Кемелерді, салдарды және өзге де жүзу объектілерін тіркеп сүйреу қағидасын бекіту туралы

Күшін жойған

Қазақстан Республикасы Үкіметінің 2011 жылғы 14 шілдедегі № 790 Қаулысы. Күші жойылды - Қазақстан Республикасы Үкіметінің 2016 жылғы 21 қарашадағы № 714 қаулысымен

Ескерту. Күші жойылды - ҚР Үкіметінің 21.11.2016 № 714 (алғашқы ресми жарияланған күнінен кейін қолданысқа енгізіледі) қаулысымен.

РҚАО-ның ескертпесі.

ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Инвестициялар және даму министрінің 2016 жылғы 12 мамырдағы № 423 бұйрығын қараңыз.

«Ішкі су көлігі туралы» Қазақстан Республикасының 2004 жылғы 6 шілдедегі Заңының 8-бабының 27) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Кемелерді, салдарды және өзге де жүзу объектілерін тіркеп сүйреу қағидасы бекітілсін.
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының
Премьер-Министрі К. Мәсімов

Қазақстан Республикасы
Үкіметінің
2011 жылғы 14 шілдедегі
№ 790 қаулысымен
бекітілген

Кемелерді, салдарды және өзге де жүзу объектілерін тіркеп сүйреу қағидасы

1. Жалпы ережелер

1. Осы Кемелерді, салдарды және өзге де жүзу объектілерін тіркеп сүйреу қағидасы (бұдан әрі – Қағида) «Ішкі су көлігі туралы» Қазақстан Республикасының 2004 жылғы 6 шілдедегі Заңына сәйкес әзірленді және кемелерді, салдарды және өзге де жүзу объектілерін тіркеп сүйреу тәртібі мен шарттарын айқындайды.
2. Осы Қағида Қазақстан Республикасының ішкі су жолдарымен тіркеп сүйреген кезде барлық кемелерге, салдарға және өзге де жүзу объектілеріне олардың тиесілілігіне қарамастан қолданылады.
3. Осы Қағидада мынадай ұғымдар пайдаланылады:
1) тіркеп сүйреу – бірге қосылған және өздігінен жүретін арнайы кеменің көмегімен қозғалу үшін бір немесе бірнеше жүзу объектілерін тасымалдау;
2) тіркеп сүйретілетін объект – тіркеп сүйреуге ұсынылған кеме, сал және өзге де жүзу объектісі;
3) тіркеп сүйреу құрамы – тіркеп сүйрейтін кемені қоса алғанда, өзара қосылған бір немесе бірнеше кеме, сал және өзге де жүзу объектілері;
4) тіркеп сүйрегіш кеме (сүйрегіш) – кемелерді, салдарды және өзге де жүзу объектілерін тіркеп сүйреу жөніндегі жұмыстарды орындайтын өздігінен жүретін кеме;
5) тіркеп сүйреуші – кемелерді, салдарды және өзге де жүзу объектілерін сүйрету жөніндегі қызметтерді ұсынатын кемені меншік құқығында немесе өзге де заңды негіздерде иеленуші тұлға;
6) жөнелтуші – өз атынан немесе тіркеп сүйреу шарты негізінде кемелерді, салдарды және өзге де жүзу объектілерін межелі пунктке жеткізу және алушыға тапсыру үшін тіркеп сүйреушіге сеніп тапсыратын адам;
7) алушы – кемелерді, салдарды және өзге де жүзу объектілерін көлік жүкқұжаты негізінде алуға өкілеттік берілген адам;
8) сал – суда жүкті тасымалдауға немесе өткізуге арналған жазық тұғыр түріндегі жүзбелі құрылыс.
Осы Қағидада пайдаланылатын өзге де ұғымдар ішкі су көлігі саласындағы заңнамаларға сәйкес қолданылады.

2. Жүкқұжатты, тасымалдау және өзге де
құжаттарды ресiмдеу

4. Тіркеп сүйреуге кедергі келтіретін ақаулар мен кемшіліктер табылған жағдайда тіркеп сүйреуші мен жөнелтушінің арасында ақаулар мен кемшіліктердің тізбесін, сондай-ақ оларды жою мерзімдері көрсетіле отырып, Қазақстан Республикасының Үкіметі бекітетін Ішкі су көлігімен жүктерді тасымалдау қағидасына сәйкес коммерциялық акт жасалады.
5. Тіркеп сүйреуге кедергі келтіретін ақаулар мен кемшіліктер болмаған немесе олар жойылған кезде еркін нысанда тіркеп сүйретілетін объектінің тіркеп сүйреуге дайындығы туралы акт жасалады, оның негізінде осы Қағидаға қосымшаға сәйкес көлік жүкқұжаты ресімделеді.
6. Жөнелтуші тіркеп сүйретілетін объектіні тіркеп сүйреуге ұсынумен бір уақытта толтырылған көлік жүкқұжатын ұсынады.
7. Жүкқұжатты жөнелтуші бір алушыға және бір межелі пунктке жіберілетін әрбір ұсынылған тіркеп сүйретілетін объектіге толтырады.
8. Көлік жүкқұжатына енгізілген мәліметтердің өзгерістері мен толықтырулары жөнелтушінің және тіркеп сүйреушінің қолымен расталады.

3. Тіркеп сүйреуді ұйымдастыру

9. Объектілерді тіркеп сүйреу кемелерді, салдарды және өзге де жүзу объектілерін тіркеп сүйреу шартына (бұдан әрі – тіркеп сүйреу шарты) сәйкес жүзеге асырылады. Тіркеп сүйреу шарты жазбаша нысанда жасалады.
10. Тіркеп сүйретілетін объектіні жөнелтуші тіркеп сүйреуге қажетті дайындықты, оның техникалық жарақталуын, тіркеп сүйреу шартына сәйкес экипажбен жасақтауды қамтамасыз етеді.
11. Жөнелтуші тіркеп сүйреуді бастау алдында тіркеп сүйреушіге тіркеп сүйретілетін объектінің жүзуге жарамдылығы туралы куәлікті ұсынады.
12. Тіркеп сүйреуші тіркеп сүйреуге білікті экипажбен жасақталған, тіркеп сүйреуге техникалық тұрғыдан жарақталған және кеме қатынасының қауіпсіздігін қамтамасыз ету талаптарын қанағаттандыратын тіркеп сүйрегіш кемені ұсынады.
13. Тіркеп сүйрегіш кеме (сүйрегіш) өту маршруты бойынша түзетілген карталар жиынтығымен қамтамасыз етіледі.
Барлық кемелерде, оның ішінде тіркеп сүйретілетін кемеде, егер онда ілесіп жүрушілер болса, ультрақысқа толқынды – екі жақты радиобайланысы бар радиостанция болуы қажет.
14. Тіркеп сүйреу кезінде тіркеп сүйретілетін кемеде ұзындығы мен үзілмеу беріктігі бойынша негізгіге тең қосалқы сүйреу тросы болуы қажет.
15. Тіркеп сүйреу үдерісінде тіркеп сүйреуші ішкі су көлігіндегі қызметті регламенттейтін Қазақстан Республикасының заңнамалық және өзге де нормативтік құқықтық актілерін басшылыққа ала отырып, жүзу қауіпсіздігін қамтамасыз етеді.
16. Егер тіркеп сүйреу шартында өзгеше көзделмесе, тіркеп сүйреуші жол жағдайларына байланысты объектіні тіркеп сүйреу тәсілін (итеру немесе тіркеп сүйреу әдісімен) өз бетінше таңдайды.
17. Тіркеп сүйреу уақытындағы табиғи және техногендік сипаттағы төтенше жағдайлар кезінде тіркеп сүйреуші алдын ала сақтанудың және тіркеп сүйретілетін объектіні сақтаудың барлық шараларын қабылдауы керек.
18. Табиғи және техногендік сипаттағы төтенше жағдайлар кезінде тіркеп сүйреу объектісін қалдырған жағдайда тіркеп сүйреуші өзі қалдырған тіркеп сүйретілетін объектінің осы учаскедегі кеме қатынасына, осы аудандағы басқа да кемелерге қауіп және экологиялық ластану қаупін тудырмауы үшін барлық ықтимал шараларды қабылдайды.
19. Тіркеп сүйретілетін объектімен көлік оқиғасы болған жағдайда тіркеп сүйреуші жөнелтушімен бірлесіп, мұндай оқиғадан келтірілген залалды азайту және оның салдарларын жою жөнінде шаралар қабылдайды.

4. Тiркеп сүйреу жөнiндегi қызметтерге ақы төлеу

20. Жөнелтуші тіркеп сүйретілетін объектіні тіркеп сүйреу үшін тіркеп сүйреушіге ұсынады және кемелердi, салдарды және өзге де жүзу объектiлерiн тiркеп сүйреу шартына сәйкес оған ақы төлейді.
21. Егер ішкі су жолдарының қиын учаскелері арқылы салдарды алып өту үшін тіркеп сүйреуші қосалқы кемелер ұсынған жағдайда, жөнелтушіден тіркеп сүйреу шартында айқындалған мөлшерде қосымша төлемақы алынады.

5. Тіркеп сүйретілетін объектіні тіркеп сүйреуге ұсыну

22. Тіркеп сүйретілетін объектіні жөнелтуші тіркеп сүйреушіге оны тіркеп сүйреуге дейін қажетті уақытты есепке ала отырып, тіркеп сүйреу шартында көрсетілген мерзімде қарау үшін ұсынады. Тіркеп сүйретілетін объектіні тексеру үшін ұсыну уақыты жергілікті жер жағдайларын негізге ала отырып, тіркеп сүйреу шартында белгіленеді.
23. Тіркеп сүйреуші тіркеп сүйретілетін объектіні қабылдағанға дейін оны қарауды жүргізеді, тіркеп сүйреу үшін қажетті құжаттарды, тіркеп сүйретілетін объектінің жарағын (такелажын) және жабдығын, тіркеп сүйретілетін объектінің габаритін, тіркеп сүйретілетін объектінің Қазақстан Республикасының Үкіметі бекітетін Ішкі су жолдары бойынша жүзу қағидасына сәйкестігін, ал салдарға қатысты – салдарды қалыптастыру мен жарақтандырудың техникалық шарттарына сәйкестігін тексереді.
24. Тіркеп сүйреу шарты бойынша жолда тіркеп сүйретілетін объектіні басқару қажет болмаған, ал экипаждың тіркеп сүйретілетін объектіде болуы қиын немесе қауіпті болып табылатын жағдайда, шартта тіркеп сүйретілетін объектінің экипажын тіркеп сүйрегіш кемеде орналастыру көзделуі мүмкін.

6. Кеменiң, салдардың және өзге де жүзу объектiлерiнiң
экипаж құрамына және тiркеп сүйреудi жүзеге асыратын тұлғаларға
қойылатын талаптар

25. Тіркеп сүйретілетін объектіні экипажбен және жолсеріктермен жасақтау тәртібі тіркеп сүйреу шартында айқындалады, бұл ретте кеменің жүзуге шығу күні оның экипажының саны кемінде Қазақстан Республикасының Үкіметі бекітетін Кеме экипажының ең аз құрамы туралы талаптарда белгіленген санды құрайды.
26. Тіркеп сүйретілетін объект экипажының мүшелері кеме қатынасы қауіпсіздігін, тіркеп сүйретілетін объектінің сақталуын қамтамасыз ету бөлігінде тіркеп сүйреушінің өкімдерін орындайды және тіркеп сүйретілетін объектімен болатын көлік оқиғаларының алдын алу бойынша шаралар қабылдайды.
27. Тіркеп сүйреуші рейске шығу кезінде тіркеп сүйретілетін кемелердің, салдардың және өзге де жүзу объектілерінің экипажына немесе жолсеріктеріне кемедегі олардың құқықтары мен міндеттері, тәртіп және еңбек қорғау қағидалары туралы нұсқама жүргізеді.
28. Жүру жолында тіркеп сүйрегіш экипажы, тіркеп сүйретілетін кемелердің, салдардың және өзге де жүзу объектілерінің жолсеріктері немесе экипаж мүшелері тіркеп сүйретілетін кемелердің, салдардың және өзге де жүзу объектілерінің жай-күйін бақылауды жүзеге асырады, қажет болған кезде корпусты судан тазартуды және сақталуын қамтамасыз етумен байланысты басқа да жұмыстарды орындайды, сондай-ақ әрбір жағалауға шығудан немесе түбінің топыраққа тиюінен кейін кемелер мен жүзу объектілерінің трюмдерін жүйелі тексеріп қарайды.

7. Тiркеп сүйретiлетiн объектiнi жөнелту,
қабылдау және тапсыру

29. Салдарды жөнелтуші мыналарды жүзеге асырады:
1) салдарды қалыптастыру;
2) жөнелтуші мен тіркеп сүйреушінің арасында келісілген және тіркеп сүйреу шартының талаптарына сәйкес келетін көрсетілген мерзімде оларды тіркеп сүйреушімен алдын ала келісілген тіркеп сүйреу үшін ұсынылған жерлерге шығару;
3) жөнелту пункттерінде және салдардың тұру және қайта қалыптастыру пункттерінде айлақтық құрылғыларды жабдықтау;
4) салдардың көпір астынан, шлюздер және кеме қатынасы үшін басқа да қиын ішкі су жолдарының учаскелері арқылы өтуі үшін жолда оларды қайта қалыптастыру;
5) салдарды қосалқы кемелермен қиын учаскелер арқылы алып өту;
6) жолдағы профилактикалық және авариялық жөндеу.
30. Тіркеп сүйреуші тіркеп сүйретілетін объектінің межелі пунктке келу уақыты туралы алушыны 24 сағаттан кешіктірмей, сондай-ақ тіркеп сүйретілетін объект келгенге дейін 6 сағат бұрын қайталап хабардар етеді.
31. Тіркеп сүйретілетін объектіні алушы тіркеп сүйреушіге тіркеп сүйретілетін объектіні қоятын орынды және оны қабылдау орнын көрсетеді, сондай-ақ тіркеп сүйретілетін объектіні қауіпсіз қоюды қамтамасыз етеді.
32. Тіркеп сүйретілетін объектінің межелі пунктке келуі бойынша тіркеп сүйреуші мен алушы бірлесіп, оны қарауды жүзеге асырады.
33. Егер тіркеп сүйретілетін объект межелі пунктке зақымдалған белгілерімен жеткізілген болса, тіркеп сүйреуші мен объектіні алушы тараптардың өкілдері бірлесіп немесе екі жақтың келісімі бойынша тәуелсіз бағалау ұйымын тарта отырып, зақымдануды қарау мен бағалауды жүргізеді де коммерциялық акт жасайды.
34. Салдарға қатысты жасалған коммерциялық актіде тұғыр құрылғылары жасалған материалдардың санын көрсете отырып, жүкті тіркеп сүйреуге жарамды күйде келген тұғырлардың бірліктерін есептеу жүргізіледі.
35. Салдардың зақымдалған бірліктерінен жасалған материалдарды түпкілікті беру мен қабылдау судан жағалауға ауыстырған кезде немесе тіркеп сүйреуші мен алушы тараптардың өкілдерінің оларды суда қарауы жолымен жүзеге асырылады.
36. Осы Қағиданың 31, 32, 33, 34-тармақтарында көзделген іс-қимылдар тіркеп сүйреу аяқталған уақыттан бастап шартта көрсетілген мерзімнен кешіктірілмей жүзеге асырылады.

Кемелерді, салдарды және
өзге де жүзу объектілерін
тіркеп сүйреу қағидасына
қосымша

_________________________ № ______________ шартқа көлiк жүкқұжаты
Транспортная накладная
к договору №_______ от ________

Жөнелту пунктi Пункт отправления __________________ Жөнелтушi Отправитель ________________________ ____________________________________ (толық атауы) (полное наименование)				Межелі пункт Пункт назначения ___________________ Алушы Получатель _________________________ ____________________________________ (толық атауы) (полное наименование)
Жөнелтушiнiң пошталық мекенжайы және банктiк деректемелерi Почтовый адрес и банковские реквизиты отправителя ______________________________________ ______________________________________ ______________________________________				Алушының пошталық мекенжайы және банктiк деректемелерi Почтовый адрес и банковские реквизиты получателя ____________________________________ ____________________________________ ____________________________________
Тiркеп сүйре- тiлетiн объектiнiң нөмiрi (атауы) Номер (название) букси- руемого объекта	Жөнелтушiнiң белгiлеуi бойынша деректер Данные по определению отправителя			Тарифтiк белгiлер Тарифные отметки
	Габариттер (м) Габариты (м)	Көлем (текше м.) Объем (м.куб)	Салмақ (т) Вес (т)	Тiркеп сүйреу қашықтығы (км) Расстояние буксировки (км)	Жол габариттерi Габариты пути	Тiркеп сүйреушiнiң белгiсi Отметка буксировщика
	Ұзындығы Длина ____ Енi Ширина ____ Шөгуi Осадка ____				Тереңдiгi Глубина _____ Енi Ширина ______ Айналым R закругле- ния ________

Салдың көлемi немесе кеменiң су сиымдылығы
Объем плота или водоизмещение судна
__________________________________
(жазумен) (прописью)
Жинақталған салдағы және құрамдағы жүкқұжат №
№ накладных в сборном плоту или составе

1.Объектiнi (салдың, кеменiң және басқа объктiлердің) дайындығы мен оның қауiпсiз жүзуі мен тіркеп сүйреуге жарамдылығы үшін _______________________________жауап береді (ұйымның атауы) За подготовку объекта (плота, судна и др. объектов) и пригодность его для безопасного плавания и буксировки отвечает ______________________________ (наименование организации) 2.Тіркеп сүйретiлетiн объектiдегi қауiпсiздiктi қамтамасыз етуге жауапты ______________________________ (Т.А.Ә., лауазымы) Ответственный за обеспечение безопасности на буксируемом объекте _____________________________ (ФИО, должность) 3.Қоса берiлген құжаттар: Приложены документы: А)___________________________ Ә)___________________________ Б)___________________________ В)___________________________ Жөнелтушi: Отправитель:_______________ (қолы, мөрi) (подпись, печать)

ТӨЛЕМДЕР: ПЛАТЕЖИ: 1._________№___шартқа сәйкес ___________________________ (жазумен) сомада жөнелту пунктінде алынды Взяты в пункте отправления согласно договора № ___ от ________ в сумме ___________________________ (прописью) ____________________________ _______ 2.Тіркеп сүйреу үдерісіндегi қосымша төлемдер Дополнительные платы в процессе буксировки ________________________ __________ 3.Төлемдердің барлығы: Всего платежей: Алынған:_________________ (жазумен) Получено: _________________________ _________________________ (прописью) Қолы м.о. Подпись м.п.