"Қазақстан Республикасының кейбір заңнамалық актілеріне жер қойнауын пайдалану мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы туралы

Қазақстан Республикасы Үкіметінің 2013 жылғы 31 желтоқсандағы № 1445 қаулысы

БАСПАСӨЗ РЕЛИЗІ

Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне жер қойнауын пайдалану мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының
Премьер-Министрі С. Ахметов

Жоба

ҚАЗАҚСТАН РЕСПУБЛИКАСЫНЫҢ
ЗАҢЫ

Қазақстан Республикасының кейбір заңнамалық актілеріне
жер қойнауын пайдалану мәселелері бойынша өзгерістер
мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2001 жылғы 30 қаңтардағы Қазақстан Республикасының Әкiмшiлiк құқық бұзушылық туралы кодексiне (Қазақстан Республикасы Парламентiнiң Жаршысы, 2001 ж., № 5-6, 24-құжат; № 17-18, 241-құжат; № 21-22, 281-құжат; 2002 ж., № 4, 33-құжат; № 17, 155-құжат; 2003 ж., № 1-2, 3-құжат; № 4, 25-құжат; № 5, 30-құжат; № 11, 56, 64, 68-құжаттар; № 14, 109-құжат; № 15, 122, 139-құжаттар; № 18, 142-құжат; № 21-22, 160-құжат; № 23, 171-құжат; 2004 ж., № 6, 42-құжат; № 10, 55-құжат; № 15, 86-құжат; № 17, 97-құжат; № 23, 139, 140-құжаттар; № 24, 153-құжат; 2005 ж., № 5, 5-құжат; № 7-8, 19-құжат; № 9, 26-құжат; № 13, 53-құжат; № 14, 58-құжат; № 17-18, 72-құжат; № 21-22, 86, 87-құжаттар; № 23, 104-құжат; 2006 ж., № 1, 5-құжат; № 2, 19, 20-құжаттар; № 3, 22-құжат; № 5-6, 31-құжат; № 8, 45-құжат; № 10, 52-құжат; № 11, 55-құжат; № 12, 72, 77-құжаттар; № 13, 85, 86-құжаттар; № 15, 92, 95-құжаттар; № 16, 98, 102-құжаттар; № 23, 141-құжат; 2007 ж., № 1, 4-құжат; № 2, 16, 18-құжаттар; № 3, 20, 23-құжаттар; № 4, 28, 33-құжаттар; № 5-6, 40-құжат; № 9, 67-құжат; № 10, 69-құжат; № 12, 88-құжат; № 13, 99-құжат; № 15, 106-құжат; № 16, 131-құжат; № 17, 136, 139, 140-құжаттар; № 18, 143, 144-құжаттар; № 19, 146, 147-құжаттар; № 20, 152-құжат; № 24, 180-құжат; 2008 ж., № 6-7, 27-құжат; № 12, 48, 51-құжаттар; № 13-14, 54, 57, 58-құжаттар; № 15-16, 62-құжат; № 20, 88-құжат; № 21, 97-құжат; № 23, 114-құжат; № 24, 126, 128, 129-құжаттар; 2009 ж., № 2-3, 7, 21-құжаттар; № 9-10, 47, 48-құжаттар; № 13-14, 62, 63-құжаттар; № 15-16, 70, 72, 73, 74, 75, 76-құжаттар; № 17, 79, 80, 82-құжаттар; № 18, 84, 86-құжаттар; № 19, 88-құжат; № 23, 97, 115, 117-құжаттар; № 24, 121, 122, 125, 129, 130, 133, 134-құжаттар; 2010 ж., № 1-2, 1, 4, 5-құжаттар; № 5, 23-құжат; № 7, 28, 32-құжаттар; № 8, 41-құжат; № 9, 44-құжат; № 11, 58-құжат; № 13, 67-құжат; № 15, 71-құжат; № 17-18, 112, 114-құжаттар; № 20-21, 119-құжат; № 22, 128, 130-құжаттар; № 24, 146, 149-құжаттар; 2011 ж., № 1, 2, 3, 7, 9-құжаттар; № 2, 19, 25, 26, 28-құжаттар; № 3, 32-құжат; № 6, 50-құжат; № 8, 64-құжат; № 11, 102-құжат; № 12, 111-құжат; № 13, 115, 116-құжаттар; № 14, 117-құжат; № 16, 128, 129-құжаттар; № 17, 136-құжат; № 19, 145-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 9, 11, 13, 14, 16-құжаттар; № 3, 21, 22, 25, 26, 27-құжаттар; № 4, 32-құжат; № 5, 35, 36-құжаттар; № 8, 64-құжат; № 10, 77-құжат; № 12, 84, 85-құжаттар; № 13, 91-құжат; № 14, 92, 93, 94-құжаттар; № 15, 97-құжат; № 20, 121-құжат; № 23-24, 125-құжат; 2013 ж., № 1, 2, 3-құжаттар; № 2, 10, 11, 13-құжаттар; № 4, 21-құжат; № 7, 36-құжат; № 8, 50, 64-құжаттар; № 9, 51-құжат; № 10-11, 54, 56-құжат; № 12, 85-құжат; № 13, 62, 63, 64-құжат; № 14, 72, 74, 75-құжат; № 15, 77, 78, 79, 81, 82-құжат; № 16, 83-құжат):
1) мазмұнында:
мынадай мазмұндағы 275-2, 275-3, 275-4, 275-5, 275-6, 275-7, 275-8, 275-9-баптардың тақырыптарымен толықтырылсын:
«275-2-бап. Мұнай операцияларын және іздестіру, бағалау
жұмыстарының жобаларын жүргізу кезінде және
көмірсутек шикізатын өндіру жөніндегі жұмыстарды
жүргізуге арналған белгіленген талаптарды бұзу
275-3-бап. Ілеспе және (немесе) табиғи газды рұқсатсыз жағу
275-4-бап. Ілеспе және (немесе) табиғи газды кәдеге жарату
және/немесе қайта өңдеу кезінде жер қойнауы және жер
қойнауын пайдалану туралы заңнама талаптарын бұзу
275-5-бап. Көмірсутек шикізатының кен орындарын жайластыру
кезінде жер қойнауы және жер қойнауын пайдалану
туралы заңнаманың талаптарын бұзу
275-6-бап. Ұңғымаларды пайдалану кезінде талаптарды бұзу
275-7-бап. Теңізде және ішкі су қоймаларында мұнай
операцияларын жүзеге асыру кезінде жер қойнауы және
жер қойнауын пайдалану туралы заңнаманың талаптарын
бұзу
275-8-бап. Теңіздегі ғылыми зерттеулерді хабарлаусыз жүргізу
275-9-бап. Теңізде мұнай операцияларын жүргізу кезінде
заңнаманың талаптарын бұзу»;
2) мынадай мазмұндағы 275-2, 275-3, 275-4, 275-5, 275-6, 275-7, 275-8, 275-9-баптармен толықтырылсын:
«275-2-бап. Мұнай операцияларын және іздеу, бағалау
жұмыстарының жобаларын жүргізу кезінде және
көмірсутек шикізатын өндіру жөніндегі жұмыстарды
жүргізуге арналған белгіленген талаптарды бұзу
1. Мұнай операцияларын жүргізу кезінде белгіленген талаптарды бұзу және (немесе) іздестіру, бағалау жұмыстарының жобаларын сақтамау және көмірсутегі шикізатын өндіру жөніндегі жұмыстарды жүргізуге арналған белгіленген талаптарды бұзу –
лауазымды адамдарға, дара кәсiпкерлерге – бір жүз, шағын немесе орта кәсiпкерлiк субъектiлерi болып табылатын заңды тұлғаларға – үш жүз, iрi кәсiпкерлiк субъектiлерi болып табылатын заңды тұлғаларға бір мың айлық есептік көрсеткіш мөлшерiнде айыппұл салуға әкеп соғады.
2. Іздестіру, бағалау жұмыстарын және көмірсутек шикізатын өндіру жөніндегі жұмыстарды белгіленген тәртіппен бекітілген жобалау құжатынсыз жүргізу –
дара кәсіпкердің немесе заңды тұлғаның қызметін немесе жекелеген қызмет түрлерін сот тәртібімен тоқтата тұрып немесе оларға тыйым сала отырып, лауазымды адамдарға, дара кәсiпкерлерге – бір жүз елу, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
275-3-бап. Ілеспе және (немесе) табиғи газды рұқсатсыз жағу
1. Жер қойнауы және жер қойнауын пайдалану туралы заңнамада көзделген жағдайларды қоспағанда, ілеспе және (немесе) табиғи газды мұнай және газ саласындағы уәкілетті органның рұқсатынсыз немесе оның рұқсатының талаптарын сақтамай жағу –
лауазымды адамдарға, дара кәсiпкерлерге – бір жүз, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет –
лауазымды адамдарға – бір жүз елу айлық есептік көрсеткіш мөлшерінде айыппұл салуға, дара кәсіпкерлер мен заңды тұлғаларға дара кәсіпкердің немесе заңды тұлғаның қызметін немесе жекелеген қызмет түрлерін сот тәртібімен тоқтата тұруға немесе оларға тыйым салуға әкеп соғады.
275-4-бап. Ілеспе және (немесе) табиғи газды кәдеге жарату
және/немесе қайта өңдеу кезінде жер қойнауы және жер
қойнауын пайдалану туралы заңнама талаптарын бұзу
1. Жер қойнауын пайдаланушының ілеспе және (немесе) табиғи газды кәдеге жаратпай және/немесе қайта өңдемей көмірсутек шикізатымен жұмыс жүргізуі –
лауазымды адамдарға және дара кәсiпкерлерге – бір жүз, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет –
лауазымды адамдарға – бір жүз елу айлық есептік көрсеткіш мөлшерінде айыппұл салуға, дара кәсіпкерлер мен заңды тұлғаларға дара кәсіпкердің немесе заңды тұлғаның қызметін немесе жекелеген қызмет түрлерін сот тәртібімен тоқтата тұруға немесе оларға тыйым салуға әкеп соғады.
275-5-бап. Көмірсутек шикізатының кен орындарын жайластыру
кезінде жер қойнауы және жер қойнауын пайдалану
туралы заңнаманың талаптарын бұзу
Қажетті кәсіпшілік объектілері мен өзге де инфрақұрылым объектілерін салу кезінде белгіленген тәртіппен бекітілген жобалау құжаттамасынан ауытқу өндірілген өнімді және/немесе айдап шығарылған жұмысшы агентті есепке алудың дәйексіз болуына әкеп соқса, –
лауазымды адамдарға, дара кәсiпкерлерге – бір жүз елу, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
275-6-бап. Ұңғымаларды пайдалану кезінде талаптарды бұзу
1. Ұңғымаларды заңнамада белгіленген талаптарды бұза отырып пайдалану –
лауазымды адамдарға, дара кәсiпкерлерге – бір жүз, шағын немесе орта кәсiпкерлiк субъектiлерi болып табылатын заңды тұлғаларға – үш жүз, iрi кәсiпкерлiк субъектiлерi болып табылатын заңды тұлғаларға бір мың айлық есептік көрсеткіш мөлшерiнде айыппұл салуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет –
лауазымды адамдарға, дара кәсiпкерлерге – бір жүз елу, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
275-7-бап. Теңізде және ішкі су қоймаларында мұнай
операцияларын жүзеге асыру кезінде жер қойнауы және
жер қойнауын пайдалану туралы заңнаманың талаптарын
бұзу
1. Теңізде және ішкі су қоймаларында мұнай операцияларын мұнай және газ саласындағы уәкілетті органның жазбаша рұқсатынсыз немесе оның рұқсатының талаптарын сақтамай жүргізу –
лауазымды адамдарға, дара кәсiпкерлерге – бір жүз, шағын немесе орта кәсiпкерлiк субъектiлерi болып табылатын заңды тұлғаларға – бес жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет –
лауазымды адамдарға – бір жүз елу айлық есептік көрсеткіш мөлшерінде айыппұл салуға, дара кәсіпкерлер мен заңды тұлғаларға дара кәсіпкердің немесе заңды тұлғаның қызметін немесе жекелеген қызмет түрлерін сот тәртібімен тоқтата тұруға немесе оларға тыйым салуға әкеп соғады.
275-8-бап. Теңіздегі ғылыми зерттеулерді хабарлаусыз жүргізу
Теңіздегі ғылыми зерттеулерді мұнай және газ саласындағы уәкілетті органға хабарламай жүргізу –
лауазымды адамдарға – сексен, шағын немесе орта кәсiпкерлiк субъектiлерi болып табылатын заңды тұлғаларға – үш жүз, iрi кәсiпкерлiк субъектiлерi болып табылатын заңды тұлғаларға бес жүз айлық есептік көрсеткіш мөлшерiнде айыппұл салуға әкеп соғады.
275-9-бап. Теңізде мұнай операцияларын жүргізу кезінде
заңнаманың талаптарын бұзу
1. Теңізде мұнайды теңізге төгіп алу тәуекелімен байланысты қызметті жүзеге асыратын жеке немесе заңды тұлғада, теңізде мұнай операцияларын жүзеге асыратын жер қойнауын пайдаланушыда мұнайды төгіп алудың алдын алу және оны жою бойынша бекітілген ұйымдастыру жоспары болмаса, –
жеке тұлғаларға – бір жүз елу, шағын немесе орта кәсiпкерлiк субъектiлерi болып табылатын заңды тұлғаларға – төрт жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
2. Теңізде мұнайды теңізге төгіп алу тәуекелімен байланысты қызметті жүзеге асыратын жеке немесе заңды тұлғада, теңізде мұнай операцияларын жүзеге асыратын жер қойнауын пайдаланушыда 1-ші және 2-ші деңгейдегі мұнайды төгіп алу салдарын жою үшін қажетті материалдар мен жабдықтар не мамандандырылған ұйыммен жасалған шарт болмаса, –
жеке тұлғаларға – бір жүз елу, шағын немесе орта кәсiпкерлiк субъектiлерi болып табылатын заңды тұлғаларға – төрт жүз, iрi кәсiпкерлiк субъектiлерi болып табылатын заңды тұлғаларға екі мың айлық есептік көрсеткіш мөлшерiнде айыппұл салуға әкеп соғады.
3. Осы баптың бiрiншi, екінші бөлiктерiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған іс-әрекеттер –
жеке тұлғаларға – бір жүз елу айлық есептік көрсеткіш мөлшерiнде айыппұл салуға, заңды тұлғаларға заңды тұлғаның қызметін немесе жекелеген қызмет түрлерін тоқтата тұруға немесе оларға тыйым салуға әкеп соғады.»;
3) 541-баптың бірінші бөлігі «275-1» санынан кейін «275-2 (екінші бөлігінде), 275-3 (екінші бөлігінде), 275-4 (екінші бөлігінде), 275-7 (екінші бөлігінде), 275-9 (үшінші бөлігінде)» деген сөздермен толықтырылсын;
4) 553-баптың бірінші бөлігі мынадай редакцияда жазылсын:
«1. Өнеркәсiп қауiпсiздiгi саласындағы уәкiлеттi орган осы Кодекстiң 89, 175 (екiншi бөлiгiнде) (қызметi үшiншi тұлғаларға зиян келтiру қаупiмен байланысты объектiлер иелерi жасаған құқық бұзушылықтар бөлiгiнде), 220, 221, 270, 271, 272 (техникалық қауiпсiздiк бөлiгiнде), 275-9 (бірінші, екінші бөліктерінде), 357-2 (бiрiншi бөлiгiнде), 504-баптарында көзделген әкiмшiлiк құқық бұзушылық туралы iстердi қарайды.»;
5) 554-2-баптың бірінші бөлігі мынадай редакцияда жазылсын:
«1. Мұнай және газ саласындағы уәкiлеттi орган осы Кодекстiң 147-11 (бiрiншi – алтыншы, сегiзiншi бөлiктерiнде), 275 (бірiншi бөлiгiнде), 275-2 (бірінші бөлігінде), 275-3 (бірінші бөлігінде), 275-4 (бірінші бөлігінде), 275-5, 275-6, 275-7 (бірінші бөлігінде), 275-8, 357-2 (бiрiншi бөлiгiнде)-баптарында көзделген әкiмшiлiк құқық бұзушылықтар туралы iстердi қарайды.»
6) 636-баптың бірінші бөлігінің 1) тармақшасында:
үшінші абзац мынадай редакцияда жазылсын:
«өнеркәсiп қауiпсiздiгi саласындағы уәкiлеттi органның (225-1 (газбен жабдықтау жүйелерi объектiлерiнiң күзет аймақтарындағы бұзушылықтар бойынша), 226 (үшiншi – бесiншi бөлiктер), 228, 229, 275-9 (үшінші бөлігі), 314, 317-1 (өрт және жарылыс қауiпсiздiгi бөлiгiнде машиналар мен жабдықтарға, химиялық өнiмдерге қойылатын қауiпсiздiк талаптарын бұзушылық бойынша), 356-баптар);»;
қырық алтыншы абзац мынадай редакцияда жазылсын:
«мұнай және газ саласындағы уәкілетті органның (147-11 (жетінші және тоғызыншы бөліктері), 147-12 (екінші және үшінші бөліктері (тауарлық немесе сұйытылған мұнай газын көтерме саудада өткізудің шекті бағаларын асырып жіберу бойынша), 275-2 (екінші бөлігі), 275-3 (екінші бөлігі), 275-4 (екінші бөлігі), 275-7 (екінші бөлігі),356, 357-1, 357-2 (екінші бөлігі)-баптар);»;
7) 642-баптың бірінші бөлігі мынадай редакцияда жазылсын:
«1. Әкiмшiлiк құқық бұзушылық туралы iс оның жасалған жерi бойынша не орталық уәкілетті мемлекеттік органда аумақтық бөлімшелер болмаған кезде, ал осы Кодексте көзделген жағдайларда әкiмшiлiк құқық бұзушылық туралы iстi қарау ведомстволық бағыныстылығына жататын лауазымды адамның (уәкiлеттi мемлекеттiк органның) орналасқан жерi бойынша қаралады.».
2. 2007 жылғы 9 қаңтардағы Қазақстан Республикасының Экологиялық кодексiне (Қазақстан Республикасы Парламентiнiң Жаршысы, 2007 ж., № 1, 1-құжат; № 20, 152-құжат; 2008 ж., № 21, 97-құжат; № 23, 114-құжат; 2009 ж., № 11-12, 55-құжат; № 18, 84-құжат; № 23, 100-құжат; 2010 ж., № 1-2, 5-құжат; № 5, 23-құжат; № 24, 146-құжат; 2011 ж., № 1, 2, 3, 7-құжаттар; № 5, 43-құжат; № 11, 102-құжат; № 12, 111-құжат; № 16, 129-құжат; № 21, 161-құжат; 2012 ж., № 3, 27-құжат; № 8, 64-құжат; № 14, 92, 95-құжаттар; № 15, 97-құжат; № 21-22, 124-құжат; 2013 ж., № 9, 51-құжат; № 12, 57-құжат; № 14, 72, 75-құжаттар):
1) 47-баптың 1-тармағының 5) тармақшасы алып тасталсын;
2) 108-баптың 3-тармағы мынадай редакцияда жазылсын:
«3. Атмосфералық ауаны және су, жер ресурстарын белгiленген нормативтерден тыс ластаудан, жер қойнауын заңсыз пайдаланудан, сондай-ақ өндiрiс пен тұтыну қалдықтарын, оның iшiнде радиоактивтi қалдықтарды белгiленген нормативтерден тыс орналастырудан келтiрiлген залалды экономикалық бағалау Қазақстан Республикасының Үкiметi бекiтетiн қағидаларға сәйкес тура немесе жанама әдiстермен айқындалады.»;
3) 114-бап мынадай мазмұндағы 11-1) тармақшамен толықтырылсын:
«11-1) жер қойнауына мемлекеттік меншік құқығының сақталуына;»;
4) 218-баптың 1-тармағы мынадай редакцияда жазылсын:
«1. Жобалау құжаттамасына мемлекеттiк экологиялық және санитариялық-эпидемиологиялық сараптамалардың оң қорытындылары және экологиялық рұқсат жер қойнауын пайдалану жөнiндегi операцияларды жүргiзу үшiн экологиялық негiз болып табылады.»;
5) 321-баптың 2-тармағының 2) тармақшасы мынадай редакцияда жазылсын:
«2) табиғи ресурстарды заңсыз және ұтымсыз пайдаланудың;».
3. «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына (Қазақстан Республикасы Парламентiнiң Жаршысы, 2010 ж., № 12, 60-құжат; 2011 ж., № 1, 2-құжат; № 11, 102-құжат; № 12, 111-құжат; 2012 ж., № 2, 11, 14-құжаттар; № 3, 21-құжат; № 4, 30-құжат; № 6, 46-құжат; № 8, 64-құжат; № 11, 80-құжат; № 15, 97-құжат; № 23-24, 125-құжат; 2013 ж. № 9, 51-құжат; № 14, 75-құжат; № 15, 81-құжат):
1) 1-бапта:
2), 3) және 4) тармақшалар мынадай редакцияда жазылсын:
«2) айналыстан шыққан қорлар – өндiру процесiнде түзiлетiн, жер қойнауындағы пайдалы қазбалардың нормаланған ысыраптан аспайтын іс жүзіндегі ысыраптарын қоса алғанда, оларды өндiру нәтижесiнде жер қойнауын пайдаланушы өз балансынан шығаратын, Қазақстан Республикасының Пайдалы қазбалар қоры жөнiндегi мемлекеттiк комиссиясы бекiткен қатты пайдалы қазбалардың өндiрiлген баланстық қорлары;
3) бағалау жұмыстары – анықталған кен орнының пайдалы қазбалар қорларын айқындау, олардың өнеркәсiптiк маңызын бағалау және игеруге тартудың орындылығын техникалық-экономикалық негiздеу мақсатында жүргiзiлетiн геологиялық-барлау жұмыстарының сатысы;
4) бағалау жұмыстарының жобасы – табылған кен орнының пайдалы қазбалар қорларын айқындау, оның өнеркәсiптiк маңызын жiтi бағалау және оны өнеркәсiптiк игеруге тартудың орындылығын техникалық-экономикалық негiздеу үшiн геологиялық-барлау жұмыстарын жүргiзу әдiстемесi мен көлемiн белгiлейтiн, пайдалы қазбалардың перспективалы учаскелерi мен көрiнiс-белгiлерi табылған жағдайда барлау жүргiзген кезде жасалатын жобалау құжаты;»;
мынадай мазмұндағы 6-1) тармақшамен толықтырылсын:
«6-1) барлаумен және (немесе) өндірумен байланысты жерасты құрылыстарын салу және (немесе) пайдалану – келісімшарттық аумақ шегінде, барлауға және (немесе) өндіруге арналған бекітілген жобалау құжатына сәйкес, барлау және (немесе) өндіру жөніндегі жұмыстардың нәтижесінде түзілген өнеркәсіптік қалдықтарды көмуге және жиып қоюға арналған жерасты құрылыстарын салу және (немесе) пайдалану;»;
8), 9) тармақшалар мынадай редакцияда жазылсын:
«8) геологиялық ақпарат – геологиялық, геохимиялық, геофизикалық, гидрогеологиялық, геоморфологиялық, тектоникалық мәлiметтердi, тау-кен қазбаларының, ұңғымалардың техникалық құжаттамасын, кен орнының, жер қойнауын пайдалану жөнiндегi операциялар жүргiзiлетiн келiсiмшарттық аумақтағы жұмыс учаскесi мен объектiлердiң болжамды ресурстарын және баланстық қорларын қамтитын, табиғи және жасанды (қағаздағы және электрондық) жеткізгіштердегі ақпарат жиынтығы;
9) геологиялық бөлу – барлауға, өндіруге, бiрлескен барлауға және өндiруге арналған келiсiмшарттың ажырамас бөлiгi болып табылатын, жер қойнауын пайдаланушы барлау жүргiзуге құқылы жер қойнауы учаскелерiн схемалық және сипаттамалық жағынан айқындайтын қосымша;»;
мынадай мазмұндағы 15-1) тармақшамен толықтырылсын:
«15-1) аз зерттелген жер қойнауы учаскелері – конкурсқа шығару үшін немесе тікелей келіссөздер негізінде ұсынуға жеткілікті геологиялық ақпарат жоқ жер қойнауы учаскелері;»;
16), 17) тармақшалар мынадай редакцияда жазылсын:
«16) жер қойнауын қорғау – Қазақстан Республикасының қоршаған ортаны қорғау және табиғи ресурстарды пайдалану туралы заңнамасында көзделген, жер қойнауын пайдалану жөнiндегi операцияларды жүргiзу кезiнде жер қойнауының ластануын болғызбауға, жер қойнауын пайдалану жөнiндегi операциялардың қоршаған ортаға зиянды әсерiн азайтуға, сондай-ақ жер қойнауын заңсыз пайдалануды анықтауға және оның жолын кесуге бағытталған бақылау iс-шараларының жүйесi;
17) жер қойнауын мемлекеттiк геологиялық зерттеу – өңірлік және геологиялық-түсіру жұмыстары, геологиялық, геофизикалық, геохимиялық, гидрогеологиялық зерттеулер, iздеу, iздеу-бағалау, іздеу-барлау жұмыстарын жүргiзу, жер қойнауы жай-күйiнiң мониторингiн жүргізу, мемлекеттiк геологиялық карталар жасау, жер қойнауын зерделеу және пайдалану саласындағы қолданбалы ғылыми зерттеулер, өздігінен ағып шығатын гидрогеологиялық және мұнай ұңғымаларын жою және консервациялау;»;
мынадай мазмұндағы 24-1) тармақшамен толықтырылсын:
24-1) конкурс – жер қойнауын пайдалануға арналған келісімшарт жасасуға құқығы бар жеңімпазды айқындау үшін тендер немесе бәсекелес сауда-саттық нысанында өткізілетін рәсім;»;
31) және 33) тармақшалар мынадай редакцияда жазылсын:
«31) жобалау құжаттары – экологиялық, санитариялық-эпидемиологиялық және өнеркәсiптiк қауiпсiздiктiң талаптары ескерiле отырып, пайдалы қазбалардың кен орындарын iздеудiң, бағалаудың және игерудiң техникалық жағдайлары мен технологиялық көрсеткiштерiн қамтитын құжаттар;
33) жұмыс бағдарламасы – келiсiмшарт қолданылуының мерзiмi шегінде жер қойнауын пайдаланушының инвестициялық жобалық көрсеткіштерді орындау жөніндегі міндеттемелерін қамтитын құжат;»;
мынадай мазмұндағы 37-1) тармақшамен толықтырылсын:
«37-1) кәсіби авариялық-құтқару қызметтері – пайдалы қазбаларды өндіру және байыту бойынша қауіпті өндірістік объектілері бар жер қойнауын пайдаланушыларға ұдайы, тәулік бойы қызмет көрсетілуін, кәсіби авариялық-құтқару қызметтерінің жедел бөлімшелерінің қызмет көрсетілетін объектілерде авариялар кезінде аварияларды жоюға және авариялық-құтқару жұмыстарын жүргізуге, адамдарды құтқаруға және эвакуациялауға, аварияларды және олардың салдарын оқшаулауға және жоюға дереу шығуға ұдайы, тәулік бойы әзір болуын қамтамасыз ететін қызметтер және (немесе) ұйымдар;»;
39) тармақша мынадай редакцияда жазылсын:
«39) келiсiмшарттық аумақ – жер қойнауын пайдаланушы келiсiмшартқа сәйкес онда жер қойнауын пайдалану жөнiндегi операциялар жүргiзуге құқылы болатын, геологиялық және (немесе) тау-кендiк бөлумен айқындалатын аумақ;»;
70) тармақша мынадай редакцияда жазылсын:
«70) минералдық шикiзатты өңдеу – минералдық шикiзаттан пайдалы құрауыштарды шығарып алуға байланысты жұмыстар, сондай-ақ минералдық шикiзатты бастапқы өңдеуден кейiнгi жұмыстар (бастапқы өңдеу болған кезде);»;
мынадай мазмұндағы 80-1) тармақшамен толықтырылсын:
«80-1) қатты пайдалы қазбалар – кең таралған пайдалы қазбаларды және көмірсутегі шикізатын қоспағанда, жер қойнауында қатты күйде болатын табиғи минералдық түзілімдер;»;
90) тармақша мынадай редакцияда жазылсын:
«90) тарату қоры – жер қойнауын пайдаланушы Қазақстан Республикасында жер қойнауын пайдалану жөнiндегi операциялардың салдарын жою үшiн Қазақстан Республикасының аумағындағы кез келген банкте арнаулы депозиттік шотта жинақтайтын ақшалай қаражат;»;
97) тармақша мынадай редакцияда жазылсын:
«97) тау-кендiк бөлу – өндiруге, бiрлескен барлау мен өндiруге арналған келiсiмшарттың ажырамас бөлiгi болып табылатын, оның шегінде жер қойнауын пайдаланушы өндiрудi, барлаумен және (немесе) өндiрумен байланысты емес жерасты құрылыстарын салуды және (немесе) пайдалануды жүргiзуге құқылы болатын жер қойнауы учаскесiн графикалық және сипаттамалық жағынан айқындайтын құжат;»;
мынадай мазмұндағы 102-1) тармақшамен толықтырылсын:
«102-1) мұнайдың теңізге төгілуі – теңізде мұнай операцияларын жүзеге асыру, мұнайды тасымалдау және (немесе) сақтау кезінде теңіздің мұнаймен ластануы;»;
мынадай мазмұндағы 109-1) тармақшамен толықтырылсын:
«109-1) барлауға арналған үлгілік келісімшарт – барлауға арналған құқық осы Заңға сәйкес оңайлатылған тәртіппен берілетін тұлғамен Қазақстан Республикасының Үкіметі бекіткен нысанда жасалатын келісімшарт;»;
2) 10-бапта:
3 және 4-тармақтар мынадай редакцияда жазылсын:
«3. Техногендiк минералдық түзiлiмдер жер қойнауын пайдаланушының меншiгi болып табылады. Техногендiк минералдық түзiлiмдердi игеру кезiнде жер қойнауын пайдаланушы не техногендiк минералдық түзiлiмдерге меншiк құқығы бар үшiншi тұлға құзыреттi органмен немесе облыстың, республикалық маңызы бар қаланың, астананың жергілікті атқарушы органымен тікелей келіссөздер жүргізу арқылы келiсiмшарт жасасуға мiндеттi.
4. 1992 жылғы 30 мамырға дейiн қоймаға қойылған техногендiк минералдық түзiлiмдер мемлекеттік меншiк болып табылады.»;
6-тармақ мынадай мазмұндағы екінші бөлігімен толықтырылсын:
«Техногендiк минералдық түзiлiмдерді кез келген түрдегі өндіріс қалдықтарымен араластыруға тыйым салынады.»;
3) 11-бапта:
тақырып мынадай редакцияда жазылсын:
«11-бап. Геологиялық ақпаратқа меншiк құқығы, ақпаратты
пайдалану және беру тәртiбi»;
1, 2 және 3-тармақтар мынадай редакцияда жазылсын:
«1. Геологиялық ақпарат, егер ол мемлекеттің бюджет қаражаты есебiнен алынса – мемлекеттік меншiкте, егер ол жер қойнауын пайдаланушының қаражаты есебiнен алынса, келісімшарттың қолданылуы кезеңінде жер қойнауын пайдаланушының меншiгiнде болады.
2. Жер қойнауын пайдалану жөніндегі операцияларды қаржыландыру көзiне қарамастан, жер қойнауы туралы геологиялық және өзге де ақпарат келісімшарттың қолданылуы тоқтатылғаннан кейін мемлекеттің меншігіне міндетті түрде өтеусіз берілуге жатады. Геологиялық ақпаратты есепке алуды, сақтауды, жүйелеуді және жинақтауды жер қойнауын зерттеу мен пайдалану жөнiндегi уәкiлеттi орган Қазақстан Республикасының Үкiметi бекiткен тәртiпке сәйкес жүзеге асырады.
3. Геологиялық ақпарат пайдалануға өтеулі немесе өтеусіз негiзде берiледi.
Геологиялық ақпарат мыналарға:
1) жер қойнауын геологиялық зерттеу байланысты жұмыстарды мемлекеттiк бюджет қаражаты есебiнен жүргiзетiн тұлғаларға;
2) ғылыми зерттеулер мемлекеттiк бюджеттен және (немесе) ғылыми және (немесе) ғылыми-техникалық қызметтің субъектілері болып табылатын ұлттық компаниялардың және (немесе) еншілес ұйымдардың бюджетінен қаржыландырылатын жағдайларда ғылыми мақсаттар үшiн;
3) мемлекеттiк, сондай-ақ аккредиттелген жекеше оқу орындарына – оқу мақсаттарында;
4) мемлекеттiк органдарға;
5) мемлекеттік геологиялық тапсырма бойынша өз қаражаты есебінен жер қойнауын мемлекеттік геологиялық зерттеу орындайтын ұлттық компанияларға өтеусіз негiзде берiледi.
Осы тармақта көзделген жағдайларды қоспағанда, геологиялық ақпарат ақылы негізде беріледі. Геологиялық ақпаратты беру талаптарына қарамастан, оны көшіру жөніндегі шығыстарды геологиялық ақпаратты алушы бөлек өтейді.
Мемлекет меншігінде болатын геологиялық ақпаратты оқу, ғылыми, коммерциялық мақсаттарда пайдалану және геологиялық ақпаратты Қазақстан Республикасының аумағынан тысқары жерге әкету қағидаларын Қазақстан Республикасының Үкіметі бекітеді.»;
мынадай мазмұндағы 2-1-тармақпен толықтырылсын:
«2-1. Жер қойнауы пайдаланылудан бос пайдалы қазбаның кен орнымен танысу үшін геологиялық ақпарат Қазақстан Республикасының мемлекеттік құпиялар туралы заңнамасының талаптары сақталған жағдайда мүдделі тұлғаның сұрау салуы негізінде беріледі.»;
мынадай мазмұндағы 6-тармақпен толықтырылсын:
«6. Барлау үшін оңайлатылған тәртіппен берілетін жер қойнауы учаскелері бойынша геологиялық ақпарат блоктарға бөлінуге тиіс.»;
4) 12-бапта:
1-тармақтың екінші бөлігі мынадай редакцияда жазылсын:
«Жер қойнауын пайдаланушы мәмiлелер жасасу кезiнде қолданатын пайдалы қазбалардың бағалары туралы ақпарат болмаған жағдайда, мемлекет пайдалы қазбаларды сатып алуы жөнiнде мәмiле жасасқан күнi әлемдiк нарықта қалыптасқан бағалардан аспайтын бағалар көліктік шығыстарды және өткізуге арналған шығындарды шегере отырып, қолданылады.»;
2-тармақтың бірінші бөлігі мынадай редакцияда жазылсын:
«2. Стратегиялық маңызы бар жер учаскелерінде, кен орындарында жер қойнауын пайдалануға жаңадан жасалатын, сондай-ақ бұрын жасалған келiсiмшарттарда ел экономикасының ресурстық-энергетикалық негiзiн сақтау және нығайту үшiн мемлекеттiң келiсiмшарттың басқа тарапы немесе жер қойнауын пайдалану құқығына ие заңды тұлғаның қатысушылары және басқа да тұлғалар алдында өтеулі және өтеусіз негiздер бойынша иелiктен шығарылатын жер қойнауын пайдалану құқығын (оның бiр бөлiгiн) және (немесе) жер қойнауын пайдалану құқығымен байланысты объектiлердi сатып алуға басым құқығы бар.»;
5) 13-бапта:
1, 2-тармақтар мынадай редакцияда жазылсын:
«1. Жер қойнауын пайдалану құқығына және (немесе) жер қойнауын пайдалану құқығымен байланысты объектіге ие тұлғаның жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні иеліктен шығару ниеті болған жағдайда мемлекет ұлттық басқарушы холдинг, Үкімет бекіткен қызметтің аражігін ажыратуға сәйкес ұлттық компания немесе уәкілетті мемлекеттік орган арқылы жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні сатып алудың басым құқығына ие болады.
Қазақстан Республикасының Үкіметі атынан иеліктен шығарылатын жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні ұлттық басқарушы холдингтің немесе Үкімет бекіткен қызметтің аражігін ажыратуға сәйкес ұлттық компанияның сатып алуы туралы шешімді құзыретті орган белгіленген тәртіппен қабылдайды.
2. Егер осы Заңда өзгеше белгіленбесе, өзіне тиесілі жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні иеліктен шығаруды жүргізу ниеті бар тұлға құзыретті органға жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні иеліктен шығару туралы өтініш жібереді.
Жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні иеліктен шығару туралы өтініш қазақ және орыс тілдерінде жасалуға және осы Заңның
37-бабының 2-тармағында белгіленген мәліметтерді қамтуға тиіс және үш ай ішінде оны құзыретті органға бергеннен кейін кері қайтарып алуға немесе қайта қарауға жатпайды.»;
4-тармақтың екінші бөлігі мынадай редакцияда жазылсын:
«Мемлекеттің басым құқығын жүзеге асыру мәселелері жөніндегі ведомствоаралық комиссия иеліктен шығарылатын жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні сатып алуды жүзеге асыру ниеті туралы мәлімдеген ұлттық басқарушы холдингтің немесе Үкімет бекіткен қызметтің аражігін ажыратуға сәйкес ұлттық компанияның осындай сатып алуы туралы ұсынымдар әзірлеген жағдайда, Ведомствоаралық комиссия құзыретті органға ұлттық басқарушы холдингті немесе ұлттық компанияны мемлекет атынан осындай сатып алушы ретінде айқындау ұсынымын жасайды.»;
8-тармақтың бірінші және екінші бөліктері мынадай редакцияда жазылсын:
«8. Құзыретті органның иеліктен шығарылатын жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні сатып алу туралы шешімін алғаннан кейін ұлттық басқарушы холдинг, Үкімет бекіткен қызметтің аражігін ажыратуға сәйкес ұлттық компания немесе уәкілетті мемлекеттік орган жер қойнауын пайдаланушымен немесе жер қойнауын пайдалану құқығымен байланысты объектіні иеленуші тұлғамен келіссөздер процесін жүргізуге бастамашы болады.
Ұлттық басқарушы холдингтің, Үкімет бекіткен қызметтің аражігін ажыратуға сәйкес ұлттық компанияның немесе уәкілетті мемлекеттік органның иеліктен шығарылатын жер қойнауын пайдалану құқығын (оның бір бөлігін) және (немесе) жер қойнауын пайдалану құқығымен байланысты объектіні сатып алуы басқа өтініш берушілер ұсынғандардан нашар болмайтын жағдайларда жүзеге асырылады.»;
6) мынадай мазмұндағы 14-1-баппен толықтырылсын:
«14-1 бап. Стратегиялық маңызы бар жер қойнауы, кен орны
учаскелері
Қазақстан Республикасының орнықты дамуын және елдің қауіпсіздігін қамтамасыз ету мақсатында жер қойнауының, кен орындарының жекелеген учаскелері стратегиялық деп танылады.
Стратегиялық маңызы бар жер қойнауы, кен орындары учаскелерінің тізбесін, сондай-ақ оларды осындайларға жатқызу критерийлерін Қазақстан Республикасының Үкіметі бекітеді.»;
7) 16-бапта:
10) тармақша мынадай редакцияда жазылсын:
«10) кең таралған пайдалы қазбалары бар жер қойнауы учаскелерiн қоспағанда, тендер немесе бәсекелес сауда-саттық нысанында конкурсқа шығарылуға жататын жер қойнауы учаскелерiнiң тiзбесiн бекiтедi;»;
мынадай мазмұндағы 11-1), 11-2) тармақшалармен толықтырылсын:
«11-1) теңізде және Қазақстан Республикасының ішкі су қоймаларында мұнайдың төгілуінің алдын алу және оларға ден қою жөніндегі ұлттық жоспарды бекітеді;
«11-2) Мұнайдың төгілуіне ден қою жөніндегі ұлттық комиссияның құрамы мен ол туралы ережені бекітеді;»;
мынадай мазмұндағы 17-1) тармақшамен толықтырылсын:
«17-1) жер қойнауын пайдалану саласындағы ұлттық компаниялар қызметінің аражігін бекітеді;»;
мынадай мазмұндағы 29-1) тармақшамен толықтырылсын:
«29-1) Қазақстан Республикасы аумағының геологиялық, гидрогеологиялық, инженерлік-геологиялық, геофизикалық, экологиялық-геологиялық және геохимиялық жағынан зерттелу қағидаларын бекітеді;»;
мынадай мазмұндағы 32-1) тармақшамен толықтырылсын:
«32-1) жер қойнауын пайдаланумен байланысты индустриялық-инновациялық қызмет субьектілерінің өндірістік қызметін (технологиялық процесін) тану тәртібін айқындайды;»;
61) тармақша мынадай редакцияда жазылсын:
«61) Қазақстан Республикасының азаматтары болып табылатын, келiсiмшартты орындау кезiнде тартылған қызметкерлердi оқытуға, олардың бiлiктiлiгiн арттыруға және қайта даярлауға және (немесе) Қазақстан Республикасының азаматтарын құзыреттi органмен келiсiлген мамандықтар тiзбесi бойынша оқытуға жіберілетін шығыстар мөлшерi жөнiндегi мiндеттемелердi орындау бойынша жер қойнауын пайдаланушылардың есептерiн жасаудың және ұсынудың нысандары мен тәртiбiн бекiтедi;»
мынадай мазмұндағы 61-1) тармақшамен толықтырылсын:
«61-1) барлауға арналған үлгілік келісімшарттың нысанын бекітеді;»;
8) 17-бапта:
мынадай мазмұндағы 3-1) тармақшамен толықтырылсын:
«3-1) жер қойнауын пайдалануға берілген кен орны бойынша материалдарды (нүктелердің географиялық координаталарын) қоса бере отырып, облыстың, республикалық маңызы бар қаланың, астананың жергілікті атқарушы органдарына Қазақстан Республикасы Жер кодексінің 49-2-бабына сәйкес жерді резервке қалдыру қажеттігі туралы хабарлама жіберу;»;
4), 5) тармақшалар мынадай редакцияда жазылсын:
«4) кең таралған пайдалы қазбаларды барлауға, өндiруге арналған келiсiмшартты қоспағанда, тікелей келіссөздер негізінде келісімшарт жасасатын тұлғамен немесе конкурстың жеңімпазымен барлауға, өндiруге, бiрлескен барлау мен өндiруге арналған келiсiмшарттың талаптары туралы келiссөздер жүргiзу;
5) кең таралған пайдалы қазбаларды барлауға, өндiруге арналған келiсiмшарттық құжаттардың жобаларын қоспағанда, барлауға, өндiруге, бiрлескен барлау мен өндiруге арналған келiсiмшарттық құжаттардың жобаларына сараптама жүргiзудi ұйымдастыру;»;
14) тармақша мынадай редакцияда жазылсын:
«14) құрамында кең таралған пайдалы қазбалар бар жер қойнауы учаскелерiн қоспағанда, конкурсқа шығарылуға жататын, сондай-ақ барлау үшін оңайлатылған тәртіппен берілетін жер қойнауы учаскелерi тiзбелерiнiң жобаларын әзiрлеу;»;
27) тармақша мынадай редакцияда жазылсын:
«27) пайдалы қазбаларды барлауға, өндiруге, бiрлескен барлау мен өндiруге арналған жер қойнауын пайдалану құқығын беру бойынша тiкелей келiссөздер жүргiзу жөнiндегi жұмыс тобы туралы ереженi және оның құрамын бекiту;»;
мынадай мазмұндағы 27-1) тармақшамен толықтырылсын:
«27-1) келісімшарт талаптары бойынша келіссөздер жүргiзу жөнiндегi жұмыс тобының ережесін және құрамын бекіту;»;
9) 18-бапта:
18) және 21) тармақшалар мынадай редакцияда жазылсын:
«18) мұнай операцияларын жүргiзу мен мұнай тасымалдау саласындағы техникалық регламенттердi әзiрлеу, нормативтiк-техникалық құжаттарды әзірлеуді ұйымдастыру және мұнай операцияларын жүргiзу саласындағы нормативтiк-техникалық құжаттарды әзірлеу тәртібін бекіту;»;
21) Қазақстан Республикасының азаматтары болып табылатын, келiсiмшартты орындау кезiнде тартылған қызметкерлердi оқытуға, олардың бiлiктiлiгiн арттыруға және қайта даярлауға және (немесе) Қазақстан Республикасының азаматтарын құзыреттi органмен келiсiлген мамандықтар тiзбесi бойынша оқытуға жіберілетін шығыстар мөлшерi жөнiндегi мiндеттемелердi орындау бойынша жер қойнауын пайдаланушылардың есептерiн жасаудың және ұсынудың нысандары мен тәртiбiн индустриялық саясатты реттеу саласындағы уәкiлеттi органмен бiрлесiп әзiрлеу;»;
10) 19-бапта:
мынадай мазмұндағы 11-1) тармақшамен толықтырылсын:
«11-1) жер қойнауын пайдаланумен байланысты индустриялық-инновациялық қызмет субьектілерінің өндірістік қызметін (технологиялық процесін) тану тәртібін әзірлеу;»;
23) тармақша мынадай редакцияда жазылсын:
«23) Қазақстан Республикасының азаматтары болып табылатын, келiсiмшартты орындау кезiнде тартылған қызметкерлердi оқытуға, олардың бiлiктiлiгiн арттыруға және қайта даярлауға және (немесе) Қазақстан Республикасының азаматтарын құзыреттi органмен келiсiлген мамандықтар тiзбесi бойынша оқытуға бағытталатын шығыстар мөлшерi жөнiндегi мiндеттемелердi орындау бойынша жер қойнауын пайдаланушылардың есептерiн жасаудың және ұсынудың нысандары мен тәртiбiн мұнай және газ саласындағы уәкiлеттi органмен бiрлесiп әзiрлеу;»;
мынадай мазмұндағы 25-1) тармақшамен толықтырылсын:
«25-1) «Қазақстан Республикасындағы мемлекеттiк бақылау және қадағалау туралы» Қазақстан Республикасының Заңына сәйкес ведомстволық есептіліктің, тексеру парақтарының нысандарын, тәуекел дәрежесін бағалау критерийлерін, тексерулердің жартыжылдық жоспарларын әзірлеу және бекіту;»;
11) 20-бапта:
3) және 6) тармақшалар мынадай редакцияда жазылсын:
«3) жер қойнауын мемлекеттiк геологиялық зерттеуге жер қойнауын пайдалану құқығын бередi, жер қойнауын мемлекеттiк геологиялық зерттеуге келiсiмшарттар (шарттар) жасасады, олардың мемлекеттік тіркелуін, сақталуын және орындалуының мониторингін жүзеге асырады;
6) жер қойнауын мемлекеттiк геологиялық зерттеу және мониторингілеу саласындағы жұмыстарды жүргiзуге арналған жобалау-сметалық құжаттаманың экономикалық сараптамасын, сондай-ақ мемлекеттік бюджет қаражаты есебінен қаржыландырылатын параметрикалық, мұнай-газ және гидрогеологиялық ұңғымаларды консервациялауды, жоюды ұйымдастырады және жүргiзедi;»;
мынадай мазмұндағы 9-1) тармақшамен толықтырылсын:
«9-1) барлау үшін оңайлатылған тәртіппен берілетін жер қойнауы учаскелері бойынша геологиялық ақпаратты пайдалануға береді;»;
10) тармақша алып тасталсын;
11) тармақша мынадай редакцияда жазылсын:
«11) өз құзыретi шегiнде жер қойнауын пайдаланушылардың келiсiмшарттар талаптарын орындауына, оның ішінде жер қойнауын мемлекеттік геологиялық зерттеуге арналған келісімшарттар (шарттар) талаптарының орындалуына мониторингтi және бақылауды жүзеге асырады;»;
13) тармақша мынадай редакцияда жазылсын:
«13) конкурсқа шығарылуға жататын, сондай-ақ барлау үшін оңайлатылған тәртіппен берілетін жер қойнауы учаскелерi тiзбелерiнiң жобаларын қалыптастыру бойынша құзыреттi органға ұсыныстар енгiзедi;»;
20), 21), 22), 23), 24) және 25) тармақшалар алып тасталсын;
32) тармақша мынадай редакцияда жазылсын:
«32) кен орындарын сынамалы пайдалануды, тәжірибелік-өнеркәсіптік өндіруді және тәжірибелік-өнеркәсіптік және өнеркәсіптік игеруді жүргiзу талаптары мен мерзiмдерiн келіседі;»;
мынадай мазмұндағы 32-1) тармақшамен толықтырылсын:
«32-1) Қазақстан Республикасы аумағының геологиялық, гидрогеологиялық, инженерлік-геологиялық, геофизикалық, экологиялық-геологиялық және геохимиялық жағынан зерттелу қағидаларын әзірлейді;»;
12) 22-бап мынадай редакцияда жазылсын:
«22-бап. Жер қойнауын пайдалану құқығын беруге арналған конкурстарды өткiзу жөнiндегi комиссияның және кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссиялардың мiндеттерi, функциялары мен құқықтары
1. Жер қойнауын пайдалану құқығын беруге арналған конкурстарды өткiзу жөнiндегi комиссияның негiзгi мiндеттерi:
1) кең таралғандарын қоспағанда, пайдалы қазбаларды барлауға, өндiруге, бiрлескен барлау мен өндiруге жер қойнауын пайдалану құқығын алуға арналған бәсекелес сауда-саттыққа қатысу үшін өтінімдерді және тендерге қатысу үшін конкурстық ұсыныстарды қарау және бағалау;
2) кең таралғандарын қоспағанда, пайдалы қазбаларды барлауға, өндiруге, бiрлескен барлау мен өндiруге жер қойнауын пайдалану құқығын беруге арналған бәсекелес сауда-саттық және тендер нысанындағы конкурсқа қатысушылар қатарынан жеңiмпазды айқындау болып табылады.
2. Жер қойнауын пайдалану құқығын беруге арналған конкурстарды өткiзу жөнiндегi комиссияның функциялары:
1) бәсекелес сауда-саттыққа қатысу үшін өтінімдердің және тендерге қатысу үшін конкурстық ұсыныстардың уақтылы және сапалы қаралуын қамтамасыз ету;
2) ұсынылған өтінімдер мен конкурстық ұсыныстарды объективтi және жан-жақты бағалау болып табылады.
3. Жер қойнауын пайдалану құқығын беруге арналған конкурстарды өткiзу жөнiндегi комиссияның:
1) бәсекелес сауда-саттыққа қатысу үшін өтінімдерді қарауға, тендерге қатысу үшiн берiлген конкурстық ұсыныстарды бағалауға және салыстыруға;
2) конкурстың жеңiмпазын айқындауға;
3) осы Заңда белгiленген негiздер бойынша конкурсты өткiзiлмедi деп тануға;
4) мемлекеттiк органдардан, ұйымдардан, өзге де тұлғалардан қажеттi ақпаратты сұратуға;
5) отырыстарда комиссия мүшелерiн, мемлекеттiк органдардың, ұйымдардың, өзге де тұлғалардың өкiлдерiн тыңдауға;
6) бәсекелес сауда-саттыққа қатысу үшін өтінімді немесе тендерге қатысу үшiн конкурстық ұсынысты осы Заңда белгiленген негiздер бойынша қабылдамауға;
7) қажет болған жағдайда тиiстi салалардағы мамандар қатарынан сарапшыларды тартуға;
8) Қазақстан Республикасының заңнамасында көзделген өзге де құқықтарды жүзеге асыруға құқығы бар.
4. Облыстың, республикалық маңызы бар қаланың, астананың жергiлiктi атқарушы органының актiсi негiзiнде құрылатын, кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссиялардың негiзгi мiндеттерi:
1) кең таралған пайдалы қазбаларды барлауға немесе өндiруге жер қойнауын пайдалану құқығын алуға арналған бәсекелес сауда-саттыққа қатысу үшін өтінімдерді және тендерге қатысу үшін конкурстық ұсыныстарды қарау және бағалау;
2) кең таралған пайдалы қазбаларды барлауға немесе өндiруге жер қойнауын пайдалану құқығын беруге арналған бәсекелес сауда-саттық және тендер нысанындағы конкурсқа қатысушылар қатарынан жеңiмпазды айқындау болып табылады.
Кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссиялар осы баптың 2-тармағында айқындалған функцияларды жүзеге асырады және осы баптың 3-тармағында айқындалған құқықтарға ие болады.»;
13) 25-бапта:
3) тармақша мынадай редакцияда жазылсын:
«3) жер қойнауын зерттеу мен пайдалану жөнiндегi уәкiлеттi органмен бiрлесе отырып, жер қойнауын қорғау саласындағы талаптарды бұзу және жер қойнауына мемлекеттік меншік құқығын бұзу салдарынан келтiрiлген нұқсанның мөлшерiн айқындайды;»;
8) тармақша мынадай редакцияда жазылсын:
«8) құрамында кең таралған пайдалы қазбалар бар жер қойнауы учаскелерiн қоспағанда, конкурсқа шығарылуға жататын, сондай-ақ барлау үшін оңайлатылған тәртіппен берілетін жер қойнауы учаскелерi тiзбелерiнiң жобаларын келiседi;»;
14) 26-бап мынадай мазмұндағы 3-тармақпен толықтырылсын:
«3. Өнеркәсіптік қауіпсіздік саласындағы уәкілетті орган:
Мұнайдың төгілуіне ден қою жөніндегі ұлттық комиссияның құрамын және ол туралы ережені әзірлейді.»;
15) 28-баптың 3-тармағы мынадай редакцияда жазылсын:
«3. Жер қойнауын пайдаланушыға жеке меншiк немесе жер пайдалану құқығында тиесiлi жер учаскелерiнде кең таралған пайдалы қазбаларды және жерасты суларын өз мұқтажы үшiн тәулігіне елу текше метрден аспайтын өндіру көлемінде өндiру тұрақты және өтеусiз жер қойнауын пайдалану құқығымен жүзеге асырылады.»;
16) 33-баптың 4-тармағы мынадай редакцияда жазылсын:
«4. Өндiруге арналған жер қойнауын пайдалану құқығының иесi тау-кендiк бөлумен айқындалған жер қойнауы учаскесi шегiнде барлау жөнiндегi операцияларды жүргiзуге құқылы. Егер өндіру жүргізілетін кен орны тау-кендік бөлумен айқындалған жер қойнауы учаскесінің шегінен шығып кетсе, жер қойнауын пайдаланушы кейіннен тау-кендік бөлумен айқындалған жер қойнауы учаскесін қамтитын геологиялық бөлуді, сондай-ақ геологиялық зерттелуге жататын жаңа жер қойнауы учаскесін немесе учаскелерін ала отырып, келісімшарттық аумақты кеңейтуге рұқсат алу үшін құзыретті органға өтініш жасауға құқылы. Бұл жағдайда, келісімшарттық аумақты тиісінше кеңейту осы Заңның 70-бабының 4-тармағында көзделген тәртіппен ресімделеді. Қорлардың өсiмi және оларды жер қойнауының мемлекеттiк сараптамасы растаған жағдайда келiсiмшартқа тараптардың жазбаша келiсуiмен Қазақстан Республикасының заңнамасында белгiленген тәртiппен тиiстi өзгерiстер енгiзiлуге тиiс.»;
17) 35-бапта:
2-тармақта:
4) және 4-1) тармақшалар мынадай редакцияда жазылсын:
«4) Үкімет бекіткен қызметтің аражігін ажыратуға сәйкес ұлттық компаниямен барлау және (немесе) өндіру жөніндегі операциялар жүргізуге;
4-1) «Индустриялық-инновациялық қызметті мемлекеттік қолдау туралы» Қазақстан Республикасы Заңына сәйкес индустриялық-инновациялық қызмет субъектілерімен өндірістік қызметке (технологиялық циклге) байланысты пайдалы қазбаларды барлау және (немесе) өндіру жөніндегі операцияларды жүргізуге;»;
2-тармақтың 6) тармақшасындағы «жүргiзуге келiсiмшарттар жасалады.» деген сөздер «жүргізуге;» деген сөзбен ауыстырылып, мынадай мазмұндағы 7) және 8) тармақшалармен толықтырылсын:
«7) оңайлатылған тәртіппен берілетін жер қойнауы учаскелерінде барлау жөніндегі операциялар жүргізуге;
8) техногендік минералдық түзілімдерден осы техногендік минералдық түзілімдердің меншік иесімен осы Заңның 10-бабының 3-тармағына сәйкес пайдалы қазбалар өндіруге келiсiмшарттар жасалады.»;
мынадай мазмұндағы 2-1-тармақпен толықтырылсын:
«2-1. Барлауға арналған келісімшарт осы баптың 2-тармағында көзделген конкурсты және тікелей келіссөздерді өткізбей, келісімшарттық аумақты осы Заңның 70-1-бабында көзделген тәртіппен өзгерту нәтижесінде одан бөліп шығарылған жер қойнауы учаскесіне (учаскелеріне) қатысты құзыретті органның рұқсаты негізінде жасалуы мүмкін.»;
4-тармақ мынадай редакцияда жазылсын:
«4. Барлаумен немесе өндiрумен байланысты және барлау және (немесе) өндiру жөніндегі бекітілген жобалау құжаттарында көзделген жерасты құрылыстарын салуға және (немесе) пайдалануға жер қойнауын пайдалану құқығын беру талап етiлмейдi.»;
16) 36-бапта:
7-тармақ мынадай редакцияда жазылсын:
«7. Кең таралған пайдалы қазбаларды және жерасты суларын өз мұқтажын қанағаттандыру үшiн өндiруге жер қойнауын пайдалану құқығын беру қойнауында кең таралған пайдалы қазбалар немесе жерасты сулары бар жер учаскесiн жеке меншiкке немесе жер пайдалануға берумен бiр мезгiлде жүргiзiледi. Жер учаскесiн уақытша жер пайдалануға беру кезiнде кең таралған пайдалы қазбалар мен жерасты суларын өз мұқтажын қанағаттандыру үшiн пайдалану талаптары уақытша жер пайдалану туралы шартта көзделуi мүмкiн.
Кең таралған пайдалы қазбаларды және жерасты суларын өз мұқтажын қанағаттандыру үшiн өндiруге жер қойнауын пайдалану құқығын беруге облыстың, республикалық маңызы бар қаланың, астананың жергiлiктi атқарушы органдарының рұқсаты талап етiлмейдi.»;
13-тармақтың бірінші бөлігі мынадай редакцияда жазылсын:
«13. Жер қойнауын пайдалану құқығын беру келiсiмшартқа тиiстi өзгерiстер және (немесе) толықтырулар енгiзу қажеттiгiне әкеп соғады және осындай өзгерiстер және (немесе) толықтырулар тiркелген кезден бастап жасалған болып есептеледi. Құзыреттi орган немесе облыстың, республикалық маңызы бар қаланың, астананың жергiлiктi атқарушы органы жер қойнауын пайдалану құқығын беру жөнiндегi азаматтық-құқықтық мәмiле жасасу фактiсi болмаған кезде не жер қойнауын пайдаланушының құзыреттi органға немесе облыстың, республикалық маңызы бар қаланың, астананың жергiлiктi атқарушы органына дәйексiз ақпарат бергенінің, соның негiзiнде жер қойнауын пайдалану құқығын беруге рұқсат берiлгенінің фактiсiн анықтаған кезде, не осы баптың 8 және 9-тармақтарының ережелерi сақталмаған кезде келiсiмшартқа өзгерістер мен толықтыруларды тiркеуден бас тартуға құқылы.»;
19) 37-бапта:
2-тармақта:
4) тармақша мынадай редакцияда жазылсын:
«4) жер қойнауын пайдалану құқығына ие заңды тұлғаның, осындай жер қойнауын пайдаланушы қабылдайтын шешiмдердi тiкелей және (немесе) жанама түрде айқындау және (немесе) шешiмдерге ықпал ету мүмкiндiгi бар заңды тұлғаның жарғылық капиталының жалпы мөлшерi туралы және қатысушыларының құрамы, акцияларға меншiк құқығын растайтын не акцияларға айырбасталатын шығарылған бағалы қағаздарының жалпы саны, қатысушылары акцияларының жалпы саны мен акциялары пакеттерiнiң пайыздық арақатынасы туралы мәлiметтердi;»;
мынадай мазмұндағы 10-1) тармақшамен толықтырылсын:
«10-1) тарату қоры берілген жағдайда, жер қойнауын пайдаланушы беретін тарату қорының мөлшері туралы мәліметтерді;»;
3-тармақ мынадай редакцияда жазылсын:
«3. Құзыреттi орган осы баптың 2-тармағында көзделген өтініш пен құжаттар алынған, ал стратегиялық маңызы бар жер қойнауы учаскелеріне, кен орындарына қатысты сондай-ақ Мемлекеттiң басым құқығын жүзеге асыру мәселелерi жөнiндегi ведомствоаралық комиссияның хаттамасы келiп түскен күннен бастап бес жұмыс күнi iшiнде жер қойнауын пайдалану құқығын және (немесе) жер қойнауын пайдалану құқығымен байланысты объектiлердi иелiктен шығаруға рұқсат беру (рұқсат беруден бас тарту) туралы ұсыныстар әзiрлеу үшiн қажеттi материалдарды жер қойнауын пайдалану мәселелерi жөнiндегi сарапшылық комиссияның қарауына жiбередi.»;
10-тармақтың бірінші бөлігі мынадай редакцияда жазылсын:
«10. Көмірсутегі шикізатына жер қойнауын пайдалану құқығы келiсiмшарт күшiне енген сәттен бастап екi жыл iшiнде берiлмейтiн болады.»;
20) 43-бапта:
2-тармақ алып тасталсын;
мынадай мазмұндағы 4-тармақпен толықтырылсын:
«4. Жер қойнауын мемлекеттік геологиялық зерттеу жөніндегі жұмыстарды жүргізуге арналған жобалау құжаттарын жер қойнауын зерттеу және пайдалану жөніндегі уәкілетті орган бекітеді.
Осы Заңның 64 және 65-баптарының ережелері жер қойнауын мемлекеттік геологиялық зерттеу шеңберінде әзірленетін жобалау құжаттарына қолданылмайды.»;
21) 46-баптың 5-тармағы мынадай редакцияда жазылсын:
«5. Құзыреттi орган немесе облыстың, республикалық маңызы бар қаланың, астананың жергiлiктi атқарушы органы кен орындары қорларына қатысты жер қойнауына мемлекеттiк сараптама жүргiзiлгеннен және бекітілген қорлардың болуы расталғаннан кейiн ғана өндiруге конкурс өткiзiп, келiсiмшарттар жасасады.»;
22) 47-бапта:
2-тармақ мынадай редакцияда жазылсын:
«2. Жер қойнауын пайдалану құқығын беруге тендер нысанындағы конкурс өткiзу туралы хабарламада:
1) оны өткiзу күні, уақыты мен орны, сондай-ақ өтiнiмдер беру мерзiмi мен орны;
2) тендердің негiзгi шарттары;
3) жер қойнауын пайдалану жөнiндегi операцияларды жүргiзу үшiн берiлгелi отырған жер қойнауы учаскелерiнiң орналасқан жерiн көрсету және оның қысқаша сипаттамасы;
4) тендерге қатысу үшiн жарна мөлшерi туралы ақпарат және оны төлеуге арналған банк деректемелерi;
5) қол қойылатын бонустың бастапқы мөлшерi;
6) кадрлардағы ең аз жергiлiктi қамту;
7) тауарлардағы, жұмыстар мен көрсетiлетiн қызметтердегi ең аз жергiлiктi қамту;
8) қазақстандық кадрларды оқытуға жұмсалатын шығындардың ең төмен мөлшерi;
9) келiсiмшарт бойынша жұмыстарды орындау үшiн қажеттi, Қазақстан Республикасының аумағындағы ғылыми-зерттеу, ғылыми-техникалық және тәжiрибелiк-конструкторлық жұмыстарға арналған шығыстар мөлшерi қамтылуға тиiс.»;
мынадай мазмұндағы 2-1-тармақпен толықтырылсын:
«2-1. Жер қойнауын пайдалану құқығын беруге бәсекелес сауда-саттық нысанында конкурс өткiзу туралы хабарламада:
1) оны өткiзу күні, уақыты мен орны, сондай-ақ өтiнiмдер беру мерзiмi мен орны;
2) бәсекелес сауда-саттықтың негiзгi шарттары;
3) жер қойнауын пайдалану жөнiндегi операцияларды жүргiзу үшiн берiлгелi отырған жер қойнауы учаскелерiнiң орналасқан жерiн көрсету және оның қысқаша сипаттамасы;
4) ол бойынша геологиялық ақпарат пакетінің құны;
5) бәсекелес сауда-саттыққа қатысу үшiн жарна мөлшерi туралы ақпарат және оны төлеуге арналған банк деректемелерi;
6) қол қойылатын бонустың бастапқы мөлшерi;
7) кадрлардағы жергiлiктi қамтудың мөлшері;
8) тауарлардағы, жұмыстар мен көрсетiлетiн қызметтердегi жергiлiктi қамтудың мөлшері;
9) өңірдің әлеуметтік-экономикалық дамуына және оның инфрақұрылымын дамытуға арналған шығыстардың мөлшері;
10) қазақстандық кадрларды оқытуға жұмсалатын шығындардың мөлшерi;
11) келiсiмшарт бойынша жұмыстарды орындау үшiн қажеттi, Қазақстан Республикасының аумағындағы ғылыми-зерттеу, ғылыми-техникалық және тәжiрибелiк-конструкторлық жұмыстарға арналған шығыстар мөлшерi қамтылуға тиiс.
3), 7) – 11) тармақшаларда көрсетілген бәсекелес сауда-саттықтың шарттары, сондай-ақ бәсекелес сауда-саттықтың қорытындысы бойынша айқындалатын қол қойылатын бонустың мөлшері келісімшартқа енгізіледі.»;
5-тармақ мынадай редакцияда жазылсын:
«5. Тендер нысанындағы конкурстың шарттары жарияланған күн мен ол өткiзiлетiн күн (тендердің қорытындыларын шығарудың басталуы) арасындағы мерзiм төрт айдан кем, ал кең таралған пайдалы қазбалар бойынша – үш айдан кем болмауы керек. Бәсекелес сауда-саттық нысанындағы конкурстың шарттары жарияланған күн мен ол өткiзiлетiн күн арасындағы мерзiм үш айдан кем болмауы керек.»;
23) 48-бапта:
мынадай мазмұндағы 1-1-тармақпен толықтырылсын:
«1-1. Бәсекелес сауда-саттыққа қатысуға арналған өтінімде, сондай-ақ:
1) кең таралған пайдалы қазбалар және жерасты сулары бойынша жер қойнауын пайдалану құқығын алуға конкурстық ұсыныстарды қоспағанда, өтінім берушінің келісімшартқа қол қойылғанға дейін Қазақстан Республикасында өндеуші салалар қызметінің ашықтық бастамасын іске асыруға қатысты өзара түсіністік туралы меморандумға қосылу жөніндегі міндеттемесі;
2) өтінім берушінің 3), 7) – 11) тармақшаларда көрсетілген бәсекелес сауда-саттық талаптарына және оларды бәсекелес сауда-саттықтың жеңімпазымен жасалатын жер қойнауын пайдалануға арналған келісімшартқа енгізуге берген келісімі қамтылуға тиіс.»;
3-тармақ мынадай редакцияда жазылсын:
«3. Құзыреттi орган немесе облыстың, республикалық маңызы бар қаланың, астананың жергiлiктi атқарушы органы тендер нысанындағы конкурсқа қатысуға берiлген өтiнiмнiң қабылданғаны және конкурсқа қатысуға жіберілгені туралы өтiнiш берушiге конкурсқа қатысуға өтiнiмдердi қабылдау аяқталған күннен бастап бiр ай мерзiмде ресми түрде хабарлайды.»;
мынадай мазмұндағы 4 және 5-тармақтармен толықтырылсын:
«4. Құзыреттi орган, облыстың, республикалық маңызы бар қаланың, астананың жергiлiктi атқарушы органы бәсекелес сауда-саттық нысанындағы конкурсқа қатысуға берiлген өтінімдерді қарайды, өтінім берушіні оған қатысуға жіберу туралы шешім қабылдайды және өтінімдерді беру мерзімі аяқталған күннен кейінгі он күн ішінде өтінім берушіге қабылданған шешім туралы хабарлама жібереді.
5. Бәсекелес сауда-саттыққа қатысуға өтінім берген тұлға бәсекелес сауда-саттық өткізілетін күнге дейін кез келген уақытта бәсекелес сауда-саттыққа қатысудан бас тартуға және өз өтінімін кері қайтарып алуға құқылы.»;
24) 49-баптың 2-тармағының бірінші бөлігі мынадай редакцияда жазылсын:
«2. Конкурсқа қатысуға жіберілгені туралы хабарлама алынғаннан кейін жер қойнауын зерттеу мен пайдалану жөнiндегi уәкiлеттi орган өтiнiш берушiге конкурсқа шығарылатын жер қойнауы учаскесi бойынша геологиялық ақпарат топтамасын өтініш беруші жүгінгеннен кейін бір ай ішінде ақылы түрде бередi.»;
25) 50-бапта:
баптың тақырыбы мынадай редакцияда жазылсын:
«50-бап. Тендерге қатысу үшін конкурстық ұсыныс»
1-тармақ мынадай редакцияда жазылсын:
«1. Тендер нысанындағы конкурсқа қатысуға жiберiлген өтiнiш берушi конкурс шарттарында белгiленген мерзiмдерде барлауға, өндiруге, бiрлескен барлау мен өндiруге жер қойнауын пайдалану құқығын алуға арналған конкурстық ұсынысты жасайды.»;
3-тармақтың үшінші бөлігі мынадай редакцияда жазылсын:
«Жоғарыда көрсетiлген талаптарға, сондай-ақ осы Заңның 47-бабы 2-тармағының 2), 5), 6), 7), 8) және 9) тармақшаларында көрсетiлген талаптарға сай келмейтiн конкурстық ұсыныс қабылданбауға тиiс.»;
26) 51-баптың 2) тармақшасы мынадай редакцияда жазылсын:
«2) конкурстық ұсыныс тендер талаптарына сәйкес келмегенде;»;
27) 52-бап мынадай редакцияда жазылсын:
«52-бап. Тендер нысанындағы конкурстың қорытындыларын шығару
1. Конкурстың жеңiмпазы конкурстық ұсыныстарды қараудың қорытындылары:
1) қол қойылатын бонустың мөлшерi;
2) өңiрдiң әлеуметтiк-экономикалық дамуына және оның инфрақұрылымын дамытуға арналған шығыстардың мөлшерi бойынша айқындалады.
2. Кең таралғандарынан басқа, пайдалы қазбаларды барлауға, өндiруге, бiрлескен барлау мен өндiруге жер қойнауын пайдалану құқығын алуға арналған конкурстық ұсыныстарды табыс еткен өтiнiш берушiлер қатарынан тендер жеңiмпазын жер қойнауын пайдалану құқығын беруге арналған конкурстарды өткiзу жөнiндегi комиссия айқындайды.
Кең таралған пайдалы қазбаларды барлауға немесе өндiруге жер қойнауын пайдалану құқығын алуға арналған конкурстық ұсыныстарды табыс еткен өтiнiш берушiлер қатарынан тендер жеңiмпазын кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссия айқындайды.
3. Тендердің қорытындыларын шығару жер қойнауын пайдалану құқығын беруге арналған конкурстарды өткiзу жөнiндегi комиссияның (кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссияның) барлық қатысушы мүшелерi қол қоятын хаттамамен ресiмделедi.
Тендердің қорытындыларын шығару мерзiмi конкурстық ұсыныстарды беру мерзiмi аяқталған күннен бастап он бес күннен аспауға тиiс. Тендердің қорытындыларын шығару мерзiмi жер қойнауын пайдалану құқығын беруге арналған конкурстарды өткiзу жөнiндегi комиссияның (кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссияның) шешiмi бойынша, бiрақ бiр айдан аспайтын уақытқа ұзартылуы мүмкiн.
4. Тендерге қатысушылар тендердің қорытындыларына Қазақстан Республикасының заңнамасында белгiленген тәртiппен шағымдануы мүмкiн.
5. Тендердің жеңiмпазымен келiсiмшарт осы Заңда белгiленген тәртiппен және шарттарда жасалады.
6. Тендердің нәтижелерi ресми баспа басылымында бiр мезгiлде қазақ және орыс тiлдерiнде, сондай-ақ конкурсты өткiзетiн мемлекеттiк органның ресми интернет-ресурсында жариялануға тиiс.»;
28) мынадай мазмұндағы 52-1-баппен толықтырылсын:
«52-1-бап. Бәсекелес сауда-саттық нысанындағы конкурсты
ұйымдастыру және өткізу
1. Бәсекелес сауда-саттық нысанындағы конкурсты жер қойнауын пайдалану құқығын беруге арналған конкурстарды өткiзу жөнiндегi комиссия, ал кең таралған пайдалы қазбаларға қатысты – кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi өңірлік конкурстық комиссиялар ұйымдастырады және өткізеді.
2. Бәсекелес сауда-саттыққа оған қатысуға жіберілген және бәсекелес сауда-саттық өткізілетін күні оған қатысушы ретінде тіркелген кез келген өтініш берушінің қатысуға құқығы бар.
3. Қол қойылатын бонустың ең көп мөлшерін ұсынған, оның ұсынысы үш рет жарияланғаннан кейін бәсекелес сауда-саттыққа басқа қатысушылардан оны арттыратын ұсыныс келіп түспеген қатысушы бәсекелес сауда-саттықтың жеңімпазы болады.
4. Бәсекелес сауда-саттықтың нәтижелері ол өткізілген күні хабарланады және жер қойнауын пайдалану құқығын беруге арналған конкурстарды өткiзу жөнiндегi комиссияның (кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссияның) барлық қатысушы мүшелерi қол қоятын хаттамамен ресiмделедi.
5. Бәсекелес сауда-саттыққа қатысушылар бәсекелес сауда-саттықтың қорытындыларына Қазақстан Республикасының заңнамасында белгiленген тәртiппен шағымдануы мүмкiн.
5. Бәсекелес сауда-саттықтың жеңiмпазымен келiсiмшарт осы Заңда белгiленген тәртiппен және шарттарда жасалады.
6. Бәсекелес сауда-саттықтың нәтижелерi ресми баспа басылымында қазақ және орыс тiлдерiнде, сондай-ақ конкурсты өткiзетiн мемлекеттiк органның ресми интернет-ресурсында жариялануға тиiс.»;
29) 53-бапта:
1-тармақта:
3) тармақша мынадай редакцияда жазылсын:
«3) егер тендер өткізу кезінде қабылданған бiр ғана конкурстық ұсыныс қалғанда;»;
мынадай мазмұндағы 4) тармақшамен толықтырылсын:
«4) егер бәсекелес сауда-саттық өткізілетін күні оған қатысуға екіден аз қатысушы тіркелгенде өткiзiлмедi деп таниды.»;
2-тармақтың екінші бөлігі мынадай редакцияда жазылсын:
«Жер қойнауын пайдалану құқығын беруге арналған конкурстарды өткiзу жөнiндегi комиссияның немесе кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссияның тендер нысанындағы конкурсты өткiзiлмедi деп тану туралы шешiмi конкурсқа жiберiлген барлық қатысушыларға хабарланады, ал бәсекелес сауда-саттық нысанындағы конкурс өткізілмеді деп танылған жағдайда – қатысып отырған қатысушыға хабарланады.»;
30) 54-бапта:
1-тармақтың 2) тармақшасы мынадай редакцияда жазылсын:
«2) конкурс талаптарын өзгерту және конкурсты қайтадан өткiзу туралы шешiмдердiң бiрiн қабылдауы мүмкiн.»;
3 және 4-тармақтар мынадай редакцияда жазылсын:
«3. Егер конкурс осы Заңның 53-бабының 1-тармағында көзделген негіздердің кез келгені бойынша өткiзiлмедi деп танылса, қайталама конкурс кезiнде өткізілмеген конкурс барысында конкурсқа қатысу жарнасын және геологиялық ақпарат топтамасының құнын төлеген өтініш берушіден көрсетілген сомалар алынбайды.
4. Егер тендер нысанындағы қайталама конкурс қабылданған бiр ғана конкурстық ұсыныстың болуы салдарынан өткiзiлмедi деп танылса, құзыреттi орган немесе облыстың, республикалық маңызы бар қаланың, астананың жергiлiктi атқарушы органы осындай конкурстық ұсынысты тапсырған тендерге қатысушымен конкурстық ұсыныста жазылғандардан нашар болмайтын талаптарда тiкелей келiссөздер жолымен келiсiмшарт жасасуға құқылы.»;
31) 55-баптың 1-тармағының 2) тармақшасы мынадай редакцияда жазылсын:
«2) құзыреттi органға немесе облыстың, республикалық маңызы бар қаланың, астананың жергiлiктi атқарушы органына оның конкурсқа қатысуға жіберу немесе конкурстың жеңiмпазы туралы шешiмiне әсер еткен, көрiнеу жалған ақпарат беру фактiсiнiң анықталуы;»;
32) 56-баптың 1-тармағының бірінші бөлігі мынадай редакцияда жазылсын:
«1. Барлауға арналған келiсiмшарт негiзiнде коммерциялық табумен байланысты өндiруге арналған жер қойнауын пайдалану құқығын алуға айрықша құқығы бар тұлғамен бiрлесiп өндiру жөнiндегi операцияларды жүргiзу үшiн берiлетiн жер қойнауы учаскелерiн қоспағанда, тiкелей келiссөздер негiзiнде, кең таралғандардан басқа пайдалы қазбаларды барлау, өндiру, бiрлескен барлау мен өндiру жөнiндегi операцияларды жүргiзу үшiн берiлетiн жер қойнауы учаскелерiн және барлау үшін оңайлатылған тәртіппен берілетін учаскелерді құзыреттi орган айқындайды.»;
33) 57-бап мынадай мазмұндағы 8-тармақпен толықтырылсын:
«8. Барлау үшін оңайлатылған тәртіппен жер қойнауын пайдалану құқығын беру бойынша тікелей келіссөздер жүргізудің тәртібі мен шарттары осы Заңның 57-1-бабында айқындалған.»;
34) мынадай мазмұндағы 57-1-баппен толықтырылсын:
«57-1-бап. Барлау үшін оңайлатылған тәртіппен жер қойнауын
пайдалану құқығын беру бойынша тікелей келіссөздер
жүргізудің тәртібі мен шарттары
1. Барлау үшін оңайлатылған тәртіппен жер қойнауын пайдалану құқығы аз зерттелген жер қойнауы учаскелеріне беріледі.
Оңайлатылған тәртіппен берілетін жер қойнауы учаскелері 10 блоктан аспауға тиіс. Бір блок координаталардың географиялық жүйесінде бір минутқа тең.
2. Барлау үшін оңайлатылған тәртіппен жер қойнауын пайдалану құқығын алу үшін өтініш беруші құзыретті органға өтінім береді, онда мыналар қамтылуға тиіс:
1) заңды тұлғаның атауы, оның орналасқан жері, мемлекеттік тиесілігі, заңды тұлға ретінде мемлекеттік тіркелуі және салық органдарында тіркелуі туралы мәліметтер, олардың жарғылық капиталдағы үлестерінің мөлшері (жарғылық капиталдың жалпы мөлшеріне шаққанда) көрсетіле отырып, өтініш беруші заңды тұлғаның басшылары және қатысушылары немесе акционерлері туралы мәліметтер, заңды тұлғаның бағалы қағаздарының ұйымдастырылған бағалы қағаздар нарығындағы айналысы туралы осындай қағаздардың жалпы саны көрсетілген мәліметтер, өтініш берушінің еншілес ұйымдары туралы мәліметтер;
2) өтініш беруші үміттеніп отырған, блоктар түрінде ұсынылған жер қойнауы учаскелерін көрсету;
3) өтініш берушіде ең төменгі мөлшердегі шығындарды және сұралып отырған учаске көлемінде үлгілік келісімшарт жасалғаннан кейінгі бір жыл ішінде орындалуы қажет жұмыс түрлері туралы талаптарды орындау үшін жеткілікті ақша қаражаты бар екендігін растайтын банк кепілдігі немесе өзге растау.
Өтінімге салыстыру үшін түпнұсқаларымен бірге құжаттар көшірмелері не өтінімде көрсетілген мәліметтерді растайтын нотариалдық куәландырылған көшірмелер, сондай-ақ қол қойылған үлгілік келісімшарт қоса беріледі.
Үлгілік келісімшарт нысанын Қазақстан Республикасының Үкіметі бекітеді және онда мынадай негізгі ережелер қамтылуға тиіс:
1) өңірдің әлеуметтік-экономикалық дамуына және оның инфрақұрылымын дамытуға (өңірлердің әлеуметтік саласын дамытуға) арналған, жыл сайын өсетін төлемдер түріндегі шығыстар мөлшері;
2) қол қойылатын бонусты төлеу жөніндегі міндеттемелер;
3) жылдар бойынша шығындардың ең аз мөлшері және үлгілік келісімшарт қолданылатын бүкіл кезең ішінде бір блок шегінде орындалуы қажет жұмыс түрлері.
3. Құзыретті орган ресми Интернет-ресурста мыналарды:
1) өтінім берушінің атауын;
2) сұратылып отырған учаскенің координаталарын;
3) өтінім берілген уақытты көрсете отырып, берілген өтінімдер туралы мәліметтерді жариялайды.
4. Берілген өтінім туралы ресми Интернет-ресурста мәліметтер жарияланғаннан кейінгі 5 жұмыс күні ішінде сұралып отырған учаскеге бірден асатын өтінім қосымша берілген жағдайда, мұндай учаске бойынша жер қойнауын пайдалану құқығы осы Заңда бәсекелес сауда-саттық үшін көзделген тәртіппен беріледі.
5. Өтінім құзыретті органға түскен күнінен бастап 15 жұмыс күні ішінде қаралуға жатады.
6. Өтінімді қарау нәтижелері бойынша құзыретті орган өтінімді қабылдайды немесе одан бас тартады.
Өтінім мынадай жағдайларда қабылданбауға жатады:
1) сұралып отырған учаске көлемі бойынша Қазақстан Республикасының Үкіметі белгілеген шектеулерден асып кетсе;
2) бұдан бұрын сұралып отырған учаскеде өтінім берушімен немесе оның үлестес тұлғасымен құзыретті органның бастамашылығымен барлауға арналған келісімшарт осы Заңның 72-бабында көзделген негіздер бойынша бұзылған болса, бұл ретте бұзылған күннен бастап үш жылдан кем уақыт өтсе;
3) осы Заңның 51-бабының 4) тармақшасымен және 55-бабының 1-тармағының 4) тармақшасымен көзделген негіздер болса;
4) сұралып отырған учаске тұтас немесе оның бір бөлігі басқа жер қойнауын пайдаланушының пайдалануында болса.
Өтінімді қабылдаудан бас тарту өтінім берушіні қайтадан өтінім беру құқығынан айырмайды.
7. Тікелей келіссөздердің қорытындылары бойынша өтініш берушімен үлгілік келісімшарт жасалады.
8. Барлау үшін оңайлатылған тәртіппен жер қойнауын пайдалану құқығын алған жер қойнауын пайдаланушы кадрлардағы, тауарларды, жұмыстар мен көрсетілетін қызметтерді сатып алудағы жергілікті қамту жөніндегі міндеттемелерден босатылады.»;
35) 58-бапта:
3-тармақтың бірінші бөлігінде:
бірінші абзац мынадай редакцияда жазылсын:
«3. Барлауға, өндiруге немесе бірлескен барлау мен өндіруге жер қойнауын пайдалану құқығын алуға өтiнiм мыналарды:»;
3) тармақшадағы «мөлшерiн көздеуге тиiс.» деген сөздер «көздеуге;» деген сөзбен ауыстырылып, мынадай мазмұндағы 4) және 5) тармақшалармен толықтырылсын:
«4) қазақстандық кадрларды оқыту жөніндегі міндеттемені;
5) келiсiмшарт бойынша жұмыстарды орындау үшiн қажеттi, Қазақстан Республикасының аумағындағы ғылыми-зерттеу, ғылыми-техникалық және тәжiрибелiк-конструкторлық жұмыстарға арналған шығыстардың мөлшерiн көздеуге тиіс.»;
36) 59-бапта:
2-тармақ мынадай редакцияда жазылсын:
«2. Құзыреттi органның немесе облыстың, республикалық маңызы бар қаланың, астананың жергiлiктi атқарушы органының тiкелей келiссөздердiң қорытындылары бойынша шешiмi тiкелей келiссөздердiң хаттамасымен ресiмделедi, оған жұмыс тобының барлық қатысушы мүшелерi және өтініш берушінің уәкілетті өкілі қол қояды.»;
мынадай мазмұндағы 4-тармақпен толықтырылсын:
«4. Осы баптың 1, 2 және 3-тармақтарының талаптары осы Заңның 57-1-бабында көзделген тәртіппен жүргізілетін тікелей келіссөздерге қолданылмайды.»;
37) 60-бапта:
4-тармақ мынадай редакцияда жазылсын:
«4. Тікелей келіссөздердің нәтижелері бойынша тараптар хаттамаға қол қояды.
Егер өтiнiш берушiнiң кiнәсiнен тiкелей келiссөздер хаттамасына қол қойылған күннен бастап жиырма төрт ай iшiнде келiсiмшарт жасалмаса, өтiнiш берушi өндiруге арналған келiсiмшарт жасасуға айрықша құқығынан айырылады, ал жер қойнауының тиiстi учаскесi (учаскелерi) барлауға арналған шығындарды осындай тұлғаға өтеу шартымен тендер нысанындағы конкурсқа шығарылады не осы Заңда көзделген тәртiппен тiкелей келiссөздер негiзiнде берiледi.»;
5-тармақта:
бірінші бөлік және екінші бөліктің бірінші абзацы мынадай редакцияда жазылсын:
«5. Құзыреттi орган өтiнiш берушiге осы баптың 4-тармағына сәйкес тiкелей келiссөздер негiзiнде өндiруге арналған жер қойнауын пайдалану құқығын беруден бас тарту туралы шешiм қабылдаған жағдайда, құзыреттi орган жер қойнауының тиiстi учаскесiн (учаскелерiн) үш ай iшiнде тендер нысанындағы конкурсқа шығарады.
Тендер нысанындағы конкурс осы Заңның 4-тарауында көзделген тәртiппен өткiзiледi. Келiсiмшарт жасасуға үмiткер тұлғаның мынадай мiндеттемелерi:»;
үшінші бөлік мынадай редакцияда жазылсын:
«Мұндай шығындарды өтеу мерзiмiн құзыреттi орган белгiлейдi және ол тендер нысанында өткізілген конкурстың жеңiмпазымен келiсiмшарт жасалған күннен бастап үш айдан аспауға тиiс.»;
7-тармақтың үшінші бөлігі мынадай редакцияда жазылсын:
«Осы баптың 3-тармағында көрсетiлген шарттар бойынша келiсiмге қол жеткiзiлмеген жағдайда, құзыреттi орган және барлауға арналған келiсiмшарттың негiзiнде кен орнын табу мен бағалауды жүргiзген тұлға қол қойылған бонустың, тауарлардағы, жұмыстардағы, көрсетiлетiн қызметтердегi және кадрлардағы жергiлiктi қамтудың, сондай-ақ өңiрдiң әлеуметтiк-экономикалық дамуына және оның инфрақұрылымын дамытуға арналған шығыстардың мөлшерлерiне қатысы бар тендер нысанындағы қайталама конкурстың қажеттi шарттарын бiрлесiп айқындайды.»;
12-тармақ мынадай редакцияда жазылсын:
«12. Егер келiсiмшарт күшiне енгеннен кейiн белгiленген мерзiмде, конкурс нәтижелерi бойынша өндiруге арналған келiсiмшарт жасалған жер қойнауын пайдаланушы кен орнын тапқан және бағалаған тұлғаға барлауға арналған шығындарды осы баптың 5-тармағының талаптарына сәйкес өтемесе, онда мұндай тұлға құзыреттi органнан осы жер қойнауын пайдаланушымен жасалған келiсiмшартты дереу бұзуды немесе осы баптың қағидалары бойынша қайталама конкурс өткiзудi талап етуге құқылы. Бұл ретте, кен орнын тапқан және бағалаған тұлға өндiруге арналған келiсiмшартты жасасқан және барлауға арналған шығыстарды өтеу жөнiндегi мiндеттемелерiн осы баптың 5-тармағына сәйкес орындамаған тұлғадан залалды өтеудi талап етуге құқылы.»;
38) 61-бапта:
1-тармақ мынадай мазмұндағы 1-1) тармақшамен толықтырылсын:
«1-1) барлауға құқық оңайлатылған тәртіппен берілетін тұлғаның барлау жүргізуі үшін – барлауға арналған үлгілік келісімшарт;»;
2 және 3-тармақтар мынадай редакцияда жазылсын:
«2. Жер қойнауын мемлекеттiк геологиялық зерттеуге арналған келiсiмшартты (шартты) және барлауға арналған үлгілік келісімшартты қоспағанда, келiсiмшарт Қазақстан Республикасының Үкiметi бекiтетiн жер қойнауын пайдалану түрлерi бойынша модельдiк келiсiмшарттарда көзделген нысан мен мазмұн бойынша жасалады.
Келісімшартта мынадай талаптар болуға тиіс: келісімшарттың мақсаты, келісімшарттың қолданылу мерзімі, келісімшарттық аумақ, құпиялылық, еңсерілмейтін күш.
Келiсiмшарт: қол қойылған бонусты төлеудiң мөлшерi мен талаптары бойынша; өңiрдiң әлеуметтiк-экономикалық дамуына және оның инфрақұрылымын дамытуға арналған шығыстардың мөлшерi мен талаптары бойынша; кадрлардағы жергiлiктi қамту бойынша; Қазақстан Республикасының азаматтары болып табылатын, келiсiмшартты орындау кезiнде тартылған қызметкерлердi оқытуға, олардың бiлiктiлiгiн арттыруға және қайта даярлауға және (немесе) Қазақстан Республикасының азаматтарын құзыреттi органмен келiсiлген мамандықтар тiзбесi бойынша оқытуға жіберілетін шығыстардың мөлшерi бойынша; тауарлардағы, жұмыстар мен көрсетiлетiн қызметтердегi жергiлiктi қамту бойынша; мердiгерлiк жұмыстармен айналысатын персоналды қоса алғанда, жұмысқа тартылған шетелдiк персоналға қатысты қазақстандық персонал үшiн еңбекке ақы төлеудiң тең жағдайларын қамтамасыз ету бойынша; тарату қоры; Қазақстан Республикасының аумағында ғылыми-зерттеу, ғылыми-техникалық және тәжiрибелiк-конструкторлық жұмыстарға осы Заңда белгiленген шығыстар мөлшерi бойынша мiндеттемелерге қатысты ерекше талаптарды қамтуға тиiс.
Бұл ретте қазақстандық кадрларды тарту жөніндегі міндеттеме мердiгерлiк жұмыстармен айналысатын персоналды қоса алғанда, жұмысқа тартылатын кадрлардың жалпы санынан пайыздық қатынасты, оның ішінде жылдар бойынша пайыздық қатынасты қамтуға тиіс; тауарлардағы, жұмыстар мен көрсетiлетiн қызметтердегi жергiлiктi қамтудың мөлшері жөніндегі міндеттеме сатып алынатын тауарлардың, жұмыстар мен көрсетiлетiн қызметтердің жалпы санынан пайыздық қатынасты қамтуға тиіс.
Сол бойынша келiсiмшарт бұған дейiн тоқтатылған жер қойнауы учаскесiне келiсiмшарт жасалған жағдайда, жаңа жер қойнауын пайдаланушымен жасалатын келiсiмшартта, осы Заңның 72-бабының
10-тармағына сәйкес берiлген мүлiктiң құнын қоса алғанда, бұрынғы жер қойнауын пайдаланушы және сенiмгерлiкпен басқарушы бұған дейiн жүргiзген шығындарды өтеу жөнiндегi мiндеттемелер, сондай-ақ сенiмгерлiкпен басқарушыға сыйақы төлеу жөнiндегi мiндеттеме қамтылуға тиiс.
Келiсiмшарттың талаптары жер қойнауын пайдаланушының өзi қабылдаған, оның iшiнде тауарлардағы, жұмыстардағы, көрсетiлетiн қызметтердегi және кадрлардағы жергiлiктi қамту бойынша, келiсiмшартта көзделген салықтық емес сипаттағы төлемдер бойынша мiндеттемелердi орындамағаны, тиiсiнше орындамағаны үшiн тұрақсыздық айыбының (айыппұлдар, өсiмпұлдар) мөлшерiн қамтуға тиiс.
Көмiрсутек шикiзатын өндiруге арналған келiсiмшартта жер қойнауын пайдаланушының iлеспе газды қайта өңдеу (кәдеге жарату) жөнiндегi мiндеттемелерi қамтылуға тиiс.
Жер қойнауын пайдаланушы пайдалы қазбалардың ірі және бірегей қоры бар кен орнын тапқан жағдайда, келісімшарттың өндіру кезеңіне байланысты ережелері кен орнында өндірілетін пайдалы қазбаларды жоғары қосылған құны бар (неғұрлым жоғары қайта жасалған және қайта өңделген) өнім өндіруді көздейтін қайта өңдеу жөніндегі міндеттемелерді қамтуға тиіс.
Келiсiмшарт басқа да ережелердi қамтуы мүмкiн.
3. Келiсiмшарт талаптарының Қазақстан Республикасы үшiн тиiмдiлiгi тiкелей келiссөздердiң қорытындылары бойынша не тендерге қатысу үшін конкурстық ұсыныста немесе бәсекелес сауда-саттыққа қатысу үшін өтінімде белгiленген талаптардағыдан төмен болмауы керек.»;
8-тармақ мынадай мазмұндағы төртінші, бесінші және алтыншы бөліктермен толықтырылсын:
«Міндеттемелердің нақты көлемі – жер қойнауын пайдалануға арналған келісімшартқа қоса берілетін, жұмыс бағдарламасында көзделген жұмыс түрлері мен көлемдері жөніндегі міндеттеме.
Қаржылық міндеттемелер – жер қойнауын пайдалануға арналған келісімшартта көзделген, нақты жұмыс көлемін орындауды талап етпейтін, ақшалай мәндегі міндеттемелер.
Міндеттемелердің нақты көлемі бойынша келісімшарт талаптарын бұзушылықты жер қойнауын пайдаланушының жою мерзімі – жазбаша хабарлама алынған күннен бастап алты айдан аспайды, нақты жұмыс көлемімен байланысты емес қаржылық міндеттемелер бойынша – үш айдан аспайды, келісімшарттың өзге талаптары бойынша бір айдан аспайды.»;
39) 62-бапта:
2-тармақтың бірінші абзацы мынадай редакцияда жазылсын:
«2. Жер қойнауын пайдалануға арналған келiсiмшарттың жобасы модельдiк келiсiмшарттың, тiкелей келiссөздер хаттамасының немесе тендер нысанындағы конкурс жеңiмпазының конкурстық ұсынысының, бәсекелес сауда-саттық нысанындағы конкурс жеңімпазы өтінімінің және бәсекелес сауда-саттық хаттамасының негiзiнде әзiрленедi.»;
3-тармақта:
екінші және үшінші бөлігі мынадай редакцияда жазылсын:
«Жер қойнауын мемлекеттiк геологиялық зерттеуге арналған келiсiмшартты (шартты) және барлауға арналған үлгілік келісімшартты қоспағанда, осы Заңның 57-1-бабында көзделген тәртіппен жасалатын жер қойнауын пайдалануға арналған келiсiмшарттың жобасы міндетті құқықтық сараптамаға жатады.
Өндіру бойынша жұмыс жүргізуге арналған келісімшарттың жобасы міндетті экономикалық сараптамаға жатады.»;
бесінші бөлігі алып тасталсын;
сегізінші бөлігі мынадай редакцияда жазылсын:
«Көрсетілген ескертпелер жойылған жағдайда, мемлекеттiк орган қайталама сараптама жүргiзедi.»;
5-тармақтың екінші бөлігі мынадай редакцияда жазылсын:
«Келісімшарт жасасуға үміткер тұлға құжаттарды ұсынған күннен бастап келiсiмшарттың түпкілікті мәтіні мен жұмыс бағдарламасын келісуді құзыреттi орган – бір айдан кешіктірмейтін мерзімде, облыстың, республикалық маңызы бар қаланың, астананың жергiлiктi атқарушы органдары он бес жұмыс күнінен кешіктірмейтін мерзімде жүргiзедi.»;
40) 63-бап мынадай редакцияда жазылсын:
«63-бап. Жұмыс бағдарламасы
1. Жұмыс бағдарламасы келiсiмшарттың мiндеттi бөлiгi (қосымшасы) болып табылады және жер қойнауын пайдаланушының осы баптың 3-тармағында көрсетілген, инвестициялық жобалық көрсеткіштерге қол жеткізуге қажетті міндеттемелерін қамтиды.
Барлауға арналған жер қойнауын пайдалану құқығы осы Заңның 57-1-бабында көзделген оңайлатылған тәртіппен берілген жағдайларда, жұмыс бағдарламасы жасалмайды.
2. Жобалау құжаттарының көрсеткiштерi өзгеріп, олар жұмыс бағдарламасына енгізілген инвестициялық жобалық көрсеткіштерді қозғаса, жұмыс бағдарламасына тиiстi өзгерiстер енгiзiлуге тиiс.
Жобалау құжаттарындағы өзгерiстерге байланысты жұмыс бағдарламасына өзгерiстердi келiсу жер қойнауын зерттеу мен пайдалану жөнiндегi уәкiлеттi органның жобалау құжатын бекiтуiмен бiр мезгiлде жүргiзiледi. Көрсетілген өзгерiстер жұмыс бағдарламасына жер қойнауын пайдаланушы мен құзыреттi орган немесе облыстың, республикалық маңызы бар қаланың, астананың жергiлiктi атқарушы органы арасындағы келiсiмшартқа қосымша келiсiмге қол қою жолымен жұмыс бағдарламасы жер қойнауын зерттеу мен пайдалану жөнiндегi уәкiлеттi органмен келiсiлген күннен бастап күнтiзбелiк отыз күннен кешiктiрiлмейтiн мерзiмде енгiзiледi.
3. Барлау кезеңінің жұмыс бағдарламасы жобалау құжаттарында көзделген мынадай негізгі жобалық көрсеткіштерді және қажетті инвестициялар көлемін қамтуға тиіс:
1) геологиялық-барлау жұмыстарының түрлері мен көлемі және оларды орындау мерзімдері, оның ішінде сейсмикалық зерттеулердің түрлері;
2) бағалау жұмыстарының түрлері мен көлемі (бағалау сатысында) және оларды орындау мерзімдері;
3) барлау (бағалау) ұңғымаларының саны мен оларды бұрғылау мерзімдері.
Өндіру кезеңінің жұмыс бағдарламасы жобалау құжаттарында көзделген мынадай негізгі жобалық көрсеткіштерді және қажетті инвестициялар көлемін қамтуға тиіс:
1) жыл сайынғы өндіру көлемі;
2) өндірістік объектілер және оларды жобалау, салу (құру) мерзімдері;
3) келісімшарттық аумақта бұрғылануы жоспарланған ұңғымалардың саны, оларды аяқтау мерзімдері;
4) қажетті инфрақұрылымдық объектілердің тізбесі, оларды жобалау, салу (құру) мерзімдері.
Жұмыс бағдарламасы негізгі жобалық көрсеткіштерге қол жеткізу үшін қажетті іс-шараларды жылдар бойынша бөліп және қажетті шығындарды көрсете отырып қамтуға да тиіс.»;
41) 64-бапта:
1-тармақ мынадай мазмұндағы екінші бөлікпен толықтырылсын:
«Барлауға арналған құқықты осы Заңның 57-1-бабында көзделген оңайлатылған тәртіппен алған жер қойнауын пайдаланушы Барлауға арналған үлгілік келісімшартқа қол қойғаннан және оны тіркегеннен кейін іздестіру жұмыстарының жобасын әзірлейді және өзі дербес бекітеді.»;
3, 4 және 5-тармақтар мынадай редакцияда жазылсын:
«3. Iздестiру жұмыстарының жобасын әзiрлеу мен келiсу мерзiмi тiкелей келiссөздер негiзiнде онымен келiсiмшарт жасалатын тұлға үшiн тiкелей келiссөздер хаттамасына қол қойылған күннен бастап немесе конкурстың жеңiмпазы болған тұлға үшiн конкурс қорытындылары жарияланған күннен бастап сегіз айдан аспауға тиiс. Іздестіру жұмыстарының жобасын әзiрлеу мен келiсу конкурс жеңімпазының немесе келісімшарт тікелей келіссөздер негізінде жасалатын адамның жігер-күшіне тәуелді емес жағдайларға байланысты мерзімінде аяқталмаса, іздестіру жұмыстарының жобасын әзiрлеу мен келiсу мерзiмi құзыреттi органның рұқсатымен алты айға дейін ұзартылуы мүмкiн.
4. Кең таралған пайдалы қазбаларды қоспағанда, пайдалы қазбалар бойынша iздестiру жұмыстарының жобасы осы баптың 2-тармағында көрсетілген сараптамалардан өткеннен кейін орталық комиссияға беріледі, ол орталық комиссияға жоба келiп түскен күннен бастап он бес жұмыс күні iшiнде қаралады және оны жер қойнауын зерттеу мен пайдалану жөнiндегi уәкiлеттi орган орталық комиссиядан ұсыныстар келiп түскен күннен бастап он бес жұмыс күнi iшiнде бекiтедi.
Барлауға арналған құқықты осы Заңның 57-1-бабында көзделген оңайлатылған тәртіппен алған жер қойнауын пайдаланушы іздестіру жұмыстарының жобасын өзі дербес бекітеді және оны жер қойнауын зерттеу мен пайдалану жөнiндегi уәкiлеттi органға хабарлау тәртібімен жібереді.
Кең таралған пайдалы қазбалар бойынша iздестiру жұмыстарының жобасын өңiраралық комиссия жоба өңiраралық комиссияға келiп түскен күннен бастап бір ай iшiнде қарайды және жер қойнауын зерттеу мен пайдалану жөнiндегi уәкiлеттi органның аумақтық бөлiмшесi өңiраралық комиссиядан ұсыныстар келiп түскен күннен бастап он бес жұмыс күнi iшiнде бекiтедi.
5. Бекiтiлген iздестiру жұмыстарының жобасында айқындалған жұмыстардың шарттары мен көлемiне өзгерiстер және (немесе) толықтырулар енгiзу қажет болған жағдайда, iздестiру жұмыстарының жобасына өзгерiстер және (немесе) толықтырулар жобасы жасалады, оны осы баптың 4-тармағында айқындалған органдар қарайды және бекiтедi.
Егер осы баптың 2-тармағында көрсетiлген сараптамалардың бiрiнiң терiс қорытындысы болса, жер қойнауын пайдаланушының iздестiру жұмыстарының жобасына осындай өзгерiстер және (немесе) толықтырулар енгiзуiнен бас тартылуға тиіс.
Іздестіру жұмыстарының жобасына өзгерiстердi және (немесе) толықтыруларды қарау және бекiту мерзiмi iздестiру жұмыстарының жобасына тиiстi өзгерiстер және (немесе) толықтырулар жобасы орталық комиссияға немесе өңiраралық комиссияға келiп түскен күннен бастап бiр айдан аспауға тиiс.
Барлауға арналған құқықты осы Заңның 57-1-бабында көзделген оңайлатылған тәртіппен алған жер қойнауын пайдаланушы іздестіру жұмыстарының жобасына өзгерістер мен толықтырулар енгізуді өзі дербес жүргізеді. Жер қойнауын пайдаланушы іздестіру жұмыстарының жобасына енгізілген өзгерістер мен толықтырулар туралы жер қойнауын зерттеу мен пайдалану жөнiндегi уәкiлеттi органға хабарлауға міндетті.»;
42) 65-бапта:
4-тармақта:
үшінші бөлік мынадай редакцияда жазылсын:
«Тәжiрибелiк-өнеркәсiптiк өндiру көлемдері мен мерзімдері жер қойнауына алдын ала сараптама жасау нәтижелері бойынша келісіледі.»;
мынадай мазмұндағы төртінші бөлікпен толықтырылсын:
«Кең таралған пайдалы қазбалар бойынша іздестіру-бағалау жұмыстарының жобасы жасалады, ол осы Заңда белгіленген тәртіппен келісіледі және бекітіледі.»;
6-тармақ мынадай редакцияда жазылсын:
«6. Бағалау жұмыстарының жобасын әзiрлеу және келiсу мерзiмi бағалау жұмыстарының сатысына көшу туралы шешiм қабылданған күннен бастап сегіз айдан аспауға тиiс.
Бағалау жұмыстарының жобасын әзiрлеу мен келiсу жер қойнауын пайдаланушының жігер-күшіне тәуелді емес мән-жайларға байланысты мерзімінде аяқталмаса, бағалау жұмыстарының жобасын әзiрлеу мен келiсу мерзімі құзыреттi органның рұқсатымен алты айға дейін ұзартылуы мүмкiн.»;
7-тармақтың екінші бөлігі мынадай редакцияда жазылсын:
«Егер осы баптың 2-тармағында көрсетiлген сараптамалардың бiрiнiң терiс қорытындысы болса, жер қойнауын пайдаланушының осындай өзгерiстер және (немесе) толықтырулар енгiзуiнен бас тартылуға тиіс.»;
43) 66-бапта:
1-тармақ мынадай редакцияда жазылсын:
«1. Өндiруге арналған келiсiмшартқа қол қойылғанға және ол тiркелгенге дейiн конкурстың жеңiмпазы не онымен келiсiмшарт тiкелей келiссөздер негiзiнде жасалатын тұлға осы баптың 2, 3-тармақтарына сәйкес жобалау құжаттарының әзiрленуiн қамтамасыз етуге мiндеттi.
Техногендік минералдық түзілімдерден пайдалы қазбаларды барлауға жобалау құжаттары әзірленбейді.»;
2-тармақтың 2) тармақшасы алып тасталсын;
3-тармақта бірінші бөлік және 1) тармақша мынадай редакцияда жазылсын:
«3. Көмiрсутек шикiзаты бойынша зерттелу, қорларының жай-күйі және игеру дәрежесі бойынша игерілу сатысына қарай:
1) тәжiрибелiк-өнеркәсiптiк игеру жобасы әзiрленедi, ол кен орнын геологиялық-физикалық жағдайларда байқаудан өткiзудi және технологияны байқаудан өткiзу оң нәтиже берген жағдайда оны тұтастай кен орнында қолдануды талап ететiн жаңа немесе бұрыннан белгiлi технологияларды сынау мақсатында жекелеген кен орындарын немесе шоғырларды пайдалануға беру үшiн жасалады; тәжiрибелiк-өнеркәсiптiк игерудi жүргiзудiң мерзiмi мен көлемi жер қойнауын зерттеу мен пайдалану жөнiндегi уәкiлеттi органмен келісіледі;»;
3) тармақшадағы «жобасы;» деген сөз «жобасы әзірленеді.» деген сөздермен ауыстырылып, 4) тармақша алып тасталсын;
мынадай мазмұндағы екінші бөлікпен толықтырылсын:
«Осы тармақта көрсетілген жобалау құжаттарын жасау мен қолданудың тәртібі, тізбектілігі, мерзімі Қазақстан Республикасының Үкіметі бекітетін пайдалы қазбаларды барлау және өндіру кезінде жер қойнауын ұтымды және кешенді пайдалану жөніндегі бірыңғай қағидалармен айқындалады.»;
4-тармақ мынадай редакцияда жазылсын:
«4. Осы бапта көзделген жобалау құжаттары келісімшарттың қолданылу мерзімі шегінде пайдалы қазбаларды барлау және өндіру кезінде жер қойнауын ұтымды және кешенді пайдалану жөніндегі бірыңғай қағидалардың талаптарына сәйкес орындалу шамасына қарай, кезең-кезеңмен әзірленеді.
Кең таралған пайдалы қазбаларды қоспағанда, осы бапта көзделген жобалау құжаттары жобалауға арналған қажеттi лицензиялары бар жобалау ұйымын шарт негiзiнде мiндеттi түрде тарта отырып әзiрленедi. Осындай жобалау ұйымымен жасалған шарт жобалау ұйымының авторлық қадағалауды жүргiзу жөнiндегi мiндеттемелерiн көздеуге тиiс.
Кен орындарының қорларын сыныптау жер қойнауын зерттеу мен пайдалану жөнiндегi уәкiлеттi орган айқындайтын тәртiппен жүргiзiледi.
Жобалау құжаттары жер қойнауының экологиялық, санитариялық-эпидемиологиялық және өнеркәсіптік қауіпсіздік талаптарын ескере отырып, ұтымды және кешенді пайдаланылуын қамтамасыз етуге тиіс.»;
5-тармақтың екінші бөлігі алып тасталсын;
6-тармақ мынадай редакцияда жазылсын:
«6. Жобалау құжаттарын әзiрлеу мен келiсу мерзiмi келiсiмшарт онымен тiкелей келiссөздер негiзiнде жасалатын тұлға үшiн – тiкелей келiссөздер хаттамасына қол қойылған күннен бастап, немесе конкурстың жеңiмпазы болған тұлға үшiн конкурстың қорытындылары жарияланған күннен бастап жиырма бір айдан аспауға тиiс.
Жобалау құжаттарды әзірлеу және келісу мерзімі жер қойнауын пайдаланушының жігер-күшіне тәуелді емес мән-жайларға байланысты мерзімінде аяқталмаса, жобалық құжаттарды әзірлеу және келісу мерзімі құзыреттi органның рұқсатымен алты айға дейін ұзартылуы мүмкiн.»;
8-тармақта:
бірінші бөлік мынадай редакцияда жазылсын:
«8. Бекiтiлген жобаларда айқындалған жұмыс шарттары мен көлемдерiне өзгерiстер және (немесе) толықтырулар қажет болған жағдайда, бекiтiлген жобаларға өзгерiстердiң және (немесе) толықтырулардың жобалары жасалады, оларды осы баптың 7-тармағында айқындалған органдар қарайды және бекiтедi.»;
мынадай мазмұндағы екінші бөлікпен толықтырылсын:
«Қатты пайдалы қазбалар бойынша, уранды қоспағанда, егер бекітілген жобаларда айқындалған өндіру көлемі бекітілген жобалық көрсеткіштерден нақты көріністе жиырма пайыздан аз өзгеретін болса, бекiтiлген жобаларға өзгерiстердiң және (немесе) толықтырулардың жобалары жасалмайды.»;
44) 67-бапта:
1-тармақтың екінші бөлігі мынадай редакцияда жазылсын:
«Бұл ретте ұлттық компания жер қойнауын пайдаланушы болып әрекет ететін келiсiмшарттар бойынша ұлттық компания Қазақстан Республикасының пайдасына төлеген қол қойылған бонусты, егер стратегиялық әрiптеспен бiрлескен қызмет туралы шартта өзгеше көзделмесе, оның осындай әрiптесi өтейдi.»;
5-тармақтың екінші бөлігі мынадай редакцияда жазылсын:
«Құзыреттi орган (облыстың, республикалық маңызы бар қаланың, астананың жергiлiктi атқарушы органдары) салық және бюджетке төленетiн басқа да мiндеттi төлемдер түсiмдерiн қамтамасыз ету саласындағы басшылықты жүзеге асыратын мемлекеттiк органға конкурс жеңiмпазының немесе келiсiмшарт онымен тiкелей келiссөздер негiзiнде жасалатын тұлғаның кiнәсiнен келiсiмшарттың жасалмау фактiсi туралы жазбаша хабарлайды.»;
45) 68-баптың 2-тармағы мынадай редакцияда жазылсын:
«2. Барлау жүргiзу үшiн келiсiмшарт жасасу мерзiмi құзыреттi орган келiсiмшарт жасасу туралы шешiм қабылдаған және келiсiмшарт онымен тiкелей келiссөздер негiзiнде жасалатын тұлға үшiн – тiкелей келiссөздер хаттамасына қол қойылған күннен бастап, немесе конкурстың жеңiмпазы болған тұлға үшiн конкурстың қорытындылары жарияланған күннен бастап он сегiз айдан аспауға тиiс.
Өндiрудi жүргiзу үшiн келiсiмшарт жасасу мерзiмi құзыреттi орган келiсiмшарт жасасу туралы шешiм қабылдаған және келiсiмшарт онымен тiкелей келiссөздер негiзiнде жасалатын тұлға үшiн – тiкелей келiссөздер хаттамасына қол қойылған күннен бастап, немесе конкурстың жеңiмпазы болған тұлға үшiн конкурстың қорытындылары жарияланған күннен бастап жиырма төрт айдан аспауға тиiс.
Егер конкурстың жеңiмпазы немесе келiсiмшарт онымен тiкелей келiссөздер негiзiнде жасалатын тұлға құзыреттi органға келiсiмшарт жасасу мерзiмiн ұзарту туралы өтiнiшпен жүгiнiп, мұндай ұзартудың себептерiн негіздесе, құзыреттi орган келiсiмшарт жасасу мерзiмiн ұзартуы мүмкiн.
Егер келiсiмшарт жасасуға үмiткер тұлғаның кiнәсiнен келiсiмшарт белгiленген мерзiмде жасалмаса, мұндай тұлға келiсiмшарт жасасу құқығынан айырылады, бұл ретте осындай тұлға геологиялық ақпаратты сатып алуға, жобалау құжаттарын, жұмыс бағдарламаларын және келiсiмшарт жобасын әзiрлеу мен келiсуге жұмсаған шығындар өтелуге жатпайды. Құзыреттi орган жер қойнауының тиiстi учаскесiн осы Заңда белгiленген тәртiппен тендер нысанындағы конкурсқа немесе бәсекелес сауда-саттыққа шығаруға құқылы.»;
46) 69-бапта:
2-тармақ мынадай редакцияда жазылсын:
«2. Өндiруге арналған келiсiмшарт – жиырма бес жылдан аспайтын мерзімге, ал пайдалы қазбалардың ірі және бірегей қорлары бар кен орындары бойынша қырық бес жыл мерзімге жасалады. Бұл ретте өндiруге арналған келiсiмшарттың қолданылу мерзімі қорларды толық игеруге қажетті мерзімнен аспауға тиіс.
Жер қойнауын пайдаланушының келiсiмшарт мiндеттемелерiн бұзуы болмаған жағдайда, егер жер қойнауын пайдаланушы жұмыстардың аяқталуына дейiн алты ай қалғаннан кешiктiрмей, құзыреттi органға немесе облыстың, республикалық маңызы бар қаланың, астананың жергiлiктi атқарушы органына келiсiмшарттың қолданылу мерзiмiн ұзарту туралы өтiнiшпен мұндай ұзартудың себебiн негiздей отырып жүгiнсе, құзыреттi орган немесе облыстың, республикалық маңызы бар қаланың, астананың жергiлiктi атқарушы органы өндiруге арналған келiсiмшарттың қолданылу мерзiмiн ұзартады. Келiсiмшарттың қолданылу мерзiмiн ұзарту туралы өтiнiш құзыреттi органға келiп түскен күнiнен бастап екi айдан кешiктiрiлмей қаралуға тиiс.
Өндіруге арналған келісімшарттың қолданылу мерзімін, егер пайдалы қазбаны пайдалану «Индустриялық-инновациялық қызметті мемлекеттік қолдау туралы» Қазақстан Республикасының Заңына сәйкес қосылған құны жоғары өнімді өндіруді (неғұрлым жоғары шектерді және қайта өңдеуді) индустриялық-инновациялық жобаны іске асыруға байланысты болса, ұзартылуға жатады.»;
3-тармақ мынадай мазмұндағы екінші бөлікпен толықтырылсын:
«Ұзарту мерзімі, егер тараптар өзге мерзімді келіспесе, тиісті толықтыру тіркелген күннен бастап есептеледі.»;
47) 70-баптың 4-тармағы мынадай редакцияда жазылсын:
«4. Егер пайдалы қазбаларды барлауды немесе өндiрудi жүргiзу кезiнде табудың немесе кен орнының географиялық шекараларының (құрлықта немесе теңiзде орналасуына қарамастан) геологиялық немесе тау-кендiк бөлуде көрсетiлген келiсiмшарттық аумақ шегiнен шығып кеткенi белгіленсе, онда оны кеңейту туралы мәселенi құзыреттi орган немесе кең таралған пайдалы қазбаларды барлауды немесе өндiрудi жүргiзу кезiнде облыстың, республикалық маңызы бар қаланың, астананың жергiлiктi атқарушы органы, егер бұл аумақ жер қойнауын пайдаланудан бос болған жағдайда, келiсiмшарт жобасын келiсу және оны жасасу үшiн осы Заңда белгiленген тәртiппен және мерзiмде конкурс өткiзiлмей-ақ, барлық табылғандар мен кен орнын қамтитын тиісті геологиялық бөлуді беру, сондай-ақ келiсiмшарт пен жұмыс бағдарламаларының талаптарын өзгерту жолымен шешуге тиiс.»;
48) мынадай мазмұндағы 70-1-баппен толықтырылсын:
«70-1-бап. Келісімшарттық аумақты өзгерту
1. Қатты пайдалы қазбаларды барлау жөніндегі операцияларды жүзеге асыратын жер қойнауын пайдаланушы құзыретті органға келісімшарттық аумақтан жер қойнауы учаскесін (учаскелерін) бөлу жолымен оны өзгертуге арналған рұқсатты беру туралы өтінішпен жүгінеді.
Келісімшарттық аумақтан жер қойнауы учаскесін (учаскелерін) бөлу тараптардың келісімі бойынша бөлінетін жер қойнауы учаскесіне (учаскелеріне) қатысты жекелеген келісімшарт жасасу және аумағынан бөлу жүргізілетін келісімшартқа өзгерістер және (немесе) толықтырулар енгізу арқылы жүргізіледі.
2. Келісімшарттық аумақты өзгерту туралы өтініш қазақ және орыс тілдерінде жазбаша нысанда жасалуға және онда мыналар қамтылуға тиіс:
1) өзгертілетін келісімшарттық аумақта (аумақтарында) жер қойнауын пайдалану жөніндегі операцияны жүзеге асыратын жер қойнауын пайдаланушы туралы мәліметтер;
заңды тұлғалар үшін – толық атауы, орналасқан жері, мемлекеттік тиістілігі, заңды тұлға ретінде мемлекеттік тіркелуі және салық органдарында тіркелуі туралы мәліметтер, басшылары және олардың өкілеттіктері туралы мәліметтер;
жеке тұлғалар үшін – тегі және аты, тіркелген және іс жүзінде тұратын мекенжайы, азаматтығы, жеке басын куәландыратын құжаттар, салық органдарында тіркелгені туралы мәліметтер;
2) келісімшартты, келісімшарттық аумақты және келісімшарттық аумақтан жеке келісімшартқа бөлінуге жататын жер қойнауы учаскесін (учаскелерін) көрсету;
3) келісімшарттық аумақты өзгертуді жүргізу қажеттілігін негіздейтін геологиялық, тау-кен-техникалық, технологиялық және өзге де ақпарат;
4) өтінішке қол қойған адамның тегі және аты, осындай адамның өкілеттігін көрсету, оның жеке басын куәландыратын құжаты туралы мәліметтер;
5) өтініште және оған қоса берілген құжаттарда көрсетілген барлық мәліметтердің дұрыстығы туралы жер қойнауын пайдаланушының жазбаша растауы.
Өтінішке өтініш беруші куәландырған, онда көрсетілген мәліметтерді растайтын құжаттар (не нотариат растаған көшірмелер) қоса берілуге тиіс.
Өтінішке қоса берілетін барлық құжаттар қазақ және орыс тілдерінде жасалуға тиіс. Егер өтінішті шетелдік немесе шетелдік заңды тұлға берсе, мұндай құжаттар, әрбір құжатқа дұрыстығын нотариус растаған қазақ және орыс тілдеріне аудармасы міндетті түрде қоса берілетін өзге тілде жасалуы мүмкін.
3. Келісімшарттық аумақты өзгертуге арналған рұқсатты құзыретті орган мынадай талаптар сақталған кезде:
1) егер сұралатын өзгерту Қазақстан Республикасы заңнамасының талаптарын бұзбаса;
2) егер сұралатын өзгерту жер қойнауын ұтымды және кешенді пайдалану мақсатында жүзеге асыралатын болса;
3) егер өтініштің нысаны мен мазмұны осы баптың 2-тармағының талаптарына сәйкес келсе, беруі мүмкін.
4. Құзыретті органның келісімшарттық аумақты өзгертуге рұқсат беруі туралы мәселе осындай өзгертудің әрбір жағдайы үшін жеке-жеке қаралады. Жер қойнауын пайдаланушының қалауы бойынша келісімшарттық аумақты өзгертуге арналған рұқсатты келісімшартта немесе өзге де актіде белгілеуге жол берілмейді.
5. Келісімшарттық аумақты өзгертуге рұқсат беруден бас тартуға Қазақстан Республикасының заңнамасына сәйкес дау айтылуы мүмкін.
6. Келісімшарттық аумақтан жер қойнауы учаскесін (учаскелерін) бөлу жолымен оны өзгерткен жағдайда, осы жер қойнауы учаскесіне (учаскелеріне) қатысты келісімшарт аумағынан жер қойнауы учаскесін (учаскелерін) бөлу жүргізілетін келісімшарт мерзімінен аспайтын мерзімге жасалады.
Бұл ретте жергілікті қамту жөніндегі, өңірді әлеуметтік-экономикалық дамытуға және оның инфрақұрылымын дамытуға арналған шығыстар мөлшері жөніндегі, Қазақстан Республикасының азаматтары болып табылатын, келісімшарттарды орындау кезінде тартылған қызметкерлерді оқытуға, олардың біліктілігін арттыруға және қайта даярлауға бағытталған шығыстар мөлшері жөніндегі, Қазақстан Республикасының аумағында ғылыми-зерттеу, ғылыми-техникалық және тәжірибелік-конструкторлық жұмыстарға арналған шығыстар мөлшері жөніндегі талаптарды қоспағанда, бөлінген жер қойнауы учаскесіне (учаскелеріне) қатысты жасалған келісімшарттың ережелері жер қойнауы учаскесін (учаскелерін) бөлу жолымен өзгертуге арналған рұқсатты беру үшін негіз болған талаптарға сәйкес келуге тиіс.
7. Келісімшарттық аумақтан жер қойнауы учаскесін бөлу жолымен оны өзгерту жағдайында, осы келісімшарттық аумаққа қатысты жұмыс бағдарламасы, тау-кендік бөлу немесе геологиялық бөлу және жобалау құжаттамасы осы Заңда белгіленген тәртіппен өзгертілуге жатады. Бөлінетін жер қойнауы учаскесіне (учаскелеріне) қатысты жұмыс бағдарламасы, тау-кендік бөлу немесе геологиялық бөлу және жобалау құжаттамасы осы Заңда белгіленген тәртіппен және мерзімдерде әзірленеді.
8. Осы баптың ережелері осы Заңның 129-бабының 6-тармағында көрсетілген мұнай операцияларын жүргізу жөніндегі келісімшарттарға қолданылмайды.»;
49) 71-бап мынадай мазмұндағы 4-тармақпен толықтырылсын:
«4. Пайдалы қазбалардың ірі және бірегей қоры бар кен орнында жер қойнауын пайдалануға арналған келісімшартқа 10 жылдан асатын мерзімге ұзарту бөлігінде өзгерістер енгізілген жағдайда, келісімшарттың ережелері кен орнында өндірілетін пайдалы қазбаларды жоғары қосылған құны бар (неғұрлым жоғары қайта жасалған және қайта өңделген) өнім өндіруді көздейтін қайта өңдеу жөніндегі міндеттемелермен толықтырылуға тиіс.»;
50) 72-бапта:
3-тармақта:
1) тармақша мынадай редакцияда жазылсын:
«1) жер қойнауын пайдаланушы жер қойнауын пайдалануға арналған келiсiмшартта белгiленген мiндеттемелердi екi реттен көп бұзуды құзыреттi органның хабарламасында көрсетiлген мерзiмде жоймаса;»;
2) тармақшадағы «берген кезде келісімшарттың қолданысын біржақты тәртіппен мерзімінен бұрын тоқтатуға құқылы.» деген сөздер «берген кезде;» деген сөздермен ауыстырылып, мынадай мазмұндағы 3) және 4) тармақшалармен толықтырылсын:
«3) осы Заңның 76-бабы 1-тармағының 13-1) тармақшасында көзделген мәліметтерді беруден бас тартса не дәйексіз мәліметтер берсе;
4) жер қойнауын пайдалануға арналған келісімшартта белгіленген қаржылық міндеттемелерді екі жыл қатарынан 30 %-дан аса орындамаған кезде келісімшарттың қолданылуын біржақты тәртіппен мерзімінен бұрын тоқтатуға құқылы.»;
мынадай мазмұндағы 3-1-тармақпен толықтырылсын:
«3-1. Құзыретті орган барлауға арналған үлгілік келісімшарттың қолданысын біржақты тәртіппен мынадай:
1) жыл сайынғы өсу төлемдері түрінде ұсынылған, өңірдің әлеуметтік-экономикалық дамуы мен оның инфрақұрылымына (өңірлердің әлеуметтік саласын дамыту) сомалар уақтылы төленбеген;
2) үлгілік келісімшарттың бүкіл қолданылу кезеңінде бір блок шегінде орындалуы қажет жылдар бойынша шығындар мен жұмыс түрлерінің ең төмен мөлшері туралы талаптар бұзылған жағдайларда мерзімінен бұрын тоқтатады.»;
мынадай мазмұндағы 11-тармақпен толықтырылсын:
«11. Үлгілік келісімшарт, егер тараптар оны ұзарту туралы келісімге қол жеткізбесе, оның қолданылу мерзімі өткеннен кейін тоқтатылады.
Үлгілік келісімшарттың қолданылуын мерзімінен бұрын тоқтатуға тараптардың келісуі бойынша жол беріледі.
Құзыретті орган жер қойнауын пайдаланушы жалдау төлемін уақтылы төлемеген не үлгілік келісімшартта көзделмеген мақсаттар үшін берілген жер қойнауы учаскесін пайдаланған жағдайда, үлгілік келісімшарттың қолданылуын біржақты тәртіппен мерзімінен бұрын тоқтатуға құқылы.»;
51) мынадай мазмұндағы 72-1-баппен толықтырылсын:
«72-1-бап. Келісімшарттық аумақты сенімгерлік басқару
1. Келісімшарттық аумақта үзіліссіз технологиялық процесті қолдау және өнеркәсіптік қауіпсіздікті қамтамасыз ету мақсатында бұрынғы жер қойнауын пайдаланушымен келісімшарт тоқтатылған сәттен бастап бес жұмыс күні ішінде құзыретті орган ұлттық компаниямен келісімшарттық аумақты сенімгерлік басқару шартын жасасады.
2. Құзыретті орган мұндай шартты жасасқан сәттен бастап бес жұмыс күні ішінде келісімшарттық аумақты сенімгерлік басқару шартын жасасқаны туралы бұрынғы жер қойнауын пайдаланушыны хабардар етеді.
3. Келісімшарттық аумақты сенімгерлік басқару шарты Қазақстан Республикасының Азаматтық кодексіне сәйкес әзірленеді және жасалады.
Келісімшарттық аумақты сенімгерлік басқару шарты сенімгерлік басқарушыға жер қойнауын пайдалану жөніндегі операцияларды жүргізуге келісімшарт жасамай жер қойнауын пайдалану жөніндегі операцияларды жүзеге асыру құқығын береді.
4. Технологиялық процестің үзіліссіздігі мен өнеркәсіптік қауіпсіздікті қамтамасыз ететін құрылыстар, жабдықтар және өзге де мүлік бұрынғы жер қойнауын пайдаланушының келісімшарттық аумақты сенімгерлік басқару шартын жасасу туралы құзыретті органның хабарламасын алған күннен бастап бір ай ішінде жаңа жер қойнауын пайдаланушыға мүлікті бергенге дейінгі мерзімде сенімгерлік басқарушының уақытша иелігіне және пайдалануына беруге жатады.
Бұрынғы жер қойнауын пайдаланушы жоқ болған не ол сенімгерлік басқарушыға мүлікті беруден жалтарған жағдайда, құзыретті орган осындай мүлікке қатысты оның сенім білдірген өкілі ретінде әрекет етеді және оны сенімгерлік басқарушыға берілетін мүліктің жай-күйі туралы нұсқауды көздейтін тізбе қамтылған акті бойынша береді.
Осы тармақтың бірінші бөлігінде көзделген мүлікті пайдалануға байланысты шығыстар осы баптың 5-тармағына сәйкес өтеледі.
5. Сенімгерлік басқарушының келісімшарттық аумақты сенімгерлік басқару кезінде жүргізген және белгіленген тәртіппен расталған шығыстарды - жүргізілген шығыстардың қажеттігін растайтын құжаттарды ұсынған кезде оны пайдаланудан түскен табыстар есебінен өтеуге құқығы бар.
Шығыстарды осылайша өтеген жағдайда, жаңа жер қойнауын пайдаланушы осы бапқа сәйкес бұрын өтелген сенімгерлік басқарушы шығындарының орнын толтырмайды.
Табыс болмаған не ол жеткіліксіз болған жағдайда, шығыстарды өтеу құрылтайшының (пайда табушының) есебінен өтеледі.
Сенімгерлік басқарушының шығыстарын өтеуге және сенімгерлік басқару шартын орындауға байланысты салықтарды төлеуге жұмсалған сомаларды қоспағанда, сенімгерлік басқарудан түскен табыстар сенімгерлік шартының қолданылуын тоқтату нәтижелері бойынша пайда табушыға жолданады.
6. Келісімшарттық аумақты сенімгерлік басқару шартының шеңберінде тауарларды, жұмыстарды және көрсетілетін қызметтерді сатып алу осы Заңның нормалары қолданылмай жүзеге асырылады.
7. Сенімгерлік басқарушы келісімшарттық аумақты сенімгерлік басқару шартымен өзіне берілген құқықтылықты асыра пайдаланып немесе белгіленген шектеулерді бұза отырып жасаған мәмілелер бойынша міндеттемелерді сенімгерлік басқарушы өз мүлкінің есебінен көтереді.»;
52) 76-бапта:
1-тармақта:
12-1) тармақша мынадай редакцияда жазылсын:
«12-1) өткен жылдың қорытындылары бойынша келісімшарттық қызмет бойынша жылдық жиынтық табыстың бір пайызынан кем емес мөлшерде қазақстандық тауарларды, жұмыстарды және көрсетілетін қызметтерді өндірушілер көрсететін ғылыми-зерттеу, ғылыми-техникалық және (немесе) тәжірибелік-конструкторлық жұмыстарды жыл сайын қаржыландыруды жүзеге асыруға;»;
мынадай мазмұндағы 13-1) тармақшамен толықтырылсын:
«13-1) құзыретті органға немесе облыстың, республикалық маңызы бар қаланың, астананың жергілікті атқарушы органына сұрау салу бойынша түпкілікті бенефициар туралы мәліметтер беруге;»;
20) тармақша мынадай редакцияда жазылсын:
«20) тоқсан сайын, есепті кезеңнен кейінгі айдың он бесінен кешіктірмей құзыретті органға Қазақстан Республикасының Үкіметі бекіткен нысандар мен тәртіп бойынша Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқытуға, олардың біліктілігін арттыруға және қайта даярлауға және (немесе) құзыретті органмен келісілген мамандықтар тізбесі бойынша Қазақстан Республикасының азаматтарын оқытуға жіберілетін шығыстардың мөлшері бойынша міндеттемелердің орындалуы туралы есептерді ұсынуға;»;
22) тармақша алып тасталсын;
34) тармақшадағы «жазуға міндетті.» деген сөздер «жазуға;» деген сөзбен ауыстырылып, мынадай мазмұндағы 35) тармақшамен толықтырылсын:
«35) Қазақстан Республикасында жер қойнауын пайдалану жөніндегі операциялардың салдарын жою үшін тарату қорын қалыптастыруға міндетті.»;
53) 77-бапта:
4-тармақ мынадай редакцияда жазылсын:
«4. Осы баптың 1-тармағының 1), 2), 3) және 4) тармақшаларында көрсетілген тәсілдермен тауарларды, жұмыстарды және көрсетілетін қызметтерді сатып алу кезінде сатып алуларды жүргізу туралы хабарландыру, конкурстық өтінімдерді ашу хаттамалары, конкурсқа қатысуға жіберу, қорытындыларын шығару жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстардың және көрсетілетін қызметтердің және олардың өндірушілерінің тізіліміне міндетті түрде орналастыруға жатады.
Осы баптың 1-тармағының 1) және 3) тармақшаларында көрсетілген тәсілдермен тауарларды, жұмыстарды және көрсетілетін қызметтерді сатып алу кезінде сатып алуларды жүргізу туралы және олардың қорытындылары туралы хабарландыру мерзімді баспа басылымдарында міндетті түрде жариялануға тиіс.»;
7-тармақтың 1) тармақшасы мынадай редакцияда жазылсын:
«1) кең таралған пайдалы қазбаларды, жерасты сулары мен емдік балшықтарды барлау және өндіру жөніндегі операцияларды жүзеге асыратын жер қойнауын пайдаланушыларға;»;
54) 85-бапта:
3-тармақ мынадай редакцияда жазылсын:
«3. Осы баптың 1-тармағының 2) және 3) тармақшаларында көзделген жағдайларда ілеспе және (немесе) табиғи газды алауда жағуға, жер қойнауын пайдаланушы Қазақстан Республикасының Үкіметі бекіткен әдістеме бойынша есептелген нормативтер мен көлемдер шегінде жобалау құжаттарын сақтаған жағдайда, жер қойнауын зерттеу және пайдалану жөніндегі уәкілетті органмен келісілген мұнай және газ саласындағы уәкілетті органның рұқсаты бойынша жол беріледі.»;
5-тармақтың екінші бөлігі мынадай редакцияда жазылсын:
«Техникалық қызмет көрсету және жөндеу жұмыстары кезінде газды жағу жабдықты пайдалану кезінде газды технологиялық тұрғыдан амалсыз жағудың көлемінен аспайтын, реттелетін көлемде жүзеге асырылады.»;
55) мынадай мазмұндағы 95-1-баппен толықтырылсын:
«95-1-бап. Мұнайдың теңізге төгілуі
1. Мұнайдың теңізге төгілуі үш деңгейге бөлінеді:
1) бірінші деңгей – жер қойнауын пайдаланушының теңіздегі құрылысында бар материалдар мен заттар көмегімен ғимарат персоналы жоятын болмашы төгілу (10 тонна мұнайдан аспайтын);
2) екінші деңгей - жою үшін жұмыс жүргізілген жердегі жер қойнауын пайдаланушының теңіздегі құрылысында бар ресурстармен қатар жергілікті жағажай қызметтерінің қосымша материалдары, заттары және персоналы қажет болатын шамалы (орташа) төгілуі (мұнайдың 10 тоннадан бастап 250 тоннаға дейін төгілуі);
3) үшінші деңгей – жою үшін мамандандырылған қор есебінен халықаралық ұйымдарды қоса алғанда, жер қойнауын пайдаланушының, жергілікті жағажай қызметтерінің, сондай-ақ мұнайдың төгілуін жою жөніндегі басқа да ұйымдардың материалдары, заттары мен персоналы талап етілетін мұнайдың көп төгілуі (250 тоннадан көп).
2. Мұнай операцияларын жүзеге асыратын жер қойнауын пайдаланушы мұнайдың төгілуінің алдын алу және оны жою жөніндегі ұйымның жоспарларын бекітуге міндетті, ол қоршаған ортаны қорғау, жер қойнауын зерттеу және пайдалану саласындағы уәкілетті органдармен, сондай-ақ кәсіби авариялық-құтқару қызметтерімен және құралымдарымен келісу бойынша Атырау, Маңғыстау, Ақтөбе, Қызылорда облыстарының және Ақтау портының әкімдіктері бекітетін, мұнайдың төгілуінің алдын алу және оны жою жөніндегі өңірлік жоспарларға сәйкес болуы тиіс. Мұнайдың төгілуінің алдын алу және оны жою жөніндегі ұйымдардың жоспарларын бекіту тәртібі, мерзімдері және оның нысаны Қазақстан Республикасының Үкіметі бекітетін теңіздегі және Қазақстан Республикасының ішкі суларындағы мұнайдың төгілуінің алдын алу және оларға ден қою жөніндегі Ұлттық жоспармен айқындалады.
3. Жер қойнауын пайдаланушы мұнайдың төгілуін анықтаған жағдайда, Қазақстан Республикасының төтенше жағдайлар және азаматтық қорғаныс саласындағы заңнамасына сәйкес қоршаған ортаны қорғау және табиғи және техногендік сипаттағы төтенше жағдайлар саласындағы уәкілетті органдардың аумақтық бөлімшелерін дереу хабардар етуге міндетті.
4. Теңізде мұнай операцияларын жүзеге асыратын жер қойнауын пайдаланушыда бірінші және екінші деңгейдегі мұнайдың төгілу салдарын жою үшін қажетті өзінің материалдары мен жабдықтары болуға міндетті. Жер қойнауын пайдаланушы бірінші және екінші деңгейдегі мұнайдың төгілу салдарын жою үшін қажетті өзінің материалдары мен жабдықтары болмаған кезде, мұнай операцияларын жүргізу аумағында бірінші және екінші деңгейдегі мұнайдың төгілу салдарын уақтылы жою үшін жабдықтары мен техникалық құралдары бар, мұнайдың төгілуін жою саласындағы қызметті жүзеге асыратын кәсіби авариялық-құтқару қызметімен шарт жасасуға міндетті.
5. Теңізде мұнай операцияларын жүзеге асыратын жер қойнауын пайдаланушы үшінші деңгейдегі мұнайдың төгілуін жою жағдайлары үшін ашық мұнай және газ фонтандарын жою және мұнай операцияларын жүргізу ауданында үшінші деңгейдегі мұнайдың төгілуін жою үшін жабдықтары мен құралдары бар мамандандырылған аттестатталған кәсіби авариялық-құтқару ұйымымен шарт жасасуға міндетті.
6. Үшінші деңгейдегі мұнайдың төгілуіне ден қою жөніндегі іс-қимылдарды үйлестіру және оған басшылық жасау теңіздегі және Қазақстан Республикасының ішкі суларындағы мұнайдың төгілуінің алдын алу және оларға ден қою жөніндегі Ұлттық жоспар шеңберінде Мұнайдың төгілуіне ден қою жөніндегі ұлттық комиссияға жүктеледі.
7. Мұнайдың төгілу салдарын жою кезінде адамдардың денсаулығы мен қоршаған отаны барынша қорғауға бағдарланған әдістерге артықшылық беру керек.
8. Мұнайдың төгілуін жою және оқшаулау жөніндегі іс-шараларды, авариялардың, оқыс оқиғалардың себептерін тергеуді жүргізгеннен кейін жер қойнауын пайдаланушы қоршаған ортаны қорғау және табиғи және техногендік сипаттағы төтенше жағдайлар саласындағы уәкілетті органдарға жасалған жұмыстар туралы есепті ұсынады.
9. Теңізде мұнай операцияларын жүзеге асыратын жер қойнауын пайдаланушы қоршаған ортаға, үшінші тұлғаларға мұнайдың төгілуі нәтижесінде келтірілген зиянды, сондай-ақ мұнайдың төгілуін жою бойынша мемлекеттің шығыстарын толық көлемде өтеуге міндетті.
10. Осы баптың 2, 3, 4-тармақтарының талаптары мұнайдың төгілу тәуекеліне байланысты теңіздегі қызметті жүзеге асыратын жеке және заңды тұлғаларға қатысты да қолданылады.»;
56) 98-баптың 1-тармағы алып тасталсын;
57) 100-баптың 2-тармағы мынадай редакцияда жазылсын:
«2. Теңіздегі ғылыми зерттеулерді қазақстандық, сондай-ақ шетелдік жеке және заңды тұлғалар, халықаралық ұйымдар жүзеге асыра алады.»;
58) мынадай мазмұндағы 110-1-баппен толықтырылсын:
«110-1-бап. Жер қойнауын пайдалану саласындағы қызметті сақтандыру
1. Сақтандыру Қазақстан Республикасының сақтандыру туралы заңнамасына сәйкес жүзеге асырылады.
2. Теңізде барлау мен өндіруді жүзеге асыратын жер қойнауын пайдаланушылар мүліктік тәуекелдер мен:
1) ұңғыманы бақылауға алу бойынша шығыстар;
2) ұңғыма бақылаудан шыққан жағдайда қайталап бұрғылау операциялары бойынша шығыстар;
3) теңіз ластанған жағдайда тазалау және оқшаулау бойынша шығыстар;
4) мұнайдың төгілуін жою саласындағы қызметті жүзеге асыратын мамандандырылған ұйымдарды тарту бойынша шығыстар жөніндегі сақтандыру өтемін қамтамасыз ету үшін жауапкершілік тәуекелдерін сақтандыруға міндетті.»;
59) 111-бапта:
2-тармақ мынадай редакцияда жазылсын:
«2. Жер қойнауын пайдалану жөніндегі операциялар уақытша тоқтатылған кезде жер қойнауын пайдаланушы құзыретті органмен объектіні уақытша консервациялау (жұмыстарды тоқтата тұру) мерзімін келісуге құқылы және жер қойнауын пайдалану объектісін консервациялау жөніндегі жұмыстарды орындауға дереу кіріседі, ал жер қойнауын пайдалану жөніндегі операциялар тоқтатылған кезде жер қойнауын пайдалану объектісін тарату жөніндегі жұмыстарды орындауға дереу кіріседі.
Жер қойнауын пайдаланушы өндіруді тоқтату туралы шұғыл шешім қабылдау қажет болған жағдайда, оларды тарату немесе консервациялау басталғанға дейін өндірістік объектілердің сақталуын қамтамасыз ететін кешенді іс-шараларды жүргізеді.»;
6-тармақтың үшінші бөлігі мынадай редакцияда жазылсын:
«Бұл ретте тарату қорын пайдалануды жер қойнауын пайдаланушы құзыреттi органның жер қойнауын зерттеу мен пайдалану жөнiндегi уәкiлеттi органмен келiсiлген рұқсаты бойынша, кең таралған пайдалы қазбалар бойынша – облыстың, республикалық маңызы бар қаланың, астананың жергілікті атқарушы органдардың рұқсаты бойынша жүзеге асырады. Тарату қорын құрудың тәртiбi, тарату қорына аударымдардың мөлшерi, осындай төлемдердiң кезеңдiлiгi туралы шарттар келiсiмшартта белгiленедi.»;
мынадай мазмұндағы 7-тармақпен толықтырылсын:
«Егер жер қойнауын пайдалану объектілерін жоюға арналған нақты шығындар тарату қорының мөлшерінен асып кетсе, онда жер қойнауын пайдаланушы жер қойнауын пайдалану объектілерін жоюды қосымша қаржыландыруды жүзеге асыруға міндетті. Егер жоюға арналған нақты шығындар тарату қорының мөлшерінен төмен болса, онда қалған ақшалай қаражат жер қойнауын пайдаланушыда қалады.»;
60) 113-баптың 1-тармағы мынадай редакцияда жазылсын:
«1. Елдi мекендердi, өнеркәсіптік кешендердi және басқа да шаруашылық объектiлердi жобалауға және салуға жер қойнауын зерттеу мен пайдалану жөнiндегi уәкiлеттi органның аумақтық бөлiмшесiмен келісу бойынша облыстың, республикалық маңызы бар қаланың, астананың жергілікті атқарушы органының болашақ құрылыс учаскесi астындағы жер қойнауында пайдалы қазбалардың жоқ немесе оның аз мөлшерде екендiгi туралы қорытындысын алғаннан кейiн ғана рұқсат берiледi.»;
61) 116-бапта:
2-тармақ мынадай редакцияда жазылсын:
«2. Жер қойнауын қорғау саласындағы мемлекеттiк бақылау мiндетi жер қойнауын пайдалану жөнiндегi операцияларды жүргiзген кезде жер қойнауының ластануын болғызбау және жер қойнауын пайдалану жөнiндегi операциялардың қоршаған ортаға зиянды әсерiн азайту бөлiгiнде Қазақстан Республикасының қоршаған ортаны қорғау және табиғи ресурстарды пайдалану туралы заңнамасының сақталуын бақылауды қамтамасыз ету, сондай-ақ жер қойнауының заңсыз пайдаланылуын анықтау және оның жолын кесу болып табылады.»;
3-тармақта:
мынадай мазмұндағы 4-1) тармақшамен толықтырылсын:
«4-1) жер қойнауының заңсыз пайдаланылуын анықтауды және оның жол кесу жөніндегі бақылау іс-шараларын;»;
8) тармақша мынадай редакцияда жазылсын:
«8) жер қойнауына мемлекеттік меншік құқығының сақталуын бақылауды қамтиды.»;
62) 117-баптың 3-тармағының 1) тармақшасы мынадай редакцияда жазылсын:
«1) қорларды ашуды, дайындауды және қазып алудың толымдылығын қамтамасыз ететін, жер қойнауының бай учаскелерін таңдап игеруді болғызбайтын жер қойнауын геологиялық зерттеу мен пайдалануды, жер қойнауын зерттеу және пайдалану саласындағы уәкілетті органның құзыреті шегінде жобалау құжаттамаларында және жобалық шешімдерде көзделген көрсеткіштердің орындалуын бақылауды;»;
63) 122-бапта:
1, 2 және 4-тармақтар мынадай редакцияда жазылсын:
«1. Пайдалы қазбалар қорларының мемлекеттiк баланстарын жер қойнауын зерттеу мен пайдалану жөнiндегi уәкiлеттi орган Қазақстан Республикасының минералдық-шикiзат базасының жай-күйiн есепке алу мақсатында жүргiзедi.
2. Пайдалы қазбалар қорларының мемлекеттiк баланстарында коммерциялық жолмен табылған пайдалы қазбалардың әр түрiнiң қорының мөлшерi, сапасы мен зерттелу дәрежесi туралы, олардың орналасуы туралы, өндiрiстiк игерiлу дәрежесi, өндiру, ысырабы туралы және өнеркәсiптiң пайдалы қазбалардың барланған қорларымен қамтамасыз етiлуi туралы мәлiметтер қамтылуға тиiс.
4. Жер қойнауын зерттеу мен пайдалану жөнiндегi уәкiлеттi орган мемлекеттiк органдарға Қазақстан Республикасының Үкiметi белгiлеген тәртiппен пайдалы қазбалар қорларының мемлекеттiк баланстары жөнiндегi ақпаратты бередi.»;
64) 127-баптың 1-тармағы мынадай редакцияда жазылсын:
«1. Қазақстан Республикасының қоршаған ортаны қорғау және табиғи ресурстарды пайдалану туралы заңнамасының талаптарын бұзу салдарынан зиян келтiрген тұлғалар, егер тек зиян еңсерiлмейтiн күштiң немесе зардап шегушiнiң пиғылы салдарынан туындағанын дәлелдей алмаса, келтiрiлген зиянды Қазақстан Республикасының заңнамасында белгiленген мөлшерде және тәртiппен өтеуге мiндеттi.».
2-бап.
1) Осы Заң алғашқы ресми жарияланған күнінен кейін күнтізбелік он күн өткен соң қолданысқа енгізіледі.
2) Осы Заңның 1-бабының 3-тармағы 55) тармақшасының күші бұрын жасалған барлауға, өндіруге немесе бірлескен барлау мен өндіруге арналған келісімшарттарға қолданылады.

Қазақстан Республикасының
Президенті