«2011 — 2013 жылдарға арналған республикалық бюджет туралы» Қазақстан Республикасының 2010 жылғы 29 қарашадағы Заңын және «Қазақстан Республикасының денсаулық сақтау саласын дамытудың «2011 — 2015 жылдарға арналған «Саламатты Қазақстан» мемлекеттік бағдарламасын бекіту туралы» Қазақстан Республикасы Президентінің 2010 жылғы 29 қарашадағы № 1113 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1. «Азаматтардың денсаулығын сақтау мәселелері бойынша 2011 жылға арналған сектораралық және ведомствоаралық өзара іс-қимылды іске асыруға берілетін қаражатты бөлу және пайдалану қағидасын бекіту туралы» Қазақстан Республикасы Үкіметінің 2011 жылғы 15 наурыздағы № 257 қаулысына мынадай өзгерістер мен толықтыру енгізілсін:
2-тармақ мынадай редакцияда жазылсын:
«2. Қазақстан Республикасы Денсаулық сақтау, Білім және ғылым министрліктері заңнамада белгіленген тәртіппен ағымдағы нысаналы трансферттерді аударуды қамтамасыз етсін.»;
1) көрсетілген қаулымен бекітілген Азаматтардың денсаулығын сақтау мәселелері бойынша 2011 жылға арналған сектораралық және ведомствоаралық өзара іс-қимылды іске асыруға берілетін қаражатты пайдалану қағидасында:
15-тармақ мынадай мазмұндағы абзацпен толықтырылсын:
«Қазақстан Республикасы Әділет министрлігінің қылмыстық-атқару жүйесінің емдеу-профилактикалық мекемелері үшін Қазақстан Республикасы Әділет министрлігі сатып алатын медициналық техниканың тізбесі Қазақстан Республикасы Денсаулық сақтау министрлігімен келісіледі.»;
2) көрсетілген қаулымен бекітілген 2011 жылға арналған азаматтардың денсаулығын сақтау мәселелері бойынша сектораралық және ведомствоаралық өзара іс-қимылды іске асыруға берілетін қаражатты бөлуде:
«Халықтың дұрыс тамақтауын қамтамасыз ету және тамақтануға байланысты аурулардың профилактикасы» деген 5.1.2-мақсатта:
реттік нөмірі 3-жол мынадай редакцияда жазылсын:
«
3 |
Мектептердегі балаларды тамақтандыру рационына витаминді-минералды кешенмен байытылған тамақ өнімдерін енгізу, оның ішінде Денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасының іс-шараларын іске асыруға Алматы облысының (Талғар ауданы) облыстық бюджетіне нысаналы ағымдағы трансферттер бойынша |
БҒМ |
100 000 оның ішінде: |
Алматы облысының әкімдігі (Талғар ауданы) |
100 000 |
»;
«Балалар мен жасөспірімдердің психологиялық және тәни денсаулығын қалыптастыру» деген 5.1.3-мақсатта:
реттік нөмірі 1-жол мынадай редакцияда жазылсын:
«
1 |
Мектеп жасындағы балалардың арасында тірек-қимыл аппараты ауруларының профилактикасы бойынша іс-шаралар кешенін әзірлеу, оның ішінде Қарағанды облысының облыстық бюджетіне, Астана қаласының қалалық бюджетіне нысаналы ағымдағы трансферттер бойынша |
БҒМ |
50 000 |
оның ішінде: |
|||
Қарағанды облысының әкімдігі |
39 632 |
||
Астана қаласының әкімдігі |
10 368 |
».
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов
