Ескерту. Күші жойылды – ҚР Үкіметінің 07.04.2020 № 184 қаулысымен.
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасынан мыналар өкілдер ретінде жіберілсін:
Халықаралық Аралды құтқару қорының басқармасына Қазақстан Республикасы Премьер-Министрінің орынбасары – Қазақстан Республикасының Ауыл шаруашылығы министрі Асқар Исабекұлы Мырзахметов;
Халықаралық Аралды құтқару қорының Тексеру комиссиясына Қазақстан Республикасы Қаржы министрлігінің Ішкі мемлекеттік аудит комитетінің төрағасы Әнуар Серқұлұлы Жұмаділдаев.
2. Халықаралық Аралды құтқару қорының Атқарушы комитетіне Қазақстан Республикасынан мыналар уәкілетті өкілдер ретінде жіберілсін:
Халықаралық Аралды құтқару қоры Атқарушы комитетінің мүшесі Дәулетияр Аймағамбетұлы Байәлімов;
Қазақстан Республикасының Сыртқы істер министрлігі Жалпыазиялық ынтымақтастық департаментінің кеңесшісі – Серік Әбдірахманұлы Бекмағанбетов.
3. "Қазақстан Республикасының өкілдерін Халықаралық Аралды құтқару қорының басқармасына, Атқарушы комитетіне және Тексеру комиссиясына жіберу туралы" Қазақстан Республикасы Үкіметінің 2013 жылғы 1 тамыздағы № 760 қаулысының күші жойылды деп танылсын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының | |
Премьер-Министрі | Б. Сағынтаев |
