадай редакцияда оқылады:
«Қолайлы шығыс» деген осы Қарыз туралы келісімге сәйкес қаржыландыруға жол берілмейтін шығыстардан басқа, Бағдарламаны қолдауға берілген Қарыз қаражатын кез-келген жұмысауды білдіреді.
(b) «Қаржылық есептілік» және оның анықтамасы толығымен алым тасталған.
(с) «Жоба» ұғымы өзгертіліп және "Бағдарлама" ретінде мынадай редакцияда оқылады (және «Жобаға» жасалған барлық сілтемелер осы Жалпы шарттардың барлық мәтіні бойынша «Бағдарламаға» жататын болып есептеледі):
«Бағдарлама» Қарыз туралы және оны қолдауға қарыз берілген келісімге сәйкес сілтеме жасайтын бағдарламаны білдіреді
(d) «Бағдарламаны әзірлеуге арналған аванс» ұғымы (жоғарыда аталған (с) 8-тармақшасына сәйкес осылайша қайта аталған) ұғымын айқындау мынадай редакцияда оқылады:
«Әзірлеуге арналған аванс» ұғымына ауыстырылған, және өзгертілген анықтама тиісінше мынадай редакцияда оқылады:
«Әзірлеуге арналған аванс» ол осы Қарыз туралы келісімде сілтеме жасалады және 2.05-бөлімге сәйкес өтеуге жатады»
(е) «Конверсия күні» ұғымына мынадай редакцияда оқылады:
«Конверсия күні» Конверсияға қатысты, Конверсия бойынша нұсқаулықтан күшіне енетін Конверсияны Орындау күні (осы тармақта айқындалғандай) немесе Қарыз алушы сауал салған және Банк қабылдаған кез келген күнді білдіреді.
