Жеке кәсіпкерлікті мемлекеттік қолдаудың кейбір шаралары туралы

Қазақстан Республикасының Кәсіпкерлік кодексі 94-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік ұсыну қағидалары;

2) Сыйақы мөлшерлемесінің бір бөлігін субсидиялау қағидалары;

3) Ислам банктері кәсіпкерлік субъектілерін қаржыландырылған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау қағидалары;

4) Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары;

5) Кредиттер/қаржылық лизинг бойынша кепілдік беру қағидалары;

6) Кәсіпкерлік субъектілері шығарған облигациялар бойынша кепілдік беру қағидалары;

7) Әлеуметтік кәсіпкерлік субъектілері үшін мемлекеттік гранттар беру қағидалары;

8) Инженерлік инфрақұрылым жүргізу қағидалары;

9) Шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру қағидалары бекітілсін.

2. Осы қаулының орындалуын бақылау Қазақстан Республикасының Ұлттық экономика министрлігіне жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының
Премьер-Министрі

О. Бектенов

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік ұсыну қағидалары

1-тарау. Жалпы ережелер

1. Осы Шағын, оның ішінде микрокәсіпкерлік субъектілерінің кредиттері/ микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік ұсыну қағидалары (бұдан әрі – Қағидалар) Қазақстан Республикасы Кәсіпкерлік кодексінің (бұдан әрі – Кодекс) 94-бабының 3-тармағына сәйкес әзірленді және шағын, оның ішінде микрокәсіпкерлік субъектілеріне екінші деңгейдегі банктердің (бұдан әрі – ЕДБ)/микроқаржылық қызметті жүзеге асыратын ұйымдардың кредиттері/ микрокредиттері/қаржыландыруы бойынша сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік ұсыну тәртібін айқындайды.

2. Осы Қағидаларда мынадай негізгі ұғымдар пайдаланылады:

1) айналым қаражатын толықтыру – кәсіпкер кредитінің кәсіпкердің мәлімделген қызметімен байланысты әрі салықтық міндеттемелерді, зейнетақылық және әлеуметтік аударымдарды, кедендік төлемдерді/алымдарды/баждарды төлеуге арналмаған нысаналы мақсаты;

2) арнайы қаржы компаниясы – "Жобалық қаржыландыру және секьюритилендiру туралы" Қазақстан Республикасының Заңына сәйкес жобалық қаржыландыру және секьюритилендіру мәмілелерін жүзеге асыру үшін құрылатын, пайдасына талап ету құқығы берілетін заңды тұлға;

3) әлеуметтік кәсіпкерлік субъектісі – әлеуметтік кәсіпкерлік субъектілерінің тізіліміне енгізілген дара кәсіпкерлер және заңды тұлғалар (ірі кәсіпкерлік субъектілерін қоспағанда);

4) банк-төлем агенті – қаржы агенттігімен келісілген және жобалар бойынша субсидияларды аудару мен есептен шығаруға арналған микроқаржы ұйымының арнайы шотын жүргізу функцияларын жүзеге асыратын микроқаржы ұйымының уәкілетті банкі;

5) бөлiнген активтер – жобалық қаржыландыру және секьюритилендiру мәмілелерінде арнайы қаржы компаниясына берілген талап ету құқықтары, өзіне берілген талап ету құқықтары бойынша алынған кастодиан-банктегі шоттардағы ақша, арнайы қаржы компаниясы көрсетілген ақшаны инвестициялау нәтижесінде сатып алған қаржы құралдары, қаржы құралдарын сату нәтижесінде алынған ақша, сондай-ақ қосымша қамтамасыз етуді қалыптастыру кезінде туындайтын мүлік пен мүліктік құқықтар;

6) бұрын бекітілген кәсіпкерлікті қолдау бағдарламасы/бұрын бекітілген кәсіпкерлікті қолдау бағдарламалары – Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы – 2025" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба, "Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдау қағидаларын, нысандарын бекіту туралы" Қазақстан Республикасы Сауда және интеграция министрінің 2023 жылғы 21 қарашадағы № 410-НҚ, Қазақстан Республикасы Энергетика министрінің 2023 жылғы 22 қарашадағы № 412, Қазақстан Республикасы Туризм және спорт министрінің 2023 жылғы 22 қарашадағы № 299, Қазақстан Республикасы Экология және табиғи ресурстар министрінің 2023 жылғы 22 қарашадағы № 327, Қазақстан Республикасы Ауыл шаруашылығы министрінің 2023 жылғы 22 қарашадағы № 401, Қазақстан Республикасы Мәдениет және ақпарат министрінің 2023 жылғы 22 қарашадағы № 450-НҚ, Қазақстан Республикасы Су ресурстары және ирригация министрінің 2023 жылғы 22 қарашадағы № 16, Қазақстан Республикасы Көлік министрінің міндетін атқарушының 2023 жылғы 23 қарашадағы № 91, Қазақстан Республикасы Өнеркәсіп және құрылыс министрінің 2023 жылғы 23 қарашадағы № 84, Қазақстан Республикасы Оқу-ағарту министрінің 2023 жылғы 23 қарашадағы № 347, Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы 23 қарашадағы № 572/НҚ, Қазақстан Республикасы Ғылым және жоғары білім министрінің 2023 жылғы 23 қарашадағы № 598 және Қазақстан Республикасы Денсаулық сақтау министрінің міндетін атқарушының 2023 жылғы 23 қарашадағы № 167 бірлескен бұйрығы (нормативтік құқықтық актілерді мемлекеттік тіркеу тізілімінде № 33681 болып тіркелген);

7) жоба (бизнес-жоба) – кіріс алуға бағытталған және мемлекеттік қаржылай қолдау ұсынылып отырған қызмет шеңберінде (бір жоба аясында бірнеше банктік кредит алуға/лизинг мәмiлесi жасасуға болады) Қазақстан Республикасының заңнамасына қайшы келмейтін бастамашылық қызмет ретінде кәсіпкер жүзеге асыратын іс-қимыл мен іс-шаралар жиынтығы;

8) инвестициялық мақсаттар – негізгі құралдарды сатып алу және (немесе) салу, және (немесе) жаңғырту, және (немесе) реконструкциялау, және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/биологиялық/материалдық/материалдық емес активтердің құнына енгізілген қосылған құн салығы бойынша шығыстар да инвестицияларға жатады);

9) ислам банкі – осы Қағидаларды іске асыру шеңберінде "Қазақстан Республикасындағы банктер және банк қызметі туралы" Қазақстан Республикасы Заңының 4-1-тарауында көзделген банк қызметін лицензия негізінде жүзеге асыратын екінші деңгейдегі банк;

10) ислам банкі беретін қаржыландыру (бұдан әрі – қаржыландыру) – тауар үшін төлемді ислам банкінің ұсынуымен кәсіпкердің кейінге қалдыруы немесе бөліп төлеуі;

11) кәсіпкер – шағын кәсіпкерлік, оның ішінде микрокәсіпкерлік субъектісі, сондай-ақ Кодекске сәйкес айқындалатын және жұмыс істеп тұрған кәсіпкерлік субъектісі мәртебесі бар әлеуметтік кәсіпкерлік субъектісі;

12) кредиттік шарт – талаптары бойынша ЕДБ/микроқаржы ұйымы кәсіпкерге кредит/микрокредит беретін (кредиттік желі ашу туралы келісім де кредиттік шартқа жатады), ЕДБ/микроқаржы ұйымы мен кәсіпкер арасында жасалатын жазбаша келісім;

13) кредитті/микрокредитті нысаналы пайдалану – кәсіпкердің қарыз шарты бойынша алынған кредитті/микрокредитті осы Қағидалардың шарттарына сәйкес келетін мақсаттарға пайдалануы (нысаналы пайдалану кәсіпкердің активке/жұмыстарға/көрсетілетін қызметтерге ақы төлегенін және толық көлемде алғанын және (немесе) осы Қағидалардың шарттарына сәйкес басқа мақсаттарға қол жеткізгенін растайтын тиісті құжаттар жиынтығымен расталады);

14) қаржы агенттігі – "Даму" кәсіпкерлікті дамыту қоры" акционерлік қоғамы;

15) қаржы агенттігінің уәкілетті органы – өз қызметін қаржы агенттігінің жарғысымен, қаржы агенттігінің кредиттік саясатымен берілген және қаржы агенттігінің ішкі құжаттарымен бекітілген өкілеттіктері шеңберінде жүзеге асыратын, тұрақты жұмыс істейтін алқалы орган;

16) қаржыландыру шарты – ислам банкі мен кәсіпкер арасында жасалған жазбаша келісім, оның шарттары бойынша ислам банкі кәсіпкерге – тауарды сатып алушыға немесе сатушыға коммерциялық кредит береді (бас қаржыландыру келісімі де қаржыландыру шартына жатады, оның шеңберінде ислам банкі мен кәсіпкер коммерциялық кредит беру (қаржыландыру) туралы бөлек шарттар жасасады);

17) микрокредит – микроқаржы қызметін жүзеге асыратын ұйым шағын, оның ішінде микрокәсіпкерлік субъектісіне Қазақстан Республикасының ұлттық валютасымен беретін, республикалық бюджет туралы заңда тиісті қаржы жылына белгіленген сегіз мың еселенген айлық есептік көрсеткіш мөлшерінен аспайтын ақша;

18) микроқаржы қызметін жүзеге асыратын ұйым – микрокредит беру қызметін жүзеге асыратын микроқаржы ұйымы (бұдан әрі – МҚҰ);

19) өңірлік үйлестіруші – кәсіпкерлік саласындағы жергілікті атқарушы органның облыс (астана, республикалық маңызы бар қалалардың) әкімі айқындайтын құрылымдық бөлімшесі;

20) портфельдік ішінара кепілдік беру – ЕДБ/МҚҰ үшін қаржы агенттігі белгілеген лимит шеңберінде кәсіпкерлерге кепілдік беру нысаны;

21) секьюритилендіру – бөлінген активтермен қамтамасыз етілген облигацияларды шығару арқылы ақшалай талап етуді беруге орай қаржыландыру;

22) сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісім – ЕДБ/МҚҰ мен қаржы агенттігі арасында жасалатын, сыйақы мөлшерлемесінің бір бөлігін/үстеме бағаны портфельдік субсидиялауды және ішінара кепілдік беруді іске асыру шеңберінде тараптардың әрқайсысының құқықтары мен міндеттерін айқындайтын жазбаша келісім;

23) сыйақы мөлшерлемесінің бір бөлігін/үстеме бағаны портфельдік субсидиялау – ЕДБ/МҚҰ үшін қаржы агенттігі белгілеген лимит шеңберінде кәсіпкерлерге субсидия беру нысаны.

Кәсіпкерлерді секьюритилендіру тетігі арқылы қаржыландыруға бағытталған ЕДБ/МҚҰ кредиттері/микрокредиттері де субсидияланады. Мұндай жағдайда кәсіпкерлердің осы Қағидаларды іске асыру шеңберінде субсидиялау құралы бойынша қолдау тапқан кредиттерін/микрокредиттерін әкімшілендіру (сүйемелдеу) функциясын осындай кредиттерді/микрокредиттерді арнайы қаржы компаниясына берген ЕДБ/МҚҰ жүзеге асырады.

Секьюритилендіру тетігі кәсіпкерлерді арнайы қаржы компаниясының ЕДБ/МҚҰ-ның бөлінген активтерімен қамтамасыз етілген облигацияларды шығаруы; қаржы агенттігінің арнайы қаржы компаниясы шығарған, бөлінген активтермен қамтамасыз етілген облигацияларды сатып алуы (секьюритилендіру мәмілесі); арнайы қаржы компаниясының ЕДБ/МҚҰ-ға қаржы агенттігінен тартылған қаражатты беруі арқылы мемлекеттік қаржылай қолдау нысанын көздейді;

24) уәкілетті орган – кәсіпкерлік жөніндегі уәкілетті орган;

25) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша жауапкершілігі бар серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар.

3. Кредиттер/микрокредиттер/қаржыландыру бойынша сыйақы мөлшерлемесінің бір бөлігін/үстеме бағаны портфельдік субсидиялауды және ішінара кепілдік беруді қаржыландыру жергілікті және/немесе республикалық бюджеттердің субсидиялауға және кепілдік беруге көзделген қаражаты есебінен жүзеге асырылады.

4. Сыйақы мөлшерлемесінің бір бөлігін/үстеме бағаны субсидиялау және ішінара кепілдік беру үшін көзделген қаражатты республикалық бюджет қаражаты есебінен кәсіпкерлік жөніндегі уәкілетті орган қаржы агенттігімен арада жасалатын қаражатты аударуға арналған шарттың негізінде қаржы агенттігінің арнайы шотына аударады.

5. Жергілікті бюджет қаражаты есебінен сыйақы мөлшерлемесінің бір бөлігін/үстеме бағаны субсидиялау және ішінара кепілдік беру үшін көзделген қаражатты өңірлік үйлестіруші кәсіпкерлік жөніндегі уәкілетті орган бекіткен субсидиялау және (немесе) кепілдік беру туралы шарттың үлгілік нысанына сәйкес жасалатын субсидиялау және (немесе) кепілдік беру туралы шарттың негізінде қаржы агенттігіне аударады.

Бұрын қолданыста болған кәсіпкерлікті қолдау бағдарламалары шеңберінде мақұлданған және қол қойылған жобалар бойынша субсидиялау нысанындағы қолдау шараларын қаржыландыру бұрын қолданыста болған кәсіпкерлікті қолдау бағдарламаларын/осы Қағидаларды іске асыру шеңберінде бөлінген республикалық және жергілікті бюджеттердің қаражаты есебінен жүзеге асырылады.

Республикалық және/немесе жергілікті бюджеттерден және/немесе Қазақстан Республикасының Ұлттық қорынан кәсіпкерлікті қолдаудың бұрын қолданыста болған бағдарламалары/осы Қағидалар шеңберінде субсидиялауға бөлінген қаражатты жобаларды субсидиялауға және/немесе кепілдік беруге қаражаттың қажет болу шамасына қарай пайдалануға рұқсат етіледі.

Субсидиялау үшін бөлінген және бұрын қолданыста болған кәсіпкерлікті қолдау бағдарламалары шеңберінде жергілікті және/немесе республикалық бюджеттерден аударылған қаражатты қаржы агенттігі толық игерілгенге дейін пайдаланады.

Жобаларға ішінара кепілдік беруге бюджет қаражаты жеткіліксіз болған жағдайда қаржы агенттігі жобаларға ішінара кепілдік беруді облыстың (астананың, республикалық маңызы бар қалалардың) жергілікті атқарушы органынан/кәсіпкерлік жөніндегі уәкілетті органнан қосымша қаражат алғанға дейін тоқтата тұрады.

Облыстың (астананың, республикалық маңызы бар қалалардың) жергілікті атқарушы органы/кәсіпкерлік жөніндегі уәкілетті орган қаржы агенттігіне төлейтін кепілдік құны портфельдік ішінара кепілдік сомасының 20 %-ын құрайды және шығарылған кепілдіктер бойынша төлемақы болып табылады. Портфельдік ішінара кепілдік шартының қолданысы мерзімінен бұрын тоқтатылған кезде сома жобаларға кейіннен портфельдік ішінара кепілдік беру үшін пайдаланылады. Қаржы агенттігі алынған қаражатты түрлі қаржы құралдарына орналастырады. Шығарылған кепілдіктердің құнынан алынған қаражат кейінге қалдырылған кіріс ретінде есепке алынады және шығарылған кепілдік қолданылатын мерзім бойы ай сайын амортизацияланады.

Тиісті қаржы жылында бекітілген жаңа жобалар шеңберінде кредиттер/ микрокредиттер/қаржыландыру бойынша субсидиялау және кепілдік беру үшін бюджетті бөлу:

өңдеу өнеркәсібіне – бюджет қаражатының 50 %-ына дейін;

қызметтер көрсетуге, оның ішінде сауда қызметі саласында – бюджет қаражатының 30 %-ына дейін;

микро- және шағын кәсіпкерлік субъектілерінің қызметіне (20 (жиырма) миллион теңгеге дейінгі кредиттер) – бюджет қаражатының 20 %-ына дейін жүзеге асырылады.

Бұл ретте өңдеу өнеркәсібіндегі, және/немесе қызметтер көрсетуге арналған және сауда қызметі саласындағы, және/немесе микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі субсидиялау және/немесе кепілдік беру қажеттігіне қарай солардың арасында қайта бөледі.

6. Қаржы агенттігі тиімділіктің жалпы кешенді жылдық талдамалық есебін қалыптастыру мақсатында есепті жылдан кейінгі жылғы шілдеден кешіктірмей кәсіпкерлікті қолдау бағдарламасының кредиттер/микрокредиттер бойынша субсидиялау және кепілдік беру бөлігінде іске асырылуын мониторингтеу нәтижелерін уәкілетті органға жібереді.

2-тарау. Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік беру тәртібі

1-параграф. "Микро- және шағын кәсіпкерлікті қолдау" бағыты бойынша субсидия мен кепілдік беру шарттары

7. "Микро- және шағын кәсіпкерлікті қолдау" бағытына кәсіпкерлер қатысады.

Сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру сауда саласындағы (тамақ өнімдерінің саудасына жол беріледі) қызметті қоспағанда, инвестициялық мақсаттарға және айналым қаражатын толықтыруға бағытталған кредиттер/микрокредиттер/қаржыландыру бойынша салалық шектеусіз жүзеге асырылады.

Жобаларды республикалық маңызы бар қалаларды/облыс орталықтарын қоспағанда, елді мекендерде, оның ішінде моно- және шағын қалаларда, ауылдық елді мекендерде іске асыратын шағын және микрокәсіпкерлік субъектілері үшін сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру салалық шектеусіз жүзеге асырылады.

Кәсіпкерлердің инвестициялық жобалары ЕДБ/МҚҰ шешім қабылдаған күннен бастап 2 (екі) қаржы жылынан кейін жұмыс орындарын кемінде 1 (бір) адамға міндетті түрде көбейтуді көздейді.

8. Мыналарға "Микро- және шағын кәсіпкерлікті қолдау" бағыты шеңберінде субсидия мен кепілдік берілмейді:

1) кәсіпкерлердің Кодекстің 24-бабының 4-тармағында көрсетілген қызмет түрлері бойынша іске асырылатын жобалары;

2) кредиторы ұлттық даму институттары болып табылатын кредиттер/микрокредиттер;

3) сыйақы мөлшерлемесі осы Қағидаларды іске асыру шеңберінде арзандатылған ЕДБ/МҚҰ кредиттерін/микрокредиттерін/қаржыландыруын қоспағанда, сыйақы мөлшерлемесі бюджет қаражаты есебінен арзандатылған кредиттер/микрокредиттер;

4) ұйымдардың, сондай-ақ мүліктік кешен ретінде кәсіпорындардың үлестерін, акцияларын сатып алуға бағытталған кредиттер/микрокредиттер;

5) овердрафт түріндегі кредиттер;

6) мыналарды:

үлестес/байланысты тұлғаның құрылыс қызметін жүзеге асыруын растайтын құжат болған жағдайда жаңа және (немесе) жұмыс істеп тұрған объектілерді (ғимараттарды, құрылысжайларды және олардың кешендерін, коммуникацияларды) салуды (оның ішінде кеңейту, жаңғырту, техникалық жаңарту, реконструкциялау, реставрациялау, күрделі жөндеу);

Қазақстан Республикасының аумағында ресми дистрибьютор болып табылатын үлестес/байланысты тұлғалардан тауарлар, жұмыстар және көрсетілетін қызметтер сатып алуды;

тауарды, шикізатты және/немесе материалдарды үлестес/байланысты тұлға өндірген жағдайда осындай тауарларды, шикізатты және/немесе материалдарды үлестес/байланысты тұлғалардан сатып алуды қоспағанда, үлестес/байланысты тұлғалардан жылжымайтын мүлік объектілері түріндегі негізгі құралдарды, тауарларды, активтерді, жұмыстар мен көрсетілетін қызметтерді сатып алуға бағытталған кредиттер/микрокредиттер;

7) жеңіл автомобильдерді (шанағы немесе кабинадан оқшауланған жүк платформасы бар жүктерді тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалға алу және олардың лизингі" бойынша жеңіл автомобильдерді жалға беруге (2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін жалға және лизингке беруді қоспағанда) бағытталған кредиттер/микрокредиттер;

8) мектепке дейінгі білім беру немесе бүлдіршін жастағы балаларға білім беру жағдайларын (ЭҚЖЖ 85.10 "Мектепке дейінгі білім беру" және 88.91 "Балаларға жасалатын күндізгі күтім" кодтары), сондай-ақ нысаналы мақсаты ЕДБ/МҚҰ-ның бірінші шешімі шыққан күннен бастап бір жыл ішінде бизнес-мақсаттарға (апартаменттерді, пәтерлерді, тұрғын үйлерді, жеке тұрғын үй құрылысының жер учаскелерін жалға/қосалқы жалға беруді қоспағанда) өзгерген жағдайларды қоспағанда, жылжымайтын мүлікпен жасалатын операцияларды жүзеге асыруға (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін сатып алу/жалдау/қосалқы жалға беру) бағытталған кредиттер/микрокредиттер (осы Қағидаларда белгіленген мерзім өткеннен кейін ЕДБ/МҚҰ-ның шешімі негізінде 1 (бір) қаржы жылынан аспайтын қосымша мерзім беруге жол беріледі);

9) ломбардтардың, микроқаржы, факторинг ұйымдарының және лизинг компанияларының қызметін жүзеге асыратын кәсіпкерлер;

10) бұған дейін қосымша жаңғыртусыз сатып алынатын жобаның 20 %-ынан аз субсидия және/немесе кепілдік алған дайын және пайдалануға берілген/қолданыстағы жобаны сатып алуға бағытталған кредиттер/микрокредиттер;

11) салықтық міндеттемелерді, зейнетақы және әлеуметтік аударымдарды, кедендік төлемдер мен алымдарды төлеуге бағытталған кредиттер/микрокредиттер;

12) кредит/микрокредит есебінен сатып алынған активті оны сатқан тұлғаға сатуды/сыйға тартуды/сенімгерлік басқаруға/жалға/тегін пайдалануға беруді жүзеге асырған және/немесе жүзеге асыруды жоспарлап отырған, оның ішінде кәсіпкердің кәсіпорнын осы тұлғаға қосу немесе осы тұлғамен біріктіру нысанында қайта ұйымдастыруды іске асырған және/немесе болашақта жоспарлап отырған кәсіпкерлер (жобаларды мониторингтеу барысында осы тармақшада көрсетілген жағдайлар анықталса, субсидиялау тоқтатылады және бұған дейін төленген субсидиялар қайтарылады);

13) жеке кәсіпкерлік субъектісі ретінде қызметін тоқтатқан немесе тоқтатып қойған кәсіпкерлер;

14) меншік нысаны "Коммерциялық емес ұйымдар туралы" Қазақстан Республикасы Заңының 10-бабына сәйкес жеке мекеме ретінде тіркелген кәсіпкерлер;

15) акцизделетін тауарларды/өнімдерді шығаруды/өткізуді жүзеге асыратын кәсіпкерлер.

"Микро- және шағын кәсіпкерлікті қолдау" бағыты шеңберінде электр самокаттарын сатып алуға/жалға беруге бағытталған кредиттер/микрокредиттер/қаржыландыру субсидияланбайды.

9. Сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру жүзеге асырылатын инвестициялық мақсаттарға арналған кредиттің/микрокредиттің/қаржыландырудың ең жоғары сомасы 20 (жиырма) миллион теңгеден және айналым қаражатын толықтыруға 5 (бес) миллион теңгеден аспайды. Жаңартылатын және/немесе жаңартылмайтын негізде берілетін кредиттік желі түрінде айналым қаражатын толықтыруға кредиттерге/ микрокредиттерге/қаржыландыруға жол беріледі. Бір қарыз алушыға арналған лимит 20 (жиырма) миллион теңгені құрайды. Кредит/микрокредит/қаржыландыру бойынша негізгі борыш ішінара/толық мерзімінен бұрын өтелетін болса, Қағидаларда белгіленген лимит шегінде қайтадан кредит/микрокредит/қаржыландыру алуға жол беріледі.

10. Қарыз алушы осы Қағидалардың 9-тармағында көрсетілген лимиттен асып кеткен жағдайда, қаржыландыру мөлшері белгіленген лимит деңгейіне дейін қысқартылады.

11. Сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру номиналды сыйақы мөлшерлемесі/ислам банкінің кірісін құрайтын тауардың үстеме бағасы Қазақстан Республикасының Ұлттық Банкі белгілеген және 7 (жеті) пайыздық тармаққа ұлғайтылған базалық мөлшерлемеден аспайтын, оның 8 %-ын кәсіпкер төлейтін, ал айырмасын мемлекет субсидиялайтын кредиттер/қаржыландыру бойынша ғана жүзеге асырылады. Жоғарыда көрсетілген сыйақы мөлшерлемесі бекітілгенге дейін мақұлданған жобалар бұған дейін қаржы агенттігінің уәкілетті органы мақұлдаған шарттарда кәсіпкерлер олар бойынша өз міндеттемелерін толық орындағанға дейін қолданылады.

Жобаларын елді мекендерде, оның ішінде моно- және шағын қалаларда, ауылдық елді мекендерде іске асыратын шағын және микрокәсіпкерлік субъектілері үшін субсидиялау номиналды сыйақы мөлшерлемесі Қазақстан Республикасының Ұлттық Банкі белгілеген және 7 (жеті) пайыздық тармаққа ұлғайтылған базалық мөлшерлемеден аспайтын, оның 7 %-ын кәсіпкер төлейтін, ал айырмасын мемлекет субсидиялайтын кредиттер/қаржыландыру бойынша жүзеге асырылады. Жоғарыда көрсетілген сыйақы мөлшерлемесі бекітілгенге дейін мақұлданған жобалар бұған дейін қаржы агенттігінің уәкілетті органы мақұлдаған шарттарда кәсіпкерлер олар бойынша өз міндеттемелерін толық орындағанға дейін қолданылады.

Әлеуметтік кәсіпкерлік субъектілері үшін субсидиялау және кредиттер/қаржыландыру бойынша кепілдік беру салалық шектеусіз және Қазақстан Республикасының Ұлттық Банкі белгілеген және 7 (жеті) пайыздық тармаққа ұлғайтылған базалық мөлшерлемеден аспайтын, оның 7 %-ын кәсіпкер төлейтін, ал айырмасын мемлекет субсидиялайтын номиналды сыйақы мөлшерлемесімен жүзеге асырылады.

Сыйақы мөлшерлемесінің бір бөлігін портфельдік субсидиялау және ішінара кепілдік беру номиналды сыйақы мөлшерлемесі жылдық 28 %-дан аспайтын, оның ішінде номиналды сыйақы мөлшерлемесінің 50 %-ын мемлекет субсидиялайтын МҚҰ микрокредиттері бойынша ғана жүзеге асырылады.

Сыйақы мөлшерлемесінің бір бөлігін портфельдік субсидиялау осы Қағидаларға 1-қосымшаға сәйкес тізбе бойынша экономикалық қызметтің басым түрлеріндегі жобалар бойынша МҚҰ микрокредиттері бойынша жүзеге асырылады.

Портфельдік ішінара кепілдік беру осы Қағидаларға 2-қосымшаға сәйкес тізбе бойынша экономикалық қызметтің басым түрлеріндегі жобалар бойынша МҚҰ микрокредиттері бойынша жүзеге асырылады.

Бұл ретте шағын, оның ішінде микрокәсіпкерлік субъектілері, сондай-ақ әлеуметтік кәсіпкерлік субъектілері үшін портфельдік ішінара кепілдік мөлшері кредит/микрокредит/қаржыландыру сомасының 85 %-ын қоса алғанға дейінгі соманы құрайды, кредиттің/микрокредиттің/қаржыландырудың қалған сомасын кәсіпкер ЕДБ/МҚҰ қалауы бойынша өтейді.

12. Инвестициялық мақсаттарға арналған кредиттер/микрокредиттер/ қаржыландыру бойынша сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау мерзімі 3 (үш) жылды, айналым қаражатын толықтыру субсидиялау мерзімін ұзарту құқығынсыз 2 (екі) жылды құрайды.

13. Портфельдік ішінара кепілдік беру мерзімі кредит/микрокредит/қаржыландыру мерзімінен аспайды.

14. Сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру қаржы агенттігінің басқару органы бекітетін ішкі нормативтік құжаттарына сәйкес іріктелетін ЕДБ/МҚҰ кредиттері/микрокредиттері/қаржыландыруы бойынша жүзеге асырылады.

15. Қаржы агенттігінің уәкілетті органы әрбір ЕДБ/МҚҰ үшін оның өңірлік филиалдары бөлінісінде сыйақы мөлшерлемесінің бір бөлігін/ислам банкінің кірісін құрайтын тауардың үстеме бағасын портфельдік субсидиялау және ішінара кепілдік беру лимитін айқындайды.

16. Қаржы агенттігі төлеген ЕДБ/МҚҰ талаптары қаржы агенттігінің кепілдігі бойынша қалыптастырылған кредиттік портфель көлемінің (берешек қалдығының) 10 %-ынан жоғары шектен асқан жағдайда қаржы агенттігі сыйақы мөлшерлемесінің бір бөлігін портфельдік субсидиялауды және ішінара кепілдік беруді тоқтатады. Мұндай жағдай туындаған кезде жаңа жобаларды қарастыруға жол берілмейді.

Бұл ретте қаржы агенттігі бұған дейін жасалған шарттар бойынша міндеттемелердің орындалуын қамтамасыз етеді.

17. Кәсіпкерлерді секьюритилендіру тетігі (мәмілесі) арқылы қаржыландыруға бағытталған ЕДБ/МҚҰ кредиттері/микрокредиттері субсидияланады. Бұл ретте қаржы агенттігі секьюритилендірілген облигацияларды өз қаражаты не өзге қаржыландыру көздерінен тартылған қаражат есебінен сатып алады.

18. Бұған дейін бекітілген кәсіпкерлікті қолдау бағдарламалары шеңберінде мақұлданған жобалар бұған дейін мақұлданған шарттарда қолданылады.

Қаржыландырудың өзге шарттары өзгерген жағдайда жобаның осы Қағидалардың қолданыстағы шарттарына сәйкестігі қамтамасыз етіледі.

2-параграф. Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігіне портфельдік субсидия беру шеңберінде ЕДБ/МҚҰ лимитін айқындау

19. ЕДБ/МҚҰ лимиттерін қаржы агенттігінің уәкілетті органы ЕДБ/МҚҰ-мен алдын ала келісу бойынша жыл сайын бекітеді, сондай-ақ бір жыл ішінде лимит игерілген жағдайда қосымша ұлғайтуға не ЕДБ/МҚҰ қаражатты игеру жөніндегі міндеттемелерді тиісінше орындамаған жағдайда секвестрлеуге жол беріледі.

Сыйақы мөлшерлемесінің бір бөлігін субсидиялау шеңберінде ЕДБ/МҚҰ лимиттері кредиттік шарттардың бұрын бекітілген төлемдерді өтеу графигі бойынша қабылданған міндеттемелердің сомасына және ағымдағы қаржы жылында кредиттік шарттарға жаңа төлемдер графигін қабылдау үшін қаражат қажеттігіне сүйене отырып белгіленеді.

Бұл ретте ағымдағы қаржы жылына арналған кредиттік шарттарға бұған дейін бекітілген төлемдерді өтеу графигі бойынша қабылданған міндеттемелер ЕДБ/МҚҰ лимиті белгіленбей төленеді.

20. Лимит бөлуге қатысу үшін ЕДБ:

1) Қазақстан Республикасы Ұлттық Банкінің пруденциялық және өзге де нормативтерін орындау;

2) қаржы агенттігінің басқару органы бекітетін ішкі құжаттарына сәйкестігі талаптарына сай келеді.

21. Лимит бөлуге қатысу үшін МҚҰ:

1) құжаттар тапсырылған күнге МҚҰ меншікті капиталының Қазақстан Республикасының Ұлттық Банкі белгілеген ең төменгі деңгейден төмен болмауы;

2) Қазақстан Республикасының Ұлттық Банкінде есептік тіркеуінің болуы;

3) Қазақстан Республикасы Ұлттық Банкінің пруденциялық және өзге де нормативтерін орындау;

4) қаржы агенттігінің басқару органы бекітетін ішкі құжаттарына сәйкестігі талаптарына сай болады.

22. Егер ЕДБ/МҚҰ лимитінің игерілу көлемі қаржы агенттігі лимитті айқындаған кезден бастап 6 (алты) ай өткеннен кейін 30 %-дан кем болса, лимиттерді басқа ЕДБ/МҚҰ-ға қайта бөлуге жол беріледі.

23. ЕДБ/МҚҰ және қаржы агенттігі арасында лимит айқындалғаннан кейін сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісім жасалады, онда:

1) ЕДБ/МҚҰ лимиттерін игеру мерзімдері;

2) портфельдік ішінара кепілдікті төлеу тәртібі;

3) сыйақы мөлшерлемесінің бір бөлігін портфельдік субсидиялауды төлеу тәртібі;

4) жобаларды іске асыру мониторингін жүзеге асыру;

5) субсидиялау тоқтатылған (қаражатты нысаналы пайдаланбау) жобалар арасында босаған лимиттерді қайта бөлу шарттары көрсетіледі.

24. Кәсіпкердің кредит/микрокредит/қаржыландыру бойынша негізгі борышы ішінара мерзімінен бұрын өтелген жағдайда ЕДБ/МҚҰ қаржы агенттігіне кредиттік шартқа/қаржыландыру шартына қосымша келісімнің көшірмесін не төлемдерді өтеудің өзгертілген графигі бар және төленуге тиіс субсидия сомасы көрсетілген ЕДБ/МҚҰ-ның электрондық форматтағы (XLS немесе XLSX) хатын жібереді.

Кәсіпкер күнтізбелік бір ай ішінде кредит/микрокредит/қаржыландыру бойынша негізгі борышты бірнеше рет мерзімінен бұрын ішінара өтеген жағдайда қаржы агенттігіне ЕДБ/МҚҰ-ның осындай жағдайлар бойынша біріктірілген кредиттік шартқа/қаржыландыру шартына қосымша келісімнің көшірмесін не төлемдерді өтеудің өзгертілген графигі және төленуге тиіс субсидия сомасы көрсетілген электрондық форматтағы (XLS немесе XLSX) ЕДБ/МҚҰ хатын ұсынуына жол беріледі.

3-параграф. Портфельдік ішінара кепілдік беру

25. Кәсіпкер ЕДБ/МҚҰ-ға кредит/микрокредит/қаржыландыру алуға өтініммен жүгінеді.

26. Кредит/микрокредит/қаржыландыру бойынша қарыз алушының кепілмен қамтамасыз етуі жеткіліксіз болған жағдайда қаржы агенттігі кредит/микрокредит /қаржыландыру сомасының 85 %-ына дейінгі мөлшерде кепілдік беруді қамтамасыз етеді.

27. ЕДБ/МҚҰ жобаның қаржы-экономикалық тиімділігіне кешенді бағалау/сараптама жүргізеді. ЕДБ/МҚҰ портфельдік кепілдік беру шеңберінде қаржы агенттігінің кепілдігімен кредит/микрокредит/қаржыландыру беру туралы оң шешім қабылдаған жағдайда ЕДБ/МҚҰ қаржы агенттігіне:

1) кредиттік шарттың/қаржыландыру шартының көшірмесін немесе қаржы агенттігінің автоматтандырылған сервисіне кредиттік шарт/қаржыландыру шарты бойынша деректерді;

2) осы Қағидаларға 3-қосымшаға сәйкес нысан бойынша хабарлама хат береді.

Бұл ретте деректер қаржы агенттігінің автоматтандырылған сервисіне жіберілген жағдайда хабарлама хат талап етілмейді.

28. Жоғарыда көрсетілген құжаттардың негізінде қаржы агенттігі хабарлама хат алған күннен бастап 1 (бір) жұмыс күні ішінде ЕДБ/МҚҰ-ға осы Қағидаларға 4-қосымшаға сәйкес нысан бойынша кепілдік міндеттеме жібереді.

Кепілдік міндеттеме қағаз жеткізгіште/электрондық нысанда жасалады, бұл ретте кепілдік міндеттеменің электрондық нысанына Қазақстан Республикасының қолданыстағы заңнамасына сәйкес электрондық цифрлық қолтаңбамен қол қойылады. Өтінім автоматтандырылған сервис арқылы қаралған жағдайда қаржы агенттігі кепілдік міндеттемені сервис арқылы жібереді.

29. Қарыз алушы осы Қағидалардың 9-тармағында көрсетілген лимиттен асқан жағдайда қарыз алушының жобасын қаржыландыруға жол берілмейді не қаржыландыру мөлшері белгіленген лимит деңгейіне дейін қысқартылады.

30. Өтінім қаржы агенттігінің автоматтандырылған сервисі арқылы қаралған жағдайда ЕДБ/МҚҰ кепілдік міндеттемені алған күннен бастап 5 (бес) жұмыс күні ішінде қаржы агенттігін кәсіпкерге кредит/микрокредит/қаржыландыру берілгені туралы сервис арқылы хабардар етеді.

31. Осы Қағидалардың 16-тармағында көрсетілген ЕДБ/МҚҰ көрсеткіші нашарлаған жағдайда қаржы агенттігі портфельдік ішінара кепілдік беру бойынша лимитті басқа ЕДБ/МҚҰ-ға қайта бөле алады.

32. Қаржы агенттігінің ЕДБ/МҚҰ-ға кепілдік төлеуі ЕДБ/МҚҰ мен қаржы агенттігі арасындағы сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімде көрсетілген рәсімдерге сәйкес жүзеге асырылады.

33. Егер кәсіпкер кредиттік шарт/қаржыландыру шарты бойынша негізгі борыш сомасын өтеу жөніндегі міндеттемелерді орындамаған/тиісінше орындамаған күннен бастап күнтізбелік 120 (бір жүз жиырма) күн ішінде кредиттік шарт/қаржыландыру шарты бойынша негізгі борыш сомасын өтеу жөніндегі міндеттемелерді орындамаса/тиісінше орындамаса, ЕДБ/МҚҰ қаржы агенттігіне талап қоя алады.

34. Қаржы агенттігі кредиттер/микрокредиттер/ қаржыландыру бойынша ЕДБ/МҚҰ кепілдіктерін талапты алған кезден бастап 20 (жиырма) жұмыс күні ішінде төлейді.

35. Кредит/микрокредит/қаржыландыру нысаналы пайдаланылмаған/ішінара нысаналы пайдаланылмаған жағдайда қаржы агенттігінің кепілдігі жойылады/кепілдік сомасы нысаналы пайдаланылмаған кредит/микрокредит/қаржыландыру сомасына барабар төмендейді.

Егер кәсіпкер ЕДБ/МҚҰ шешім қабылдаған күннен бастап 2 (екі) қаржы жылынан кейін жұмыс орнын кемінде 1 (бір) адамға ұлғайту көрсеткішіне қол жеткізбесе, кепілдік міндеттеме жойылмайды.

36. Кепілдіктің күшін жою/кредиттер/микрокредиттер/қаржыландыру бойынша кепілдік сомасын төмендету есебінен қаражат босаған жағдайда ЕДБ/МҚҰ жаңа жобалар бойынша өтінімдерді бөлінген лимит шегінде қарайды.

37. Мыналарды:

1) кредиттеу/қаржыландыру шарттарының кәсіпкер бастамасымен өзгеруіне байланысты;

2) кәсіпкердің кредит/микрокредит/қаржыландыру бойынша міндеттемелерді бұзуы себебінен алынатындарды қоспағанда, ЕДБ/МҚҰ кредитке/микрокредитке/қаржыландыруға байланысты қандай да бір комиссия, алым және/немесе өзге де төлем алмайды.

38. Ағымдағы қаржы жылына арналған республикалық және/немесе жергілікті бюджеттер нақтыланғанға дейін қаржы агенттігі республикалық және/немесе жергілікті бюджеттерден берілетін қаражатты кейіннен кәсіпкерлік жөніндегі уәкілетті орган/облыстың (астананың, республикалық маңызы бар қалалардың) жергілікті атқарушы органы бекітілген (нақтыланған) бюджет бойынша ағымдағы қаржы жылына арналған бюджеттік бағдарлама шығыстары көлемінің 10 %-ынан аспайтын көлемде өтейтін кепілдік шарттарын жасасады.

Кәсіпкерлік жөніндегі уәкілетті органның/облыстың (астананың, республикалық маңызы бар қалалардың) жергілікті атқарушы органының бюджетті кезекті нақтылау кезінде қаражатты кейіннен өтеуі үшін қаржы агенттігі кәсіпкерлік жөніндегі уәкілетті органды/облыстың (астананың, республикалық маңызы бар қалалардың) жергілікті атқарушы органын жасалған кепілдік шарттары туралы ай сайын 10-ы күніне дейінгі мерзімде өтелетін соманы көрсетіп хабардар етеді.

Ағымдағы қаржы жылында республикалық және/немесе жергілікті бюджеттерден қаражат бөлінген кезде алдымен бұған дейін жасалған кепілдік шарттары бойынша өтеу жүргізіледі, ал қалған сома жаңа жобаларға бөлінеді.

Бөлінген қаражат осы тармақтың бірінші бөлігіне сәйкес бұған дейін жасалған кепілдік шарттарын өтеуге жеткіліксіз болған жағдайда қаржы агенттігі республикалық және/немесе жергілікті бюджеттерден берілген қаражат толық өтелгенге дейін жобаларға кепілдік беруді тоқтата тұрады.

4-параграф. Сыйақы мөлшерлемесінің бір бөлігіне портфельдік субсидия беру тәртібі

39. Кәсіпкер ЕДБ/МҚҰ-ға қаржыландыру алуға өтініммен жүгінеді.

40. ЕДБ/МҚҰ жобаның қаржы-экономикалық тиімділігіне кешенді бағалау/сараптама жүргізеді. ЕДБ/МҚҰ портфельдік субсидиялау шеңберінде кредит/микрокредит беру/қаржыландыру туралы оң шешім қабылдаған жағдайда ЕДБ/МҚҰ қаржы агенттігіне:

2) осы Қағидаларға 3-қосымшаға сәйкес нысан бойынша хабарлама хат береді (деректер қаржы агенттігінің автоматтандырылған сервисіне жіберілген жағдайда хабарлама хат талап етілмейді).

41. Кредиттік шартқа/қаржыландыру шартына қол қойған кезде кәсіпкер өзіне кредит қаражатын нысаналы пайдалану бойынша міндеттеме алады. Кәсіпкер осы міндеттемені орындамаған жағдайда:

1) субсидиялау тоқтатылады, кәсіпкер қаржы агенттігіне төленген субсидиялар сомасын өтейді;

2) кәсіпкерді қаржыландырудың номиналды сыйақы мөлшерлемесі Қазақстан Республикасының Ұлттық Банкі белгілеген және 7 (жеті) пайыздық тармаққа ұлғайтылған базалық мөлшерлемеден аспайтын шарттары қайта қаралады.

42. ЕДБ субсидия сомасын аудару үшін қаржы агенттігіне ағымдағы шот ашады.

Заңды тұлғалардың банктік шоттарын ашуға және жүргізуге құқығы жоқ МҚҰ қаржы агенттігімен келісу бойынша субсидия аудару үшін МҚҰ ағымдағы шот ашатын банк-төлем агентін айқындайды.

43. Кредиттік шарттарға/қаржыландыру шарттарына қол қойылуына қарай ЕДБ/МҚҰ қаржы агенттігіне ресми хатпен төлемдерді осы Қағидалардың 40-тармағын ескере отырып жүзеге асыру үшін құжаттар топтамасын жібереді.

Субсидиялау үшін көзделген қаражатты қаржы агенттігі алдыңғы кезеңдер үшін субсидиялардың өтелуін ескеріп, ЕДБ/МҚҰ ұсынған кредиттік шарттың/қаржыландыру шартының төлем графигін назарға алып, ай сайын аванстық төлемдермен (айына бір рет/бірнеше рет) банктегі/банк-төлем агенттігіндегі ағымдағы шотқа аударуды жүзеге асырады.

Бұл ретте ЕДБ/МҚҰ осы Қағидалардың нормаларын ескере отырып, тиесілі субсидия сомасын өзі есептейді, көрсетілген есеп-қисапты қаржы агенттігі тексермейді.

Субсидиялау үшін көзделген қаражат аударылғаннан кейін қаржы агенттігі қаражаттың аударылғаны туралы құжаттың көшірмесін электрондық поштамен жіберу арқылы ЕДБ/МҚҰ-ны бір уақытта хабардар етеді. Хабарламада ЕДБ/МҚҰ атауы, өңірі, кәсіпкердің атауы, субсидия сомасы және төлем жүргізілген кезең көрсетіледі.

44. Кәсіпкерлердің жобалары бойынша субсидиялау үшін көзделген қаражатты аударуды ЕДБ/банк-төлем агентінің кредиттік рейтингі төмендеген және қаржы жағдайы нашарлауының өзге де белгілері болған жағдайда, оның ішінде:

халықаралық рейтингтік агенттіктердегі кредиттік рейтинг Standard&Poors рейтингтер шкаласы бойынша "В" деңгейінен төмендеген;

К4 коэффициентінің мәні 0,4 деңгейінен төмендеген;

қатарынан 2 (екі) ай бойы пруденциялық нормативтер бұзылған кезде қаржы агенттігі кәсіпкерлердің кредит бойынша толық төлем (негізгі борыш, сыйақының субсидияланатын және субсидияланбайтын бөлігі) жасауы фактісі туралы ЕДБ/МҚҰ-ның хабарламасы негізінде не кредиттік шартқа/қаржыландыру шартына төлем графиктерін негізге ала отырып, қысқа мерзімді кезеңге сыйақының субсидияланатын бөлігі бойынша кәсіпкердің алдағы міндеттемелерін жабатын төлемдермен жүзеге асырады.

ЕДБ/банк-төлем агентінің жоғарыда көрсетілген көрсеткіштері түзетілген жағдайда қаржы агенттігі субсидиялау үшін көзделген қаражатты аударуды кредиттік шартқа/қаржыландыру шартына төлем графиктерін ескере отырып, аванстық төлемдермен (айына бір рет/бірнеше рет) жүзеге асырады.

45. ЕДБ/МҚҰ қаржы агенттігінің хабарламасы негізінде қаржы агенттігінің ағымдағы шотынан кәсіпкерлердің жобалары бойынша субсидия сомасын есептен шығаруды жүзеге асырады. ЕДБ/банк-төлем агенті қаражатты шоттардағы жалпы ағымдағы қаражат қалдықтарының есебінен шығара алмайды.

Бұл ретте ЕДБ/МҚҰ субсидияларды кредиттік шартқа/қаржыландыру шартына төлемдер графигі бойынша жоспарлы төлемнен аспайтын қалдық сомасы шегінде ішінара мерзімінен бұрын өтеуге сәйкес есептелген, өзгертілген өтеу графигі бойынша өтейді.

46. Кәсіпкер сыйақы мөлшерлемесінің субсидияланбайтын бөлігінде ЕДБ/МҚҰ сыйақы төлеуді кредиттік шартқа/қаржыландыру шартына сәйкес өтеу графигі бойынша жүргізеді.

Кәсіпкердің кредит/микрокредит/қаржыландыру бойынша төлемді (негізгі борыш пен сыйақы мөлшерлемесінің субсидияланбайтын бөлігін) толық төлеуі фактісі бойынша ЕДБ/МҚҰ:

1) кәсіпкердің кредиті/микрокредиті/ қаржыландыруы бойынша кәсіпкер жоспарлы төлемді өтеген күні қаржы агенттігінің шотында қаражат болған;

2) график бойынша өтеу күнінен кейін қаржы агенттігінен қаражат түскен кезде қаржы агенттігінің ағымдағы шотынан ақшаны кәсіпкердің кредит/микрокредит/қаржыландыру бойынша сыйақы мөлшерлемесінің субсидияланатын бөлігін өтеу есебіне есептен шығаруды жүзеге асырады.

47. ЕДБ/МҚҰ қаржы агенттігіне ресми хатпен осы Қағидалардың 9-тармағында көрсетілген лимит бойынша талаптардың сақталуы үшін қарыз алушы туралы ақпарат жіберуге міндетті.

48. Қарыз алушы осы Қағидалардың 9-тармағында көрсетілген лимиттен асқан жағдайда қарыз алушының жобасын қаржыландыруға жол берілмейді не қаржыландыру мөлшері белгіленген лимит деңгейіне дейін қысқартылады.

49. Қаржы агенттігінің ЕДБ/МҚҰ-ға субсидиялар төлеуі ЕДБ/МҚҰ және қаржы агенттігі арасындағы сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімде көрсетілген рәсімдерге сәйкес жүзеге асырылады.

50. Бұл ретте қаржы агенттігінің ЕДБ/МҚҰ-ға субсидиялар төлеуі тиісті өңірлік үйлестірушіден түскен қаражат болған кезде жүзеге асырылады.

Тиісті уәкілетті органнан/өңірлік үйлестірушіден субсидиялау үшін түскен бюджеттен берілетін қаражат болмаған жағдайда, оның ішінде қаржы агенттігі белгілеген субсидиялау лимиті бар болса, қаржы агенттігі тиісті уәкілетті органнан/өңірлік үйлестірушіден қаражат алған кезге дейін ЕДБ/МҚҰ-дан осы Қағидалардың 40-тармағында көрсетілген құжаттарды қабылдамайды.

51. Осы Қағидалардың 16-тармағында көрсетілген ЕДБ/МҚҰ көрсеткіші нашарлаған жағдайда қаржы агенттігі лимит шеңберінде жаңа жобаларды субсидиялауды тоқтатады.

52. Кредит/микрокредит/қаржыландыру нысаналы пайдаланылмаған/ішінара нысаналы пайдаланылмаған кезде, жоба және/немесе кәсіпкер осы Қағидалардың шарттарына сәйкес келмеген кезде қаржы агенттігі сыйақы мөлшерлемесін/үстеме бағаны субсидиялауды тоқтатады, бұл ретте субсидиялау кредиттің/микрокредиттің/қаржыландырудың нысаналы сомасына барабар тоқтатылады, оның ішінде қаржы агенттігі нысаналы пайдаланбауды/ішінара нысаналы пайдаланбауды және/немесе жобаның және/немесе кәсіпкердің осы Қағидалардың шарттарына сәйкес келмеуін өзі анықтаған кезде де тоқтатылады.

53. Қаржы агенттігі субсидиялауды тоқтатуды ЕДБ/МҚҰ мен қаржы агенттігі арасындағы сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімде көрсетілген рәсімдерге сәйкес жүзеге асырады.

54. Қаржы агенттігі ЕДБ/МҚҰ анықтаған кезден бастап 5 (бес) жұмыс күнінен кешіктірмей жіберілген ЕДБ/МҚҰ хабарламасы негізінде және (немесе) қаржы агенттігінің мониторинг туралы есебінің негізінде мынадай жағдайлардың кез келгені орын алған күннен бастап сыйақы/үстемеақы мөлшерлемесін субсидиялауды тоқтатады:

1) субсидиялау жүзеге асырылатын кредитті/микрокредитті/қаржыландыруды нысаналы пайдаланбау/ішінара нысаналы пайдаланбау, бұл ретте субсидиялау кредитті/микрокредитті/қаржыландыруды нысаналы пайдаланбау сомасына барабар тоқтатылады;

2) жобаның және/немесе кәсіпкердің осы Қағидалардың шарттарына сәйкес келмеуі;

3) кәсіпкердің шоттарындағы ақшаға тыйым салыну (талап қою талаптарын толық көлемде қамтамасыз ететін шоттағы ақша жеткілікті болған жағдайда талап қоюды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе кәсіпкердің шоты бойынша шығыс операцияларының тоқтатыла тұруы;

4) егер орындаудың мүмкін болмауы еңсерілмейтін күш мән-жайлары, яғни осы жағдайлар кезінде төтенше және алдын алуға болмайтын мән-жайлар (дүлей құбылыстар, әскери іс-қимылдар), сондай-ақ қаржы нарығын және қаржы ұйымдарын реттеу, бақылау және қадағалау жөніндегі уәкілетті орган өкімінің, және/немесе өзге де құжатының, және/немесе актісінің негізінде туындаса, кәсіпкердің кредиттік шартқа/қаржыландыру шартына төлемдер графигіне сәйкес ЕДБ/МҚҰ алдындағы төлемдерді төлеу жөніндегі міндеттемелерді қатарынан 3 (үш) ай бойы орындамауы.

55. Кредиттер/микрокредиттер/қаржыландыру бойынша сыйақы мөлшерлемесінің бір бөлігін субсидиялау тоқтатылған кезде ЕДБ/МҚҰ қаржыландырудың номиналды сыйақы мөлшерлемесі Қазақстан Республикасының Ұлттық Банкі белгілеген және 7 (жеті) пайыздық тармаққа ұлғайтылған базалық мөлшерлемеден аспайтын шарттарын қайта қарайды.

Кәсіпкерге төленген субсидия сомасы қаражатты кейін субсидия төлеу бойынша пайдалану үшін қаржы агенттігіне қайтарылуға тиіс.

56. Сыйақы мөлшерлемесінің бір бөлігін/үстеме бағаны субсидиялауды қайта бастау кәсіпкер осы Қағидалардың 54-тармағының 3)-4) тармақшалары бойынша бұзушылықтарды жойған жағдайда және ЕДБ/МҚҰ мен қаржы агенттігі арасындағы сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімде көзделген шарттарға сәйкес жүзеге асырылады.

57. ЕДБ/МҚҰ:

1) кредит беру/қаржыландыру шарттарының кәсіпкер бастамасымен өзгеруіне байланысты;

2) кәсіпкердің кредит/микрокредит/қаржыландыру бойынша міндеттемелерін бұзуы себебінен алынатындарды қоспағанда, кредитке/микрокредитке/қаржыландыруға байланысты қандай да бір комиссия, алым және/немесе өзге де төлем алмайды.

3-тарау. Жобалардың іске асырылуын мониторингтеу

58. Осы Қағидалар шеңберінде кәсіпкерлер жобаларының іске асырылуын мониторингтеуді қаржы агенттігі кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес жүзеге асырады.

59. Банк/МҚҰ жобаның осы Қағидалардың және ЕДБ/МҚҰ мен қаржы агенттігі арасындағы сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімнің шарттарына сәйкестігін мониторингтеуді, атап айтқанда:

кредиттік шарт/қаржыландыру/микрокредит шарты жасалған кезден бастап 6 (алты) айдан кешіктірілмейтін мерзімде кредиттің/қаржыландырудың/микрокредиттің шартын нысаналы пайдалану мониторингін;

төлем тәртібінің мониторингін (тұрақты негізде);

кредиттік шарт/қаржыландыру/микрокредит шарты жасалған кезден бастап 6 (алты) айдан кешіктірілмейтін мерзімде жобаның және (немесе) кәсіпкердің осы Қағидалар мен сыйақы мөлшерлемесінің бір бөлігін/үстеме бағаны портфельдік субсидиялау және ішінара кепілдік беру туралы келісімнің талаптарына сәйкестігін мониторингтеуді жүргізеді.

60. Қаржы агенттігі мониторингті:

1) кәсіпкер инвестициялық жобалар (инвестициялық транш бойынша аралас кредиттік желілер) бойынша кредиттік шарт бойынша негізгі борыш сомасын өтеу жөніндегі міндеттемелерді күнтізбелік 60 (алпыс) күн ішінде (немесе кепілдік шартында белгіленген өзге мерзімде) орындамаған;

2) қаржы агенттігіне хабарлама жіберілген жағдайда осы Қағидалардың 54-тармағының 1) және 2) тармақшаларына сәйкес өзі анықтаған кезде ЕДБ/МҚҰ бойынша кредиттік қаражаттың нысаналы пайдаланылмағаны/жобаның және/немесе кәсіпкердің осы Қағидалардың шарттарына сәйкес келмейтіні анықталған жағдайларда жүргізеді.

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
1. Өңдеу өнеркәсібінде
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сулар өндірісі
13	Текстиль бұйымдарының өндірісі
14	Киім өндірісі
15	Былғары және соған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
2. Көрсетілетін қызметтер және өзге де қызмет түрлері бойынша
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлер игеру
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою қызметі және қалдықтарды жою саласындағы өзге де көрсетілетін қызметтер
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
Тұру және тамақтану бойынша қызметттер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру***
55.30	Кемпингтердің, автофургондарға және тұруға арналған автотіркемелерге арналған тұрақтардың қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару****
Кәсіптік, ғылыми және техникалық қызмет
75	Ветеринариялық қызмет
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
93.1	Спорт саласындағы қызмет

* шойын, болат және ферроқорытпа өндірісін (экономикалық қызмет түрлерінің жалпы жіктеуішінің (бұдан әрі – ЭҚЖЖ) коды "24.10"), ядролық отынды қайта өңдеу (ЭҚЖЖ коды "24.46"), шойын құю (ЭҚЖЖ коды "24.51"), болат құю (ЭҚЖЖ коды "24.52") қоспағанда;

** ЭҚЖЖ коды 49.32 "Такси қызметі" бойынша қызметті қоспағанда ("жасыл" жобаларды және 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда);

республикалық маңызы бар қалаларда дизель отынымен жүретін автобустарды (ЭҚЖЖ кодтары 49.31.1 "Автобуспен тасымалдау", 49.31.9 "Кестеге бағынатын өзге де көлік түрлерімен тасымалдау") қоспағанда;

*** апартаменттерді, пәтерлерді және тұрғын үйлерді қоспағанда;

**** осы ЭҚЖЖ коды қойма үй-жайлары мен қойма алаңдарын жалға беруді көздейді.

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
1. Өңдеу өнеркәсібінде
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сулар өндірісі
13	Текстиль бұйымдарының өндірісі
14	Киім өндірісі
15	Былғары және соған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
2. Көрсетілетін қызметтер және өзге де қызмет түрлері бойынша
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді қазу
08.12.1	Қиыршық тасты және құмды карьерлерді қазу
09	Тау-кен өндіру өнеркәсібінде қызметтер көрсету
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою жөніндегі қызмет және қалдықтарды жою саласындағы өзге де көрсетілетін қызметтер
Көтерме және бөлшек сауда; автомобильдер мен мотоциклдерді жөндеу
45.2	Автокөліктерге техникалық қызмет көрсету және жөндеу
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
53	Пошта және курьер қызметі ***
Тұру және тамақтану бойынша қызмет көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру****
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару*****
Кәсіптік, ғылыми және техникалық қызмет
69.2	Бухгалтерлік есеп және аудит саласындағы қызмет; салық салу бойынша консультация беру
71	Сәулет, инженерлік ізденістер; техникалық сынақтар мен талдау саласындағы қызмет
72	Ғылыми зерттеулер және әзірлемелер
74	Өзге де кәсіптік, ғылыми және техникалық қызмет
75	Ветеринариялық қызмет
Әкімшілік және қосалқы қызмет көрсету саласындағы қызмет
81	Ғимараттарға қызмет көрсету және аумақтарды абаттандыру қызметі
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
91	Кітапханалардың, архивтердің, музейлердің қызметі және мәдениет саласындағы өзге де қызмет
93	Спорт, демалыс пен ойын-сауықты ұйымдастыру саласындағы қызмет ******
Көрсетілетін қызметтердің өзге де түрлерін ұсыну
95	Компьютерлерді, жеке тұтыну заттарын мен тұрмыстық тауарларды жөндеу
96.01	Текстиль және тері бұйымдарын жуу және (химиялық) тазалау

*** табиғи монополиялар саласына жататын қызметті қоспағанда;

**** апартаменттерді, пәтерлерді және тұрғын үйлерді қоспағанда;

***** осы ЭҚЖЖ коды қойма үй-жайлары мен қойма алаңдарын жалға беруді көздейді;

****** дискотекалар мен караокені қоспағанда.

Нысан

	"Даму" кәсіпкерлікті
	дамыту қоры" АҚ-ға

Хабарлама-хат

"Даму" кәсіпкерлікті дамыту қоры" АҚ (бұдан әрі – қор) мен ______АҚ (екінші деңгейдегі банктің атауы көрсетіледі) (бұдан әрі – банк) арасында қол қойылған 20__ "___" ________№ ___ Сыйақы мөлшерлемесінің бір бөлігін портфельдік субсидиялау және ішінара кепілдік беру туралы келісім шеңберінде банк "_____" дара кәсіпкердің/жауапкершілігі шектеулі серіктестігінің/акционерлік қоғамының/шаруа қожалығының (ДК/ЖШС/АҚ/ШҚ) (оның ішінде кредит бойынша қоса қарыз алушылар көрсетіледі) өтінімін қарап, төмендегі шарттармен* мақұлдағанын хабарлаймыз:

Банктің қарыз шарты/Қаржыландыру шарты**
Қарыз алушының бизнес-сәйкестендіру нөмірі/жеке сәйкестендіру нөмірі (БСН/ЖСН)
Қарыз алушының заңды және нақты (бар болса) мекенжайы
Тіркелген күні (ДК/ЖШС/АҚ/ШҚ)
Банктің атауы
Қарыз алушы шотының нөмірі
Бенефициар коды (КБЕ)
Банкке өтініш берілген күн
Банктің уәкілетті органы шешім қабылдаған күн
Қорландыру бағдарламасы
Кредиттің/микрокредиттің/қаржыландырудың нысаналы мақсаты
Осы шарт жасалған күнге кредит/микрокредит/қаржыландыру сомасы
Кредит/микрокредит/қаржыландыру валютасы
Кредит/микрокредит/қаржыландыру мерзімі (аяқталу күнін көрсете отырып, айлармен)
Кредиттің/микрокредиттің/қаржыландырудың сыйақы мөлшерлемесі
Қаржыландыру саласы
Кепілдік мөлшері (кредит сомасының %-ын көрсете отырып)
Кепілдік мерзімі (аяқталу күнін көрсете отырып)
Кредит бойынша кепілдікті қамтамасыз ету (қордың кепілдігінен басқа); атауы, мекенжайы, нарықтық және кепілдік құны
Жоба іске асырылатын орын (облыс, қаланы/ауданды міндетті түрде көрсете отырып)

* шарттарды кесте нысанында қосуға жол беріледі

** көшірмесі қоса беріледі

Құрметпен,

___________ ____________ ____________________________________

(лауазымы) (қолы) (тегі, аты, әкесінің аты (бар болса)

	Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік ұсыну қағидаларына 4-қосымша
	Нысан
	Кепілгердің атауы:
	"Даму" кәсіпкерлікті
	дамыту қоры" АҚ
	Мекенжайы:
	_________________
	Кімге: ____________

(банктің/МҚҰ толық атауы

және деректемелері)

№ _______ кепілдік міндеттеме

_____________ қаласы

20____ жылғы "____"__________

Шағын, оның ішінде микрокәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін портфельдік субсидиялау және ішінара кепілдік ұсыну қағидаларының (бұдан әрі – Қағидалар) шарттарын, сондай-ақ _______ "_______________" (бұдан әрі – қарыз алушы) _______АҚ-мен (бұдан әрі – Банк/МҚҰ) мынадай негізгі шарттармен:

1) кредит/микрокредит/қаржыландыру сомасы ______________________;

2) кредит бойынша сыйақы мөлшерлемесі/ислам банкінің кірісін құрайтын тауарға үстеме баға

__________________________________________________________;

3) кредит/микрокредит/қаржыландыру мерзімі ____________ (айлармен);

4) кредиттің/микрокредиттің/қаржыландырудың нысаналы мақсаты

__________________________________________________________;

5) қарыз алушының жобасы бойынша экономикалық қызмет түрлерінің жалпы жіктеуіші _________________; 20__ жылғы "___"______ № ___ кредит шартын/қаржыландырушартын жасасқанын ескере отырып, осы шартпен "Даму" кәсіпкерлікті дамыту қоры" АҚ өзіне жоғарыда көрсетілген кредиттік шарт/қаржыландыру шарты бойынша кепілгер болып табылатынын және есептелген сыйақы/үстеме баға, комиссиялар, тұрақсыздық айыппұлы, өсімпұлдар, айыппұл санкциялары, борышты өндіріп алу бойынша сот шығасылары, қарыз алушының кредиттік шарт/қаржыландыру шарты бойынша міндеттемелерін орындамауынан және (немесе) тиісінше орындамауынан туындаған Банктің/МҚҰ-ның басқа да шығындары сомасын ескермегенде негізгі борыш қалдығына тең соманы Банкке/МҚҰ-ға оның талабы бойынша төлеу міндеттемесін алады.

Кепілдік қарыз алушы кредиттік шарт/қаржыландыру шарты бойынша негізгі борыш сомасын қайтару жөніндегі міндеттемелерді орындамаған жағдайда ғана орындалады.

Кепілгердің Банк/МҚҰ алдындағы жауапкершілігі _______________ (________________________) теңге _______ тиын (соманы дөңгелектеу математикалық дөңгелектеу қағидаларына сәйкес жүзеге асырылады) мөлшеріндегі кепілдік сомасымен шектеледі, бұл кредит/микрокредит/қаржыландыру сомасының _____ %-ын құрайды.

Кредиттік шарт/қаржыландыру шарты бойынша негізгі борыш өтелсе/ішінара өтелсе кепілгердің жауапкершілігі негізгі борыштың өтелген сомасына тең сомаға азайтылады.

Кепілдік бойынша кепілгер міндеттемелерінің мөлшері кепілгер орындаған талап сомасына азайтылады.

Кепілдік қарыз алушының кредиттік шарт/қаржыландыру шарты бойынша негізгі борышты өтеу міндеттемесін және кепілдік беруші мен Банк/МҚҰ арасында жасалған 20 __ жылғы "___" __________ № _____ портфельдік субсидиялау және кепілдік беру туралы келісімде (бұдан әрі – Келісім) көзделген өзге де құжаттарды орындамағанын/тиісінше орындамағанын растайтын құжаттардың түпнұсқаларымен қоса Банктің/МҚҰ-ның жазбаша төлем талабының түпнұсқасы алынған күннен бастап 20 (жиырма) жұмыс күні ішінде орындалуға тиіс.

Кепілдік Келісімде көзделген барлық талаптар мен шарттар сақталған кезде ғана орындалады.

Осы кепілдік міндеттеме оған қол қойылған кезден бастап күшіне енеді және 20 __ жылғы "___" __________ қоса алғанда қолданыста болады, бұл құжат бізге қайтарылатынына немесе қайтарылмайтынына қарамастан, толық және автоматты түрде аяқталады. Бұл ретте біз Сіздің жазбаша талабыңызды жоғарыда көрсетілген күні Астана қаласының уақытымен сағат 16:00-ден кешіктірмей алуымыз қажет.

Кепілгер, Банк/МҚҰ және қарыз алушы (бұдан әрі – тараптар) арасында туындайтын, оның ішінде кепілдік беру және орындау тәртібін, кредиттік шарт/қаржыландыру шарты бойынша талап ету құқықтарының Банктен/МҚҰ-дан кепілгерге өту тәртібін, кепілдікті тоқтату негіздерін және осы кепілдік міндеттемеге байланысты тараптардың жауапкершілігін қоса алғандағы, бірақ олармен шектелмейтін барлық құқықтар мен міндеттер Қазақстан Республикасының заңнамасымен, Қағидалармен, Келісіммен реттеледі.

_______________________________

(бірінші басшының қолы)

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Сыйақы мөлшерлемесінің бір бөлігін субсидиялау қағидалары

1-тарау. Жалпы ережелер

1. Осы Сыйақы мөлшерлемесінің бір бөлігін субсидиялау қағидалары (бұдан әрі – Субсидиялау қағидалары) Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді және кәсіпкерлік субъектілеріне екінші деңгейдегі банктердің кредиттері/микроқаржы ұйымдарының микрокредиттері/лизинг компанияларының қаржылық лизинг шарттары бойынша сыйақы мөлшерлемесінің бір бөлігін субсидиялау шарттарын, тетігін және тәртібін айқындайды.

2. Сыйақы мөлшерлемесінің бір бөлігін субсидиялау:

1) кәсіпкерлердің екінші деңгейдегі банктер/микроқаржы ұйымдары/лизинг компаниялары берген кредиттері/микрокредиттері/ қаржылық лизинг шарттары;

2) кәсіпкерлердің "жасыл" жобаларды іске асыру мақсаттары үшін екінші деңгейдегі банктер берген кредиттері бойынша жүзеге асырылады.

3. Осы Субсидиялау қағидаларында мынадай негізгі ұғымдар пайдаланылады:

2) ақпараттық жүйе – ақпараттық өзара іс-қимыл арқылы белгілі бір технологиялық әрекетті іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып, ретке келтірілген жиынтығы;

3) арнайы қаржы компаниясы – "Жобалық қаржыландыру және секьюритилендiру туралы" Қазақстан Республикасының Заңына сәйкес жобалық қаржыландыру және секьюритилендіру мәмілелерін жүзеге асыру үшін құрылатын, оның пайдасына талап ету құқығы берілетін заңды тұлға;

4) әлеуметтік кәсіпкерлік субъектісі – әлеуметтік кәсіпкерлік субъектілерінің тізіліміне енгізілген дара кәсіпкерлер және заңды тұлғалар (ірі кәсіпкерлік субъектілерін қоспағанда);

5) банк – қызметін осы Субсидиялау қағидаларын іске асыру шеңберінде жүзеге асыратын екінші деңгейдегі банк;

6) банк-агент – синдикаттың құрамына кіретін және/немесе бір мезгілде кредитор-банк болып табылатын, синдикатталған кредиттер бойынша кредиторлар мүдделерінің өкілі ретінде әрекет ететін екінші деңгейдегі банк;

7) банк-төлем агенті – қаржы агенттігімен келісілген және лизингтік жобалар бойынша субсидияларды аудару мен есептен шығаруға арналған компанияның/микроқаржы ұйымының арнайы шотын жүргізу жөніндегі функцияларды жүзеге асыратын лизинг компаниясының/микроқаржы ұйымының уәкілетті банкі;

8) банктік кредит (бұдан әрі – кредит) – банктік қарыз шартының негізінде мерзімділік, ақылылық, қайтарымдылық, қамтамасыз етілу және нысаналы пайдалану шартымен банк кәсіпкерге беретін ақша сомасы;

9) банктік қарыз шарты – банк пен кәсіпкер арасында жасалған жазбаша келісім, оның талаптары бойынша банк кәсіпкерге кредит береді (кредиттік желі ашу туралы келісім де банктік қарыз шартына жатады);

10) банктің/лизинг компаниясының өтініші – банктің/лизинг компаниясының қосылу шартына қосу туралы өтініші;

11) бөлiнген активтер – жобалық қаржыландыру және секьюритилендiру мәмілелерінде арнайы қаржы компаниясына берілген талап ету құқықтары, өзіне берілген талап ету құқықтары бойынша алынған кастодиан-банктегі шоттардағы ақша, арнайы қаржы компаниясы көрсетілген ақшаны инвестициялау нәтижесінде сатып алған қаржы құралдары, қаржы құралдарын сату нәтижесінде алынған ақша, сондай-ақ қосымша қамтамасыз етуді қалыптастыру кезінде туындайтын мүлік пен мүліктік құқықтар;

12) бұрын бекітілген кәсіпкерлікті қолдау бағдарламасы/бұрын бекітілген кәсіпкерлікті қолдау бағдарламалары – Қазақстан Республикасы Үкіметінің 2018 жылғы 25 тамыздағы № 522 қаулысымен бекітілген "Бизнестің жол картасы – 2020" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы – 2025" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба, Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігі, "Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдау қағидаларын, нысандарын бекіту туралы" Қазақстан Республикасы Сауда және интеграция министрінің 2023 жылғы 21 қарашадағы № 410-НҚ, Қазақстан Республикасы Энергетика министрінің 2023 жылғы 22 қарашадағы № 412, Қазақстан Республикасы Туризм және спорт министрінің 2023 жылғы 22 қарашадағы № 299, Қазақстан Республикасы Экология және табиғи ресурстар министрінің 2023 жылғы 22 қарашадағы № 327, Қазақстан Республикасы Ауыл шаруашылығы министрінің 2023 жылғы 22 қарашадағы № 401, Қазақстан Республикасы Мәдениет және ақпарат министрінің 2023 жылғы 22 қарашадағы № 450-НҚ, Қазақстан Республикасы Су ресурстары және ирригация министрінің 2023 жылғы 22 қарашадағы № 16, Қазақстан Республикасы Көлік министрінің міндетін атқарушының 2023 жылғы 23 қарашадағы № 91, Қазақстан Республикасы Өнеркәсіп және құрылыс министрінің 2023 жылғы 23 қарашадағы № 84, Қазақстан Республикасы Оқу-ағарту министрінің 2023 жылғы 23 қарашадағы № 347, Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы 23 қарашадағы № 572/НҚ, Қазақстан Республикасы Ғылым және жоғары білім министрінің 2023 жылғы 23 қарашадағы № 598 және Қазақстан Республикасы Денсаулық сақтау министрінің міндетін атқарушының 2023 жылғы 23 қарашадағы № 167 бірлескен бұйрығы (нормативтік құқықтық актілерді мемлекеттік тіркеу тізілімінде № 33681 болып тіркелген);

13) даму банкі – "Қазақстанның Даму Банкі" акционерлік қоғамы және (немесе) оның үлестес лизинг компаниясы;

14) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экологиялық заңнамасына сәйкес қазіргі табиғи ресурстарды пайдаланудың тиімділігін арттыруға, қоршаған ортаға теріс әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар;

15) "жасыл" таксономия – қоршаған ортаны қорғау саласындағы уәкілетті орган әзірлейтін және "Жасыл" облигациялар мен "жасыл" кредиттер арқылы қаржыландыруға жататын "жасыл" жобалардың сыныптамасын (таксономиясын) бекіту туралы" Қазақстан Республикасы Үкіметінің 2021 жылғы 31 желтоқсандағы № 996 қаулысымен бекітілген (бұдан әрі – қаулы) "жасыл" облигациялар және "жасыл" кредиттер арқылы қаржыландыруға жататын "жасыл" жобалар сыныптамасы;

16) жоба (бизнес-жоба) – кәсіпкер кіріс алуға бағытталған және мемлекеттік қаржылай қолдау ұсынылып отырған қызмет шеңберінде (бір жоба аясында бірнеше банктік кредит алуға/лизинг мәмілелер жасасуға болады) Қазақстан Республикасының заңнамасына қайшы келмейтін бастамашылық қызмет ретінде жүзеге асыратын іс-қимыл мен іс-шаралар жиынтығы;

17) жобаны іске асыру – кәсіпкер жүзеге асыратын және қаржы агенттігінің шешімімен айқындалған мақсаттар мен шарттарға қол жеткізуге бағытталған іс-қимыл мен іс-шаралар жиынтығы, оның ішінде шығатын тауардың болуы, қызметтер көрсету, лизинг нысанасын пайдалану; негізгі құралдарды сатып алуға және (немесе) салуға, және (немесе) жаңғыртуға, және (немесе) реконструкциялауға, және (немесе) күрделі жөндеуге мақұлданған жобалар бойынша – қаржы агенттігінің шешіміне сәйкес пайдалануға беру актісінің болуы және кәсіпкердің мәлімделген қызметті жүзеге асыруы;

18) инвестициялар – негізгі құралдарды сатып алу және (немесе) салу және (немесе) жаңғырту және (немесе) реконструкциялау және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/биологиялық /материалдық/материалдық емес активтердің құнына енгізілген қосылған құн салығы бойынша шығыстар да инвестицияларға жатады);

19) кәсіпкер – жұмыс істеп тұрған кәсіпкерлік субъектісі мәртебесіне ие және өз қызметін осы Субсидиялау қағидалары шеңберінде жүзеге асыратын шағын, орта және (немесе) ірі кәсіпкерлік субъектісі, әлеуметтік кәсіпкерлік субъектісі, оның ішінде жеке кәсіпкерлік субъектісі, сондай-ақ "Астана" халықаралық қаржы орталығының аумағында тіркелген заңды тұлғалар;

20) кәсіпкердің өтініші – кәсіпкердің қосылу шартына қосу туралы өтініші;

21) кешендi кәсiпкерлiк лицензия (бұдан әрі – франчайзинг) – айрықша құқықтар кешенiнiң құқық иеленушiсi осы кешенді басқа тұлғаға өтеулі негiзде пайдалануға беретiн кәсiпкерлiк қызмет;

22) кредитті/микрокредитті/қаржылық лизинг шартын нысаналы пайдалану – кәсіпкердің қарыз шарты/микрокредит шарты/қаржылық лизинг шарты бойынша алынған кредитті/микрокредитті/лизингті осы Субсидиялау қағидаларының шарттарына сәйкес келетін мақсаттарға пайдалануы (нысаналы пайдалану тиісті құжаттармен расталады, олар жиынтығында осы Субсидиялау қағидаларының шарттарына сәйкес кәсіпкердің активке/жұмыстарға/көрсетілетін қызметтерге толық көлемде ақы төлегенін, оларды алғанын және пайдаланғанын және (немесе) басқа да мақсаттарға қол жеткізгенін растайды);

23) көпфункционалды ғимараттар (кешендер) – инженерлік, әлеуметтік, функционалдық өзара байланыс жүйелерімен біріктірілген негізгі функцияларды атқаратын, әлеуметтік-мәдени, технологиялық, сәулет және қала құрылысы бойынша заманауи талаптарға сай келетін түрлі мақсаттағы үш және одан көп (балалар келетін үй-жайлары немесе алаңдары бар екі) объектіні орналастыруға арналған бірыңғай архитектуралық топ немесе жеке тұрған ғимараттар;

24) қайта қаржыландыру – кәсіпкерге бұрын берілген кредиттерді кредит/лизинг қаражаты есебінен алмастыру, бұл ретте қайта қаржыландыру сомасына сыйақыны, айыппұлдарды, өсімпұлдарды және сот тәртібімен де, соттан тыс тәртіппен де берешекті өндіріп алуға байланысты өзге төлемдерді есепке алмағанда негізгі борыш қана кіреді;

25) қаржы агенттігі – "Даму" кәсіпкерлікті дамыту қоры" акционерлік қоғамы;

26) қаржы агенттігінің уәкілетті органы – өз қызметін қаржы агенттігінің жарғысымен, қаржы агенттігінің кредиттік саясатымен берілген және қаржы агенттігінің ішкі құжаттарымен бекітілген өкілеттіктер шеңберінде жүзеге асыратын, тұрақты жұмыс істейтін алқалы орган;

27) қаржылық лизинг шарты – лизинг компаниясы/банк пен кәсіпкер арасында жасалатын жазбаша келісім, оның шарттары бойынша лизинг компаниясы/банк кәсіпкерге қаржылық лизинг береді;

28) қосылу шарты – кәсіпкерлік жөніндегі уәкілетті орган бекітетін және қаржы агенттігінің интернет-ресурсында орналастырылатын, талаптарын кәсіпкер және банк/лизинг компаниясы ұсынылған шартқа жалпы қосылу арқылы қабылдайтын стандартты нысандағы қосылу шарты түріндегі субсидиялау шарты;

29) қосылу шарты бойынша төлемдер графигі – осы Субсидиялау қағидаларында белгіленген тәртіппен келісілген, банк/лизинг компаниясымен қарыз алушы арасындағы банктік қарыз/қаржылық лизинг шарты шеңберінде субсидияланатын және субсидияланбайтын бөліктерге бөле отырып қол қойылатын график;

30) лизинг компаниясы– қызметін осы Субсидиялау қағидаларын іске асыру шеңберінде жүзеге асыратын лизинг мәмілелері қатысушы;

31) лизинг мәмілесі (лизинг) – азаматтық құқықтар мен міндеттерді белгілеуге, өзгертуге және тоқтатуға бағытталған, лизингке қатысушылардың келісілген іс-қимыл жиынтығы;

32) мемлекеттік даму институттары – экономиканың түрлі салаларында мемлекеттік қолдау шараларын көрсететін ұлттық басқарушы холдингтер, ұлттық холдингтер, акцияларының бақылау пакеттері ұлттық басқарушы холдингке немесе ұлттық холдингке тиесілі акционерлік қоғамдар;

33) мемлекеттік-жекешелік әріптестік – мемлекеттік және жекеше әріптес арасындағы "Мемлекеттік-жекешелік әріптестік туралы" Қазақстан Республикасының Заңында айқындалған белгілерге сәйкес келетін ынтымақтастық нысаны;

34) микроқаржы ұйымы (бұдан әрі – МҚҰ) – микрокредит беру жөніндегі микроқаржылық қызметті жүзеге асыратын ұйым;

35) микрокредит – микроқаржылық қызметті жүзеге асыратын ұйым "Микроқаржылық қызмет туралы" Қазақстан Республикасының Заңында айқындалған мөлшерде және тәртiппен қарыз алушыға ақылылық, мерзімділік және қайтарымдылық шартымен Қазақстан Республикасының ұлттық валютасында беретiн ақша;

36) микрокредит бойынша шарт – микрокредит беру туралы шарт, оған сәйкес микроқаржылық қызметті жүзеге асыратын ұйым қарыз алушыға микрокредит береді;

37) өңірлік үйлестіруші – кәсіпкерлік саласындағы жергілікті атқарушы органның облыс (астана, республикалық маңызы бар қалалар) әкімі айқындайтын құрылымдық бөлімшесі;

38) секьюритилендіру – бөлінген активтермен қамтамасыз етілген облигацияларды шығару арқылы ақшалай талап етуді бере отырып қаржыландыру;

39) синдикат – бірнеше кредитордың кредиті, олар бір-бірімен келісіп, әрбір кредиторға арналған шартта/барлық кредиторлармен жасалған бірыңғай шартта көзделген мөлшерде және мерзімдерде кәсіпкерге кредит беруге немесе беріп тұруға міндеттенеді, ал кәсіпкер кредиторларға олардан алған кредитті қайтаруға, сыйақы төлеуге, сондай-ақ егер кредитор(-лар)мен жасалған шартта/кредиторлармен жасалған бірыңғай шартта көзделген болса, өзге де төлемдерді төлеуге міндеттенеді;

40) синдикат кредиторы (кредитор-банк) – екінші деңгейдегі банк;

41) субсидиялар – субсидиялау шарттары негізінде кәсіпкерлерді субсидиялау шеңберінде қаржы агенттігі банкке/лизинг компаниясына өтеусіз және қайтарымсыз негізде төлейтін кезеңді төлемдер;

42) субсидиялау – кәсіпкер банкке/лизинг компаниясына кредиттер/лизинг бойынша сыйақы ретінде төлейтін шығыстарды ішінара өтеу үшін болашақта кәсіпкердің операциялық қызметіне жататын белгілі бір шарттарды орындауға айырбас ретінде кәсіпкерлерді мемлекеттік қаржылай қолдау нысаны.

Банктердің кәсіпкерлерді секьюритилендіру тетігі арқылы қаржыландыруға бағытталған кредиттері де субсидияланады. Мұндай жағдайда осы Субсидиялау қағидалары шеңберінде субсидиялау құралы бойынша қолдау тапқан кәсіпкерлердің кредиттерін әкімшілендіру (сүйемелдеу) функцияларын осындай кредиттерді арнайы қаржы компаниясына берген банк жүзеге асырады.

Секьюритилендіру тетігінде: арнайы қаржы компаниясының бөлінген банк активтерімен қамтамасыз етілген облигацияларды шығаруы; қаржы агенттігінің арнайы қаржы компаниясы шығарған, бөлінген активтермен қамтамасыз етілген облигацияларды сатып алуы (секьюритилендіру мәмілесі); арнайы қаржы компаниясының банкке қаржы агенттігінен тартылған қаражатты беруі арқылы кәсіпкерлерді мемлекеттік қаржылай қолдау нысаны көзделген;

43) субсидиялау шарты – кәсіпкерлік жөніндегі уәкілетті орган бекітетін нысан бойынша қаржы агенттігі, банк/лизинг компаниясы мен кәсіпкер арасында жасалатын үшжақты жазбаша келісім, оның талаптары бойынша қаржы агенттігі кәсіпкердің банк/лизинг компаниясы берген кредиті/лизингі бойынша сыйақы мөлшерлемесін ішінара субсидиялайды;

44) сыртқы бағалау ("жасыл" жоба бойынша) – іске асыру межеленген немесе іске асырылып жатқан "жасыл" жобаның "жасыл" таксономия жобаларының кіші секторлары үшін көзделген шекті мәндердің сақталуы бөлігінде осы кіші секторға сәйкестігін бағалау рәсімі;

45) сыртқы бағалау провайдері – іске асыру межеленген немесе іске асырылып жатқан "жасыл" жоба бойынша тәуелсіз бағалауды жүзеге асырып, қаралып отырған жобаның "жасыл" таксономияның шекті мәніне сәйкестігі туралы тиісті қорытынды дайындайтын ұйым;

46) уәкілетті орган – кәсіпкерлік жөніндегі уәкілетті орган;

47) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар;

48) шекті мән ("жасыл" таксономия кіші секторы бойынша шекті өлшемшарт) – "жасыл" таксономия кіші секторы үшін белгіленген, жобаларды "жасыл", яғни "жасыл" таксономияға сәйкес келетіндер ретінде саралау үшін қол жеткізілуі қажет жобалардың немесе активтердің сандық және сапалық өлшемшарттарының шекті мәндері, кіші сектор бойынша шекті өлшемшарт сертификаттау/таңбалау талаптарын ("жасыл" таксономияда көрсетілген стандарттардың талаптарына сәйкестікті растау не жекелеген кіші секторларға қатысты таңбалардың болуы) білдіреді;

49) экономикалық қызмет түрлерінің жалпы жіктеуіші (ЭҚЖЖ) – экономикалық қызмет түрлерін жіктеу және кодтау тәртібін белгілейтін ұлттық жіктеуіш;

50) экономикалық орынсыздық – жоспарланған жобадан тиімділіктің болмауы, оның ішінде жұмыс орындарын құру және (немесе) салықтарды ұлғайту жөніндегі өлшемшарттың орындалмауы, жоба мақсатының мәлімделген ЭҚЖЖ-ға сәйкес келмеуі және осы Субсидиялау қағидаларына сәйкес өзге де талаптардың орындалмауы;

51) электрондық құжаттар топтамасы – мемлекеттік көрсетілген қызметті алушы өзі қатысқан кезде берген жазбаша келісім негізінде өтініш берушінің немесе осы құжатты куәландыруға өкілеттілігі бар тұлғаның не кәсіпкерлерге қызмет көрсету орталығының уәкілетті жұмыскерінің электрондық цифрлық қолтаңбасымен куәландырылған, төлнұсқа құжаттың түрін және ақпаратын (деректерін) электрондық-цифрлық нысанда толық көрсететін құжаттар;

52) электрондық өтінім – мемлекеттік қолдау алуға өтінім, ондағы ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған;

53) энергетикалық аудит (бұдан әрі – энергия аудиті) энергия үнемдеудің мүмкіндігі мен әлеуетін бағалау және энергия үнемдеу мен энергия тиімділігін арттыру жөнінде қорытынды дайындау мақсатында энергетикалық ресурстарды пайдалану туралы деректерді жинау, өңдеу және талдау;

54) энергия-аудиторлық ұйым – энергия аудитін жүзеге асыратын заңды тұлға және "жасыл" таксономияның шекті мәндерінің сәйкестігі туралы қорытынды беруге рұқсат құжаттары бар өзге де ұйымдар.

4. Субсидиялау кредиттер/қаржылық лизинг шарттары, оның ішінде "жасыл" жобаларды іске асыру үшін берілген кредиттер бойынша кәсіпкерлер сыйақы ретінде төлейтін шығыстардың бір бөлігін өтеу үшін пайдаланылады және мемлекеттің бизнеспен өзара іс-қимылының тиімді тетіктері арқылы жүзеге асырылады.

5. Қаржы агенттігі көрсететін қызметтерге уәкілетті орган республикалық бюджет қаражаты есебінен ақы төлейді.

6. Осы Субсидиялау қағидалары шеңберінде шағын және орта кәсіпкерлік субъектілерін, жеке кәсіпкерлік субъектілерін, сондай-ақ "Астана" халықаралық қаржы орталығының аумағында тіркелген заңды тұлғаларды субсидиялау үшін көзделген қаражатты республикалық бюджет және (немесе) Қазақстан Республикасы Ұлттық қорының қаражаты есебінен кәсіпкерлік жөніндегі уәкілетті орган қаржы агенттігіне қаражат аударуға өздерінің араларында жасалатын шарт негізінде қаржы агенттігінің арнайы шотына аударады.

Осы Субсидиялау қағидалары шеңберінде жергілікті бюджет қаражаты есебінен субсидиялауға көзделген қаражатты кәсіпкерлік жөніндегі уәкілетті орган бекіткен субсидиялау және (немесе) кепілдік беру туралы шарттың үлгілік нысанына сәйкес жасалатын сыйақы мөлшерлемесінің бір бөлігін субсидиялау шартының негізінде өңірлік үйлестіруші қаржы агенттігіне аударады.

Бұрын қолданыста болған кәсіпкерлікті қолдау бағдарламалары шеңберінде мақұлданған және қол қойылған жобалар бойынша субсидиялау нысанындағы қолдау шараларын қаржыландыру бұрын қолданыста болған кәсіпкерлікті қолдау бағдарламаларын/осы Субсидиялау қағидаларын іске асыру шеңберінде бөлінген республикалық және жергілікті бюджеттер қаражаты есебінен жүзеге асырылады.

Бұрын қолданыста болған кәсіпкерлікті қолдау бағдарламалары/осы Субсидиялау қағидалары шеңберінде республикалық және/немесе жергілікті бюджеттерден, және/немесе Қазақстан Республикасының Ұлттық қорынан субсидиялауға бөлінген қаражатты жобаларды субсидиялауға және/немесе кепілдік беруге қаражаттың қажет болуына қарай пайдалануға жол беріледі.

Тиісті қаржы жылында бекітілген жаңа жобалар шеңберінде кредиттер/лизинг бойынша субсидиялау үшін бюджет:

бюджет қаражатының 50 %-ына дейін өңдеу өнеркәсібіне;

бюджет қаражатының 30 %-ына дейін қызметтер көрсету, оның ішінде сауда қызметі саласына;

бюджет қаражатының 20 %-ы микро және шағын кәсіпкерлік субъектілерінің қызметіне (20 (жиырма) миллион теңгеге дейінгі кредиттер) бөлінеді.

Бұл ретте өңдеу өнеркәсібіндегі, және/немесе қызметтер көрсетуге арналған және сауда қызметі саласындағы, және/немесе микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі субсидиялау қажеттігіне қарай солардың арасында қайта бөледі.

7. Өңірлік үйлестірушілер облыстардың, республикалық маңызы бар қалалардың және астананың даму жоспарларын әзірлеу кезінде осы Субсидиялау қағидаларының ережелерін ескереді.

8. Кәсіпкерге осы Субсидиялау қағидалары шеңберінде мынадай:

1) шағын және орта кәсіпкерлікті қолдау;

2) өңдеу өнеркәсібінде және көрсетілетін қызметтер саласында шағын, орта және ірі кәсіпкерлікті қолдау;

3) моно және шағын қалалардағы, ауылдық елді мекендердегі кәсіпкерлікті қолдау;

4) әлеуметтік кәсіпкерлік субъектілерін субсидиялау;

5) шағын және орта кәсіпкерлік субъектілерін өңірлік қаржыландыру бағыттары бойынша кредиттер/лизинг мәмілелері бойынша сыйақы мөлшерлемесінің бір бөлігін субсидиялау түрінде қолдау көрсетіледі.

9. Қаржы агенттігі тиімділіктің жалпы кешенді жылдық талдамалық есебін қалыптастыру мақсатында есепті жылдан кейінгі жылғы шілдеден кешіктірмей кәсіпкерлікті қолдау бағдарламасының кредиттер/лизинг/исламдық қаржыландыру бойынша сыйақы мөлшерлемесінің бір бөлігін субсидиялау бөлігінде іске асырылуын мониторингтеу нәтижелерін уәкілетті органға жібереді.

10. Қаржы агенттігі Қазақстанда және оның өңірлерінде шағын және орта кәсіпкерлікті дамытудың жай-күйі туралы шағын және орта кәсіпкерліктің өңірлік және салалық бөліністердегі ағымдағы жай-күйі мен әлеуметтік-экономикалық көрсеткіштері динамикасының кешенді жалпыреспубликалық талдауы көрсетілетін есептің жыл сайынғы шығарылымын, Қазақстанның әрбір өңірінің шағын және орта кәсіпкерлік секторына жеке-жеке шолуды, шағын және орта кәсіпкерлік субъектілерін қаржылай және қаржылай емес қолдаудың қолданыстағы инфрақұрылымы бойынша өзекті ақпаратты дайындайды.

11. Осы Субсидиялау қағидалары шеңберінде:

1) кредиторы мемлекеттік даму институттары болып табылатын;

2) сыйақы мөлшерлемесі осы Субсидиялау қағидаларын іске асыру шеңберінде арзандатылған банктердің/лизинг компанияларының кредиттерін/лизинг мәмілесілерін қоспағанда, сыйақы мөлшерлемесі бюджет қаражаты есебінен арзандатылған;

3) ұйымдардың, сондай-ақ мүліктік кешен ретінде кәсіпорындардың үлестерін, акцияларын сатып алуға бағытталған;

4) овердрафт түріндегі;

5) қайтарымды, қайталама немесе сублизинг бойынша;

6) ломбардтардың, микроқаржылық, факторингтік ұйымдар мен лизинг компанияларының қызметіне бағытталған кредиттер/лизинг мәмілелері субсидияланбайды;

7) мыналарды:

үлестес/байланысты тұлғаның құрылыс қызметтін жүзеге асыруын растайтын құжат болған жағдайда жаңа және (немесе) жұмыс істеп тұрған объектілерді (ғимараттарды, құрылысжайлар мен олардың кешендерін, коммуникацияларды) салуды (оның ішінде кеңейту, жаңғырту, техникалық жаңарту, реконструкциялау, реставрациялау, күрделі жөндеу);

8) жеңіл автомобильдерді (шанағы немесе кабинадан оқшауланған жүк платформасы бар жүктерді тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалға алу және олардың лизингі" бойынша жеңіл автомобильдерді жалға беруге (2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін жалға және лизингке беруді қоспағанда) бағытталған кредиттер/лизинг;

9) мектепке дейінгі білім беру немесе бүлдіршін жастағы балаларға білім беру жағдайларын (ЭҚЖЖ кодтары 85.10 "Мектепке дейінгі білім беру" және 88.91 "Балаларға жасалатын күндізгі күтім" кодтары), сондай-ақ нысаналы мақсаты қаржы агенттігі уәкілетті органының бірінші шешімі шыққан күннен бастап бір жыл ішінде бизнес-мақсаттарға (апартаменттерді, пәтерлерді, тұрғын үйлерді, жеке тұрғын үй құрылысының жер учаскелерін жалға/қосалқы жалға беруді қоспағанда) өзгерген жағдайларды қоспағанда, жылжымайтын мүлікпен жасалатын операцияларды жүзеге асыруға (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін сатып алу/жалдау/қосалқы жалға беру) бағытталған кредиттер/лизинг (осы Субсидиялау қағидаларда белгіленген мерзім өткеннен кейін қаржы агенттігі уәкілетті органының шешімі негізінде 1 (бір) қаржы жылынан аспайтын қосымша мерзім беруге жол беріледі);

11) салықтық міндеттемелерді, зейнетақы және әлеуметтік аударымдарды, кедендік төлемдер мен алымдарды төлеуге бағытталған;

12) экономикалық тұрғыдан орынсыз жобалар;

13) электр самокаттарды сатып алуға/жалға беруге бағытталған кредиттер/лизинг субсидияланбайды.

12. Мыналар осы Субсидиялау қағидаларын іске асыру шеңберінде қатысушылар болып табылмайды:

1) моторлы көлік құралдарын шығаруды және Қазақстан Республикасының заңнамасына сәйкес дәрілік зат ретінде тіркелген, құрамында спирті бар медициналық мақсаттағы өнім (бальзамдардан басқа) шығаруды көздейтін жобаларды қоспағанда, акцизделетін тауарларды/өнімдерді шығаруды жүзеге асыратын кәсіпкерлер;

2) қиыршықтас және құм карьерлерін игеру жобаларын қоспағанда, тау-кен өндіру өнеркәсібіндегі жобаны және карьер игеруді іске асыруды жоспарлайтын кәсіпкерлер;

3) акцияларының (жарғылық капиталға қатысу үлестерінің) елу және одан астам пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі кәсіпкерлер;

4) меншік нысаны "Коммерциялық емес ұйымдар туралы" Қазақстан Республикасы Заңының 10-бабына сәйкес жеке мекеме ретінде тіркелген кәсіпкерлер;

5) кәсіпкерлердің Кодекстің 24-бабының 4-тармағында көрсетілген қызмет түрлері бойынша іске асырылатын жобалары (осы тармақшаның күші 2020 жылғы 20 сәуірден бастап туындаған қатынастарға қолданылады);

6) кредит/микрокредит есебінен сатып алынған активті оны сатқан тұлғаға сатуды/сыйға тартуды/сенімгерлік басқаруға/жалға/тегін пайдалануға беруді жүзеге асырған және/немесе жүзеге асыруды жоспарлап отырған, оның ішінде кәсіпкердің кәсіпорнын осы тұлғаға қосу немесе осы тұлғамен біріктіру нысанында қайта ұйымдастыруды іске асырған және/немесе болашақта жоспарлап отырған кәсіпкерлер (жобаларды мониторингтеу барысында осы тармақшада көрсетілген жағдайлар анықталса, субсидиялау тоқтатылады және бұған дейін төленген субсидиялар қайтарылады);

7) жеке кәсіпкерлік субъектісі ретінде қызметін тоқтатқан немесе тоқтатып қойған кәсіпкерлер.

13. Осы Субсидиялау қағидалары шеңберінде алынған кредиттер/лизинг мәмілелері бойынша кәсіпкер өнім берушілермен, мердігерлермен, өзге де контрагенттермен есеп айырысуды қолма-қол ақшасыз төлем нысанында жүргізеді.

500 (бес жүз) миллион теңгеден астам сомадағы кредиттер бойынша кәсіпкер жобаның іске асырылатын жалпы құнының кемінде 10 % мөлшерінде өз қаражатының (ақшамен, жылжымалы/жылжымайтын мүлікпен) жобаны іске асыруға қатысуын қамтамасыз етеді.

14. Қатысушы лизинг компанияларына қойылатын ең төменгі талаптар, атап айтқанда:

1) жүгінген кезден бастап айдың күнтізбелік соңғы күнінің соңындағы және субсидиялау лимиті мерзімінің соңына дейінгі жағдай бойынша лизинг компаниясының өз капиталы 1 (бір) миллиард теңгеден төмен емес;

2) негізгі қызметтің өтінім беретін жылдың алдында кемінде 1 (бір) жыл жүзеге асырылуы.

2-тарау. Сыйақы мөлшерлемесінің бір бөлігін субсидиялау тәртібі

1-параграф. "Шағын және орта кәсіпкерлікті қолдау" бағыты бойынша субсидия беру шарттары

15. Экономикалық қызметтің басым түрлерінде меншікті және тиімді жобаларды іске асыратын және (немесе) іске асыруды жоспарлайтын кәсіпкерлер осы Субсидиялау қағидаларына 1-қосымшаға сәйкес экономикалық қызметтің басым түрлерінің тізбесі бойынша кәсіпкердің тіркелген жерін ескермей-ақ "Шағын және орта кәсіпкерлікті қолдау" бағытына қатысушы болып табылады.

Кәсіпкердің кредиті/лизинг мәмілесі ұлттық валютада беріледі.

16. Қоршаған ортаны қорғау саласындағы уәкілетті орган әзірлейтін және Қаулымен бекітілген "жасыл" жобалардың сыныптамасына (таксономиясына) сәйкес "жасыл" жобаларды іске асыратын және (немесе) іске асыруды жоспарлайтын кәсіпкерлер де "Шағын және орта кәсіпкерлікті қолдау" бағытына қатысушы болып табылады.

17. Сыйақы мөлшерлемесінің бір бөлігін субсидиялау инвестициялық тиімді жаңа жобаларды, сондай-ақ өндірісті жаңғыртуға, кеңейтуге, айналым қаражатын толықтыруға және франчайзингке бағытталған жобаларды іске асыру үшін берілетін жаңа кредиттер/қаржылық лизинг шарттары бойынша жүзеге асырылады.

Қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайтуды көздейтін кәсіпкерлердің жобалары инвестициялық тиімді жаңа жобалар (оның ішінде "жасыл" жобалар), сондай-ақ өндірісті жаңғыртуға, кеңейтуге және франчайзингке бағытталған жобалар/"жасыл" жобалар деп түсініледі.

Кәсіпкер қаржы агенттігі шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарын сақтай отырып, еңбекақы төлеу қорының өсуін немесе жұмыс орындарының орташа жылдық санының 10 %-ға ұлғаюын да растайды.

Бұл ретте субсидиялау түрінде тікелей қолдау алған/алатын кәсіпкер жоғарыда көрсетілген көрсеткіштерді растайды.

Кәсіпкерлік субъектілерінің айналым қаражатын толықтыруға, сондай-ақ ағымдағы міндеттемелерді қайта қаржыландыруға бағытталған кредиттері бойынша осы тармақтың екінші және үшінші бөліктерінде көзделген талаптар қолданылмайды.

Сыйақы мөлшерлемесінің бір бөлігін субсидиялау "жасыл" жобаларды іске асыруға берілетін және іске асырылып жатқан жобаның субсидиялау шарты жасалған күннен бастап 2 (екі) қаржы жылынан кейін шекті мәнге ("жасыл" таксономияның кіші секторы бойынша шекті өлшемшарт болған кезде) қол жеткізуін көздейтін жаңа кредиттер бойынша жүзеге асырылады (осы өлшемшартты орындау мерзімін ұзарту сыртқы бағалаумен анықтаған себептер болған кезде қаржы агенттігінің шешімі негізінде жүзеге асырылады).

Сыйақы мөлшерлемесінің бір бөлігін субсидиялау тауарларды таңбалауға арналған жабдықты сатып алуға бағытталған қаржылық лизинг шарттары бойынша жүзеге асырылады.

18. Сыйақы мөлшерлемесінің бір бөлігін субсидиялау жүзеге асырылатын инвестициялық тиімді жаңа жобаларды (оның ішінде "жасыл" жобаларды), сондай-ақ өндірісті жаңғыртуға, кеңейтуге және франчайзингке бағытталған жобаларды/"жасыл" жобаларды іске асыру мерзімі қаржы агенттігі шешім шығарған күннен бастап 24 (жиырма төрт) айдан аспауға тиіс. Осы Субсидиялау қағидаларында белгіленген мерзім өткеннен кейін қаржы агенттігі шешімінің негізінде 1 (бір) қаржы жылынан аспайтын қосымша мерзім беруге жол беріледі.

19. Банктердің/лизинг компанияларының кредиттері/қаржылық лизинг шарттары бойынша сыйақы мөлшерлемесінің бір бөлігін субсидиялау:

1) Кодекстің 24-бабының 4-тармағында көрсетілген қызмет түрлері бойынша кәсіпкерлердің іске асырылатын жобаларын (осы тармақшаның күші 2020 жылғы 20 сәуірден бастап туындаған қатынастарға қолданылады);

2) ломбардтардың, микроқаржы, факторинг ұйымдары мен лизинг компанияларының қызметін қоспағанда, жобаларды мемлекеттік-жекешелік әріптестік туралы шарт шеңберінде іске асыру үшін берілетін кредиттер/қаржылық лизинг шарттары бойынша да салалық шектеулерсіз жүзеге асырылады.

Сыйақы мөлшерлемесінің бір бөлігін субсидиялау мемлекеттік-жекешелік әріптестік туралы шарт шеңберінде "жасыл" жобаларды іске асыру үшін берілетін банктердің кредиттеріне де қолданылады.

Өңдеу өнеркәсібі саласындағы мемлекеттік-жекешелік әріптестік туралы шарт шеңберіндегі жобалар бойынша субсидиялау осы Субсидиялау қағидаларына 1-қосымшаға сәйкес номиналды сыйақы мөлшерлемесі Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған кредиттер/қаржылық лизинг шарттары бойынша жүзеге асырылады, оларды:

алғашқы 3 жылда 8 %-ын кәсіпкер төлейді, ал айырмасын мемлекет субсидиялайды;

4-ші жылы 9 %-ын кәсіпкер төлейді, ал айырмасын мемлекет субсидиялайды;

5-ші жылы 10 %-ын кәсіпкер төлейді, ал айырмасын мемлекет субсидиялайды.

Қызметтер көрсету және өзге де қызмет түрлері саласындағы мемлекеттік-жекешелік әріптестік туралы шарт шеңберіндегі жобалар бойынша субсидиялау осы Субсидиялау қағидаларына 1-қосымшаға сәйкес Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 9 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша, сондай-ақ "жасыл" жобаларды іске асыру үшін берілген кредиттер бойынша жүзеге асырылады.

Жоғарыда көрсетілген сыйақы мөлшерлемелері бекітілгенге дейін мақұлданған жобалар кәсіпкерлер олар бойынша өз міндеттемелерін толық орындағанға дейін қаржы агенттігінің уәкілетті органы бұрын мақұлдаған шарттарда қолданылады.

Мемлекеттік-жекешелік әріптестік туралы шарт шеңберінде инвестициялауға бағытталған кредиттер/қаржылық лизинг шарттары бойынша субсидиялау мерзімі мынадай:

өңдеу өнеркәсібінде, оның ішінде осы Субсидиялау қағидаларына 1-қосымшаға сәйкес "жасыл" жобаларды іске асыруға берілетін кредиттер бойынша субсидиялау мерзімін ұзарту құқығынсыз 5 (бес) жыл;

көрсетілетін қызметтерді ұсыну және өзге де қызмет түрлерінде, оның ішінде осы Субсидиялау қағидаларына 1-қосымшаға сәйкес "жасыл" жобаларды іске асыруға берілетін кредиттер бойынша субсидиялау мерзімін ұзарту құқығынсыз 3 (үш) жыл.

Мемлекеттік-жекешелік әріптестік туралы шарт шеңберінде айналым қаражатын толықтыруға бағытталған кредиттерді/лизинг мәмілелерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды.

20. Мына:

1) жаңа кредиттер/қаржылық лизинг шарттары, оның ішінде "жасыл" жобаларды іске асыруға берілетін кредиттер, сондай-ақ бұған дейін жоба қаржы агенттігінің қарауына енгізілгенге дейінгі 12 (он екі) айда банктер/лизинг компаниялары берген кредиттер/қаржылық лизинг шарттары;

2) осы Субсидиялау қағидалары шеңберінде бұрын мемлекеттік қолдау алмаған, бұған дейін жоба қаржы агенттігінің қарауына енгізілгенге дейінгі 2 (екі) жылда (мерзім алғашқы кредит/лизинг берілген күннен бастап есептеледі) банктер/даму банкі/лизинг компаниялары және кредиттік серіктестіктер, қаржы ұйымдары берген кредиттерді/қаржылық лизинг шарттарын қайта қаржыландыруға бағытталған және осы Субсидиялау қағидаларында көрсетілген өлшемшарттарға сәйкес келетін кредиттер/лизинг мәмілесілер;

3) егер кредиттеу негізгі құралдарды сатып алу және (немесе) жаңғырту және (немесе) өндірісті кеңейту шеңберінде жүзеге асырылатын болса, айналым қаражатын толықтыруға берілген, бірақ кредит сомасының 30 %-ынан аспайтын немесе 500 (бес жүз) миллион теңгеден аспайтын сомадағы кредиттер;

4) бір кәсіпкерге арналған, 100 %-ы айналым қаражатын толықтыруға (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп-қисап жүргізуді және осы Субсидиялау қағидаларының 11-тармағының 11) тармақшасына сәйкес кәсіпкердің негізгі қызметін жүзеге асыруына байланысты емес өзге де мақсаттарды, салықтарды төлеуді қоспағанда) бағытталған 500 (бес жүз) миллион теңгеге дейінгі кредиттер;

5) қайта бастау негізінде айналым қаражатын толықтыруға берілген кредиттер (айналым қаражатын толықтыруға арналған кредитті қайта бастау мүмкіндігінің шарттары қаржы агенттігінің шешімінде көрсетіледі);

6) егер кредиттеу негізгі құралдарды сатып алу және (немесе) жаңғырту және (немесе) өндірісті кеңейту шеңберінде жүзеге асырылатын болса, "жасыл" жобаларды іске асыру үшін айналым қаражатын толықтыруға берілген, бірақ кредит сомасының 20 %-ынан аспайтын кредиттер субсидияланады.

21. Мына:

ауданы кемінде 1000 (бір мың) шаршы метр сауда орталықтарын, заманауи форматтағы сауда объектілерін және сауда қызметіндегі көпфункционалды кешендерді (сауда ойын-сауық орталықтарын қоспағанда) салу, кеңейту;

ауданы кемінде 1000 (бір мың) шаршы метр сауда орталықтарындағы, сауда ойын-сауық орталықтарындағы сауда алаңдары ретіндегі үй-жайларды реконструкциялау жобалары бойынша субсидиялауға жол беріледі.

Мынадай экономикалық қызмет түрлеріне сәйкес кәсіпкерлердің жобаларына қолдау көрсетіледі:

ЭҚЖЖ 47.11 "Мамандандырылмаған дүкендерде негізінен тамақ өнімдерінің, сусындар мен темекі өнімдерінің бөлшек саудасы";

астанадағы, республикалық маңызы бар қалалардағы жобаларды қоспағанда, ЭҚЖЖ 68.20.4 "Сауда мақсатындағы жеке меншік мақсатындағы жылжымайтын мүлігін және сауда қызметіндегі көпфункционалды кешендерді жалдау және басқару";

астанадағы, республикалық маңызы бар қалалардағы жобаларды қоспағанда, ЭҚЖЖ 68.20.5 "Сауда мақсатындағы жалға алынатын мақсатындағы жылжымайтын мүлікті және сауда қызметінде жалға алынған көпфункционалды кешендерді жалдау (қосалқы жалдау) және басқару".

Осы тармақтың шарттарына сәйкес келетін жобалар бойынша:

сауда жабдығын сатып алуға;

сомасы 3 (үш) миллиард теңгеден аспайтын бір бизнес-жоба шеңберінде бір өңірде орналасқан екі немесе одан көп объектіні өткізуге жол беріледі. Бұл ретте екі және одан көп жобаны бір объект ретінде (физикалық немесе технологиялық тұрғыдан тығыз байланысқан біртұтас ғимарат/құрылыс/объект болып табылады) қаржыландыруға жол берілмейді.

Сауда орталықтарының, заманауи форматтағы сауда объектілерінің және сауда қызметіндегі көпфункционалды кешендердің жобалары бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 9 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады.

Кредиттерді/лизинг мәмілесілерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды.

Ауданы 10000 (он мың) шаршы метрден асатын сауда орталықтарын, заманауи форматтағы сауда объектілерін және сауда қызметіндегі көпфункционалды кешендерді (сауда ойын-сауық орталықтарын қоспағанда) салу, кеңейту жобалары бойынша кредиттерді/лизинг мәмілесілерді субсидиялау мерзімі субсидиялау мерзімін ұзарту құқығынсыз 5 (бес) жылды құрайды.

Мыналар сауда орталықтары/заманауи форматтағы сауда объектілері/сауда қызметіндегі көпфункционалды кешендер үшін міндетті шарттар болып табылады:

ҚР СТ 3836 "Қазақстанда жасалған" таңбалау белгісі". Техникалық талаптар" және ҚР СТ 3837 "Қазақстанда жасалған" таңбалау белгісін қолдану тәртібі. Жалпы ережелер" Қазақстан Республикасы ұлттық стандарттарының талаптарына сәйкес "Қазақстанда жасалған" таңбасы бар отандық өндірістің азық-түлік емес тауарларын өткізу үшін сауда алаңында және (немесе) жалпы сауда алаңының және (немесе) сөре кеңістігінің кемінде жиырма пайызын құрайтын сауда алаңында, және (немесе) сөре кеңістігінде орналастыруды қамтамасыз ету;

Қазақстан Республикасының СТ 3836 "Қазақстанда жасалған". таңбалау белгісі. Техникалық талаптар" және және ҚР СТ 3837 "Қазақстанда жасалған" белгісін қолдану тәртібі" ұлттық стандарттарының талаптарына сәйкес "Қазақстанда жасалған" деген таңбасы бар отандық өндірістің тамақ өнімдерін сауда алаңында және (немесе) жалпы сауда алаңының және (немесе) сөре кеңістігінің кемінде жиырма пайызын құрайтын сауда алаңында, және (немесе) сөре кеңістігінде өткізу үшін қосымша орналастыруды қамтамасыз ету;

объектінің аумағында азық-түлік тауарларын, оның ішінде әлеуметтік маңызы бар тауарларын өткізу;

ҚР СТ 3833 "Тауарлар мен қызметтерді сәйкестендіру және оларды кодификациялау тәртібі. Негізгі ережелер" ұлттық стандартына сәйкес тауарлардың ұлттық каталогын қолдану.

Осы көлемде отандық өндірістің азық-түлік және азық-түлік емес тауарлары болмаған жағдайда қалған орындар және (немесе) сөре кеңістігі кәсіпкерлердің қалауы бойынша тауарлармен толтырылады.

Осы тармақта көрсетілген шарттар моно- және шағын қалаларда, ауылдық елді мекендерде іске асырылатын сауда қызметі саласындағы жобалар бойынша қолдауды шектемейді.

Бұл тармақ 2025 жылғы 1 шілдеге дейін (қоса алғанда) қолданылады.

22. Кредиттің/қаржылық лизинг шартының сомасы сыйақы мөлшерлемесінің бір бөлігін субсидиялау жүзеге асырылатын қолданыстағы барлық кредиттер/лизинг мәмілелері ескеріле отырып белгіленеді. Бұл ретте кредит/лизинг сомасы бір кәсіпкер үшін 3 (үш) миллиард теңгеден аспайды, оның ішінде айналым қаражатын толықтыруға арналған кредит сомасы 500 (бес жүз) миллион теңгені құрайды және онымен үлестес тұлғалардың/компаниялардың кредиті/қаржылық лизинг шарты бойынша берешегі ескерілмей есептеледі. Егер бірнеше үлестес/байланысты кәсіпкерге бір бизнес-жобаны іске асыру үшін кредит/лизинг берілсе, онда бұл сома 3 (үш) миллиард теңгеден аспайды.

Бір мезгілде мынадай 2 (екі) өлшемшартқа сәйкес келсе, екі және одан көп жобалардың жиынтығы бір бизнес-жоба деп саналады:

жоба бір объект ретінде (физикалық немесе технологиялық тұрғыдан тығыз байланысқан біртұтас ғимарат/құрылыс/объект болып табылады) іске асырылады;

жоба ЭҚЖЖ бір кіші сыныбы шеңберінде іске асырылады.

Кәсіпкерлердің кредиттерін субсидиялауға осы Субсидиялау қағидаларында белгіленген лимиттер шеңберінде субсидияланатын кредит бойынша негізгі борыш ішінара/мерзімінен бұрын толық өтелген жағдайда жол беріледі.

Сомасы 500 (бес жүз) миллион теңгеден асатын кредиттер бойынша (берешектің жалпы сомасын есептеген кезде кәсіпкердің жобалары бойынша барлық қазіргі кредиттері ескеріледі) бір кәсіпкер үшін кредит/қаржылық лизинг шарты бойынша үлестес/байланысты тұлғалар/компаниялар бойынша берешекті есепке алмағанда, субсидиялау кезеңінде дивидендтер төлеуге тыйым салу бойынша талап қойылады. Осы абзацтың шарттары орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

Айналым қаражатын толықтыруға арналған кредиттерге жаңартылатын және/немесе жаңартылмайтын негіздегі кредиттік желі түрінде жол беріледі.

Субсидияланатын кредит бойынша негізгі борыш ішінара/толық/мерзімінен бұрын өтелген кезде осы Субсидиялау қағидаларында белгіленген лимит шегінде айналым қаражатын толықтыруға қайтадан кредит алуға жол беріледі.

23. Инвестицияларға бағытталған кредиттер/қаржылық лизинг шарттары бойынша субсидиялау мерзімі:

Айналым қаражатын толықтыруға бағытталған кредиттерді/лизинг мәмілелерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды.

Бір жоба бойынша бірнеше субсидиялау шарты жасалған жағдайда субсидиялаудың жалпы мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басынан бастап белгіленеді.

24. Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі және/немесе өзге де құжаты және/немесе актісі негізінде кредиттер/қаржылық лизинг шарттары бойынша номиналды сыйақы мөлшерлемесін төлеу кейінге қалдырылған және кредит мерзімі кейінге қалдыру мерзіміне ұлғайтылған кезде осы Субсидиялау қағидаларында көзделген субсидиялау мерзімі кейінге қалдыру мерзіміне ұзартылады.

25. Кәсіпкердің ағымдағы міндеттемелерін қайта қаржыландыру кезінде субсидиялау мерзімі қаржы агенттігі қайта қаржыландыру жүзеге асырылған кредитор-банкте/лизинг компаниясында бірінші субсидиялау шартына қол қойған кезден бастап белгіленеді.

26. Кәсіпкерлердің субсидиялау құралы бойынша қаржы агенттігі мақұлдаған жобалары бойынша басқа банктерде/лизинг компанияларында бұрын мақұлданған субсидиялау шарттарында қайта қаржыландырылуы мүмкін.

27. Осы Субсидиялау қағидаларына 1-қосымшаға сәйкес өңдеу өнеркәсібі саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның ішінде:

алғашқы 3 жылда 8 %-ын кәсіпкер төлейтін, ал айырмасын мемлекет субсидиялайтын;

4-ші жылы 9 %-ын кәсіпкер төлейтін, ал айырмасын мемлекет субсидиялайтын;

5-ші жылы 10 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады.

Осы Субсидиялау қағидаларына 1-қосымшаға сәйкес қызметтер көрсету және өзге де қызмет түрлері саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 9 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша, сондай-ақ "жасыл" жобаларды іске асыру үшін берілген кредиттер бойынша жүзеге асырылады.

Жоғарыда көрсетілген сыйақы мөлшерлемелері бекітілгенге дейін мақұлданған жобалар бұрын қаржы агенттігінің уәкілетті органы мақұлдаған шарттарда және кәсіпкерлер олар бойынша өз міндеттемелерін толық орындағанға дейін қолданылады.

Кредит/қаржылық лизинг шарты сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 8 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

Кәсіпкер тауарларды тауардың шығу тегі туралы "CT-KZ" нысанындағы сертификат және (немесе) "Атамекен" Қазақстан Республикасының ұлттық кәсіпкерлер палатасы берген индустриялық сертификат негізінде сатып алады.

Қазақстандық өндірушінің тауарларын сатып алу жөніндегі міндеттеме орындалмаған жағдайда қаржы агенттігі төленген субсидиялар сомасын қазақстандық өндірушінің тауарларын сатып алуға пайдаланылмаған сомаға барабар қайтара отырып, субсидиялауды тоқтатады.

Бұл ретте жоғары сапада өңдеп жасалған тауарларды өндіру жобалары бойынша Қазақстан Республикасы Индустрия және инфрақұрылымдық даму министрінің міндетін атқарушының 2022 жылғы 30 мамырдағы № 306 бұйрығымен бекітілген басым тауарлар тізбесіне сәйкес субсидиялау Қазақстан Республикасының Ұлттық Банкі белгілеген базалық мөлшерлемеден аспайтын, оның ішінде номиналды сыйақы мөлшерлемесі 5 (бес) пайыздық тармаққа ұлғайтылған, оның 8 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

28. Шекті сыйақы мөлшерлемесін есептеу кезінде Қазақстан Республикасының Ұлттық Банкі белгілеген және банктің/лизинтік компанияның кәсіпкер жобасы бойынша шешімі шыққан кезде қолданыста болған базалық мөлшерлеме есепке алынады.

29. Мыналарды:

1) кредит беру/қаржылық лизинг шарттарының кәсіпкер бастамасымен өзгеруіне байланысты;

2) кәсіпкердің кредит/қаржылық лизинг шарты бойынша міндеттемелерін бұзуына байланысты өндіріп алынатын;

3) лизинг нысанасына тәуелсіз бағалау жүргізуге, лизинг нысанасын сақтандыруға, кепіл шартын тіркеуге және ауыртпалықты алып тастауға байланысты;

4) қаржылық лизинг шартын орындауға байланысты (басқа ұйымдардың кедендік тазарту сияқты көрсетілетін қызметтерін, арнаулы органдардың лизинг нысанасын тіркеуі бойынша көрсетілетін қызметтерді, банктер көрсететін қызметтерді өтеу);

5) есеп айырысу-кассалық қызмет көрсету бойынша төлемдерді қоспағанда, банк/лизинг компаниясы кредитке/қаржылық лизинг шартын жасасуға, оның ішінде "жасыл" жобаны іске асыру үшін берілген кредитке байланысты қандай да бір комиссияларды, алымдарды және/немесе өзге де төлем алмайды.

30. Қаржы агенттігі қолданыстағы кредитті/қаржылық лизинг шартын, оның ішінде "жасыл" жобаны іске асыру үшін берілген кредитті субсидиялау туралы шешім қабылдаған жағдайда банк/лизинг компаниясы кәсіпкерге ағымдағы жылдын басынан ағымдағы жылы қаржы агенттігі шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

Бұл ретте осы комиссиялар, алымдар және/немесе өзге де төлемдер кәсіпкерге барлық тараптар бірінші субсидиялау шартына нақты қол қойған күннен бастап 3 (үш) ай ішінде қайтарылуға тиіс.

31. Лизингтің мынадай нысандары мен түрлері: ішкі лизинг, банктік лизинг, толық лизинг және таза лизинг субсидияланады.

32. Банктердің кәсіпкерлерді секьюритилендіру тетігі (мәмілесі) арқылы қаржыландыруға бағытталған кредиттері субсидияланады. Бұл ретте қаржы агенттігі өз қаражаты не өзге қаржыландыру көздерінен тартылған қаражат есебінен секьюритилендірілген облигацияларды сатып алады.

2-параграф. "Шағын, орта және ірі кәсіпкерлікті қолдау" бағыты бойынша субсидиялар беру шарттары

33. Осы Субсидиялау қағидаларына 2 және 3-қосымшаларға сәйкес тізбе бойынша кәсіпкердің тіркелген жерін ескермей-ақ, экономиканың басым секторларында меншікті және тиімді жобаларды іске асыратын және (немесе) іске асыруды жоспарлап отырған кәсіпкерлер "Шағын, орта және ірі кәсіпкерлікті қолдау" бағытына қатысушылар болып табылады.

Кәсіпкердің кредиті/лизинг мәмілесі ұлттық валютада беріледі.

Осы бағыт шеңберінде:

1) қаржыландыруды немесе қаржылық лизингті жүзеге асыратын банктермен/лизинг компанияларымен ерекше қарым-қатынастарда байланысы бар тұлғалар болып табылатын;

2) "Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар және микроқаржылық қызметті жүзеге асыратын ұйымдар қызметінің мақсаттары үшін офшорлық аймақтардың тізбесін белгілеу туралы" Қазақстан Республикасының Қаржы нарығын реттеу және дамыту агенттігі басқармасының 2020 жылғы 24 ақпандағы № 8 қаулысында (нормативтік құқықтық актілерді мемлекеттік тіркеу тізілімінде № 20095 болып тіркелген) көрсетілген офшорлық аймақтарда тіркелген, сондай-ақ қатысушылары және (немесе) акционерлері офшорлық аймақтарда тіркелген кәсіпкерлердің жобалары бойынша кредиттер/лизинг мәмілелері субсидияланбайды.

34. Сыйақы мөлшерлемесінің бір бөлігін субсидиялау инвестициялық тиімді жаңа жобаларды, сондай-ақ өндірісті жаңғыртуға, кеңейтуге, айналым қаражатын толықтыруға және франчайзингке бағытталған жобаларды іске асыру үшін берілетін жаңа және қолданыстағы кредиттер/қаржылық лизинг шарттары бойынша жүзеге асырылады.

Мыналар:

кәсіпкер қаржы агенттігіне өтініш бергенге дейінгі алдыңғы 2 (екі) қаржы жылында салықтық аударымдарының және (немесе) еңбекақы төлеу қорының өсу және (немесе) кірістерінің өсу динамикасы оң кәсіпкерлердің жобалары – бұл өлшемшарт тіркелгеніне 3 (үш) жыл толмаған кәсіпкерлерге қатысы жоқ;

қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайту көзделген жобалар инвестициялық тиімді жаңа жобалар, сондай-ақ өндірісті жаңғыртуға, кеңейтуге және франчайзингке бағытталған жобалар деп түсініледі.

Кәсіпкер сондай-ақ жұмыс орындарының сақталып, жұмыс орындарының орташа жылдық санын ұлғайтып, еңбекақы төлеу қорының қаржы агенттігі шешім қабылдаған күннен бастап 2 (екі) қаржы жылынан кейін 10 %-ға өскенің салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде растайды.

Сомасы 3 (үш) миллиард теңгеден асатын жобалары бар шағын кәсіпкерлік субъектісі 3 (үш) қаржы жылы өткеннен кейін Кодекстің 24-бабында көзделген көрсеткіштерге сәйкес орта кәсіпкерлік субъектісі санатына көшкенін растайды, осы тармақтың шарты орындалмаған жағдайда субсидия төлеу тоқтатылады.

Кәсіпкерлік субъектілерінің айналым қаражатын толықтыруға бағытталған кредиттері бойынша осы тармақтың екінші және үшінші бөліктерінде көзделген талаптар қолданылмайды.

35. Инвестициялық тиімді жаңа жобаларды, сондай-ақ сыйақы мөлшерлемесінің бір бөлігін субсидиялау жүзеге асырылатын, өндірісті жаңғыртуға, кеңейтуге және франчайзингке бағытталған жобаларды іске асыру мерзімі қаржы агенттігі шешім шығарған күннен бастап 24 (жиырма төрт) айдан аспауға тиіс. Осы Субсидиялау қағидаларында белгіленген мерзім өткеннен кейін қаржы агенттігінің шешімі негізінде 1 (бір) қаржы жылынан аспайтын қосымша мерзім беруге жол беріледі.

36. Мыналар да субсидияланады:

1) Қаржы агенттігіне жобаны қарауға жіберілгенге дейін 12 (он екі) ай ішінде банктер/лизинг компаниялары бұрын берген жаңа кредиттер/қаржы лизингі шарттары, сондай-ақ кредиттер/қаржы лизингі шарттары;

2) осы Субсидиялау қағидаларына 2-қосымшаға сәйкес тізбенің 1-10-тармақтарына сәйкес 100 %-ы агроөнеркәсіптік кешендегі қайта өңдеу саласындағы айналым қаражатын толықтыруға (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды қоспағанда және кәсіпкердің негізгі қызметін жүзеге асыруына байланысты емес өзге де мақсаттарды, осы Субсидиялау қағидаларының 11-тармағының 11) тармақшасына сәйкес салық төлеуді қоспағанда) бағытталған кредиттер;

3) осы Субсидиялау қағидаларына 2 және 3-қосымшаларға сәйкес өңдеу өнеркәсібіндегі, электр энергиясымен, газбен, бумен жабдықтау және ауа кондициялау, көрсетілетін қызметтер және тау-кен өндіру өнеркәсібі саласындағы айналым қаражатын толықтыруға кәсіпкердің бір жобасы шеңберінде 50 %-дан аспайтын мөлшерде берілген кредиттер;

4) қайта бастау негізінде айналым қаражатын толықтыруға берілген кредиттер (айналым қаражатын толықтыруға берілген кредитті қайта бастау мүмкіндігінің шарттары қаржы агенттігінің шешімінде көрсетіледі);

5) бір кәсіпкер үшін айналым қаражатын толықтыруға, олар онымен үлестес/байланысты тұлғалардың/компаниялардың кредиті/қаржылық лизинг шарты бойынша берешегі есепке алынбай есептелетін, 5 (бес) миллиард теңгеден аспайтын кредиттер.

37. Кредиттің/қаржылық лизинг шартының сомасы сыйақы мөлшерлемесінің бір бөлігін субсидиялау жүзеге асырылатын барлық қолданыстағы кредиттер/лизинг мәмілелері ескеріле отырып белгіленеді. Бұл ретте кредит/лизинг сомасы бір кәсіпкер үшін 15 (он бес) миллиард теңгеден аспайды, оның ішінде айналым қаражатын толықтыруға арналған кредит сомасы 5 (бес) миллиард теңгені құрайды және онымен үлестес тұлғалардың/компаниялардың кредиті/қаржылық лизинг шарты бойынша берешегі ескерілмей есептеледі. Егер бірнеше үлестес/байланысты кәсіпкерлерге бір бизнес-жобаны іске асыру үшін кредит/лизинг берілген жағдайда онда бұл сома 15 (он бес) миллиард теңгеден аспайды.

Бір мезгілде мына 2 (екі) өлшемшартқа сәйкес келетін:

жоба бір объект ретінде (физикалық немесе технологиялық тұрғыдан тығыз байланысқан бірыңғай ғимарат/құрылыс/объект болып табылады) іске асырылатын;

жоба ЭҚЖЖ бір кіші сыныбы шеңберінде іске асырылатын екі және одан көп жобалардың жиынтығы бір бизнес-жоба болып саналады.

Осы Субсидиялау қағидаларында белгіленген лимиттер шеңберінде субсидияланатын кредит бойынша негізгі борыш ішінара/мерзімінен бұрын толық өтелген жағдайда кәсіпкерлердің кредиттерін субсидиялауға жол беріледі.

38. Бір кәсіпкер үшін онымен үлестес/байланысты тұлғалардың/компаниялардың кредиті/қаржылық лизинг шарты бойынша берешекті есепке алмағанда сомасы 500 (бес жүз) миллион теңгеден асатын кредиттер бойынша (жалпы берешек сомасын есептеу кезінде кәсіпкердің жобалары бойынша барлық қазіргі кредиттері ескеріледі) субсидиялау кезеңінде дивидендтер төлеуге тыйым салу бойынша талап қойылады, сондай-ақ сомасы 10 (он) миллиард теңгеден асатын кредиттер бойынша субсидиялауға өтінімді қараған кезде қаржы агенттігі тиісті орталық уәкілетті мемлекеттік органнан сұрататын тиісті салалық орталық уәкілетті органның оң қорытындысы қажет.

Кәсіпкер көрсетілген қорытындыны алғанға дейін банкке/лизинг компаниясына мынадай құжаттарды:

1) өтініш беруші бекіткен жобаның паспортын (мына ақпаратты қоса алғанда: өтініш берушінің толық атауы; заңды мекенжайы (индекс, облыс, қала/аудан, елді мекен, көше, телефон); бірінші басшы (тегі, аты, әкесінің аты (бар болса), лауазымы, жұмыс/ұялы телефон нөмірі, электрондық мекенжайы); өтініш берушінің мемлекеттік тіркелген (қайта тіркелген) нөмірі мен күні; өтініш берушінің бизнес сәйкестендіру нөмірі немесе жеке сәйкестендіру нөмірі; саланың, кіші саланың атауы; негізгі қызмет түрі (ЭҚЖЖ кодын көрсете отырып); 3 (үш) жыл ішінде заттай мәнде шығарылатын өнім номенклатурасы; өтініш берушінің белгіленген қуаты (заттай және ақшалай мәнде); қуаттардың ағымдағы жүктемесі (пайыз); өндірістік жабдықтың ағымдағы тозуы (пайыз); ағымдағы еңбек өнімділігі (мың теңге/адам және мың АҚШ доллары/адам);

2) өтініш беруші бекіткен жобаның бизнес-жоспарын;

3) өтініш беруші бекіткен жобаны іске асыру жоспар-графигін ұсынады.

Банк/лизинг компаниясы осы тармақта көрсетілген құжаттарды мақұлдаған жағдайда оларды банк/лизинг компаниясы банктің/лизинг компаниясының кредиттік комиссиясы шешім қабылдаған күннен бастап 5 (бес) жұмыс күні ішінде қаржы агенттігіне жібереді. Банктің/лизинг компаниясының кредиттік комиссиясының шешімі көрсетілген құжаттармен бір мезгілде жіберіледі.

Субсидиялау кезеңінде дивидендтер төлеуге тыйым салу жөніндегі талап орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

Бір кәсіпкер үшін онымен үлестес/байланысты тұлғалардың/ компаниялардың, кредиті/қаржылық лизинг шарты бойынша берешекті есепке алмағанда осы Cубсидиялау қағидаларына 4-қосымшаға сәйкес экономикалық қызметтің негізгі (басым) түрлерінің тізбесі бойынша сомасы 500 (бес жүз) миллион теңгеден асатын (берешектің жалпы сомасын есептеу кезінде кәсіпкердің жобалары бойынша барлық қазіргі кредиттер ескеріледі) субсидиялау кезеңінде дивидендтер төлеуге тыйым салу бойынша талап қойылады. Субсидиялау кезеңінде дивидендтер төлеуге тыйым салу жөніндегі талап орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

39. Қаржы агенттігі 5 (бес) жұмыс күні ішінде банктен/лизинг компаниясынан түскен құжаттарды осы Субсидиялау қағидаларының шарттарына сәйкестігі тұрғысынан қарайды.

Олар шарттарға сәйкес келген жағдайда салалық қорытынды алу үшін тиісті салалық орталық уәкілетті органға сұрау салу жіберіледі.

Салалық қорытындыны тиісті орталық уәкілетті мемлекеттік органдар қаржы агенттігінен сұрау салу келіп түскен күннен бастап 10 (он) жұмыс күні ішінде ұсынады.

40. Қаржы агенттігі жеке кәсіпкерлік субъектісінің қаржылық көрсеткіштері жобалардың қаржылық көрсеткіштерін бағалау әдістемесіне сәйкес кредиттер/қаржылық лизинг бойынша сыйақы мөлшерлемесінің бір бөлігін субсидиялауға сұраныстың жоқекенін көрсететін болса (өтелу мерзімін, таза пайданы, кірістіліктің ішкі нормасын, ақша легін ескергенде) бір кәсіпкер үшін онымен үлестес/байланысты тұлғалардың/компаниялардың кредиті/қаржылық лизинг шарты бойынша берешекті есепке алмағанда қарыз сомасы 10 (он) миллиард теңгеден асатын инвестициялық мақсаттарға бағытталған кредиттер/қаржылық лизинг бойынша субсидиялаудан бас тартады. Жобалардың қаржылық көрсеткіштерін бағалау әдістемесі (бұдан әрі – әдістеме) қаржы агенттігінің уәкілетті органы бекітетін ішкі нормативтік құжаттарымен бекітіледі және кәсіпкерлік жөніндегі уәкілетті органмен келісіледі.

Бір кәсіпкер үшін онымен үлестес/байланысты тұлғалардың/ компаниялардың кредиті/қаржылық лизинг шарты бойынша берешекті есепке алмағанда кредиттер сомасы 10 (он) миллиард теңгеден жоғары болса, жоба бойынша кірістіліктің ішкі нормасының көрсеткіші 12 %-дан аспайтын кредиттер субсидияланады. Субсидиялау мерзімі Әдістемеге сәйкес өтелу мерзімінен аспайтын, бірақ осы Субсидиялау қағидаларында көзделген мерзімнен аспайтын мерзімге белгіленеді.

Бір кәсіпкер үшін субсидиялау мерзімі 5 (бес) жылдан аспайтын кредит бойынша онымен үлестес/байланысты тұлғалардың/компаниялардың берешектікті есепке алмағанда сомасы 15 (он бес) миллиард теңгеге дейінгі синдикатталған кредитті субсидиялауға жол беріледі. Бұл ретте инвестициялық жобалар бойынша кредиттер сомасы бір кәсіпкер үшін 15 (он бес) миллиард теңгеден аспайды.

41. Инвестицияларға бағытталған кредиттер/қаржылық лизинг шарттары бойынша субсидиялау мерзімі:

өңдеу өнеркәсібінде, электр энергиясымен, газбен, бумен жабдықтауда және ауа кондициялауда осы Субсидиялау қағидаларына 2-қосымшаға сәйкес субсидиялау мерзімін ұзарту құқығынсыз 5 (бес) жылды;

көрсетілетін қызметтерді ұсыну мен тау-кен өндіру өнеркәсібі жөніндегі қызметте осы Субсидиялау қағидаларына 3-қосымшаға сәйкес субсидиялау мерзімін ұзарту құқығынсыз 3 (үш) жылды құрайды.

Айналым қаражатын толықтыруға бағытталған кредиттерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды.

Осы Субсидиялау қағидаларына 4-қосымшаға сәйкес инвестицияларға бағытталған негізгі (басым) экономикалық қызмет түрлерінің тізбесі бойынша кредиттерді/қаржылық лизингті субсидиялау мерзімі 7 (жеті) жылдан аспайды.

Егер бір жоба бойынша бірнеше субсидиялау шарты жасалса, жалпы субсидиялау мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басынан бастап белгіленеді.

42. Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі және/немесе өзге де құжаты және/немесе актісі негізінде кредиттер/қаржылық лизинг шарттары бойынша номиналды сыйақы мөлшерлемесін төлеу кейінге қалдырылған және кредит мерзімі кейінге қалдыру мерзіміне ұлғайтылған кезде осы Субсидиялау қағидаларында көзделген субсидиялау мерзімі кейінге қалдыру мерзіміне ұзартылады.

43. ЭҚЖЖ 55.10 (қонақүйлердің және тұруға арналған соған ұқсас орындардың қызметтер көрсетуі) шеңберінде облыс орталықтарында іске асырылатын әрі әлемнің он және одан да көп елінде кемінде 1000 (бір мың) қонақүй объектісі бар халықаралық қонақүй желілерінің қонақүй бизнесі саласындағы франшизаларын пайдаланатын "3", "4" және "5" жұлдыз санатындағы қонақүйлерді салу және (немесе) реконструкциялау және қонақүйлерді жабдықтармен жарақтандыру жобаларына кредит беру кезінде кредиттің/қаржылық лизингтің ең жоғары сомасы субсидиялау мерзімін ұзарту құқығынсыз 7 (жеті) жылдан аспайтын мерзіммен 5 (бес) миллиард теңгеден аспайды. Бұл шарт осы Субсидиялау қағидаларына 3-қосымшаға сәйкес тау-кен өндіру өнеркәсібі және көрсетілетін қызметтер бойынша экономика салалары тізбесінің 55.10 (қонақүйлердің және тұруға арналған соған ұқсас орындардың қызмет көрсетуі), 55.20 (демалыс күндерінде және қысқа мерзімді тұрудың өзге де кезеңдеріне баспана беру), 55.30 (кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі) ЭҚЖЖ-да көзделген жобаларына қолданылмайды.

44. Осы Субсидиялау қағидаларына 2-қосымшаға сәйкес өңдеу өнеркәсібі, электр энергиясы, газ, бумен жабдықтау және ауа кондициялау саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның ішінде:

алғашқы 3 жылда 8 %-ын кәсіпкер төлейтін, ал айырмасын мемлекет субсидиялайтын;

4-ші жылы 9 %-ын кәсіпкер төлейтін, ал айырмасын мемлекет субсидиялайтын;

Жоғарыда белгіленген субсидиялау тәртібі осы Субсидиялау қағидаларына 4-қосымшаға сәйкес экономиканың негізгі (басым) қызмет түрлерінің тізбесі бойынша жобаларды субсидиялау кезінде де қолданылады. Бұл ретте 6-шы және 7-ші жылдары 10 %-ын кәсіпкер төлейді, ал айырмасын мемлекет субсидиялайды.

Осы Субсидиялау қағидаларына 3-қосымшаға сәйкес көрсетілетін қызметтер және тау-кен өндіру өнеркәсібі саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 9 % кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады.

Кредит/қаржылық лизинг шарты сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның ішінде 8 %-ын кәсіпкер төлейтін, ал айырмасын мемлекет субсидиялайын кредиттер/қаржылық лизинг шарттары бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

Кәсіпкер тауарларды "CT-KZ" нысанындағы тауардың шығу тегі туралы сертификаттың және (немесе) "Атамекен" Қазақстан Республикасының ұлттық кәсіпкерлер палатасы берген индустриялық сертификаттың негізінде сатып алады.

Қазақстандық өндірушінің тауарларын сатып алу жөніндегі міндеттеме орындалмаған жағдайда қаржы агенттігі сусидиялауды тоқтатып, төленген субсидиялар сомасын қазақстандық өндірушінің тауарларын сатып алуға пайдаланылмаған сомаға барабар қайтарып алады.

Бұл ретте Қазақстан Республикасы Индустрия және инфрақұрылымдық даму министрінің міндетін атқарушының 2022 жылғы 30 мамырдағы № 306 бұйрығымен бекітілген басым тауарлар тізбесіне сәйкес жоғары қайта өңдеу тауарларын өндіру жобалары бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын, оның ішінде номиналды сыйақы мөлшерлемесі 5 (бес) пайыздық тармаққа ұлғайтылған, оның ішінде 8 %-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

45. Шекті сыйақы мөлшерлемесін есептеу кезінде Қазақстан Республикасының Ұлттық Банкі белгілеген және банктің/лизинтік компанияның кәсіпкер жобасы бойынша шешімі шыққан кезде қолданыста болған базалық мөлшерлеме есепке алынады.

46. Мыналарды:

1) кәсіпкер бастама жасаған кредиттеу/қаржылық лизинг шарты талаптарының өзгеруіне байланысты;

2) кәсіпкердің кредит/қаржылық лизинг шарты бойынша міндеттемелерді бұзуына байланысты өндіріп алынатын;

4) қаржылық лизинг шартын орындауға байланысты (басқа ұйымдардың кедендік тазарту сияқты көрсетілетін қызметтерін, лизинг нысанасын арнаулы органдардың тіркеуі бойынша көрсетілетін қызметтерді, банктердің көрсетілетін қызметтерін өтеу);

5) есеп айырысу-кассалық қызмет көрсету төлемдерін;

6) банк-агент көрсететін қызметтерді (синдикатталған кредит бойынша) қоспағанда, банк/лизинг компаниясы/банк-агент/банк-кредитор кредитке/ қаржылық лизинг шартын жасасуға байланысты қандай да бір комиссияларды, алымдарды және (немесе) өзге де төлем алмайды.

47. Қаржы агенттігі қолданыстағы кредитті/қаржылық лизинг шартын субсидиялау туралы шешім қабылдаған жағдайда банк/лизинг компаниясы ағымдағы жылы кәсіпкерге ағымдағы қаржы жылынан бастап қаржы агенттігі шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

48. Лизингтің мынадай нысандары мен түрлері: ішкі лизинг, банктік лизинг, толық лизинг және таза лизинг субсидияланады.

49. Банктердің кәсіпкерлерді секьюритилендіру тетігі (мәмілесі) арқылы қаржыландыруға бағытталған кредиттері субсидияланады. Бұл ретте қаржы агенттігі өз қаражаты не өзге қаржыландыру көздерінен тартылған қаражат есебінен секьюритилендірілген облигацияларды сатып алады.

3-параграф. "Моно- және шағын қалаларда, ауылдық елді мекендерде кәсіпкерлікті қолдау" бағыты бойынша субсидия беру шарттары

50. Өз жобаларын және тиімді жобаларды іске асыратын және (немесе) іске асыруды жоспарлап отырған шағын және орта кәсіпкерлік субъектілері "Моно- және шағын қалаларда, ауылдық елді мекендерде кәсіпкерлікті қолдау" бағытына қатысушылар болып табылады. Республикалық маңызы бар қалаларды/облыс орталықтарын қоспағанда, елді мекендерде, оның ішінде моно- және шағын қалаларда, ауылдық елді мекендерде іске асырылатын жобалар іске асырылатын жері мен кәсіпкердің тіркелген орны ескеріліп, салалық шектеулерсіз жүзеге асырылады.

Бұл ретте республикалық маңызы бар қалаларды/облыс орталықтарын қоспағанда, елді мекендерде, оның ішінде моно-және шағын қалаларда, ауылдық елді мекендерде бір кәсіпкер үшін 100 (жүз) миллион теңгеден аспайтын сомаға сауда қызметі саласындағы айналым қаражатын толықтыруға арналған кредиттер бойынша сыйақы мөлшерлемесін субсидиялауға жол беріледі, және онымен үлестес/байланысты тұлғалардың/компаниялардың кредит/қаржылық лизинг шарты бойынша берешегі есепке алынбай есептеледі (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды қоспағанда және осы Субсидиялау қағидаларының 11-тармағының 11) тармақшасына сәйкес кәсіпкердің негізгі қызметті жүзеге асыруына, салық төлеуіне байланысты емес өзге де мақсаттарды қоспағанда).

Өзінің тұрғын емес үй-жайы немесе сауда үшін жалға берілетін алаңы бар болса сауда қызметі саласындағы айналым қаражатын толықтыруға арналған 100 (жүз) миллион теңгеден аспайтын сомадағы кредиттер бойынша сыйақы мөлшерлемесін субсидиялауға жол беріледі.

Айналым қаражатын толықтыруға арналған кредиттер қайта бастау және/немесе қайта бастамау негізінде кредиттік желі түрінде жол беріледі.

Субсидияланатын кредит бойынша негізгі борыш ішінара/толық/мерзімінен бұрын өтелген кезде осы Субсидиялау қағидаларында белгіленген лимит шегінде айналым қаражатын толықтыруға кредитті қайталап алуға жол беріледі.

51. Сыйақы мөлшерлемесінің бір бөлігін субсидиялау инвестициялық тиімді жаңа жобаларды, сондай-ақ өндірісті жаңғыртуға, кеңейтуге, айналым қаражатын толықтыруға және франчайзингке бағытталған жобаларды іске асыру үшін берілетін жаңа кредиттер/қаржылық лизинг шарттары бойынша жүзеге асырылады.

Қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайтуды көздейтін жобалары инвестициялық тиімді жаңа жобалар, сондай-ақ өндірісті жаңғыртуға, кеңейтуге және франчайзингке бағытталған жобалар деп түсініледі.

Кәсіпкер қаржы агенттігі шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарын сақтай отырып, 10 %-ға еңбекақы төлеу қорының өсуін немесе жұмыс орындарының орташа жылдық санының ұлғаюын да растайды.

Бұл ретте субсидиялау түрінде тікелей қолдау алған/алатын кәсіпкер жоғарыда аталған көрсеткіштерді растайды.

Кәсіпкерлік субъектілерінің айналым қаражатын толықтыруға, сондай-ақ ағымдағы міндеттемелерді қайта қаржыландыруға бағытталған кредиттеріне осы тармақтың екінші және үшінші бөліктерінде көзделген талаптар қолданылмайды.

Сыйақы мөлшерлемесінің бір бөлігін субсидиялау "жасыл" жобаларды іске асыруға берілетін және іске асырылып жатқан жобаның субсидиялау шарты жасалған күннен бастап 2 (екі) қаржы жылынан кейін шекті мәнге ("жасыл" таксономияның кіші секторы бойынша шекті өлшемшарт болған кезде) қол жеткізуін көздейтін жаңа кредиттер бойынша да жүзеге асырылады (осы өлшемшартты орындау мерзімін ұзарту сыртқы бағалауда айқындалған себептер болған кезде қаржы агенттігінің шешімі негізінде жүзеге асырылады).

Сыйақы мөлшерлемесінің бір бөлігін субсидиялау жүзеге асырылатын инвестициялық тиімді жаңа жобаларды, сондай-ақ өндірісті жаңғыртуға, кеңейтуге және франчайзингке бағытталған жобаларды іске асыру мерзімі қаржы агенттігі шешім шығарған күннен бастап 24 (жиырма төрт) айдан аспауға тиіс. Осы Субсидиялау қағидаларында белгіленген мерзім өткеннен кейін қаржы агенттігі шешімінің негізінде 1 (бір) қаржы жылынан аспайтын қосымша мерзім беруге жол беріледі.

52. Мына:

1) жаңа кредиттер/қаржылық лизинг шарттары, оның ішінде "жасыл" жобаларды іске асыруға берілетін кредиттер, сондай-ақ бұған дейін жоба қаржы агенттігінің қарауына енгізілгенге дейін 12 (он екі) айдың ішінде банктер/лизинг компаниялары берген кредиттер/қаржылық лизинг шарттары;

2) осы Субсидиялау қағидалары шеңберінде бұрын мемлекеттік қолдау алмаған, бұған дейін жоба қаржы агенттігінің қарауына енгізілгенге дейін 2 (екі) жыл ішінде (мерзім алғашқы кредит/лизинг берілген күннен бастап есептеледі) банктер/даму банкі/лизинг компаниялары және кредиттік серіктестіктер, қаржы ұйымдары берген кредиттерді/қаржылық лизинг шарттарын қайта қаржыландыруға бағытталған және осы Субсидиялау қағидаларында көрсетілген өлшемшарттарға сәйкес келетін кредиттер/лизинг мәмілелері;

3) бір кәсіпкерге арналған, 100 %-ы айналым қаражатын толықтыруға бағытталған 500 (бес жүз) миллион теңгеге дейінгі кредиттер (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды және кәсіпкердің негізгі қызметін жүзеге асыруына байланысты емес өзге де мақсаттарды, осы Субсидиялау қағидаларының 11-тармағының 11) тармақшасына сәйкес салық төлеуді қоспағанда);

4) жаңартылатын негізде айналым қаражатын толықтыруға берілген кредиттер (айналым қаражатын толықтыруға арналған кредитті жаңарту мүмкіндігінің шарты қаржы агенттігінің шешімінде көрсетіледі);

5) егер кредиттеу негізгі құралдарды сатып алу және (немесе) жаңғырту және (немесе) өндірісті кеңейту шеңберінде жүзеге асырылатын болса, "жасыл" жобаларды іске асыру үшін айналым қаражатын толықтыруға берілген, бірақ кредит сомасының 20 %-ынан аспайтын кредиттер де субсидияланады.

53. Кредит/қаржылық лизинг шартының сомасы барлық қазіргі кредиттерді/лизинг мәмілелерін ескере отырып, бір кәсіпкер үшін 1,5 миллиард теңгеден аспайды, оның ішінде айналым қаражатын толықтыруға арналған кредит сомасы 500 (бес жүз) миллион теңгені құрайды және онымен үлестес/байланысты тұлғалардың/компаниялардың кредиті/қаржылық лизинг шарты бойынша берешегі есепке алынбай есептеледі.

Осы Субсидиялау қағидаларына 1-қосымшаға сәйкес экономиканың басым секторлары шеңберінде елді мекендерде, оның ішінде моно, шағын қалалар мен ауылдық елді мекендерде жобаларды іске асыратын кәсіпкерлер үшін барлық қолданыстағы кредиттер/лизинг мәмілелері ескеріле отырып, кредит/қаржылық лизинг шартының сомасы 3 (үш) миллиард теңгеден аспайды.

Бір кәсіпкер үшін онымен үлестес/байланысты тұлғалардың/компаниялардың кредиті/қаржылық лизинг шарты бойынша берешекті есепке алмағанда сомасы 500 (бес жүз) миллион теңгеден асатын кредиттер бойынша (берешектің жалпы сомасын есептеу кезінде кәсіпкердің жобалары бойынша қолданыстағы барлық кредиттер ескеріледі) субсидиялау кезеңінде дивидендтер төлеуге тыйым салу бойынша талап қойылады. Субсидиялау кезеңінде дивидендтер төлеуге тыйым салу бойынша талап орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

Айналым қаражатын толықтыруға арналған кредиттер жаңартылатын және/немесе жаңартылмайтын негіздегі кредиттік желі түрінде болады.

Субсидияланатын кредит бойынша негізгі борыш ішінара/толық/мерзімінен бұрын өтелген кезде осы Субсидиялау қағидаларында белгіленген лимит шегінде айналым қаражатын толықтыруға кредитті қайтадан алуға жол беріледі.

54. Инвестицияларға бағытталған кредиттер/қаржылық лизинг шарттары бойынша субсидиялау мерзімі субсидиялау мерзімін ұзарту құқығынсыз 5 (бес) жылды құрайды. Айналым қаражатын толықтыруға бағытталған кредиттерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды. Егер бір жоба бойынша бірнеше субсидиялау шарты жасалса, субсидиялаудың жалпы мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басынан бастап белгіленеді.

55. Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі және/немесе өзге де құжаты және/немесе актісі негізінде кредиттер/қаржылық лизинг шарттары бойынша номиналды сыйақы мөлшерлемесін төлеу кейінге қалдырылған және кредит мерзімі кейінге қалдыру мерзіміне ұлғайтылған кезде осы Субсидиялау қағидаларында көзделген субсидиялау мерзімі кейінге қалдыру мерзіміне ұзартылады.

56. Кәсіпкердің ағымдағы міндеттемелерін қайта қаржыландыру кезінде субсидиялау мерзімі қаржы агенттігі қайта қаржыландыру жүзеге асырылған кредитор-банкте/лизинг компаниясында бірінші субсидиялау шартына қол қойған кезден бастап белгіленеді.

57. Кәсіпкерлердің субсидиялау құралы бойынша қаржы агенттігі мақұлдаған жобаларын басқа банктерде/лизинг компанияларында бұрын мақұлданған субсидиялау шарттарында қайта қаржыландыруға жол беріледі.

58. Кредиттер/қаржылық лизинг шарттары бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған, оның ішінде:

осы Субсидиялау қағидаларына 1-қосымшаның тізбесіне сәйкес өңдеу өнеркәсібі саласында, сондай-ақ 7 %-ын кәсіпкер төлейтін, ал айырмасын мемлекет субсидиялайтын "жасыл" жобаларды іске асыру үшін берілген кредиттер бойынша;

осы Субсидиялау қағидаларына 1-қосымшаның тізбесіне сәйкес қызметтер көрсету және өзге де қызмет түрлері салаларында 10 %-ын кәсіпкер төлейтін, ал айырмасын мемлекет субсидиялайтын номиналды сыйақы мөлшерлемесімен жүзеге асырылады.

59. Шекті сыйақы мөлшерлемесін есептеу кезінде Қазақстан Республикасының Ұлттық Банкі белгілеген және банктің/лизинтік компанияның кәсіпкер жобасы бойынша шешімі шыққан кезде қолданыста болған базалық мөлшерлеме есепке алынады.

60. Банк/лизинг компаниясы:

1) кәсіпкер бастама жасайтын кредиттеу/қаржылық лизинг шарты талаптарының өзгеруіне байланысты;

2) кәсіпкердің кредит/қаржылық лизинг шарты бойынша міндеттемелерін бұзуына байланысты өндіріп алынатындарды;

5) есеп айырысу-кассалық қызмет көрсету бойынша төлемдерді қоспағанда, кредитке/қаржылық лизинг шартын жасасуға, оның ішінде "жасыл" жобаны іске асыру үшін берілген кредитке байланысты қандай да бір комиссияларды, алымдарды және (немесе) өзге де төлемдерді алмайды.

61. Қаржы агенттігі қолданыстағы кредитті/қаржылық лизинг шартын, оның ішінде "жасыл" жобаны іске асыру үшін берілген кредитті субсидиялау туралы шешім қабылдаған жағдайда банк/лизинг компаниясы кәсіпкерге ағымдағы жылдың басынан бастап қаржы агенттігі ағымдағы жылы шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

Бұл ретте осы комиссиялар, алымдар және/немесе өзге де төлемдер кәсіпкерге барлық тараптар бірінші субсидиялау шартына нақты қол қойған күннен бастап 3 (үш) ай ішінде өтелуге тиіс.

62. Лизингтің мынадай нысандары мен түрлері: ішкі лизинг, банктік лизинг, толық лизинг және таза лизинг субсидияланады.

63. Банктердің кәсіпкерлерді секьюритилендіру тетігі (мәмілесі) арқылы қаржыландыруға бағытталған кредиттері субсидияланады. Бұл ретте қаржы агенттігі өз қаражаты не өзге қаржыландыру көздерінен тартылған қаражат есебінен секьюритилендірілген облигацияларды сатып алады.

4-параграф. Әлеуметтік кәсіпкерлік субъектілерінің кредиттері/лизингі бойынша сыйақы мөлшерлемесінің бір бөлігін субсидиялау шарттары

64. Кодекстің 232-1-бабында көзделген әлеуметтік кәсіпкерлік субъектілерін мемлекеттік қолдау салалық шектеулерсіз және жоба тіркелген және іске асырылатын жері ескерілмей жүзеге асырылады.

65. Сыйақы мөлшерлемесін субсидиялау инвестициялық жобаларды, сондай-ақ өндірісті жаңғыртуға, кеңейтуге, айналым қаражатын толықтыруға бағытталған жобаларды іске асыру үшін берілетін банктің/лизинг компанияларының жаңа кредиттері/лизинг мәмілелері бойынша жүзеге асырылады.

66. Осы Субсидиялау қағидалары шеңберінде бұрын мемлекеттік қолдау алмаған, бұған дейін жоба қаржы агенттігінің қарауына енгізілгенге дейін 2 (екі) жыл ішінде (мерзім алғашқы кредит/лизинг берілген күннен бастап есептеледі) банктер/лизинг компаниялары берген кредиттерді/лизинг мәмілелерін қайта қаржыландыруға бағытталған және осы Субсидиялау қағидаларында көрсетілген өлшемшарттарға сәйкес келетін кредиттер/лизинг мәмілелері де субсидияланады.

Субсидиялау құралы бойынша қаржы агенттігі мақұлдаған әлеуметтік кәсіпкерлік субъектілерінің жобаларын басқа банктерде/лизинг компанияларында бұрын мақұлданған субсидиялау шарттарында қайта қаржыландыруға болады.

Сыйақы мөлшерлемесінің бір бөлігін субсидиялау жүзеге асырылатын жаңа инвестициялық жобаларды, сондай-ақ өндірісті жаңғыртуға, кеңейтуге және франчайзингке бағытталған жобаларды іске асыру мерзімі қаржы агенттігі шешім шығарған күннен бастап 24 (жиырма төрт) айдан аспауға тиіс. Осы Субсидиялау қағидаларында белгіленген мерзім өткеннен кейін қаржы агенттігі шешімінің негізінде 1 (бір) қаржы жылынан аспайтын қосымша мерзім беруге жол беріледі.

67. Сыйақы мөлшерлемесін субсидиялау әлеуметтік кәсіпкерлік шеңберінде мына мақсаттарға:

инвестициялауға (негізгі құралдарды сатып алу, құру және жаңғырту және (немесе) жұмыс істеп тұрған бизнесті кеңейту);

айналым қаражатын толықтыруға (кредиттерге/лизинг мәмілелерге қызмет көрсету бойынша ағымдағы төлемдерді төлеу бойынша есеп айырысуларды жүргізуді және әлеуметтік кәсіпкерлік субъектісінің негізгі қызметті жүзеге асыруына байланысты емес өзге де мақсаттарды қоспағанда) берілетін кредиттер/лизинг бойынша жүзеге асырылады.

68. Қаржы агенттігіне жоба енгізілгенге дейін 12 (он екі) ай ішінде бұрын банктер/лизинг компаниялары берген кредиттер/лизинг мәмілелері де жаңа кредиттерге/лизинг мәмілелерге жатады.

69. Сыйақы мөлшерлемесінің бір бөлігін субсидиялау жүзеге асырылатын барлық қолданыстағы кредиттер/лизинг мәмілелері ескеріле отырып, кредит/лизинг сомасы бір әлеуметтік кәсіпкерлік субъектісі үшін 1,5 миллиард теңгеден аспайды, оның ішінде айналым қаражатын толықтыруға арналған кредит сомасы 500 (бес жүз) миллион теңгені құрайды және онымен үлестес/байланысты тұлғалардың/компаниялардың кредиті/қаржылық лизинг шарты бойынша берешек есепке алынбай есептеледі. Бір әлеуметтік кәсіпкерлік субъектісі үшін айналым қаражатын толықтыруға (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуларды жүргізуді және кәсіпкердің негізгі қызметті жүзеге асыруына байланысты емес өзге де мақсаттарды, осы Субсидиялау қағидаларының 11-тармағы 11) тармақшасына сәйкес салық төлеуді қоспағанда) кредит сомасы 500 (бес жүз) миллион теңгеге дейінгі соманы құрайды және онымен үлестес/байланысты тұлғалардың/компаниялардың кредиті/қаржылық лизинг шарты бойынша берешек есепке алынбай есептеледі.

Субсидиялау кезеңінде дивидендтер төлеуге тыйым салу бойынша талап орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

70. Субсидиялау номиналды сыйақы мөлшерлемесі Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған, оның 7 %-ын әлеуметтік кәсіпкерлік субъектісі төлейтін, ал айырмасын мемлекет субсидиялайтын кредиттер/лизинг бойынша жүзеге асырылады. Жоғарыда көрсетілген сыйақы мөлшерлемелері бекітілгенге дейін мақұлданған жобалар кәсіпкерлер олар бойынша өз міндеттемелерін толық орындағанға дейін қаржы агенттігінің уәкілетті органы бұрын мақұлдаған шарттарда қолданылады.

71. Кредиттер/лизинг мәмілелері бойынша субсидиялау мерзімі 5 (бес) жылды құрайды. Айналым қаражатын толықтыруға бағытталған кредиттерді/лизинг мәмілелерді субсидиялау мерзімі 3 (үш) жылды құрайды. Егер бір жоба бойынша бірнеше субсидиялау шарты жасалса, жалпы субсидиялау мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басынан белгіленеді.

72. Банк/лизинг компаниясы:

1) кәсіпкер бастама жасайтын кредиттеу/қаржылық лизинг шарты талаптарының өзгеруіне байланысты;

5) есеп айырысу-кассалық қызмет көрсету бойынша төлемдерді қоспағанда, кредитке/қаржылық лизинг шартын жасасуға байланысты қандай да бір комиссияларды, алымдарды және (немесе) өзге де төлемдерді алмайды.

Қаржы агенттігі қолданыстағы кредитті/қаржылық лизинг шартын субсидиялау туралы шешім қабылдаған жағдайда банк/лизинг компаниясы кәсіпкерге ағымдағы жылдың басынан бастап қаржы агенттігі ағымдағы жылы шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

5-параграф. "Шағын және орта кәсіпкерлік субъектілерін өңірлік қаржыландыру" бағыты бойынша субсидия беру шарттары

73. "Шағын және орта кәсіпкерлік субъектілерін өңірлік қаржыландыру" (бұдан әрі – өңірлік бағдарлама) бағыты шеңберінде шағын және орта кәсіпкерлік субъектілерін қаржыландыру үшін қаражат бөлу жергілікті бюджеттің аралас қаражаты/қаржы агенттігінің қаражаты/өзге де қаржыландыру көздері есебінен жүргізіледі.

Өңірлік бағдарлама шеңберінде субсидиялау төтенше жағдай/төтенше ахуал енгізілген кезеңде немесе өзге де жағдайларда жергілікті атқарушы органның кәсіпкерлік жөніндегі уәкілетті органмен жазбаша келісуі бойынша жүзеге асырылады.

74. Субсидиялау шарттарын жергілікті атқарушы орган кәсіпкерлік жөніндегі уәкілетті органмен жазбаша түрде келіседі. Жергілікті атқарушы орган субсидиялау шарттарын "Әлеуметтік-кәсіпкерлік корпорация" акционерлік қоғамымен (бұдан әрі – ӘКК) алдын ала келіседі.

75. Шағын және орта кәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін субсидиялау салалық шектеулерсіз жергілікті бюджет қаражаты есебінен жүзеге асырылады.

Республикалық маңызы бар қалаларда/облыс орталықтарында, сондай-ақ Кодекстің 24-бабының 4-тармағында көрсетілген қызмет түрлері бойынша іске асырылатын шағын және орта кәсіпкерлік субъектілерінің жобалары өңірлік бағдарламаға қатысушылар болып табылмайды.

76. Сыйақы мөлшерлемесін өңірлік бағдарлама шеңберінде мына мақсаттарға:

айналым қаражатын толықтыруға (кредиттерге/микрокредиттерге қызмет көрсету бойынша ағымдағы төлемдерді төлеу бойынша есеп айырысуларды жүргізуді және кәсіпкердің негізгі қызметті жүзеге асыруына байланысты емес өзге де мақсаттарды қоспағанда) берілетін кредиттер/микрокредиттер бойынша жүзеге асырылады.

77. Сыйақы мөлшерлемесін субсидиялау банк/МҚҰ тиімді инвестициялық жобаларды, сондай-ақ өндірісті жаңғыртуға, кеңейтуге және франчайзингке бағытталған жобаларды іске асыру үшін беретін кредиттер/микрокредиттер бойынша жүзеге асырылады.

Жоба қаржыландырылған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректердің негізінде жұмыс орындарының орташа жылдық санын сақтауды/ұлғайтуды немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуін ұлғайтуды немесе төленетін салықтардың (корпоративтік табыс салығы/жеке табыс салығы) көлемін 10 %-ға ұлғайтуды көздейтін шағын және орта кәсіпкерлік субъектілерінің жобалары тиімді инвестициялық жобалар, сондай-ақ өндірісті жаңғыртуға, кеңейтуге және франчайзингке бағытталған жобалар деп түсініледі. Кәсіпкерлік субъектілерінің айналым қаражатын толықтыруға бағытталған кредиттеріне/микрокредиттеріне осы тармақта көзделген талаптар қолданылмайды.

Сыйақы мөлшерлемесінің бір бөлігін субсидиялау жүзеге асырылатын тиімді инвестициялық жобаларды, сондай-ақ өндірісті жаңғыртуға, кеңейтуге және франчайзингке бағытталған жобаларды іске асыру мерзімі ӘКК шешім шығарған күннен бастап 24 (жиырма төрт) айдан аспауға тиіс. Осы Субсидиялау қағидаларында белгіленген мерзім өткеннен кейін ӘКК шешімінің негізінде 1 (бір) қаржы жылынан аспайтын қосымша мерзім беруге жол беріледі.

78. Жоба ӘКК-ге енгізілгенге дейін 12 (он екі) ай ішінде банктер/МҚҰ бұрын берген кредиттер/микрокредиттер де жаңа кредиттерге/микрокредиттерге жатады.

79. Сыйақы мөлшерлемесінің бір бөлігін субсидиялау жүзеге асырылатын кредиттің сомасы ӘКК мен жергілікті атқарушы орган арасындағы жазбаша келісімге сәйкес бір шағын және орта кәсіпкерлік субъектісі үшін 500 (бес жүз) миллион теңгеден аспайды және онымен үлестес тұлғалардың/компаниялардың кредиті бойынша берешек есепке алынбай есептеледі.

МҚҰ үшін бір шағын және орта кәсіпкерлік субъектісін қаржыландырудың ең жоғары лимиті 8000 (сегіз мың) айлық есептік көрсеткіштен аспайды.

80. Субсидиялау номиналды сыйақы мөлшерлемесі 8,5 %-дан аспайтын кредиттер/микрокредиттер бойынша ғана жүзеге асырылады, олардың айырмасын ӘКК мен жергілікті атқарушы орган арасындағы жазбаша келісімге сәйкес шағын және орта кәсіпкерлік субъектісі төлейді. Бұл ретте шағын және орта кәсіпкерлік субъектісі төлейтін сыйақы мөлшерлемесі жылдық 1 %-дан кем болмауға тиіс.

81. Кредиттер/микрокредиттер бойынша субсидиялау мерзімі 5 (бес) жылды құрайды. Айналым қаражатын толықтыруға бағытталған кредиттерді/микрокредиттерді субсидиялау мерзімі субсидиялау мерзімін ұзарту құқығынсыз 3 (үш) жылды құрайды. Егер бір жоба бойынша бірнеше субсидиялау шарты жасалса, субсидиялаудың жалпы мерзімі ӘКК бірінші субсидиялау шартына қол қойған кезден бастап белгіленеді.

82. Өңірлік бағдарлама шеңберінде банк/МҚҰ:

1) шағын және орта кәсіпкерлік субъектісі бастама жасайтын кредиттеу/микрокредиттеу талаптарының өзгеруіне байланысты;

2) шағын және орта кәсіпкерлік субъектісінің кредит/микрокредит бойынша міндеттемелерін бұзуына байланысты өндіріп алынатындарды қоспағанда, кредитке байланысты қандай да бір комиссияларды, алымдарды және (немесе) өзге де төлемдерді алмайды.

83. ӘКК қолданыстағы кредитті/микрокредитті субсидиялау туралы шешім қабылдаған жағдайда банк/МҚҰ шағын және орта кәсіпкерлік субъектісіне ағымдағы жылдың басынан бастап ӘКК ағымдағы жылы шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

Бұл ретте осы комиссиялар, алымдар және/немесе өзге де төлемдер шағын және орта кәсіпкерлік субъектісіне барлық тараптар бірінші субсидиялау шартына нақты қол қойған күннен бастап 3 (үш) ай ішінде өтелуге тиіс.

6-параграф. Субсидия беру үшін қатысушылардың өзара іс-қимыл жасасуы

84. Кәсіпкер банкке/МҚҰ-ға/лизинг компаниясына:

1) жаңа кредит/микрокредит/қаржылық лизинг шарты, оның ішінде "жасыл" жобаны іске асыруға арналған кредит бойынша осы Субсидиялау қағидаларына сәйкес келетін шарттарда банктің/МҚҰ-ның/лизинг компаниясының ішкі нормативтік құжаттарында бекітілген нысан бойынша кредит/микрокредит/лизинг беруге арналған өтінішпен;

2) қолданыстағы кредит/микрокредит/қаржылық лизинг шарты, оның ішінде "жасыл" жобаны іске асыруға арналған кредит бойынша осы Субсидиялау қағидаларына 5-қосымшаға сәйкес нысан бойынша өтінішпен жүгінеді.

85. Банк/МҚҰ/лизинг компаниясы жобаның қаржылық-экономикалық тиімділігіне бағалау жүргізеді және кредит/микрокредит/лизинг беру немесе кредит/микрокредит/лизинг бойынша сыйақы мөлшерлемесін осы Субсидиялау қағидаларында белгіленген мөлшерге дейін төмендету туралы оң шешім болған жағдайда қаржы агенттігіне хабарлай отырып, 3 (үш) жұмыс күні ішінде кәсіпкерге жазбаша жауап жолдайды.

86. Осы Субсидиялау қағидалары шеңберінде "жасыл" жобаны іске асыру үшін берілген кредиттер бойынша сыйақы мөлшерлемесін субсидиялау мүмкіндіктерін пайдалану мақсатында жобаны қарау кезінде оны "жасыл" таксономияның белгілі бір кіші секторына жатқызу жобаның мәлімделген мақсатына және жобаны іске асыру жоспарланып отырған экономикалық қызмет түріне сәйкес жүргізіледі. "Жасыл" таксономияның тиісті кіші секторы бойынша межелі шектеулер болмаған жағдайда қаралып отырған жобаны "жасыл" таксономияның белгілі бір кіші секторына жатқызуды банк өзі жүргізеді. Осы Субсидиялау қағидалары шеңберінде қарыз алушыға қаржылық қолдау алуға жәрдемдесу мақсатында банк қарыз алушыны қаржы агенттігіне жібереді және осы қолдауды алу шарттарын түсіндіреді, оның ішінде қаржы агенттігіне қаралатын жобаның "жасыл" таксономияның межелі шектеуіне сәйкестігі туралы сыртқы бағалау провайдерінің қорытындысын ұсыну қажет болуы мүмкін екенін хабарлайды.

"Жасыл" таксономияда қаралатын жоба жататын белгілі бір кіші сектор бойынша межелі шектеу көзделген жағдайларда өтініш берушінің қаржы агенттігіне сыртқы бағалау провайдерінің/энергия-аудиторлық ұйымның іске асырылуы көзделіп отырған немесе іске асырылып жатқан жобаның "жасыл" таксономияның шекті мәніне сәйкестігі туралы қорытындысын ұсынуы осы Субсидиялау қағидалары шеңберінде қаржылай қолдау алудың міндетті шарты болып табылады.

Сыртқы бағалау провайдерлерінің жобалардың "жасыл" таксономияның шекті мәндеріне сәйкестігі санаттары бойынша жекелеген ережелері, олар дайындайтын қорытындылардың форматы мен мазмұнына қойылатын талаптар осы Субсидиялау қағидаларының 10-параграфында белгіленеді. "Жасыл" таксономияны қолдану қаулымен бекітілген "жасыл" облигациялар және "жасыл" кредиттер арқылы қаржыландыруға жататын "жасыл" жобалардың жіктеуішіне сәйкес жүзеге асырылады.

Сертификаттау/таңбалау ("жасыл" таксономияда көрсетілген "жасыл" құрылыс, энергия тиімділігі, органикалық өнім өндіру, көлік саласындағы стандарттар мен таңбалаудың талаптарына сәйкестікті растау) шекті өлшемшарт болған жағдайларда растау үшін (сыртқы бағалау провайдерінің қорытындысына балама) тиісті сертификаттарды/таңбалауды ұсыну жеткілікті. Cыртқы бағалау провайдерінің қорытындысын алу көзделіп отырған жоба бойынша стандарттарға, таңбалауға және талаптарға жоспарлы сәйкестік мәлімделетін жағдайларда ғана талап етіледі. Кейіннен осы стандарттарға, таңбалауға және талаптарға сәйкестікті куәландыратын сертификаттар мен құжаттардың көшірмелері қаржыландырудың нысаналы пайдаланылуын растайды.

87. Банктің/МҚҰ-ның/лизинг компаниясының оң шешімі бар кәсіпкер қаржы агенттігіне осы Субсидиялау қағидаларына 6-қосымшаға сәйкес нысан бойынша өтініш-сауалнамамен жүгінеді, оған мыналар қоса беріледі:

1) заңды тұлғаны мемлекеттік тіркеу (қайта тіркеу) туралы анықтама (кәсіпкердің қолымен және мөрімен (бар болса) расталған көшірмесі), кәсіпкерді мемлекеттік тіркеу туралы хабарлама;

2) мыналарды:

қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға төленетін салықтарды (корпоративтік табыс салығын/жеке табыс салығын) ұлғайту, сондай-ақ жұмыс орындарын сақтай отырып еңбекақы төлеу қорының өсуіне қол жеткізу немесе жұмыс орындарының орташа жылдық санын ұлғайту кезеңдері (осы абзацтың талабы "Шағын және орта кәсіпкерлікті қолдау" бағыты шеңберінде қатысуға өтініш берілген жағдайларға қолданылады);

қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға төленетін салықтарды (корпоративтік табыс салығын/жеке табыс салығын) ұлғайту, сондай-ақ жұмыс орындарын сақтай отырып еңбекақы төлеу қорының өсуіне қол жеткізу және жұмыс орындарының орташа жылдық санын ұлғайту кезеңдері (осы абзацтың талабы "Шағын, орта және ірі кәсіпкерлікті қолдау" бағыты шеңберінде қатысуға өтініш берілген жағдайларға қолданылады);

сомасы 3 (үш) миллиард теңгеден асатын "Шағын, орта және ірі кәсіпкерлікті қолдау" бағыты шеңберіндегі жобалар бойынша 3 (үш) жыл өткеннен кейін кәсіпкердің – шағын кәсіпкерлік субъектісінің Кодекстің 24-бабында көзделген көрсеткіштерге сәйкес орта кәсіпкерлік субъектісі санатына ауысуы;

"Моно және шағын қалаларда, ауылдық елді мекендерде кәсіпкерлікті қолдау" бағыты бойынша: қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға төленетін салықтарды (корпоративтік табыс салығын/жеке табыс салығын) ұлғайту, сондай-ақ жұмыс орындарын сақтай отырып еңбекақы төлеу қорының өсуіне қол жеткізу немесе жұмыс орындарының орташа жылдық санын ұлғайту кезеңдері;

"Шағын және орта кәсіпкерлікті қолдау", "Шағын, орта және ірі кәсіпкерлікті қолдау", "Моно және шағын қалалардағы, ауылдық елді мекендердегі кәсіпкерлікті қолдау", "Шағын және орта кәсіпкерлік субъектілерін өңірлік қаржыландыру", әлеуметтік кәсіпкерлік бағыттары шеңберінде инвестициялық жобаларды 24 (жиырма төрт) айдан аспайтын мерзімде іске асыру шарты көрсетілген кәсіпкер жобасының бизнес-жоспары;

3) тауарлардың бір Еуразиялық экономикалық одаққа мүше мемлекеттің аумағынан екінші Еуразиялық экономикалық одаққа мүше мемлекеттің аумағына өткізілуін растайтын тауарға ілеспе құжаттардың көшірмелері (бар болса);

4) сыртқы бағалау провайдерінің "жасыл" жоба бойынша қорытындысы/сертификат ("жасыл" таксономияда қаралып отырған жоба жататын белгілі бір кіші сектор бойынша межелі шектеу көзделген жағдайда "жасыл" жобаны іске асыру мақсатында кредит алуға өтініш берілген кезде) қоса беріледі.

Кәсіпкер өңірлік/жергілікті үйлестірушіге өтінім дайындау және құжаттар жинау мәселелері бойынша консультациялық қолдау алу үшін жүгінеді.

Кәсіпкер өтінім берген кезде сұратылып отырған кезең үшін салық берешегінің жоқ екені туралы анықтаманың болуы талап етіледі;

5) осы Субсидиялау қағидаларына 4-қосымшаға сәйкес экономикалық қызметтің негізгі (басым) түрлерінің тізбесі шеңберінде іске асырылатын жобалар бойынша субсидиялау кезеңінде дивидендтер төлеуге тыйым салу бойынша талап қойылады;

6) сомасы 500 (бес жүз) миллион теңгеден асатын жобалар бойынша субсидиялау кезеңінде дивидендтер төлеуге тыйым салу бойынша талап қойылады;

7) сауда орталықтарын/заманауи форматтағы сауда объектілерін/сауда қызметіндегі көпфункционалды кешендерді салу, кеңейту жобалары бойынша мынадай:

осы Субсидиялау қағидаларының шарттарына сәйкес сауда алаңында және (немесе) сөре кеңістігінде отандық өндіріс тауарларын орналастыру;

объектінің аумағында тізбесі "Әлеуметтік маңызы бар азық-түлік тауарларының тізбесін бекіту туралы" Қазақстан Республикасы Премьер-Министрінің орынбасары – Сауда және интеграция министрінің 2023 жылғы 11 мамырдағы № 166-НҚ бұйрығымен бекітілген (нормативтік құқықтық актілерді мемлекеттік тіркеу тізілімінде № 32474 болып тіркелген) азық-түлік тауарларын, оның ішінде әлеуметтік маңызы бар тауарларды өткізу жөніндегі талаптар қойылады;

8) инвестициялық мақсаттарға бағытталған, қарыз сомасы 10 (он) миллиард теңгеден асатын кредиттер/қаржылық лизинг бойынша мыналар қоса беріледі:

өтініш беруші бекіткен жоба бойынша бизнес-жоспар, онда соңғы екі жылдағы ретроспективті деректер (бар болса), қаржыландырудың барлық мерзіміне болжамды деректер және жобаны іске асырудың жоспар-графигі сияқты қаржылық көрсеткіштер қамтылады;

жоба бойынша банктің/лизинг компаниясының кредиттік (сараптамалық) қорытындысы, онда қаржылық көрсеткіштер қамтылады;

бизнес-жоспарда ұсынылған мәліметтерді растайтын және түсіндіретін құжаттар (маркетингтік зерттеулердің нәтижелері, тауар үлгілерінің фотосуреттері, келісімшарттар мен шарттар, рұқсаттар, ұсынымдар, басқа ұйымдардың қолдаухаттары – кадрлық (дағдылар мен кәсіптік іскерліктер, бизнес-идеяның кәсіпкердің білімі мен іскерлігіне қаншалықты жауап беретіні), кәсіпкердің қаржылық есептілігі баптарының деректері толық жазылған қаржылық есептер (бар болса). Қажет болған жағдайда қаржы агенттігі кәсіпкерден/банктен/лизинг компаниясынан кәсіпкердің жобасы бойынша қосымша материалдар сұратады;

өтініш беруші бекіткен жобаның паспорты (мына ақпаратты қоса алғанда: өтініш берушінің толық атауы; заңды мекенжайы (индекс, облыс, қала/аудан, елді мекен, көше, телефон); бірінші басшы (тегі, аты, әкесінің аты (бар болса), лауазымы, жұмыс/ұялы телефон нөмірі, электрондық мекенжайы); өтініш берушінің мемлекеттік тіркелген (қайта тіркелген) нөмірі мен күні; өтініш берушінің бизнес сәйкестендіру нөмірі немесе жеке сәйкестендіру нөмірі; саланың, кіші саланың атауы; қызметтің негізгі түрі (ЭҚЖЖ кодын көрсете отырып); 3 (үш) жыл ішінде заттай мәнде шығарылатын өнім номенклатурасы; өтініш берушінің белгіленген қуаты (заттай және ақшалай мәнде); қуаттардың ағымдағы жүктемесі (пайыз); өндірістік жабдықтың ағымдағы тозуы (пайыз); ағымдағы еңбек өнімділігі (мың теңге/адам және мың АҚШ доллары/адам);

9) кредит/қаржылық лизинг шарты сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша кәсіпкерге 7 (жеті) жылға дейінгі мерзіммен 8 % мөлшерлеме белгіленеді ("Шағын және орта кәсіпкерлікті қолдау", "Шағын, орта және ірі кәсіпкерлікті қолдау" бағыттары шеңберіндегі жобалар бойынша);

10) банктің/МҚҰ-ның/лизинг компаниясының оң шешімі (банк/МҚҰ/лизинг компаниясы шешімінің хаттамасынан үзінді).

88. Кәсіпкердің жобасы және (немесе) ұсынылған материалдар осы Субсидиялау қағидаларының шарттарына сәйкес келмеген және (немесе) құжаттар топтамасы толық ұсынылмаған не белгіленген нысандарға сәйкес келмейтін құжаттар ұсынылған жағдайда қаржы агенттігі 1 (бір) жұмыс күні ішінде ұсынылған құжаттар бойынша нақты кемшіліктерді көрсете отырып, банкке/МҚҰ-ға/лизинг компаниясына/кәсіпкерге ұсынылған құжаттарды пысықтау үшін қайтарады.

Кәсіпкер және (немесе) ұсынылған материалдар осы Субсидиялау қағидаларының шарттарына сәйкес келген және (немесе) құжаттар топтамасы бойынша кемшіліктер болмаған жағдайда қаржы агенттігі құжаттар топтамасын алғаннан кейін төртінші жұмыс күні кәсіпкердің жобасын қаржы агенттігі уәкілетті органының отырысына шығарады.

Инвестициялық мақсаттарға бағытталған, қарыз сомасы 10 (он) миллиард теңгеден асатын кредиттер/қаржылық лизинг бойынша қаржы агенттігі салалық қорытынды алу үшін тиісті салалық орталық уәкілетті органға сұрау салу жібереді.

Тиісті орталық уәкілетті мемлекеттік органдар салалық қорытындыны қаржы агенттігінен сұрау салу келіп түскен күннен бастап 10 (он) жұмыс күні ішінде ұсынады.

Қажет болған жағдайда орталық уәкілетті мемлекеттік орган жеке кәсіпкерлік субъектісінен қосымша ақпаратты/құжаттарды сұратады.

Қаржы агенттігі жоба осы Субсидиялау қағидаларының 1-тарауы 11, 12 және 13-тармақтарында, 2-тарауының 1, 2, 3, 4, 5, 6, 8, 9, 10 және 11-параграфтарында көрсетілген шарттарға сәйкес келмеген жағдайда дәлелді негіздемесімен субсидия беруден бас тартады.

89. Отырыстар өткізу тәртібі, қаржы агенттігінің уәкілетті органы мүшелерінің саны қаржы агенттігінің уәкілетті органы бекітетін ішкі нормативтік құжаттарда айқындалады.

90. Қаржы агенттігінің уәкілетті органы жобаларды тиісті қаржы жылы субсидиялау үшін бюджет қаражаты болған жағдайда ғана қарайды.

91. Қаржы агенттігінің уәкілетті органы кәсіпкердің жобасын құжаттар топтамасы бар ақпарат және қарыз сомасы 10 (он) миллиард теңгеден асатын инвестициялық мақсаттарға бағытталған кредиттер/қаржылық лизинг бойынша салалық қорытынды келіп түскен күннен бастап 5 (бес) жұмыс күні ішінде қарайды. Бұл ретте қаржы агенттігінің уәкілетті органы оң шешім қабылдаған жағдайда шешімде:

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға бюджетке төленетін салықтарды (корпоративтік табыс салығын/жеке табыс салығын) ұлғайту, сондай-ақ жұмыс орындарын сақтай отырып еңбекақы төлеу қорының өсуіне қол жеткізу немесе жұмыс орындарының орташа жылдық санын ұлғайту бойынша кәсіпкерлердің міндеттемесі (кәсіпкерлердің "Шағын және орта кәсіпкерлікті қолдау", "Моно және шағын қалаларда, ауылдық елді мекендерде кәсіпкерлікті қолдау" бағыты шеңберіндегі жобалары бойынша);

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға бюджетке төленетін салықтарды (корпоративтік табыс салығын/жеке табыс салығын) ұлғайту, жұмыс орындарын сақтай отырып еңбекақы төлеу қорының өсуіне қол жеткізу, жұмыс орындарының орташа жылдық санын ұлғайту бойынша кәсіпкерлердің міндеттемесі (кәсіпкерлердің "Шағын, орта және ірі кәсіпкерлікті қолдау" бағыты шеңберіндегі жобалары бойынша);

субсидиялау кезеңінде дивидендтер төлеуге тыйым салу бойынша талап;

кәсіпкер ұсынатын сыртқы бағалау провайдерінің қорытындысы негізінде жобаны субсидиялау басталғаннан кейін 2 (екі) жыл өткен соң көзделіп отырған "жасыл" жоба бойынша мәлімделген "жасыл" таксономияның шекті өлшемшарттарында:

1) энергия тұтынуды төмендетудің нақты ең төмен мәндері;

2) парниктік газдар шығарындыларының ең төмен деңгейі;

3) қалдықтардың үлесін/кәдеге жаратылуын азайту;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкестік (шекті өлшемшартта көрсетілген бөлігінде) көзделген жағдайларда кәсіпкердің "жасыл" жоба бойынша осы шекті өлшемшарттарға қол жеткізу жөніндегі міндеттемесі;

"Шағын және орта кәсіпкерлікті қолдау", "Шағын, орта және ірі кәсіпкерлікті қолдау", "Моно және шағын қалалардағы, ауылдық елді мекендердегі кәсіпкерлікті қолдау" бағыттары шеңберінде кәсіпкерлердің инвестициялық жобаларды іске асыру мерзімін 24 (жиырма төрт) айдан асырмау міндеттемесі;

кредит/қаржылық лизинг шарты сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша 7 (жеті) жылға дейінгі мерзіммен 8 % мөлшерлеме көрсетіледі.

92. Қаржы агенттігінің уәкілетті органы сауда орталықтарын/заманауи форматтағы сауда объектілерін/сауда қызметіндегі көпфункционалды кешендерді салу, кеңейту жобалары бойынша оң шешім қабылдаған жағдайда шешімде қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде 10 %-ға төленетін салықтарды (корпоративтік табыс салығын/жеке табыс салығын) ұлғайту, жұмыс орындарын сақтай отырып еңбекақы төлеу қорының өсуіне қол жеткізу, жұмыс орындарының орташа жылдық санын ұлғайту, "Қазақстанда жасалған" таңбасы бар азық-түлік және азық-түлік емес тауарларды өткізу үшін сауда орындарының болуы, сондай-ақ объектінің аумағында азық-түлік тауарларын, оның ішінде әлеуметтік маңызы бар тауарларды өткізу бойынша кәсіпкерлердің міндеттемелері көрсетіледі.

93. Қаржы агенттігінің уәкілетті органы сомасы 500 (бес жүз) миллион теңгеден асатын кредиттер бойынша оң шешім қабылдаған жағдайда шешімде субсидиялау кезеңінде дивидендтер төлеуге тыйым салу көрсетіледі.

Қаржы агенттігінің уәкілетті органы шағын кәсіпкерлік субъектісінің сомасы 3 (үш) миллиард теңгеден асатын жобалары бойынша оң шешім қабылдаған жағдайда шешімде Кодекстің 24-бабында көзделген көрсеткіштерге сәйкес 3 (үш) жыл өткеннен кейін кәсіпкердің орта кәсіпкерлік субъектісінің санатына ауысу шарты көрсетіледі.

Кәсіпкер осы тармақтың талаптарын орындамаған жағдайда субсидия төлеу тоқтатылады.

94. Қаржы агенттігінің уәкілетті органы шешім қабылдағаннан кейін қаржы агенттігі 1 (бір) жұмыс күні ішінде хаттама ресімдеп, оған қол қояды және шешім оң болған жағдайда банкке/МҚҰ-ға/лизинг компаниясына және кәсіпкерге осы Субсидиялау қағидаларына 7-қосымшаға сәйкес нысан бойынша ілеспе хатпен хаттамадан үзінді, шешім теріс болған жағдайда осы Субсидиялау қағидаларына 8-қосымшаға сәйкес нысан бойынша ілеспе хатпен (бұдан әрі – тиісті хат) хаттамадан үзінді жібереді.

95. Қаржы агенттігінің уәкілетті органы оң шешімінің қолданылу мерзімі қаржы агенттігінің уәкілетті органы шешім қабылдаған күннен бастап 6 (алты) айды құрайды.

Бұл ретте 2018 жылғы 27 қаңтарға дейін мақұлданған жобалар бойынша субсидиялау шарттары өңірлік үйлестіру кеңесі хаттамасының қолданылу мерзімі аяқталғанға дейін бұрын мақұлданған шарттарда жасалады.

7-параграф. Кәсіпкердің "электрондық үкімет" веб-порталы арқылы электрондық өтінім беруі

96. Кәсіпкер осы Субсидиялау қағидаларына 6-қосымшаға сәйкес нысан бойынша "электрондық үкімет" веб-порталы арқылы электрондық өтінім береді, оған мыналар қоса беріледі:

1) кәсіпкердің жобаны іске асыру бизнес-жоспары не жоба бойынша сараптамалық қорытынды (банктің/МҚҰ-ның/лизинг компаниясының тиісті жұмыскерінің техникалық-экономикалық қорытындысы/экономикалық қорытындысы, бұл құжаттар болмаған жағдайда жобаның мәнін ашатын басқа құжаттар), сондай-ақ жоба тиімділігінің орындалу кезеңдері (кәсіпкер жобасының бизнес-жоспарында саланың, кіші саланың атауы; қызметтің негізгі түрі (ЭҚЖЖ кодын көрсете отырып); 3 (үш) жыл ішінде заттай мәнде шығарылатын өнім номенклатурасы; өтініш берушінің белгіленген қуаты (заттай және ақшалай мәнде); қуаттардың ағымдағы жүктемесі (пайыз); өндірістік жабдықтың ағымдағы тозуы (пайыз); ағымдағы еңбек өнімділігі (мың теңге/адам және мың АҚШ доллары/адам) көрсетіледі);

2) тауарлардың бір Еуразиялық экономикалық одаққа мүше мемлекеттің аумағынан екінші Еуразиялық экономикалық одаққа мүше мемлекеттің аумағына өткізілуін растайтын тауарға ілеспе құжаттардың көшірмелері (бар болса);

3) осы Субсидиялау қағидалары шеңберінде қатысуға мүмкіндік беретін шарттарда кредит беру/қаржылық лизинг шартын жасасу немесе кәсіпкердің кредиті/микрокредиті/қаржылық лизинг шарты бойынша сыйақы мөлшерлемесін азайту мүмкіндігі туралы оң шешімі бар банк/МҚҰ/лизинг компаниясы хатының сканерленген көшірмесі;

4) сыртқы бағалау провайдері қорытындысының/сертификаттың сканерленген көшірмесі ("жасыл" таксономияда қаралып отырған жоба жататын белгілі бір кіші сектор бойынша межелі шектеу көзделген жағдайда "жасыл" жобаны іске асыру мақсатында кредит алуға өтініш берілген кезде).

97. Шағын және орта кәсіпкерлік субъектісі/жеке кәсіпкерлік субъектісі жөніндегі, оның ішінде заңды тұлғаны мемлекеттік тіркеу/қайта тіркеу туралы анықтама және дара кәсіпкерді тіркеу туралы хабарлама, кәсіпкерлік субъектісінің санаты жөніндегі мәліметтер, бюджетке төленетін міндетті төлемдер бойынша берешегінің жоқ екені туралы мәліметтер автоматты түрде "электрондық үкімет" шлюзі арқылы тиісті мемлекеттік ақпараттық жүйелерде айқындалады.

98. Кәсіпкер құжаттардың топтамасын толық ұсынбаған жағдайда ақпараттық жүйе оның өтінімін тіркеуге қабылдамайды.

99. Кәсіпкердің электрондық өтінімі ақпараттық жүйе арқылы мақұлданған жағдайда:

1) тіркелген өтінім осы Субсидиялау қағидаларының шарттарына сәйкестігі тұрғысынан қарау үшін қаржы агенттігіне жіберіледі;

2) қаржы агенттігі кәсіпкерден түскен өтінімді қарайды.

100. Қаржы агенттігі материалдарды өтінім тіркелген күннен бастап 5 (бес) жұмыс күні ішінде қарайды.

101. Кәсіпкер және (немесе) ұсынылған материалдар осы Субсидиялау қағидаларының шарттарына сәйкес келмеген жағдайда қаржы агенттігі дәлелді бас тарту жібереді.

102. Кәсіпкер және (немесе) ұсынылған материалдар осы Субсидиялау қағидаларының шарттарына сәйкес келген жағдайда толық құжаттар топтамасы бар электрондық өтінім қаржы агенттігі уәкілетті органының қарауына жіберіледі.

103. Қаржы агенттігі уәкілетті органының кәсіпкерлердің өтінімдерін қарауы осы Субсидиялау қағидаларының 6-параграфына сәйкес жүзеге асырылады.

104. Қаржы агенттiгi уәкiлеттi органының шешiмi қолданылу мерзімі қаржы агенттігінің уәкiлеттi органы шешiм қабылдаған күннен бастап 6 (алты) ай болатын тиiстi хаттамамен ресiмделедi.

105. Қаржы агенттігі ақпараттық жүйе арқылы тиісті хатпен хаттамадан үзінді жүктейді және 3 (үш) жұмыс күні ішінде электрондық цифрлық қолтаңбамен куәландырылған электрондық құжат нысанында кәсіпкердің "жеке кабинетіне" жібереді. Қаржы агенттігі осымен бір мезгілде банкке/МҚҰ-ға/лизингік компанияға ілеспе хатпен хаттамадан үзінді жібереді.

106. Қатысушылардың субсидия ұсыну кезіндегі одан арғы өзара іс-қимылы осы Субсидиялау қағидаларының 8-параграфына сәйкес жүзеге асырылады.

8-параграф. Кредиттер/микрокредиттер/қаржылық лизинг шарттары бойынша субсидиялау тетігі

107. Банк/МҚҰ/лизинг компаниясы қаржы агенттігінен қаржы агенттігі уәкілетті органының шешімін алғаннан кейін және субсидиялау туралы шешім оң болған кезде қаржы агенттігі, банк/МҚҰ/лизинг компаниясы және кәсіпкер арасында субсидиялау шарты жасалады, оған сәйкес қаржы агенттігі банкке/МҚҰ-ға/лизинг компаниясына субсидиялау шартына өтеу графигіне сәйкес сыйақы мөлшерлемесінің бір бөлігін төлейді.

108. Банк/МҚҰ/лизинг компаниясы осы Субсидиялау қағидаларының шеңберінде қолданыстағы кредит/микрокредит/лизинг бойынша субсидиялау шартына қол қойылған/кәсіпкер өтінішін берген кезге дейін кәсіпкердің банктік қарыз шартында/микрокредит бойынша шартында/қаржылық лизинг шартында көзделген негізгі борыш пен сыйақыны уақтылы өтеу жөніндегі міндеттемелерді орындамағаны үшін айыппұлдар мен өсімпұлдарды есептен шығарады, ал жаңа/қолданыстағы кредиттер/микрокредиттер/қаржылық лизинг шарттары бойынша банк/МҚҰ/лизинг компаниясы кәсіпкерден:

1) кәсіпкер бастама жасайтын кредиттеу/микрокредиттеу/қаржылық лизинг шарты талаптарының өзгеруіне байланысты;

2) кәсіпкердің кредит/микрокредит/қаржылық лизинг шарты бойынша міндеттемелерін бұзуына байланысты өндіріп алынатындарды;

4) қаржылық лизинг шартын орындауға байланысты (бөгде ұйымдардың кедендік тазарту сияқты көрсетілетін қызметтерін, арнаулы органдардың лизинг нысанасын тіркеуі бойынша көрсетілетін қызметтерді, банктердің көрсетілетін қызметтерін өтеу) төлемдерді қоспағанда, кредитке/лизингке байланысты комиссияларды, алымдарды және/немесе өзге де төлемдерді алмауға және белгілемеуге міндеттенеді.

109. Субсидиялау шартын:

1) банк/МҚҰ/лизинг компаниясы:

қаржы агенттігінен хаттама/шешім алған кезден бастап 10 (он) жұмыс күні ішінде;

2) қаржы агенттігі:

банктен/МҚҰ-дан/лизинг компаниясынан субсидиялау шартын алған кезден бастап 3 (үш) жұмыс күні ішінде жасасады.

Субсидиялау шарты қағаз жеткізгіште/электрондық нысанда жасалады, бұл ретте субсидиялау шартының электрондық нысанына Қазақстан Республикасының электрондық құжат және электрондық цифрлық қолтаңба туралы заңнамасына сәйкес электрондық цифрлық қолтаңба қойылады.

110. Тиісті уәкілетті органнан/өңірлік үйлестірушіден субсидиялау үшін бюджет қаражаты болмаған жағдайда субсидиялау шартына қол қойылмайды. Қаржы агенттігі қосылу шарты бойынша төлемдер графигін келіспейді/кәсіпкердің өтінішін қабылдамайды.

111. Егер банк/лизинг компаниясы осы Субсидиялау қағидаларының 109-тармағының 1) тармақшасында белгіленген мерзімдерде субсидиялау шартын уақтылы жасаспаса, банк/МҚҰ/лизинг компаниясы кідірту себептерін түсіндіре отырып, қаржы агенттігін ресми хатпен хабардар етеді.

112. Егер банктік қарыз шартының/микрокредит бойынша шарттың/қаржылық лизинг шартының және/немесе субсидиялау шартының талаптары қаржы агенттігі уәкілетті органының шешіміне, осы Субсидиялау қағидаларының талаптарына сәйкес келмесе, қаржы агенттігі субсидиялау шартына қол қоймайды. Бұл ретте қаржы агенттігі банкті/МҚҰ-ны/лизинг компаниясын және кәсіпкерді 1 (бір) жұмыс күні ішінде бұл туралы хабардар етеді.

113. Банк/МҚҰ/лизинг компаниясы ескертулерді жойған жағдайда қаржы агенттігі субсидиялау шартына қол қояды.

114. Банк/МҚҰ/лизинг компаниясы қаржы агенттігінің ескертулерімен келіспеген жағдайда қаржы агенттігі банктің/МҚҰ-ның/лизинг компаниясының келіспеу себептері түсіндірілген ресми хат келіп түскен күннен бастап 5 (бес) жұмыс күні ішінде түпкілікті шешім қабылдау үшін осы мәселені қаржы агенттігі уәкілетті органының қарауына шығарады.

115. Субсидиялау шарты кәсіпкер, банк/МҚҰ/лизинг компаниясы және қаржы агенттігі қол қойған күнінен бастап күшіне енеді. Бұл ретте субсидиялау шартында субсидиялау мерзімінің басталуы субсидиялау шартына қол қойылған күнге дейін күнтізбелік 30 (отыз) күннен аспайтын, бірақ қаржы агенттігі шешім қабылдаған күннен ерте болмайтын мерзімге белгіленуі мүмкін.

Осы тармақ осы Субсидиялау қағидалары бекітілген күннен бастап мақұлданған жобаларға қолданылады.

116. Сыйақы мөлшерлемесінің субсидияланатын бір бөлігін төлеу күнін кәсіпкер, банк/МҚҰ/лизинг компаниясы өзі айқындайды. Егер кредит/микрокредит/лизинг бойынша сыйақыны есептеу қаржы агенттігі қол қойған субсидиялау шартында көрсетілген субсидиялау мерзімі басталған күннен кейінгі күннен басталса, субсидиялау мерзімі басталған бірінші күн субсидиялау кезеңіне қосылмайды.

117. Қаржы агенттігі субсидиялау шартына қол қойғаннан кейін субсидия төлейді.

Жобалар бойынша субсидиялар тиісті өңірлік үйлестірушінің/кәсіпкерлік жөніндегі уәкілетті органның қаражаты болған кезде төленеді.

118. Қосылу шарты бойынша кредиттер/қаржылық лизинг шарттары бойынша сыйақы мөлшерлемесінің бір бөлігі субсидияланған жағдайда кәсіпкер қаржы агенттігінің уәкілетті органы оң шешімінің қолданылу мерзімі 6 (алты) айды құрайтын мерзім ішінде кәсіпкердің өтінішіне қол қояды және банкке/лизинг компаниясына ұсынады. Банк/лизинг компаниясы кәсіпкердің қолы қойылып банктік қарыз/қаржылық лизинг шарты қоса берілген өтінішін және қосылу шарты бойынша төлемдер графигін қаржы агенттігінің уәкілетті органы шешім қабылдаған күннен бастап 6 (алты) ай ішінде қаржы агенттігіне жібереді.

Қаржы агенттігі субсидиялау үшін қаражат болған кезде кәсіпкердің банктік қарыз/қаржылық лизинг шарты қоса берілген өтінішін және қосылу шарты бойынша төлемдер графигін толтырылған субсидиялау шарттарының қаржы агенттігі уәкілетті органының шешіміне сәйкестігі тұрғысынан қарайды, сондай-ақ қосылу шартына төлемдер графигін сыйақының субсидияланатын бөлігіндегі есеп-қисаптың дұрыстығы тұрғысынан келіседі және кәсіпкердің өтінішін алған күннен бастап 3 (үш) жұмыс күні ішінде жауапты жұмыскердің қолымен растайды.

Ескертулер болған жағдайда қаржы агенттігі кәсіпкердің банктік қарыз/қаржылық лизинг шарты қоса берілген өтінішін және қосылу шарты бойынша төлемдер графигін 1 (бір) жұмыс күні ішінде қайтарады.

119. Субсидия банк/лизинг компаниясы ұсынған және қаржы агенттігі келіскен қосылу шарты (субсидияланатын және субсидияланбайтын сыйақы мөлшерлемесінің бір бөлігін көрсете отырып) бойынша төлемдер графигінің негізінде төленеді.

120. Қосылу шартының төлемдер графигі бойынша субсидиялау мерзімі банк/лизинг компаниясы және кәсіпкер төлемдер графигіне қол қойған күнге дейін кемінде күнтізбелік 30 (отыз) күн бұрын белгіленеді. Бұл ретте қосылу шарты бойынша кейінгі төлем графиктері кәсіпкердің өтінішінсіз ұсынылады.

121. Жобалар бойынша субсидия тиісті өңірлік үйлестірушіден/кәсіпкерлік жөніндегі уәкілетті органнан қаражат болған кезде төленеді.

122. Қосылу шарты бойынша сыйақы мөлшерлемесінің субсидияланатын бір бөлігін төлеу күнін кәсіпкер, банк/лизинг компаниясы өзі айқындайды. Егер кредит/лизинг бойынша сыйақыны есептеу қаржы агенттігі қол қойған қосылу шарты төлемдер графигінде көрсетілген субсидиялау мерзімі басталған күннен кейінгі күннен басталса, субсидиялау мерзімі басталған бірінші күн субсидиялау кезеңіне қосылмайды.

123. Банк қаржы агенттігіне субсидиялар сомасын аударуға арналған ағымдағы шот ашады.

124. Заңды тұлғалардың банктік шоттарын ашуға және жүргізуге құқығы жоқ лизинг компаниялары/МҚҰ қаржы агенттігімен келісу бойынша банк-төлем агентін айқындайды, онда лизинг компаниясы/МҚҰ субсидияларды аударуға арналған ағымдағы шот ашады.

125. Өңірлік үйлестіруші сыйақы мөлшерлемесін субсидиялау үшін көзделген қаражат түскен кезден бастап 10 (он) жұмыс күні ішінде қаржы агенттігіне тиісті қаржы жылы осы Субсидиялау қағидаларын іске асыруға бөлінген соманың 50 %-ы мөлшерінде қаржы агенттігі көрсеткен шотқа қаражат аударады. Бұдан кейінгі төлемдер қаржы агенттігінің өтінімдеріне сәйкес жүзеге асырылатын болады.

126. Осы Субсидиялау қағидаларын іске асыру шеңберінде қаржы агенттігіне қаражатты кәсіпкерлік жөніндегі уәкілетті орган қаржы агенттігінің арнайы шотына қаражат аударуға арналған шартқа сәйкес аударады.

127. Субсидиялау үшін көзделген қаражатты қаржы агенттігі субсидиялау шартына төлемдер графигін/қосылу шарты бойынша төлемдер графигін ескере отырып, банктегі/даму банкіндегі/банк-төлем агентіндегі ағымдағы шотқа ай сайын аванстық төлемдермен (айына бір рет/бірнеше рет) аударады. Бұл ретте қаражат аударылғаннан кейін қаржы агенттігі қаражаттың аударылғаны туралы құжаттың көшірмесін электрондық поштамен жіберу арқылы банкті/даму банкін/МҚҰ-ны/лизинг компаниясын бір мезгілде хабардар етеді. Хабарламада банктің/даму банкінің/МҚҰ-ның/лизинг компаниясының атауы, өңір, кәсіпкердің атауы, субсидиялар сомасы және төлем жүргізілген кезең көрсетіледі.

128. Банктің/даму банкінің/банк-төлем агентінің кредиттік рейтингі төмендеген және қаржылық жағдайының нашарлауының өзге де белгілері болған кезде (бір немесе бірнеше жағдайдың басталуы), оның ішінде:

халықаралық рейтингтік агенттіктер беретін кредиттік рейтингі Standard&Poors рейтингтер шәкілі бойынша "В" деңгейінен төмендеген;

К4 коэффициентінің мәні 0,4 деңгейінен төмендеген;

пруденциялық нормативтер қатарынан 2 (екі) ай бойы бұзылған кезде кәсіпкерлердің жобалары бойынша субсидиялау үшін көзделген қаражатты қаржы агенттігі банктің/даму банкінің/МҚҰ-ның/лизинг компаниясының кәсіпкердің кредит/микрокредит/лизинг бойынша толық төлем жүргізу (негізгі борыш, субсидияланатын және субсидияланбайтын сыйақы бөлігі) не субсидиялау шарттарына төлем графиктерін негізге ала отырып, қысқа мерзімді кезеңге арналған сыйақының субсидияланатын бір бөлігі бойынша кәсіпкердің алдағы міндеттемелерін өтейтін төлем жүргізу фактісі туралы хабарламасы негізінде аударады.

Банктің/даму банкінің/банк-төлем агентінің жоғарыда аталған көрсеткіштері түзетілген жағдайда қаржы агенттігі субсидиялау үшін көзделген қаражатты субсидиялау шартына төлемдер графигін/қосылу шарты бойынша төлемдер графигін ескере отырып, аванстық төлемдермен (айына бір рет/бірнеше рет) аударады.

129. Банк/даму банкі/МҚҰ/лизинг компаниясы қаржы агенттігінің хабарламасы негізінде кәсіпкерлердің жобалары бойынша субсидиялар сомасын қаржы агенттігінің ағымдағы шотынан есептен шығаруды жүзеге асырады. Банк/даму банкі/банк-төлем агенті шоттардағы қаражатты жалпы ағымдағы қалдықтардан есептеп шығармайды.

Бұл ретте банк/даму банкі/МҚҰ/лизинг компаниясы банктік қарыз шартына/микрокредит бойынша шартқа/қаржылық лизинг шартына төлемдер графигіндегі жоспарлы төлемнен аспайтын қалдық сомасы шегінде ішінара мерзімінен бұрын өтеуге сәйкес есептеліп, өзгертілген өтеу графиктері бойынша субсидияларды өтейді.

130. Кәсіпкер банктік қарыз шартына/микрокредит бойынша шартқа/қаржылық лизинг шартына сәйкес өтеу графигі бойынша сыйақы мөлшерлемесінің субсидияланбайтын бөлігінде банкке/даму банкіне/МҚҰ-ға/лизинг компаниясына сыйақы төлейді.

131. Кәсіпкердің кредит/лизинг бойынша (негізгі борыш пен сыйақы мөлшерлемесінің субсидияланбайтын бөлігі) төлемді толық төлеу фактісі бойынша банк/даму банкі/банк-төлем агенті:

1) кәсіпкер кредит/микрокредит/лизинг бойынша жоспарлы төлемді өтейтін күні қаржы агенттігінің шотында қаражат болған кезде;

2) график бойынша өтеу күнінен кейін қаржы агенттігінен қаражат түскен кезде ақшаны қаржы агенттігінің ағымдағы шотынан кәсіпкердің кредиті бойынша сыйақы мөлшерлемесінің субсидияланатын бір бөлігін өтеу есебіне есептен шығарады.

132. Банк/даму банкі/МҚҰ/лизинг компаниясы кәсіпкер берешекті өтегенге дейін сыйақы мөлшерлемесінің субсидияланатын бір бөлігін өтеу үшін қаражатты қаржы агенттігінің ағымдағы шотынан есептен шығармайды және:

1) кәсіпкер төлемдерді төлеу бойынша банк/МҚҰ/лизинг компаниясы алдындағы міндеттемелерін қатарынан 3 (үш) ай бойы орындамаған;

2) кәсіпкер лизингтік төлемдерді енгізу бойынша лизинг компаниясы/банк алдындағы міндеттемелерін қатарынан 2 (екі) рет және одан көп орындамаған жағдайда бұл туралы қаржы агенттігін 2 (екі) жұмыс күні ішінде тиісті хатпен хабардар етеді.

133. Қаржы агенттігі кредит бойынша ай сайын/лизинг бойынша тоқсан сайын есепті айдан кейінгі айдың 25 (жиырма бес) күніне дейін өңірлік үйлестірушіге/уәкілетті органға осы Субсидиялау қағидаларына 9-қосымшаға сәйкес нысан бойынша субсидиялау туралы есеп жібереді.

134. Егер банк/МҚҰ/лизинг компаниясы қолданыстағы банктік қарыз шартының/микрокредит бойынша шарттың/қаржылық лизинг шартының талаптарын (кредиттің/микрокредиттің/лизингтің сомасы және (немесе) сыйақы мөлшерлемесі, жеңілдікті кезең, кәсіпкер атауының өзгеруі/борышты аудару) өзгертсе, банк/даму банкі/МҚҰ/лизинг компаниясы қаржы агенттігіне кредиттер/микрокредиттер/қаржылық лизинг шарттары бойынша тиісті хабарлама жібереді, ол өз кезегінде 7 (жеті) жұмыс күні ішінде толық құжаттар топтамасын қоса, қазіргі қаржыландыру талаптарына енгізілетін өзгерістер жөніндегі ақпаратты қаржы агенттігінің уәкілетті органының қарауына шығарады. Қарау нәтижелері бойынша қаржы агенттігінің уәкілетті органы қазіргі қаржыландыру талаптарына өзгерістер енгізудің мүмкіндігі/мүмкін еместігі туралы шешім қабылдайды, ол қаржы агенттігінің уәкілетті органы шешім қабылдаған күннен бастап 2 (екі) жұмыс күні ішінде хаттамамен ресімделеді. Бұл ретте қаржыландыру талаптарында болған өзгерістер хаттамада/шешімде анық көрсетіледі.

135. Қаржы агенттігінің уәкілетті органы шешім қабылдағаннан кейін 1 (бір) жұмыс күні ішінде қаржы агенттігі банкке/МҚҰ-ға/лизинг компаниясына хаттамадан үзінді-көшірме жібереді.

136. Банк/даму банкі/МҚҰ/лизинг компаниясы қолданыстағы банктік қарыз шартының/микрокредит бойынша шарттың/қаржылық лизинг шартының талаптарындағы өзге де өзгерістер туралы қаржы агенттігін тиісті хатпен хабардар етеді, ол өз кезегінде құжаттардың толық топтамасын алған күннен бастап 7 (жеті) жұмыс күні ішінде қазіргі қаржыландыру талаптарына енгізілетін өзгерістер бойынша шешім қабылдайды және қаржыландыру талаптарына енгізілген өзгерістерді хатпен келіседі немесе келісуден бас тартады.

Бұл ретте қаржыландыру шарттарында болған өзгерістер келісу (келісуден бас тарту) хатында анық көрсетіледі.

137. Қолданыстағы банктік қарыз шартының/қосылу шарты бойынша қаржылық лизинг шартының талаптарына өзгерістер енгізілген кезде банк/лизинг компаниясы қаржы агенттігіне хат жібереді.

Бұл ретте егер банк/лизинг компаниясы мынадай: кредит/лизинг сомасын және (немесе) сыйақы мөлшерлемесін, жеке сәйкестендіру нөмірін/бизнес-сәйкестендіру нөмірін ауыстыра отырып, кәсіпкердің атауын/борышты аудару шарттарын өзгертсе, қаржы агенттігі бұл өзгерістерді 7 (жеті) жұмыс күні ішінде қаржы агенттігі уәкілетті органының қарауына шығарады. Қарау нәтижелері бойынша қаржы агенттігінің уәкілетті органы қазіргі қаржыландыру талаптарына өзгерістер енгізу мүмкіндігі/мүмкін еместігі туралы шешім қабылдайды, ол қаржы агенттігінің уәкілетті органы шешім қабылдаған күннен бастап 2 (екі) жұмыс күні ішінде хаттамамен ресімделеді.

138. Қаржы агенттігінің уәкілетті органы шешім қабылдағаннан кейін 1 (бір) жұмыс күні ішінде қаржы агенттігі банкке/лизинг компаниясына және кәсіпкерге хаттамадан үзінді-көшірме жібереді.

Кәсіпкердің өтінішінде көзделген шарттар өзгерген жағдайда кәсіпкер қаржы агенттігінің үзінді-көшірмесін алғаннан кейін банкке/лизинг компаниясына қосылу шартына қосымша өтініш жібереді, ол, өз кезегінде, аталған өтінішті қосылу шартына өзгертілген графикпен қоса қаржы агенттігіне береді.

139. Кәсіпкер қайтыс болған жағдайда банк/даму банкі/МҚҰ/лизинг компаниясы кәсіпкердің қайтыс болғаны туралы мәліметтерді (ақпаратты) алғаннан кейін 2 (екі) жұмыс күні ішінде қаржы агенттігіне тиісті хабарлама жібереді, ол 5 (бес) жұмыс күні ішінде мұрагердің (-лердің) мұрагерлік құқығы басталған кезге дейін субсидиялауды уақытша тоқтату жөніндегі ақпаратты қаржы агенттігі уәкілетті органының қарауына шығарады. Мұрагердің (-лердің) мұрагерлік құқығы басталған жағдайда субсидиялауды қайта бастау туралы мәселе қаржы агенттігі уәкілетті органының қарауына шығарылады.

Кәсіпкерлікті қолдаудың бұрын бекітілген бағдарламалары шеңберінде мақұлданған жобалар кәсіпкерлер олар бойынша өз міндеттемелерін толық орындағанға дейін қаржы агенттігінің уәкілетті органы бұрын мақұлдаған шарттарда қолданылады.

Кәсіпкерлікті қолдаудың бұрын бекітілген бағдарламалары шеңберінде қаржы агенттігінің уәкілетті органы мақұлдаған жобалар бойынша кепілгерге, бірлесіп қарыз алушыға, кредиттің мақсаты мен мерзіміне, кредит сомасын азайтуға, сыйақы мөлшерлемесіне, банкке/лизинг компаниясына, мерзімін кейінге қалдыруға/жеңілдік кезеңіне, өтеу күніне, өтеу талаптарына, айналым қаражатын толықтыруға арналған лимиттің жаңартылуына/жаңартылмауына, кәсіпкер атауының өзгеруіне, ЭҚЖЖ кодына қатысты ағымдағы қаржыландыру талаптарына өзгерістер енгізуге жол беріледі.

Қаржыландырудың өзге де талаптары өзгерген жағдайда жобаның осы Субсидиялау қағидаларының қолданыстағы талаптарына сәйкес келуі қамтамасыз етіледі.

140. Осы Субсидиялау қағидаларын іске асыру шеңберінде субсидиялауға бөлінген және ағымдағы қаржы жылы өңірлік үйлестірушілер/қаржы агенттігі пайдаланбаған қаражат жобаларды, оның ішінде кезекті қаржы жылында мақұлданған жобаларды кезекті қаржы жылында субсидиялауға пайдаланылады.

9-параграф. Синдикатталған қарыздар бойынша субсидиялау тетігі

141. Кәсіпкер агент-банкке және/немесе кредитор-банкке:

1) жаңа синдикатталған кредит бойынша осы Субсидиялау қағидаларына сәйкес келетін шарттарда агент-банктің және/немесе кредитор-банктің ішкі нормативтік құжаттарында бекітілген нысан бойынша синдикатталған кредит беруге арналған өтінішпен;

2) қолданыстағы синдикатталған кредит бойынша осы Субсидиялау қағидаларына 5-қосымшаға сәйкес нысан бойынша өтінішпен жүгінеді.

142. Агент-банк және/немесе кредитор-банк жобаның қаржылық-экономикалық тиімділігіне бағалау жүргізеді және синдикатталған кредит беру немесе синдикатталған кредит бойынша сыйақы мөлшерлемесін осы Субсидиялау қағидаларында белгіленген мөлшерге дейін төмендету туралы оң шешім болған жағдайда 3 (үш) жұмыс күні ішінде кәсіпкерге жазбаша жауап жолдап, қаржы агенттігіне хабарлайды.

143. Агент-банктің және/немесе кредитор-банктің оң шешімі бар кәсіпкер қаржы агенттігіне осы Субсидиялау қағидаларына 6-қосымшаға сәйкес нысан бойынша өтініш-сауалнамамен жүгінеді, оған мыналар қоса беріледі:

1) заңды тұлғаны мемлекеттік тіркеу (қайта тіркеу) туралы анықтама (кәсіпкердің қолымен және мөрімен (бар болса) расталған көшірме), кәсіпкерді мемлекеттік тіркеу туралы хабарлама;

2) кәсіпкер жобасының бизнес-жоспары;

3) кредитор-банктің оң шешімі (кредитор-банк шешімінің хаттамасынан үзінді).

Кәсіпкер өтінім берген кезде сұратылып отырған кезең үшін салық берешегінің жоқ екені туралы анықтаманың болуы талап етіледі.

144. Кәсіпкердің жобасы және (немесе) ұсынылған материалдар осы Субсидиялау қағидаларының шарттарына сәйкес келмеген және (немесе) құжаттар топтамасы толық ұсынылмаған не белгіленген нысандарға сәйкес келмейтін құжаттар ұсынылған жағдайда қаржы агенттігі 1 (бір) жұмыс күні ішінде ұсынылған құжаттар бойынша нақты кемшіліктерді көрсете отырып, агент-банкке және/немесе кредитор-банкке және кәсіпкерге ұсынылған құжаттарды пысықтау үшін қайтарады.

Қаржы агенттігі жоба осы Субсидиялау қағидаларының 1-тарауының 11, 12 және 13-тармақтарында, 2-тарауының 2, 6, 8, 9 және 11-параграфтарында көрсетілген шарттарға сәйкес келмеген жағдайда дәлелді негіздемесімен субсидиялар беруден бас тартады.

145. Қаржы агенттігінің уәкілетті органы жобаларды тиісті қаржы жылы субсидиялау үшін бюджет қаражаты болған жағдайда ғана қарайды.

Қаржы агенттігінің уәкілетті органы кәсіпкердің жобасын құжаттар топтамасы бар ақпарат келіп түскен күннен бастап 5 (бес) жұмыс күні ішінде қарайды.

146. Қаржы агенттігінің уәкілетті органы шешім қабылдағаннан кейін қаржы агенттігі 1 (бір) жұмыс күні ішінде хаттама ресімдеп, қол қояды және агент-банкке және/немесе кредитор-банкке және кәсіпкерге шешім оң болған жағдайда осы Субсидиялау қағидаларына 7-қосымшаға сәйкес нысан бойынша ілеспе хатпен хаттамадан үзінді, шешім теріс болған жағдайда осы Субсидиялау қағидаларына 8-қосымшаға сәйкес нысан бойынша ілеспе хатпен хаттамадан үзінді жібереді.

147. Қаржы агенттігінің уәкілетті органы оң шешімінің қолданылу мерзімі қаржы агенттігінің уәкілетті органы шешім қабылдаған күннен бастап 6 (алты) айды құрайды.

148. Агент-банк және/немесе кредитор-банк қаржы агенттігінен қаржы агенттігі уәкілетті органының шешімін алғаннан кейін және субсидиялау туралы шешім оң болған кезде қаржы агенттігі, агент-банк және/немесе кредитор-банк және кәсіпкер арасында субсидиялау шарты жасалады, оған сәйкес қаржы агенттігі агент-банкке және/немесе кредитор-банкке субсидиялау шартына өтеу графигіне сәйкес сыйақы мөлшерлемесінің бір бөлігін төлейді.

149. Агент-банк және/немесе кредитор-банк осы Субсидиялау қағидаларының шеңберінде қолданыстағы синдикатталған кредит бойынша субсидиялау шартына қол қойылған кезге дейін кәсіпкердің банктік қарыз шартында көзделген негізгі борыш пен сыйақыны уақтылы өтеу жөніндегі міндеттемелерді орындамағаны үшін айыппұлдар мен өсімпұлдарды есептен шығарады, ал жаңа/қолданыстағы синдикатталған кредиттер бойынша агент-банк және/немесе кредитор-банк кәсіпкерден:

1) кәсіпкер бастама жасайтын кредиттеу талаптарының өзгеруіне байланысты;

2) кәсіпкердің синдикатталған кредит бойынша міндеттемелерін бұзуына байланысты өндіріп алынатындарды;

3) банк-агенттің көрсетілетін қызметтерін қоспағанда, синдикатталған кредитке байланысты комиссияларды, алымдарды және/немесе өзге де төлемдерді алмауға және белгілемеуге міндеттенеді.

150. Субсидиялау шартын:

1) агент-банк және/немесе кредитор-банк:

қаржы агенттігінен хаттама/шешім алған кезден бастап 10 (он) жұмыс күні ішінде;

2) қаржы агенттігі:

агент-банктен және/немесе кредитор-банктен субсидиялау шартын алған кезден бастап 3 (үш) жұмыс күні ішінде жасасады.

151. Тиісті уәкілетті органнан/өңірлік үйлестірушіден субсидиялау үшін бюджет қаражаты болмаған жағдайда субсидиялау шартына қол қойылмайды.

152. Егер агент-банк және/немесе кредитор-банк осы Субсидиялау қағидаларының 150-тармағының 1) тармақшасында белгіленген мерзімдерде субсидиялау шартын уақтылы жасаспаса, агент-банк және/немесе кредитор-банк кідірту себептерін түсіндіре отырып, қаржы агенттігін ресми хатпен хабардар етеді.

153. Егер банктік қарыз шартының және/немесе субсидиялау шартының талаптары қаржы агенттігі уәкілетті органының шешіміне, осы Субсидиялау қағидаларының талаптарына сәйкес келмесе, қаржы агенттігі субсидиялау шартына қол қоймайды, бұл ретте қаржы агенттігі бұл туралы агент-банкті және/немесе кредитор-банкті және кәсіпкерді 1 (бір) жұмыс күні ішінде хабардар етеді.

154. Агент-банк және/немесе кредитор-банк ескертулерді жойған жағдайда қаржы агенттігі субсидиялау шартына қол қояды.

155. Агент-банк және/немесе кредитор-банк қаржы агенттігінің ескертулерімен келіспеген жағдайда қаржы агенттігі агент-банктің және/немесе кредитор-банктің келіспеу себептері түсіндірілген ресми хат келіп түскен күннен бастап 5 (бес) жұмыс күні ішінде түпкілікті шешім қабылдау үшін осы мәселені қаржы агенттігінің уәкілетті органының қарауына шығарады.

156. Субсидиялау шарты кәсіпкер, агент-банк және/немесе кредитор-банк және қаржы агенттігі қол қойған күнінен бастап күшіне енеді. Бұл ретте субсидиялау шартында субсидиялау мерзімінің басталуы субсидиялау шартына қол қойылған күнге дейін күнтізбелік 30 (отыз) күннен аспайтын, бірақ қаржы агенттігі шешім қабылдаған күннен ерте болмайтын мерзімге белгіленуі мүмкін.

157. Синдикатталған кредит бойынша сыйақы мөлшерлемесінің субсидияланатын бір бөлігін төлеу күнін кәсіпкер, агент-банк және/немесе кредитор-банк өзі айқындайды. Егер синдикатталған кредит бойынша сыйақыны есептеу қаржы агенттігі қол қойған субсидиялау шартында көрсетілген субсидиялау мерзімі басталған күннен кейінгі күннен басталса, субсидиялау мерзімі басталған бірінші күн субсидиялау кезеңіне қосылмайды.

158. Қаржы агенттігі субсидиялау шартына қол қойғаннан кейін кредитор-банкке және/немесе агент-банкке субсидия төлейді.

Жобалар бойынша субсидиялар тиісті өңірлік үйлестірушіден/кәсіпкерлік жөніндегі уәкілетті органнан қаражат болған кезде төленеді.

159. Кредитор-банк және/немесе агент-банк қаржы агенттігіне субсидиялар сомасын аударуға арналған ағымдағы шот ашады.

160. Субсидиялау үшін көзделген қаражатты қаржы агенттігі субсидиялау шартына төлемдер графигін ескере отырып, кредитор-банктегі және/немесе агент-банктегі ағымдағы шотқа ай сайын аванстық төлемдермен (айына бір рет/бірнеше рет) аударады. Бұл ретте қаражат аударылғаннан кейін қаржы агенттігі қаражаттың аударылғаны туралы құжаттың көшірмесін электрондық поштамен жіберу арқылы кредитор-банкті және/немесе агент-банкті бір мезгілде хабардар етеді. Хабарламада кредитор-банктің және/немесе агент-банктің атауы, өңір, кәсіпкердің атауы, субсидиялар сомасы және төлем жүргізілген кезең көрсетіледі.

Қаржы агенттігі жүзеге асыратын субсидиялау үшін көзделген қаражат агент-банктің ағымдағы шотына аударылған жағдайда агент-банк 3 (үш) жұмыс күні ішінде кредитор-банкке түскен субсидия сомаларын қаржы агенттігімен келісілген ағымдағы шотқа аударады. Агент-банк субсидия сомаларын кредитор-банкке аударған күні алынған хабарламаны кредитор-банкке жібереді.

161. Агент-банктің және/немесе кредитор-банктің кредиттік рейтингі төмендеген және қаржылық жағдайының нашарлауының өзге де белгілері болған кезде (бір немесе бірнеше жағдайдың басталуы), оның ішінде:

К4 коэффициентінің мәні 0,4 деңгейінен төмендеген;

пруденциялық нормативтер қатарынан 2 (екі) ай бойы бұзылған кезде кәсіпкерлердің жобалары бойынша субсидиялау үшін көзделген қаражатты қаржы агенттігі агент-банктің және/немесе кредитор-банктің кәсіпкердің синдикатталған кредит бойынша толық төлем жүргізу (негізгі борыш, субсидияланатын және субсидияланбайтын сыйақы бөлігі) не субсидиялау шарттарына төлем графиктерін негізге ала отырып, қысқа мерзімді кезеңге арналған сыйақының субсидияланатын бір бөлігі бойынша кәсіпкердің алдағы міндеттемелерін өтейтін төлем жүргізу фактісі туралы хабарламасы негізінде аударады.

Агент-банктің және/немесе кредитор-банктің жоғарыда аталған көрсеткіштері түзетілген жағдайда қаржы агенттігі субсидиялау үшін көзделген қаражатты субсидиялау шартына төлемдер графигін ескере отырып, аванстық төлемдермен (айына бір рет/бірнеше рет) аударады.

162. Субсидиялар түскеннен кейін агент-банк және/немесе кредитор-банк кәсіпкерлердің жобалары бойынша субсидиялар сомасын қаржы агенттігінің ағымдағы шотынан есептен шығаруды жүзеге асырады. Агент-банк және/немесе кредитор-банк шоттардағы қаражатты жалпы ағымдағы қалдықтардан есептеп шығармайды.

Бұл ретте агент-банк және/немесе кредитор-банк банктік қарыз шартына төлемдер графигіндегі жоспарлы төлемнен аспайтын қалдық сомасы шегінде ішінара мерзімінен бұрын өтеуге сәйкес есептеліп, өзгертілген өтеу графиктері бойынша субсидияларды өтейді.

163. Кәсіпкер агент-банкке және/немесе кредитор-банкке банктік қарыз шартының сәйкес өтеу графигіне сәйкес сыйақы мөлшерлемесінің субсидияланбайтын бөлігінде сыйақы төлейді.

164. Агент-банк және/немесе кредитор-банк кәсіпкердің синдикатталған кредит бойынша (негізгі борыш пен сыйақы мөлшерлемесінің субсидияланбайтын бөлігі) төлемді толық төлеу фактісі бойынша кәсіпкердің кредиті бойынша сыйақы мөлшерлемесінің субсидияланатын бөлігін өтеу есебіне қаржы агенттігінің ағымдағы шотынан:

1) кәсіпкер синдикатталған кредит бойынша жоспарлы төлемді өтеген күнге қаржы агенттігінің шотында қаражат болған кезде;

2) кесте бойынша өтеу күнінен кейін қаржы агенттігінен қаражат түскен кезде ақшаны есептен шығарады.

Бұл ретте агент банк және/немесе кредитор банк қаржы агенттігіне кәсіпкердің синдикатталған кредиті бойынша сыйақы мөлшерлемесінің субсидияланатын бөлігін есептен шығару фактісі туралы шот бойынша үзінді-көшірмені ұсынады.

165. Агент-банк және/немесе кредитор-банк кәсіпкер берешекті өтегенге дейін сыйақы мөлшерлемесінің субсидияланатын бөлігін өтеу үшін қаржы агенттігінің ағымдағы шотынан қаражатты есептен шығармайды және кәсіпкер кредитор/банк алдындағы төлемдерді төлеу жөніндегі міндеттемелерін қатарынан 3 (үш) ай бойы орындамаған жағдайда бұл туралы қаржы агенттігін 2 (екі) жұмыс күні ішінде тиісті хатпен хабардар етеді.

166. Қаржы агенттігі өңірлік үйлестірушіге/уәкілетті органға синдикатталған кредит бойынша ай сайын, есепті айдан кейінгі айдың 25 (жиырма бес) күніне дейін осы Субсидиялау қағидаларына 9-қосымшаға сәйкес нысан бойынша субсидиялау туралы есеп жібереді.

167. Егер агент-банк және/немесе кредитор-банк қолданыстағы банктік қарыз шартының талаптарын (синдикатталған кредиттің сомасы және (немесе) сыйақы мөлшерлемесі, жеңілдікті кезең, кәсіпкер атауының өзгеруі/борышты аудару) өзгерткен жағдайда, агент-банк және/немесе кредитор-банк қаржы агенттігіне синдикатталған кредиттер бойынша тиісті хабарлама жібереді, ол өз кезегінде 7 (жеті) жұмыс күні ішінде толық құжаттар топтамасын қоса бере отырып, қазіргі қаржыландыру шарттарына енгізілетін өзгерістер жөніндегі ақпаратты қаржы агенттігі уәкілетті органының қарауына шығарады. Қарау нәтижелері бойынша қаржы агенттігінің уәкілетті органы қазіргі қаржыландыру шарттарына өзгерістер енгізудің мүмкіндігі/мүмкін еместігі туралы шешім қабылдайды, ол қаржы агенттігінің уәкілетті органы шешім қабылдаған күннен бастап 2 (екі) жұмыс күні ішінде хаттамамен ресімделеді. Бұл ретте қаржыландыру шарттарына енгізілген өзгерістер хаттамада/шешімде анық көрсетіледі.

168. Қаржы агенттігі қаржы агенттігінің уәкілетті органы шешім қабылдағаннан кейін 1 (бір) жұмыс күні ішінде агент-банкке және/немесе кредитор-банкке хаттамадан үзіндінің көшірмесін жібереді.

169. Қолданыстағы банктік қарыз шартының талаптарындағы өзге де өзгерістер туралы агент-банк және/немесе кредитор-банк қаржы агенттігін тиісті хатпен хабардар етеді, ол өз кезегінде құжаттардың толық топтамасын алған күннен бастап 7 (жеті) жұмыс күні ішінде қазіргі қаржыландыру шарттарына енгізілетін өзгерістер бойынша шешім қабылдайды және қаржыландыру шартына енгізілетін өзгерістерді хатпен келіседі немесе келісуден бас тартады.

Бұл ретте қаржыландыру шарттарына енгізілген өзгерістер (келісуден бас тарту) келісу хатында анық көрсетіледі.

170. Кәсіпкер қайтыс болған жағдайда агент-банк және/немесе кредитор-банк кәсіпкердің қайтыс болғаны туралы мәліметтерді (ақпаратты) алғаннан кейін 2 (екі) жұмыс күні ішінде қаржы агенттігіне тиісті хабарлама жібереді, ол 5 (бес) жұмыс күні ішінде мұрагердің (-лердің) мұрагерлік құқығы басталған кезге дейін субсидиялауды уақытша тоқтату жөніндегі ақпаратты қаржы агенттігінің уәкілетті органының қарауына шығарады. Мұрагердің (-лердің) мұрагерлік құқығы басталған жағдайда субсидиялауды қайта бастау туралы мәселе қаржы агенттігі уәкілетті органының қарауына шығарылады.

171. Бұрын бекітілген кәсіпкерлікті қолдау бағдарламалары шеңберінде мақұлданған жобалар кәсіпкерлер олар бойынша өз міндеттемелерін толық орындағанға дейін бұрын қаржы агенттігінің уәкілетті органы мақұлдаған шарттарда қолданылады.

Бұрын бекітілген кәсіпкерлікті қолдау бағдарламалары шеңберінде қаржы агенттігінің уәкілетті органы мақұлдаған жобалар бойынша ағымдағы қаржыландыру шарттарына кепілгерге, бірлесіп қарыз алушыға, кредиттің мақсаты мен мерзіміне, кредит сомасын төмендетуге, сыйақы мөлшерлемесіне, банкке/лизинг компаниясына, кейінге қалдыруға/жеңілдік кезеңіне, өтеу мерзіміне, өтеу шарттарына, айналым қаражатын толықтыруға арналған лимиттің қайта басталуына/қайта басталмауына, кәсіпкер атауының өзгеруіне, ЭҚЖЖ кодына қатысты өзгерістер енгізуге жол беріледі.

Қаржыландырудың өзге де шарттары өзгерген жағдайда жобаны осы Субсидиялау қағидаларының қолданыстағы шарттарына сәйкес келтіру қамтамасыз етіледі.

172. Шағын және орта кәсіпкерлік субъектілерінің кредиттері/микрокредиттері бойынша сыйақы мөлшерлемесінің бір бөлігін қаржы агенттігі осы Субсидиялау қағидаларына 5-параграфтың шарттарына сәйкес "Шағын және орта кәсіпкерлік субъектілерін өңірлік қаржыландыру" бағыты шеңберінде шағын және орта кәсіпкерлік субъектілерін қаржыландыру үшін 2024 жылғы 1 қаңтарға дейін бөлінген қаражат бойынша жергілікті бюджеттің аралас қаражаты/қаржы агенттігінің қаражаты/өзге де қаржыландыру көздері есебінен субсидиялайды.

173. Кәсіпкерлікті қолдау бағдарламаларын іске асыру шеңберінде субсидиялауға бөлінген және ағымдағы қаржы жылы өңірлік үйлестірушілер/қаржы агенттігі пайдаланбаған қаражат кезекті қаржы жылы жобаларды, оның ішінде кезекті қаржы жылы мақұлданған жобаларды субсидиялауға пайдаланылады.

10-параграф. "Жасыл" жобаларды іске асыруға арналған кредиттер бойынша сыйақыны субсидиялау шеңберінде жобаларды сыртқы бағалау

174. "Жасыл" кредиттер бойынша сыйақы мөлшерлемесін субсидиялау шеңберінде "жасыл" жобалардың "жасыл" таксономияға сәйкестігіне сыртқы бағалауды төменде келтірілген санаттардағы, жобаларды ұстаушыларға, өнімдерді (жұмыстарды, көрсетілетін қызметтерді) өндірушілерге (орындаушыларға), өнімдерді (жұмыстарды, көрсетілетін қызметтерді) жеткізушілер мен тұтынушыларға тәуелсіз, жобалардың қоршаған ортаға әсерін бағалау немесе шаруашылық және өзге де қызметтің "жасыл" таксономияның нақты қосалқы секторларына қатысты экологиялық, салалық, санитариялық құрылыс талаптары мен нормаларына сәйкес келуі саласында расталатын құзыреті бар түрлі меншік нысанындағы ұйымдар жүргізеді.

175. Жүргізілген тексеру қорытындысы бойынша сыртқы бағалау провайдері мынадай тұжырымдардың бірімен жобаның "жасыл" таксономияда көзделген шекті мәндерге сәйкестігі туралы қорытынды шығарады:

1) сәйкес келеді;

2) сәйкес келмейді.

Берілген қорытындының қолданылу мерзімі 6 (алты) айды құрайды.

176. Сыртқы бағалау провайдерлерінің көзделіп отырған және қаралып жатқан жобалардың "жасыл" таксономияның шекті мәндеріне сәйкестігі туралы қорытындыларының атаулары әртүрлі болуы мүмкін, оның ішінде "Қазақстан Республикасының "жасыл" таксономиясына сәйкестігі туралы сараптамалық қорытынды", "сәйкестігі туралы қорытынды" және тағы басқа. Сыртқы бағалаудың қорытындысын ресімдеу тәртібі жобаның белгілі бір түріне және бағалау жүргізілетін шекті өлшемшарттың ерекшелігіне байланысты айқындалады.

177. Тәуелсіз бағалау қорытындысына сыртқы бағалауды жүзеге асыратын ұйымның сарапшысы мен басшысының қолы қойылып, ұйым мөрімен (бар болса) расталады. Егер қорытындыға есеп айырысу құжаттары қоса берілсе, оларға да сарапшының/басшының қолы қойылып, мөрмен (бар болса) расталады. Қорытынды ықшамды, бір парақта баяндалатын болады. Қорытындыда кіріспе, негіздейтін (талдамалық) ақпарат, қорытындылар, сондай-ақ өзінің құзыретін растайтын құжаттардың, лицензиялардың, аккредиттеу туралы куәліктердің (оның ішінде, қажет болған кезде, ұйымның тартылған қызметкерлерінің) көшірмелері қоса берілген сыртқы бағалау провайдері туралы ақпарат қамтылады. Қорытындының кіріспе бөлігінде бағалау және оның негіздері туралы жалпы мәліметтер беріледі, талдау бөлігінде талдау алгоритмі, белгіленген фактілер және қажет болса, негіздемеде пайдаланылған анықтамалық-нормативтік құжаттарға, материалдар мен есептерге сілтемелер қысқаша баяндалады.

178. Көзделіп отырған және қаралып отырған жобалардың "жасыл" таксономияның шекті мәндеріне сәйкестігі туралы сыртқы бағалау провайдерлері, сондай-ақ жоба бойынша кәсіпкер мәлімдеген "жасыл" таксономияның көрсеткіштері мен шекті өлшемшарттарының кейіннен орындалуын сыртқы тексеретін ұйымдар мынадай санаттарда ұсынылған:

1) сәйкестікті бағалау саласындағы аккредиттеу жөніндегі ұлттық орган аккредиттеген сәйкестікті растау жөніндегі органдар, сондай-ақ мәртебесі өзі резиденті болып табылатын мемлекеттің құзыретті органы аккредиттеуімен расталатын сәйкестікті растау жөніндегі шетелдік органдар;

2) қоршаған ортаны қорғау саласындағы уәкілетті орган лицензиялаған, табиғат қорғауға қатысты жобалау мен нормалау, экологиялық сараптама және экологиялық аудит саласындағы ұйымдар (экологиялық аудиторлар);

3) "Электр энергетикасын дамыту және энергия үнемдеу институты" акционерлік қоғамы жүргізетін энергия-аудиторлық сараптамаларды талдау нәтижелері бойынша ескертулері жоқ энергия-аудиторлық ұйымдар;

4) "Астана" халықаралық қаржы орталығының қаржылық көрсетілетін қызметтерді реттеу жөніндегі комитетінің "жасыл" қаржыландыру саласындағы лицензиясы бар консалтингтік компаниялар;

5) аккредиттеу жөніндегі уәкілетті орган сараптама ұйымы өкілеттіктерінің құзыретін жаңа ғимараттар салуға, сондай-ақ жұмыс істеп тұрған ғимараттар мен құрылысжайларды өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізуге аккредиттеген мемлекеттік сараптама ұйымдары немесе мемлекеттік емес сараптама ұйымдары;

6) "жасыл" технологиялардың сервистік операторы – "жасыл" технологиялар мен жобалардың тізілімін жүргізу, "жасыл" технологияларды коммерцияландыру және технологиялық бизнес-инкубациялау, "жасыл" жобаларды іске асыру үшін "жасыл" қаржыландыруды, оның ішінде инвестициялар мен гранттарды тартуға жәрдемдесу, "жасыл экономика" мәселелері бойынша ақпараттық-талдамалық, құқықтық, әдіснамалық, консультациялық және сараптамалық-талдамалық қолдауды жүзеге асыру, "Жасыл көпір" әріптестік бағдарламасы бойынша халықаралық ынтымақтастықты және тәжірибе алмасуды ұйымдастыру бойынша кешенді қызметтер көрсететін қоршаған ортаны қорғау саласындағы уәкілетті органның ведомстволық бағынысты ұйымы;

7) мақұлданған халықаралық верификатор ретінде климаттық облигациялар бастамасын (Climate Bonds Initiative) аккредиттеу туралы куәлігі бар халықаралық және ұлттық аудиторлық және консалтингтік ұйымдар.

179. Cыртқы бағалаудың қорытындыларын қарау кезінде тиісті біліктілік құжаттарының көшірмелері, олардың тиісті ресми жарияланатын тізілімдерге енгізілуі олардың құзыретінің жеткіліктігін растау болып табылады.

11-параграф. Субсидиялауды тоқтата тұру, тоқтату және қайта бастау

180. Субсидиялауды тоқтату және қайта бастау туралы шешімді банктің/даму банкінің/МҚҰ-ның/лизинг компаниясының/кредитор-банктің өтінішхаттары (хабарламалары), сондай-ақ мониторинг нәтижелері негізінде қаржы агенттігінің уәкілетті органы қабылдайды.

181. Қаржы агенттігі банктің/даму банкінің/МҚҰ-ның/лизинг компаниясының /кредитор-банктің хабарламасы және/немесе мониторинг нәтижелері негізінде мынадай фактілер белгіленген кезде субсидиялауды тоқтата тұрады:

1) субсидиялау жүзеге асырылатын кредитті/микрокредитті/қаржылық лизингті/синдикатталған кредитті нысаналы пайдаланбау/ішінара нысаналы пайдалану;

2) кәсіпкердің субсидиялау жүзеге асырылатын қаржылық лизинг шарты бойынша лизинг нысанасын алмауы;

3) жобаның және/немесе кәсіпкердің осы Субсидиялау қағидаларының шарттарына және/немесе уәкілетті органның шешіміне сәйкес келмеуі;

4) төтенше жағдай/ахуал орын алған кезеңде туындаған жағдайларды қоспағанда, кәсіпкердің банктік қарыз шартына/микрокредит бойынша шартқа/субсидиялау шартына төлемдер графигіне/қосылу шарты бойынша төлемдер графигіне сәйкес төлемдерді төлеу бойынша банк/МҚҰ/кредитор-банк алдындағы міндеттемелерін қатарынан 3 (үш) ай бойы орындамауы;

5) төтенше жағдай/ахуал орын алған кезеңде туындаған жағдайларды қоспағанда, кәсіпкердің қаржылық лизинг шартына төлемдерді өтеу графигіне/қосылу шарты бойынша төлемдер графигіне сәйкес лизингтік төлемдерді енгізу бойынша лизинг компания/банк алдындағы міндеттемелерін қатарынан 2 (екі) рет және одан көп орындамауы;

6) кәсіпкер шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап-арызды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе кәсіпкердің шоты бойынша шығыс операцияларын тоқтата тұру;

7) Қазақстан Республикасының қаржылық лизинг туралы заңнамасында көзделген жағдайларда борышкерден лизинг нысанасын талап ету;

8) "Шағын және орта кәсіпкерлікті қолдау", "Моно- және шағын қалаларда, ауылдық елді мекендерде кәсіпкерлікті қолдау" бағыттары бойынша кәсіпкерлердің жобалары бойынша:

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде төленетін салықтарды (корпоративтік табыс салығын/жеке табыс салығын), сондай-ақ жұмыс орындарын, жұмыс орындарының орташа жылдық санын сақтай отырып немесе ұлғайтып, еңбекақы төлеу қорының қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін 10 %-ға бюджетке ұлғайту бойынша кәсіпкерлердің міндеттемелерін орындамауы (кәсіпкерлердің "Шағын, орта және ірі кәсіпкерлікті қолдау", "Моно- және шағын қалаларда, ауылдық елді мекендерде кәсіпкерлікті қолдау" бағыты шеңберіндегі жобалары бойынша);

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде төленетін салықтарды (корпоративтік табыс салығын/жеке табыс салығын), сондай-ақ жұмыс орындарын, жұмыс орындарының орташа жылдық санын сақтай отырып және ұлғайтып, еңбекақы төлеу қорының қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін 10 %-ға бюджетке ұлғайту бойынша кәсіпкерлердің міндеттемелерін орындамауы (кәсіпкерлердің "Шағын, орта және ірі кәсіпкерлікті қолдау" бағыты шеңберіндегі жобалары бойынша);

сомасы 3 (үш) миллиард теңгеден асатын жобалары бар шағын кәсіпкерлік субъектісінің 3 (үш) жыл өткеннен кейін Кодекстің 24-бабында көзделген көрсеткіштерге сәйкес орта кәсіпкерлік субъектісінің санатына растай отырып көшуді орындамауы (кәсіпкерлердің "Шағын, орта және ірі кәсіпкерлікті қолдау" бағыты шеңберіндегі жобалары бойынша);

9) өңірлік бағдарлама шеңберінде шағын және орта кәсіпкерлік субъектілерінің салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын сақтау/ұлғайту бойынша немесе кірістің (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) өсуіне қол жеткізу бойынша немесе жоба қаржыландырылған күннен бастап 2 (екі) қаржы жылынан кейін төленетін салықтар (корпоративтік табыс салығы/жеке табыс салығы) көлемін 10 %-ға ұлғайту бойынша міндеттемелерін орындамауы;

10) кәсіпкерлердің бұрын бекітілген кәсіпкерлікті қолдау бағдарламасы шеңберінде мыналар:

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын сақтау/ұлғайту немесе кірісті (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) жұмыс органы/қаржы агенттігі 100 % инвестициялық мақсаттарға берілетін кредит қаражаты бойынша субсидиялау туралы шешім қабылдаған күннен бастап 3 (үш) қаржы жылынан кейін 10 %-ға ұлғайтуға қол жеткізу;

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар немесе салық төлемдері бойынша деректер негізінде жұмыс орындарының орташа жылдық санын немесе салық төлемдерін немесе өндіріс көлемін сақтау/ұлғайту (ақшалай мәнде) немесе кірісті (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) жұмыс органы/қаржы агенттігі қарыз алушының бір жобасы шеңберінде инвестициялық мақсаттарға және 50 %-дан аспайтын мөлшерде айналым қаражатын толықтыруға берілетін кредит қаражаты бойынша субсидиялау туралы шешім қабылдаған күннен бастап 2 (екі) қаржы жылынан кейін 10 %-ға ұлғайтуға қол жеткізу (кәсіпкерлікті қолдаудың бұрын бекітілген бағдарламасының талаптарына сәйкес салықтар төлеуден босатылмаған кәсіпорындар салық төлемдерін ұлғайтуды қамтамасыз етеді);

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар немесе салық төлемдері бойынша деректер негізінде жұмыс орындарының орташа жылдық санын сақтау/ұлғайту немесе өндіріс көлемін ұлғайту (ақшалай мәнде) немесе 100 % айналым қаражатын толықтыру мақсаттарына берілетін кредит қаражаты бойынша субсидиялау туралы жұмыс органы/қаржы агенттігі шешім қабылдаған күннен бастап 1 (бір) жылдың қорытындысы бойынша кірісті (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) 10 %-ға ұлғайтуға қол жеткізу (бұрынғы бекітілген кәсіпкерлікті қолдау бағдарламасының талаптарына сәйкес салық төлеуден босатылмаған кәсіпорындар салық төлемдерін ұлғайтуды қамтамасыз етеді) бойынша міндеттемелерді орындамауы;

11) көзделіп отырған "жасыл" жоба бойынша мәлімделген "жасыл" таксоманияның шекті өлшемшарттарында:

1) энергия тұтынуды төмендетудің нақты ең төмен мәндері;

2) парниктік газдар шығарындыларының ең төмен деңгейі;

3) қалдықтардың кәдеге жаратудыдың үлесін азайту;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкестік (шекті өлшемшартта көрсетілген бөлігінде) көзделген жағдайда жоба субсидияланғаннан бастап 2 (екі) жыл өткен соң кәсіпкер ұсынатын сыртқы бағалау провайдерінің қорытындысы негізінде кәсіпкердің "жасыл" жоба бойынша шекті өлшемшарттарға қол жеткізбеуі;

12) осы Субсидиялау қағидаларына 4-қосымшаға сәйкес негізгі (басым) экономикалық қызмет түрлерінің тізбесі шеңберінде іске асырылатын жобалар бойынша мынадай талаптарды орындамауы:

салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын сақтау/ұлғайту немесе кірісті (өткізуден түскен кіріс: негізгі қызметтен өткізілген тауарлардың, жұмыстардың, көрсетілетін қызметтердің құны) кредит қаражаты бойынша субсидиялау туралы жұмыс органы/қаржы агенттігі шешім қабылдаған күннен бастап 3 (үш) қаржы жылынан кейін 10 %-ға ұлғайтуға қол жеткізу;

сомасы 500 (бес жүз) миллион теңгеден асатын жобалар бойынша субсидиялау кезеңінде кәсіпкердің дивидендтер төлеуге тыйым салуды бұзуы;

13) сауда орталықтарын/заманауи форматтағы сауда объектілерін/сауда қызметіндегі көпфункционалды кешендерді салу, кеңейту жобалары бойынша салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде төленетін салықтарды (корпоративтік табыс салығын/жеке табыс салығын), сондай-ақ жұмыс орындарын, жұмыс орындарының орташа жылдық санын сақтай отырып немесе ұлғайтып, еңбекақы төлеу қорының қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін 10 %-ға ұлғайту, "Қазақстанда жасалған" таңбасы бар азық-түлік және азық-түлік емес тауарларды өткізу үшін сауда орындарының болуы, сондай-ақ объектінің аумағында азық-түлік тауарларын, оның ішінде әлеуметтік маңызы бар азық-түлік тауарларын өткізу жөніндегі кәсіпкерлердің міндеттемелерін орындамау;

14) сомасы 500 (бес жүз) миллион теңгеден асатын жобалар бойынша субсидиялау кезеңінде кәсіпкердің дивидендтер төлеуге тыйым салуды бұзуы;

15) сыйақы мөлшерлемесінің бір бөлігін субсидиялау жүзеге асырылатын инвестициялық жобаларды іске асыру мерзімін бұзуы;

16) жеке кәсіпкерлік субъектісі ретінде кәсіпкердің қызметін тоқтата тұру/тоқтату;

17) қазақстандық өндірушінің тауарларын сатып алу жөніндегі міндеттемені орындамау фактілері анықталған кезде кәсіпкерді субсидиялауды тоқтата тұрады.

182. Қаржы агенттігі осы Субсидиялау қағидаларының 181-тармағында көрсетілген фактілер анықталғаннан кейін 20 (жиырма) жұмыс күні ішінде субсидиялауды тоқтату/тоқтатуды кейінге қалдыру не қайта бастау туралы шешім қабылдайды.

Бұл ретте қаржы агенттігінің уәкілетті органы шешімінде субсидиялауды тоқтату/қайта бастау туралы негіздеме көрсетіледі.

Субсидиялауды тоқтату немесе қайта бастау қаржы агенттігі субсидиялауды тоқтата тұрған күннен бастап жүзеге асырылады, бұл ретте кредитті/микрокредитті/лизинг мәмілелері/синдикатталған кредитті нысаналы пайдаланбаған кезде субсидиялау кредит қаражатын/лизинг мәмілелерінің нысаналы пайдаланылмаған сомасына барабар тоқтатылады. Нысаналы пайдаланылуын растайтын кредиттің/микрокредиттің/лизингтің/ синдикатталған кредиттің қалған бөлігі бойынша және кәсіпкер нысана пайдаланудың мөлшеріне барабар төленген субсидиялар сомасын қайтарған жағдайда субсидиялау төлемдер графигіне/қосылу шарты бойынша төлемдер графигіне сәйкес жалғастырылады. Кредитті/микрокредитті/лизинг мәмілелері/синдикатталған кредит толықтай нысаналы пайдаланылмау немесе жоба (немесе) кәсіпкер осы Қағидалардың шарттарына сәйкес келмеуі анықталған жағдайдаларда субсидиялау төленген субсидиялар сомасы толықтай қайтарыла отырып, субсидиялау мерзімі басталған күннен бастап субсидиялау тоқтатылады.

Сомасы 3 (үш) миллиард теңгеден асатын жобасы бар шағын кәсіпкерлік субъектісі 3 (үш) жыл өткеннен кейін Кодекстің 24-бабында көзделген көрсеткіштерге сәйкес орта кәсіпкерлік субъектісінің санатына растай отырып көшуді орындамаған жағдайда кәсіпкер бұрын төленген субсидияларды қайтармай, көрсетілген шарттарда белгіленген мерзімге сәйкес субсидиялау тоқтатылады. Кәсіпкер субсидиялау кезеңінде дивидендтер төлеуге тыйым салуды бұзған жағдайда субсидиялау тоқтатылады және кәсіпкер төленген субсидиялар сомасын толық көлемде өтейді.

183. Қаржы агенттігінің уәкілетті органы 5 (бес) жұмыс күні ішінде кәсіпкер субсидиялауды тоқтата тұруға негіз болған себептерді жойған жағдайда субсидиялауды қайта бастау туралы оң шешім қабылдайды.

184. Қаржы агенттігінің уәкілетті органы шешімі шығарған күннен бастап 1 (бір) жұмыс күні ішінде қаржы агенттігі хаттамадан үзіндіні ресімдейді және тиісті хабарлама хатпен банкке/даму банкіне/МҚҰ-ға/лизинг компаниясына/агент-банкке/кредитор-банкке жібереді.

185. Кәсіпкерді субсидиялауды қайта бастау туралы шешім қабылданған кезде қаржы агенттігі оларға тоқтата тұру кезеңінде төленбеген субсидияларды төлейді, осы Субсидиялау қағидаларының 181-тармағының 4) немесе 5) тармақшаларында көрсетілген себептер бойынша субсидиялау тоқтатылған жағдайда қаржы агенттігі субсидиялау қайта басталған кезде кәсіпкер мерзімін өткізіп алған күннен бастап төленуге тиіс субсидияларды төлейді.

186. Кәсіпкерді субсидиялауды тоқтату туралы шешім қабылданған кезде қаржы агенттігі тиісті хатпен кәсіпкерге, банкке/даму банкіне/МҚҰ-ға/лизинг компаниясына/агент-банкке/кредитор-банкке субсидиялау шартының біржақты бұзылуы туралы хабарлама жібереді, онда субсидиялау шартының бұзылу күні мен бұзу себебі көрсетіледі.

Осы Субсидиялау қағидаларының 139, 170-тармақтарында көзделген жағдайларды қоспағанда, кәсіпкерлерді субсидиялауды тоқтату туралы қаржы агенттігінің шешімі бар кредиттер/микрокредиттер/лизинг/синдикатталған кредиттер қайта бастауға жатпайды.

187. Кәсіпкерге төленген субсидия сомасы субсидиялар төлеу жөніндегі қаражатты одан әрі пайдалану үшін қаржы агенттігіне қайтарылуға жатады.

188. Мынадай:

1) кәсіпкер банк/даму банкі/МҚҰ/лизинг компаниясы/кредитор-банк алдындағы банктік қарыз шарты/микрокредит бойынша шарт/қаржылық лизинг шарты бойынша кредитті/микрокредитті/лизингті/синдикатталған кредитті толық өтеген (кәсіпкердің банкке/МҚҰ-ға/лизинг компаниясына/кредитор-банкке кредитті/микрокредитті /лизингті/синдикатталған кредитті толық өтеген күні субсидиялау тоқтатылған күн болып саналады);

2) қаржы агенттігінің уәкілетті органы субсидиялауды тоқтату туралы шешім қабылдаған;

3) субсидиялау шарты кәсіпкердің бастамасы бойынша бұзылған жағдайларда субсидияларды төлеу тоқтатылады, ал субсидиялау шарты бұзылды деп танылады.

189. Мынадай:

1) кәсіпкер банк/даму банкі/лизинг компаниясы алдындағы банктік қарыз шарты/қаржылық лизинг шарты бойынша кредитті толық өтеген (кәсіпкердің банкке/лизинг компаниясына кредитті/лизингті толық өтеген күні субсидиялау тоқтатылған күн болып саналады);

2) қаржы агенттігінің уәкілетті органы субсидиялауды тоқтату туралы шешім қабылдаған;

3) кәсіпкер өзінің бұрын қол қойған өтініші бойынша субсидиялау шарттарынан өз бастамасымен бас тартқан жағдайда қосылу шарты бойынша субсидияларды төлеу тоқтатылады.

190. Субсидиялау тоқтатылған жағдайда банк/даму банкі/лизинг компаниясы/кредитор-банк қолданыстағы кредит/лизинг/синдикатталған кредит бойынша кәсіпкерге бұрын қолданыста болған қаржыландыру шарттарын (оның ішінде сыйақы мөлшерлемесін, комиссияларды, алымдарды және/немесе өзге де төлемдерді және өзге де шарттарды) белгілейді.

191. Кәсіпкер кредит/микрокредит/лизинг/синдикатталған кредит бойынша негізгі борышты мерзімінен бұрын ішінара/толық өтеген жағдайда банк/даму банкі/МҚҰ/лизинг компаниясы/кредитор-банк/агент-банк қаржы агенттігін кредит/микрокредит /лизинг/синдикатталған кредит бойынша негізгі борышты мерзімінен бұрын ішінара/толық өтеу фактісі туралы 2 (екі) жұмыс күні ішінде хабардар етеді.

192. Кәсіпкер кредит/микрокредит/лизинг/синдикатталған кредит бойынша негізгі борышты мерзімінен бұрын ішінара өтеген жағдайда банк/даму банкі/МҚҰ/лизинг компаниясы/кредитор-банк/агент-банк қаржы агенттігіне төлемдерді өтеу графигін немесе қосылу шарты бойынша төлемдер графигін өзгертіп, субсидиялау шартына тиісті қосымша келісімді қоса бере отырып, банктік қарыз шартына/микрокредит бойынша шартқа/қаржылық лизинг шартына қосымша келісімнің көшірмесін не электрондық форматтағы (XLS немесе XLSX) өзгертілген төлемдерді өтеу графигі бар және төленуге тиесілі субсидиялар сомасы көрсетілген банктің/даму банкінің/МҚҰ-ның/лизинг компаниясының/кредитор-банктің/агент-банктің хатын жібереді.

Кәсіпкер күнтізбелік ай ішінде кредит/микрокредит/лизинг/ синдикатталған кредит бойынша негізгі борышты бірнеше рет мерзімінен бұрын ішінара өтеген жағдайда банк/даму банкі/МҚҰ/лизинг компаниясы/кредитор-банк/агент-банк төлемдерді өтеу графигін немесе қосылу шарты бойынша төлемдер графигін өзгертіп, субсидиялау шартына тиісті қосымша келісімді қоса бере отырып, банктік қарыз шартына/микрокредит бойынша шартқа/қаржылық лизинг шартына қосымша келісімнің осындай жағдайлар бойынша біріктірілген көшірмелерін не электрондық форматтағы (XLS немесе XLSX) өзгертілген төлемдерді өтеу графигі бар және төленуге тиісті субсидиялар сомасы көрсетілген банктің/даму банкінің/лизинг компаниясының/кредитор-банктің/агент-банктің хатын жіберуі мүмкін.

193. Кәсіпкердің кредиті/микрокредиті/лизингі/синдикатталған кредиті бойынша сыйақы мөлшерлемесін субсидиялау тоқтатылған, кәсіпкердің кредит/микрокредит/ лизинг/синдикатталған кредит бойынша негізгі борышы мерзімінен бұрын толық өтелген жағдайда банк/даму банкі/МҚҰ/лизинг компаниясы/кредитор-банк/агент-банк 7 (жеті) жұмыс күні ішінде қаржы агенттігіне өзара есеп айырысуды салыстырып тексеру актісін ұсынады.

194. Кәсіпкердің нысаналы пайдаланылмауы анықталған кредиті/микрокредиті /лизиніг/синдикатталған кредиті бойынша банк/даму банкі/МҚҰ/лизинг компаниясы /кредитор-банкі/агент-банкі қаржы агенттігіне құжаттарды кредитті/ микрокредитті /лизингті/синдикатталған кредитті нысаналы пайдаланбау фактісін растайтын құжаттармен қоса ұсынады.

3-тарау. Жобалардың іске асырылуын мониторингтеу

195. Осы Субсидиялау қағидалары шеңберінде кәсіпкерлер жобаларының іске асырылуын қаржы агенттігі кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес мониторингтейді.

Қаржы агенттігінің функциялары :

1) банк/даму банкі/МҚҰ/лизинг компаниясы/кредитор-банк/агент-банк ұсынатын деректер мен құжаттар негізінде субсидиялау шартын жасасқан кәсіпкердің жаңа кредитті/микрокредитті/лизинті/синдикатталған кредитті нысаналы пайдалануын мониторингтеу;

2) банк/даму банкі/МҚҰ/лизинг компаниясы/кредитор-банк/агент-банк ұсынатын деректер негізінде кәсіпкердің төлем тәртібін мониторингтеу;

3) жобаның іске асырылуын (қаржылық лизинг шарты бойынша лизинг нысанасын пайдалануды) мониторингтеу;

4) осы Субсидиялау қағидаларының шарттарына және (немесе) қаржы агенттігінің шешіміне жобаның және (немесе) кәсіпкердің сәйкестігін мониторингтеу.

196. "Жасыл" кредиттер бойынша қаржылай қолдау қаражатының нысаналы пайдаланылуын мониторингтеу шеңберінде қаржы агенттігі шекті өлшемшарттар:

1) энергия тұтынуды төмендетудің нақты ең төмен мәндері;

2) парниктік газдар шығарындыларының ең төмен деңгейлері;

3) қалдықтардың кәдеге жаратудың үлесін азайтудың;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкес келуі (шекті өлшемшартта көрсетілген бөлігінде) көзделген жағдайда провайдерлердің сыртқы бағалауы негізінде қарыз алушының көзделіп отырған "жасыл" жоба бойынша мәлімделген "жасыл" таксономанияның шекті өлшемшарттарға қол жеткізуін тексереді.

Сыртқы бағалау провайдерінің қорытындысын қарыз алушы береді.

Жобаны субсидиялау басталған 2 (екі) жылдан кейін қарыз алушы мәлімделген көрсеткіштерге қол жеткізуге тиісті тәуелсіз бағалау не энергия аудитін жүргізіп, қаржы агенттігіне ұсынылады. Қарыз алушы мәлімдеген жоба бойынша "жасыл" таксономия шекті өлшемшарттарының кейінге орындалуына сыртқы тексерулерді жобаның "жасыл" таксономияның шекті өлшемшарттарына сәйкестігі туралы бастапқы қорытынды берген бағалау провайдерлері жүргізеді.

Сыйақы мөлшерлемесінің бір
бөлігін субсидиялау
қағидаларына
1-қосымша

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
1. Өңдеу өнеркәсібінде
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
2. Көрсетілетін қызметтер және өзге де қызмет түрлері бойынша
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді өңдеу
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою жөніндегі қызмет және қалдықтарды жою саласындағы өзге де көрсетілетін қызметтер
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызмет көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру***
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару****
Кәсіптік, ғылыми және техникалық қызмет
75	Ветеринариялық қызмет
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
93.1	Спорт саласындағы қызмет

* шойын, болат және ферроқорытпа өндірісін (Экономикалық қызмет түрлерінің жалпы жіктеуішінің (бұдан әрі – ЭҚЖЖ) коды "24.10"), ядролық отынды қайта өңдеуді (ЭҚЖЖ коды "24.46"), шойын құюды (ЭҚЖЖ коды "24.51"), болат құюды (ЭҚЖЖ коды "24.52") қоспағанда;

республикалық маңызы бар қалаларда дизель отынымен автобустарды (ЭҚЖЖ кодтары 49.31.1 "Автобуспен тасымалдау", 49.31.9 "Кестеге бағынатын өзге де көлік түрлерімен тасымалдау") қоспағанда;

*** апартаменттерді, пәтерлерді және тұрғын үйлерді қоспағанда;

**** бұл ЭҚЖЖ қойма үй-жайлары мен қойма алаңдарын жалға беруді көздейді.

Сыйақы мөлшерлемесінің бір
бөлігін субсидиялау
қағидаларына
2-қосымша

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінің атауы	Экономикалық қызмет түрлерінің жалпы жіктеуіші
1	2	3	4
С секциясы Өңдеу өнеркәсібі 1
1	Етті қайта өңдеу және консервілеу және ет өнімдерін өндіру	Етті қайта өңдеу және консервілеу	10.11
		Ауыл шаруашылығы құсының етін қайта өңдеу және консервілеу	10.12
		Еттен және ауыл шаруашылығы құс етінен жасалған өнімдер өндірісі	10.13
2	Балықты, шаян тәрізділерді және моллюскілерді қайта өңдеу және консервілеу	Балықты, шаян тәрізділерді және моллюскілерді өңдеу және консервілеу	10.20
3	Жемістерді және көкөністерді өңдеу және консервілеу	Картопты қайта өңдеу және консервілеу	10.31
		Жеміс және көкөніс шырындары өндірісі	10.32
		Жемістерді және көкөністерді қайта өңдеу және консервілеудің өзге де түрлері	10.39
4	Өсімдік және мал майы мен тоңмай өндірісі	Май және тоңмай өндірісі	10.41
4	Өсімдік және мал майы мен тоңмай өндірісі	Маргарин және оған ұқсас тағамдық тоңмайлар өндірісі	10.42
5	Сүт өнімдерінің өндірісі	Сүтті қайта өңдеу және ірімшік жасау	10.51
5	Сүт өнімдерінің өндірісі	Балмұздақ өндірісі	10.52
6	Ұн-жарма өнімдерінің, крахмал және крахмал өнімдерін өндіру	Ұн-жарма өнімдері өндірісі	10.61
6	Ұн-жарма өнімдерінің, крахмал және крахмал өнімдерін өндіру	Крахмал және крахмал өнімдері өндірісі	10.62
7	Нан-тоқаш, макарон және ұннан жасалған кондитерлік өнімдерді өндіру	Ұзақ сақталұға арналған нан-тоқаш және ұннан жасалған кондитерлік өнімдер өндірісі	10.71
		Кептірілген нан және печенье, ұзақ сақталатын ұннан жасалған кондитерлік өнімдер өндірісі	10.72
		Макарон өнімдерінің өндірісі	10.73
8	Өзге де тамақ өнімдерінің өндірісі	Өзге де тамақ өнімдерінің өндірісі	10.8
9	Жануарларға арналған дайын азық өндірісі	Жануарларға арналған дайын азық өндірісі	10.9
10	Сусын өндірісі	Уыт өндірісі	11.06
10	Сусын өндірісі	Алкогольсіз сусындар, минералды сулар және шөлмекке құйылған басқа да сусындар өндірісі	11.07
11	Текстиль бұйымдарының өндірісі	Текстиль бұйымдарының өндірісі	13
12	Киім өндірісі	Үлбірден тігілген киімді қоспағанда, киім өндірісі	14.1
12	Киім өндірісі	Тоқылған және трикотаж киімдер өндірісі	14.3
13	Былғары және оған жататын өнімдер өндірісі	Былғары илеу және өңдеу; жол керек-жарақтарының, қайыс-ертоқым бұйымдарының өндірісі; былғары илеу және бояу	15.1
13	Былғары және оған жататын өнімдер өндірісі	Аяқ-киім өндірісі	15.20
14	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан бұйымдар өндірісі	Ағаш кесу және сүргілеу өндірісі	16.1
14		Сүректен, тоздан, сабаннан және тоқуға арналған материалдардан бұйымдар өндірісі	16.2
15	Қағаз және қағаз өнімдерінің өндірісі	Қағаз және қағаз өнімдерінің өндірісі	17
16	Полиграфиялық қызмет және жазылған ақпарат жеткізгіштерін тыңдап-көрсету	Полиграфиялық қызмет және осы саладағы көрсетілетін қызметтерді ұсыну	18.1
17	Кокс және мұнай өңдеу өнімдерінің өндірісі	Мұнай өңдеу өнімдерін, шымтезек пен көмірден брикеттер өндіру	19.20
18	Химия өнеркәсібі өнімдерінің өндірісі	Негізгі химиялық заттар, тыңайтқыштар және азотты қосылыстар, алғашқы нысандардағы пластмассалар мен синтетикалық каучук өндірісі	20.12
		Пестицидтер мен өзге де агрохимиялық өнімдер өндірісі	20.20
		Бояулар, лактар және осыған ұқсас бояғыш жағындылар, баспаханалық бояулар мен мастикалар өндірісі	20.30
		Сабын, жуу, тазалау, жылтырату, парфюмерлік және косметикалық құралдар өндірісі	20.4
		Сіріңке шығару	20.51.2
		Желім шығару	20.52
		Эфир майларының өндірісі	20.53
		Фотоматериалдар өндірісі	20.59.1
		Желатин өндірісі	20.59.2
		Текстиль бұйымдарды әрлеуде пайдаланылатын материалдар өндірісі	20.59.3
		Техникалық көміртекті (күйе), көміртекті нанотүтікшелер, наноталшықтар және басқа көміртекті наноматериалдар өндірісі	20.59.4
		Басқа химиялық өнімдер өндірісі	20.59.9
		Жасанды және синтетикалық талшықтар өндірісі	20.60
19	Негізгі фармацевтикалық өнімдер мен фармацевтикалық препараттар өндірісі	Негізгі фармацевтикалық өнімдер өндірісі	21.10
19		Фармацевтикалық препараттар мен медициналық материалдар өндірісі	21.20
20	Резеңке және пластмасса бұйымдарының өндірісі	Резеңке бұйымдарының өндірісі	22.1
20	Резеңке және пластмасса бұйымдарының өндірісі	Пластмасса бұйымдарының өндірісі	22.2
21	Өзге де бейметалл минералды өнімдер өндірісі	Шыны және шыныдан жасалған бұйымдар өндірісі	23.1
		Отқа төзімді бұйымдар өндірісі	23.2
		Саздан жасалатын құрылыс материалдарының өндірісі	23.3
		Өзге де фарфор және қыш бұйымдарының өндірісі	23.4
		Цемент, әктас және құрылыс гипсін өндіру	23.5
		Бетоннан, цементтен және құрылыс гипсінен жасалатын бұйымдар өндірісі	23.6
		Тасты кесу, өңдеу және әрлеу	23.70
		Абразивті бұйымдар және өзге де бейметалл минералды өнімдер өндірісі	23.9
22	Металлургия өндірісі	Металлургия өндірісі	243
23	Машиналар мен жабдықтан басқа, дайын металл бұйымдарының өндірісі	Металл есіктер мен терезелер шығару	25.12
		Орталық жылыту радиаторлары мен қазандықтарының өндірісі	25.21
		Металды соққылап өңдеу, сығымдау, қалыптау, бейіндеу; ұнтақ металлургия	25.5
		Металдарды өңдеу және металдарға қаптамалар жалату; машина жасаудың негізгі технологиялық процестері	25.6
		Пышақ бұйымдары, аспаптар және қапсырма бұйымдарының өндірісі	25.7
		Өзге де дайын металл бұйымдарының өндірісі	25.94
24	Компьютерлер, электрондық және оптикалық жабдықтар өндірісі	Компьютерлер, электрондық және оптикалық жабдықтар өндірісі	265
25	Электр жабдықтарынің өндірісі	Электр жабдықтарының өндірісі	27
26	Басқа топтамаларға енгізілмеген машиналар мен жабдықтар өндірісі	Гидравликалық және пневматикалық жабдықтарының өндірісі	28.12
		Өзге де крандар, клапандар мен вентильдер өндірісі	28.14
		Лифт өндірісі	28.22.4
		Офистік техника және жабдық өндіру (компьютерлерді және перифериялық жабдықты қоспағанда)	28.23
		Механикаландырылған қол аспаптарын өндіру	28.24
		Өнеркәсіптік тоңазыту және желдету жабдығының өндірісі	28.25
		Басқа топтамаларға енгізілмеген жалпы мақсаттағы өзге де машиналар мен жабдықтар өндірісі	28.29
		Ауылшаруашылық машиналар өндірісі	28.30.2
27	Автомобильдер, тіркемелер және жартылай тіркемелер өндірісі	Автомобильдер өндірісі	29.1
		Автомобильдерге арналған шанақтар өндірісі	29.20.1
		Автомобильдердің бөлшектері мен керек-жарақтарының өндірісі	29.3
28	Басқа көлік құралдарының өндірісі	Теміржол локомотивтерінің және жылжымалы құрам өндірісі	30.20
28	Басқа көлік құралдарының өндірісі	Басқа топтамаларға енгізілмеген көлік құралдарының өндірісі	30.9
29	Жиһаз өндірісі	Жиһаз өндірісі	31
30	Өзге де дайын бұйымдар өндірісі	Өзге де дайын бұйымдар өндірісі	32
D секциясы Электр энергиясымен, газбен, бумен, ыстық сумен және кондицияланған ауамен жабдықтау
31	Электр энергиясын өндіру	Гидроэлектр станцияларының электр энергиясын өндіруі	35.11.2
		Жел электр станцияларының электр энергиясын өндіруі	35.11.4
		Күн электр станцияларының электр энергиясын өндіруі	35.11.5
		Өзге де электр станцияларының электр энергиясын өндіруі	35.11.9

Ескертпелер:

1 Өндіріс, оның ішінде айран, консервіленбеген қойылтылған сүт, дән түйіршіктері, глюкоза-фруктоза шәрбаты, қарақұмық өндірісі, сондай-ақ картопты өнеркәсіптік тазартуды және шай мен кофе өндіруді қоспағанда, картопты өңдеу және консервілеу.

2 Өндіріс, оның ішінде: дезинфекциялау құралдарының, зарарсыздандырғыштар өндірісі.

3 Шойын, болат және ферроқорытпа өндірісін (экономикалық қызмет түрлерінің жалпы жіктеуішінің (бұдан әрі – ЭҚЖЖ) коды "24.10") қоспағанда, ядролық отынды өңдеу (ЭҚЖЖ коды "24.46"), шойын құю (ЭҚЖЖ коды "24.51"), болат құю (ЭҚЖЖ коды "24.52").

4 Өндіріс, оның ішінде асыл емес (бағалы емес) металдардан жасалған бөшкелер, барабандар және басқа да ыдыстар өндірісі.

5 Өндіріс, оның ішінде өкпені жасанды желдету аппараты; медициналық мақсаттарда пайдаланылатын өзге де электр және электрондық жабдықтар; діріл-акустикалық аппараттар; медициналық білезіктер; пациент мониторлары; телекардиографтар; диализаторлар өндірісі.

Сыйақы мөлшерлемесінің бір
бөлігін субсидиялау
қағидаларына
3-қосымша

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінен алынған атауы	Экономикалық қызмет түрлерінің жалпы жіктеуіші
1	2	3	4
B секциясы Тау-кен өндіру өнеркәсібі және карьерлер игеру
1	Тас көмірді байыту	Тас көмірді байыту	05.10.31
2	Тұз өндіру	Тұз өндіру	08.93
E секциясы Сумен жабдықтау; су бұру қалдықтарды жинау, өңдеу және жою, ластануды жою қызметі
3	Су жинау, өңдеу және тарату	Су жинау, өңдеу және тарату	36
4	Қалдықтарды жинау, өңдеу және жою; материалдарды кәдеге жарату (қалпына келтіру)	Қауіпсіз қалдықтарды жинау	38.11
H секциясы Көлік және қоймаға жинау
5	Құрлық және құбырмен жүретін көлік қызметі	Басқа топтамаларға енгізілмеген өзге де құрлықтағы жолаушылар көлігінің қызметі	49.392
6	Жүкті қоймалау және қосалқы көлік қызметі	Жүктерді қоймаға жинау және қосалқы көлік қызметі	523
6	Жүкті қоймалау және қосалқы көлік қызметі	Жүктерді қоймалаға жинау және сақтау	52.104
I Секциясы Тұру және тамақтану бойынша қызметтер көрсету
7	Уақытша тұру жөнінде қызмет көрсету	Қонақүйлердің және тұруға арналған соған ұқсас орындардың қызметтер көрсетуі	55.105
		Демалыс күндерінде және қысқа мерзімді тұрудың өзге де кезеңдеріне баспана беру	55.205
		Кемпингтердің, автофургондарға және тұруға арналған автотіркемелерге арналған тұрақтардың қызметтер көрсетуі	55.305
		Тұруға арналған өзге де орындардың көрсетілетін қызметтері	55.906
J секциясы Ақпарат және байланыс
8	Компьютерлік бағдарламалау, консультациялық және басқа да ілеспе көрсетілетін қызметтер	Компьютерлік бағдарламалау саласындағы қызмет	62.01
9	Ақпараттық қызмет көрсету саласындағы қызмет	Ақпараттық қызмет көрсету саласындағы қызмет	63
P секциясы Білім беру
10	Білім беру	Білім беру	857
10	Білім беру	Басқа топтамаларға енгізілмеген білім берудің өзге де түрлері	85.59
Q секциясы Денсаулық сақтау және халыққа әлеуметтік қызмет көрсету
11	Денсаулық сақтау саласындағы қызмет	Денсаулық сақтау саласындағы қызмет	868

Ескертпелер:

1 Үйіндіден қазып алынған тас көмір.

2 Тау шаңғысы курорттарын салу, егер қалалық және қалааралық көлік тасымалы жүйесіне кірмесе, конвейерлерді, арқанды жолдарды, тау шаңғысы және арқанды көтергіштерді басқару.

3 Қазақстан Республикасының Қытай Халық Республикасымен және Өзбекстан Республикасымен шекаралас аумақтарында көліктік транзиттік терминалдар, құрғақ порттар, қойма үй-жайларын салу.

4 Азық-түлік өнімдерін сақтау және өткізу бойынша көтерме-тарату орталықтарын құру, көкөніс және жеміс қоймаларын салу.

5 Алакөл көлі жағалауында (Шығыс Қазақстан, Алматы облыстары), Балқаш көлі жағалауында (Қарағанды облысы), Баянауыл курорттық аймағында (Павлодар облысы), Щучье-Бурабай курорттық аймағында (Ақмола облысы), Түркістан және Ақтау қалаларында, Имантау-Шалқар курорттық аймағында (Солтүстік Қазақстан облысы), Алматы таулы кластерінде (Алматы облысының Талғар, Еңбекшіқазақ, Ұйғыр, Райымбек, Қарасай аудандары), "Медеу" мемлекеттік аумақтық табиғи паркінде, Іле Алатауы мемлекеттік ұлттық табиғи паркінде іске асырылатын туризм саласындағы жобалар қаржыландырылады.

6 Студенттер және мектеп жатақханаларын салу және (немесе) реконструкциялау.

7 Мектепке дейінгі, бастауыш, негізгі және жалпы орта білім беру мекемелерін салу және (немесе) реконструкциялау және (немесе) жабдықтармен жарақтандыру.

8 Медициналық мекемелерді салу және (немесе) жөндеу және (немесе) медициналық мекемелерді қажетті медициналық жабдықтармен (компьютерлік томограф, магнитті-резонанстық томограф, ультрадыбыстық зерттеу аппараты, кардиомонитор, неонаталдық өкпені жасанды желдету аппараты, өкпені жасанды желдету аппараты, жасанды қанайналым аппараты, ангиографиялық жүйе) жарақтандыру, сондай-ақ санаториялық-курорттық мекемелер салу және (немесе) реконструкциялау және (немесе) жабдықтармен жарақтандыру.

Сыйақы мөлшерлемесінің бір
бөлігін субсидиялау
қағидаларына
4-қосымша

Негізгі (басым) экономикалық қызмет түрлерінің тізбесі

Р/с №	Экономикалық қызмет түрлерініңжалпы жіктеуішінен алынған атауы	Экономикалық қызмет түрлерінің жалпы жіктеуіші
1	2	3
1.	Сүтті бағыттағы ірі қара мал өсіру	01.41.0
2.	Ет алу үшін құс, асыл тұқымды және төл құстарөсіру	01.47.1
3.	Етті өңдеу және консервілеу	10.11.0
4.	Ауыл шаруашылығы құсының етін өңдеу және консервілеу	10.12.0
5.	Еттен және ауыл шаруашылығы құсының етінен жасалған өнімдер өндіру	10.13.0
6.	Консервіленген сүттен басқа сүтті өңдеу және ірімшік өндіру	10.51.1
7.	Ауыл шаруашылығы жануарларына арналған дайын азықтар өндіру	10.91.0
8.	Мақта-мата талшығы мен мақта талшығын иіру	13.10.2
9.	Ағаштан жасалған шпон, фанера, плиталар мен панельдер өндіру	16.21.0
10.	Қағаз және картон өндіру	17.12.0
11.	Гофрленген қағаз және картон өндіру	17.21.1
12.	Шаруашылық-тұрмыстық және санитарлық-гигиеналық мақсаттағы қағаз бұйымдарын өндіру	17.22.0
13.	Тыңайтқыштар өндіру	20.15.1
14.	Пестицидтер және өзге де агрохимиялық өнімдер өндіру	20.20.0
15.	Бояулар, лактар, эмальдар және оларға арналған минералды пигменттер өндіру	20.30.1
16.	Сабын және жуу, тазалау және жылтырату құралдарын өндіру	20.41.0
17.	Басқа химиялық өнімдерді өндіру	20.59.9
18.	Фармацевтикалық препараттар өндіру	21.20.1
19.	Жұмсақ шатыр және гидрооқшаулағыш материалдар өндіру	23.99.3
20.	Орындықтар мен басқа да отыратын жиһаздардан басқа кеңселер мен сауда кәсіпорындарына арналған жиһаз өндіру	31.01.2

Сыйақы мөлшерлемесінің бір
бөлігін субсидиялау
қағидаларына
5-қосымша

Нысан

Өтініш

Сыйақы мөлшерлемесінің бір бөлігін субсидиялау қағидаларына (бұдан әрі – Субсидиялау қағидалары) :

(қажетті бағытқа қанат белгі қойыңыз)

	Субсидиялау қағидалары шеңберінде "Шағын және орта кәсіпкерлікті қолдау" бағыты
	Субсидиялау қағидалары шеңберінде "Шағын, орта және ірі кәсіпкерлікті қолдау" бағыты
	"Моно- және шағын қалаларда, ауылдық елді мекендерде кәсіпкерлікті қолдау" бағыты
	"Әлеуметтік кәсіпкерлік" бағыты

шеңберінде қатысу және _______ жылғы № ___ банктік қарыз шарты/микрокредит бойынша шарт/қаржылық лизинг шарты негізінде берілген кредит/микрокредит/қаржылық лизинг шарты/"жасыл" жобаларды іске асыру мақсаттары үшін кредит бойынша сыйақы мөлшерлемесінің бір бөлігін мынадай:

Кредиттің/микрокредиттің нысаналы мақсаты
"Жасыл" жобаларды іске асыру мақсаттары үшін кредит болған жағдайда: "жасыл" жоба жататын "жасыл" таксономия санаты/санаттары
Кредит/микрокредит/лизинг сомасы
Сыйақы мөлшерлемесі
Кредит/микрокредит валютасы
Кредит/микрокредит/лизинг мерзімі

шарттарда субсидиялау нысанында мемлекеттік қолдау алу мақсатында Сізден субсидиялау мақұлданған жағдайда кредит/микрокредит/қаржылық лизинг шарты бойынша номиналдық сыйақы мөлшерлемесін Субсидиялау қағидалары шеңберінде қатысуға мүмкіндік беретін деңгейге дейін төмендету мүмкіндігін қарастыруыңызды сұраймын.

___________________________________________________________________

(тегі, аты, әкесінің аты (бар болса)

____________________________________________________________________

(қолы, күні) мөр орны (бар болса)

Сыйақы мөлшерлемесінің бір
бөлігін субсидиялау
қағидаларына
6-қосымша

Нысан

	Қайда: ________________
	қаржы агенттігі
	Кімнен _________________
	(бұдан әрі – кәсіпкер)

№ __________сауалнама-өтініш

Сыйақы мөлшерлемесінің бір бөлігін субсидиялау қағидаларына (бұдан әрі – Субсидиялау қағидалары) сәйкес Сізден кредит/микрокредит/қаржылық лизинг шарты/"жасыл" жобаларды іске асыру мақсаттары үшін кредит бойынша сыйақы мөлшерлемесінің бір бөлігін субсидиялау туралы мәселені қаржы агенттігінің ___________ жөніндегі уәкілетті органының қарауына шығаруға бастамашылық етуіңізді сұраймын:

1. Субсидиялау қағидаларының бағыттары (бағытқа қанат белгі қойыңыз)

	Субсидиялау қағидалары шеңберінде "Шағын және орта кәсіпкерлікті қолдау" бағыты
	Субсидиялау қағидалары шеңберінде "Шағын, орта және ірі кәсіпкерлікті қолдау" бағыты
	"Моно- және шағын қалаларда, ауылдық елді мекендерде кәсіпкерлікті қолдау" бағыты
	"Әлеуметтік кәсіпкерлік" бағыты

2. Жоба бойынша ақпарат

Құрылтайшы(лар) туралы деректер
Заңды мекенжайы
Нақты мекенжайы
Бірінші басшының тегі, аты, әкесінің аты (бар болса)
Жобаның қысқаша сипаттамасы
Жоба іске асырылатын жер (облыс, қала)
Экономикалық қызметтің түрі (ЭҚЖЖ сәйкес)
Банк/микроқаржы ұйымы (бұдан әрі – МҚҰ)/лизинг компаниясының атауы
Кредит/микрокредит/лизинг сомасы
Кредиттің/микрокредиттің нысаналы мақсаты
"Жасыл" жобаларды іске асыру мақсаттары үшін кредит болған жағдайда: "жасыл" жоба жататын "жасыл" таксономия санаты/санаттары

3. Кепілдіктер мен келісімдер

Кәсіпкер қаржы агенттігіне мынаны мәлімдейді және оған кепілдік береді:

1. Осы өтінішпен бірге не қаржы агенттігінің сұратуы бойынша қаржы агенттігіне берілетін (берілген) немесе табысталатын барлық деректер, ақпарат және құжаттама анық болып табылады әрі төменде көрсетілген күнгі шындыққа толық сәйкес келеді, көрсетілген деректер өзгерген жағдайда қаржы агенттігіне дереу хабарлауға міндеттенемін.

2. Қаржы агенттігінің алғашқы талап етуі бойынша осы өтінішті қарау шеңберінде талап етілген банктік және коммерциялық құпияны қамтитын кез келген ақпарат пен құжаттарды, сондай-ақ бастапқы статистикалық деректерді беруге және ашуға міндеттенемін.

3. Қаржы агенттігі көрсетілген растау мен кепілдіктердің дұрыстығын тексермейді.

4. Кәсіпкерге жалған, толық емес және (немесе) анық емес мәліметтерді бергені үшін Қазақстан Республикасының заңнамасында көзделген жауапкершілік туралы ескертілді.

5. Кәсіпкердің жарғылық құзыреті осы өтінішке қол қоятын адамның өтініш беруіне мүмкіндік беретінін кәсіпкер растайды.

6. Көрсетілген деректер мен ақпараттың дұрыс еместігі анықталған жағдайда осы өтініштің көрсетілген деректердің дұрыс еместігін растайтын мәліметтер анықталған кезде кез келген кезеңде қабылданбайтынына, бұл ретте қаржы агенттігінің қабылдамау себептерін хабарламайтындығымен келісемін.

Осы арқылы кәсіпкер қаржы агенттігіне:

1. Қаржы агенттігі осы өтініште көрсетілген мәліметтерді, ақпаратты және кәсіпкер ұсынған құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамына бере алатынына.

2. Осы өтініште қамтылған барлық мәліметтер, сондай-ақ қаржы агенттігі талап еткен барлық құжаттар Субсидиялау қағидалары шеңберінде тек субсидиялау үшін берілетініне.

3. Қаржы агенттігі кәсіпкер өзі туралы хабарлайтын кез келген ақпаратты тексеру құқығын өзіне қалдырады, ал кәсіпкер берген құжаттар және өтініштің түпнұсқасы субсидиялау берілмесе де, қаржы агенттігінде сақталуына.

4. Қаржы агенттігінің осы өтінішті қарауға қабылдауы, сондай-ақ кәсіпкердің ықтимал шығыстары (субсидиялауды алуға қажетті құжаттарды ресімдеуге және тағы басқа) қаржы агенттігінің субсидиялауды беру немесе кәсіпкер шеккен шығындарды өтеу міндеттемесі болып табылмайтынына.

5. Қаржы агенттігі одан немесе банктен/даму банкінен/МҚҰ-дан/лизинг компаниясынан алған кәсіпкердің ақпаратын жарнама науқанын жүргізу кезінде, ақпаратты қаржы агенттігінің ресми сайтында орналастыру кезінде пайдалануына.

6. Субсидиялау туралы мәселені қарау тәртібімен танысқанын және келісетінін растайды, кейіннен қаржы агенттігіне наразылығы болмайтынына келісімін береді.

4. Қосымшалар:

(______________________ бағыты бойынша көзделген құжаттар)

___________________________________________ ________________

Кәсіпкердің (тегі, аты, әкесінің аты (бар болса) (қолы, күні)

Сыйақы мөлшерлемесінің бір
бөлігін субсидиялау
қағидаларына
7-қосымша

Нысан

20__ жылғы "__" ____

Кәсіпкерлік субъектісі (бұдан әрі – КС)

"_____________________________"

Көшірме: "_______________________"

акционерлік қоғамы (екінші деңгейдегі

банкі)/жауапкершілігі шектеулі

серіктестігі (лизинг компаниясы)

"Даму" кәсіпкерлікті дамыту қоры" АҚ (бұдан әрі – Қор) сыйақы мөлшерлемесін субсидиялау мәселесі бойынша "_______________" КС жобасын Сыйақы мөлшерлемесінің бір бөлігін субсидиялау қағидаларының (бұдан әрі – Субсидиялау қағидалары) _____________ бағыты шеңберінде қаржы агенттігінің уәкілетті органының отырысында 20___ жылғы "___" _________ қарағанын және мақұлдағанын хабарлайды.

Субсидиялау үшін бюджетте қаражат болмаған жағдайда Қор Субсидиялау қағидаларының 110 және 151-тармақтарына сәйкес субсидиялау шартына қол қоймайды.

Өңірлік филиал директоры ______________________________________

Сыйақы мөлшерлемесінің бір
бөлігін субсидиялау
қағидаларына
8-қосымша

Нысан

20__ жылғы "__" ___

Кәсіпкерлік субъектісі (бұдан әрі – КС)

"_____________________________"

Көшірме: "_______________________"

акционерлік қоғамы (екінші деңгейдегі

банкі)/жауапкершілігі шектеулі

серіктестігі (лизинг компаниясы)

"Даму" кәсіпкерлікті дамыту қоры" Сыйақы мөлшерлемесінің бір бөлігін субсидиялау қағидаларының _________ бағыты шеңберінде сыйақы мөлшерлемесін субсидиялау мәселесі бойынша "_______________" КС жобасын қаржы агенттігінің уәкілетті органының отырысында қарап, мынадай шешім қабылдады:

1. _____________________ бас тартылсын (бас тарту себебі).

2. _____________________ ұсынылсын.

Өңірлік филиал директоры _______________________________________

Сыйақы мөлшерлемесінің бір
бөлігін субсидиялау
қағидаларына
9-қосымша

Нысан

Өңірлік үйлестірушіге/уәкілетті органға бастап __ дейінгі аралықтағы кезең үшін субсидиялау туралы есеп

Банктің/даму банкінің/ микроқаржы ұйымының/ лизинг компаниясының атауы	Кәсіпкер өтініш жасаған орын	Кәсіпкердің атауы	Банктік қарыз шартының (бұдан әрі – БҚШ) (транш)/ микрокредит бойынша шарттың (бұдан әрі – МШ) (транш)/ қаржылық лизинг шартының (бұдан әрі – ҚЛШ) (транш) нөмірі		БҚШ (транш)/ МШ (транш)/ҚЛШ (транш) күні		Кредит (транш)/ микрокредит (транш)/лизинг (транш)/сомасы, теңге
1	2	3	4		5		6

Кредит (транш)/ микрокредит (транш)/лизинг (транш) бойынша сыйақы мөлшерлемесі			Субсидиялау шартының нөмірі	Субсидиялау шартының күні	Кезең ішінде қаржы агенттігі аударған субсидиялар сомасы, теңге	Кезең ішінде есептен шығарылған субсидиялар сомасы, теңге
7			8	9	10	11

Ескертпе:

*Айналым қаражатын толықтыруға бағытталған кредиттерді/микрокредиттерді субсидиялау жобалары бойынша өңірлік үйлестірушіге/уәкілетті органға субсидиялау туралы есеп ұқсас нысан бойынша жеке ұсынылады.

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Ислам банктері кәсіпкерлік субъектілерін қаржыландырылған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау қағидалары

1-тарау. Жалпы ережелер

1. Осы Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау қағидалары (бұдан әрі – Ислам банктері қаржыландырған кезде субсидиялау қағидалары) Қазақстан Республикасының Кәсіпкерлік кодексіне (бұдан әрі – Кодекс) сәйкес әзірленді, ислам банктері/ислам лизингі компаниялары кәсіпкерлік субъектілеріне беретін қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасы/жалдау төлемінің бөліктерін субсидиялаудың шарттары мен тетігін айқындайды.

2. Осы Ислам банктері қаржыландырған кезде субсидиялау қағидаларында мынадай негізгі ұғымдар пайдаланылады:

1) айналым қаражатын толықтыру – кәсіпкердің мәлімделген қызметімен байланысты әрі салықтық міндеттемелерді, зейнетақылық және әлеуметтік аударымдарды, кедендік төлемдерді/алымдарды/баждарды төлеуге арналмаған кәсіпкерді қаржыландырудың нысаналы мақсаты;

3) банк-төлем агентi – қаржы агенттігімен келісілген және ислам лизингі компанияларының ислам лизингі шарттары бойынша субсидиялар сомаларын аудару мен есептен шығаруға арналған ислам лизингі компаниясының арнайы шотын жүргізу функцияларын жүзеге асыратын ислам лизингі компаниясының уәкілетті банкі;

4) бұрын бекітілген кәсіпкерлікті қолдау бағдарламасы/бұрын бекітілген кәсіпкерлікті қолдау бағдарламалары – Қазақстан Республикасы Үкіметінің 2018 жылғы 25 тамыздағы № 522 қаулысымен бекітілген "Бизнестің жол картасы – 2020" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы – 2025" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба, "Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдауқағидаларын, нысандарын бекіту туралы" Қазақстан Республикасы Сауда және интеграция министрінің 2023 жылғы 21 қарашадағы № 410-НҚ, Қазақстан Республикасы Энергетика министрінің 2023 жылғы 22 қарашадағы № 412, Қазақстан Республикасы Туризм және спорт министрінің 2023 жылғы 22 қарашадағы № 299, Қазақстан Республикасы Экология және табиғи ресурстар министрінің 2023 жылғы 22 қарашадағы № 327, Қазақстан Республикасы Ауыл шаруашылығы министрінің 2023 жылғы 22 қарашадағы № 401, Қазақстан Республикасы Мәдениет және ақпарат министрінің 2023 жылғы 22 қарашадағы № 450-НҚ, Қазақстан Республикасы Су ресурстары және ирригация министрінің 2023 жылғы 22 қарашадағы № 16, Қазақстан Республикасы Көлік министрінің міндетін атқарушының 2023 жылғы 23 қарашадағы № 91, Қазақстан Республикасы Өнеркәсіп және құрылыс министрінің 2023 жылғы 23 қарашадағы № 84, Қазақстан Республикасы Оқу-ағарту министрінің 2023 жылғы 23 қарашадағы № 347, Қазақстан Республикасының Цифрлық даму, инновациялар және аэроғарыш өнеркәсібі министрінің 2023 жылғы 23 қарашадағы № 572/НҚ, Қазақстан Республикасы Ғылым және жоғары білім министрінің 2023 жылғы 23 қарашадағы № 598 және Қазақстан Республикасы Денсаулық сақтау министрінің міндетін атқарушының 2023 жылғы 23 қарашадағы № 167 бірлескен бұйрығы (нормативтік құқықтық актілерді мемлекеттік тіркеу тізілімінде № 33681 болып тіркелген);

5) жергілікті үйлестіруші – құжаттарды дайындау және жинау бойынша кәсіпкерлерді консультациялық сүйемелдеуді жүзеге асыратын облыстың (астананың, республикалық маңызы бар қалалардың) әкімі айқындайтын жергілікті атқарушы органның (қаланың/ауданның) құрылымдық бөлімшесі;

6) жоба – кәсіпкер кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде бизнестің әртүрлі бағыттарында (бір жоба аясында қаржыландырудың бірнеше түрін алуға болады) жүзеге асыратын іс-қимыл мен іс-шаралар жиынтығы;

7) инвестициялар – негізгі құралдарды сатып алу және (немесе) салу және (немесе) жаңғырту және (немесе) реконструкциялау және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/ биологиялық/ материалдық/материалдық емес активтердің құнына енгізілген қосылған құн салығы бойынша шығыстар да инвестицияларға жатады);

8) ислам банкі – осы Ислам банктері қаржыландырған кезде субсидиялау қағидаларын іске асыру шеңберінде "Қазақстан Республикасындағы банктер және банк қызметі туралы" Қазақстан Республикасы Заңының 4-1-тарауында көзделген банк қызметін лицензия негізінде жүзеге асыратын екінші деңгейдегі банк;

9) ислам банкі беретін қаржыландыру (бұдан әрі – қаржыландыру) – ислам банкінің/ислам лизингі компаниясының кәсіпкерге беретін тауар үшін төлемді кейінге қалдыру немесе бөліп төлеу және/немесе ислам банкінің/ислам лизингі компаниясының кәсіпкерге лизинг (жалға беру) шарттарында мүлікті (лизинг нысанын) беруі;

10) ислам лизингі компаниясы – осы Ислам банктері қаржыландырған кездегі субсидиялау қағидаларын іске асыру шеңберінде қатысатын, өз қызметін "Қаржы лизингі туралы" Қазақстан Республикасы Заңының (бұдан әрі – Заң) 2-1-тарауына сәйкес жүзеге асыратын, акционерлік қоғам нысанында құрылған, банк болып табылмайтын заңды тұлға;

11) ислам лизингі шарты – ислам лизингі компаниясы мен кәсіпкер арасында жасалған жазбаша келісім, оның талаптары бойынша ислам лизингі компаниясы кәсіпкерге мүлікті (лизинг нысанын) лизинг (жалға беру) шарттарында береді;

12) исламдық қаржыландыру бойынша субсидиялау шарты (бұдан әрі – субсидиялау шарты) – кәсіпкерлік жөніндегі уәкілетті орган бекітетін нысан бойынша ислам банкі/ислам лизингі компаниясы берген кәсіпкерді қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасы/жалдау төлемінің бөліктерін қаржы агенттігі ішінара субсидиялайтын, қаржы агенттігі, ислам банкі/ислам лизингі компаниясы мен кәсіпкер арасында жасалатын үшжақты жазбаша келісім;

13) кәсіпкер – өз қызметін осы Ислам банктері қаржыландырған кездегі субсидиялау қағидалары шеңберінде жүзеге асыратын шағын және (немесе) орта кәсіпкерлік субъектісі;

14) қаржы агенттігі – "Даму" кәсіпкерлікті дамыту қоры" акционерлік қоғамы;

15) қайта қаржыландыру – кәсіпкерге бұрын берілген қаржыландыруды қаржыландыру қаражаты есебінен алмастыру, бұл ретте қайта қаржыландыру сомасына негізгі борыш қана кіреді, тауардың үстеме бағасы, айыппұлдар, өсімпұлдар және сот тәртібімен де, соттан тыс тәртіппен де берешекті өндіріп алуға байланысты өзге де төлемдер есепке алынбайды;

16) қаржыландыру шарты – ислам банкі мен кәсіпкер арасында жасалатын жазбаша келісім, оның шарттары бойынша ислам банкі кәсіпкерге – тауарды сатып алушыға немесе сатушыға коммерциялық кредит береді не кәсіпкерге лизинг (жалға беру) шарттарында мүлік (лизинг нысанасын) береді (қаржыландыру шартына бас қаржыландыру келісімі де жатады, оның шеңберінде ислам банкі мен кәсіпкер коммерциялық кредит беру (қаржыландыру) туралы жекелеген шарттар жасасады);

17) мемлекеттік даму институттары – экономиканың әртүрлі салаларында мемлекеттік қолдау шараларын көрсететін ұлттық басқарушы холдингтер, ұлттық холдингтер, акцияларының бақылау пакеттері ұлттық басқарушы холдингке немесе ұлттық холдингке тиесілі акционерлік қоғамдар;

18) нысананы пайдалану – кәсіпкердің осы Ислам банктері қаржыландырған кезде субсидиялау қағидаларының талаптарына сәйкес келетін мақсаттарға қаржыландыру шарты бойынша алынған ислам банктерінің/ислам лизингі компанияларының қаржыландыруын пайдалануы (нысананы пайдалану, жиынтығында кәсіпкердің активке/ жұмыстарға/ көрсетілетін қызметтерге толық көлемде ақы төлегенін, алғанын және пайдаланғанын және (немесе) осы Ислам банктері қаржыландырған кезде субсидиялау қағидаларының шарттарына сәйкес басқа мақсаттарға қол жеткізгенін растайтын тиісті құжаттармен расталады);

19) өңірлік үйлестіруші – облыс (астана, республикалық маңызы бар қалалар) әкімі айқындайтын кәсіпкерлік саласындағы жергілікті атқарушы органның құрылымдық бөлімшесі;

20) субсидиялар – субсидиялау шарттарының негізінде кәсіпкерлерді субсидиялау шеңберінде қаржы агенттігі ислам банкіне/ислам лизингі компаниясына өтеусіз және қайтарымсыз негізде төлейтін мерзімді төлемдер;

21) субсидиялау – кәсіпкер ислам банкіне/ислам лизингі компаниясына ислам банкінің/ислам лизингі компаниясының кірісін құрайтын тауардың үстеме бағасы/жалдау төлемі ретінде төлейтін шығыстарды ішінара өтеу үшін болашақта кәсіпкердің операциялық қызметіне жататын белгілі бір шарттарды орындауға айырбас ретінде кәсіпкерлерді қаржыландырулар бойынша мемлекеттік қаржылай қолдау нысаны;

22) уәкілетті орган – кәсіпкерлік жөніндегі уәкілетті орган;

23) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар;

24) экономикалық қызмет түрлерінің жалпы жіктеуіші (ЭҚЖЖ) – экономикалық қызмет түрлерін жіктеу және кодтау тәртібін белгілейтін ұлттық жіктеуіш;

25) экономикалық орынсыздық – жоспарланған жобаның тиімді болмауы, оның ішінде жұмыс орындарын құру және (немесе) салықтар жөніндегі өлшемшарттың орындалмауы, жоба мақсатының мәлімделген ЭҚЖЖ және өзге де талаптарға сәйкес келмеуі;

26) электрондық өтінім – ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған мемлекеттік қолдау алуға өтініш;

27) электрондық құжаттар топтамасы – мемлекеттік көрсетілген қызметті алушы өзі қатысқан кезде берген жазбаша келісім негізінде өтініш берушінің немесе осы құжатты куәландыруға өкілеттілігі бар тұлғаның не кәсіпкерлерге қызмет көрсету орталығының уәкілетті жұмыскерінің электрондық цифрлық қолтаңбасымен куәландырылған, төлнұсқа құжаттың түрін және ақпаратын (деректерін) электрондық-цифрлық нысанда толық көрсететін құжаттар.

3. Субсидиялау қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасы/жалдау төлемі ретінде кәсіпкерлер төлейтін шығыстардың бөлігін өтеу үшін пайдаланылады және мемлекеттің бизнеспен өзара іс-қимылының тиімді тетіктері арқылы жүзеге асырылады.

4. Қаржы агенттігінің көрсетілген қызметтеріне уәкілетті орган республикалық бюджет қаражаты есебінен ақы төлейді.

5. Осы Ислам банктері қаржыландырған кезде субсидиялау қағидалары шеңберінде субсидиялау үшін көзделген қаражатты республикалық бюджеттің және (немесе) Қазақстан Республикасының Ұлттық қорының қаражаты есебінен кәсіпкерлік жөніндегі уәкілетті орган қаржы агенттігіне өздерінің араларында жасалатын қаражатты аудару шарты негізінде қаржы агенттігінің арнайы шотына аударады.

6. Осы Ислам банктері қаржыландырған кезде субсидиялау қағидалары шеңберінде жергілікті бюджет қаражаты есебінен субсидиялау үшін көзделген қаражатты өңірлік үйлестіруші қаржы агенттігіне уәкілетті орган бекіткен субсидиялау және (немесе) кепілдік беру туралы шарттың үлгілік нысанына сәйкес ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасы/жалдау төлемінің бөліктерін субсидиялау туралы жасалатын шарт негізінде аударады.

Бұрын қолданыста болған кәсіпкерлікті қолдау бағдарламалары шеңберінде мақұлданған және қол қойылған жобалар бойынша субсидиялау нысанындағы қолдау шараларын қаржыландыру осы Ислам банктері қаржыландырған кезде субсидиялау қағидаларының бұрын қолданыста болған кәсіпкерлікті қолдау бағдарламаларының осы кәсіпкерлікті қолдау бағдарламаларын іске асыру шеңберінде бөлінген республикалық және жергілікті бюджеттер қаражаты есебінен жүзеге асырылады.

Қаржы агенттігі субсидиялау үшін бөлінген және бұрын қолданыста болған кәсіпкерлікті қолдау бағдарламалары шеңберінде жергілікті және/немесе республикалық бюджеттерден аударылған қаражатты толық игерілгенге дейін пайдаланады.

Тиісті қаржы жылы бекітілген жаңа жобалар шеңберінде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау үшін бюджет:

өңдеу өнеркәсібіне бюджет қаражатының 50 %-ына дейін;

көрсетілетін қызметтерді ұсыну бойынша қызметке, оның ішінде сауда қызметі саласында бюджет қаражатының 30 %-ына дейін;

микро- және шағын кәсіпкерлік субъектілерінің қызметіне (20 (жиырма) миллион теңгеге дейінгі қаржыландыру) – бюджет қаражатының 20 %-ы бөлінеді.

Бұл ретте өңдеу өнеркәсібіндегі, және/немесе қызметтер көрсетуге арналған және сауда қызметі саласындағы, және/немесе микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі субсидиялау қажеттігіне қарай солардың арасында қайта бөледі.

7. Бұрын қолданыста болған кәсіпкерлікті қолдаудың бағдарламалары/осы Ислам банктері қаржыландырған кезде субсидиялау қағидалары шеңберінде республикалық және/немесе жергілікті бюджеттерден, және/немесе Қазақстан Республикасының Ұлттық қорынан субсидиялауға бөлінген қаражатты жобаларды субсидиялауға және/немесе оларға кепілдік беруге қаражаттың қажет болу шамасына қарай пайдалануға жол беріледі.

8. Осы Ислам банктері қаржыландырған кезде субсидиялау қағидалары шеңберінде:

1) мемлекеттік даму институттары кредитор болып табылатын;

2) осы Ислам банктері қаржыландырған кезде субсидиялау қағидаларын іске асыру шеңберінде тауардың үстеме бағасы/жалдау төлемінің бөліктері арзандатылған;

3) ұйымдардың, сондай-ақ кәсіпорындардың үлестерін, акцияларын мүліктік кешен ретінде сатып алуға бағытталған;

4) овердрафт түріндегі;

5) қайтарымды, қайталама немесе қосалқы лизинг бойынша;

6) ломбардтардың, микроқаржы, факторингтік ұйымдардың және лизинг компанияларының қызметіне бағытталған;

7) мыналарды:

үлестес/байланысты тұлғаның құрылыс бойынша қызметті жүзеге асыруын растайтын құжат болған жағдайда жаңа объектілерді (ғимараттарды, құрылысжайлар мен олардың кешендерін, коммуникацияларды) салуды және (немесе) жұмыс істеп тұрғандарын кеңейтуді, жаңғыртуды, техникалық жаңартуды, реконструкциялауды, қалпына келтіруді, күрделі жөндеуді;

Қазақстан Республикасының аумағында ресми дистрибьюторлар болып табылатын үлестес/байланысты тұлғалардан тауарларды, жұмыстарды және көрсетілетін қызметтерді сатып алуды;

егер тауарды, шикізатты және/немесе материалдарды үлестес/байланысты тұлға өндірген жағдайда үлестес/байланысты тұлғалардан осындай тауарларды, шикізатты және/немесе материалдарды сатып алуды қоспағанда, үлестес/байланысты тұлғалардан негізгі құралдарды, жылжымайтын мүлік объектілері түріндегі тауарларды, активтерді, жұмыстар мен көрсетілетін қызметтерді сатып алуға бағытталған;

8) жеңіл автомобильдерді (шанағы немесе кабинадан оқшауланған жүк платформасы бар жүктерді тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 2024 жылғы 31 желтоқсанды қоса алғандағы өтінімдер бойынша отандық өндірушілердің 1 (бір) бірлігінің құны 10 (он) миллион теңгеден аспайтын жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалға және лизингке беру" бойынша жеңіл автомобильдерді жалға және лизингке беруге (2024 жылғы 31 желтоқсанды қоса алғандағы өтінімдер бойынша отандық өндірушілердің 1 (бір) бірлігінің құны 10 (он) миллион теңгеден аспайтын жеңіл автомобильдерін жалға және лизингке беруді қоспағанда) бағытталған;

9) мектепке дейінгі білім беру немесе бүлдіршін жастағы балаларға білім беру жағдайларын (ЭҚЖЖ кодтары 85.10 "Мектепке дейінгі білім беру" және 88.91 "Балаларға жасалатын күндізгі күтім"), сондай-ақ нысаналы мақсаты қаржы агенттігі уәкілетті органының бірінші шешімі шыққан күннен бастап бір жыл ішінде бизнес-мақсаттарға (апартаменттерді, пәтерлерді, тұрғын үйлерді, жеке тұрғын үй құрылысының жер учаскелерін жалға/қосалқы жалға беруді қоспағанда) өзгерген жағдайларды қоспағанда, жылжымайтын мүлікпен жасалатын операцияларды жүзеге асыруға (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін сатып алу/жалдау/қосалқы жалға беру) бағытталған (осы Ислам банктері қаржыландырған кезде субсидиялау қағидаларда белгіленген мерзім өткеннен кейін қаржы агенттігі уәкілетті органының шешімі негізінде 1 (бір) қаржы жылынан аспайтын қосымша мерзім беруге жол беріледі)

10) сатып алынатын жобаның кемінде 20 %-ын қосымша жаңғыртпай, бұрын субсидия және/немесе кепілдік алған дайын, дайын және пайдалануға берілген/қолданыстағы жобаны сатып алуға бағытталған;

11) салықтық міндеттемелерін, зейнетақы және әлеуметтік аударымдарды, кедендік төлемдер мен алымдарды төлеуге бағытталған;

12) экономикалық тұрғыдан орынсыз жобалар;

13) электр самокаттарды сатып алуға/жалға беруге бағытталған қаржыландыру субсидияланбайды.

9. Осы Ислам банктері қаржыландырған кезде субсидиялау қағидалары шеңберінде:

1) моторлы көлік құралдарын шығаруды және Қазақстан Республикасының заңнамасына сәйкес дәрілік зат ретінде тіркелген, құрамында спирті бар медициналық мақсаттағы өнімді (бальзамдардан басқа) шығару көзделген жобаларды қоспағанда, акцизделетін тауарларды/өнімдерді шығаруды/өткізуді жүзеге асыратын кәсіпкерлер;

2) қиыршықтас және құм карьерлерін игеруге арналған жобаларды қоспағанда, өз қызметін тау-кен өндіру өнеркәсібінде жүзеге асыратын кәсіпкерлер;

3) акцияларының (жарғылық капиталға қатысу үлестерінің) елу және одан астам пайызы мемлекетке, ұлттық басқарушы холдингке, ұлттық холдингке, ұлттық компанияға тікелей немесе жанама түрде тиесілі кәсіпкерлер;

4) меншік нысаны "Коммерциялық емес ұйымдар туралы" Қазақстан Республикасы Заңының 10-бабына сәйкес жеке мекеме ретінде ресімделген кәсіпкерлер;

6) қаржыландыру есебінен сатып алынған активті оны сатқан тұлғаға сатуды/сыйға тартуды/сенімгерлік басқаруға/жалға/тегін пайдалануға беруді жүзеге асырған және/немесе жүзеге асыруды жоспарлап отырған, оның ішінде болашақта кәсіпкердің кәсіпорнын осы тұлғаға қосу немесе осы тұлғамен біріктіру нысанында қайта ұйымдастыруды іске асырған және/немесе жоспарлап отырған кәсіпкерлер (жобаларды мониторингтеу барысында осы тармақшада көрсетілген жағдайлар анықталса субсидиялау тоқтатылады және бұған дейін төленген субсидиялар қайтарылады);

7) жеке кәсіпкерлік субъектісі ретінде қызметін тоқтатқан немесе тоқтатып қойған кәсіпкерлер қатысушы болмайды.

10. Осы Ислам банктері қаржыландырған кезде субсидиялау қағидалары шеңберінде кәсіпкердің жеткізушілермен, мердігерлермен, өзге де контрагенттермен қолма-қол ақшасыз төлемдер нысанында есеп айырысады.

Кәсіпкер 500 (бес жүз) миллион теңгеден асатын инвестициялық жобалар бойынша жобаны іске асыруға жоба іске асырылатын жалпы құнының 10 %-ынан төмен емес деңгейде қамтамасыз етуге берілетін меншікті қаражатының (ақша қаражатының, жылжымалы/жылжымайтын мүліктің) қатысуын қамтамасыз етеді.

2-тарау. Ислам банктері кәсіпкерлік субъектілерін қаржыландырылған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау тәртібі

1-параграф. "Шағын және орта кәсіпкерлікті қолдау" бағыты бойынша субсидия беру шарттары

11. Осы Ислам банктері қаржыландырған кезде субсидиялау қағидаларына 1-қосымшаға сәйкес тізбе бойынша экономикалық қызметтің басым түрлерінде жобаларды іске асыратын және (немесе) іске асыруды жоспарлап отырған кәсіпкерлер "Шағын және орта кәсіпкерлікті қолдау" бағытына қатысушылар болып табылады.

Республикалық маңызы бар қалаларды/облыс орталықтарын қоспағанда, елді мекендерде, оның ішінде моно- және шағын қалалар мен ауылдық елді мекендерде іске асырылатын жобалар іске асырылатын жері мен кәсіпкердің тіркелген жері ескеріле отырып салалық шектеусіз жүзеге асырылады.

Бұл ретте республикалық маңызы бар қалаларды/облыс орталықтарын қоспағанда, елді мекендерде, оның ішінде моно- және шағын қалалар мен ауылдық елді мекендерде бір кәсіпкер үшін 100 (бір жүз) миллион теңгеден аспайтын сомаға сауда қызметі саласындағы айналым қаражатын толықтыруға арналған қаржыландыру бойынша тауардың үстеме бағасын/жалдау төлемін субсидиялауға жол беріледі және онымен үлестес/байланысты тұлғалардың/компаниялардың қаржыландыру/ислам лизингі шарты бойынша берешегі есепке алынбай (қаржыландыруға/кредиттерге немесе ислам лизингі шарттарына/қаржылық лизинг шарттарына қызмет көрсету бойынша ағымдағы төлемдерге ақы төлеу бойынша есеп айырысуды және кәсіпкердің негізгі қызметті жүзеге асыруына байланысты емес басқа да мақсаттарды, осы Ислам банктері қаржыландырған кезде субсидиялау қағидаларының 8-тармағының 11) тармақшасына сәйкес салық төлеуді қоспағанда) есептеледі. Сауда қызметі саласындағы айналым қаражатын толықтыруға арналған қаржыландыру бойынша сыйақы мөлшерлемесін өзінің тұрғын емес үй-жайы немесе сауда үшін жалға берілетін алаңы болған кезде 100 (жүз) миллион теңгеден аспайтын сомаға субсидиялауға жол беріледі.

Қаржыландыру ұлттық валютамен жүзеге асырылады.

12. Ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялау инвестициялық тиімді жаңа жобаларды, сондай-ақ жаңғыртуға, айналым қаражатын толықтыруға және өндірісті кеңейтуге бағытталған жобаларды іске асыру үшін берілетін қаржыландыру бойынша жүзеге асырылады.

Инвестициялық тиімді жаңа жобалар, сондай-ақ өндірісті жаңғыртуға, кеңейтуге қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайтуды көздейтін жобалары түсініледі.

Кәсіпкерлердің айналым қаражатын толықтыруға, сондай-ақ ағымдағы міндеттемелерді қайта қаржыландыруға бағытталған кредиттері бойынша осы тармақтың екінші және үшінші бөліктерінде көзделген талаптар қолданылмайды.

Жаңа инвестициялық жобаларды, сондай-ақ тауардың үстеме бағасын/жалдау төлемін субсидиялау жүзеге асырылатын өндірісті жаңғыртуға, кеңейтуге бағытталған жобаларды іске асыру мерзімі қаржы агенттігі шешім қабылдаған күннен бастап 24 (жиырма төрт) айдан аспайды. Осы Ислам банктері қаржыландырған кезде субсидиялау қағидаларында белгіленген мерзім өткеннен кейін қаржы агенттігінің шешімі негізінде 1 (бір) қаржы жылынан аспайтын қосымша мерзім беруге жол беріледі.

13. Жоба қаржы агенттігіне енгізілгенге дейін 12 (он екі) ай ішінде бұрын ислам банкі/ислам лизингі компаниясыжаңа инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды іске асыруға берген қаржыландыру да жаңа қаржыландыруға жатады.

14. Қаржыландыруды/ислам лизингі шарттарын қайта қаржыландыруға бағытталған, жоба қаржы агенттігіне енгізілгенге дейін 2 (екі) жыл ішінде (мерзім алғашқы қаржыландыру берілген күннен бастап есептеледі) бұрын екінші деңгейдегі банктер/лизинг компаниялары/ислам банктері/ислам лизингі компаниялары берген және осы Ислам банктері қаржыландырған кезде субсидиялау қағидаларының өлшемшарттарына сәйкес келетін қаржыландыру да субсидиялауға жатады.

15. Егер қаржыландыру негізгі құралдарды сатып алу және (немесе) жаңғырту және (немесе) өндірісті кеңейту шеңберінде, бірақ қаржыландыру сомасының немесе бірыңғай жинақтаушы зейнетақы қоры қаражатының, немесе мөлшері 500 (бес жүз) миллион теңгеден аспайтын қаржыландырудың 30 %-ынан асырмай жүзеге асырылса, субсидиялау айналым қаражатын толықтыруға берілетін (берілген) қаржыландыру бойынша жүзеге асырылады.

16. Cубсидиялау құралын қолдану арқылы 500 (бес жүз) миллион теңгеге дейін қаржыландырып, оның 100 %-ы айналым қаражатын толықтыруға жұмсалғанда ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялауға (қаржыландыруға/кредиттерге немесе ислам лизингі шарттарына/қаржылық лизинг шарттарына қызмет көрсету бойынша ағымдағы төлемдерге ақы төлеу бойынша есеп айырысуды және кәсіпкердің негізгі қызметті жүзеге асыруына байланысты емес басқа да мақсаттарды, осы Ислам банктері қаржыландырған кезде субсидиялау қағидаларының 8-тармағы 11) тармақшасына сәйкес салық төлеуді қоспағанда) жол беріледі.

17. Ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялау жүзеге асырылатын қолданыстағы барлық қаржыландыруды/лизинг мәмілелерін ескергенде қаржыландырудың/ислам лизингі шартының сомасы бір кәсіпкер үшін 3 (үш) миллиард теңгеден аспайды, оның ішінде айналым қаражатын толықтыруға араналған қаржыландыру сомасы 500 (бес жүз) миллион теңгені құрайды және онымен үлестес/байланысты тұлғаларды/компанияларды қаржыландыру бойынша берешек есепке алынбай есептеледі. Егер бір бизнес-жобаны іске асыру үшін қаржыландыру бірнеше үлестес/байланысты кәсіпкер берілген жағдайда онда бұл сома 3 (үш) миллиард теңгеден аспайды.

Бір уақытта мынадай:

жоба бір объект ретінде іске асырылатын (физикалық немесе технологиялық тұрғыдан тығыз байланысты бірыңғай ғимарат/құрылысжай/объект болып табылады);

жоба ЭҚЖЖ бір кіші сыныбы шеңберінде іске асырылатын екі өлшемшартқа да сәйкес келетін екі және одан көп жоба бір бизнес-жоба болып есептеледі.

Республикалық маңызы бар қалаларды/облыс орталықтарын қоспағанда, елді мекендердегі, оның ішінде моно және шағын қалалардағы, ауылдық елді мекендердегі жобалар бойынша қолданыстағы барлық қаржыландыруды/лизинг мәмілелерін ескергенде қаржыландырудың/ислам лизингі шартының сомасы бір кәсіпкер үшін 1,5 миллиард теңгеден аспайды, оның ішінде айналым қаражатын толықтыруға қаржыландыру сомасы 500 (бес жүз) миллион теңгені құрайды және онымен үлестес/байланысты тұлғаларды/компанияларды қаржыландыру бойынша берешек есепке алынбай есептеледі.

Осы Ислам банктері қаржыландырған кезде субсидиялау қағидаларына 1-қосымшаға сәйкес жобаларды экономиканың басым секторлары шеңберінде елді мекендерде, оның ішінде моно-, шағын қалаларда және ауылдық елді мекендерде іске асыратын кәсіпкерлер үшін қолданыстағы барлық қаржыландыруды/лизинг мәмілелерін ескергенде қаржыландырудың/ислам лизингі шартының сомасы 3 (үш) миллиард теңгеден аспайды.

Онымен/үлестес байланысты тұлғаларды/компанияларды қаржыландыру бойынша берешекті есепке алмағанда бір кәсіпкер үшін 500 (бес жүз) миллион теңге сомасында қаржыландыру бойынша (берешектің жалпы сомасын есептеген кезде кәсіпкердің бүкіл жобалары бойынша қаржыландырулары есепке алынады) субсидиялау кезеңінде дивиденттер төлеуге тыйым салу бойынша талап қойылады. Осы абзацтың талаптары орындалмаған жағдайда субсидия төлеу тоқтатылады және кәсіпкер төленген субсидияларды толық көлемде өтейді.

Жаңартылатын және/немесе жаңартылмайтын негізде кредиттік желі түріндегі айналым қаражатын толықтыруға арналған қаржыландыруға жол беріледі.

Субсидияланатын қаржыландыру бойынша негізгі борыш ішінара/толық/мерзімінен бұрын өтелген кезде осы Ислам банктері қаржыландырған кезде субсидиялау қағидаларында белгіленген лимит шегінде айналым қаражатын толықтыруға арналған қаржыландыруды қайта алуға жол беріледі.

18. Инвестицияларға бағытталған қаржыландыру/ислам лизингі шарты бойынша субсидиялау мерзімі:

осы Ислам банктері қаржыландырған кезде субсидиялау қағидаларына 1-қосымшаға сәйкес өңдеу өнеркәсібінде субсидиялау мерзімін ұзарту құқығынсыз 5 (бес) жыл;

осы Ислам банктері қаржыландырған кезде субсидиялау қағидаларына 1-қосымшаға сәйкес көрсетілетін қызметтерді ұсыну және қызметтің өзге де түрлері жөніндегі қызметте субсидиялау мерзімін ұзарту құқығынсыз 3 (үш) жыл.

Айналым қаражатын толықтыруға бағытталған қаржыландыруды субсидиялау мерзімі субсидиялау мерзімін ұзарту құқығынсыз 3 (үш) жылды құрайды.

Егер бір жоба бойынша бірнеше субсидиялау шарты жасалса, субсидиялаудың жалпы мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басынан белгіленеді.

19. Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі және/немесе өзге де құжаты және/немесе актісі негізінде ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін төлеуді қаржыландыру бойынша кейінге қалдыру және қаржыландыру мерзімін ұсынылған кейінге қалдыру мерзіміне ұлғайту кезінде осы Ислам банктері қаржыландырған кезде субсидиялау қағидаларында көзделген субсидиялау мерзімі кейінге қалдыру ұсынылған мерзімге ұзартылады.

20. Осы Ислам банктері қаржыландырған кезде субсидиялау қағидаларына 1-қосымшаға сәйкес өңдеу өнеркәсібі саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған тауардың номиналды үстеме бағасымен/номиналды жалдау төлемімен қаржыландыру бойынша ғана жүзеге асырылады оларды:

алғашқы 3 жылда 8 %-ын кәсіпкер төлейді, ал айырмасын мемлекет субсидиялайды;

4-ші жылы 9 %-ын кәсіпкер төлейді, ал айырмасын мемлекет субсидиялайды;

5-ші жылы 10 %-ын кәсіпкер төлейді, ал айырмасын мемлекет субсидиялайды.

Осы Ислам банктері қаржыландырған кезде субсидиялау қағидаларына 1-қосымшаға сәйкес көрсетілетін қызметтер саласында және өзге де қызмет түрлері бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және 9 %-ын кәсіпкер төлейтін, ал айырмасын мемлекет субсидиялайтын 5 (бес) пайыздық тармаққа ұлғайтылған тауардың номиналды үстеме бағасымен/номиналды жалдау төлемімен жүзеге асырылады.

Республикалық маңызы бар қалаларды/облыс орталықтарын қоспағанда, елді мекендерде, оның ішінде моно-және шағын қалаларда, ауылдық елді мекендерде іске асырылатын жобалар бойынша субсидиялау:

осы Ислам банктері қаржыландырған кезде субсидиялау қағидаларына 1-қосымшаға сәйкес өңдеу өнеркәсібі саласында Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған, олардың 7 %-ын кәсіпкер төлейтін, ал айырмасын мемлекет субсидиялайтын тауардың номиналды үстеме бағасымен/номиналды жалдау төлемімен жүзеге асырылады;

осы Ислам банктері қаржыландырған кезде субсидиялау қағидаларына 1-қосымшаға сәйкес көрсетілетін қызметтер салаларында және өзге де қызмет түрлерінде Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған, олардың 10 %-ын кәсіпкер төлейтін, ал айырмасын мемлекет субсидиялайтын тауардың номиналды үстеме бағасымен/номиналды жалдау төлемімен жүзеге асырылады.

Жоғарыда көрсетілген сыйақы мөлшерлемелері бекітілгенге дейін мақұлданған жобалар кәсіпкерлер олар бойынша өз міндеттемелерін толық орындағанша бұған дейін қаржы агенттігінің уәкілетті органы мақұлдаған шарттарда қолданылады.

Қаржыландыру сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған, оның 8 %-ын кәсіпкер төлейтін, ал айырмасын мемлекет субсидиялайтын қаржыландыру бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

Кәсіпкер тауарларды "CT-KZ" нысанындағы тауардың шығу тегі туралы сертификат және (немесе) "Атамекен" Қазақстан Республикасының Ұлттық кәсіпкерлер палатасы берген индустриялық сертификат негізінде сатып алады.

Қазақстандық өндірушінің тауарларын сатып алу жөніндегі міндеттеме орындалмаған жағдайда қаржы агенттігі төленген субсидиялар сомасын қазақстандық өндірушінің тауарларын сатып алуға пайдаланылмаған сомаға пропорционалды түрде қайтарып, субсидиялауды тоқтатады.

21. Мыналарды:

1) кәсіпкер бастама жасайтын қаржыландыру (ислам лизингі шарты) шарттарының талаптарының өзгеруіне байланысты;

2) кәсіпкердің қаржыландыру бойынша (ислам лизингі шарты бойынша) міндеттемелерін бұзуына байланысты өндіріп алынатындарды;

3) лизинг (жалдау) нысанасына тәуелсіз бағалау жүргізуге, лизинг (жалдау) нысанасын сақтандыруға, кепіл шартын тіркеуге және ауыртпалықты алып тастауға байланысты;

4) ислам лизингі шартын орындауға байланысты (басқа ұйымдардың кедендік тазарту сияқты көрсетілетін қызметтерін, арнаулы органдардың лизинг (жалдау) нысанасын тіркеуі бойынша көрсетілетін қызметтерді, банктер көрсететін қызметтерді өтеу);

5) есеп айырысу-кассалық қызмет көрсету бойынша төлемдерді қоспағанда, қаржыландыруға байланысты қандай да бір комиссияларды, алымдарды және/немесе өзге де төлемдерді алмайды.

22. Қаржы агенттігі қазіргі қаржыландыруды субсидиялау туралы шешім қабылдаған жағдайда ислам банкі/ислам лизингі компаниясы кәсіпкерге ағымдағы жылдың басынан қаржы агенттігі ағымдағы жылы шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

Бұл ретте осы комиссиялар, алымдар және/немесе өзге де төлемдер кәсіпкерге қол қойылған шартты қаржы агенттігінен алған күннен бастап 3 (үш) ай ішінде өтелуге тиіс.

23. Заңның 3-бабына сәйкес лизингтің мынадай нысандары мен түрлері: ішкі лизинг, банктік лизинг, толық лизинг, таза лизинг және ислам лизингі субсидияланады.

2-параграф. "Шағын, орта және ірі кәсіпкерлікті қолдау" бағыты бойынша субсидия беру шарттары

24. Осы Ислам банктері қаржыландырған кезде субсидиялау қағидаларына 2 және 3-қосымшаларға сәйкес тізбе бойынша экономиканың басым секторларында өздерінің меншікті және тиімді жобаларды іске асыратын және (немесе) іске асыруды жоспарлап отырған кәсіпкерлер "Шағын, орта және ірі кәсіпкерлікті қолдау" бағытына кәсіпкердің тіркелген жері ескерілмей қатысушы болады.

25. Кәсіпкерді қаржыландыру ұлттық валютамен беріледі.

Осы бағыт шеңберінде:

1) қаржыландыруды немесе ислам лизингін жүзеге асыратын ислам банктерімен/ислам лизингі компанияларымен ерекше қарым-қатынаспен байланысты тұлғалардың;

26. Ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялау жаңа тиімді инвестициялық жобаларды, сондай-ақ өндірісті жаңғыртуға, кеңейтуге, айналым қаражатын толықтыруға бағытталған жобаларды іске асыру үшін берілетін қаржыландыру бойынша жүзеге асырылады.

Мыналар:

қаржы агенттігі шешім қабылдаған күннен бастап 2 (екі) қаржы жылынан кейін төленетін салықтары (корпоративтік табыс салығын/жеке табыс салығын) міндетті түрде 10 %-ға ұлғайту көзделген жобалар инвестициялық тиімді жаңа жобалар, сондай-ақ өндірісті жаңғыртуға, кеңейтуге бағытталған жобалар деп түсініледі.

Кәсіпкер сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде қаржы агенттігі шешім қабылдаған күннен бастап 2 (екі) қаржы жылынан кейін жұмыс орындарын сақтап, еңбекақы төлеу қорының немесе жұмыс орындарының орташа жылдық санының 10 %-ға өсуін растайды.

Жобаларының сомасы 3 (үш) миллиард теңгеден асатын шағын кәсіпкерлік субъектісі 3 (үш) қаржы жылы өткеннен кейін Кодекстің 24-бабында көзделген көрсеткіштерге сәйкес орта кәсіпкерлік субъектісі санатына өтуін растайды. Осы тармақтың шарты орындалмаған жағдайда субсидияларды төлеу тоқтатылады.

Кәсіпкерлердің айналым қаражатын толықтыруға бағытталған қаржыландыруы бойынша осы тармақтың екінші және үшінші бөліктерінде көзделген талаптар қолданылмайды.

27. Жаңа тиімді инвестициялық жобаларды, сондай-ақ тауардың үстеме бағасын/жалдау төлемін субсидиялау жүзеге асырылатын өндірісті жаңғыртуға, кеңейтуге бағытталған жобаларды іске асыру мерзімі қаржы агенттігі шешім қабылдаған күннен бастап 24 (жиырма төрт) айдан аспайды. Осы Ислам банктері қаржыландырған кезде субсидиялау қағидаларында белгіленген мерзім өткеннен кейін қаржы агенттігінің шешімі негізінде 1 (бір) қаржы жылынан аспайтын қосымша мерзім беруге жол беріледі.

28. Мыналар да субсидияланады:

1) 100 %-ы осы Ислам банктері қаржыландырған кезде субсидиялау қағидаларына 2-қосымшаға сәйкес тізбенің 1-10-тармақтарына сәйкес агроөнеркәсіптік кешендегі қайта өңдеу саласындағы айналым қаражатын толықтыруға бағытталған қаржыландыру (қаржыландыруға немесе ислам лизингі шарттарына қызмет көрсету жөніндегі ағымдағы төлемдерге ақы төлеу бойынша есеп айырысуларды және осы Ислам банктері қаржыландырған кезде субсидиялау қағидаларының 11-тармағының 8) тармақшасына сәйкес кәсіпкердің негізгі қызметін жүзеге асыруына, салық төлеуге байланысты емес өзге де мақсаттарды қоспағанда);

2) осы Ислам банктері қаржыландырған кезде субсидиялау қағидаларына 2 және 3-қосымшаларға сәйкес өңдеу өнеркәсібіндегі, электр энергиясымен, газбен, бумен жабдықтау және ауа кондициялау, көрсетілетін қызметтер және тау-кен өндіру өнеркәсібі саласындағы айналым қаражатын толықтыруға кәсіпкердің бір жобасы шеңберінде 50 %-дан аспайтын мөлшерде берілген қаржыландыру;

3) қайта бастау негізінде айналым қаражатын толықтыруға берілген қаржыландыру (айналым қаражатын толықтыруға арналған қаржыландыруды ықтимал қайта бастау шарты қаржы агенттігінің шешімінде көрсетіледі);

4) бір кәсіпкер үшін айналым қаражатын толықтыруға 5 (бес) миллиард теңгеге дейінгі және онымен/үлестес байланысты тұлғалардың/компаниялардың қаржыландыруы/ислам лизингі шарты бойынша берешегі есепке алынбай есептелетін қаржыландыру.

29. Қаржыландырудың/ислам лизингі шартының сомасы ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялау жүзеге асырылатын қолданыстағы барлық қаржыландыруды/лизинг мәмілелерін ескере отырып белгіленеді. Бұл ретте қаржыландыру сомасы бір кәсіпкер үшін 15 (он бес) миллиард теңгеден аспайды, оның ішінде айналым қаражатын толықтыруға қаржыландыру сомасы 500 (бес жүз) миллион теңгені құрайды және онымен үлестес тұлғалардың/компаниялардың қаржыландыру/ислам лизингі шарты бойынша берешегі есепке алынбай есептеледі. Егер бір бизнес-жобаны іске асыру үшін қаржыландыру бірнеше үлестес/байланысты кәсіпкер берілген жағдайда онда бұл сома 15 (он бес) миллиард теңгеден аспайды.

Бір уақытта мынадай:

жоба бір объект ретінде іске асырылатын (физикалық немесе технологиялық тұрғыдан тығыз байланысты бірыңғай ғимарат/ құрылысжай/объект болып табылады);

жоба ЭҚЖЖ бір кіші сыныбы шеңберінде іске асырылатын 2 (екі) өлшемшартқа да сәйкес келетін екі және одан көп жоба бір бизнес-жоба болып есептеледі.

30. Онымен/үлестес байланысты тұлғаларды/компанияларды қаржыландыру/ ислам лизингі шарты бойынша берешекті есепке алмау, 500 (бес жүз) миллион теңгеден астам сомаға қаржыландыру бойынша (берешектің жалпы сомасын есептеу кезінде кәсіпкердің жобалары бойынша қолданыстағы барлық қаржыландырулары ескеріледі) субсидиялау кезеңінде дивидендтер төлеуге тыйым салу жөніндегі талап қойылады, сондай-ақ 10 (он) миллиард теңгеден астам сомаға қаржыландыру бойынша қаржы агенттігі субсидиялауға өтінімді қарау кезінде тиісті орталық уәкілетті мемлекеттік органнан сұрататын тиісті салалық орталық уәкілетті органның оң қорытындысы қажет.

Кәсіпкер көрсетілген қорытындыны алғанға дейін ислам банкіне/ислам лизингі компаниясынамынадай құжаттарды ұсынады:

1) өтініш беруші бекіткен жобаның паспорты (мынадай ақпаратты қамтиды: өтініш берушінің толық атауы; заңды мекенжайы (индексі, облысы, қаласы/ауданы, елді мекені, көшесі, телефоны); бірінші басшы (тегі, аты, әкесінің аты (бар болса), лауазымы, жұмыс/ұялы телефон нөмірі, электрондық мекенжайы); өтініш берушіні мемлекеттік тіркеу (қайта тіркеу) нөмірі мен күні; өтініш берушінің бизнес-сәйкестендіру нөмірі немесе жеке сәйкестендіру нөмірі; саланың, кіші саланың атауы; негізгі қызмет түрі (ЭҚЖЖ коды көрсетіледі); 3 (үш) жыл ішінде заттай мәнде шығарылатын өнім номенклатурасы; өтініш берушіің белгіленген қуаты (заттай және ақшалай мәнде); қуаттардың қазіргі жүктемесі (пайыз); өндірістік жабдықтың қазіргі тозуы (пайыз); қазіргі еңбек өнімділігі (мың теңге/адам және мың АҚШ доллары/адам);

2) өтініш беруші бекіткен жобаның бизнес-жоспары;

3) өтініш беруші бекіткен жобаны іске асырудың жоспар-графигі.

Ислам банкі/ислам лизингі компаниясы осы тармақта көрсетілген құжаттарды мақұлдаған жағдайда оларды ислам банкі/ислам лизингі компаниясы ислам банкінің/ислам лизингі компаниясының кредиттік комиссиясы шешім қабылдаған күннен бастап 5 (бес) жұмыс күні ішінде қаржы агенттігіне жібереді. Ислам банкінің/ислам лизингі компаниясының кредиттік комиссиясының шешімі көрсетілген құжаттармен бір мезгілде жіберіледі.

Субсидиялау кезеңінде дивиденд төлеуге тыйым салу жөніндегі талап орындалмаған жағдайда субсидиялар төлеу тоқтатылады және кәсіпкер төленген субсидиялар сомасын толық көлемде өтейді.

31. Қаржы агенттігі ислам банкінен/ислам лизингі компаниясынан түскен құжаттарды осы Ислам банктері қаржыландырған кезде субсидиялау қағидаларының талаптарына сәйкес келуі тұрғысынан 5 (бес) жұмыс күні ішінде қарайды.

Салалық қорытындыны тиісті орталық уәкілетті мемлекеттік органдар қаржы агенттігінен сұрау салу түскен күннен бастап 10 (он) жұмыс күні ішінде береді.

32. Қаржы агенттігі инвестициялық мақсаттарға бағытталған, жеке жобалардың қаржылық көрсеткіштерін бағалау әдістемесіне сәйкес кәсіпкерлік субъектісінің қаржылық көрсеткіштері қаржыландыру/ислам лизингі шарты бойынша ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін субсидиялаудың қажет еместігін көрсететін (өтелу мерзімін, таза пайданы, кірістіліктің ішкі нормасын, ақша легін ескергенде), онымен үлестес/байланысты тұлғалардың/компаниялардың қаржыландыру/ислам лизингі шарты бойынша берешегін есепке алмағанда бір кәсіпкер үшін қарыз сомасы 10 (он) миллиард теңгеден асатын қаржыландыру бойынша субсидиялаудан бас тартады. Жобалардың қаржылық көрсеткіштерін бағалау әдістемесі (бұдан әрі – әдістеме) қаржы агенттігінің уәкілетті органы бекітетін ішкі нормативтік құжаттарымен бекітіледі және уәкілетті органмен келісіледі.

Бір кәсіпкер үшін жоғары болған кезде онымен үлестес/байланысты тұлғалардың/компаниялардың қаржыландыру/ислам лизингі шарты бойынша берешегін ескермегенде қаржыландыру сомасы 10 (он) миллиард теңгеден жоба бойынша кірістіліктің ішкі нормасы көрсеткіші 12 %-дан аспайтын қаржыландыру субсидияланады. Субсидиялау мерзімі әдістемеге сәйкес өтелу мерзімінен асырмай, бірақ осы Ислам банктері қаржыландырған кезде субсидиялау қағидаларында көзделген мерзімнен аспайтын мерзімге белгіленеді.

33. Инвестицияларға бағытталған қаржыландыру/ислам лизингі шарттары бойынша субсидиялау мерзімі:

осы Ислам банктері қаржыландырған кезде субсидиялау қағидаларына 2-қосымшаға сәйкес өңдеу өнеркәсібін, электр энергиясын, газбен, бумен жабдықтауды және ауа кондициялауды субсидиялау мерзімін ұзарту құқығынсыз 5 (бес) жыл;

осы Ислам банктері қаржыландырған кезде субсидиялау қағидаларына 3-қосымшаға сәйкес көрсетілетін қызметтерді беру және тау-кен өндіру өнеркәсібі жөніндегі қызметте субсидиялау мерзімін ұзарту құқығынсыз 3 (үш) жыл.

34. Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі және/немесе өзге де құжаты және/немесе актісі негізінде ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін төлеу бойынша қаржыландыру бойынша кейінге қалдыру және қаржыландыру мерзімін ұсынылған кейінге қалдыру мерзіміне ұлғайту кезінде осы Ислам банктері қаржыландырған кезде субсидиялау қағидаларында көзделген субсидиялау мерзімі кейінге қалдыру ұсынылған мерзімге ұзартылады.

35. Осы Ислам банктері қаржыландырған кезде субсидиялау қағидаларына 2-қосымшаға сәйкес өңдеу өнеркәсібіндегі, электр энергиясымен, газбен, бумен жабдықтау және ауа кондициялау саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған тауардың номиналды үстеме бағасымен/номиналды жалдау төлемімен қаржыландыру/ислам лизингі шарттары бойынша жүзеге асырылады, оның:

алғашқы 3 жылда 8 %-ын кәсіпкер төлейді, ал айырмасын мемлекет субсидиялайды;

4-ші жылы 9 %-ын кәсіпкер төлейді, ал айырмасын мемлекет субсидиялайды;

5-ші жылы 10 %-ын кәсіпкер төлейді, ал айырмасын мемлекет субсидиялайды.

Осы Ислам банктері қаржыландырған кезде субсидиялау қағидаларына 3-қосымшаға сәйкес көрсетілетін қызметтер және тау-кен өндіру өнеркәсібі саласындағы субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және 5 (бес) пайыздық тармаққа ұлғайтылған, оның ішінде 9 %-ын кәсіпкер төлейтін, ал айырмасын мемлекет субсидиялайтын тауардың номиналды үстеме бағасымен/номиналды жалдау төлемімен қаржыландыру/ислам лизинг шарттары бойынша жүзеге асырылады.

Қаржыландыру сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша субсидиялау Қазақстан Республикасының Ұлттық Банкі белгілеген базалық мөлшерлемеден аспайтын және номиналды сыйақы мөлшерлемесі 5 (бес) пайыздық тармаққа ұлғайтылған оның 8 % кәсіпкер төлейтін, ал айырмасын мемлекет субсидиялайтын қаржыландыру бойынша жүзеге асырылады. Субсидиялау мерзімі ұзарту құқығынсыз 7 (жеті) жылды құрайды.

36. Шекті сыйақы мөлшерлемесін есептеген кезде Қазақстан Республикасының Ұлттық Банкі белгілеген және ислам банкі/ислам лизингі компаниясы кәсіпкердің жобасы бойынша шешім қабылдаған кезде қолданыста болған базалық мөлшерлеме есепке алынады.

37. Осы Ислам банктері қаржыландырған кезде субсидиялау қағидалары шеңберінде ислам банкі/ислам лизингі компаниясы:

38. Қаржы агенттігі қазіргі қаржыландыруды субсидиялау туралы шешім қабылдаған жағдайда ислам банкі/ислам лизингі компаниясы кәсіпкерге ағымдағы жылдың басынан қаржы агенттігі шешім қабылдаған күнге дейінгі кезеңде ұсталған комиссияларды, алымдарды және/немесе өзге де төлемдерді өтейді.

39. Заңның 3-бабына сәйкес лизингтің мынадай нысандары мен түрлері: ішкі лизинг, банктік лизинг, толық лизинг, таза лизинг және ислам лизингі субсидияланады.

3-параграф. Субсидия беру үшін қатысушылардың өзара іс-қимылы

40. Кәсіпкер ислам банкіне/ислам лизингі компаниясына:

1) жаңа қаржыландыру бойынша осы Ислам банктері қаржыландырған кезде субсидиялау қағидаларына сәйкес келетін шарттарда қаржыландыру беруге өтінішпен (ислам банкінің/ислам лизингі компаниясының ішкі нормативтік құжаттарымен бекітілген нысан бойынша);

2) қазіргі қаржыландыру бойынша осы Ислам банктері қаржыландырған кезде субсидиялау қағидаларына 4-қосымшаға сәйкес нысан бойынша ислам банкін/ислам лизингі компаниясын субсидия алу ниеті туралы хабардар ететін өтінішпен және қаржыландыру бойынша ислам банкінің/ислам лизингі компаниясының кірісін құрайтын тауардың номиналды үстеме бағасын/номиналды жалдау төлемін осы Ислам банктері қаржыландырған кезде субсидиялау қағидаларында көзделген мөлшерге дейін төмендету туралы өтінішхатпен жүгінеді.

41. Ислам банкі/ислам лизингі компаниясыжобаның қаржылық экономикалық тиімділігіне бағалау жүргізеді және қаржыландыру беру немесе қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін төмендету туралы оң шешім болған жағдайда 3 (үш) жұмыс күні ішінде кәсіпкерге жобаны қаржыландыруға әзір екендігі туралы жазбаша жауап жолдап, қаржы агенттігін хабардар етеді.

42. Ислам банкінің/ислам лизингі компаниясының оң шешімін алған кәсіпкер осы Ислам банктері қаржыландырған кезде субсидиялау қағидаларына 5-қосымшаға сәйкес нысан бойынша өтінішпен-кәсіпкердің сауалнамасымен қаржы агенттігіне жүгінеді, оған мынадай құжаттарды қоса береді:

1) заңды тұлғаны мемлекеттік тіркеу (қайта тіркеу) туралы анықтама (кәсіпкердің қолымен расталған көшірмесі), кәсіпкерді мемлекеттік тіркеу туралы хабарлама;

2) мына:

қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санынының 10 %-ға ұлғаюына қол жеткізу ("Шағын және орта кәсіпкерлікті қолдау" бағыты шеңберінде кәсіпкерлердің жобалары бойынша);

инвестициялық жобаларды іске асырудың 24 (жиырма төрт) айдан аспайтын мерзімін сақтау кезеңдері қамтылған кәсіпкер жобасының бизнес-жоспары;

3) өтініш пен жүгінген күнге дейін берілгеніне күнтізбелік 30 (отыз) күн толмаған салық органының бюджетке төленетін міндетті төлемдер бойынша берешегінің жоқ екені туралы анықтамасы;

4) тауарлардың Кеден одағына мүше мемлекеттің бірінің аумағынан Кеден одағына мүше басқа мемлекеттің аумағына қозғалысын растайтын тауарлардың ілеспе құжаттарының көшірмелері (бар болса);

5) "Шағын, орта және ірі кәсіпкерлікті қолдау" бағыты шеңберінде сомасы 3 (үш) миллиард теңгеден асатын жобалар бойынша 3 (үш) жыл өткеннен кейін кәсіпкердің – шағын кәсіпкерлік субъектісінің Кодекстің 24-бабында көзделген көрсеткіштеріге сәйкес орта кәсіпкерлік субъектісі санатына ауысуы;

6) сомасы 500 (бес жүз) миллион теңгеден асатын жобалар бойынша субсидиялау кезеңінде дивидендтер төлеуге тыйым салу жөніндегі талап қойылады;

7) қарыз сомасы 10 (он) миллиард теңгеден асатын, инвестициялық мақсаттарға бағытталған қаржыландыру/ислам лизингі шарты бойынша мыналар қоса беріледі:

өтініш беруші бекіткен, қаржылық көрсеткіштері, соңғы екі жылдағы ретроспективті деректер (бар болса), қаржыландырудың бүкіл мерзіміне арналған болжамды деректер мен жобаны іске асырудың жоспар-графигі көрсетілген жоба бойынша бизнес-жоспар;

банктің/ислам лизингі компаниясының жоба бойынша қаржылық көрсеткіштері көрсетілген кредиттік (сараптамалық) қорытындысы;

бизнес-жоспарда келтірілген мәліметтерді растайтын және түсіндіретін құжаттар (маркетингтік зерттеулердің нәтижелері, тауар үлгілерінің фотосуреттері, келісімшарттар мен шарттар, рұқсаттар, ұсынымдар, басқа ұйымдардың қолдаухаттары – кадрлық (дағдылары мен кәсіптік біліктері, бизнес-идеяның кәсіпкердің білімі мен дағдысына қаншалықты сай келетіні), қаржылық есеп-қисап баптарының деректері толық жазылған кәсіпкердің қаржылық есептері (бар болса). Қаржы агенттігі қажет болған жағдайда кәсіпкерден/ислам банкінен/лизингтік компаниядан кәсіпкердің жобасы бойынша қосымша материалдар сұратады;

өтініш беруші бекіткен жоба паспорты (мынадай ақпаратты қоса алғанда: өтініш берушінің толық атауы; заңды мекенжайы (индексі, облысы, қала/аудан, елді мекен, көше, телефон); бірінші басшы (тегі, аты, әкесінің аты (бар болса), лауазымы, жұмыс/ұялы телефон нөмірі, электрондық мекенжайы); өтініш берушіні мемлекеттік тіркеу (қайта тіркеу) күні мен нөмірі; өтініш берушінің бизнес-сәйкестендіру нөмірі немесе жеке сәйкестендіру нөмірі; саланың, кіші саланың атауы; негізгі қызмет түрі (ЭҚЖЖ коды көрсетіледі); 3 (үш) жыл ішінде заттай мәнде шығарылатын өнім номенклатурасы; өтініш берушінің белгіленген қуаты (заттай және ақшалай мәнде); қуаттардың қазіргі жүктемесі (пайыз); өндірістік жабдықтың қазіргі тозуы (пайыз); қазіргі еңбек өнімділігі (мың теңге/адам және мың АҚШ доллары/адам);

8) қаржыландыру сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша кәсіпкерге 7 (жеті) жылға дейінгі мерзіммен ("Шағын және орта кәсіпкерлікті қолдау", "Шағын, орта және ірі кәсіпкерлікті қолдау" бағыттары шеңберіндегі жобалар бойынша) 8 % мөлшерлеме белгіленеді;

9) кәсіпкерге қаржыландыруды беру немесе ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін төмендету мүмкіндігі туралы оң шешімі (банк/МҚҰ/лизинг компаниясы шешімінің хаттамасын үзінді-көшерме) бар кәсіпкерді қаржыландыру жөніндегі ислам банкінің/ислам лизингі компаниясының хаты.

43. Құжаттар топтамасы толық ұсынылмаған не белгіленген нысандарға сәйкес келмейтін құжаттар ұсынылған жағдайларда қаржы агенттігі 1 (бір) жұмыс күні ішінде ұсынылған құжаттар бойынша нақты кемшіліктерді көрсете отырып, ислам банкіне/ислам лизингі компаниясына/кәсіпкерге ұсынылған құжаттарды пысықтау үшін қайтарады. Құжаттар топтамасы бойынша кемшіліктер болмаған жағдайда қаржы агенттігі кәсіпкердің жобасын қаржы агенттігінің уәкілетті органының отырысына шығарады.

44. Отырыстарды өткізу тәртібі, қаржы агенттігінің уәкілетті органы мүшелерінің саны қаржы агенттігінің уәкілетті органы бекітетін ішкі нормативтік құжаттарда айқындалады.

45. Қаржы агенттігінің уәкілетті органы жобаларды тиісті қаржы жылы субсидиялау үшін бюджет қаражаты болған жағдайда ғана қарайды.

46. Кәсіпкердің жобасын қаржы агенттігінің уәкілетті органы құжаттар топтамасы бар ақпарат түскен күннен бастап 5 (бес) жұмыс күні ішінде қарайды. Бұл ретте қаржы агенттігінің уәкілетті органы оң шешім қабылдаған жағдайда шешімде:

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санынының 10 %-ға ұлғаюына қол жеткізу ("Шағын және орта кәсіпкерлікті қолдау" бағыты шеңберінде кәсіпкерлердің жобалары бойынша);

сомасы 500 (бес жүз) миллион теңгеден асатын жобалар бойынша субсидиялау кезеңінде дивиденттер төлеуге тыйым салу;

инвестициялық жобаларды 24 (жиырма төрт) айдан аспайтын мерзімде іске асыру жөніндегі кәсіпкерлердің міндеттемесі;

қаржыландыру сомасының кемінде 40 %-ы қазақстандық өндірушінің тауарларын сатып алуға бағытталған жобалар бойынша 7 (жеті) жылға дейінгі мерзімге 8 % мөлшерлеме көрсетіледі.

47. Қаржы агенттігінің уәкілетті органы шешім қабылдағаннан кейін қаржы агенттігі 1 (бір) жұмыс күні ішінде хаттама ресімдеп, оған қол қояды және ислам банкіне/ислам лизингі компаниясына және кәсіпкерге осы Ислам банктері қаржыландырған кезде субсидиялау қағидаларына 6, 7-қосымшаларға сәйкес нысандар бойынша ілеспе хатпен (бұдан әрі – тиісті хат) хаттамадан үзінді-көшірме жібереді.

48. Қаржы агенттігі уәкілетті органының оң шешімінің қолданылу мерзімі шешім қабылданған күннен бастап 6 (алты) айды құрайды.

4-параграф. "Электрондық үкімет" веб-порталы арқылы кәсіпкердің электрондық өтінім беру тәртібі

49. Кәсіпкер электрондық өтінімді "электрондық үкімет" веб-порталы арқылы осы Ислам банктері қаржыландырған кезде субсидиялау қағидаларына 4-қосымшаға сәйкес нысан бойынша береді, оған электрондық түрде мыналар қоса беріледі:

1) кәсіпкердің жобаны іске асыру бизнес-жоспары не жоба бойынша сараптамалық қорытынды (банктің/лизинг компаниясының тиісті жұмыскерінің техникалық-экономикалық қорытындысы/экономикалық қорытындысы (бұл құжаттар болмаған жағдайда – жобаның мәнін ашатын басқа құжаттар);

2) тауарлардың Еуразиялық экономикалық одаққа мүше мемлекеттердің бірінің аумағынан Еуразиялық экономикалық одаққа мүше басқа мемлекеттің аумағына қозғалысын растайтын тауарлардың ілеспе құжаттарының көшірмелері (бар болса);

3) қаржыландыруды беру немесе кәсіпкер тауарының үстеме бағасын/ жалдау төлемін төмендету мүмкіндігі туралы оң шешімі бар ислам банкі/ислам лизингі компаниясы хатының электрондық көшірмесі (сканерленген көшірмесі).

50. Шағын және орта кәсіпкерлік субъектісі жөніндегі, оның ішінде заңды тұлғаны мемлекеттік тіркеу/қайта тіркеу туралы анықтамасы және дара кәсіпкерді тіркеу туралы хабарламасы, кәсіпкерлік субъектісінің санаты, субъектінің кірістері, төленген салықтар туралы мәліметтер "электрондық үкімет" шлюзі арқылы тиісті мемлекеттік ақпараттық жүйелер арқылы автоматты түрде анықталады.

51. Кәсіпкер құжаттардың толық топтамасын ұсынбаған жағдайда ақпараттық жүйе оның өтінімін тіркемейді.

52. Кәсіпкердің электрондық өтінімі ақпараттық жүйе арқылы мақұлданған жағдайда:

1) тіркелген өтінім осы Ислам банктері қаржыландырған кезде субсидиялау қағидаларының шарттарына сәйкес келуі тұрғысынан қарау үшін қаржы агенттігіне жіберіледі;

2) қаржы агенттігі кәсіпкерден түскен өтінімді қарайды.

53. Қаржы агенттігі жобаны өтінім тіркелген күннен бастап 5 (бес) жұмыс күні ішінде қарайды.

54. Кәсіпкер және/немесе ұсынылған материалдар осы Ислам банктері қаржыландырған кезде субсидиялау қағидаларының шарттарына сәйкес келмеген жағдайда қаржы агенттігі уәжді бас тарту жібереді.

55. Кәсіпкер және/немесе ұсынылған материалдар осы Ислам банктері қаржыландырған кезде субсидиялау қағидаларының шарттарына сәйкес келген жағдайда электрондық өтінім толық құжаттар топтамасымен қаржы агенттігінің уәкілетті органына қарауға жіберіледі.

56. Қаржы агенттігі уәкілетті органының кәсіпкерлердің өтініштерін қарау тәртібі осы Ислам банктері қаржыландырған кезде субсидиялау қағидаларының 3-параграфында регламенттелген.

57. Қаржы агенттiгi уәкiлеттi органының шешiмi қолданылу мерзімі қаржы агенттігінің уәкiлеттi органы шешiм қабылданған күннен бастап 6 (алты) айды құрайтын тиiстi хаттамамен ресiмделедi.

58. Қаржы агенттігі ақпараттық жүйе арқылы хаттамадан үзінді-көшірмені тиісті хатымен бірге жүктеп алады және 3 (үш) жұмыс күні ішінде электрондық цифрлық қолтаңбамен куәландырылған электрондық құжат нысанында кәсіпкердің "жеке кабинетіне" жібереді.

5-параграф. Субсидиялау тетігі

59. Ислам банкі/ислам лизингі компаниясы қаржы агенттігінен қаржы агенттігі уәкілетті органының шешімін алғаннан кейін және субсидиялау туралы оң шешім болған кезде қаржы агенттігі, ислам банкі/ислам лизингі компаниясы және кәсіпкер арасында субсидиялау шарты жасалады, оған сәйкес қаржы агенттігі ислам банкіне/ислам лизингі компаниясына қаржыландыру шартына/ислам лизингі шартының өтеу графигіне және субсидиялау шартының талаптарына сәйкес ислам банкінің/ислам лизингі компаниясының кірісін құрайтын тауардың үстеме бағасының бөлігін/жалдау төлемінің бөлігін төлейді.

60. Ислам банкі/ислам лизингі компаниясықазіргі қаржыландыру бойынша субсидиялау шартына қол қойылған кезге дейін қаржыландыру шартында/ислам лизингі шартында көзделген өзіндік құнының сомасын/жалдау төлемінің сомасын және ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін уақтылы өтеу жөніндегі міндеттемелерін кәсіпкердің орындамағаны үшін айыппұлдар мен өсімпұлдарды есептен шығарады, ал жаңа/қазіргі қаржыландыру бойынша ислам банкі/ислам лизингі компаниясы:

1) кәсіпкердің бастамасымен қаржыландыру (ислам лизингі шарты) шарттарының өзгеруіне байланысты;

2) кәсіпкердің қаржыландыру (ислам лизингі шарты) бойынша міндеттемелерді бұзуына байланысты өндіріп алынатын;

4) ислам лизингі шартын орындауға (басқа ұйымдардың кедендік тазарту сияқты көрсетілетін қызметтерін, лизинг (жалдау) нысанын арнаулы органдардың тіркеу бойынша көрсетілетін қызметтерді, банктердің көрсетілетін қызметтерін өтеу) байланысты қаржыландыруды қоспағанда, қаржыландыруға байланысты комиссияларды, алымдарды және/немесе өзге де төлемдерді кәсіпкерден алмауға және белгілемеуге міндеттеме қабылдайды.

61. Субсидиялау шартын:

1) ислам банкі/ислам лизингі компаниясы:

қаржы агенттігінен хаттама/шешім алған кезден бастап 10 (он) жұмыс күні ішінде;

2) қаржы агенттігі:

ислам банкінен/ислам лизингі компаниясынан субсидиялау шартын алған кезден бастап 3 (үш) жұмыс күні ішінде жасайды.

Субсидиялау шарты қағаз жеткізгіште/электрондық нысанда жасалады, бұл ретте субсидиялау шартының электрондық нысанына Қазақстан Республикасының қолданыстағы заңнамасына сәйкес электрондық-цифрлық қолтаңбамен қол қойылады.

62. Тиісті уәкілетті органнан/өңірлік үйлестірушіден субсидиялау үшін бюджеттен қаражат болмаған жағдайда субсидиялау шартына қол қойылмайды.

63. Егер ислам банкі/ислам лизингі компаниясысубсидиялау шартын осы Ислам банктері қаржыландырған кезде субсидиялау қағидаларының 61-тармағының 1) тармақшасында белгіленген мерзімде уақтылы жасамаса, ислам банкі/ислам лизингі компаниясы кідірту себептерін түсіндіріп, қаржы агенттігін ресми хатпен хабардар етеді.

64. Егер банктік қарыз шартының/қаржылық лизинг шартының және (немесе) субсидиялау шартының талаптары қаржы агенттігі уәкілетті органының шешіміне және осы Ислам банктері қаржыландырған кезде субсидиялау қағидаларының шарттарына сәйкес келмесе, қаржы агенттігі субсидиялау шартына қол қоймайды. Бұл ретте қаржы агенттігі ислам банкін/ислам лизингі компаниясын және кәсіпкерді хабардар етеді.

65. Ислам банкі/ислам лизингі компаниясыескертулерді жойған жағдайда қаржы агенттігі осы Ислам банктері қаржыландырған кезде субсидиялау қағидаларының 61-тармағы 2) тармақшасына сәйкес субсидиялау шартына қол қояды.

66. Ислам банкі/ислам лизингі компаниясықаржы агенттігінің ескертулерімен келіспеген жағдайда қаржы агенттігі ислам банкінің/ислам лизингі компаниясының келіспеу себептері түсіндірілген ресми хат келіп түскен күннен бастап 5 (бес) жұмыс күні ішінде түпкілікті шешім қабылдау үшін осы мәселені қаржы агенттігі уәкілетті органының қарауына шығарады.

67. Субсидиялау шарты оған кәсіпкер, ислам банкі/ислам лизингі компаниясыжәне қаржы агенттігі қол қойған күннен бастап күшіне енеді. Бұл ретте субсидиялау шартында субсидиялау мерзімінің басталуы субсидиялау шартына қол қойылған күнге дейін күнтізбелік 30 (отыз) күннен аспайтын мерзімге, бірақ ерте дегенде қаржы агенттігі шешім қабылдаған күнге белгіленеді.

Осы тармақ осы Ислам банктері қаржыландырған кезде субсидиялау қағидалары бекітілген күннен бастап мақұлданған жобаларға қолданылады.

68. Ислам банкінің/ислам лизингі компаниясының кірісін құрайтын субсидияланатын тауардың үстеме бағасының бөлігі/жалдау төлемінің бөлігі төленетін күнді кәсіпкер, ислам банкі/ислам лизингі компаниясы өзі айқындайды. Егер қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін есептеу субсидиялау шартына кәсіпкер, ислам банкі/ислам лизингі компаниясы қол қойған күннен кейінгі күні басталса, субсидиялау шартына кәсіпкер, ислам банкі/ислам лизингі компаниясы қол қойған күн субсидиялау кезеңіне қосылмайды.

69. Қаржы агенттігі субсидиялау шартына қол қойғаннан кейін субсидияларды төлейді. Субсидиялар тиісті өңірлік үйлестірушіден қаражат түскен кезде төленеді.

70. Ислам банкі жасалған субсидиялау шарттары бойынша субсидиялар сомасын аудару үшін қаржы агенттігіне ағымдағы шот ашады.

Заңды тұлғалардың банктік шоттарын ашуға және жүргізуге құқығы жоқ ислам лизингі компаниялары қаржы агенттігімен келісу бойынша банк-төлем агентін айқындайды, онда ислам лизингі компаниялары жасалған субсидиялау шарттары бойынша субсидиялар сомаларын аудару үшін шот ашады.

71. Өңірлік үйлестіруші қаражат түскен кезден бастап 10 (он) жұмыс күні ішінде қаржы агенттігіне соманың 50 %-ы мөлшеріндегі қаражатты қаржы агенттігі көрсеткен шотқа аударады. Кейінгі төлемдер қаржы агенттігінің өтінімдеріне сәйкес жүзеге асырылады.

Осы Ислам банктері қаржыландырған кезде субсидиялау қағидаларын іске асыру шеңберінде қаржы агенттігіне қаражат аударуды уәкілетті орган қаржы агенттігінің арнайы шотына қаражат аударуға арналған шартқа сәйкес жүзеге асырады.

72. Субсидиялау үшін көзделген қаражатты қаржы агенттігі субсидиялау шартына төлемдер графигін ескере отырып, ай сайын аванстық төлемдермен (айына бір рет/бірнеше рет) ислам банкінің/банк-төлем агентінің ағымдағы шотына аударады. Бұл ретте қаражатты аударғаннан кейін қаржы агенттігі сонымен бір уақытта қаражаттың аударылғаны туралы құжаттың көшірмесін электрондық поштамен жібере отырып, ислам банкін/ислам лизингі компаниясын хабардар етеді. Хабарламада ислам банкінің/ислам лизингі компаниясының атауы, өңір, кәсіпкердің атауы, субсидиялар сомасы және төлем жүргізілген кезең көрсетіледі.

Ислам банкінің/банк-төлем агентінің кредиттік рейтингі және қаржылық жағдайының өзге де нашарлау белгілері орын алған (бір немесе бірнеше жағдайдың орын алуы) жағдайда, оның ішінде:

халықаралық рейтингтік агенттіктердің кредиттік рейтингі Standard&Poors рейтингтер шәкілі бойынша "В" деңгейінен төмендеген жағдайда;

К4 коэффициентінің мәні 0,4 деңгейінен төмендеген жағдайда;

қатарынан 2 (екі) ай бойы пруденциялық нормативтер бұзылған жағдайда кәсіпкерлердің жобалары бойынша субсидиялау үшін көзделген қаражатты аударуды қаржы агенттігі кәсіпкердің қаржыландыру бойынша толық төлем (негізгі борыш, субсидияланатын және субсидияланбайтын сыйақы бөлігі) жасау фактісі туралы ислам банкінің/банк-төлем агентінің хабарламасы негізінде не субсидиялау шарттарына төлем графиктерін негізге ала отырып, қысқа мерзімді кезеңге сыйақының субсидияланатын бөлігі бойынша кәсіпкердің алдағы міндеттемелерін жабатын төлемдермен жүзеге асырады.

Ислам банкінде/банк-төлем агентінде жоғарыда көрсетілген көрсеткіштер түзетілген жағдайда қаржы агенттігі субсидиялау үшін көзделген қаражатты субсидиялау шартына төлемдер графигін ескере отырып, аванстық төлемдермен (айына бір рет/бірнеше рет) аударады.

73. Ислам банкі/ислам лизингі компаниясықаржы агенттігінің хабарламасы негізінде кәсіпкерлердің жобалары бойынша субсидиялау сомаларын қаржы агенттігінің ағымдағы шотынан есептен шығарады. Ислам банкі/ислам лизингі компаниясы шоттағы қаражаттың жалпы ағымдағы қалдығын есептен шығармайды.

Бұл ретте ислам банкі/ислам лизингі компаниясы өзгертілген өтеу графиктері бойынша қаржыландыру шартына/ислам лизингі шартына төлемдер графигі бойынша жоспарлы төлемнен аспайтын қалдық сомасы шегінде ішінара мерзімінен бұрын өтеуге сәйкес есептелген субсидияларды өтейді.

74. Кәсіпкер қаржыландыру шарты/ислам лизингі шарты бойынша өтеу графигіне сәйкес ислам банкінің/ислам лизингі компаниясының кірісін құрайтын субсидияланбайтын тауардың үстеме бағасы/жалдау төлемі бөлігінде ислам банкінің/ислам лизингі компаниясының кірісін құрайтын тауардың үстеме бағасын/жалдау төлемін төлейді.

75. Кәсіпкердің қаржыландыру бойынша төлемді (өзіндік құн сомалары/жалдау төлемінің сомалары және ислам банкінің/ислам лизингі компаниясының кірісін құрайтын субсидияланбайтын тауардың үстеме бағасын/ жалдау төлемін) толық төлеуі фактісі бойынша ислам банкі/ислам лизингі компаниясы:

1) кәсіпкер қаржыландыру шарты/ислам лизингі шарты бойынша жоспарлы төлемді өтейтін күні қаржы агенттігінің шотында қаражат болған;

2) субсидиялау шартына төлемдер графигі бойынша өтелген күннен кейін қаржы агенттігінен қаражат түскен қаржы агенттігінің ағымдағы шотынан кәсіпкерді қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасының/жалдау төлемінің субсидияланатын бөлігін өтеу шотына ақшаны есептен шығарады.

76. Ислам банкі/ислам лизингі компаниясыкәсіпкер берешекті өтегенге дейін ислам банкінің/ислам лизингі компаниясының кірісін құрайтын тауардың үстеме бағасының/жалдау төлемінің субсидияланатын бөлігін өтеу үшін қаржы агенттігінің ағымдағы шотынан қаражатты есептен шығармайды және:

1) кәсіпкер ислам банкі/ислам лизингі компаниясыалдындағы төлемдерді төлеу жөніндегі міндеттемелерін қатарынан 3 (үш) ай бойы орындамаған;

2) кәсіпкер ислам банкі/ислам лизингі компаниясыалдындағы лизингтік (жалдау) төлемдерді енгізу жөніндегі міндеттемелерін қатарынан 2 (екі) және одан да көп рет орындамаған жағдайларда 2 (екі) жұмыс күні ішінде қаржы агенттігі ол туралы тиісті хатпен хабардар етеді.

77. Қаржы агенттігі өңірлік үйлестірушіге/уәкілетті органға есепті тоқсаннан кейінгі айдың 25 (жиырма бес) күніне дейін тауардың үстеме бағасын субсидиялау бойынша ай сайын/жалдау төлемін субсидиялау бойынша тоқсан сайын осы Ислам банктері қаржыландырған кезде субсидиялау қағидаларына 8-қосымшаға сәйкес нысан бойынша субсидиялау туралы есеп жібереді.

78. Кәсіпкердің қаржыландыру шартының/ислам лизингі шартының талаптарына сәйкес қаржы агенттігінің уәкілетті органының хаттамасымен қаржы агенттігі субсидия аударуды ислам банкінің/ислам лизингі компаниясының кірісін құрайтын субсидияланбайтын тауардың үстеме бағасының/жалдау төлемінің бөлігін төлеу және/немесе өзіндік құн сомасын/жалдау төлемінің сомасын өтеу бойынша ислам банкі/ислам лизингі компаниясы жеңілдікті кезең берген/мерзімін кейінге қалдырған кәсіпкерді қаржыландыру бойынша ислам банкінің/ислам лизингі компаниясының кірісін құрайтын тауардың үстеме бағасының/жалдау төлемінің субсидияланатын бөлігінде жүзеге асырады.

Бұл ретте жеңілдікті кезең/кейінге қалдыру мерзімі қаржы агенттігінің шешімінде көрсетіледі.

79. Егер ислам банкі/ислам лизингі компаниясыағымдағы қаржыландыру шартының/ислам лизингі шартының талаптарын (исламдық қаржыландыру кезінде ислам банкінің/ислам лизингі компаниясының кірісін құрайтын тауардың үстеме бағасының/жалдау төлемінің бөлігі, төлемдерге ақы төлеу бойынша жеңілдікті кезең/мерзімін кейінге қалдыру, өтеу күні, кәсіпкердің атауын өзгерту/борышты аудару) өзгертсе, ислам банкі/ислам лизингі компаниясы қаржы агенттігіне тиісті хабарлама жібереді, ол өз кезегінде 7 (жеті) жұмыс күні ішінде толық құжаттар топтамасымен қоса қаржыландырудың қолданыстағы шарттарына енгізілетін өзгерістер жөніндегі ақпаратты қаржы агенттігі уәкілетті органының қарауына шығарады. Қарау нәтижелері бойынша қаржы агенттігінің уәкілетті органы қаржыландырудың қолданыстағы шарттарына өзгерістер енгізудің мүмкіндігі/мүмкін еместігі туралы шешім қабылдайды, ол қаржы агенттігінің уәкілетті органы шешім қабылдаған күннен бастап 2 (екі) жұмыс күні ішінде хаттамамен ресімделеді. Бұл ретте қаржыландыру шарттарындағы өзгерістер хаттамада/шешімде анық көрсетіледі.

Қаржы агенттігінің уәкілетті органы шешім қабылдаған күннен бастап 1 (бір) жұмыс күні ішінде қаржы агенттігі ислам банкіне/ислам лизингі компаниясынахаттамадан үзінді-көшірме жібереді.

80. Қазіргі қаржыландыру шартының талаптарындағы өзге өзгерістер туралы ислам банкі/ислам лизингі компаниясы қаржы агенттігін тиісті хатпен хабардар етеді, ол өз кезегінде құжаттардың толық топтамасын алған күннен бастап 7 (жеті) жұмыс күні ішінде ағымдағы қаржыландыру шарттарына енгізілетін өзгерістер бойынша шешім қабылдайды және хатпен қаржыландыру шарттарына енгізілген өзгерістерді келіседі немесе келісуден бас тартады (бұл ретте хаттың көшірмесінде қаржы агенттігін және жергілікті үйлестірушіні көрсетеді).

Бұл ретте қаржыландыру талаптарындағы өзгерістер (келісуден бас тарту) келісу хатында анық көрсетіледі.

81. Кәсіпкер қайтыс болған жағдайда ислам банкі/ислам лизингі компаниясы кәсіпкердің қайтыс болғаны туралы мәлімет (ақпарат) алғаннан кейін 2 (екі) жұмыс күні ішінде қаржы агенттігіне тиісті хабарлама жібереді, ол 5 (бес) жұмыс күні ішінде мұрагердің (мұрагерлердің) мұрагерлік құқығы басталған кезге дейін субсидиялауды уақытша тоқтата тұру бойынша ақпаратты қаржы агенттігінің уәкілетті органының қарауына шығарады. Мұрагердің (мұрагерлердің) мұрагерлік құқығы басталған жағдайда субсидиялауды қайта бастау мәселесі қаржы агенттігінің уәкілетті органының қарауына шығарылады.

82. Бұрын қолданыста болған кәсіпкерлікті қолдау бағдарламалары шеңберінде мақұлданған жобалар кәсіпкерлер олар бойынша өз міндеттемелерін толық орындағанға дейін қаржы агенттігінің уәкілетті органы бұрын мақұлдаған шарттарда әрекет етеді.

Бұрын қолданыста болған кәсіпкерлікті қолдау бағдарламалары шеңберінде қаржы агенттігінің уәкілетті органы мақұлдаған жобалар бойынша ислам банктері кәсіпкерлік субъектілерін қаржыландырған кезде кепілгерге, қосалқы қарыз алушыға, қаржыландырудың мақсаты мен мерзіміне, қаржыландыру сомасына, сыйақы мөлшерлемесін азайтуға, банкке/лизингтік компанияға, кейінге қалдыруға/жеңілдікті кезеңге, өтеу күніне, өтеу шарттарына, айналым қаражатын толықтыруға лимиттің жаңартылуына/жаңартылмауына, кәсіпкердің атауын, ЭҚЖЖ кодын өзгертуге қатысты қаржыландырудың қолданыстағы шарттарына өзгерістер енгізуге жол беріледі.

Қаржыландырудың өзге де шарттары өзгерген жағдайда жобаның осы Ислам банктері қаржыландырған кезде субсидиялау қағидаларының қолданыстағы шарттарына сәйкес келуі қамтамасыз етіледі.

83. Осы Ислам банктері қаржыландырған кезде субсидиялау қағидаларын іске асыру шеңберінде субсидиялауға бөлінген және ағымдағы қаржы жылы өңірлік үйлестірушілер/қаржы агенттігі пайдаланбаған қаражат кезекті қаржы жылы, оның ішінде кезекті қаржы жылы мақұлданған жобаларды субсидиялауға пайдаланылады.

6-параграф. Субсидиялауды тоқтату және қайта бастау

84. Қаржы агенттігінің уәкілетті органы субсидиялауды тоқтату және қайта бастау туралы шешімді ислам банкінің/ислам лизингі компаниясының өтінішхаты (хабарламалары), сондай-ақ мониторинг нәтижелері негізінде қабылдайды.

85. Қаржы агенттігі ислам банкінің/ислам лизингі компаниясының хабарламалары және/немесе мониторингтеу нәтижелері негізінде мынадай фактілер анықталған кезде кәсіпкерді субсидиялауды тоқтатады:

1) субсидияланатын жаңа қаржыландырудың нысаналы пайдаланылмауы, бұл ретте субсидиялау қаржыландырудың нысаналы пайдаланылмаған сомасына пропорционалды түрде тоқтатып қойылады;

2) кәсіпкердің субсидияланатын ислам лизингі шарты бойынша лизинг (жалдау) нысанасын алмауы;

3) жобаның және/немесе кәсіпкердің осы Ислам банктері қаржыландырған кезде субсидиялау қағидаларының шарттарына және/немесе өңірлік үйлестіру кеңесінің/қаржы агенттігі уәкілетті органының шешіміне сәйкес келмеуі;

4) кәсіпкердің қаржыландыру шартына төлемдер графигіне сәйкес ислам банкі алдындағы төлемдерге ақы төлеу жөніндегі міндеттемелерін қатарынан 3 (үш) ай бойы орындамауы;

5) кәсіпкердің төлемдерді өтеу графигіне сәйкес ислам банкі/ислам лизингі компаниясыалдындағы лизингтік (жалдау) төлемдерді енгізу жөніндегі міндеттемелерін қатарынан 2 (екі) және одан көп рет орындамауы;

6) кәсіпкердің шоттарындағы ақшаға тыйым салу (шотта талап қою жөніндегі талаптарды толық көлемде қамтамасыз ететін ақша жеткілікті болған жағдайда талап қою талаптарын қамтамасыз ету жөніндегі шаралар ретінде шоттардағы ақшаға тыйым салуды қоспағанда) және/немесе кәсіпкердің шоты бойынша шығыс операцияларының тоқтатыла тұруы;

7) Қазақстан Республикасының заңнамасында көзделген жағдайларда борышкерден лизинг (жалдау) нысанасын талап ету;

8) кәсіпкерлердің мыналар:

қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін бюджетке төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюына қол жеткізу жөніндегі міндеттемелерін орындамауы (кәсіпкерлердің "Шағын және орта кәсіпкерлікті қолдау" бағыты шеңберіндегі жобалары бойынша);

9) қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін бюджетке төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюына қол жеткізу жөніндегі міндеттемелерін орындамауы (кәсіпкерлердің "Шағын, орта және ірі кәсіпкерлікті қолдау" бағыты шеңберіндегі жобалары бойынша);

10) сомасы 3 (үш) миллиард теңгеден асатын жобалары бар шағын кәсіпкерлік субъектісінің 3 (үш) жыл өткеннен кейін Кодекстің 24-бабында көзделген көрсеткіштерге сәйкес орта кәсіпкерлік субъектісі санатына өтуді растау міндеттемелерін орындамауы (кәсіпкерлердің "Шағын, орта және ірі кәсіпкерлікті қолдау" бағыты шеңберіндегі жобалары бойынша);

11) кәсіпкердің субсидиялау кезеңінде дивиденттер төлеу жөніндегі тыйымды бұзуы;

12) жеке кәсіпкерлік субъектісі ретінде кәсіпкердің қызметін тоқтата тұруы/тоқтатуы;

13) инвестициялық жобаларды іске асыру мерзімін бұзуы;

14) қазақстандық өндірушінің тауарларын сатып алу жөніндегі міндеттемені орындалмауы.

86. Қаржы агенттігі осы Ислам банктері қаржыландырған кезде субсидиялау қағидаларының 85-тармағында көрсетілген фактілер анықталғаннан кейін 20 (жиырма) жұмыс күні ішінде субсидиялауды тоқтату немесе қайта бастау туралы шешім қабылдайды.

Бұл ретте қаржы агенттігі уәкілетті органының шешімінде субсидиялауды тоқтату/қайта бастау туралы негіздеме көрсетіледі.

Субсидиялауды тоқтату немесе қайта бастау қаржы агенттігі субсидиялауды тоқтата тұрған күннен бастап жүзеге асырады, бұл ретте қаржыландыруды нысаналы пайдаланбаған кезде субсидиялау қаржыландыруды нысаналы пайдаланылмаған сомасына барабар тоқтатылады. Нысаналы пайдаланылуы расталатын қаржыландырудың қалған бөлігі бойынша және кәсіпкер нысаналы пайдаланбау мөлшеріне барабар төленген субсидиялар сомасын қайтарған жағдайда субсидиялау төлемдер графигіне сәйкес жалғастырылады.

87. Қаржы агенттігінің уәкілетті органы 5 (бес) жұмыс күні ішінде кәсіпкер субсидиялауды тоқтата тұруға негіз болған себептерді жойған жағдайда субсидиялауды қайта бастау туралы оң шешім қабылдайды.

88. Қаржы агенттігі 1 (бір) жұмыс күні ішінде қаржы агенттігі уәкілетті органының шешімін ресімдейді және ислам банкіне/ислам лизингі компаниясынатиісті хатпен хабарлама жібереді.

89. Кәсіпкерді субсидиялауды қайта бастау туралы шешім қабылданған кезде қаржы агенттігі оларға тоқтата тұру кезеңінде төленбеген субсидияларды төлейді. Субсидиялау осы Ислам банктері қаржыландырған кезде субсидиялау қағидаларының 85-тармағының 4) немесе 5) тармақшаларында көрсетілген себептер бойынша тоқтатыла тұрған жағдайда субсидиялау қайта басталған кезде қаржы агенттігі кәсіпкердің мерзімін өткізіп алған күнінен бастап төленуге тиіс субсидияларды төлейді.

90. Кәсіпкерді субсидиялауды тоқтату туралы шешім қабылданған кезде қаржы агенттігі 3 (үш) жұмыс күні ішінде тиісті хатпен кәсіпкерге, ислам банкіне/ислам лизингі компаниясына субсидиялау шартын бұзатын күні мен бұзу себебін көрсетіп, субсидиялау шартын біржақты бұзу туралы хабарлама жібереді.

Ислам банктері қаржыландырған кезде субсидиялау қағидаларының 81-тармағын қоспағанда, кәсіпкерлерді субсидиялауды тоқтату туралы қаржы агенттігі уәкілетті органының шешімі бар қаржыландыру қайта басталмайды.

91. Кәсіпкерге төленген субсидиялар сомасы субсидиялар төлеу жөніндегі қаражатты одан әрі пайдалану үшін қаржы агенттігіне қайтарылуға тиіс.

92. Мынадай:

1) кәсіпкер ислам банкі/ислам лизингі компаниясы алдындағы қаржыландыру шарты/ислам лизингітік шарт бойынша қаржыландыруды толық өтеген (кәсіпкер ислам банкіне/ислам лизингі компаниясына қаржыландыруды толық өтеген күн субсидиялау тоқтатылған күн болып саналады);

2) субсидиялауды тоқтату туралы шешім қабылданған;

93. Субсидиялау тоқтатылған жағдайда ислам банкі/ислам лизингі компаниясыкәсіпкерге қазіргі қаржыландыру шарты бойынша бұған дейін қолданылған қаржыландыру шарттарын (оның ішінде ислам банкінің/ислам лизингі компаниясының кірісін құрайтын тауардың үстеме бағасының бөлігі/жалдау ақысының бөлігі, комиссиялар, алымдар және/немесе өзге де төлемдер және басқа да шарттар) белгілеуге жол береді.

94. Кәсіпкер қаржыландыру бойынша өзіндік құн сомасын/жалдау төлемінің сомасын ішінара мерзімінен бұрын толық өтеген жағдайда ислам банкі/ислам лизингі компаниясы қаржыландыру бойынша өзіндік құн сомасын/жалдау төлемінің сомасын ішінара/мерзімінен бұрын толық өтеу фактісі туралы қаржы агенттігін 2 (екі) жұмыс күні ішінде хабардар етеді.

Кәсіпкер қаржыландыру бойынша өзіндік құн сомасын/жалдау төлемінің сомасын ішінара мерзімінен бұрын өтеген жағдайда ислам банкі/ислам лизингі компаниясы субсидиялау шартына төлемдерді өтеу графигі өзгертілген тиісті қосымша келісіммен қоса, қаржыландыру шартына/ислам лизингі шартына қосымша келісімнің көшірмесін не (XLS немесе XLSX) төлемдерді өтеу графигі өзгертілген және төленуге тиісті субсидиялар сомасы көрсетілген ислам банкінің/ислам лизингі компаниясының электрондық форматтағы хатын қаржы агенттігіне жолдайды.

95. Кәсіпкерді қаржыландыру бойынша ислам банкінің/ислам лизингі компанияларының кірісін құрайтын тауардың үстеме бағасының бөлігін/жалдау төлемінің бөлігін субсидиялау тоқтатылған, кәсіпкерді қаржыландыру бойынша өзіндік құн сомасы/жалдау төлемінің сомасы ішінара/мерзімінен бұрын толық өтелген жағдайларда ислам банкі/ислам лизингі компаниясы 7 (жеті) жұмыс күні ішінде өзара есеп айырысуды салыстырып қарау актісін қаржы агенттігіне ұсынады.

Бұл ретте ислам банкі/ислам лизингі компаниясысалыстырып қарау актісінде субсидиялардың нақты есептен шығарылған сомасы мен күндерін көрсетеді, ал қаржы агенттігі субсидиялар аударылған күндер мен сомасын сомасы мен күндерін көрсетеді.

96. Қаржыландыруды нысаналы пайдаланбаған кәсіпкер бойынша ислам банкі/ислам лизингі компаниясықаржы агенттігіне қаржыландырудың нысаналы пайдаланылмау фактісін растайтын құжаттарды ұсынады.

3-тарау. Жобалардың іске асырылуын мониторингтеу

97. Осы Ислам банктері қаржыландырған кезде субсидиялау қағидалары шеңберінде кәсіпкерлер жобаларының іске асырылуын мониторингтеуді қаржы агенттігі кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес жүзеге асырылады.

Қаржы агенттігінің функциялары:

1) ислам банкі/ислам лизингі компаниясы ұсынатын деректер мен құжаттар негізінде субсидиялау шарты жасалған кәсіпкердің жаңа қаржыландыруды нысаналы пайдалануын мониторингтеу;

2) ислам банкі/ислам лизингі компаниясы ұсынатын деректер негізінде кәсіпкердің төлем тәртібін мониторингтеу;

3) жобаның іске асырылуын (ислам лизингі шарты бойынша лизинг нысанасын пайдалану) мониторингтеу;

4) жобаның және (немесе) кәсіпкердің осы Ислам банктері қаржыландырған кезде субсидиялау қағидаларының шарттарына және (немесе) қаржы агенттігінің шешіміне сәйкес келуін мониторингтеу.

Ислам банктері кәсіпкерлік
субъектілерін
қаржыландырылған кезде
ислам банктерінің кірісін
құрайтын тауардың үстеме
бағасы мен жалдау төлемінің
бөліктерін субсидиялау
қағидаларына
1-қосымша

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
1. Өңдеу өнеркәсібінде
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
2. Көрсетілетін қызметтер және өзге де қызмет түрлері бойынша
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді игеру
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою қызметі және қалдықтарды жою саласындағы өзге де көрсетілетін қызметтер
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру***
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару****
Кәсіптік, ғылыми және техникалық қызмет
75	Ветеринариялық қызмет
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
93.1	Спорт саласындағы қызмет

*** апартаменттерді, пәтерлерді және тұрғын үйлерді қоспағанда;

**** осы ЭҚЖЖ қойма үй-жайлары мен қойма алаңдарын жалға беруді көздейді.

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінің атауы	Экономикалық қызмет түрлерінің жалпы жіктеуіші
1	2	3	4
С секциясы Өңдеу өнеркәсібі 1
1	Етті қайта өңдеу және консервілеу және ет өнімдерін өндіру	Етті қайта өңдеу және консервілеу	10.11
		Ауыл шаруашылығы құсының етін қайта өңдеу және консервілеу	10.12
		Еттен және ауыл шаруашылығы құс етінен жасалған өнімдер өндірісі	10.13
2	Балықты, шаян тәрізділерді және моллюскілерді қайта өңдеу және консервілеу	Балықты, шаян тәрізділерді және моллюскілерді өңдеу және консервілеу	10.20
3	Жемістерді және көкөністерді өңдеу және консервілеу	Картопты қайта өңдеу және консервілеу	10.31
		Жеміс және көкөніс шырындары өндірісі	10.32
		Жемістерді және көкөністерді қайта өңдеу және консервілеудің өзге де түрлері	10.39
4	Өсімдік және мал майы мен тоңмай өндірісі	Май және тоңмай өндірісі	10.41
4	Өсімдік және мал майы мен тоңмай өндірісі	Маргарин және оған ұқсас тағамдық тоңмайлар өндірісі	10.42
5	Сүт өнімдерінің өндірісі	Сүтті қайта өңдеу және ірімшік жасау	10.51
5	Сүт өнімдерінің өндірісі	Балмұздақ өндірісі	10.52
6	Ұн-жарма өнімдерінің, крахмал және крахмал өнімдерін өндіру	Ұн-жарма өнімдері өндірісі	10.61
6	Ұн-жарма өнімдерінің, крахмал және крахмал өнімдерін өндіру	Крахмал және крахмал өнімдері өндірісі	10.62
7	Нан-тоқаш, макарон және ұннан жасалған кондитерлік өнімдерді өндіру	Ұзақ сақталұға арналған нан-тоқаш және ұннан жасалған кондитерлік өнімдер өндірісі	10.71
		Кептірілген нан және печенье, ұзақ сақталатын ұннан жасалған кондитерлік өнімдер өндірісі	10.72
		Макарон өнімдерінің өндірісі	10.73
8	Өзге де тамақ өнімдерінің өндірісі	Өзге де тамақ өнімдерінің өндірісі	10.8
9	Жануарларға арналған дайын азық өндірісі	Жануарларға арналған дайын азық өндірісі	10.9
10	Сусын өндірісі	Уыт өндірісі	11.06
10	Сусын өндірісі	Алкогольсіз сусындар, минералды сулар және шөлмекке құйылған басқа да сусындар өндірісі	11.07
11	Текстиль бұйымдарының өндірісі	Текстиль бұйымдарының өндірісі	13
12	Киім өндірісі	Үлбірден тігілген киімді қоспағанда, киім өндірісі	14.1
12	Киім өндірісі	Тоқылған және трикотаж киімдер өндірісі	14.3
13	Былғары және оған жататын өнімдер өндірісі	Былғары илеу және өңдеу; жол керек-жарақтарының, қайыс-ертоқым бұйымдарының өндірісі; былғары илеу және бояу	15.1
13	Былғары және оған жататын өнімдер өндірісі	Аяқ-киім өндірісі	15.20
14	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан бұйымдар өндірісі	Ағаш кесу және сүргілеу өндірісі	16.1
14		Сүректен, тоздан, сабаннан және тоқуға арналған материалдардан бұйымдар өндірісі	16.2
15	Қағаз және қағаз өнімдерінің өндірісі	Қағаз және қағаз өнімдерінің өндірісі	17
16	Полиграфиялық қызмет және жазылған ақпарат жеткізгіштерін тыңдап-көрсету	Полиграфиялық қызмет және осы саладағы көрсетілетін қызметтерді ұсыну	18.1
17	Кокс және мұнай өңдеу өнімдерінің өндірісі	Мұнай өңдеу өнімдерін, шымтезек пен көмірден брикеттер өндіру	19.20
18	Химия өнеркәсібі өнімдерінің өндірісі	Негізгі химиялық заттар, тыңайтқыштар және азотты қосылыстар, алғашқы нысандардағы пластмассалар мен синтетикалық каучук өндірісі	20.12
		Пестицидтер мен өзге де агрохимиялық өнімдер өндірісі	20.20
		Бояулар, лактар және осыған ұқсас бояғыш жағындылар, баспаханалық бояулар мен мастикалар өндірісі	20.30
		Сабын, жуу, тазалау, жылтырату, парфюмерлік және косметикалық құралдар өндірісі	20.4
		Сіріңке шығару	20.51.2
		Желім шығару	20.52
		Эфир майларының өндірісі	20.53
		Фотоматериалдар өндірісі	20.59.1
		Желатин өндірісі	20.59.2
		Текстиль бұйымдарды әрлеуде пайдаланылатын материалдар өндірісі	20.59.3
		Техникалық көміртекті (күйе), көміртекті нанотүтікшелер, наноталшықтар және басқа көміртекті наноматериалдар өндірісі	20.59.4
		Басқа химиялық өнімдер өндірісі	20.59.9
		Жасанды және синтетикалық талшықтар өндірісі	20.60
19	Негізгі фармацевтикалық өнімдер мен фармацевтикалық препараттар өндірісі	Негізгі фармацевтикалық өнімдер өндірісі	21.10
19		Фармацевтикалық препараттар мен медициналық материалдар өндірісі	21.20
20	Резеңке және пластмасса бұйымдарының өндірісі	Резеңке бұйымдарының өндірісі	22.1
20	Резеңке және пластмасса бұйымдарының өндірісі	Пластмасса бұйымдарының өндірісі	22.2
21	Өзге де бейметалл минералды өнімдер өндірісі	Шыны және шыныдан жасалған бұйымдар өндірісі	23.1
		Отқа төзімді бұйымдар өндірісі	23.2
		Саздан жасалатын құрылыс материалдарының өндірісі	23.3
		Өзге де фарфор және қыш бұйымдарының өндірісі	23.4
		Цемент, әктас және құрылыс гипсін өндіру	23.5
		Бетоннан, цементтен және құрылыс гипсінен жасалатын бұйымдар өндірісі	23.6
		Тасты кесу, өңдеу және әрлеу	23.70
		Абразивті бұйымдар және өзге де бейметалл минералды өнімдер өндірісі	23.9
22	Металлургия өндірісі	Металлургия өндірісі	243
23	Машиналар мен жабдықтан басқа, дайын металл бұйымдарының өндірісі	Металл есіктер мен терезелер шығару	25.12
		Орталық жылыту радиаторлары мен қазандықтарының өндірісі	25.21
		Металды соққылап өңдеу, сығымдау, қалыптау, бейіндеу; ұнтақ металлургия	25.5
		Металдарды өңдеу және металдарға қаптамалар жалату; машина жасаудың негізгі технологиялық процестері	25.6
		Пышақ бұйымдары, аспаптар және қапсырма бұйымдарының өндірісі	25.7
		Өзге де дайын металл бұйымдарының өндірісі	25.94
24	Компьютерлер, электрондық және оптикалық жабдықтар өндірісі	Компьютерлер, электрондық және оптикалық жабдықтар өндірісі	265
25	Электр жабдықтарынің өндірісі	Электр жабдықтарының өндірісі	27
26	Басқа топтамаларға енгізілмеген машиналар мен жабдықтар өндірісі	Гидравликалық және пневматикалық жабдықтарының өндірісі	28.12
		Өзге де крандар, клапандар мен вентильдер өндірісі	28.14
		Лифт өндірісі	28.22.4
		Офистік техника және жабдық өндіру (компьютерлерді және перифериялық жабдықты қоспағанда)	28.23
		Механикаландырылған қол аспаптарын өндіру	28.24
		Өнеркәсіптік тоңазыту және желдету жабдығының өндірісі	28.25
		Басқа топтамаларға енгізілмеген жалпы мақсаттағы өзге де машиналар мен жабдықтар өндірісі	28.29
		Ауылшаруашылық машиналар өндірісі	28.30.2
27	Автомобильдер, тіркемелер және жартылай тіркемелер өндірісі	Автомобильдер өндірісі	29.1
		Автомобильдерге арналған шанақтар өндірісі	29.20.1
		Автомобильдердің бөлшектері мен керек-жарақтарының өндірісі	29.3
28	Басқа көлік құралдарының өндірісі	Теміржол локомотивтерінің және жылжымалы құрам өндірісі	30.20
28	Басқа көлік құралдарының өндірісі	Басқа топтамаларға енгізілмеген көлік құралдарының өндірісі	30.9
29	Жиһаз өндірісі	Жиһаз өндірісі	31
30	Өзге де дайын бұйымдар өндірісі	Өзге де дайын бұйымдар өндірісі	32
D секциясы Электр энергиясымен, газбен, бумен, ыстық сумен және кондицияланған ауамен жабдықтау
31	Электр энергиясын өндіру	Гидроэлектр станцияларының электр энергиясын өндіруі	35.11.2
		Жел электр станцияларының электр энергиясын өндіруі	35.11.4
		Күн электр станцияларының электр энергиясын өндіруі	35.11.5
		Өзге де электр станцияларының электр энергиясын өндіруі	35.11.9

Ескертпелер:

2 Өндіріс, оның ішінде: дезинфекциялау құралдарының, зарарсыздандырғыштар өндірісі.

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінен алынған атауы	Экономикалық қызмет түрлерінің жалпы жіктеуіші
1	2	3	4
B секциясы Тау-кен өндіру өнеркәсібі және карьерлерді игеру
1	Тас көмірді байыту	Тас көмірді байыту	05.10.31
2	Тұз өндіру	Тұз өндіру	08.93
E секциясы Сумен жабдықтау; су бұру қалдықтарды жинау, өңдеу және жою, ластануды жою қызметі
3	Суды жинау, тазарту және бөлу	Суды жинау, тазарту және бөлу	36
4	Қалдықтарды жинау, өңдеу және жою; материалдарды кәдеге жарату (қалпына келтіру)	Қауіпсіз қалдықтарды жинау	38.11
H секциясы Көлік және қоймаға жинау
5	Құрлық және құбырмен жүретін көлік қызметі	Басқа топтамаларға енгізілмеген өзге де құрлықтағы жолаушылар көлігінің қызметі	49.392
6	Жүкті қоймалау және қосалқы көлік қызметі	Жүктерді қоймаға жинау және қосалқы көлік қызметі	523
6	Жүкті қоймалау және қосалқы көлік қызметі	Жүктерді қоймалаға жинау және сақтау	52.104
I секциясы Тұру және тамақтану бойынша қызметтер көрсету
7	Уақытша тұру жөнінде қызмет көрсету	Қонақүйлердің және тұруға арналған соған ұқсас орындардың қызметтер көрсетуі	55.105
		Демалыс күндерінде және қысқа мерзімді тұрудың өзге де кезеңдеріне баспана беру	55.205
		Кемпингтердің, автофургондарға және тұруға арналған автотіркемелерге арналған тұрақтардың қызметтер көрсетуі	55.305
		Тұруға арналған өзге де орындардың көрсетілетін қызметтері	55.906
J секциясы Ақпарат және байланыс
8	Компьютерлік бағдарламалау, консультациялық және басқа да ілеспе көрсетілетін қызметтер	Компьютерлік бағдарламалау саласындағы қызмет	62.01
9	Ақпараттық қызмет көрсету саласындағы қызмет	Ақпараттық қызмет көрсету саласындағы қызмет	63
P секциясы Білім беру
10	Білім беру	Білім беру	857
10	Білім беру	Басқа топтамаларға енгізілмеген білім берудің өзге де түрлері	85.59
Q секциясы Денсаулық сақтау және халыққа әлеуметтік қызмет көрсету
11	Денсаулық сақтау саласындағы қызмет	Денсаулық сақтау саласындағы қызмет	868

Ескертпелер:

1 Үйіндіден тас көмірді бөліп алу.

2 Тау шаңғысы курорттарын салу, егер конвейерлер, арқанды жолдар, тау шаңғысы және арқанды көтергіштері қалалық және қалааралық көлік тасымалы жүйесіне кірмесе, оларды басқару.

6 Студенттік және мектеп жатақханаларын салу және (немесе) реконструкциялау.

8 Медициналық мекемелер салу және (немесе) жөндеу және (немесе) медициналық мекемелерді қажетті медициналық жабдықтармен (компьютерлік томограф, магнитті-резонанстық томограф, ультрадыбыстық зерттеу аппараты, кардиомонитор, неонаталдық өкпені жасанды желдету аппараты, өкпені жасанды желдету аппараты, жасанды қанайналым аппараты, ангиографиялық жүйе) жарақтандыру, сондай-ақ санаториялық-курорттық мекемелер салу және (немесе) реконструкциялау және (немесе) жабдықтармен жарақтандыру.

Нысан

кімнен _______________

Өтініш

(бағытты қанатбелгімен белгілеу керек)

"Шағын және орта кәсіпкерлікті қолдау" бағыты

шеңберінде қатысу және _______ жылғы_________№ шарт негізінде берілген қаржыландыру бойынша сыйақы мөлшерлемесінің бір бөлігін субсидиялау нысанында мынадай шарттарда:

Қаржыландыру сомасы
Кәсіпкерлік қызметті қаржыландыру операциялары бойынша ислам банктерінің/ислам лизингі компанияларының кірісін құрайтын тауардың үстеме бағасының/жалдау төлемінің бөлігі
Қаржыландыру валютасы
Қаржыландыру мерзімі

мемлекеттік қолдау алу мақсатында, қаржыландыру бойынша субсидиялау мақұлданған жағдайда ислам банктерінің/ислам лизингі компанияларының кірісін құрайтын кәсіпкерлік қызметті қаржыландыру операциялары бойынша тауардың номиналды үстеме бағасының/жалдау төлемінің бөлігін Ислам банктері қаржыландырған кезде субсидиялау қағидалары шеңберінде қатысуға мүмкіндік беретін деңгейге дейін төмендету мүмкіндігін қарастыруды сұраймын.

__________ _________ _______________________________________

(қолы) күні, (тегі, аты, әкесінің аты (бар болса)

Нысан

	Кімге: ___________________
	қаржы агенттігі
	Кімнен: __________________
	(бұдан әрі – кәсіпкер)

№ __________ өтініш-сауалнама

Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасының бөлігін және жалдау төлемінің бөлігін субсидиялау қағидаларына (бұдан әрі – Ислам банктері қаржыландырған кезде субсидиялау қағидалары) сәйкес Сізден төмендегіге сәйкес Ислам банктері қаржыландырған кезде субсидиялау қағидалары шеңберінде қаржыландыру бойынша ислам банктерінің/ислам лизингі компанияларының кірісін құрайтын кәсіпкерлік қызметті қаржыландыру операциялары бойынша тауардың үстеме бағасының бөлігін/жалдау төлемінің бөлігін субсидиялау туралы мәселені қаржы агенттігінің ________________ жөніндегі уәкілетті органының қарауына шығаруға бастама жасауды сұраймын:

1. Бағыт (бағытты қанатбелгімен белгілеу керек)

"Шағын және орта кәсіпкерлікті қолдау" бағыты

2. Жоба бойынша ақпарат

Құрылтайшы(лар) туралы деректер
Заңды мекенжайы
Іс жүзіндегі мекенжайы
Бірінші басшының тегі, аты, әкесінің аты (бар болса)
Жобаның қысқаша сипаттамасы
Жоба іске асырылатын жер (облыс, қала)
Экономикалық қызмет түрі (Экономикалық қызмет түрлерінің жалпы жіктеуішіне сәйкес)
Банктің/лизинг компаниясының атауы
Қаржыландыру сомасы
Қаржыландырудың нысаналы мақсаты

3. Кепілдіктер мен келісімдер

Кәсіпкер қаржы агенттігіне төмендегіні мәлімдейді және оған кепілдік береді:

1. Осы өтінішпен бірге не қаржы агенттігінің сұратуы бойынша қаржы агенттігіне берілетін (берілген) немесе табысталатын барлық деректер, ақпарат және құжаттама дұрыс әрі және төменде көрсетілген күнгі шындыққа толық сәйкес келеді. Көрсетілген деректер өзгерген жағдайда қаржы агенттігіне дереу хабарлауға міндеттенеді.

2. Қаржы агенттігінің алғаш талап етуі бойынша осы өтінішті қарау шеңберінде талап етілген банктік және коммерциялық құпияны құрайтын кез келген ақпарат пен құжаттарды, сондай-ақ статистикалық деректерді ұсынуға және ашуға міндеттенеді.

3. Қаржы агенттігі көрсетілген растаулар мен кепілдіктердің шынайылығын тексеруді қамтамасыз етпейді.

4. Кәсіпкерге жалған, толық емес және/немесе шынайы емес мәліметтерді бергені үшін Қазақстан Республикасының заңнамасында көзделген жауапкершілік туралы ескертілді.

5. Кәсіпкер кәсіпкердің жарғылық құзыреті осы өтінішке қол қоятын адамның осы өтінішті беруіне мүмкіндік беретінін растайды.

6. Көрсетілген деректер мен ақпараттың дұрыс емес екені анықталған жағдайда осы өтініш көрсетілген деректердің дұрыс емес екенін растайтын мәліметтер анықталған кез келген кезеңде кері қайтарылатындығымен келіседі, бұл ретте қаржы агенттігі өтінішті кері қайтару себептерін хабарламайды.

Кәсіпкер осы арқылы қаржы агенттігіне төмендегілерге келісім береді:

1. Қаржы агенттігі мүдделі үшінші тұлғаларға (Ислам банктері қаржыландырған кезде субсидиялау қағидалары шеңберінде ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамға осы өтініште көрсетілген мәліметтерді, ақпаратты және кәсіпкер ұсынған құжаттарды береді.

2. Осы өтініштегі қамтылған барлық мәліметтер, сондай-ақ қаржы агенттігі талап еткен барлық құжаттар Ислам банктері қаржыландырған кезде субсидиялау қағидалары шеңберінде субсидиялау үшін ғана ұсынылған.

3. Қаржы агенттігі кәсіпкер өзі туралы хабарлайтын кез келген ақпаратты тексеру құқығын өзіне қалдырады. Кәсіпкер ұсынған құжаттар және өтініштің түпнұсқасы субсидиялау ұсынылмаса да, қаржы агенттігінде сақталады.

4. Қаржы агенттігінің осы өтінішті қарауға қабылдауы, сондай-ақ кәсіпкердің ықтимал шығыстары (субсидиялауды алуға қажетті құжаттарды ресімдеуге және тағы соған сәйкес) қаржы агенттігінің субсидиялауды беру немесе кәсіпкер шеккен шығасыларды өтеу міндеттемесі болып табылмайды.

5. Кәсіпкер субсидиялау туралы мәселені қарау тәртібімен танысқанын және онымен келісетінін растайды, кейіннен қаржы агенттігіне наразылықтары болмайды.

______________________________________________________________

4. Қосымшалар

(________ бағыты бойынша көзделген құжаттар)

_______________________________________________________________

(тегі, аты, әкесінің аты (бар болса)

______________ __________________

(қолы) күні

Нысан

20___жылғы "___" ___________

Кәсіпкерлік субъектісі (бұдан әрі – КС)

"______________________________"

Көшірме: акционерлік қоғам (екінші

деңгейдегі банк)/жауапкершілігі

шектеулі серіктестік (лизингтік

компания)

"_____________________________"

"Даму" кәсіпкерлікті дамыту қоры" АҚ (бұдан әрі – қор) сыйақы мөлшерлемесін субсидиялау мәселесі бойынша "_______" КС жобасын Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау қағидаларының (бұдан әрі – Ислам банктері қаржыландырған кезде субсидиялау қағидалары) ______ бағыты шеңберінде қаржы агенттігі уәкілетті органының отырысында қарағанын және 20__жылғы " ___" _________ мақұлдағанын хабарлайды.

Субсидиялау үшін бюджетте қаражат болмаған жағдайда қор Ислам банктері қаржыландырған кезде субсидиялау қағидаларының 62-тармағына сәйкес субсидиялау шартына қол қоймайды.

Өңірлік филиал директоры __________________________________________

Нысан

20___жылғы "___" ___________

Кәсіпкерлік субъектісі (бұдан әрі – КС)

"______________________________"

Көшірме: акционерлік қоғам (екінші

деңгейдегі банк)/жауапкершілігі

шектеулі серіктестік (лизингтік

компания)

"_____________________________"

"Даму" кәсіпкерлікті дамыту қоры" АҚ Ислам банктері кәсіпкерлік субъектілерін қаржыландырған кезде ислам банктерінің кірісін құрайтын тауардың үстеме бағасы мен жалдау төлемінің бөліктерін субсидиялау қағидаларының _________ бағыты шеңберінде сыйақы мөлшерлемесін субсидиялау мәселесі бойынша "_______________" КС жобасын қаржы агенттігі уәкілетті органының кезекті отырысында қарап, мынадай шешім қабылдады:

1. _____________________ бас тартылсын (бас тарту себебі).

2. _____________________ ұсынылсын.

Өңірлік филиал директоры ___________________________________

Нысан

Өңірлік үйлестірушіге/уәкілетті органға бастап аралығындағы кезеңде субсидиялау туралы есеп

Ислам банкінің/ ислам лизингі компаниясының атауы	Кәсіпкерлік субъектісі жүгінген орын	Кәсіпкерлік субъектісінің атауы	Қаржыландыру шартының (транш) нөмірі	Қаржыландыру шартының (транш) күні	Қаржыландыру (транш) сомасы, теңге
1	2	3	4	5	6

Ислам банктерінің/ислам лизингі компанияларының кірісін құрайтын кәсіпкерлік қызметті қаржыландыру операциялары (транш) бойынша тауардың үстеме бағасының/жалдау төлемі бөлігінің мөлшерлемесі		Субсидиялау шартының нөмірі	Субсидиялау шартының күні	Кезең ішінде қаржылық агенттік аударған субсидиялар сомасы, теңге	Кезең ішінде есептен шығарылған субсидиялар сомасы, теңге
7		8	9	10	11


	Қазақстан Республикасы Үкіметінің 2024 жылғы 17 қыркүйектегі № 754 қаулысымен бекітілген

Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары

1-тарау. Жалпы ережелер

1. Осы Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары (бұдан әрі – Купондық сыйақы мөлшерлемесін субсидиялау қағидалары) Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді және кәсіпкерлік субъектілері шығарған облигациялар немесе ислам бағалы қағаздары бойынша купондық сыйақы мөлшерлемесінің бір бөлігін субсидиялаудың шарттары мен тетігін айқындайды.

2. Осы Купондық сыйақы мөлшерлемесін субсидиялау қағидаларында мынадай негізгі ұғымдар пайдаланылады:

1) айналым қаражатын толықтыру – кәсіпкердің бағалы қағаздарын орналастыру нәтижесінде алынған ақша қаражатының кәсіпкердің мәлімделген қызметімен байланысты әрі салықтық міндеттемелерді, зейнетақылық және әлеуметтік аударымдарды, кедендік төлемдерді/алымдарды/баждарды төлеуге арналмаған нысаналы мақсаты;

2) "Астана" халықаралық қаржы орталығы (бұдан әрі – АХҚО) – Қазақстан Республикасының Президенті айқындайтын шекарасы анық белгіленген, қаржы саласындағы ерекше құқықтық режим қолданылатын Астана қаласының шегіндегі аумақ;

3) АХҚО қор биржасы – АХҚО-да қаржы құралдарының сауда-саттығын ұйымдастырушылық және техникалық тұрғыдан қамтамасыз етуді жүзеге асыратын акционерлік қоғам ұйымдық-құқықтық нысанындағы заңды тұлға;

4) АХҚО қор биржасының тіркеушісі – АХҚО-ның қолданыстағы құқығына сәйкес тіркелген, қызметі бағалы қағаздар тізілімін қалыптастыру және жүргізу бойынша қызметтер көрсететуге сайып келетін жекеше компания;

5) АХҚО қаржылық көрсетілетін қызметтерді реттеу жөніндегі уәкілетті органы – АХҚО юрисдикциясындағы қаржылай көрсетілетін қызметтерді реттеуді жүзеге асыратын тәуелсіз уәкілетті орган;

6) АХҚО қор биржасының облигациялар шығару жөніндегі актісі – АХҚО қор биржасында облигациялар шығару тәртібін регламенттейтін АХҚО биржалық реттеуі шеңберіндегі нормативтік құжат;

7) АХҚО қор биржасының ислам бағалы қағаздарын шығару жөніндегі актісі – АХҚО қор биржасында ислам бағалы қағаздарын шығару тәртібін регламенттейтін АХҚО биржалық реттеу шеңберіндегі нормативтік құжат;

8) АХҚО қор биржасының орталық депозитарийі – АХҚО-ның қолданыстағы құқығына сәйкес тіркелген, АХҚО-ның қаржылай көрсетілетін қызметтерді реттеу жөніндегі уәкілетті органы берген лицензия негізінде депозитарлық қызметті жүзеге асыратын жеке компания;

9) АХҚО қор биржасы орталық депозитарийінің қағидалары – АХҚО қор биржасы орталық депозитарийінің бағалы қағаздар нарығы субъектілерімен өзара қарым-қатынастарының шарттары мен тәртібін айқындайтын құжат;

10) бағалы қағаздар нарығын мемлекеттік реттеу жөніндегі уәкілетті орган – қаржы нарығын және қаржы ұйымдарын мемлекеттік реттеуді, бақылауды және қадағалауды жүзеге асыратын мемлекеттік орган;

11) бағалы қағаздарды орналастыру – бағалы қағаздардың бастапқы нарығында купондық сыйақының субсидияланатын мөлшерлемесі бар бағалы қағаздарды/ислам бағалы қағаздарын сату;

12) бұған дейін бекітілген кәсіпкерлікті қолдау бағдарламасы/кәсіпкерлікті қолдау бағдарламалары – Қазақстан Республикасы Үкіметінің 2018 жылғы 25 тамыздағы № 522 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы-2025" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба, "Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдау қағидаларын, нысандарын бекіту туралы" Қазақстан Республикасы Сауда және интеграция министрінің 2023 жылғы 21 қарашадағы № 410-НҚ, Қазақстан Республикасы Энергетика министрінің 2023 жылғы 22 қарашадағы № 412, Қазақстан Республикасы Туризм және спорт министрінің 2023 жылғы 22 қарашадағы № 299, Қазақстан Республикасы Экология және табиғи ресурстар министрінің 2023 жылғы 22 қарашадағы № 327, Қазақстан Республикасы Ауыл шаруашылығы министрінің 2023 жылғы 22 қарашадағы № 401, Қазақстан Республикасы Мәдениет және ақпарат министрінің 2023 жылғы 22 қарашадағы № 450-НҚ, Қазақстан Республикасы Су ресурстары және ирригация министрінің 2023 жылғы 22 қарашадағы № 16, Қазақстан Республикасы Көлік министрінің міндетін атқарушының 2023 жылғы 23 қарашадағы № 91, Қазақстан Республикасы Өнеркәсіп және құрылыс министрінің 2023 жылғы 23 қарашадағы № 84, Қазақстан Республикасы Оқу-ағарту министрінің 2023 жылғы 23 қарашадағы № 347, Қазақстан Республикасының Цифрлық даму, инновациялар және аэроғарыш өнеркәсібі министрінің 2023 жылғы 23 қарашадағы № 572/НҚ, Қазақстан Республикасы Ғылым және жоғары білім министрінің 2023 жылғы 23 қарашадағы № 598 және Қазақстан Республикасы Денсаулық сақтау министрінің міндетін атқарушының 2023 жылғы 23 қарашадағы № 167 бірлескен бұйрығы (нормативтік құқықтық актілерін мемлекеттік тіркеу тізілімінде № 33681 болып тіркелген);

13) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экология заңнамасына сәйкес қолда бар табиғи ресурстарды пайдалану тиімділігін арттыруға, қоршаған ортаға келеңсіз әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар;

14) "жасыл" облигация – "жасыл" жобаларды іске асыруды қаржыландыру мақсатында ақша қаражатын тарту үшін кәсіпкерлік субъектілері Қазақстан Республикасының заңнамасына сәйкес шығаратын және қор биржасының ресми тізіміне енгізілген және (немесе) АХҚО актілеріне сәйкес шығарылып, АХҚО қор биржасының ресми тізіміне енгізілген, кірісі тіркелген борыштық құрал;

15) "жасыл" облигациялар қағидаттары – капитал нарықтарының халықаралық қауымдастығы әзірлеген "жасыл" облигациялар шығарылымының халықаралық ерікті стандарты және (немесе) климаттық бондтар бастамасының (Climate Bond Initiative) климаттық бондтар стандарты;

16) "жасыл" таксономия – Қазақстан Республикасының экология заңнамасына сәйкес "жасыл" облигациялар және "жасыл" кредиттер арқылы қаржыландыруға жататын "жасыл" жобалардың жіктемесі;

17) жоба (бизнес-жоба) – кәсіпкерлік қызметтің кіріс алуға бағытталған және Қазақстан Республикасының заңнамасына қайшы келмейтін, бастамашылық қызмет ретінде кәсіпкер жүзеге асыратын түрлі бағыттарындағы іс-қимыл мен іс-шаралар жиынтығы;

18) инвестициялар – негізгі құралдарды сатып алу, және (немесе) салу, және (немесе) жаңғырту, және (немесе) реконструкциялау, және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/ биологиялық /материалдық/материалдық емес активтердің құнына енгізілген қосылған құн салығы бойынша шығыстар да инвестицияларға жатады);

19) ислам бағалы қағаздары – шығарылу шарттары исламдық қаржыландыру қағидаттарына сәйкес келетін, материалдық активтердегі бөлінбейтін үлесті иелену құқығын және (немесе) оларды пайдаланудан түскен активтерге және (немесе) табыстарға, қаржыландыру үшін осы бағалы қағаздар шығарылған нақты жобалардың көрсетілетін қызметтеріне немесе активтеріне билік ету құқығын куәландыратын эмиссиялық бағалы қағаздар;

20) ислам бағалы қағаздарын өтеу – ұстаушыға тиесiлi ислам бағалы қағаздары санының осы шығарылымдағы ислам бағалы қағаздарының жалпы санының қатынасына барабар үлеске сәйкес келетiн ақша сомасын бөлiнген активтер есебiнен ислам бағалы қағаздарды шығару проспектiсiнде белгiленген мерзiмдерде төлеу;

21) ислам бағалы қағаздарын ұстаушы – бағалы қағаздарды ұстаушылар тізілімі жүйесінде немесе номиналды ұстауды есепке алу жүйесінде тіркелген, купондық сыйақының субсидияланатын мөлшерлемесі бар ислам бағалы қағаздар бойынша құқықтарды иеленетін тұлға;

22) ислам бағалы қағаздарын шығару проспектісі – эмитент, оның қаржылық жай-күйі, сату болжанатын ислам бағалы қағаздары, шығарылым көлемі, шығарылымдағы ислам бағалы қағаздарының саны, оларды шығару, орналастыру, олардың айналыста болуы, сыйақы төлеу, өтеу рәсімі мен тәртібі туралы мәліметтерді және ислам бағалы қағаздарын сатып алу туралы инвестордың шешіміне ықпал етуі ықтимал басқа да ақпаратты қамтитын құжат;

23) кәсіпкер – өз қызметін осы Купондық сыйақы мөлшерлемесін субсидиялау қағидаларына 1-қосымшаға сәйкес тізбе бойынша экономикалық қызметтің басым түрлерінде жүзеге асыратын, сондай-ақ Қазақстан Республикасының Азаматтық кодексіне немесе АХҚО-ның қолданыстағы құқығына сәйкес облигациялар немесе ислам бағалы қағаздары түрінде қаржы құралдарын шығаратын шағын және (немесе) орта кәсіпкерлік субъектісі;

24) купондық сыйақы мөлшерлемесінің бір бөлігін субсидиялау – купондық сыйақы мөлшерлемесі субсидияланатын облигацияларды ұстаушыға немесе купондық сыйақы мөлшерлемесі субсидияланатын ислам бағалы қағаздарын ұстаушыға эмитент төлейтін шығыстарды ішінара өтеу үшін пайдаланылады эмитенттерді мемлекеттік қаржылай қолдау нысаны;

25) купондық сыйақы мөлшерлемесі – облигациялар шығару проспектісінде белгіленген және облигация орналастыру нәтижесінде эмитент алған ақшаны пайдаланғаны үшін облигация ұстаушыға мерзімді негізде төленуге тиіс пайызбен көрсетілген купондық сыйақы мөлшері;

26) купондық сыйақы мөлшерлемесі субсидияланатын облигациялар – эмитент шығарған және қор биржасы бағалы қағаздарының ресми тізіміне енгізілген және (немесе) қаржы агенттігі купондық сыйақы мөлшерлемесінің бір бөлігін субсидиялауды жүзеге асыратын АХҚО қор биржасының ресми тізіміне енгізілген облигациялар, оның ішінде "жасыл" облигациялар;

27) купондық сыйақы мөлшерлемесі субсидияланатын ислам бағалы қағаздары – эмитент шығарған және қор биржасының бағалы қағаздарының ресми тізіміне енгізілген және (немесе) қаржы агенттігі купондық сыйақы мөлшерлемесінің бір бөлігін субсидиялауды жүзеге асыратын АХҚО қор биржасының ресми тізіміне енгізілген ислам бағалы қағаздары;

28) қайта қаржыландыру – бағалы қағаздарды орналастырудан эмитент алған қаражат есебінен эмитенттің бұдан бұрын туындаған ақшалай міндеттемелерін (кредитін/кредиттерін) алмастыру, бұл ретте қайта қаржыландыру сомасына сыйақыны, айыппұлдарды, өсімпұлдарды және сот тәртібімен де, соттан тыс тәртіппен де берешекті өндіріп алуға байланысты өзге төлемдерді есепке алмағанда негізгі борышқана кіреді;

29) қаржы агенттігі – "Даму" кәсіпкерлікті дамыту қоры" акционерлік қоғамы;

30) қаржы агенттігінің уәкілетті органы – өз қызметін қаржы агенттігінің жарғысымен, қаржы агенттігінің кредиттік саясатымен берілген және қаржы агенттігінің ішкі құжаттарымен бекітілген өкілеттіктері шегінде жүзеге асыратын, тұрақты жұмыс істейтін алқалы орган;

31) автоматтандырылған тасымалдаудың ақпарат қаржылық жүйесі (бұдан әрі – АТАҚЖ) – жіберілетін құжаттамаға рұқсатсыз қол жеткізуден қорғалған арнайы байланыс арнасы;

32) қаржы консультанты – жасалған шартқа сәйкес эмитенттің бағалы қағаздарын қор биржасының және АХҚО қор биржасының ресми тізіміне енгізу мәселесі бойынша эмитентке консультациялық қызметтер ұсынатын ұйым;

33) қор биржасы – акционерлiк қоғам ұйымдық-құқықтық нысанында құрылған, дауыс беретін акцияларының жалпы санының кемінде жиырма бес пайызы Қазақстан Республикасының Ұлттық Банкіне тиесілі, сауда-саттықты осы сауда-саттықты ұйымдастырушының сауда жүйелерiн пайдалана отырып тiкелей жүргiзу арқылы оны ұйымдастырушылық және техникалық тұрғыдан қамтамасыз етудi жүзеге асыратын заңды тұлға;

34) листинг – бағалы қағаздарды қор биржасындағы және (немесе) АХҚО қор биржасындағы бағалы қағаздардың ресми тiзiмiнiң санатына және (немесе) секторына қосу, оларға қосу және онда болу үшін қор биржасының және (немесе) АХҚО қор биржасының iшкi құжаттарында бағалы қағаздарға және олардың эмитенттерiне арнайы (листингтiк) талаптар белгiленген;

35) нысаналы пайдалану – бағалы қағаздарды орналастыру нәтижесінде түскен ақшалай қаражатты эмитенттің осы купондық сыйақы мөлшерлемесін субсидиялау қағидаларына сәйкес келетін мақсаттарға пайдалануы (нысаналы пайдалану жиынтығында кәсіпкердің активке/жұмыстарға/көрсетілетін қызметтерге толық көлемде ақы төлегенін, алғанын және пайдаланғанын және (немесе) осы Купондық сыйақы мөлшерлемесін субсидиялау қағидаларының шарттарына сәйкес басқа мақсаттарға қол жеткізгенін растайтын тиісті құжаттармен расталады);

36) облигация ұстаушы – бағалы қағаздарды ұстаушылар тізілімі жүйесінде немесе номиналды ұстауды есепке алу жүйесінде тіркелген, купондық сыйақының субсидияланатын мөлшерлемесі бар облигациялар бойынша құқығы бар тұлға;

37) облигациялар шығару проспектісі/жеке меморандум (бұдан әрі – облигация шығару проспектісі) – эмитент, оның қаржылық жай-күйі, сату болжанатын облигациялар, шығарылым көлемі, шығарылымдағы облигациялар саны, оларды шығару, орналастыру, олардың айналыста болуы, сыйақы төлеу, өтеу рәсімі мен тәртібі туралы мәліметтерді және инвестордың облигацияны сатып алу туралы шешіміне ықпал ететін басқа да ақпаратты қамтитын құжат;

38) облигацияларды өтеу – облигация шығару проспектiсiнде белгiленген тәртiппен сыйақы мен номиналды құнын орналастырылған купондық сыйақы мөлшерлемесі субсидияланатын облигацияларды төлеу арқылы (кейiннен сату мақсатынсыз) эмитенттiң айналыстан алып қою бойынша іс-қимылы;

39) облигация ұстаушылардың өкiлi – бағалы қағаздардың қайталама нарығындағы облигациялар айналысы, облигациялар бойынша сыйақы төлеу және оларды өтеу процесiнде эмитентпен жасалған шарт негiзiнде облигация ұстаушылардың мүддесiнде көздеп әрекет ететін ұйым;

40) орталық депозитарий – "Бағалы қағаздар рыногы туралы" Қазақстан Республикасының Заңында көзделген қызмет түрлерін жүзеге асыратын коммерциялық емес мамандандырылған акционерлік қоғам;

41) орталық депозитарийдің қағидалар жиынтығы – орталық депозитарийдiң бағалы қағаздар нарығы субъектiлерiмен өзара қарым-қатынас шарттары мен тәртібін айқындайтын құжат;

42) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның кәсіпкерлік саласындағы құрылымдық бөлімшесі;

43) субсидиялау шарты – қаржы агенттігі мен эмитент арасында жасалатын екіжақты жазбаша келісім, оның шарттары бойынша қаржы агенттігі жеке Қазақстан Республикасының заңнамасына сәйкес кәсіпкерлік субъектілері шығарған және сондай-ақ АХҚО актілеріне сәйкес қор биржасының ресми тізіміне енгізілген және АХҚО қор биржасының ресми тізіміне енгізілген облигациялар, оның ішінде "жасыл" облигациялар, ислам бағалы қағаздары бойынша купондық сыйақы мөлшерлемесінің бір бөлігін субсидиялайды;

44) сыйақы мөлшерлемесі – облигацияларды немесе ислам бағалы қағаздарын орналастыру нәтижесінде эмитент алған ақшаны пайдаланғаны үшін облигация немесе ислам бағалы қағаздарын ұстаушыға мерзімді негізде төленуге тиіс, облигациялар немесе ислам бағалы қағаздар шығару проспектісінде белгіленген, пайызбен көрсетілген сыйақы мөлшерлемесі;

45) сыртқы бағалау ("жасыл" облигация шығару арқылы қаржыландырылатын жоба бойынша) – жасыл жобаның "жасыл" таксономия жобаларының кіші секторларына "жасыл" таксономияда көзделген шекті мәндердің сақталуы бөлігінде сәйкес келуін тексеруді қоса алғанда, Халықаралық капитал нарықтары қауымдастығының "жасыл" облигациялар қағидаттарына және "жасыл" облигациялар саласындағы басқа да танымал стандарттардың негізгі элементтеріне "жасыл" облигациялардың сәйкес келуін бағалау рәсімі;

46) сыртқы бағалау провайдері – іске асыру межеленген немесе іске асырылып жатқан, "жасыл" облигация шығару арқылы қаржыландырылатын "жасыл" жоба бойынша тәуелсіз бағалауды жүзеге асырып, тиісті қорытынды дайындайтын ұйым;

47) уәкілетті орган – кәсіпкерлік жөніндегі уәкілетті орган;

48) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар;

49) халықаралық сәйкестендіру нөмірі (бұдан әрі – ISIN) – сәйкестендiру және есепке алуды жүйелеу мақсатында орталық депозитарий бағалы қағаздар мен басқа да қаржы құралдарына беретiн әрiптiк-цифрлық код;

50) эмитент – купондық сыйақы мөлшерлемесі субсидияланатын облигацияларды немесе купондық сыйақы мөлшерлемесі субсидияланатын ислам бағалы қағаздарын шығаруды жүзеге асыратын кәсіпкер;

51) экономикалық орынсыздық – жоспарланған жобаның тиімді болмауы, оның ішінде жұмыс орындарын құру және (немесе) салықтарды көбейту жөніндегі өлшемшарттың орындалмауы, жоба мақсатының Экономикалық қызмет түрлерінің жалпы жіктеуішінің (бұдан әрі – ЭҚЖЖ) мәлімделген кодына сәйкес келмеуі және өзге де талаптар.

3. Эмитенттердің облигациялары, оның ішінде қор биржасының және (немесе) АХҚО қор биржасының бағалы қағаздары ресми тізіміне енгізілген "жасыл" облигациялар немесе ислам бағалы қағаздары бойынша купондық сыйақы мөлшерлемесінің бір бөлігін субсидиялау осы Купондық сыйақы мөлшерлемесін субсидиялау қағидалары шеңберінде жүзеге асырылады.

4. Эмитенттердің облигациялары, оның ішінде "жасыл" облигациялар немесе ислам бағалы қағаздары бойынша купондық сыйақы мөлшерлемесінің бір бөлігін субсидиялау эмитенттердің облигациялар, ислам бағалы қағаздары бойынша сыйақы түрінде төлейтін шығыстарының бір бөлігін өтеу үшін пайдаланылады және мемлекеттің кәсіпкерлермен өзара іс-қимылының тиімді тетіктері арқылы жүзеге асырылады.

5. Қаржы агенттiгiнiң көрсетілетін қызметтерiне уәкiлеттi орган республикалық бюджет қаражаты есебiнен ақы төлейдi.

6. Купондық сыйақы мөлшерлемесінің бір бөлігін субсидиялау үшін көзделген қаражатты уәкілетті орган қаржы агенттігіне өздерінің арасында жасалатын қаражатты аударуға арналған шарт негізінде қаржы агенттігінің арнайы шотына республикалық бюджет қаражаты есебінен аударады.

Купондық сыйақы мөлшерлемесінің бір бөлігін жергілікті бюджет қаражаты есебінен субсидиялау үшін көзделген қаражатты өңірлік үйлестіруші қаржы агенттігіне уәкілетті орган бекіткен субсидиялау және кепілдік беру туралы шарттың үлгілік нысанына сәйкес кәсіпкерлік субъектілері шығарған облигациялар бойынша жасалатын купондық сыйақы мөлшерлемесін субсидиялау шарты негізінде аударады.

Тиісті қаржы жылында бекітілген жаңа жобалар шеңберінде купондық сыйақы мөлшерлемесін субсидиялау үшін бюджетті бөлу:

өңдеу өнеркәсібіне бюджет қаражатының 50 %-ына дейін;

қызметтер көрсетуге, оның ішінде сауда қызметі саласында бюджет қаражатының 30 %-ына дейін;

микро- және шағын кәсіпкерлік субъектілерінің қызметіне бюджет қаражатының 20 %-ына дейін жүргізіледі.

Бұл ретте өңдеу өнеркәсібіндегі, және (немесе) қызметтер көрсетуге арналған және сауда қызметі саласындағы, және (немесе) микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі субсидиялау қажеттігіне қарай солардың арасында қайта бөледі.

7. Купондық сыйақы мөлшерлемесінің бір бөлігін субсидиялау нысанындағы қолдау шарасын қаржыландыру республикалық және (немесе) жергілікті бюджеттердің қаражаты есебінен жүзеге асырылады.

Бұрын қолданыста болған кәсіпкерлікті қолдау бағдарламалары/осы Купондық сыйақы мөлшерлемесін субсидиялау қағидалары шеңберінде республикалық және (немесе) жергілікті бюджеттерден және (немесе) Қазақстан Республикасының Ұлттық қорынан субсидиялауға бөлінген қаражатты жобаларды субсидиялауға және/немесе оларға кепілдік беруге қаражаттың қажет болу шамасына қарай пайдалануға жол беріледі.

2-тарау. Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау тәртібі

1-параграф. Эмитенттерге қойылатын шарттар мен талаптар

8. Осы Купондық сыйақы мөлшерлемесін субсидиялау қағидаларына 1-қосымшаға сәйкес тізбе бойынша экономикалық қызметтің басым түрлеріндегі жобаларды іске асыру үшін облигацияларды немесе ислам бағалы қағаздарын шығаруды және орналастыруды жүзеге асыратын эмитенттер осы Купондық сыйақы мөлшерлемесін субсидиялау қағидалары шеңберінде қатысушылар болып табылады.

9. "Жасыл" жобаларды іске асыруды қаржыландыру үшін Қазақстан Республикасының заңнамасына және (немесе) АХҚО актілеріне сәйкес "жасыл" облигациялар шығаруды және орналастыруды жүзеге асыратын эмитенттер де осы Купондық сыйақы мөлшерлемесін субсидиялау қағидалары шеңберінде қатысушылар болып табылады.

10. Мыналар:

1) моторлы көлік құралдарын және Қазақстан Республикасының заңнамасына сәйкес дәрілік зат ретінде тіркелген, құрамында спирті бар медициналық мақсаттағы өнімдерді (бальзамдардан басқа) шығаруды көздейтін жобаларды қоспағанда, акцизделетін тауарларды/өнімдерді шығаруды/өткізуді жүзеге асыратын эмитенттер;

2) ірі салық төлеушілер тізбесіне енгізілген, металлургия өнеркәсібіндегі жобаларды іске асыратын эмитенттер;

3) қиыршық тасты және құмды карьерлерді игеру жобаларын қоспағанда, тау-кен өндіру өнеркәсібіндегі және карьерлерді игерудегі жобаларды іске асыруды жоспарлайтын эмитенттер;

4) қаржы агенттігінің уәкілетті органы өтінімді қараған кезде құрылтайшылары (оның ішінде қатысушылары, акционерлері) мемлекеттік кәсіпорындар/мекемелер, ұлттық басқарушы холдингтер, ұлттық компаниялар мен акцияларының (жарғылық капиталға қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар болып табылатын эмитенттер, олармен үлестес тұлғалар, сондай-ақ меншік нысаны "Коммерциялық емес ұйымдар туралы" Қазақстан Республикасы Заңының 10-бабына сәйкес жеке мекеме ретінде ресімделген кәсіпкерлер;

5) Кодекстің 24-бабының 4-тармағында көрсетілген қызмет түрлері бойынша іске асырылатын эмитенттердің жобалары (осы тармақшаның күші 2020 жылғы 20 сәуірден бастап туындаған қатынастарға қолданылады);

6) меншік нысаны Қазақстан Республикасының заңнамасына сәйкес жеке мекеме ретінде ресімделген эмитенттер;

7) кредит/микрокредит есебінен/актив сатып алынған тұлғаға оны сатуды/сыйға тартуды/сенімгерлік басқаруға/жалға/өтеусіз пайдалануға беруді жүзеге асырған және/немесе жүзеге асыруды жоспарлаған кәсіпкерлер, оның ішінде кәсіпкердің кәсіпорнын осы тұлғаға қосылу немесе осы тұлғамен бірігу нысанында қайта ұйымдастыруды жүргізетін және (немесе) болашақта жоспарлайтын эмитенттер (мониторинг барысында осы тармақшада көрсетілген жағдайлар анықталған кезде субсидиялау тоқтатылады және бұрын төленген субсидиялар қайтарылуға тиіс;

8) жеке кәсіпкерлік субъектісі ретінде қызметін тоқтатқан немесе тоқтатып қойған эмитенттер осы Купондық сыйақы мөлшерлемесін субсидиялау қағидалары шеңберінде қатысушы болып табылмайды.

11. Мыналар:

1) мемлекеттік даму институттары эмитенті болып табылатын;

2) сыйақы мөлшерлемесі осы Купондық сыйақы мөлшерлемесін субсидиялау қағидаларын іске асыру шеңберінде арзандатылып шығарылған бағалы қағаздарды қоспағанда, купондық сыйақы мөлшерлемесі бюджет қаражаты есебінен арзандатылған;

3) ұйымдардың, сондай-ақ кәсіпорындардың үлестерін, акцияларын мүліктік кешендер ретінде сатып алуға бағытталған;

4) овердрафт түріндегі;

5) қайтарымды, қайталама немесе сублизинг бойынша;

6) ломбардтардың, микроқаржы, факторингтік ұйымдардың және лизинг компанияларының қызметін іске асыру үшін шығарылған;

7) осы Купондық сыйақы мөлшерлемесін субсидиялау қағидалары шеңберінде:

үлестес/байланысты тұлғаның құрылыс жөніндегі қызметін жүзеге асыруын растайтын құжат болған жағдайда жаңа және (немесе) бар объектілерді (ғимараттарды, құрылысжайларды және олардың кешендерін, коммуникацияларды) салуды (оның ішінде кеңейту, жаңғырту, техникалық жаңарту, реконструкциялау, реставрациялау, күрделі жөндеу);

тауарды, шикізатты және/немесе материалдарды үлестес/байланысты тұлға өндірген жағдайда үлестес/байланысты тұлғалардан осындай тауарларды, шикізатты және/немесе материалдарды сатып алуды қоспағанда, үлестес/байланысты тұлғалардан жылжымайтын мүлік объектілері түріндегі негізгі құралдарды, тауарларды, активтерді, жұмыстар мен көрсетілетін қызметтерді сатып алу үшін шығарылған;

8) жеңіл автомобильдерді (шанағы немесе кабинадан оқшауланған жүк платформасы бар жүктерді тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалдау және лизинг" бойынша жеңіл автомобильдерді жалға және лизингке беруге (2024 жылғы 31 желтоқсанды қоса алғандағы өтінімдер бойынша 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін жалға және лизингке беруді қоспағанда) бағытталған;

9) мектепке дейінгі білім беру жағдайларын немесе бүлдіршін жастағы балаларға білім беруді қоспағанда (ЭҚЖЖ коды 85.10 "Мектепке дейінгі білім беру" және 88.91 "Балаларға жасалатын күндізгі күтім"), сондай-ақ нысаналы мақсаты бизнес-мақсаттарға (жеке тұрғын үй құрылысына апартаменттерді, пәтерлерді, тұрғын үйлерді, жер учаскелерін жалға/қосалқы жалға беруді қоспағанда) қаржы агенттігінің уәкілетті органының бірінші шешімі шыққан күннен бастап бір жыл ішінде өзгерген кезде жылжымайтын мүлікпен операцияларды жүргізу үшін шығарылған (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін сатып алу/жалға алу/қосалқы жалдау) (осы Купондық сыйақы мөлшерлемесін субсидиялау қағидаларында белгіленген мерзім өткеннен кейін қаржы агенттігінің уәкілетті органының шешімі негізінде 1 (бір) қаржы жылынан аспайтын қосымша мерзім беруге жол беріледі);

10) бұрын субсидия алған және (немесе) кепілдік берілген әзір және пайдалануға берілген/қолданыстағы жобаны оның 20 %-ынан кемін қосымша жаңғыртпай сатып алу үшін шығарылған;

11) салықтың міндеттемелерді, зейнетақы аударымдары мен әлеуметтік аударымдарды, кедендік төлемдер мен алымдарды төлеу үшін шығарылған;

12) экономикалық тұрғыдан тиімсіз жобаларды іске асыру үшін шығарылған;

13) электр самокатын сатып алуға/жалға беруге шығарылған бағалы қағаздар/ислам бағалы қағаздары бойынша купондық сыйақы мөлшерлемесі субсидияланбайды.

2-параграф. Субсидиялау шарттары

12. Эмитенттің купондық сыйақы мөлшерлемесінің бір бөлігін субсидиялау жүзеге асырылатын облигациялар немесе ислам бағалы қағаздарын шығарудың жиынтық номиналды құны өзге бағыттар шеңберінде сыйақы мөлшерлемесінің бір бөлігін субсидиялау жүзеге асырылатын онымен үлестес/байланысты тұлғаларды/компанияларды және кредиттерді қаржыландыру бойынша берешекті есепке алмағанда бір эмитент үшін 5 (бес) миллиард теңгеден аспайды.

Мынадай:

жоба бір объект ретінде (физикалық немесе технологиялық тұрғыдан ажырағысыз байланысқан бірыңғай ғимарат/құрылысжай/объект болып табылады) іске асырылатын;

жоба ЭҚЖЖ-нің бір кіші сыныбы шеңберінде іске асырылатын 2 (екі) өлшемшартқа бір мезгілде сәйкес келетін екі және одан көп жобалардың жиынтығы бір бизнес-жоба болып саналады.

онымен үлестес/байланысты тұлғалар/компаниялар шығарған бағалы қағаздар бойынша берешегін есепке алмағанда, бір эмитент үшін 500 (бес жүз) миллион теңгеден астам сома бойынша (берешектің жалпы сомасын есептеу кезінде кәсіпкердің жобалары бойынша қолданыстағы барлық шығарылған бағалы қағаздар ескеріледі) субсидиялау кезеңінде дивиденд төлеуге тыйым салу бойынша талап қойылады. Осы абзацтың шарттары орындалмаған жағдайда субсидия төлеу тоқтатылады және кәсіпкер төленген субсидия сомасын толық көлемде өтейді.

ЭҚЖЖ 55.10 (қонақүйлердің және соған ұқсас тұруға арналған орындардың қызмет көрсетуі) шеңберінде облыс орталықтарында іске асырылатын әрі әлемнің он және одан да көп елдерінде кемінде 1000 (бір мың) қонақүй объектісі бар халықаралық қонақүй желілерінің қонақүй бизнесі саласындағы франшизаларын пайдаланатын "3", "4" және "5" жұлдызды санатындағы қонақүйлерді салу және (немесе) реконструкциялау және қонақүйлерді жабдықтармен жарақтандыру жобаларын қаржыландыру кезінде эмитенттің облигацияларын немесе ислам бағалы қағаздарын шығарудың жиынтық номиналды құны бір эмитент үшін кредиттің/қаржылық лизингтің ең жоғары сомасы онымен үлестес/байланысты тұлғаларды/компанияларды қаржыландыру бойынша берешегін есептемегенде субсидиялау мерзімін ұзарту құқығынсыз 10 (он) жылдан аспайтын мерзімге 7 (жеті) миллиард теңгеден аспайды. Бұл шарт осы Купондық сыйақы мөлшерлемесі қағидаларына 1-қосымшаға сәйкес экономикалық қызметтің басым түрлері тізбесінің ЭҚЖЖ 55.10 (қонақүйлердің және соған ұқсас тұруға арналған орындардың қызмет көрсетуі), 55.20 (демалыс күндерінде және қысқа мерзімді тұрудың өзге де кезеңдерінде тұрғын үй беру), 55.30 (кемпингтердің тұрақтардың, автофургондарға және тұруға арналған автотіркемелерге қызмет көрсетуі) көзделген жобаларға қолданылмайды.

ЭҚЖЖ 55.10 шеңберінде облыс орталықтарында іске асырылатын әрі әлемнің он және одан да көп елдерінде кемінде 1000 (бір мың) қонақүй объектісі бар халықаралық қонақүй желілерінің қонақүй бизнесі саласындағы франшизаларын пайдаланатын "3", "4" және "5" жұлдызды санаттындағы қонақүйлерді салу және (немесе) реконструкциялау және жабдықтармен жарақтандыру жөніндегі инвестициялық преференциялар болған кезде төленетін салықтарды (корпоративтік табыс салығы/жеке табыс салығы) 2 (екі) қаржы жылынан кейін 10 %-ға ұлғайту туралы талап қолданылмайды.

13. Купондық сыйақы мөлшерлемесінің бір бөлігін субсидиялау облигацияларды немесе ислам бағалы қағаздарын шығару проспектісінде облигацияларды немесе ислам бағалы қағаздарын орналастырудан алынған ақшаны пайдаланудың нысаналы мақсаты:

1) ұйымдардың, сондай-ақ кәсіпорындардың үлестерін, акцияларын мүліктік кешендер ретінде сатып алу;

2) айналым қаражатын толықтыру негізгі құралдарды сатып алуға және (немесе) жаңғыртуға және (немесе) өндірісті кеңейтуге арналған облигациялар немесе ислам бағалы қағаздарын шығару шеңберінде, бірақ облигациялар шығарылымының жиынтық номиналды құнының 30 %-ынан асырмай жүзеге асырылатын жағдайларды қоспағанда, айналым қаражатын толықтыру болып табылады деп көрсетілген облигацияларды немесе ислам бағалы қағаздарын қоспағанда, жаңа тиімді инвестициялық жобаларды, сондай-ақ өндірісті жаңғыртуға және кеңейтуге, ағымдағы міндеттерді қайта қаржыландыруға бағытталған жобаларды іске асыруды қаржыландыру үшін Қазақстан Республикасының заңнамасына сәйкес шығарылған және қор биржасының ресми тізіміне енгізілген және/немесе АХҚО актілеріне сәйкес шығарылған және АХҚО қор биржасының ресми тізіміне енгізілген облигациялар немесе ислам бағалы қағаздары бойынша жүзеге асырылады.

Эмитент айналым қаражатын толықтыруға шығарған облигациялар немесе ислам бағалы қағаздары бойынша купондық сыйақы мөлшерлемесінің бір бөлігін онымен үлестес/байланысты тұлғаларды/компанияларды қаржыландыру бойынша берешекті есепке алмағанда, бір эмитент үшін 500 (бес жүз) миллион теңгеге дейін субсидиялауға жол беріледі.

Эмитенттердің қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайту көзделген жобалары инвестициялық тиімді жаңа жобалар, сондай-ақ өндірісті жаңғыртуға, кеңейтуге бағытталған жобалар деп түсініледі.

Эмитент салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде қаржы агенттігі шешім қабылдаған күннен бастап 2 (екі) қаржы жылынан кейін жұмыс орындарын сақтап еңбекақы төлеу қорының немесе жұмыс орындарының орташа жылдық санының 10 %-ға ұлғаятынында растайды.

Бұл ретте жоғарыда көрсетілген көрсеткіштерді субсидиялау түрінде тікелей қолдау алған/алатын кәсіпкер растайды.

Эмитенттің айналым қаражатын толықтыруға, сондай-ақ ағымдағы міндеттемелерді қайта қаржыландыруға бағытталған жобаларына осы тармақтың үшінші және төртінші бөліктерінде көзделген талаптар қолданылмайды.

14. Купондық сыйақы мөлшерлемесінің бір бөлігін субсидиялау шығару проспектісінде облигацияларды орналастырудан алынған ақшаны пайдаланудың нысаналы мақсаты жаңа және (немесе) қолданыстағы "жасыл" жобаларды қаржыландыру немесе қайта қаржыландыру болып табылатыны көрсетілген, Қазақстан Республикасының заңнамасына сәйкес шығарылған және қор биржасының ресми тізіміне енгізілген, сондай-ақ АХҚО актілеріне сәйкес шығарылған және АХҚО қор биржасының ресми тізіміне енгізілген "жасыл" облигациялар бойынша жүзеге асырылады.

15. "Жасыл" облигацияларды іске асыруға берілетін купондық сыйақы мөлшерлемесінің бір бөлігін субсидиялауда субсидиялау шарты жасалған күннен бастап 2 (екі) қаржы жылынан кейін іске асырылатын жобалардың шекті мәніне ("жасыл" таксономия кіші секторы бойынша шекті өлшемшарт болған кезде) қол жеткізу көзделген (сыртқы бағалаумен айқындалған объективті себептер болса, осы өлшемшартты орындау мерзімі қаржы агенттігінің шешімі негізінде ұзартылады).

16. Облигациялар немесе ислам бағалы қағаздары бойынша купондық сыйақы мөлшерлемесінің бір бөлігін субсидиялау облигациялар немесе ислам бағалы қағаздары бойынша купондық сыйақы мөлшерлемесі мөлшерінің Қазақстан Республикасының Ұлттық Банкі белгілеген және айналым мерзімі 5 (бес) жылды қоса алғандағы мерзімнен аспайтын облигациялар бойынша 5 %-ға ұлғайтылған базалық мөлшерлеменің жалпы шамасынан аспауы шартымен жүзеге асырылады.

Бұл ретте көрсетілген жалпы шаманың 6 %-ын кәсіпкер төлейді, ал айырмасын мемлекет субсидиялайды.

ЭҚЖЖ 55.10 (қонақүйлердің және соған ұқсас тұруға арналған орындардың қызмет көрсетуі) шеңберінде облыс орталықтарында іске асырылатын әрі әлемнің он және одан да көп елінде кемінде 1000 (бір мың) қонақүй объектісі бар халықаралық қонақүй желілерінің қонақүй бизнесі саласындағы франшизаларын пайдаланатын "3", "4" және "5" жұлдызды санаттағы қонақүйлерді салу және (немесе) реконструкциялау және қонақүйлерді жабдықтармен жарақтандыру жобаларын қаржыландыру кезінде купондық сыйақы мөлшерлемесінің бір бөлігін субсидиялау облигациялар немесе ислам бағалы қағаздары бойынша купондық сыйақы мөлшерлеме мөлшерінің Қазақстан Республикасының Ұлттық Банкі белгілеген және 6 %-ын кәсіпкер төлейтін, ал айырмасын мемлекет субсидиялайтын облигациялар бойынша 5 %-ға ұлғайтылған базалық мөлшерлеменің жалпы шамасынан аспауы шартымен жүзеге асырылады.

17. Орналастырылған облигациялар (эмитент сатып алғандарды шегергенде) немесе орналастырылған ислам бағалы қағаздары бойынша есептелген (эмитент сатып алғандарды шегергенде) сыйақы мөлшерлемесі ғана субсидияланады.

18. Бағалы қағаздар рыногы туралы заңда немесе АХҚО-ның қолданыстағы құқығында белгіленген жағдайларды қоспағанда, осы Купондық сыйақы мөлшерлемесін субсидиялау қағидаларының 37 және 39-тармақтарының шарттарын ескере отырып, купондық сыйақы мөлшерлемесінің бір бөлігін субсидиялау жүзеге асырылатын облигацияларды, ислам бағалы қағаздарын шығару проспектілеріне субсидиялаудың бүкіл мерзімі ішінде қаржы агенттігінің уәкілетті органымен келісу бойынша өзгерістер мен толықтырулар енгізуге болады.

19. Облигациялар немесе ислам бағалы қағаздары бойынша купондық сыйақы мөлшерлемесінің бір бөлігін субсидиялау мерзімі 5 (бес) жыл, бірақ облигациялар немесе ислам бағалы қағаздарының айналымы мерзімінен аспайды. Егер бір жоба бойынша бірнеше субсидиялау шарты жасалатын болса, онда субсидиялаудың жалпы мерзімі қаржы агенттігі қол қойған бірінші субсидиялау шартында көрсетілген субсидиялау мерзімінің басында белгіленеді.

Қайта қаржыландыру кезіндегі субсидиялау мерзімі жоба бойынша бірінші субсидиялау шартына қол қойған кезден бастап белгіленеді және субсидиялау кезінен бастап 2 (екі) жылдан, бірақ облигациялар немесе ислам бағалы қағаздарының айналымы мерзімінен аспайды.

Купондық сыйақыны төлеу мерзімі шегерілгенде қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның өкімі, және (немесе) өзге де құжаты, және (немесе) актісі негізінде осы Купондық сыйақы мөлшерлемесін субсидиялау қағидаларында көзделген субсидиялау мерзімі шегеру ұсынылған мерзімге ұзартылады.

"Жасыл" облигацияларға қатысты субсидиялау мерзімі субсидиялау мерзімін ұзарту құқығынсыз 5 (бес) жыл. Субсидиялау мерзімі қаржы агенттігі "жасыл" жоба бойынша бірінші субсидиялау шартына қол қойған кезден бастап белгіленеді.

20. Купондық сыйақы мөлшерлемесінің бір бөлігін субсидиялау облигациялар немесе ислам бағалы қағаздары бойынша облигациялар/ислам бағалы қағаздарын шығару проспектісінде көрсетілген өтеу графигіне сәйкес жеткізіледі.

21. Купондық сыйақы мөлшерлемесі субсидияланатын эмитенттің облигациялары номиналды ұстауды есепке алу жүйесінде, оның ішінде АХҚО құқығы бойынша бағалы қағаздар тізілімін есепке алу жүйесінде ескеріледі. Купондық сыйақы мөлшерлемесі субсидияланатын эмитенттің ислам бағалы қағаздары номиналды ұстауды есепке алу жүйесінде есепке алынады. Купондық сыйақы мөлшерлемесі субсидияланатын облигациялармен немесе ислам бағалы қағаздармен жасалған мәмілелерді тіркеу "Эмиссиялық бағалы қағаздармен жасалған мәмілелерді, эмиссиялық бағалы қағаздар жөніндегі эмитенттердің міндеттемелері бойынша талап ету құқықтарын беруді номиналды ұстауды есепке алу жүйесінде және бағалы қағаздарды ұстаушылардың тізілімі жүйесінде тіркеу, орталық депозитарийдің есепке алу жүйесінде және (немесе) номиналды ұстауды есепке алу жүйесінде тіркелген тұлғаның жеке шотынан үзінді-көшірмені беру және номиналды ұстаушының номиналды ұстауындағы бағалы қағаздары бар клиенттер туралы ақпаратты орталық депозитарийдің және эмитенттің талап етуі бойынша табыс ету қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 22 қазандағы № 210 қаулысында (нормативтік құқықтық актілерін мемлекеттік тіркеу тізілімінде № 9876 болып тіркелген) көзделген тәртіппен номиналды ұстау жүйесінде (орталық депозитарийдің есепке алу жүйесінде және (немесе) АХҚО қор биржасының орталық депозитарийдің есепке алу жүйесінде) немесе АХҚО қор биржасының орталық депозитарийінің/АХҚО қор биржасының тіркеушісінің қағидаларында және/немесе АХҚО құқығында көзделген тәртіппен жүзеге асырылады.

22. Эмитент купондық сыйақы мөлшерлемесі субсидияланатын облигациялар ұстаушылардың немесе купондық сыйақы мөлшерлемесі субсидияланатын ислам бағалы қағаздарын ұстаушылардың өкілін бағалы қағаздар нарығында кастодиандық және (немесе) брокерлік және дилерлік қызметті жүзеге асыратын бағалы қағаздар нарығына кəсіпқой қатысушылар арасынан өзі таңдайды. Бұл ретте облигациялар ұстаушының немесе ислам бағалы қағаздарын ұстаушының өкілін эмитенттің үлестес тұлғалары арасынан таңдауға жол берілмейді.

3-параграф. Қатысушылардың өзара іс-қимылы

23. Кәсіпкер немесе қаржы консультанты субсидиялауды алу үшін қаржы агенттігіне субсидиялаудың үлгілік шартын жібереді, оған мынадай құжаттар топтамасын (басшының мөрімен (бар болса) және қолымен расталған көшірмелерді) қоса береді:

1) осы Купондық сыйақы мөлшерлемесін субсидиялау қағидаларына 2-қосымшаға сәйкес нысан бойынша эмитенттің өтініш-сауалнамасы;

2) осы Купондық сыйақы мөлшерлемесін субсидиялау қағидаларына 3-қосымшаға сәйкес өтінім туралы ақпарат (эмитенттің қолы қойылған);

3) облигациялар шығару проспектісінің жобасы немесе ислам бағалы қағаздарын шығару проспектісінің жобасы;

4) эмитенттің уәкілетті органының облигацияларды немесе ислам бағалы қағаздарын шығару туралы шешімі;

5) эмитентті мемлекеттік тіркеу/қайта тіркеу туралы анықтама;

6) егер эмитенттің негізгі қызмет түрі лицензиялануға тиіс болса, лицензиялар;

7) барлық өзгерістерімен және (немесе) толықтыруларымен жарғы/құрылтай шарты (акционерлік қоғам акцияларды шығару проспектісін және бағалы қағаз ұстаушылар тізілімінен үзінді көшірмені қосымша ұсынады);

8) салық органының бюджетке міндетті төлемдер бойынша берешектің жоқ екені туралы берілгеніне жүгінген күнге дейін күнтізбелік 30 (отыз) күн толмаған анықтамасы;

9) соңғы 3 (үш) қаржы жылындағы салық декларацияларының көшірмелері (егер кәсіпкердің жұмыс істеу мерзімі 3 (үш) жылдан кем болса, салық декларациясының соңғы қаржы жылындағы көшірмесі);

10) қаржы консультантының эмитенттің қаржылық жай-күйі туралы қорытындысы;

11) сыртқы бағалау ("жасыл" облигация шығару арқылы қаржыландырылатын жоба бойынша) нәтижелері бойынша қорытынды;

12) қаржы агенттігі шешім қабылдаған күннен бастап 2 (екі) қаржы жылынан кейін төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюына қол жеткізу жөніндегі кезеңдер қамтылған жобаның бизнес-жоспары.

24. Қаржы агенттігі осы Купондық сыйақы мөлшерлемесін субсидиялау қағидаларының 23-тармағында көрсетілген құжаттарды алғаннан кейін 10 (он) жұмыс күні ішінде:

1) құжаттар топтамасының толық болуын тексереді (құжаттар топтамасы толық ұсынылмаған не белгіленген нысандарға сәйкес келмейтін құжаттар ұсынылған жағдайда ұсынылған құжаттар бойынша нақты кемшіліктерді көрсете отырып бес күн мерзімде эмитентке оларды пысықтау үшін қайтарады);

2) облигациялар немесе ислам бағалы қағаздарын шығару проспектісі жобасының нысаналы мақсатын осы Купондық сыйақы мөлшерлемесін субсидиялау қағидаларының шарттарына сәйкестігі тұрғысынан тексереді;

3) эмитенттің жобасын толық құжаттар топтамасымен қоса қаржы агенттігінің уәкілетті органының қарауына шығарады.

25. Отырыстарды өткізу тәртібі, қаржы агенттігінің уәкілетті органы мүшелерінің саны, сондай-ақ эмитенттердің жобаларын қарауға арналған тиісті нысандар қаржы агенттігінің уәкілетті органы бекітетін ішкі нормативтік құжаттарымен айқындалады.

26. Қаржы агенттігінің уәкілетті органы жобаларды тиісті қаржы жылында субсидиялау үшін бюджет қаражаты болған кезде қарайды.

27. Қаржы агенттігінің уәкілетті органы шешім қабылдағаннан кейін 1 (бір) жұмыс күні ішінде қаржы агенттігі хаттаманы ресімдеп, қолын қойып, хаттамадан үзінді көшірмені ілеспе хатпен эмитентке/қаржы консультантына, қор биржасына/АХҚО қор биржасына жібереді.

28. Қаржы агенттігінің уәкілетті органы шешімінің қолданылу мерзімі шешім қабылданған күннен бастап 6 (алты) айды құрайды.

29. Қаржы агенттігі уәкілетті органның хаттамасынан үзінді көшірмені алғаннан кейін кәсіпкер эмитенттің және ол шығаратын облигациялардың немесе ислам бағалы қағаздарының листингтік талаптарға сәйкес келуі туралы алдын ала қорытынды алу үшін құжаттарды қор биржасына/АХҚО қор биржасына жібереді, бағалы қағаздар нарығын мемлекеттік реттеу жөніндегі уәкілетті органның нормативтік құқықтық актілеріне/АХҚО актілеріне сәйкес мемлекеттік емес облигациялардың немесе ислам бағалы қағаздарының шығарылымын мемлекеттік тіркеуден, қор биржасында/АХҚО қор биржасында листинг рәсімінен өтеді, бағалы қағаздар шығарылымын Қазақстан Республикасының немесе АХҚО юрисдикциясында тіркеу мақсатында облигацияларды қор биржасының/АХҚО қор биржасының ішкі қағидаларына және "Мемлекеттік емес облигациялар шығарылымын (облигациялық бағдарламаны) мемлекеттік тіркеу, мемлекеттік емес облигациялар шығарылымы проспектісіне (облигациялық бағдарлама проспектісіне), жеке меморандумға өзгерістерді және (немесе) толықтыруларды тіркеу, мемлекеттік емес облигациялар шығарылымының күшін жою қағидаларын, Мемлекеттік емес облигациялар шығарылымын (облигациялық бағдарламаны) мемлекеттік тіркеу, мемлекеттік емес облигациялар шығарылымы проспектісіне (облигациялық бағдарлама проспектісіне), жеке меморандумға өзгерістерді және (немесе) толықтыруларды тіркеу үшін құжаттарға қойылатын талаптарды, Мемлекеттік емес облигациялар шығарылымының күшін жоюға арналған құжаттардың тізбесін және оларға қойылатын талаптарды, Мемлекеттік емес облигациялар шығарылымының проспектісін (облигациялық бағдарлама проспектісін), мемлекеттік емес облигациялар шығарылымының проспектісіне (облигациялық бағдарлама проспектісіне) өзгерістерді және (немесе) толықтыруларды жасау және ресімдеу қағидаларын бекіту туралы" Қазақстан Республикасы Ұлттық Банкі Басқармасының 2018 жылғы 29 қазандағы № 248 қаулысына (нормативтік құқықтық актілерін мемлекеттік тіркеу тізілімінде № 17884 болып тіркелген) және өзге де қолданылатын құқықтық актілерге сәйкес орналастыруды жүзеге асырады.

Субсидиялау шарты эмитент:

1) бағалы қағаздар нарығын мемлекеттік реттеу жөніндегі уәкілетті орган/АХҚО қор биржасы тіркеген облигациялар немесе ислам бағалы қағаздарын шығару проспектісін;

2) қор биржасының/АХҚО қор биржасының эмитент облигацияларын немесе ислам бағалы қағаздарын қор биржасының/АХҚО қор биржасының ресми тізіміне (листинг) қосу туралы хабарламасын;

3) эмитент пен орталық депозитарийдің немесе АХҚО қор биржасының орталық депозитарийі арасында төлем агентінің қызметтер көрсетуге арналған шарты жасалғаны туралы хабарламаны (немесе АХҚО қор биржасының орталық депозитарийінің қағидаларына сәйкес эмитенттің бағалы қағаздарына қатысты төлем агентінің функцияларын жүзеге асыру туралы АХҚО қор биржасының орталық депозитарийінің өзге де растауы);

4) орталық депозитарийдің есепке алу жүйесінен үзінді көшірмені немесе АХҚО қор биржасының орталық депозитарийінің есепке алу жүйесінен үзінді көшірмені немесе облигацияларды немесе ислам бағалы қағаздарын орналастыру қорытындысы туралы есепті ұсынғаннан кейін жасалады.

30. Эмитент осы Купондық сыйақы мөлшерлемесін субсидиялау қағидаларының 29-тармағында көрсетілген құжаттарды ұсынғаннан кейін қаржы агенттігі мен эмитент арасында субсидиялау шарты жасалады.

Тиісті уәкілетті органнан/өңірлік үйлестірушіден субсидиялау үшін бюджет қаражаты болмаған жағдайда субсидиялау шартына қол қойылмайды.

Субсидиялау шарты тараптар қол қойған күнінен бастап күшіне енеді.

Субсидиялау шартын жасасқан күннен бастап 5 (бес) жұмыс күнінен кешіктірмей эмитент, орталық депозитарийге/АХҚО қор биржасының орталық депозитарийіне және қор биржасына/АХҚО қор биржасына субсидиялау шартының жасалғаны туралы хабарлама жібереді, онда сыйақы мөлшерлемесінің субсидияланатын бір бөлігінің мөлшері және орналастырылған облигациялар немесе ислам бағалы қағаздарының саны туралы мәліметтер міндетті түрде көрсетіледі.

4-параграф. Субсидиялау тетігі

31. Орталық депозитарий/АХҚО қор биржасының орталық депозитарийі купондық сыйақы мөлшерлемесі субсидияланатын облигацияларды немесе купондық сыйақы мөлшерлемесі субсидияланатын ислам бағалы қағаздарын орналастырған күннен кейінгі жұмыс күнінен кешіктірмей, орталық депозитарийдің/АХҚО қор биржасының орталық депозитарийінің интернет-ресурсында орналастырылған купондық сыйақы мөлшерлемесі субсидияланатын облигациялардың немесе купондық сыйақы мөлшерлемесі субсидияланатын ислам бағалы қағаздарының жалпы саны туралы ақпарат орналастырады.

32. Эмитент орталық депозитарийдің қағидалар жиынтығына/АХҚО қор биржасының сыйақының субсидияланбайтын сомасы мен негізгі борышты (өтеу графигінде болса) өтеу графигіне сәйкес орталық депозитарийінің қағидаларына сәйкес сыйақы төлеу тізілімі тіркелген күні орталық депозитарийдегі/АХҚО қор биржасының орталық депозитарийіндегі шотқа аударады.

Қаражат аударылғаннан кейін 3 (үш) жұмыс күні ішінде эмитент электрондық пошта арқылы қаражатты аудару туралы құжаттың көшірмесін жіберу арқылы орталық депозитарийді/АХҚО қор биржасының орталық депозитарийін хабардар етеді. Хабарламада эмитент, өңір, сыйақы сомасы және төлем жүргізілген кезең көрсетіледі.

33. Орталық депозитарий/АХҚО қор биржасының орталық депозитарийі эмитент сыйақы мөлшерлемесінің және негізгі борыштың субсидияланбайтын бөлігін (өтеу графигінде бар болса) аударғаннан кейін 3 (үш) жұмыс күнінен кешіктірмей, қаржы агенттігіне эмитенттен қаражаттың түскені/түспегені туралы хабарлама жібереді.

34. Қаржы агенттігі орталық депозитарийден/АХҚО қор биржасының орталық депозитарийінен эмитенттен қаражаттың түскені туралы хабарлама негізінде 3 (үш) жұмыс күні ішінде субсидиялау үшін бюджет қаражаты болған кезде сыйақы мөлшерлемесінің субсидияланатын бөлігін орталық депозитарийдің/АХҚО қор биржасының орталық депозитарийінің шотына аударады және қаражат аударылғаннан кейін сонымен бір мезгілде қаржы агенттігі орталық депозитарийді/АХҚО қор биржасының орталық депозитарийін қаражатты аудару туралы құжаттың көшірмесін электрондық поштамен жіберу арқылы хабардар етеді. Хабарламада эмитент, өңір, субсидия сомасы және төлем жүргізілген кезең көрсетіледі.

35. Орталық депозитарий/АХҚО қор биржасының орталық депозитарийі төлем агентінің қызметтерін көрсету шартында белгіленген немесе АХҚО қор биржасының орталық депозитарийі белгілеген мерзім ішінде облигация ұстаушылардың немесе ислам бағалы қағаздарын ұстаушылардың шоттарына/банк шоттарына ақша аударады.

36. Орталық депозитарий/АХҚО қор биржасының орталық депозитарийі эмитент төлеген сыйақы мөлшерлемесінің субсидияланатын және субсидияланбайтын бөлігін және негізгі борышты (өтеу графигінде бар болса) облигация ұстаушылардың немесе ислам бағалы қағаздарын ұстаушылардың шоттарына/банк шоттарына аударғаннан кейін 3 (үш) жұмыс күнінен кешіктірмей, облигация ұстаушылардың өкіліне немесе ислам бағалы қағаздарын ұстаушыларының өкіліне және қаржы агенттігіне (АТАҚЖ жүйесі немесе жіберілетін құжаттамаға рұқсатсыз қол жеткізуден қорғайтын өзге де байланыс арналары арқылы қолжетімді болған кезде):

1) ISINе облигациялары не ислам бағалы қағаздары;

2) тізілім тіркелген күнгі жағдай бойынша облигация ұстаушылардың немесе ислам бағалы қағаздарын ұстаушылардың шоттарындағы облигациялардың немесе ислам бағалы қағаздарының саны;

3) орталық депозитарий/АХҚО қор биржасының орталық депозитарийі облигация ұстаушылардың немесе ислам бағалы қағаздарын ұстаушылардың шоттарына/банк шоттарына аударған сыйақының жалпы сомасы;

4) орналастырылмаған облигациялардың не ислам бағалы қағаздарының саны/сомасы;

5) орталық депозитарий/АХҚО қор биржасының орталық депозитарийі эмитенттен алған сома туралы мәліметтер көрсетілген субсидиялау туралы есепті жібереді.

37. Егер облигациялар шығару проспектісінің шарттары (облигациялар немесе ислам бағалы қағаздары шығарылымының жиынтық номиналды құны және (немесе) сыйақы мөлшерлемесі, жеңілдік берілген кезең, эмитенттің өзгеруі/эмитенттің атауы) өзгерген жағдайда эмитент қаржы агенттігіне тиісті хабарлама жібереді, ол өз кезегінде 7 (жеті) жұмыс күні ішінде өзгеретін мәселе бойынша құжаттар топтамасымен бірге, қазіргі қаржыландыру талаптарына енгізілетін өзгерістер жөніндегі ақпаратты қаржы агенттігінің уәкілетті органының қарауына шығарады. Қарау нәтижелері бойынша қаржы агенттігінің уәкілетті органы облигациялар шығару проспектісіне өзгерістер енгізумен келісу/келіспеу туралы шешім қабылдайды, ол қаржы агенттігінің уәкілетті органы шешім қабылдаған күннен бастап 2 (екі) жұмыс күні ішінде хаттамамен ресімделеді. Бұл ретте қаржыландыру шарттарына өзгерістер хаттамада/шешімде анық көрсетіледі.

38. Қаржы агенттігі қаржы агенттігінің уәкілетті органы шешім қабылдағаннан кейін 1 (бір) жұмыс күні ішінде эмитентке және орталық депозитарийге/АХҚО қор биржасының орталық депозитарийіне хаттамадан үзінді көшірме жібереді.

39. Эмитент тиісті хатпен қаржы агенттігін облигациялар шығару проспектісіндегі өзге де өзгерістер туралы хабардар етеді, ол өз кезегінде құжаттардың толық топтамасын алған күннен бастап 7 (жеті) жұмыс күні ішінде эмитенттің облигациялар шығару проспектісінің қолданыстағы шарттарындағы өзгерістер бойынша шешім қабылдайды және жүргізілген өзгерістерді хатпен келіседі немесе келісуден бас тартады.

Бұл ретте эмитенттің облигациялар шығару проспектісінің шарттарына жүргізілген өзгерістер (келісуден бас тарту) келісу хатында анық көрсетіледі.

40. Бұрын бекітілген кәсіпкерлікті қолдау бағдарламалары шеңберінде мақұлданған жобалар кәсіпкерлер ол бойынша өз міндеттемелерін толық орындағанға дейін қаржы агенттігінің уәкілетті органы бұдан бұрын мақұлдаған шарттарда қолданылады.

Бұрын бекітілген кәсіпкерлікті қолдау бағдарламалары шеңберінде қаржы агенттігінің уәкілетті органы мақұлдаған жобалар бойынша кепілгерге, қосалқы қарыз алушыға, облигациялардың немесе ислам бағалы қағаздарының айналым мақсаты мен мерзіміне, облигациялар немесе ислам бағалы қағаздары шығарылымының жиынтық номиналды құнын төмендетуге, купондық сыйақы мөлшерлемесіне, кейінге қалдыруға/жеңілдікті кезеңіне, өтеу мерзіміне, өтеу шарттарына, айналым қаражатын толықтыруға қайта басталатын/қайта басталмайтын лимитке, кәсіпкер атауын, ЭҚЖЖ кодын өзгертуге қатысты қаржыландырудың қолданыстағы шарттарына өзгерістер енгізуге жол беріледі.

Қаржыландырудың қазіргі шарттары өзгерген жағдайда жобаның осы Купондық сыйақы мөлшерлемесін субсидиялау қағидаларының қолданыстағы шарттарына сәйкестендіру қамтамасыз етіледі.

5-параграф. Субсидиялау шартын тоқтата тұру/қайта бастау/тоқтату тәртібі

41. Эмитент жобасын субсидиялауды тоқтату және қайта бастау туралы шешімді қаржы агенттігі қабылдайды.

42. Қаржы агенттігі орталық депозитарийдің/АХҚО қор биржасының орталық депозитарийінің/облигацияларды ұстаушылардың немесе ислам бағалы қағаздарын ұстаушылар өкілінің және/немесе мониторинг нәтижелерінің хабарламасы негізінде мынадай фактілер:

1) субсидиялау жүзеге асырылатын облигацияларды немесе ислам бағалы қағаздарын орналастырудан түскен қаражатты нысаналы пайдаланбау;

2) жобаның және (немесе) эмитенттің осы Купондық сыйақы мөлшерлемесін субсидиялау қағидаларының шарттарына сәйкес келмеуі;

3) эмитенттің облигациялар немесе ислам бағалы қағаздары бойынша купондық сыйақыны төлеу міндеттемесін орындамауы;

4) эмитенттің шоттарындағы ақшаға тыйым салу (талап қоюды толық көлемде қамтамасыз ететін шоттағы ақша жеткілікті болған жағдайда талап қоюды қамтамасыз ету жөніндегі шаралар ретінде шоттардағы ақшаға тыйым салуды қоспағанда) және (немесе) эмитенттің шоты бойынша шығыс операцияларының тоқтатып қойылуы;

5) қаржы агенттігінің уәкілетті органының шешімі қабылданған күннен бастап 2 (екі) қаржы жылынан кейін эмитенттің төленетін салықтардың (корпоративтік табыс салығының/жеке табыс салығының), сондай-ақ салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюына қол жеткізу жөніндегі міндеттемелерді орындамауы;

6) эмитент ұсынатын сыртқы бағалау провайдері қорытындысы негізінде жобаны субсидиялау басталғаннан кейін 2 (екі) жыл өткен соң "жасыл" облигациялар бойынша мәлімделген "жасыл" таксономияның шекті өлшемшарттарында:

1) энергия тұтынуды төмендетудің нақты ең төменгі мәндері;

2) парниктік газдар шығарындыларының ең төменгі деңгейі;

3) қалдықтардың кәдеге жаратудың/үлесін азайту;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкес келуі (шекті өлшемшартта көрсетілген бөлікте) көзделген жағдайда эмитенттің "жасыл" облигациялар бойынша осы шекті өлшемшарттарға қол жеткізбеуі;

7) жеке кәсіпкерлік субъектісі ретінде эмитенттің қызметін тоқтата тұру/тоқтату;

8) сомасы 500 (бес жүз) миллион теңгеден асатын жобалар бойынша дивидендтер төлеуі анықталған кезде эмитентті субсидиялауды тоқтата тұрады.

43. Субсидия тоқтатып қойылған кезеңде купондық сыйақы мөлшерлемесі субсидияланатын облигациялар немесе ислам бағалы қағаздары бойынша сыйақы төлеу жүзеге асырылған жағдайда орталық депозитарийдің қағидалар жиынтығына/АХҚО қор биржасының орталық депозитарийі қағидаларына сәйкес облигация немесе ислам бағалы қағаздарын ұстаушыларына осы сыйақы эмитент есебінен толық төленеді.

44. Қаржы агенттігі осы Купондық сыйақы мөлшерлемесін субсидиялау қағидаларының 42-тармағында көрсетілген фактілерді анықтағаннан кейін 5 (бес) жұмыс күні ішінде субсидиялауды тоқтату/тоқтата тұру бойынша кейінге қалдыруды ұсыну не қайта бастау туралы шешім қабылдайды және тиісті хатпен эмитентті/облигация ұстаушылардың немесе ислам бағалы қағаздарын ұстаушылардың өкілін және орталық депозитарийді, АХҚО қор биржасының орталық депозитарийін хабардар етеді.

Эмитент облигациялар немесе ислам бағалы қағаздары бойынша купонды төлеу жөніндегі міндеттемелерін орындамаған жағдайда эмитентке туындаған берешекті күнтізбелік 30 (отыз) күн ішінде жабу үшін мерзім беріледі.

Эмитент субсидиялауды тоқтата тұруға негіз болған себептерді жойған жағдайда қаржы агенттігінің уәкілетті органы 5 (бес) жұмыс күні ішінде субсидиялауды қайта бастау туралы оң шешім қабылдайды.

45. Қаржы агенттігі тоқтата тұру кезеңі үшін төленбеген купонның субсидияланатын бөлігін төлейді.

Субсидиялау тоқтатып қойылған кезеңде эмитентке төленбеген купонның субсидияланатын бөлігін төлеу қаржы агенттігінің уәкілетті органы субсидиялауды қайта бастау туралы шешім қабылдағаннан кейін эмитент шотына ақша аудару арқылы жүргізіледі.

46. Эмитентті субсидиялауды тоқтату туралы шешім қабылданған кезде қаржы агенттігі 3 (үш) жұмыс күні ішінде эмитентке, облигация ұстаушылардың немесе ислам бағалы қағаздарын ұстаушылардың өкіліне және орталық депозитарийге, АХҚО қор биржасының орталық депозитарийіне тиісті хаттармен субсидиялау шартын біржақты бұзу туралы хабарлама жібереді, онда субсидиялау шартын бұзу күні мен бұзу себептері көрсетіледі.

Тоқтатылған жобалар қайта басталмайды.

47. Кәсіпкерге төленген субсидия сомасы қаражатты одан әрі субсидия төлеуге пайдалану үшін қаржы агенттігіне қайтарылуға тиіс.

48. Мынадай жағдайларда субсидия төлеу тоқтатылады, ал субсидиялау шарты бұзылды деп танылады:

1) эмитенттің облигацияларды толықтай өтеуі (егер субсидиялау мерзімі облигацияларды немесе ислам бағалы қағаздарын орналастыру мерзіміне тең болса, эмитент облигацияларды немесе ислам бағалы қағаздарын толықтай өтеген күн субсидиялау тоқтатылған күн болып есептеледі);

2) облигациялар немесе ислам бағалы қағаздары шығарылымын мемлекеттік тіркеудің сот шешімі бойынша жарамсыз деп танылуы;

3) бағалы қағаздар нарығын мемлекеттік реттеу жөніндегі уәкілетті органның/АХҚО-ның қаржылай көрсетілетін қызметтерді реттеу жөніндегі уәкілетті органының шешімі бойынша облигациялар шығарылымы күшінің жойылуы;

4) субсидиялауды тоқтату туралы шешім қабылдау;

5) субсидиялау шартының эмитенттің бастамасымен бұзылуы;

6) субсидиялау шартының қолданылу мерзімінің аяқталуы;

7) облигацияларды немесе ислам бағалы қағаздарын орналастыруды немесе делистингті тоқтата тұру.

49. Облигациялар немесе ислам бағалы қағаздары мерзімінен бұрын өтелген жағдайда осылайша өтелген күннен кейінгі 2 (екі) жұмыс күні ішінде эмитент қаржы агенттігін осы облигацияларды немесе ислам бағалы қағаздарын мерзімінен бұрын өтеу фактісі туралы хабардар етеді.

50. Қаржы агенттігінің уәкілетті органы субсидиялауды тоқтату туралы шешім қабылдаған кезде қаражатты нысаналы пайдаланбау және (немесе) жобаның сәйкес келмеу фактілері анықталған жағдайда эмитент қаржы агенттігі төлеген сыйақы сомасын қайтарады.

Бұл ретте облигацияларды немесе ислам бағалы қағаздарын орналастырудан түскен қаражат нысаналы пайдаланылмаған кезде субсидиялау облигацияларды немесе ислам бағалы қағаздарын орналастырудан түскен қаражаттың нысаналы пайдаланылмаған сомасына пропорционалды түрде тоқтатылады. Облигацияларды немесе ислам бағалы қағаздарын орналастырудан түскен қаражаттың нысаналы пайдаланылуын растайтын қалған бөлігі бойынша және кәсіпкер нысаналы пайдаланылмаған мөлшерге пропорционалды түрде төленген субсидиялар сомасын қайтарған жағдайда субсидиялау өтеу графигіне сәйкес жалғасады.

3-тарау. Жобалардың іске асырылуын мониторингтеу

51. Осы Купондық сыйақы мөлшерлемесін субсидиялау қағидалары шеңберінде кәсіпкерлер жобаларының іске асырылуын мониторингтеуді қаржы агенттігі, эмитент/облигация ұстаушылар немесе ислам бағалы қағаздарын ұстаушылардың өкілі жүзеге асырады. Қаржы агенттігі мониторингті кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес жүзеге асырады.

52. Қаржы агенттігі мониторинг шеңберінде:

1) эмитент, облигация ұстаушылар немесе ислам бағалы қағаздарын ұстаушылардың өкілі ұсынатын деректер мен құжаттар негізінде субсидиялау шартын жасасқан эмитенттің облигацияларды немесе ислам бағалы қағаздарын орналастырудан алынған ақшаны пайдалануына мониторинг;

2) орталық депозитарий немесе АХҚО қор биржасының орталық депозитарийі ұсынатын деректер негізінде эмитенттің төлем тәртібіне мониторинг;

3) жобаның және (немесе) эмитенттің осы Купондық сыйақы мөлшерлемесін субсидиялау қағидаларының шарттарына сәйкестігіне мониторинг жүргізеді.

53. Облигация ұстаушылардың немесе ислам бағалы қағаздарын ұстаушылардың өкілі мониторинг шеңберінде:

1) облигациялар немесе ислам бағалы қағаздарын шығару проспектісінде белгіленген эмитенттің міндеттемелерді облигация ұстаушылар немесе ислам бағалы қағаздарын ұстаушылар алдында орындауын бақылауды;

2) эмитенттің облигацияларды немесе ислам бағалы қағаздарын орналастырудан алынған ақшаны нысаналы пайдалануын бақылауды;

3) субсидиялау шартына/субсидиялау шартына қосымша келісімге қол қоюды сүйемелдеуді, субсидиялау үшін құжаттар топтамасын қаржы агенттігіне жіберуді;

4) облигациялар ұстаушылардың немесе ислам бағалы қағаздарын ұстаушылардың құқықтары мен мүдделерін қорғауға бағытталған шаралар қабылдауды, оның ішінде эмитенттің облигациялар немесе ислам бағалы қағаздарын шығару проспектісінде белгіленген міндеттемелерді орындамау мәселелері бойынша меншігінде эмитенттің орналастырылған облигацияларының немесе ислам бағалы қағаздарының елу және одан көп пайызы тиесілі (сатып алынғандарын есепке алмағанда) облигация ұстаушылардың немесе ислам бағалы қағаздарын ұстаушылардың атынан сотқа талап кою арқылы шаралар қолдануды;

5) облигациялар ұстаушыларды және бағалы қағаздар нарығын мемлекеттік реттеу жөніндегі уәкілетті органды/АХҚО-ның қаржы нарығын реттеу жөніндегі уәкілетті органын осы тармақтың жоғарыда көрсетілген тармақшаларына сәйкес өз әрекеті мен осындай әрекеттің нәтижелері туралы тоқсанына кемінде бір рет хабардар етуді жүзеге асырады.

54. Мониторингті жүзеге асыру үшін қаржы агенттігі эмитенттен және (немесе) облигация ұстаушылардың немесе ислам бағалы қағаздарын ұстаушылардың өкілінен мониторинг нысанасына қатысты, оның ішінде салықтық құпияны құрайтын қажетті құжаттар мен ақпаратты сұратады, іске асырылып жатқан жеріне барып жобаның іске асырылуын мониторингтейді.

"Жасыл" облигациялар бойынша қаржылай қолдау қаражатының нысаналы пайдалануын мониторингтеу шеңберінде қаржы агенттігі "жасыл" таксономияның шекті өлшемшарттарында:

1) энергия тұтынуды төмендетудің нақты ең төмен мәндері;

2) парниктік газдар шығарындыларының ең төмен деңгейлері;

3) қалдықтардың кәдеге жаратудың/үлесін азайту;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкес келуі (шекті өлшемшартта көрсетілген бөлігінде) көзделген жағдайларда провайдерлердің тәуелсіз бағалауы негізінде эмитенттің көзделіп отырған "жасыл" жоба бойынша мәлімделген осы шекті өлшемшарттарға қол жеткізуін тексереді.

Сыртқы бағалау провайдерінің қорытындысын эмитент ұсынады.

Жобаны субсидиялау басталғаннан кейін 2 (екі) жыл өткен соң эмитент аталған көрсеткіштерге қол жеткізуге тиісті тәуелсіз бағалау не энергия аудиттерін жүргізіп қаржы агенттігіне ұсынады. Жоба бойынша эмитент мәлімдеген "жасыл" таксономияның шекті өлшемшарттарының кейіннен орындалуына жобаның "жасыл" таксономияның шекті өлшемшарттарына сәйкестігі туралы бастапқы қорытындыны берген бағалау провайдерлері сырттай тексеру жүргізеді.

"Жасыл" таксономия "жасыл" облигациялар мен "жасыл" кредиттер арқылы қаржыландыруға жататын "жасыл" жобалардың сыныптамасын (таксономиясын) бекіту туралы" Қазақстан Республикасы Үкіметінің 2021 жылғы 31 желтоқсандағы № 996 қаулысымен бекітілген "жасыл" облигациялар және "жасыл" кредиттер арқылы қаржыландырылуға тиіс "жасыл" жобалар жіктемесіне сәйкес колданылады.

55. Мониторингті жүзеге асыру үшін эмитент облигация ұстаушылардың немесе ислам бағалы қағаздарын ұстаушылардың өкіліне қажетті құжаттар беруді қамтамасыз етеді және жоба іске асырылып жатқан жерге бару құқығымен мониторинг нысанасына жататын, оның ішінде салықтық және коммерциялық құпияны құрайтын ақпаратты ұсынады.

56. Эмитент/облигация ұстаушылардың немесе ислам бағалы қағаздарын ұстаушылардың өкілі Қазақстан Республикасының заңнамасына және бағалы қағаздар нарығын мемлекеттік реттеу жөніндегі уәкілетті органның актілеріне сәйкес бағалы қағаздар нарығын мемлекеттік реттеу жөніндегі уәкілетті органды және/немесе АХҚО-ның қолданыстағы құқығына сәйкес АХҚО-ның қаржылық қызметтерді реттеу жөніндегі уәкілетті органын өз әрекеті туралы хабардар етеді.

57. Мониторингтің тәртібі мен мерзімдерін, сондай-ақ есептілік нысандарын қаржы агенттігі және эмитент/облигация ұстаушылардың немесе ислам бағалы қағаздарын ұстаушылардың әрбір өкілі өз функциялары бөлігінде өздері белгілейді.

Кәсіпкерлік субъектілері
шығарған облигациялар
бойынша купондық сыйақы
мөлшерлемесін субсидиялау
қағидаларына
1-қосымша

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
1. Өңдеу өнеркәсібінде
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
2. Көрсетілетін қызметтер және өзге де қызмет түрлері бойынша
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді игеру
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою қызметі және қалдықтарды жою саласындағы өзге де көрсетілетін қызметтер
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру***
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару****
Кәсіптік, ғылыми және техникалық қызмет
75	Ветеринариялық қызмет
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
93.1	Спорт саласындағы қызмет

*шойын, болат және ферроқорытпа өндірісін (экономикалық қызмет түрлерінің жалпы жіктеуішінің (бұдан әрі – ЭҚЖЖ) коды "24.10"), ядролық отынды қайта өңдеуді (ЭҚЖЖ коды "24.46"), шойын құюды (ЭҚЖЖ коды "24.51"), болат құюды (ЭҚЖЖ коды "24.52") қоспағанда;

республикалық маңызы бар қалалардағы дизель отынымен жүретін автобустарды (ЭҚЖЖ коды 49.31.1 "Автобуспен тасымалдау", 49.31.9 "Кестеге бағынатын өзге де көлік түрлерімен тасымалдау") қоспағанда;

*** апартаменттерді, пәтерлерді және тұрғын үйлерді қоспағанда;

**** бұл ЭҚЖЖ қойма үй-жайлары мен қойма алаңдарын жалға беруді көздейді.

Кәсіпкерлік субъектілері
шығарған облигациялар
бойынша купондық сыйақы
мөлшерлемесін субсидиялау
қағидаларына
2-қосымша

Нысан

	Қайда: _________________
	"Даму" кәсіпкерлікті дамыту қоры" акционерлік қоғамының (бұдан әрі – "Даму" қоры) өңірлік филиалы
	Кімнен: _______________ (бұдан әрі – эмитент (кәсіпкер)

№ __________ өтініш-сауалнама

Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидаларына (бұдан әрі – Купондық сыйақы мөлшерлемесін субсидиялау қағидалары) сәйкес Қазақстан Республикасының заңнамасына сәйкес кәсіпкерлік субъектілері шығарған және қор биржасының ресми тізіміне қосылған, сондай-ақ АХҚО актілеріне сәйкес шығарылған және АХҚО қор биржасының ресми тізіміне қосылған облигация/ислам бағалы қағазы бойынша сыйақы мөлшерлемесінің бір бөлігін субсидиялау туралы мәселені төмендегіге сәйкес "Даму" қорының қарауына шығаруға бастама жасауыңызды сұраймын:

1. Қатысушы туралы мәліметтер

Эмитенттің (кәсіпкердің) атауы
Құрылтайшы (-лар) туралы деректер
Заңды мекенжайы
Нақты мекенжайы
Пошталық мекенжайы
Мемлекеттік тіркелген/қайта тіркелген күні
Мемлекеттік тіркеу/қайта тіркеу туралы анықтама №
Қызмет түрлері
Жетекшілік ететін ведомство, холдинг немесе негізгі компания
Жұмыс тәжірибесі

2. Басшылық

Бірінші басшы

Тегі, аты, әкесінің аты (бар болса)
Лауазымы
Жұмыс/үй телефоны
Туған жылы мен жері
Жеке куәлігінің №, сериясы
Тұрғылықты (нақты) жері
Тіркелген жері
Жұмыс тәжірибесі

3. Байланыс жасайтын адам

(Тегі, аты, әкесінің аты (бар болса), лауазымы, телефоны)

4. Меншік иелері

(құрылтайшы, қатысушылар, акционерлік қоғам үшін – акциялардың 5 және одан көп пайызына иелік ететін акционерлер)

Тегі, атауы/аты, әкесінің аты (бар болса)	%	Деректемелері

5. Ағымдағы қызмет туралы ақпарат

Бөлім (Экономикалық қызмет түрлерінің жалпы жіктеуішінің кодына (бұдан әрі – ЭҚЖЖ) сәйкес)
Ішкі сыныбы (ЭҚЖЖ-ға сәйкес)
Өнімдер мен көрсетілетін қызметтердің түрлері
Жылдық айналым
Соңғы есепті күнгі пайдасы немесе шығыны
Жұмыскерлердің нақты саны	оның ішінде әйелдер __________________
Жобаның атауы (қысқаша сипаттамасы)
"Жасыл" облигацияға қатысты: "жасыл" жобаның қатысы бар "жасыл" таксономия санаты/санаттары
Жобаның іске асырылатын жері (облыс, қала)
Жұмыс орындарының саны

6. Кепілдіктер және келісімдер

Эмитент (кәсіпкер) "Даму" қорына мынаны мәлімдейді және оған кепілдік береді:

1. "Даму" қорына осы өтінішпен бірге не "Даму" қорының сұратуы бойынша берілген (ұсынылған) немесе ұсынылатын барлық деректер, ақпарат пен құжаттама анық және төменде көрсетілген күнгі жағдай бойынша шындыққа толық сәйкес келеді, көрсетілген деректер өзгерген жағдайда

_________________________________________________________________

("Даму" қорының тиісті өңірлік филиалының атауы) дереу хабардар етуге міндеттенемін.

2. "Даму" қорының бірінші талап етуі бойынша осы өтінішті қарау шеңберінде талап етілген банктік және коммерциялық құпияны құрайтын кез келген ақпарат пен құжаттарды, сондай-ақ бастапқы статистикалық деректерді ұсынуға және ашуға міндеттенеді.

3. "Даму" қоры көрсетілген растау мен кепілдіктердің дұрыстығын тексеруді қамтамасыз етпейді.

4. Эмитентке (кәсіпкерге) жалған, толық емес және/немесе анық емес мәліметтерді ұсынғаны үшін Қазақстан Республикасының заңнамасында көзделген жауаптылық туралы ескертілді.

5. Эмитент (кәсіпкер) осы өтінішке қол қоятын адамның осы өтінішті беруіне эмитенттің (кәсіпкердің) жарғылық құзыреті мүмкіндік беретінін растайды.

6. Көрсетілген деректер мен ақпараттың анық емес екені анықталған жағдайда көрсетілген деректердің анық еместігін растайтын мәліметтер анықталған кез келген кезеңде осы өтініш кері қайтарылуы мүмкін екендігімен келіседі, бұл ретте "Даму" қоры кері қайтару себептерін хабарламайды.

Осы арқылы эмитент (кәсіпкер) "Даму" қорына мыналарға келісім береді:

1. "Даму" қоры осы өтініште көрсетілген мәліметтерді, ақпаратты және эмитент (кәсіпкер) ұсынған құжаттарды мүдделі үшінші тұлғаларға (Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары шеңберінде ақпарат алу құқығы Қазақстан Республикасының заңнамасында көзделген), сондай-ақ кәсіпкерлік, қаржы нарығын және қаржы ұйымдарын реттеу, бақылау және қадағалау жөніндегі уәкілетті органдарға, "Бәйтерек" ұлттық басқарушы холдингі" акционерлік қоғамына ұсына алады.

2. Осы өтініште қамтылған барлық мәліметтер, сондай-ақ "Даму" қоры талап еткен барлық құжаттар Купондық сыйақы мөлшерлемесін субсидиялау қағидалары шеңберінде субсидиялау үшін ғана ұсынылған.

3. "Даму" қоры эмитент (кәсіпкер) өзі туралы хабарлайтын кез келген ақпаратты тексеру құқығын өзіне қалдырады, ал эмитент (кәсіпкер) ұсынған құжаттар және өтініштің түпнұсқасы субсидиялау ұсынылмаса да, "Даму" қорында сақталады.

4. "Даму" қорының осы өтінішті қарауға қабылдауы, сондай-ақ эмитенттің (кәсіпкердің) ықтимал шығыстары (субсидиялауды алуға қажетті құжаттарды ресімдеуге және т.с.) "Даму" қорының субсидиялауды беру немесе эмитентке (кәсіпкерге) келтірілген шығасыларды өтеу міндеттемесі болып табылмайды.

5. Субсидиялау туралы мәселені қарау тәртібімен танысқанын және келісетінін растайды, кейіннен "Даму" қорына наразылықтары болмайды.

7. Қосымшалар:

(________________ бағыты бойынша көзделген құжаттар)

______________________________________________________________

____________________________________ __________________________

(тегі, аты, әкесінің аты (бар болса) (қолы, күні)

Кәсіпкерлік субъектілері
шығарған облигациялар
бойынша купондық сыйақы
мөлшерлемесін субсидиялау
қағидаларына
3-қосымша

Өтінім туралы ақпарат

Р/с №	Шарттары	Жоба	Шарттарға сәйкес келуі
1	2	3	4
1.	Эмитенттің атауы
2.	Эмитенттің бизнес сәйкестендіру нөмірі (БСН)
3.	Эмитенттің тіркелген күні
4.	Кәсіпкерлік субъектісі
5.	Жоба іске асырылатын жер
6.	Экономикалық қызмет түрлерінің жалпы жіктеуіші бойынша ішкі сыныбы
7.	Жобаның атауы	1-мысал: инвестициялар (такси қызметі үшін 10 бірлік автокөлік сатып алу) 2-мысал: айналым қаражатын толықтыру (ет өнімдерін өндіру үшін шикізат сатып алу) 3-мысал: инвестициялар (тігін цехының қызметі үшін тұрғын емес үй-жайды күрделі жөндеу/реконструкциялау) және тағы басқа. 4-мысал: аралас жобалар: жер учаскесі бар өндірістік база сатып алу және бетон қоспаларын өндіру қызметі шеңберінде айналым қаражатын толықтыру
8.	Жобаның мақсаты "жасыл" облигацияға қатысты: "жасыл" жобаның қатысы бар "жасыл" таксономия санаты/санаттары
9.	Жобаның құны
10.	Эмитенттің облигациялары немесе ислам бағалы қағаздары бойынша купондық сыйақы мөлшерлемесінің субсидияланатын бөлігінің сомасы
11.	Эмитенттің бір облигация шығарылымының жалпы номиналды құны 3 (үш) миллиард теңгеден аспайды (асады/аспайды) "Жасыл" облигацияға қатысты: эмитенттің бір облигация шығарылымының жалпы номиналды құны 3 (үш) миллиард теңгеден аспайды (асады/аспайды)	Мысалы: асады/аспайды
12.	Субсидиялау мерзімі
13.	Пайыздық мөлшерлеме
14.	Мөлшерлеменің субсидияланатын бөлігі
15.	Өз қызметін тау-кен өндіру өнеркәсібінде жүзеге асырады	Иә/жоқ
16.	Нысаналы мақсаты акцизделетін тауарлар/өнім шығаруды көздемейді	Иә/жоқ
17.	Жобаны ірі салық төлеушілер тізбесіне қосылған, минералды шикізат өңдеуді жүзеге асыратын металлургия өнеркәсібінде іске асырады	Иә/жоқ
18.	Құрылтайшылары (оның ішінде қатысушылары, акционерлері) мемлекеттік кәсіпорындар/мекемелер, ұлттық басқарушы холдингтер, ұлттық компаниялар және акцияларының (жарғылық капиталға қатысу үлестерінің) 50 және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға (әлеуметтік-кәсіпкерлік корпорацияларды (ӘКК) және мемлекеттік-жекешелік әріптестік (МЖӘ) кәсіпорындарды қоспағанда) тиесілі ұйымдар болып табылады	Иә/жоқ
19.	Ескертпе:	Мысалы:

Жобаның ерекше шарттары: жоба бекітілгеннен кейін нақты кезеңге дейін орындалатын ерекше шарттар. Мысалы:

Купондық сыйақы мөлшерлемесін субсидиялау жүзеге асырылатын облигациялар немесе ислам бағалы қағаздарын шығару проспектісіне субсидиялаудың барлық мерзімі ішінде өзгерістер мен толықтырулар енгізілуі мүмкін.

________________ эмитенттің қолы.

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Кредиттер/қаржылық лизинг бойынша кепілдік беру қағидалары

1-тарау. Жалпы ережелер

1. Осы Кредиттер/қаржылық лизинг бойынша кепілдік беру қағидалары (бұдан әрі – Кепілдік беру қағидалары) Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді, кәсіпкерлердің кредиттері/қаржылық лизингі бойынша міндеттемелерінің орындалуын ішінара қамтамасыз ету бойынша кепілдік берудің шарттары мен тетігін айқындайды.

2. Кепілдік беру кәсіпкерлердің кредиттері/қаржылық лизингі бойынша, оның ішінде "жасыл" жобаларды іске асыру мақсатында жүзеге асырылады.

3. Осы Кепілдік беру қағидаларында мынадай негізгі ұғымдар пайдаланылады:

1) айналым қаражатын толықтыру – кәсіпкердің мәлімделген қызметімен байланысты әрі салықтық міндеттемелерді, зейнетақылық және әлеуметтік аударымдарды, кедендік төлемдерді/алымдарды/баждарды төлеуге арналмаған кәсіпкер кредитінің/қаржылық лизингінің нысаналы мақсаты;

4) банк – осы Кепілдік беру қағидаларын іске асыру шеңберіндегі екінші деңгейдегі банк;

5) банктік кредит/қаржылық лизинг шарты (бұдан әрі – кредит/қаржылық лизинг шарты/қаржылық лизинг) – банк/лизинг компаниясы кредиттік шарт/қаржылық лизинг шарты негізінде мерзімділік, ақылық, қайтарымдылық, қамтамасыз етілу және нысаналы пайдалану шарттарында кәсіпкерге беретін ақша сомасы. Банктік кредитке кредиттік желі де жатады.

Ислам банкі үшін кредит деп қаржыландыру – ислам банкі кәсіпкерге беретін тауар үшін төлемді кейінге қалдыру немесе бөліп төлеу деп қаржыландыру шартына сәйкес түсініледі;

6) бұдан бұрын бекітілген кәсіпкерлікті қолдау бағдарламасы/кәсіпкерлікті қолдау бағдарламалары – Қазақстан Республикасы Үкіметінің 2018 жылғы 25 тамыздағы № 522 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы-2025" бизнесті қолдау мен дамытудың мемлекеттік бағдарламасы, Қазақстан Республикасы Үкіметінің 2021 жылғы 12 қазандағы № 728 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба, "Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржыла қағидаларын, нысандарын бекіту туралы" Қазақстан Республикасы Сауда және интеграция министрінің 2023 жылғы 21 қарашадағы № 410-НҚ, Қазақстан Республикасы Энергетика министрінің 2023 жылғы 22 қарашадағы № 412, Қазақстан Республикасы Туризм және спорт министрінің 2023 жылғы 22 қарашадағы № 299, Қазақстан Республикасы Экология және табиғи ресурстар министрінің 2023 жылғы 22 қарашадағы № 327, Қазақстан Республикасы Ауыл шаруашылығы министрінің 2023 жылғы 22 қарашадағы № 401, Қазақстан Республикасы Мәдениет және ақпарат министрінің 2023 жылғы 22 қарашадағы № 450-НҚ, Қазақстан Республикасы Су ресурстары және ирригация министрінің 2023 жылғы 22 қарашадағы № 16, Қазақстан Республикасы Көлік министрінің міндетін атқарушының 2023 жылғы 23 қарашадағы № 91, Қазақстан Республикасы Өнеркәсіп және құрылыс министрінің 2023 жылғы 23 қарашадағы № 84, Қазақстан Республикасы Оқу-ағарту министрінің 2023 жылғы 23 қарашадағы № 347, Қазақстан Республикасының Цифрлық даму, инновациялар және аэроғарыш өнеркәсібі министрінің 2023 жылғы 23 қарашадағы № 572/НҚ, Қазақстан Республикасы Ғылым және жоғары білім министрінің 2023 жылғы 23 қарашадағы № 598 және Қазақстан Республикасы Денсаулық сақтау министрінің міндетін атқарушының 2023 жылғы 23 қарашадағы № 167 бірлескен бұйрығы (нормативтік құқықтық актілерін мемлекеттік тіркеу тізілімінде № 33681 болып тіркелген);

7) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экология заңнамасына сәйкес қолда бар табиғи ресурстарды пайдалану тиімділігін арттыруға, қоршаған ортаға келеңсіз әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар;

8) "жасыл" таксономия – қоршаған ортаны қорғау саласындағы уәкілетті орган әзірлейтін және "Жасыл" облигациялар мен "жасыл" кредиттер арқылы қаржыландыруға жататын "жасыл" жобалардың сыныптамасын (таксономиясын) бекіту туралы" Қазақстан Республикасы Үкіметінің 2021 жылғы 31 желтоқсандағы № 996 қаулысымен (бұдан әрі – қаулы) бекітілетін "жасыл" облигациялар және "жасыл" кредиттер арқылы қаржыландыруға жататын "жасыл" жобалардың жіктемесі;

9) жоба (бизнес-жоба) – мемлекеттік қаржылай қолдау көрсетілетін қызмет шеңберінде кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде кәсіпкер бизнестің түрлі бағыттарында (бір жоба шеңберінде бірнеше кредит/қаржылық лизинг шарттары алынуы мүмкін) жүзеге асыратын іс-қимыл мен іс-шаралар жиынтығы.

Қатарынан мынадай 2 (екі) өлшемшартқа сәйкес келетін екі және одан да көп жобалардың жиынтығы бір жоба болып саналады:

жоба бір объект ретінде жүзеге асырылады (физикалық немесе технологиялық жағынан бір-бірімен тығыз байланысты бір ғимарат/құрылыс және объект болып табылады);

жоба экономикалық қызмет түрлерінің жалпы жіктеуішінің бір кіші сыныбы шеңберінде іске асырылады;

10) жобаның экономикалық орындылығы мен тиімділігі – қаржы агенттігінің бағалауы бойынша кәсіпкердің жоспарланған кредитті/қаржылық лизингті өтеуіне мүмкіндік беретін кірісті және рентабельді жоба;

11) инвестициялық мақсаттар – негізгі құралдарды сатып алу, және (немесе) салу, және (немесе) жаңғырту, және (немесе) реконструкциялау, және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/биологиялық/материалдық/ материалдық емес активтердің құнына енгізілген қосылған құн салығы бойынша шығыстар да инвестицияларға жатады);

12) кәсіпкер – өз қызметін осы Кепілдік беру қағидалары шеңберінде жүзеге асыратын шағын, орта және (немесе) ірі кәсіпкерлік субъектісі, әлеуметтік кәсіпкерлік субъектісі, оның ішінде жұмыс істеп тұрған кәсіпкерлік субъектісі мәртебесі бар жеке кәсіпкерлік субъектісі.

Ісін жаңа бастаған кәсіпкер – банкке/лизинг компаниясына кредит/лизинг шарты үшін жүгінген кезде дара кәсіпкер немесе заңды тұлға ретіндегі мемлекеттік тіркелу мерзімі үш жылдан кем уақытты құрайтын кәсіпкер (жұмыс істеп жатқан үлестес кәсіпкердің ағымдағы қызметінен ерекшеленетін жаңа қызмет түрін құрған жағдайда ісін жаңа бастаған кәсіпкердің жұмыс істеп жатқан кәсіпкерлермен үлестес болуына жол беріледі);

13) кепілдік – кәсіпкердің кепілдік беру шартынан туындайтын кредиттік шарт/қаржылық лизинг шарты бойынша кепілдік беру сомасы шегінде негізгі борыштың бір бөлігін төлеу жөніндегі міндеттемелерін орындауы үшін қаржы агенттігінің банк/лизинг компаниясының алдында жауап беру міндеттемесі;

14) кепілдік шарты – қаржы агенттігі, банк пен кәсіпкер арасында кәсіпкерлік жөніндегі уәкілетті орган бекітетін нысан бойынша жасалған кепілдік беру туралы үш жақты жазбаша келісім.

Кепілдік шарты қағаз жеткізгіште/электрондық нысанда жасалады, бұл ретте кепілдік шартының электрондық нысанына Қазақстан Республикасының қолданыстағы заңнамасына сәйкес электрондық цифрлық қолтаңбамен қол қойылады;

15) кепілдік беру – кәсіпкердің кепілдік беру шартынан туындайтын кредиттік шарт/қаржылық лизинг шарты бойынша кепілдік беру сомасы шегінде негізгі борыштың бір бөлігін төлеу жөніндегі міндеттемелерін орындауы үшін қаржы агенттігінің банк/лизинг компаниясының алдында жауап беру міндеттемесі;

16) кешендi кәсiпкерлiк лицензия (бұдан әрі – франчайзинг) – айрықша құқықтар кешенiнiң құқық иеленушiсi басқа тұлғаға өтеулi негiзде пайдалануға беретiн кәсiпкерлiк қызмет;

17) кредиттік шарт – кәсіпкер мен банк арасында жасалатын, шарттары бойынша банк кәсіпкерге кредит беретін жазбаша келісім. Қайта қаржыландырылатын қарыз болған жағдайда кредиттік желі ашу туралы келісім/қосымша келісім де кредиттік шартқа жатады.

Ислам банкі үшін кредиттік шарт қаржыландыру шарты – шарттары бойынша ислам банкі кәсіпкерге-сатып алушыға немесе тауар сатушыға коммерциялық кредит беретін, ислам банкі мен кәсіпкер арасында жасалған жазбаша келісім деп түсініледі. Ислам банкі мен кәсіпкер коммерциялық кредит беру (қаржыландыру) туралы жеке шарттар жасасатын бас қаржыландыру келісімі де қаржыландыру шартына жатады. Тауардың бағасы мен тауардың үстеме бағасынан қалыптасатын тауарды сату бағасы мен төлеуді кейінге қалдыру немесе бөліп төлеумен кәсіпкерге тауарды сатып, кәсіпкердің сауда делдалы ретіндегі сауда қызметін ислам банктерінің қаржыландыруы коммерциялық кредит деп түсініледі;

18) кредитті/қаржылық лизинг шартын нысаналы пайдалану – кредиттік шарт/қаржылық лизинг шарты бойынша алынған кредитті/қаржылық лизингті кәсіпкердің Кепілдік беру қағидаларының шарттарына сәйкес келетін мақсаттарға пайдалануы (нысаналы пайдалану жиынтығында кәсіпкердің активке/жұмыстарға/көрсетілетін қызметтерге толық көлемде ақы төлегенін, алғанын және пайдаланғанын және (немесе) осы Кепілдік беру қағидаларының шарттарына сәйкес басқа мақсаттарға қол жеткізгенін растайтын тиісті құжаттармен расталады);

19) көпфункционалды ғимараттар (кешендер) – заманауи әлеуметтік-мәдени, технологиялық, қала құрылысы және сәулет талаптарына жауап беретін, инженерлік, әлеуметтік, функционалдық өзара байланысу жүйесіне біріктірілген негізгі функцияларды атқаратын, түрлі мақсаттағы үш және одан көп (балалардың уақыт өткізуіне арналған үй-жайлары немесе алаңдары бар екі) объектілерді орналастыруға арналған біртұтас сәулет тобы немесе жеке тұрған ғимараттар;

20) қайта қаржыландыру – кәсіпкерге бұрын берілген кредиттерді басқа банктің/лизинг компаниясының кредит/қаржылық лизинг қаражаты есебінен алмастыруы, бұл ретте қайта қаржыландыру сомасына сыйақыны, айыппұлдарды, өсімпұлдарды және сот тәртібімен де, соттан тыс тәртіппен де берешекті өндіріп алуға байланысты өзге де төлемдерді есепке алмағанда негізгі борышқана кіреді;

21) қаржы агенттігі – "Даму" кәсіпкерлікті дамыту қоры" акционерлік қоғамы;

22) қаржы агенттігінің уәкілетті органы – өз қызметін қаржы агенттігінің жарғысымен, қаржы агенттігінің кредиттік саясатымен берілген және қаржы агенттігінің ішкі құжаттарымен бекітілген өкілеттіктері шегінде жүзеге асыратын, тұрақты жұмыс істейтін алқалы орган;

23) қаржылық лизинг шарты – шарттары бойынша лизинг компаниясы/банк кәсіпкерге қаржылық лизинг беретін, лизинг компаниясы/банк пен кәсіпкер арасында жасалатын жазбаша келісім;

24) лизинг компаниясы – өз қызметін осы Кепілдік беру қағидалары шеңберінде жүзеге асыратын лизинг мәмілесіне қатысушы;

25) лизинг мәмілесі (лизинг)/қаржылай лизинг – азаматтық құқықтар мен міндеттерді белгілеуге, өзгертуге және тоқтатуға бағытталған лизингке қатысушылардың келісілген іс-қимыл жиынтығы;

26) мемлекеттік даму институттары – акцияларының бақылау пакеттері экономиканың түрлі салаларында мемлекеттік қолдау шараларын көрсететін ұлттық басқарушы холдингке немесе ұлттық холдингке тиесілі ұлттық басқарушы холдингтер, ұлттық холдингтер акционерлік қоғамдар;

27) мемлекеттік-жекешелік әріптестік – мемлекеттік әріптес пен жекеше әріптес арасындағы "Мемлекеттік-жекешелік әріптестік туралы" Қазақстан Республикасының Заңында айқындалған белгілерге сәйкес келетін ынтымақтастық нысаны;

28) мүліктік кешен – мүлiктiк меншiк ретiнде кәсiпорынның құрамына оның қызмет етуіне арналған мүліктің барлық түрлері, оның ішінде ғимараттар, құрылыстар, жабдық, мүкәммал, шикiзат, өнiм, жер учаскесiне құқық, талап ету құқықтары, борыштар, сондай-ақ оның қызметiн дараландыратын белгiленімдерге (фирмалық атауы, тауар таңбалары) құқықтар және басқа да ерекше құқықтар кіреді;

29) номиналды сыйақы мөлшерлемесі – кредит/қаржылық лизинг бойынша кредиттік шарт/қаржылық лизинг шартын жасасқан кезде белгіленген, мөлшерін кредиттік шартта/қаржылық лизинг шартында көзделген жағдайларда не тараптардың келісімі бойынша банк/лизинг компаниясы біржақты тәртіппен өзгерте алатын сыйақы мөлшерлемесі.

Ислам банкі үшін номиналды сыйақы мөлшерлемесі деп тауардың үстеме бағасы – тауар бағасынан түсетін пайыз (пайда) не тіркелген сома түрінде көрсетілетін ислам банкінің коммерциялық кредит беруге байланысты кірісі түсініледі;

30) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның кәсіпкерлік саласындағы құрылымдық бөлімшесі;

31) портфельдік кепілдік беру – қаржы агенттігі банк/кәсіпкер үшін белгілеген лимит шеңберінде кәсіпкерлерге кепілдік беру нысаны;

32) сыртқы бағалау ("жасыл" жоба бойынша) – іске асырылуы көзделіп отырған немесе іске асырылып жатқан "жасыл" жобаның кіші сектор үшін көзделген шекті мәндерді (энергия тұтынуды төмендетудің нақты ең төменгі мәндерін, парниктік газдар шығарындыларының ең төменгі деңгейлерін, қалдықтардың үлесін азайтуды/кәдеге жаратуды, су тұтынуды төмендетуді, ең озық қолжетімді технологиялар анықтамалықтарының талаптарына сәйкестікті (шекті өлшемшартта көрсетілген бөлігінде) сақтау бөлігінде "жасыл" таксономия жобаларының кіші секторларына сәйкестігін бағалау рәсімі;

33) сыртқы бағалау провайдері – іске асыру межеленген немесе іске асырылып жатқан "жасыл" жоба бойынша тәуелсіз бағалауды жүзеге асыраып, қаралып отырған жобаның "жасыл" таксономияның шекті мәніне сәйкестігі туралы тиісті қорытынды дайындайтын ұйым;

34) тауар – Қазақстан Республикасының заңнамасымен оған қатысты ислам банктерімен сатып алу-сату мәмілелерін жасауға рұқсат етілген, коммерциялық кредит шарттарында одан әрі кәсіпкерге беру мақсатында ислам банкі тауар сатушыдан сатып алу-сату шарты бойынша сатып алатын жылжымалы немесе жылжымайтын мүлік;

35) уәкілетті орган – кәсіпкерлік жөніндегі уәкілетті орган;

36) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша жауапкершілігі бар серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар;

37) шекті мән ("жасыл" таксономияның кіші секторы бойынша шекті өлшемшарт) – "жасыл" таксономияның кіші секторы үшін белгіленген, жобаларды "жасыл", яғни тиісті "жасыл" таксономия ретінде саралау үшін жобалардың немесе активтердің сандық және сапалық өлшемшарттарының шекті мәндері қол жеткізуге тиіс. Кіші сектор бойынша шекті өлшемшарт сертификаттау/таңбалау талаптарында (стандарттардың "жасыл" таксономияда көрсетілген талаптарыға сәйкестігін растау не жекелеген кіші секторларға қатысты таңбалардың болуы) көрсетіледі;

38) Экономикалық қызметтің жалпы жіктеуіші (ЭҚЖЖ) – экономикалық қызмет түрлерін жіктеу және кодтау тәртібін белгілейтін ұлттық жіктеуіш;

39) электрондық өтінім – ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған мемлекеттік қолдау алуға өтініш;

40) электрондық құжаттар топтамасы – өтініш берушінің немесе осы құжатты куәландыруға өкілеттігі бар тұлғаның не мемлекеттік көрсетілетін қызметті алушының өзі қатысқанда берген жазбаша келісімі негізінде кәсіпкерлерге қызмет көрсету орталығының уәкілетті жұмыскерінің электрондық-цифрлық қолтаңбасымен куәландырылған, төлнұсқа құжаттың түрін және ақпаратын (деректерін) электрондық-цифрлық нысанда толық көрсететін құжаттар;

41) энергетикалық аудит (бұдан әрі – энергия аудиті) – энергия үнемдеудің мүмкіндігі мен әлеуетін бағалау мен энергия үнемдеу мен энергия тиімділігін арттыру жөніндегі қорытындыны дайындау мақсатында энергетикалық ресурстарды пайдалану туралы деректерді жинау, өңдеу және талдау;

42) энергия-аудиторлық ұйым – энергия аудитін жүзеге асыратын заңды тұлға. "Жасыл" таксономияның шекті мәндерінің сәйкестігі туралы қорытынды беруге арналған рұқсат беру құжаттары бар өзге де ұйымдар энергия-аудиторлық ұйымдар деп түсініледі.

4. Кепілдік беру кәсіпкерлерге қаржылай қолдау көрсету құралы болып табылады және кредиттік ресурстарды кеңейту мен оларға қолжетімділікті қамтамасыз ету үшін пайдаланылады.

5. Кепілдік беру республикалық және/немесе жергілікті бюджеттердің және/немесе Қазақстан Республикасы Ұлттық қорының қаражаты есебінен қаржыландырылады.

6. Кепілдік беру үшін көзделген қаражатты кәсіпкерлік жөніндегі уәкілетті орган қаржы агенттігіне өздерінің араларында жасалатын қаражатты аударуға арналған шарт негізінде қаржы агенттігінің арнайы шотына республикалық бюджет және/немесе Қазақстан Республикасы Ұлттық қорының қаражаты есебінен аударады.

Жергілікті бюджет қаражаты есебінен кепілдік беру үшін көзделген қаражатты өңірлік үйлестіруші қаржы агенттігіне кәсіпкерлік жөніндегі уәкілетті орган бекіткен субсидиялау және кепілдік беру туралы шарттың үлгілік нысанына сәйкес кредиттер/қаржылық лизинг бойынша жасалатын кепілдік беру шарты негізінде аударады.

Жобаны одан әрі қарау және қаржыландыру осы Кепілдік беру қағидаларында көзделген тәртіппен жүзеге асырылады.

7. Республикалық және/немесе жергілікті бюджеттерден, және/немесе Қазақстан Республикасының Ұлттық қорынан бұған дейін қолданылған кәсіпкерлікті қолдау бағдарламалары/осы Кепілдік беру қағидалары шеңберінде кепілдік беруге бөлінген қаражатты кәсіпкерлік субъектілерінің жобаларын субсидиялауға және/немесе кепілдік беруге қаражаттың қажет болу шамасына қарай пайдалануға жол беріледі.

Тиісті қаржы жылында бекітілген жаңа жобалар шеңберінде кредиттер/қаржылық лизинг бойынша кепілдік беру үшін бюджетті бөлу:

өңдеу өнеркәсібіне – бюджет қаражатының 50 %-ына дейін;

көрсетілетін қызметтерге, оның ішінде сауда қызметі саласында – бюджет қаражатының 30 %-ына дейін;

микро- және шағын кәсіпкерлік субъектілерінің қызметіне (20 (жиырма) миллион теңгеге дейінгі кредит) – бюджет қаражатының 20 %-ы.

Бұл ретте өңдеу өнеркәсібіндегі және/немесе сауда қызметі саласындағы, және/немесе микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі кепілдік беру қажеттігіне қарай солардың арасында қайта бөледі.

8. Шағын және орта кәсіпкерлік субъектілері үшін кредиттік ресурстардың құнын төмендету және банктердің/лизинг компанияларының ұйымдық-техникалық мүмкіндіктерін тарту жолымен олардың қаржыландыруға қолжетімділігін ұлғайту мақсатында қаржы агенттігі арқылы халықаралық қаржы институттарының кредиттік ресурстарын тарту жөніндегі шаралар қабылданатын болады.

9. Өңірлік үйлестірушілер облыстардың, республикалық маңызы бар қалалардың және астананың даму жоспарларын әзірлеу кезінде осы Кепілдік беру қағидаларының ережелерін ескеретін болады.

10. Осы Кепілдік беру қағидаларының барлық құралдары шеңберінде кәсіпкерге кешенді қолдау көрсетуге жол беріледі. Бұл ретте осы Кепілдік беру қағидалары шеңберінде қаржы агенттігі шығарған кәсіпкердің және онымен үлестес/байланысты тұлғалардың кепілдіктері бойынша жиынтық берешек 1,75 миллиард теңгеден аспайды.

11. Қаржы агенттігі тиімділіктің жалпы кешенді жылдық талдамалық есебін қалыптастыру мақсатында есепті жылдан кейінгі жылғы шілдеден кешіктірмей осы Кепілдік беру қағидаларының кредиттер/лизинг бойынша кепілдік беру бөлігінде іске асырылуын мониторингтеу нәтижелерін уәкілетті органға жібереді.

12. Қаржы агенттігі Қазақстанда және оның өңірлеріндегі шағын және орта кәсіпкерліктің дамуының жай-күйі туралы есептің жыл сайынғы шығарылымын дайындайды, онда шағын және орта кәсіпкерліктің ағымдағы жай-күйі мен әлеуметтік-экономикалық көрсеткіштері серпінінің өңірлік және салалық бөліністегі жалпы республикалық кешенді талдауы, Қазақстанның әрбір өңіріндегі шағын және орта кәсіпкерлік секторына жеке-жеке шолу, шағын және орта кәсіпкерлік субъектілерін қаржылай және қаржылай емес қолдаудың қолданыстағы инфрақұрылымы бойынша өзекті ақпарат көрсетіледі.

13. Мыналарға:

1) ұйымдардың, сондай-ақ кәсіпорындардың үлестерін, акцияларын мүліктік кешен ретінде, сатып алуға бағытталған;

2) мемлекеттік даму институттары берген;

3) сыйақы мөлшерлемесі Сыйақы мөлшерлемесінің бір бөлігін субсидиялау қағидалары шеңберінде арзандатылған кредиттерді/қаржылық лизингті қоспағанда, сыйақы мөлшерлемесі бюджет қаражаты есебінен арзандатылған;

4) овердрафт түріндегі;

5) инвестициялық жобаны іске асыру сомасы (өзінің қатысуын есепке алғанда) жеткіліксіз;

6) кредит/қаржылық лизинг алуға өтініш берген күннің алдындағы соңғы есепті күнге салық төлемдері, міндетті зейнетақы жарналары, міндетті кәсіптік зейнетақы жарналары және бюджетке әлеуметтік аударымдары бойынша берешектері бар кәсіпкерлердің;

7) ломбардтардың, микроқаржылық, факторингтік ұйымдардың және лизинг компанияларының қызметіне бағытталған;

8) мыналарды:

үлестес/байланысты тұлғаның құрылыс қызметін жүзеге асыруын растайтын құжат болған жағдайда жаңа және (немесе) бар объектілерді (ғимараттарды, құрылысжайларды және олардың кешендерін, коммуникацияларды) салуды (оның ішінде кеңейту, жаңғырту, техникалық жаңарту, реконструкциялау, реставрациялау, күрделі жөндеу);

тауарды, шикізатты және/немесе материалдарды үлестес/байланысты тұлға өндірген жағдайда осындай үлестес/байланысты тұлғалардан тауарларды, шикізатты және/немесе материалдарды сатып алуды қоспағанда, үлестес/байланысты тұлғалардан, жылжымайтын мүлік объектілері түріндегі негізгі құралдарды, тауарларды, активтерді, жұмыстар мен көрсетілетін қызметтерді сатып алуға бағытталған;

9) жеңіл автомобильдерді (шанағы немесе кабинадан оқшауланған жүк платформасы бар жүктерді тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалға алу және лизинг" бойынша жеңіл автомобильдерді жалға алуға және лизингке беруге (1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін жалға және лизингке беруді қоспағанда) бағытталған;

10) мектепке дейінгі білім беру немесе бүлдіршін жастағы балаларға білім беру жағдайларын қоспағанда (ЭҚЖЖ кодтары 85.10 "Мектепке дейінгі білім беру" және 88.91 "Балаларға жасалатын күндізгі күтім"), сондай-ақ нысаналы мақсаты бизнес-мақсаттарға (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін жалға/қосалқы жалға беруді қоспағанда) қаржы агенттігінің уәкілетті органының бірінші шешімі шыққан күннен бастап бір жыл ішінде өзгерген кезде жылжымайтын мүлікпен операцияларды жүзеге асыру (апартаменттерді, пәтерлерді және тұрғын үйлерді, жеке тұрғын үй құрылысы бойынша жер учаскелерін сатып алу/жалға алу/қосалқы жалдау (осы Кепілдік беру қағидаларында белгіленген мерзім өткеннен кейін қаржы агенттігінің уәкілетті органының шешімі негізінде 1 (бір) қаржы жылынан аспайтын қосымша мерзім беруге жол беріледі);

11) бұрын субсидия және/немесе кепілдік алған, дайын және пайдалануға берілген/қолданыстағы жобаны сатып алынатын жобаның 20 %-ынан қосымша жаңғыртпай сатып алуға бағытталған;

12) салықтық міндеттемелерді, зейнетақы аударымдарымен әлеуметтік аударымдарды, кедендік төлемдер мен алымдарды төлеуге бағытталған кредиттерге/қаржылық лизингке кепілдік берілмейді.

14. Осы Кепілдік беру қағидаларын іске асыру шеңберінде:

1) моторлы көлік құралдарын және Қазақстан Республикасының заңнамасына сәйкес дәрілік зат ретінде тіркелген, құрамында спирті бар медициналық мақсаттағы өнімдерді (бальзамдардан басқа) шығаруды көздейтін жобаларды қоспағанда, акцизделетін тауарларды/өнімдерді шығаруды жүзеге асыратын кәсіпкерлер;

2) қиыршық тасты және құмды карьерлерді игеруге жобаларын қоспағанда, тау-кен өндіру өнеркәсібіндегі және карьерлерді игерудегі жобаны іске асыруды жоспарлайтын кәсіпкерлер;

3) акцияларының (жарғылық капиталға қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі кәсіпкерлер;

4) меншік нысаны "Коммерциялық емес ұйымдар туралы" Қазақстан Республикасы Заңының 10-бабына сәйкес жекеше мекеме ретінде ресімделген кәсіпкерлер;

5) Кодекстің 24-бабының 4-тармағында көрсетілген қызмет түрлері бойынша іске асырылатын кәсіпкерлердің жобалары (осы тармақша 2020 жылғы 20 сәуірден бастап туындаған қатынастарға қолданылады);

6) кредит/қаржылық лизинг есебінен актив сатып алынған тұлғаға оны сатуды/сыйға тартуды/сенімгерлік басқаруға/жалға/өтеусіз пайдалануға беруді жүзеге асырған және/немесе жүзеге асыруды жоспарлаған кәсіпкерлер, оның ішінде осы тұлғаға қосылу немесе осы тұлғамен бірігу нысанында кәсіпкер кәсіпорнын қайта ұйымдастыруды жүргізетін және/немесе болашақта жоспарлайтын кәсіпкерлер;

7) жеке кәсіпкерлік субъектісі ретінде қызметін тоқтатқан немесе тоқтатып қойған кәсіпкерлер қатысушылар болып табылмайды.

15. Осы Кепілдік беру қағидалары шеңберінде алынған кредиттер/қаржылық лизинг бойынша кәсіпкер өнім берушілермен, мердігерлермен, өзге де контрагенттермен қолма-қол ақшасыз төлем нысанында есеп айырысады.

16. Банктер/лизинг компаниялар:

1) кәсіпкерлер бастамасымен кредит беру/қаржылық лизинг шарттарының өзгеруіне байланысты;

2) кәсіпкердің кредит/қаржылық лизинг бойынша міндеттемелерін бұзуына байланысты алынатын;

4) есеп айырысу-кассалық қызмет көрсету бойынша төлемдерді қоспағанда, кредитке/қаржылық лизинке, оның ішінде "жасыл" жобаны іске асыру үшін берілген кредитке байланысты қандай да бір комиссиялар, алымдар және/немесе өзге де төлемдер алмайды.

17. Кепілдіктердің мөлшері кәсіпкерлік түріне және жоба шеңберіндегі кредит/қаржылық лизингі сомасына байланысты болады.

Кепілдік берілетін кәсіпкердің кредиті/қаржылық лизингі ұлттық валютада беріледі.

18. Кәсіпкерлік жөніндегі уәкілетті орган/өңірлік үйлестірушісі қаржы агенттігіне төлейтін кепілдіктің құны кепілдік сомасының 15 %-ын құрайды. Шығарылған кепілдіктердің құнынан алынған қаражат кейінге қалдырылған табыс ретінде есепке алынады және шығарылған кепілдіктің қолданылу мерзімі ішінде ай сайын амортизацияланады.

Кепілдік шартының қолданысы мерзімінен бұрын тоқтатылған кезде сома кейіннен жобаларға кепілдік беру үшін пайдаланылады.

Босаған қаражат есебінен кепілдік беру көлемі кепілдік шарттарының қолданысын мерзімінен бұрын тоқтату есебінен қалыптастырылған босаған қаражат көлемінің 5-ке (100 %/20 %) тең мультипликаторға көбейтіндісіне тең.

Бұл ретте "Шағын және орта кәсіпкерлікті қолдау", "Шағын, орта және ірі кәсіпкерлікті қолдау", "Моно- және шағын қалаларда, ауылдық елді мекендерде кәсіпкерлікті қолдау" бағыттары шеңберінде осы Кепілдік беру қағидаларының 31-тармағының 5) тармақшасына, 38-тармағының 3) тармақшасына, 45-тармағының 5) тармақшасына сәйкес кепілдіктердің жиынтық сомасы 500 (бес жүз) миллион теңгеден асқан кезде кәсіпкердің кепілдік құнын төлеуі көзделген.

Қаржы агенттігі алынған қаражатты қаржы жылы аяқталғаннан кейін әртүрлі қаржы құралдарына орналастырады. Қаржы жылы аяқталғаннан кейін, 10 қаңтардан кешіктірмей, қаржы агенттігі кәсіпкерлік жөніндегі уәкілетті органға нысаналы трансферттер сомаларының игерілуі бойынша салыстыру актісін ұсынады. Кәсіпкерлік жөніндегі уәкілетті орган салыстыру актісіне қол қойғаннан кейін қаржы агенттігі 5 (бес) жұмыс күні ішінде қаражат қалдығын екінші деңгейдегі банкте ашылған өз шотына аударады (осы тармақ 2022 жылғы 1 қаңтардан бастап туындаған қатынастарға қолданылады).

Қаржы агенттігі кепілдік шартынан туындайтын кредиттік шарт/қаржылық лизинг шарты бойынша негізгі борыштың бір бөлігін кепілдік сомасы шегінде төлеу жөніндегі кәсіпкердің банк/лизинг компаниясы алдындағы міндеттемелерін орындау үшін арнайы шоттағы қаражатты пайдаланады. Ол үшін қаржы агенттігі қаржы жылы аяқталғаннан кейін нысаналы трансферттер қаражатының қалдығын арнайы шотта сақтайды.

Қаржы агенттігі кепілдік шарттарының қолданысын мерзімінен бұрын тоқтату есебінен босаған қаражат болған кезде осы Кепілдік беру қағидаларын іске асыру шеңберінде жобаларға кепілдік беруді қайта бастайды.

19. Қаржы агенттігі төлеген банк/лизинг компаниясы талаптарының көлемі қаржы агенттігінің кепілдігі бойынша қалыптастырылған кредиттік портфель көлемінің (берешек қалдығының) 10 %-ы шегінен асқан кезде мұндай банктің/лизинг компаниясының кредиттері/қаржылық лизинг шарттары бойынша одан әрі кепілдік беру тоқтатыла тұрады.

20. Қаржы агенттігінің шешімі негізінде кредиттер/қаржылық лизинг бойынша қамтамасыз ету ретінде берілетін мүлікті сақтандыруға жол беріледі.

21. Қаржы агенттігінің шешімі негізінде кәсіпкерден үлестес және байланысты заңды және жеке тұлғалардың кепілдіктерін ұсынуға жол беріледі.

22. Қаржы агенттігінің осы Кепілдік беру қағидаларының шарттарына сәйкес қаржы агенттігі мен банк арасында екіжақты негіздемелік келісім жасасу арқылы кепілдіктердің ең жоғары сомасын белгілей отырып, портфельдік кепілдік беру әдісін қолдануына жол беріледі. Қаржы агенттігі банкті өзі таңдайды.

Портфельдік кепілдік беру шеңберінде қаржы агенттігі банкке осы Кепілдік беру қағидаларының шарттарына және негіздемелік келісімде көрсетілген шарттарға сәйкес кәсіпкерлердің жобаларына кредит беру құқығын береді.

Банктер жобаны таңдағаннан кейін кепілдік шартын қол қою үшін қаржы агенттігіне ұсынады. Мәлімделген жоба осы Кепілдік беру қағидаларының және жасалған негіздемелік келісімнің шарттарына сәйкес келмеген жағдайда қаржы агенттігі кепілдік шартына қол қоюдан бас тарта алады.

23. Кепілдік шарты жасалатын кредит/қаржылық лизинг дербес кредиттік шарт/қаржылық лизинг шарты түрінде ресімделеді.

24. Қаржы агенттігі жарнамалау науқанын жүргізеді және өзінің ресми интернет-ресурсында нысаналы аудиторияны осы Кепілдік беру қағидалары шеңберінде кредиттер/қаржылық лизинг бойынша кепілдік беру шарттары туралы хабардар етеді.

25. Мынадай:

1) жоба экономикалық тұрғыдан орынсыз және тиімсіз болған;

2) жоба осы Кепілдік беру қағидаларының шарттарына сәйкес келмеген;

3) әлеуетті қатысушы мен онымен үлестес заңды және жеке тұлғалардың кредиттік тарихы теріс болған жағдайларда қаржы агенттігі кепілдік беруден бас тарта алады.

2-тарау. Кредиттер/қаржылық лизинг бойынша кепілдік беру тәртібі

1-параграф. "Шағын және орта кәсіпкерлікті қолдау" бағыты бойынша кепілдік беру шарттары

26. Осы Кепілдік беру қағидаларына 1-қосымшаға сәйкес экономикалық қызметтің басым түрлерінде өз жобаларын және тиімді жобаларды іске асыратын және/немесе іске асыруды жоспарлап отырған кәсіпкерлер тіркелген жеріне қарамай "Шағын және орта кәсіпкерлікті қолдау" бағыты бойынша кепілдік беруге қатысушылар болып табылады.

Бұл ретте осы Кепілдік беру қағидаларының шарттарына сәйкес келген жағдайда Қазақстан Республикасы Ұлттық қорының, облыс, астана, республикалық маңызы бар қалалардың жергілікті атқарушы органының, қаржы агенттігінің қаражаты және басқа да көздер есебінен іске асырылатын бағдарламалар шеңберінде банктер/лизинг компаниялар арқылы мемлекеттік қаржылай қолдау алатын кәсіпкерлердің кепілдік беруге қатысуына жол беріледі.

Қоршаған ортаны қорғау саласындағы уәкілетті орган әзірлейтін және қаулымен бекітілген "жасыл" жобалардың әдістемесіне (таксономиясына) сәйкес "жасыл" жобаларды іске асыратын және (немесе) іске асыруды жоспарлап отырған кәсіпкерлер де қатысушылар болып табылады. Бұл ретте "жасыл" жобаларды іске асыру үшін берілген, айналым қаражатын толықтыруға арналған кредиттер негізгі құралдарды сатып алу және (немесе) жаңғырту, және (немесе) өндірісті кеңейту шеңберінде кредиттеу жүзеге асырылған жағдайда, бірақ кредит сомасының 20 %-ынан аспайтын мөлшерде кепілдік беріледі.

Мына:

Мынадай салаларға сәйкес кәсіпкерлердің жобаларына қолдау көрсетіледі:

астанадағы, республикалық маңызы бар қалалардағы жобаларды қоспағанда, ЭҚЖЖ 68.20.4 "Сауда мақсатындағы жеке меншік жылжымайтын мүлігін және сауда қызметіндегі көпфункционалды кешендерді жалдау және басқару";

астанадағы, республикалық маңызы бар қалалардағы жобаларды қоспағанда, ЭҚЖЖ 68.20.5 "Сауда мақсатындағы жалға алынатын жылжымайтын мүлікті және сауда қызметінде жалға алынған көпфункционалды кешендерді жалдау (қосалқы жалдау) және басқару".

Осы тармақтың шарттарына сәйкес келетін жобалар бойынша:

сауда жабдығын сатып алуға;

сомасы 1,5 миллиард теңгеден аспайтын бір бизнес-жоба шеңберінде бір өңірде орналасқан екі немесе одан көп объектіні өткізуге жол беріледі. Бұл ретте екі және одан көп жобаны бір объект ретінде (физикалық немесе технологиялық тұрғыдан тығыз байланысқан біртұтас ғимарат/құрылыс/объект болып табылады) қаржыландыруға жол берілмейді.

Қазақстан Республикасының СТ 3836 "Қазақстанда жасалған" таңбалау белгісі. Техникалық талаптар" және және ҚР СТ 3837 "Қазақстанда жасалған" белгісін қолдану тәртібі" ұлттық стандарттарының талаптарына сәйкес "Қазақстанда жасалған" деген таңбасы бар отандық өндірістің тамақ өнімдерін сауда алаңында және (немесе) жалпы сауда алаңының және (немесе) сөре кеңістігінің кемінде жиырма пайызын құрайтын сауда алаңында, және (немесе) сөре кеңістігінде өткізу үшін қосымша орналастыруды қамтамасыз ету;

объектінің аумағында азық-түлік тауарларын, оның ішінде әлеуметтік маңызы бар тауарларын өткізу;

27. Ішінара кепілдік инвестициялық тиімді жаңа жобаларды, сондай-ақ өндірісті жаңғыртуға, кеңейтуге, айналым қаражатын толықтыруға және франчайзингке бағытталған жобаларды іске асыру үшін берілетін жаңа кредиттер/қаржылық лизинг шарттары бойынша беріледі.

Инвестициялық тиімді жаңа жобалар (оның ішінде "жасыл" жобалар), сондай-ақ өндірісті жаңғыртуға, кеңейтуге, франчайзингке бағытталған жобалар/"жасыл" жобалар деп қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайтуды көздейтін жобалары түсініледі.

Кәсіпкер қаржы агенттігі шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюын да растайды.

"Жасыл" жобаларды іске асыруға арналған кредиттер бойынша кепілдіктер беру іске асырылатын жобаның қаржы агенттігі шешім қабылдаған күннен бастап 2 (екі) қаржы жылынан кейін шекті мәнге ("жасыл" таксономия кіші секторы бойынша шекті өлшемшарт болған кезде) қол жеткізуін көздейді (осы өлшемшартты орындау мерзімін ұзарту сыртқы бағалаумен айқындалған себептер болған кезде қаржы агенттігінің шешімі негізінде жүзеге асырылады).

100 %-ы айналым қаражатын толықтыруға және/немесе жобалар шеңберінде ағымдағы міндеттемелерді қайта қаржыландыруға бағытталған кредиттерге тиімділік өлшемшарттарына қол жеткізу туралы талаптар қолданылмайды.

28. Тиімді инвестициялық жобаларды, сондай-ақ өндірісті жаңғыртуға және кеңейтуге, айналым қаражатын толықтыруға, франчайзингке, оның ішінде ағымдағы міндеттемелерді қайта қаржыландыруға бағытталған жобаларды іске асыруға банктер/лизинг компаниялары беретін кредиттер/қаржылық лизинг бойынша ішінара кепілдік беріледі.

29. Кодекстің 24-бабының 4-тармағында көрсетілген қызмет түрлері бойынша іске асырылатын кәсіпкердің жобаларын қоспағанда, мемлекеттік-жекешелік әріптестік туралы шарт шеңберінде жобаларды салалық шектеулерсіз іске асыру үшін берілетін кредиттер/қаржылық лизинг кепілдік бойынша да кепілдік беріледі (осы тармақ 2020 жылғы 20 сәуірден бастап туындаған қатынастарға қолданылады).

30. Банк/лизинг компаниясы кәсіпкердің жобасы бойынша шешім қабылдаған күні 5 (бес) пайыздық тармаққа ұлғайтылған, номиналды сыйақы мөлшерлемесі Қазақстан Республикасы Ұлттық Банкінің базалық мөлшерлемесінен аспайтын банктің/лизинг компаниясының кредиттері/қаржылық лизинг шарттары бойынша кепілдік беру жүзеге асырылады.

31. Жұмыс істеп тұрған кәсіпкерлер үшін кепілдік беру шарттары:

1) кепілдік беру жүзеге асырылатын жоба шеңберіндегі кредит (-тер) сомасы 1,5 миллиард теңгеден аспайды.

Кепілдік беру жүзеге асырылатын қаржылық лизинг сомасы 500 (бес жүз) миллион теңгеден аспайды.

Бұл ретте жоба шеңберіндегі кредит (-тер)/қаржылық лизинг сомасы кәсіпкер үшін онымен үлестес/байланысты тұлғалардың кредиті (-тері)/қаржылық лизингі бойынша берешегі ескеріле отырып есептеледі;

2) кепілдіктің(-тердің) ең жоғары мөлшері 1,5 миллиард теңгеге дейін қоса алғандағы кредит сомасының 50 %-на дейін 750 (жеті жүз елу) миллион теңгеден аспайды.

Бұл ретте кәсіпкер берілетін кепілдіктерге қарай кепілдік құны кемінде 50 %-ы мөлшеріндегі кредит бойынша қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктестерінің жарғылық капиталына қатысу үлестерінің кепілі ескерілмейді).

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/ қатысушылардың /акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

5) кепілдік құны:

кепілдіктердің жиынтық сомасы 500 (бес жүз) миллион теңгеден аспаған кезде – кепілдік сомасының 15 %-ын кәсіпкерлік жөніндегі уәкілетті орган/ өңірлік үйлестіруші төлейді;

кепілдіктің жиынтық сомасы 500 (бес жүз) миллион теңгеден асқан кезде кәсіпкер қаржы агенттігіне комиссия төлейді, оның мөлшері қаржы агенттігінің уәкілетті органы бекітетін ішкі нормативтік құжаттармен айқындалады. Жаңадан берілетін кепілдік бойынша кепілдіктердің жиынтық сомасы 500 (бес жүз) миллион теңгеден асқан кезде комиссияны кәсіпкер берілетін кепілдік сомасына төлейді. Бұл ретте кәсіпкер комиссияны кепілдік шартына қол қойылған күннен кешіктірмей, кепілдік шартының қолданылу мерзімі аяқталғанға дейін берілген кепілдік сомасының қалдығынан жыл сайын бір рет төлейді. Қаржы агенттігінің шешімі негізінде кәсіпкер төлеген комиссияны қайтаруға және/немесе комиссия бойынша төлемді кейінге қалдыруды ұсынуға болады. Кәсіпкер кепілдік шартының барлық қолданылу кезеңі үшін қаржы агенттігіне жыл сайынғы комиссияны толық көлемде бір рет төлей алады. Қаржы агенттігі кәсіпкерге есептеген кепілдік құнын банк/лизинг компаниясы кәсіпкер үшін қаржы агенттігіне біржолғы немесе жыл сайынғы негізде төлеуге құқылы. Қолжетімділік кезеңі болған кезде жаңартылатын кредиттік желі бойынша комиссия жаңартылатын кредиттік желінің жалпы сомасынан есептеледі. Кәсіпкер тарапынан комиссияға ақы төлеу жөніндегі шарттар орындалмаған жағдайда қаржы агенттігі кепілдіктің күшін жояды.

Ішінара кепілдік беру:

1) кредит негізгі құралдарды сатып алуға және (немесе) жаңғыртуға және (немесе) айналым қаражатының мөлшері кредит сомасының 30 %-ынан аспайтын өндірісті кеңейтуге бағытталған;

2) жоба шеңберіндегі кредит 100 % мөлшерде айналым қаражатын толықтыруға бағытталған (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды жүргізуді және өтініш берушінің негізгі қызметті жүзеге асыруына, осы Кепілдік беру қағидаларының 13-тармағының 12) тармақшасына сәйкес салықтарды төлеуіне байланысты емес өзге мақсаттарды қоспағанда);

3) жоба шеңберіндегі кредит 100 % мөлшерде жылдық 8 %-дан аспайтын мөлшерлеме бойынша Шағын және орта кәсіпкерлік субъектілерін жеңілдікті кредиттеу бағдарламасы бойынша айналым қаражатын толықтыруға бағытталған (бұл ретте берілетін кепілдік мерзімі кредит мерзімінен аспайды) жағдайларда айналым қаражатын 500 (бес жүз) миллион теңгеден аспайтын кредит сомасына толықтыруға арналған кредиттер бойынша жүзеге асырылады.

32. Кәсіпкер 500 (бес жүз) миллион теңгеден асатын сомадағы кредиттер бойынша жобаны іске асыру үшін өз қаражатының жалпы құнның кемінде 10 %-ы мөлшерінде жобаны іске асыруға қатысуын (ақшамен, жылжымалы/жылжымайтын мүлкімен) қамтамасыз етеді.

33. Ісін жаңа бастаған кәсіпкер үшін кепілдік беру шарттары:

1) кепілдік беру жүзеге асырылатын жоба шеңберіндегі кредит (-тер) сомасы 360 (үш жүз алпыс) миллион теңгеден аспайды.

Кепілдік беру жүзеге асырылатын қаржылық лизинг сомасы 360 (үш жүз алпыс) миллион теңгеден аспайды.

2) кепілдіктің(-тердің) ең жоғары мөлшері кредит сомасының 85 %-ына дейін қоса алғанда 306 (үш жүз алты) миллион теңгеден аспайды.

Бұл ретте кәсіпкер берілетін кепілдікке қарай кепілдік құнының кемінде 15 %-ын мөлшерінде кредит бойынша қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктерінің жарғылық капиталына қатысу үлестерінің кепілі ескерілмейді);

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/қатысушылардың /акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

5) кепілдік құны – кепілдік сомасының 15 %-ын кәсіпкерлік жөніндегі уәкілетті орган/өңірлік үйлестіруші төлейді.

Ісін жаңа бастаған кәсіпкерлердің кредит сомасының 50 %-ына дейінгі кепілдік мөлшеріндегі кредиттеріне кепілдік беру кәсіпкер осы Кепілдік беру қағидаларындағы ісін жаңа бастаған кәсіпкер ұғымына сәйкес келмеген жағдайда осы Кепілдік беру қағидаларына 31-тармақтың талаптарында жүзеге асырылады.

2-параграф. "Шағын, орта және ірі кәсіпкерлікті қолдау" бағыты бойынша кепілдік беру шарттары

34. Осы Кепілдік беру қағидаларына 2-қосымшаға сәйкес экономикалық қызметтің басым түрлерінде өз жобаларын және тиімді жобаларды іске асыратын және/немесе іске асыруды жоспарлап отырған кәсіпкерлер кәсіпкердің тіркелген жеріне қарамай "Шағын, орта және ірі кәсіпкерлікті қолдау" бағыты бойынша кепілдік беруге қатысушылар болып табылады.

Бұл ретте осы Кепілдік беру қағидаларының шарттарына сәйкес келген жағдайда Қазақстан Республикасы Ұлттық қорының, облыс, астана, республикалық маңызы бар қалалардың жергілікті атқарушы органымен, қаржы агенттігінің және басқа да көздердің қаражаты есебінен іске асырылатын бағдарламалар шеңберінде банктер/лизинг компаниялар арқылы мемлекеттік қаржылай қолдау алатын кәсіпкерлердің кепілдік беруге қатысуына жол жіберіледі.

Осы бағыт шеңберінде:

2) "Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар және микроқаржылық қызметті жүзеге асыратын ұйымдар қызметінің мақсаттары үшін офшорлық аймақтардың тізбесін белгілеу туралы" Қазақстан Республикасының Қаржы нарығын реттеу және дамыту агенттігі басқармасының 2020 жылғы 24 ақпандағы № 8 қаулысында (нормативтік құқықтық актілерді мемлекеттік тіркеу тізілімінде № 20095 болып тіркелген) көрсетілген офшорлық аймақтарда тіркелген, сондай-ақ қатысушылары және (немесе) акционерлері офшорлық аймақтарда тіркелген кәсіпкерлердің жобалары бойынша кредиттері/лизинг мәмілелері бойынша кепілдік берілмейді.

35. Ішінара кепілдік инвестициялық тиімді жаңа жобаларды, сондай-ақ өндірісті жаңғыртуға, кеңейтуге, айналым қаражатын толықтыруға (оның ішінде жаңартылатын негізде) және франчайзингке бағытталған жобаларды іске асыру үшін берілетін жаңа кредиттер/қаржылық лизинг шарттары бойынша беріледі.

Мыналар:

қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайту көзделген жобалары инвестициялық тиімді жаңа жобалар, сондай-ақ өндірісті жаңғыртуға, кеңейтуге және франчайзингке бағытталған жобалар деп түсініледі.

Кәсіпкер салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде қаржы агенттігі шешім қабылдаған күннен бастап 2 (екі) қаржы жылынан кейін жұмыс орындарын сақтап еңбекақы төлеу қорының немесе жұмыс орындарының орташа жылдық санының 10 %-ға ұлғаятынында растайды.

Жобаларынын сомасы 3 (үш) миллиард теңгеден асатын шағын кәсіпкерлік субъектісі 3 (үш) қаржы жылы өткеннен кейін Кодекске сәйкес орта кәсіпкерлік субъектісі санатына өтуін растайды.

Бұл ретте жоғарыда көрсетілген көрсеткіштерді кепілдік түрінде тікелей қолдау алған/алатын кәсіпкер растайды.

36. Тиімді инвестициялық жобаларды, сондай-ақ өндірісті жаңғыртуға және кеңейтуге, айналым қаражатын толықтыруға, франчайзингке, оның ішінде ағымдағы міндеттемелерді қайта қаржыландыруға бағытталған жобаларды іске асыруға банктер/лизинг компаниялары беретін кредиттер/қаржылық лизинг бойынша ішінара кепілдік беріледі.

37. Банк/лизинг компаниясы шешім қабылдаған күні номиналды сыйақы мөлшерлемесі Қазақстан Республикасының Ұлттық Банкі белгілеген базалық мөлшерлемеден аспайтын және 5 %-дық тармаққа ұлғайтылған банктің/лизинг компаниясының кредиттеріне/қаржылық лизинг шарттарына кепілдік беріледі.

38. Жұмыс істеп тұрған кәсіпкерлер үшін кепілдік беру шарттары:

1) кепілдік беру жүзеге асырылатын жоба шеңберіндегі кредит (-тер) сомасы 3,5 миллиард теңгеден аспайды.

Кепілдік беру жүзеге асырылатын қаржылық лизинг сомасы 1 (бір) миллиард теңгеден аспайды.

Бұл ретте жоба шеңберіндегі кредит (-тер)/қаржылық лизинг сомасы кәсіпкер үшін онымен үлестес/байланысты тұлғалардың кредиті (-тері)/қаржылық лизинг бойынша берешегі ескеріле отырып есептеледі;

2) кепілдіктің ең жоғары мөлшері 3,5 миллиард теңгені қоса алғандағы кредит сомасының 50 %-на дейін 1,75 миллиард теңгеден аспайды.

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың /қатысушылардың /акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік құны:

кепілдіктердің жиынтық сомасы 500 (бес жүз) миллион теңгеден аспаған кезде – кепілдік сомасының 15 %-ын кәсіпкерлік жөніндегі уәкілетті орган/өңірлік үйлестіруші төлейді;

кепілдіктің жиынтық сомасы 500 (бес жүз) миллион теңгеден асқан кезде кәсіпкер қаржы агенттігіне комиссия төлейді, оның мөлшері қаржы агенттігінің уәкілетті органы бекітетін ішкі нормативтік құжаттармен айқындалады. Жаңадан берілетін кепілдік бойынша кепілдіктердің жиынтық сомасы 500 (бес жүз) миллион теңгеден асқан кезде комиссияны кәсіпкер берілетін кепілдік сомасына төлейді. Бұл ретте кәсіпкер комиссияны кепілдік шартына қол қойылған күннен кешіктірмей, кепілдік шартының қолданылу мерзімі аяқталғанға дейін берілген кепілдік сомасының қалдығынан жыл сайын бір рет төлейді. Қаржы агенттігінің шешімі негізінде кәсіпкер төлеген комиссияны қайтаруға және/немесе комиссия бойынша төлемді кейінге қалдыруды ұсынуға болады. Кәсіпкер кепілдік шартының барлық қолданылу кезеңі үшін қаржы агенттігіне жыл сайынғы комиссияны толық көлемде бір рет төлей алады. Қаржы агенттігі кәсіпкерге есептеген кепілдік құнын банк/лизинг компания кәсіпкер үшін қаржы агенттігіне біржолғы немесе жыл сайынғы негізде төлеуге құқылы. Қолжетімділік кезеңі болған кезде жаңартылатын кредиттік желі бойынша комиссия жаңартылатын кредиттік желінің жалпы сомасынан есептеледі. Кәсіпкер тарапынан комиссияға ақы төлеу жөніндегі шарттар орындалмаған жағдайда қаржы агенттігі кепілдіктің күшін жояды;

4) кепілдік берілетін мерзім – кредит мерзімінен артық емес;

5) кредит/қаржылық лизинг шартының валютасы – теңге.

Бұл ретте кредит бойынша қамтамасыз етудегі айырманы (кепіл құнын) кәсіпкер жабады. Қамтамасыз ету мөлшерінің жеткіліктілігін есептеу кезінде талап ету құқығының кепілі мен шаруашылық серіктестіктерінің жарғылық капиталындағы қатысу үлестерінің кепілі ескерілмейді.

39. Ішінара кепілдік беру мынадай жағдайларда айналым қаражатын 1 (бір) миллиард теңгеден аспайтын кредит сомасына толықтыруға арналған кредиттер бойынша жүзеге асырылады:

1) кредит негізгі құралдарды сатып алуға және (немесе) жаңғыртуға және (немесе) айналым қаражатының мөлшері кредит сомасының 50 %-нан аспайтын өндірісті кеңейтуге бағытталған (егер кредиттің мөлшері жобаның жалпы кредиттелетін сомасының 50 %-нан аспаса, 100 %-ы айналым қаражатын толықтыруға бағытталған кредитке кепілдік беруге жол беріледі);

2) жоба шеңберіндегі 100 % мөлшеріндегі кредит айналым қаражатын толықтыруға бағытталған (кредиттерге немесе лизинг шарттарына қызмет көрсету бойынша ағымдағы төлемдер бойынша есеп айырысуды және өтініш берушінің негізгі қызметті жүзеге асыруына, осы Кепілдік беру қағидаларының 13-тармағының 12) тармақшасына сәйкес салықтар төлеуіне байланысты емес өзгеде мақсаттарды қоспағанда).

40. Кәсіпкер 500 (бес жүз) миллион теңгеден асатын сомадағы кредиттер бойынша жобаны іске асыру үшін өз қаражатының жалпы құнның кемінде 10 %-ы мөлшерінде жобаны іске асыруға қатысуын (ақшамен, жылжымалы/жылжымайтын мүлкімен) қамтамасыз етеді.

3-параграф. "Моно- және шағын қалаларда, ауылдық елді мекендерде кәсіпкерлікті қолдау" бағыты бойынша кепілдік беру шарттары

41. Өздерінің және тиімді жобаларды іске асыратын және/немесе іске асыруды жоспарлайтын шағын және орта кәсіпкерлік субъектілері "Моно- және шағын қалаларда, ауылдық елді мекендерде кәсіпкерлікті қолдау" бағыты бойынша кепілдік беруге қатысушылар болып табылады. Республикалық маңызы бар қалаларды/облыс орталықтарын қоспағанда, елді мекендерде, оның ішінде моно- және шағын қалаларда, ауылдық елді мекендерде іске асырылатын жобалар іске асырылатын орны мен кәсіпкердің тіркелген жері ескеріліп, салалық шектеусіз жүзеге асырылады.

Осы Кепілдік беру қағидаларының шарттарына сәйкес келген жағдайда Қазақстан Республикасы Ұлттық қорының, облыстың, астананың, республикалық маңызы бар қалалардың жергілікті атқарушы органы, қаржы агенттігінің және басқа да көздердің қаражаты есебінен іске асырылатын бағдарламалар шеңберінде банктер/лизинг компаниялар арқылы мемлекеттік қаржылай қолдау алатын кәсіпкерлердің кепілдік беруге қатысуына жол беріледі.

Қоршаған ортаны қорғау саласындағы уәкілетті орган әзірлейтін және қаулымен бекітілетін "жасыл" жобалардың жіктемесіне (таксономиясына) сәйкес "жасыл" жобаларды іске асыратын және (немесе) іске асыруды жоспарлап отырған кәсіпкерлер де қатысушылар болып табылады. Бұл ретте "жасыл" жобаларды іске асыру үшін берілген, айналым қаражатын толықтыруға арналған кредиттер негізгі құралдарды сатып алу және (немесе) жаңғырту және (немесе) өндірісті кеңейту шеңберінде, бірақ кредит сомасының 20 %-ынан аспайтын мөлшерде жүзеге асырылады.

42. Ішінара кепілдік жаңа тиімді инвестициялық жобаларды, сондай-ақ өндірісті жаңғыртуға, кеңейтуге, айналым қаражатын толықтыруға және франчайзингке бағытталған жобаларды іске асыру үшін берілетін жаңа кредиттер/қаржылық лизинг шарттары бойынша беріледі.

Жаңа тиімді инвестициялық жобалар (оның ішінде "жасыл" жобалар), сондай-ақ өндірісті жаңғыртуға, кеңейтуге, франчайзингке бағытталған жобалар деп қаржы агенттігі шешім қабылдаған күннен бастап 2 (екі) қаржы жылынан кейін кәсіпкерлердің төленетін салықтарды (корпоративтік табыс салығын/жеке табыс салығын) міндетті түрде 10 %-ға ұлғайтуды көздейтін жобалары түсініледі.

Кәсіпкер қаржы агенттігі шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарын сақтай отырып, еңбекақы төлеу қорының немесе жұмыс орындарының орташа жылдық санының 10 %-ға ұлғаюын да растайды.

43. Тиімді инвестициялық жобаларды, сондай-ақ өндірісті жаңғыртуға және кеңейтуге, айналым қаражатын толықтыруға, франчайзингке, оның ішінде ағымдағы міндеттемелерді қайта қаржыландыруға бағытталған жобаларды іске асыруға банктер/лизинг компаниялар беретін кредиттер/қаржылық лизинг бойынша ішінара кепілдік беріледі.

44. Банк/лизинг компаниясы кәсіпкердің жобасы бойынша шешім қабылдаған күні 5 (бес) пайыздық тармаққа ұлғайтылған, номиналды сыйақы мөлшерлемесі Қазақстан Республикасы Ұлттық Банкінің базалық мөлшерлемесінен аспайтын банктің/лизинг компаниясының кредиттері/қаржылық лизинг шарттары бойынша кепілдік беру жүзеге асырылады.

45. Жұмыс істеп тұрған кәсіпкерлер үшін кепілдік беру шарттары:

1) кепілдік беру жүзеге асырылатын жоба шеңберіндегі кредит (-тер) сомасы 1,5 миллиард теңгеден аспайды.

Кепілдік беру жүзеге асырылатын қаржылық лизинг сомасы 1 (бір) қарыз алушыға 500 (бес жүз) миллион теңгеден аспайды.

2) кепілдіктің ең жоғары мөлшері қоса алғанда 1,5 миллиард теңгеге дейінгі кредит сомасының 50 %-на дейін 750 (жеті жүз елу) миллион теңгеден аспайды.

Бұл ретте кәсіпкер берілетін кепілдікке қарай кредит бойынша кепілдік құны кемінде 50 % мөлшерінде қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктерінің жарғылық капиталына қатысу үлестерінің кепілі ескерілмейді).

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/ қатысушылардың/ акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

5) кепілдік құны:

кепілдіктің жиынтық сомасы 500 (бес жүз) миллион теңгеден асқан кезде кәсіпкер қаржы агенттігіне комиссия төлейді, оның мөлшері қаржы агенттігінің уәкілетті органы бекітетін ішкі нормативтік құжаттарымен айқындалады. Кепілдіктердің жиынтық сомасы 500 (бес жүз) миллион теңгеден асқан кезде жаңадан берілетін кепілдік бойынша комиссияны кәсіпкер берілетін кепілдік сомасына төлейді. Бұл ретте кәсіпкер комиссияны кепілдік шартына қол қойылған күннен кешіктірмей кепілдік шартының қолданылу мерзімі аяқталғанға дейін берілген кепілдік сомасының қалдығынан жыл сайын бір рет төлейді. Қаржы агенттігінің шешімі негізінде кәсіпкер төлеген комиссияны қайтаруға және/немесе комиссия бойынша төлемді кейінге қалдыруды ұсынуға болады. Кәсіпкер кепілдік шартының барлық қолданылу кезеңі үшін қаржы агенттігіне жыл сайынғы комиссияны толық көлемде бір рет төлей алады. Қаржы агенттігі кәсіпкерге есептеген кепілдік құнын банк/лизинг компаниясы кәсіпкер үшін қаржы агенттігіне біржолғы немесе жыл сайынғы негізде төлеуге құқылы. Қолжетімділік кезеңі болған кезде жаңартылатын кредиттік желі бойынша комиссия жаңартылатын кредиттік желінің жалпы сомасынан есептеледі. Кәсіпкер тарапынан комиссияға ақы төлеу жөніндегі шарттар орындалмаған жағдайда қаржы агенттігі кепілдіктің күшін жояды.

Ішінара кепілдік беру:

2) жоба шеңберіндегі кредит 100 % мөлшерде айналым қаражатын толықтыруға бағытталған (кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды жүргізуді және өтініш берушінің негізгі қызметті жүзеге асыруына, осы Кепілдік беру қағидаларының 13-тармағын 12) тармақшасына сәйкес салықтарды төлеуіне байланысты емес өзге мақсаттарды қоспағанда) жағдайларда айналым қаражатын 500 (бес жүз) миллион теңгеден аспайтын кредит сомасына толықтыруға арналған кредиттер бойынша жүзеге асырылады.

46. Ішінара кепілдік беру 500 (бес жүз) миллион теңгеден аспайтын кредит сомасына айналым қаражатын толықтыруға арналған кредиттер бойынша, бұл ретте сауда қызметі саласында бір кәсіпкерге – 100 (жүз) миллион теңгеден аспайтын сомаға жүзеге асырылады.

47. Кәсіпкер 500 (бес жүз) миллион теңгеден асатын сомадағы кредиттер бойынша жобаны іске асырудың жалпы құнының кемінде 10 %-ы мөлшерінде өз қаражатының жобаны іске асыруға қатысуын (ақшамен, жылжымалы/жылжымайтын мүлкімен) қамтамасыз етеді.

48. Ісін жаңа бастаған кәсіпкер үшін кепілдік беру шарттары мыналар:

Кепілдік беру жүзеге асырылатын қаржылық лизинг сомасы 360 (үш жүз алпыс) миллион теңгеден аспайды.

2) кепілдіктердің ең жоғары мөлшері кредит сомасының 85 %-на дейін, қоса алғанда 306 (үш жүз алты) миллион теңгеден аспайды.

Бұл ретте кәсіпкер берілетін кепілдікке қарай кредит бойынша кепілдік құны кемінде 15 % мөлшерінде қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктерінің жарғылық капиталына қатысу үлестерінің кепілі ескерілмейді).

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/ қатысушылардың/ акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

Ісін жаңа бастаған кәсіпкерлердің кредит сомасының 50 %-ына дейінгі кепілдік мөлшеріндегі кредиттеріне кепілдік беру кәсіпкер осы Кепілдік беру қағидаларындағы ісін жаңа бастаған кәсіпкер ұғымына сәйкес келмеген жағдайда осы Кепілдік беру қағидаларына 45-тармақтың талаптарында жүзеге асырылады.

4-параграф. "Әлеуметтік кәсіпкерлік субъектілерін қолдау" бағыты бойынша кепілдік беру шарттары

49. Кодекстің 232-1-бабында көзделген әлеуметтік кәсіпкерлік субъектілерін мемлекеттік қолдау салалық шектеусіз және жобаның тіркелген және іске асырылатын әсері есепке алынбай жүзеге асырылады.

Осы Кепілдік беру қағидаларының шарттарына сәйкес келген жағдайда Қазақстан Республикасы Ұлттық қорының, облыстың, астананың, республикалық маңызы бар қалалардың жергілікті атқарушы органының, қаржы агенттігінің және басқа да көздердің қаражаты есебінен іске асырылатын бағдарламалар шеңберінде банктер/лизинг компаниялар арқылы мемлекеттік қаржылай қолдау алатын кәсіпкерлердің кепілдік беруге қатысуына жол жіберіледі.

50. Кепілдік тиімді инвестициялық жобаларды, сондай-ақ өндірісті жаңғыртуға және кеңейтуге, айналым қаражатын толықтыруға, франчайзингке, оның ішінде ағымдағы міндеттемелерді қайта қаржыландыруға бағытталған жобаларды іске асыруға банктер/лизинг компаниялар беретін кредиттер/қаржылық лизинг бойынша беріледі.

51. Ішінара кепілдік беру:

инвестициялар (негізгі құралдарды сатып алу, құру және жаңғырту және (немесе) қолданыстағы бизнесті кеңейту);

айналым қаражатын толықтыру (кредиттерге қызмет көрсету бойынша ағымдағы төлемдерді төлеу бойынша есеп айырысу жүргізуді және әлеуметтік кәсіпкерлік субъектісінің негізгі қызметті жүзеге асыруына байланысты емес өзге де мақсаттарды қоспағанда) мақсаттарына әлеуметтік кәсіпкерлік шеңберінде берілетін кредиттер бойынша жүзеге асырылады.

52. Банктің әлеуметтік кәсіпкерлік субъектісінің жобасы бойынша шешім қабылдаған күнге Қазақстан Республикасының Ұлттық Банкі белгілеген базалық мөлшерлемеден аспайтын, 5 (бес) пайыздық тармаққа ұлғайтылған номиналды сыйақы мөлшерлемесі бар банктің кредиттері бойынша кепілдік беру жүзеге асырылады.

53. Жұмыс істеп тұрған кәсіпкерлер үшін кепілдік беру шарттары:

1) кепілдік беру жүзеге асырылатын жоба шеңберіндегі кредит (-тер) сомасы банктің кредиттері бойынша 1 (бір) миллиард теңгеден аспайды.

Кепілдік беру жүзеге асырылатын қаржылық лизинг сомасы 500 (бес жүз) миллион теңгеден аспайды.

2) кепілдіктердің ең жоғары мөлшері 500 (бес жүз) миллион теңгеден кредит сомасының 50 %-на дейін, қоса алғанда 1 (бір) миллиард теңгеден аспайды.

Бұл ретте кредит бойынша кәсіпкерлік субъектісі құны кредит сомасының кемінде 50 %-ы мөлшерінде қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктерінің жарғылық капиталына қатысу үлестерінің кепілі ескерілмейді).

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/ қатысушылардың/ акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

Кәсіпкер 500 (бес жүз) миллион теңгеден асатын сомадағы кредиттер бойынша жобаны іске асырудың жалпы құнының кемінде 10 %-ы мөлшерінде өз қаражатының (жылжитын/жылжымайтын мүлкі мен) жобаны іске асыруға қатысуын ақшамен қамтамасыз етеді.

54. Ішінара кепілдік беру:

2) жоба шеңберіндегі кредит 100 % мөлшерде айналым қаражатын толықтыруға бағытталған (барлық жерде бірдей кредиттерге немесе лизинг шарттарына қызмет көрсету бойынша ағымдағы төлемдерді төлеу бойынша есеп айырысуды жүргізуді және өтініш берушінің негізгі қызметті жүзеге асыруына, осы Кепілдік беру қағидаларының 13-тармағының 12) тармақшасына сәйкес салықтарды төлеуіне байланысты емес өзге мақсаттарды қоспағанда) жағдайларда айналым қаражатын 500 (бес жүз) миллион теңгеден аспайтын кредит сомасына толықтыруға арналған кредиттер бойынша жүзеге асырылады.

55. Ісін жаңа бастаған кәсіпкер үшін кепілдік беру шарттары:

Кепілдік беру жүзеге асырылатын қаржылық лизинг сомасы 360 (үш жүз алпыс) миллион теңгеден аспайды.

Бұл ретте жоба шеңберіндегі кредит (-тер)/қаржылық лизинг сомасы кәсіпкер үшін онымен үлестес/байланысты тұлғалардың кредиті (-тері)/қаржылық лизингі бойынша берешегін ескеріле отырып есептеледі;

2) кепілдіктің ең жоғары мөлшері кредит сомасының 85 %-ына дейін, қоса алғанда 306 (үш жүз алты) миллион теңгеден аспайды.

Бұл ретте кәсіпкер берілетін кепілдікке қарай кепіл сомасының кемінде 15 %-ы мөлшеріндегі кредит бойынша қамтамасыз етуді ұсынады (қамтамасыз ету мөлшерінің жеткіліктілігін есептегенде талап ету құқығының кепілі мен шаруашылық серіктестіктерінің жарғылық капиталына қатысу үлестерінің кепілі ескерілмейді);

Қаржылық лизинг бойынша кепілдіктің ең жоғары мөлшері қаржылық лизинг сомасының 50 %-ынан аспайды. Қосымша қамтамасыз ету ретінде жылжымайтын және/немесе жылжымалы мүлікті, сондай-ақ құрылтайшылардың/қатысушылардың/ акционерлердің және/немесе үшінші тұлғалардың кепілдіктерін қабылдауға жол беріледі;

3) кепілдік берілетін мерзім – кредит мерзімінен артық емес;

4) кредит/қаржылық лизинг шартының валютасы – теңге;

Ісін жаңа бастаған кәсіпкерлердің кредит сомасының 50 %-ына дейінгі кепілдік мөлшеріндегі кредиттеріне кепілдік беру кәсіпкер осы Кепілдік беру қағидаларындағы ісін жаңа бастаған кәсіпкер ұғымына сәйкес келмеген жағдайда осы Кепілдік беру қағидаларына 53-тармақтың талаптарында жүзеге асырылады.

5-параграф. Кепілдік беру үшін қатысушылардың өзара іс-қимыл жасасуы

56. Кәсіпкердің кепілдік алу үшін қаржы агенттігіне және кейін кредит/қаржылық лизинг алу үшін банкке/лизинг компаниясына жүгінуі мынадай тәртіппен жүзеге асырылады:

1) кәсіпкер кепілдік алуға өтінішпен қаржы агенттігіне жүгінеді ("жасыл" жоба бойынша кепілдік алуға жүгінген жағдайда өтініште "жасыл" жоба жататын "жасыл" таксономияның санаты/санаттары көрсетіледі);

2) қаржы агенттігі кәсіпкерден құжаттарды алғаннан кейін 10 (он) жұмыс күні ішінде алынған құжаттарды қарайды және кепілдік беру/бермеу туралы шешім қабылдау үшін жобаны қаржы агенттігінің уәкілетті органының қарауына шығарады;

3) қаржы агенттігі кепілдік беру туралы шешім қабылдаған жағдайда кәсіпкер осы Кепілдік беру қағидаларына 3-қосымшаға сәйкес нысан бойынша кепілдік беру мүмкіндігі туралы алдын ала кепілдік хатын алады, онда берілетін кепілдік шарттары, сондай-ақ банктің/лизинг компаниясының кредит/қаржылық лизинг беру шарттары көрсетіледі, осы Кепілдік беру қағидалары шеңберінде кепілдік соларға сәйкес берілуі мүмкін;

4) кәсіпкер кепілдікпен кредит/қаржылық лизинг алу үшін банкке/лизинг компаниясына жүгінеді;

5) банк/лизинг компаниясы 20 (жиырма) жұмыс күнінен аспайтын мерзімде банктің/лизинг компаниясының ішкі құжаттарында белгіленген рәсімге сәйкес кәсіпкердің өтінішін өзі қарайды және кредит/қаржылық лизинг беру мүмкіндігі туралы шешім қабылдайды;

6) банк/лизинг компаниясы кепілдік беру мүмкіндігі туралы қаржы агенттігінің хатында көрсетілген шарттарда кредит/қаржылық лизинг бойынша оң шешім қабылдаған жағдайда банк/лизинг компаниясы қаржы агенттігіне қол қойылған кредиттік шартымен/қаржылық лизинг шартымен қоса қажетті құжаттардың көшірмелерін жолдайды.

Қаржы агенттігі кепілдік шартын ресімдейді және қол қояды, ол банкке/лизинг компаниясына жіберіледі. Банк/лизинг компаниясы кепілдік шартына қол қояды, оған кәсіпкердің қол қоюын қамтамасыз етеді және қол қойылған кепілдік шартын қаржы агенттігіне жібереді;

7) банк/лизинг компаниясы қаржы агенттігінің кепілдік беру мүмкіндігі туралы хатында көрсетілген кепілдік және кредит/қаржылық лизинг шарттарына сәйкес келмейтін өзге шешім қабылдаған жағдайда кепілдік беруді қарау рәсімі осы Кепілдік беру қағидаларына 58-тармаққа сәйкес жүргізіледі.

57. Банк портфельдік кепілдік беру шеңберінде қаржы агенттігінің кепілдігімен кредит беру туралы оң шешім қабылдаған жағдайда банк қаржы агенттігіне кредиттік шарттың көшірмелерін ұсынады, оның негізінде қаржы агенттігі кепілдік шартын ресімдеп, қол қояды, ол банкке жіберіледі. Банк кепілдік шартына қол қояды, оған кәсіпкердің қол қоюын қамтамасыз етеді және қол қойылған кепілдік шартын қаржы агенттігіне жібереді.

58. Кәсіпкер кредит/қаржылық лизинг алу үшін банкке/лизинг компаниясына өтінішпен жүгінеді.

Банк/лизинг компаниясы банктің/лизинг компаниясының ішкі құжаттарында белгіленген рәсімге сәйкес 20 (жиырма) жұмыс күнінен аспайтын мерзімде кәсіпкердің өтінішін өзі қарайды, жобаға кешенді сараптама жүргізеді, кәсіпкер ұсынған құжаттарды, кәсіпкердің қаржылық жағдайын талдайды, кәсіпкер ұсынған кепіл мүлкін бағалау туралы қорытынды негізінде кәсіпкердің қамтамасыз етуінің кепілдік құнына бағалау жүргізеді және қамтамасыз ету жеткіліксіз болған жағдайда жобаны қаржы агенттігінің кепілдігімен кредит/қаржылық лизинг беру мүмкіндігі туралы шешім қабылдау үшін банктің/лизингтің компанияның ішкі кредиттік саясатын іске асыратын уәкілетті органның қарауына шығарады.

59. Оң шешім қабылданған жағдайда банктің/лизинг компаниясының ішкі кредиттік саясатын іске асыратын уәкілетті орган шешім қабылдаған күннен бастап 2 (екі) жұмыс күні ішінде банк/лизинг компаниясы қаржы агенттігіне:

кепілдік сомасының есеп-қисабымен кредит/қаржылық лизинг беру мүмкіндігі туралы оң шешімі бар хат;

кепілдік беру туралы мәселені қарау үшін осы Кепілдік беру қағидаларына 4-қосымшаға сәйкес кәсіпкердің жобасы бойынша банк/лизинг компаниясы қаржы агенттігіне беретін құжаттар тізбесін ұсынады.

Банк/лизинг компаниясы құжаттарды қаржы агенттігіне ұсынатын кезде салық берешегінің жоқтығы туралы өзекті анықтаманың болуы талап етіледі.

60. Қаржы агенттігі банктен/лизинг компаниясынан құжаттарды және кәсіпкерден өтініш алғаннан кейін 750 (жеті жүз елу) миллион теңгеден аспайтын кредиттер/қаржылық лизинг бойынша 5 (бес) жұмыс күні ішінде және 750 (жеті жүз елу) миллион теңгеден асатын кредиттер/қаржылық лизинг бойынша 10 (он) жұмыс күні ішінде алынған құжаттарды қарайды және кепілдік беру/бермеу туралы шешім қабылдау үшін жобаны қаржы агенттінің уәкілетті органының қарауына шығарады. Егер портфельдік кепілдік беру шеңберінде берілген кепілдіктерді қоспағанда, кәсіпкердің және онымен үлестес/байланысты тұлғалардың/компаниялардың қаржы агенттігінің кепілдігі бойынша жоба шеңберінде алынған кредиттер бойынша жиынтық берешегі 750 (жеті жүз елу) миллион теңгеден асқан жағдайда кейінгі жобаларды қарау 10 (он) жұмыс күні ішінде жүзеге асырылады.

"Шағын, орта және ірі кәсіпкерлікті қолдау" бағыты шеңберінде қаржы агенттігі 10 (он) жұмыс күні ішінде банктен/лизинг компаниясынан келіп түскен құжаттарды және кәсіпкердің өтініштерін бағыт шарттарына сәйкес келуі тұрғысынан қарайды. Құжаттарды қарағаннан кейін 5 (бес) жұмыс күні ішінде қаржы агенттігі кепілдік беру туралы шешім қабылдайды.

61. Ұсынылған құжаттарға ескертулер болған жағдайда анықталған ескертулерді жою немесе қосымша құжат ұсыну және (немесе) ақпарат ұсыну үшін қаржы агенттігі 3 (үш) жұмыс күні ішінде банкке/лизинг компаниясына жібереді. Бұл ретте қаржы агенттігі үшін жоғарыда көрсетілген құжаттарды қарау мерзімі жаңадан басталады.

Кәсіпкердің жобасы және (немесе) ұсынылған материалдар осы Кепілдік беру қағидаларының шарттарына сәйкес келмеген жағдайда қаржы агенттігі нақты сәйкессіздіктерді көрсете отырып, уәжді бас тарту жібереді.

62. Қаржы агенттігі кепілдік беру туралы оң шешім қабылдаған жағдайда қаржы агенттігі 2 (екі) жұмыс күні ішінде банкке/лизинг компаниясына осы Кепілдік беру қағидаларына 3-қосымшаға сәйкес нысан бойынша алдын ала кепілдік хат жібереді, онда қаржы агенттігінің кепілдік беруінің мүмкіндігі туралы шешімі көрсетіледі.

63. Қаржы агенттігі кәсіпкердің жобасы бойынша теріс шешім қабылдаған жағдайда мұндай шешім туралы хатта теріс шешімнің себебі көрсетіледі.

64. Қаржы агенттігінің кепілдік беру мүмкіндігі туралы оң шешімі бар хат алынғаннан кейін:

1) банк/лизинг компаниясы мен кәсіпкер кредиттік шарт/қаржылық лизинг шартын, кепіл (-дер) шартын (шарттарын) жасасады. Кредиттік шарттың/қаржылық лизинг шартының көшірмесі қаржы агенттігіне жіберіледі.

Қаржы агенттігінің кепілдік беру мүмкіндігі туралы оң шешімі бар хатта қаржы агенттігі шешім қабылдаған күннен бастап 2 (екі) қаржы жылынан кейін бюджетке төленетін салықтардың көлемін ұлғайту (корпоративтік табыс салығы/жеке табыс салығы), жұмыс орындарын сақтай отырып, еңбекақы төлеу қорының өсуіне қол жеткізу және/немесе салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын 10 %-ға ұлғайту мәндері, сондай-ақ 3 (үш) жыл өткеннен кейін (қаржы агенттігінің шешіміне сәйкес) орта кәсіпкерлік субъектісі санатына өту шарты көрсетіледі.

Қаржы агенттігінің оң шешімі бар банктің/лизинг компаниясының хатын алғаннан кейін банктің/лизинг компаниясының қалауы бойынша кредит/қаржылық лизинг сомасының 50 %-ына дейінгі мөлшерде ішінара кредит беруге жол беріледі;

2) қаржы агенттігі банктен/лизинг компаниясынан кредиттік шарттың/қаржылық лизинг шартының көшірмесін алғаннан кейін кепілдік шартын ресімдейді және оған қол қойып, банкке/лизинг компаниясына жібереді;

3) банк/лизинг компаниясы кепілдік шартына қол қояды, оған кәсіпкердің қол қоюын қамтамасыз етеді және қол қойылған кепілдік шартын қаржы агенттігіне жібереді;

4) банк/лизинг компаниясы қаржы агенттігінен қол қойылған кепілдік шартын алғаннан кейін кәсіпкерге кредит/қаржылық лизинг беруді жүзеге асырады;

5) кепілдік сомасы 500 (бес жүз) миллион теңгеден асатын кепілдік беру жобалары бойынша банк/лизинг компаниясы қаржы агенттігінің сұратуына сәйкес жобаның қаржылық мониторингін жүргізуге қажетті құжаттар топтамасын тоқсан сайынғы негізде тоқсанына бір реттен асырмай ұсынады.

65. Портфельдік кепілдік беру кезінде осы Кепілдік беру қағидаларының шарттарына сәйкес келген жағдайда кредит берілгеннен кейін күнтізбелік 30 (отыз) күн ішінде банктің кепілдік шартына қол қоюына жол беріледі.

66. Осы Кепілдік беру қағидалары шеңберінде "жасыл" жобаны іске асыру үшін кепілдік беру мүмкіндіктерін пайдалану мақсатында жобаны қарау кезінде оны "жасыл" таксономияның белгілі бір кіші секторына жатқызу жобаның мәлімделетін мақсатына және шеңберінде жобаны іске асыру жоспарланып отырған экономикалық қызмет түріне сәйкес жүзеге асырылады. "Жасыл" таксономияның тиісті кіші секторы бойынша шекті шектеулер болмаған жағдайда қаралатын жобаны "жасыл" таксономияның белгілі бір кіші секторына жатқызуды банк өзі жүргізеді. Осы Кепілдік беру қағидалары шеңберінде қарыз алушыға қаржылай қолдау алуға жәрдемдесу мақсатында банк қарыз алушыны қаржы агенттігіне жібереді және осы қолдауды алу шарттарын түсіндіреді, оның ішінде қаржы агенттігіне қаралатын жобаның "жасыл" таксономияның шекті шектеуіне сәйкестігі туралы сыртқы бағалау провайдерінің қорытындысын ұсыну қажеттігінің ықтималдығы туралы хабарлайды.

"Жасыл" таксономияда қаралатын жоба жататын белгілі бір кіші сектор бойынша шекті шектеу көзделген жағдайларда өтініш берушінің қаржы агенттігіне іске асырылуы көзделіп отырған немесе іске асырылып жатқан жобаның "жасыл" таксономияның шекті мәніне сәйкестігі туралы сыртқы бағалау провайдерінің/энергия-аудиторлық ұйымның қорытындысын ұсынуы осы Кепілдік беру қағидалары шеңберінде қаржылай қолдау алудың міндетті шарты болып табылады.

Сертификаттау/таңбалау ("жасыл" құрылыс, энергия тиімділігі, органикалық өнім өндіру, көлік саласындағы "жасыл" таксономияда көрсетілген стандарттар мен таңбалау талаптарына сәйкестікті растау) шекті өлшемшарт болған жағдайларда балама ретінде растау тиісті сертификаттарды/таңбалуды ұсыну жеткілікті (сыртқы бағалау провайдерінің қорытындысына) болып табылады. Көзделіп отырған жоба бойынша стандарттарға, таңбалауға және талаптарға сәйкес келу жоспары мәлімделген жағдайларда ғана сыртқы бағалау провайдерінің қорытындысын алу талап етіледі. Кейіннен осы стандарттарға, таңбалау мен талаптарға сәйкес келуін куәландыратын сертификаттар мен құжаттардың көшірмелері қаржыландырудың нысаналы пайдаланылуын растау болып табылады.

"Жасыл" кредиттер бойынша кепілдік беру шеңберінде "жасыл" жобалардың "жасыл" таксономияға сәйкестігін сыртқы бағалауды жобаларды ұстаушыларға, өнімдерді (жұмыстарды, көрсетілетін қызметтерді) өндірушілерге (орындаушыларға), өнімдерді (жұмыстарды, көрсетілетін қызметтерді) жеткізушілер мен тұтынушыларға тәуелсіз, жобалардың қоршаған ортаға әсерін бағалау немесе шаруашылық және өзге де қызметтің "жасыл" таксономияның нақты қосалқы секторларына қатысты экологиялық, салалық, санитариялық құрылыс талаптары мен нормаларына сәйкестік саласында расталатын құзыреті бар, төменде келтірілген санаттардағы түрлі меншік нысанындағы ұйымдар жүргізеді.

Жүргізілген тексерудің қорытындысы бойынша сыртқы бағалау провайдері мынадай тұжырымдардың бірімен жобаның "жасыл" таксономияда көзделген шекті мәндерге сәйкес келетіні туралы қорытынды шығарады:

1) сәйкес келеді;

2) сәйкес келмейді.

Берілген қорытындының қолданылу мерзімі 6 (алты) айды құрайды.

Сыртқы бағалау провайдерлерінің көзделіп отырған және қаралып жатқан жобалардың "жасыл" таксономияның шекті мәндеріне сәйкес келуі туралы қорытындылары әртүрлі аталады, оның ішінде "Қазақстан Республикасының "жасыл" таксономиясына сәйкес келуі туралы сараптамалық қорытынды", "сәйкестік туралы қорытынды" және басқа. Сыртқы бағалау қорытындысын ресімдеу тәртібі жобаның белгілі бір түріне және бағалау жүргізілетін шекті өлшемшарттың ерекшелігіне байланысты айқындалады.

Тәуелсіз бағалау қорытындысына сыртқы бағалауды жүзеге асыратын ұйымның сарапшысы мен басшысы қол қояды және ол ұйымның мөрімен (бар болса) расталады. Егер қорытындыға есеп айырысу құжаттары қоса берілсе, оларға сарапшы/басшы қол қояды және мөрмен (бар болса) расталады. Қорытынды қысқа сипатта болады және бір парақта баяндалады, қорытындыға кіріспе, негіздеме (талдамалық) ақпараты, қорытындылары, сондай-ақ өзінің құзыретін растайтын құжаттар, лицензиялар, аккредиттеу туралы куәліктердің (оның ішінде, қажет болса, ұйымның тартылған қызметкерлерінің) көшірмелерімен бірге сыртқы бағалау провайдері туралы ақпарат кіреді. Қорытындының кіріспе бөлігінде бағалау және оның негіздері туралы жалпы мәліметтер беріледі, талдамалық бөлігінде талдау алгоритмі, белгіленген фактілер және қажет болса, негіздемеде пайдаланылған анықтамалық-нормативтік құжаттарға, материалдар мен есеп-қисаптарға сілтемелер қысқаша баяндалады.

Көзделіп отырған және қаралып жатқан жобалардың "жасыл" таксономияның шекті мәндеріне сәйкестігі туралы сыртқы бағалау провайдерлері, сондай-ақ жоба бойынша кәсіпкер мәлімдеген "жасыл" таксономияның көрсеткіштері мен шекті өлшемшарттарының кейіннен орындалуын сыртқы тексеру жүргізетін ұйымдар мынадай санаттарда ұсынылған:

1) сәйкестікті бағалау саласындағы аккредиттеу жөніндегі ұлттық орган аккредиттеген сәйкестікті растау жөніндегі органдар, сондай-ақ мәртебесі өзі резиденті болып табылатын мемлекеттің құзыретті органының аккредиттеуімен расталатын сәйкестікті растау жөніндегі шетелдік органдар;

3) "Электр энергетикасын дамыту және энергия үнемдеу институты" акционерлік қоғамы жүргізетін энергия-аудиторлық сараптамаларды талдау нәтижелері бойынша ескертулер жоқ энергия-аудиторлық ұйымдар;

4) "Астана" халықаралық қаржы орталығының Қаржылық көрсетілетін қызметтерді реттеу жөніндегі комитетінің "жасыл" қаржыландыру саласындағы лицензиясы бар консалтингтік компаниялар;

5) жаңа ғимараттар салуға, сондай-ақ жұмыс істеп тұрған ғимараттар мен құрылысжайларды өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізуге сараптама ұйымының өкілеттіктері құзыретін аккредиттеу жөніндегі уәкілетті орган аккредиттеген мемлекеттік сараптама ұйымдары немесе мемлекеттік емес сараптама ұйымдары;

6) "жасыл" технологиялардың сервистік операторы – "жасыл" технологиялар мен жобалардың тізілімін жүргізу, "жасыл" технологияларды коммерцияландыру және технологиялық бизнес-инкубациялау, "жасыл" жобаларды іске асыру үшін "жасыл" қаржыландыруды, оның ішінде инвестициялар мен гранттарды тартуға жәрдемдесу, "жасыл экономика" мәселелері бойынша ақпараттық-талдамалық, құқықтық, әдіснамалық, консультациялық және сараптамалық-талдамалық қолдау, "Жасыл көпір" әріптестік бағдарламасы бойынша халықаралық ынтымақтастық пен тәжірибе алмасуды ұйымдастыру бойынша кешенді қызметтер көрсететін қоршаған ортаны қорғау саласындағы уәкілетті органның ведомстволық бағынысты ұйымы;

Cыртқы бағалау қорытындыларын қарау кезінде тиісті біліктілік құжаттарының көшірмелері және/немесе олардың тиісті ресми жарияланатын тізілімдерге енгізілуі олардың құзыретін растау үшін жеткілікті.

Бұл ретте жобаға кепілдік беру басталғаннан 2 (екі) жыл өткен соң кәсіпкер мәлімделген көрсеткіштерге қол жеткізуіне тиісті тәуелсіз бағалау не энергия аудитін жүргізіп, қаржы агенттігіне ұсынады. Қарыз алушы мәлімдеген жоба бойынша "жасыл" таксономияның шекті өлшемшарттарының кейіннен орындалуын сыртқы тексеру жобаның "жасыл" таксономияның шекті өлшемшарттарына сәйкестігі туралы бастапқы қорытынды берген бағалау провайдерлері жүргізеді.

67. Осы Кепілдік беру қағидаларын іске асыру шеңберінде қаржы агенттігіне қаражат аударуды өңірлік үйлестіруші/кәсіпкерлік жөніндегі уәкілетті орган қаржы агенттігінің арнайы шотына қаражат аудару шартына сәйкес жүзеге асырады.

Жобаларға кепілдік беру үшін бюджет қаражаты жеткіліксіз болған жағдайда қаржы агенттігі облыстың (астананың, республикалық маңызы бар қалаланың) жергілікті атқарушы органынан/кәсіпкерлік жөніндегі уәкілетті органнан қосымша қаражат алғанға дейін жобаларға кепілдік беруді тоқтата тұрады. Осы Кепілдік беру қағидалары шеңберінде кепілдік шарттарының қолданысын мерзімінен бұрын тоқтату есебінен босаған қаражат бар болса, қаржы агенттігінің осы Кепілдік беру қағидаларын іске асыру шеңберінде жобаларға кепілдік беруді қайта бастауына жол беріледі.

Қаржы агенттігі шығарған, кепілдіктердің жиынтық сомасы 500 (бес жүз) миллион теңгеден асатын кепілдіктер бойынша төлемдер басталған және/немесе шығарылған жиынтық кепілдігі 500 (бес жүз) миллион теңгеден асатын, төлеу мерзімінің өткенінен қаржы агенттігінің уәкілетті органы бекітетін ішкі нормативтік құжаттарында белгіленген шекті 60 (алпыс) күнтізбелік күннен асқан кредиттер үлесі артып кеткен жағдайда қаржы агенттігі 500 (бес жүз) миллион теңгеден асатын жобаларға кепілдік беруге арналған өтінімдерді қарауды тоқтата тұрады.

68. Республикалық және/немесе жергілікті бюджеттер және/немесе Қазақстан Республикасының Ұлттық қоры нақтыланғанға дейін кәсіпкерлік жөніндегі уәкілетті орган/облыс (астана, республикалық маңызы бар қалалар) жергілікті атқарушы органы республикалық және/немесе жергілікті бюджеттердің және/немесе Қазақстан Республикасы Ұлттық қорының қаражатын кейіннен өтейтін болса, қаржы агенттігі бекітілген (нақтыланған) бюджет бойынша ағымдағы қаржы жылына арналған бюджеттік бағдарлама шығыстары көлемінің 10 %-ынан аспайтын көлемде кепілдік шарттарын жасасады.

Бюджетті кезекті нақтылағанда кәсіпкерлік жөніндегі уәкілетті органмен келіскен кезде кәсіпкерлік жөніндегі уәкілетті органның/облыстың (астананың, республикалық маңызы бар қалалардың) жергілікті атқарушы органының қаражатты кейіннен өтеуі үшін қаржы агенттігі ай сайын, 10-ы күніне дейінгі мерзімде кәсіпкерлік жөніндегі уәкілетті органды/облыстың (астананың, республикалық маңызы бар қалалардың) жергілікті атқарушы органын жасалған кепілдік шарттары туралы өтелетін соманы көрсете отырып хабардар етеді.

Ағымдағы қаржы жылы республикалық және/немесе жергілікті бюджеттерден және/немесе Қазақстан Республикасының Ұлттық қорынан қаражат бөлінген кезде бірінші кезекте бұрын жасалған кепілдік шарттары өтеледі, ал қалған сома жаңа жобаларға бөлінеді.

Осы тармақтың бірінші бөлігіне сәйкес бұрын жасалған кепілдік шарттарын өтеуге бөлінген қаражат жеткіліксіз болған жағдайда қаржы агенттігі республикалық және/немесе жергілікті бюджеттерден және/немесе Қазақстан Республикасының Ұлттық қорынан берілген қаражат толық өтелгенге дейін жобаларға кепілдік беруді тоқтата тұрады.

69. Кредиттің/қаржылық лизингтің нысаналы пайдаланылмауы анықталған жағдайда қаржы агенттігі кепілдік сомасын нысаналы пайдаланылмаған кредит/қаржылық лизинг сомасына барабар азайту туралы шешім қабылдайды.

Егер кәсіпкер салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін бюджетке төленетін салықтарды (корпоративтік табыс салығын/жеке табыс салығын) 10 %-ға ұлғайту, сондай-ақ жұмыс орындарын сақтай отырып, еңбекақы төлеу қорының өсуіне қол жеткізу және/немесе жұмыс орындарының орташа жылдық санын ұлғайту жөніндегі көрсеткіштерге қол жеткізбесе, кепілдік шарты жойылмайды.

Егер кәсіпкер "жасыл" жоба бойынша көзделіп отырған "жасыл" жоба бойынша мәлімделген "жасыл" таксономияның шекті өлшемдеріне қол жеткізбеген жағдайда, қаржы агенттігі шешім қабылдаған күннен бастап 2 (екі) қаржы жылынан кейін кепілдік шарты жойылмайды.

Шағын кәсіпкерлік субъектісі сомасы 3 (үш) миллиард теңгеден асатын жобалар бойынша 3 (үш) жыл өткеннен кейін Кодекстің көрсеткіштеріне сәйкес орта кәсіпкерлік субъектісі санатына көшу талаптарын орындамаған жағдайда кепілдік шарты жойылмайды.

70. Кредит/қаржылық лизинг толықтай нысаналы пайдаланылмаған жағдайда қаржы агенттігі кепілдіктің күшін жояды.

71. Кепілдік беру үшін көзделген, жергілікті және/немесе республикалық бюджеттердің және/немесе Қазақстан Республикасы Ұлттық қорының қаражаты есебінен кәсіпкерлікті қолдау бағдарламалары бойынша аударылған қаражатты қаржы агенттігі толық игерілгенге дейін пайдаланады.

72. Бұрын бекітілген кәсіпкерлікті қолдау бағдарламалары шеңберінде мақұлданған жобалар бойынша кәсіпкерлер өз міндеттемелерін толық орындағанға дейін қаржы агенттігінің уәкілетті органы бұрын мақұлданған шарттарда қолданылады.

Кредит/лизинг/кепілдік сомасы/мерзімі ұлғайған, ЭҚЖЖ өзгерген жағдайларда жобаны осы Кепілдік беру қағидаларының қолданыстағы шарттарына сәйкестендіру қамтамасыз етіледі.

73. Банк/лизинг компаниясы 3 (үш) жұмыс күнінен кешіктірмей банктің/лизинг компаниясының қызметін жүзеге асыруына қатысты басталған шектеулер немесе тыйым салулар, сондай-ақ банк/лизинг компаниясы акцияларының 10 %-ынан астамына қатысты меншік құқығының бір мәрте сатылғаны немесе өзгеше бір мәрте ауысқаны және/немесе иелік ету және пайдалану құқығының ауысқаны туралы жазбаша түрде хабарлайды.

6-параграф. Кәсіпкердің "электрондық үкімет" веб-порталы арқылы электрондық өтінім беруі

74. Кәсіпкер осы Кепілдік беру қағидалары шеңберінде "электрондық үкімет" веб-порталы арқылы жүгінген кезде қаржы агенттігіне электрондық нысанда мынадай құжаттарды ұсынады:

1) кәсіпкердің электрондық цифрлық қолтаңбамен куәландырылған электрондық сауал нысанындағы өтініш;

2) кредиттік бюроға ақпарат беруге және кредиттік есеп алуға келісім;

3) өзінің дербес деректерін жинауға және өңдеуге келісімі;

4) кепілдік сомасының есеп-қисабымен кредит/қаржылық лизинг беру мүмкіндігі туралы оң шешімі бар банк/лизинг компаниясы хатының электрондық көшірмесі (сканерленген көшірме).

Егер кәсіпкер Қазақстан Республикасының заңнамасына сәйкес тіркелген заңды тұлға болып табылса, кепілдік тарту туралы шешім қабылдаған кәсіпкердің уәкілетті органының шешімі қатысушыға немесе басшыға берілген заңды тұлғаның электрондық цифрлық қолтаңбасымен келісу нысанында расталады.

Кәсіпкер жөніндегі, оның ішінде заңды тұлғаны/жеке кәсіпкерді мемлекеттік тіркеу туралы анықтама, қызмет түріне арналған лицензия (егер қызмет түрі лицензияланатын болса) жөніндегі мәліметтерді және бюджетке төленетін міндетті төлемдер бойынша берешектің бар/жоқ екені туралы мәліметтерді қаржы агенттігі "электрондық үкімет" шлюзі арқылы тиісті мемлекеттік ақпараттық жүйелерден алады.

"Электрондық үкімет" шлюзі арқылы тиісті мемлекеттік ақпараттық жүйелерден деректер алуға техникалық мүмкіндік болмаған немесе деректер дұрыс болмаған жағдайда қаржы агенттігі құжаттарды кәсіпкерден сұратады.

75. Банк/лизинг компаниясы "электрондық үкімет" веб-порталы арқылы кәсіпкерден электрондық өтінім алған кезден бастап 3 (үш) жұмыс күні ішінде осы Кепілдік беру қағидаларына 59-тармақта көрсетілген құжаттар топтамасын қаржы агенттігіне ұсынбаған жағдайда қаржы агенттігі кәсіпкерге кепілдік беру туралы мәселені қараудан бас тартады.

76. Мемлекеттік қызмет көрсету нәтижесі электрондық цифрлық қолтаңбамен куәландырылған электрондық құжат нысанында кәсіпкердің "жеке кабинетіне" жіберіледі.

77. Кепілдік беру үшін қатысушылардың өзара іс-қимылы осы Кепілдік беру қағидаларының 4, 5 және 6-параграфтарында айқындалған тәртіпке сәйкес жүзеге асырылады.

3-тарау. Жобалардың іске асырылуын мониторингтеу

78. Осы Кепілдік беру қағидалары шеңберінде кәсіпкерлер жобаларының іске асырылуын мониторингтеуді кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес қаржы агенттігі жүзеге асырады.

Кредиттер/қаржылық лизинг
бойынша кепілдік беру
қағидаларына
1-қосымша

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді игеру
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Өңдеу өнеркәсібі
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою қызметі және қалдықтарды жою саласындағы өзге де көрсетілетін қызметтер
Көтерме және бөлшек сауда; автомобильдерді және мотоциклдерді жөндеу
45.2	Автокөліктерге техникалық қызмет көрсету және жөндеу
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
53	Пошта және курьер қызметі***
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру****
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару*****
Кәсіптік, ғылыми және техникалық қызмет
69.2	Бухгалтерлік есеп және аудит саласындағы қызмет; салық салу бойынша консультация беру
71	Сәулет, инженерлік ізденістер, техникалық сынақтар мен талдау саласындағы қызмет
72	Ғылыми зерттеулер және әзірлемелер
74	Өзге де кәсіптік, ғылыми және техникалық қызмет
75	Ветеринариялық қызмет
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
91	Кітапханалардың, архивтердің, музейлердің қызметі және мәдениет саласындағы өзге де қызмет
93	Спорт, демалысты және ойын-сауықты ұйымдастыру саласындағы қызмет******
Көрсетілетін қызметтердің өзге де түрлерін ұсыну
95	Компьютерлерді, жеке тұтыну заттарымен тұрмыстық тауарларды жөндеу
96.01	Текстиль және тері бұйымдарын жуу және (химиялық) тазалау

*** табиғи монополиялар саласына жататын қызметті қоспағанда;

**** апартаменттерді, пәтерлерді және тұрғын үйлерді қоспағанда;

***** бұл ЭҚЖЖ қойма үй-жайлары мен қойма алаңдарын жалға беруді көздейді;

****** дискотекалар мен караокені қоспағанда.

Кредиттер/қаржылық лизинг
бойынша кепілдік беру
қағидаларына
2-қосымша

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінің атауы	Экономикалық қызмет түрлерінің жалпы жіктеуіші
1	2	3	4
С секциясы Өңдеу өнеркәсібі 1
1	Етті қайта өңдеу және консервілеу және ет өнімдерін өндіру	Етті қайта өңдеу және консервілеу	10.11
		Ауыл шаруашылығы құсының етін қайта өңдеу және консервілеу	10.12
		Еттен және ауыл шаруашылығы құс етінен жасалған өнімдер өндірісі	10.13
2	Балықты, шаян тәрізділерді және моллюскілерді қайта өңдеу және консервілеу	Балықты, шаян тәрізділерді және моллюскілерді өңдеу және консервілеу	10.20
3	Жемістерді және көкөністерді өңдеу және консервілеу	Картопты қайта өңдеу және консервілеу	10.31
		Жеміс және көкөніс шырындары өндірісі	10.32
		Жемістерді және көкөністерді қайта өңдеу және консервілеудің өзге де түрлері	10.39
4	Өсімдік және мал майы мен тоңмай өндірісі	Май және тоңмай өндірісі	10.41
4	Өсімдік және мал майы мен тоңмай өндірісі	Маргарин және оған ұқсас тағамдық тоңмайлар өндірісі	10.42
5	Сүт өнімдерінің өндірісі	Сүтті қайта өңдеу және ірімшік жасау	10.51
5	Сүт өнімдерінің өндірісі	Балмұздақ өндірісі	10.52
6	Ұн-жарма өнімдерінің, крахмал және крахмал өнімдерін өндіру	Ұн-жарма өнімдері өндірісі	10.61
6	Ұн-жарма өнімдерінің, крахмал және крахмал өнімдерін өндіру	Крахмал және крахмал өнімдері өндірісі	10.62
7	Нан-тоқаш, макарон және ұннан жасалған кондитерлік өнімдерді өндіру	Ұзақ сақталұға арналған нан-тоқаш және ұннан жасалған кондитерлік өнімдер өндірісі	10.71
		Кептірілген нан және печенье, ұзақ сақталатын ұннан жасалған кондитерлік өнімдер өндірісі	10.72
		Макарон өнімдерінің өндірісі	10.73
8	Өзге де тамақ өнімдерінің өндірісі	Өзге де тамақ өнімдерінің өндірісі	10.8
9	Жануарларға арналған дайын азық өндірісі	Жануарларға арналған дайын азық өндірісі	10.9
10	Сусын өндірісі	Уыт өндірісі	11.06
10	Сусын өндірісі	Алкогольсіз сусындар, минералды сулар және шөлмекке құйылған басқа да сусындар өндірісі	11.07
11	Текстиль бұйымдарының өндірісі	Текстиль бұйымдарының өндірісі	13
12	Киім өндірісі	Үлбірден тігілген киімді қоспағанда, киім өндірісі	14.1
12	Киім өндірісі	Тоқылған және трикотаж киімдер өндірісі	14.3
13	Былғары және оған жататын өнімдер өндірісі	Былғары илеу және өңдеу; жол керек-жарақтарының, қайыс-ертоқым бұйымдарының өндірісі; былғары илеу және бояу	15.1
13	Былғары және оған жататын өнімдер өндірісі	Аяқ-киім өндірісі	15.20
14	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан бұйымдар өндірісі	Ағаш кесу және сүргілеу өндірісі	16.1
14		Сүректен, тоздан, сабаннан және тоқуға арналған материалдардан бұйымдар өндірісі	16.2
15	Қағаз және қағаз өнімдерінің өндірісі	Қағаз және қағаз өнімдерінің өндірісі	17
16	Полиграфиялық қызмет және жазылған ақпарат жеткізгіштерін тыңдап-көрсету	Полиграфиялық қызмет және осы саладағы көрсетілетін қызметтерді ұсыну	18.1
17	Кокс және мұнай өңдеу өнімдерінің өндірісі	Мұнай өңдеу өнімдерін, шымтезек пен көмірден брикеттер өндіру	19.20
18	Химия өнеркәсібі өнімдерінің өндірісі	Негізгі химиялық заттар, тыңайтқыштар және азотты қосылыстар, алғашқы нысандардағы пластмассалар мен синтетикалық каучук өндірісі	20.12
		Пестицидтер мен өзге де агрохимиялық өнімдер өндірісі	20.20
		Бояулар, лактар және осыған ұқсас бояғыш жағындылар, баспаханалық бояулар мен мастикалар өндірісі	20.30
		Сабын, жуу, тазалау, жылтырату, парфюмерлік және косметикалық құралдар өндірісі	20.4
		Сіріңке шығару	20.51.2
		Желім шығару	20.52
		Эфир майларының өндірісі	20.53
		Фотоматериалдар өндірісі	20.59.1
		Желатин өндірісі	20.59.2
		Текстиль бұйымдарды әрлеуде пайдаланылатын материалдар өндірісі	20.59.3
		Техникалық көміртекті (күйе), көміртекті нанотүтікшелер, наноталшықтар және басқа көміртекті наноматериалдар өндірісі	20.59.4
		Басқа химиялық өнімдер өндірісі	20.59.9
		Жасанды және синтетикалық талшықтар өндірісі	20.60
19	Негізгі фармацевтикалық өнімдер мен фармацевтикалық препараттар өндірісі	Негізгі фармацевтикалық өнімдер өндірісі	21.10
19		Фармацевтикалық препараттар мен медициналық материалдар өндірісі	21.20
20	Резеңке және пластмасса бұйымдарының өндірісі	Резеңке бұйымдарының өндірісі	22.1
20	Резеңке және пластмасса бұйымдарының өндірісі	Пластмасса бұйымдарының өндірісі	22.2
21	Өзге де бейметалл минералды өнімдер өндірісі	Шыны және шыныдан жасалған бұйымдар өндірісі	23.1
		Отқа төзімді бұйымдар өндірісі	23.2
		Саздан жасалатын құрылыс материалдарының өндірісі	23.3
		Өзге де фарфор және қыш бұйымдарының өндірісі	23.4
		Цемент, әктас және құрылыс гипсін өндіру	23.5
		Бетоннан, цементтен және құрылыс гипсінен жасалатын бұйымдар өндірісі	23.6
		Тасты кесу, өңдеу және әрлеу	23.70
		Абразивті бұйымдар және өзге де бейметалл минералды өнімдер өндірісі	23.9
22	Металлургия өндірісі	Металлургия өндірісі	243
23	Машиналар мен жабдықтан басқа, дайын металл бұйымдарының өндірісі	Металл есіктер мен терезелер шығару	25.12
		Орталық жылыту радиаторлары мен қазандықтарының өндірісі	25.21
		Металды соққылап өңдеу, сығымдау, қалыптау, бейіндеу; ұнтақ металлургия	25.5
		Металдарды өңдеу және металдарға қаптамалар жалату; машина жасаудың негізгі технологиялық процестері	25.6
		Пышақ бұйымдары, аспаптар және қапсырма бұйымдарының өндірісі	25.7
		Өзге де дайын металл бұйымдарының өндірісі	25.94
24	Компьютерлер, электрондық және оптикалық жабдықтар өндірісі	Компьютерлер, электрондық және оптикалық жабдықтар өндірісі	265
25	Электр жабдықтарынің өндірісі	Электр жабдықтарының өндірісі	27
26	Басқа топтамаларға енгізілмеген машиналар мен жабдықтар өндірісі	Гидравликалық және пневматикалық жабдықтарының өндірісі	28.12
		Өзге де крандар, клапандар мен вентильдер өндірісі	28.14
		Лифт өндірісі	28.22.4
		Офистік техника және жабдық өндіру (компьютерлерді және перифериялық жабдықты қоспағанда)	28.23
		Механикаландырылған қол аспаптарын өндіру	28.24
		Өнеркәсіптік тоңазыту және желдету жабдығының өндірісі	28.25
		Басқа топтамаларға енгізілмеген жалпы мақсаттағы өзге де машиналар мен жабдықтар өндірісі	28.29
		Ауылшаруашылық машиналар өндірісі	28.30.2
27	Автомобильдер, тіркемелер және жартылай тіркемелер өндірісі	Автомобильдер өндірісі	29.1
		Автомобильдерге арналған шанақтар өндірісі	29.20.1
		Автомобильдердің бөлшектері мен керек-жарақтарының өндірісі	29.3
28	Басқа көлік құралдарының өндірісі	Теміржол локомотивтерінің және жылжымалы құрам өндірісі	30.20
28	Басқа көлік құралдарының өндірісі	Басқа топтамаларға енгізілмеген көлік құралдарының өндіру	30.9
29	Жиһаз өндірісі	Жиһаз өндірісі	31
30	Өзге де дайын бұйымдар өндірісі	Өзге де дайын бұйымдар өндірісі	32
D секциясы Электр энергиясымен, газбен, бумен, ыстық сумен және кондицияланған ауамен жабдықтау
31	Электр энергиясын өндіру	Гидроэлектр станцияларының электр энергиясын өндіруі	35.11.2
		Жел электр станцияларының электр энергиясын өндіруі	35.11.4
		Күн электр станцияларының электр энергиясын өндіруі	35.11.5
		Өзге де электр станцияларының электр энергиясын өндіруі	35.11.9

Ескертпелер:

2 Өндіріс, оның ішінде: дезинфекциялау құралдарының, зарарсыздандырғыштар өндірісі.

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Р/с №	Экономикалық қызмет түрлері тобының атауы	Экономикалық қызмет түрлерінің жалпы жіктеуішінен алынған атауы	Экономикалық қызмет түрлерінің жалпы жіктеуіші
1	2	3	4
B секциясы Тау-кен өндіру өнеркәсібі және карьерлер игеру
1	Тас көмірді байыту	Тас көмірді байыту	05.10.31
2	Тұз өндіру	Тұз өндіру	08.93
E секциясы Сумен жабдықтау; су бұру қалдықтарды жинау, өңдеу және жою, ластануды жою қызметі
3	Суды жинау, өңдеу және тарату	Суды жинау, өңдеу және тарату	36
4	Қалдықтарды жинау, өңдеу және жою; материалдарды кәдеге жарату (қалпына келтіру)	Қауіпсіз қалдықтарды жинау	38.11
H секциясы Көлік және қоймаға жинау
5	Құрлық және құбырмен жүретін көлік қызметі	Басқа топтамаларға енгізілмеген өзге де құрлықтағы жолаушылар көлігінің қызметі	49.392
6	Жүкті қоймалау және қосалқы көлік қызметі	Жүктерді қоймаға жинау және қосалқы көлік қызметі	523
6	Жүкті қоймалау және қосалқы көлік қызметі	Жүктерді қоймалаға жинау және сақтау	52.104
I секциясы Тұру және тамақтану бойынша қызметтер көрсету
7	Уақытша тұру жөнінде қызмет көрсету	Қонақүйлердің және тұруға арналған соған ұқсас орындардың қызметтер көрсетуі	55.105
		Демалыс күндерінде және қысқа мерзімді тұрудың өзге де кезеңдеріне баспана беру	55.205
		Кемпингтердің, автофургондарға және тұруға арналған автотіркемелерге арналған тұрақтардың қызметтер көрсетуі	55.305
		Тұруға арналған өзге де орындардың көрсетілетін қызметтері	55.906
J секциясы Ақпарат және байланыс
8	Компьютерлік бағдарламалау, консультациялық және басқа да ілеспе көрсетілетін қызметтер	Компьютерлік бағдарламалау саласындағы қызмет	62.01
9	Ақпараттық қызмет көрсету саласындағы қызмет	Ақпараттық қызмет көрсету саласындағы қызмет	63
P секциясы Білім беру
10	Білім беру	Білім беру	857
10	Білім беру	Басқа топтамаларға енгізілмеген білім берудің өзге де түрлері	85.59
Q секциясы Денсаулық сақтау және халыққа әлеуметтік қызмет көрсету
11	Денсаулық сақтау саласындағы қызмет	Денсаулық сақтау саласындағы қызмет	868

Ескертпелер:

1Үйіндіден қазып алынған тас көмір.

2Тау шаңғысы курорттарын салу, егер қалалық және қалааралық көлік тасымалы жүйесіне кірмесе, конвейерлерді, арқанды жолдарды, тау шаңғысы және арқанды көтергіштерді басқару.

3Қазақстан Республикасының Қытай Халық Республикасымен және Өзбекстан Республикасымен шекаралас аумақтарында көліктік транзиттік терминалдар, құрғақ порттар, қойма үй-жайларын салу.

4Азық-түлік өнімдерін сақтау және өткізу бойынша көтерме-тарату орталықтарын құру, көкөніс және жеміс қоймаларын салу.

5Алакөл көлі жағалауында (Шығыс Қазақстан, Алматы облыстары), Балқаш көлі жағалауында (Қарағанды облысы), Баянауыл курорттық аймағында (Павлодар облысы), Щучье-Бурабай курорттық аймағында (Ақмола облысы), Түркістан және Ақтау қалаларында, Имантау-Шалқар курорттық аймағында (Солтүстік Қазақстан облысы), Алматы таулы кластерінде (Алматы облысының Талғар, Еңбекшіқазақ, Ұйғыр, Райымбек, Қарасай аудандары), "Медеу" мемлекеттік аумақтық табиғи паркінде, Іле Алатауы мемлекеттік ұлттық табиғи паркінде іске асырылатын туризм саласындағы жобалар қаржыландырылады.

6 Студенттер және мектеп жатақханаларын салу және (немесе) реконструкциялау.

Агроөнеркәсіптік кешендегі өндіріс бойынша экономика салаларының тізбесі

Р/с №	Тауарлар тобының атауы	Экономикалық қызмет түрлерінің жалпы жіктеуішінің атауы	Экономикалық қызмет түрлерінің жалпы жіктеуіші
1	2	3	4
А бөлімі Ауыл шаруашылығы, орман және балық шаруашылығы
1	Бір немесе екі жылдық дақылдарды өсіру	Дәнді (күріштен басқа), бұршақ және майлы дақылдарды өсіру	01.11
		Күріш өсіру	01.12
		Көкөніс, бақша, тамыр және түйнек дақылдарын өсіру	01.13
		Иіру дақылдарын өсіру	01.16
		Басқа бір немесе екі жылдық дақылдарды өсіру	01.19
2	Көпжылдық дақылдарды өсіру	Жүзім өсіру	01.21
		Анар мен тас жемістерді өсіру	01.24
		Басқа жемістерді, жидектер мен жаңғақтарды өсіру	01.25
3	Мал шаруашылығы	Сүтті бағыттағы ірі қара мал өсіру	01.41
		Басқа ірі қара мен буйвол өсіру	01.42
		Жылқы және жылқы тұқымдасының басқа да жануарларын өсіру	01.43
		Түйе тұқымдас түйелер мен басқа да жануарларды өсіру	01.44
		Қой мен ешкі өсіру	01.45
		Шошқа өсіру	01.46
		Ауыл шаруашылығы құстарын өсіру	01.47
		Жануарлардың басқа түрлерін өсіру	01.491
4	Ауыл шаруашылығы дақылдарын өсіруге және жануарларды өсіруге ықпал ететін қызмет және егінді өңдеу жөніндегі қызмет	Егінді өңдеу қызметі	01.63
5	Балық аулау	Тұщы су балық шаруашылығы	03.12
6	Балық өсіру	Теңіз балық шаруашылығы	03.21
6	Балық өсіру	Тұщы су балық шаруашылығы	03.22

Ескертпе:

1Бал ара өсіру, балды және ара балауызын өндіру жобалары ғана қаржыландырылады.

Кредиттер/қаржылық лизинг
бойынша кепілдік беру
қағидаларына
3-қосымша

Нысан

"__________________"

акционерлік қоғамына

Алдын ала кепілдік хат

Кредиттер/қаржылық лизинг бойынша кепілдік беру қағидаларының (бұдан әрі – Кепілдік беру қағидалары) __________ бағытын іске асыру шеңберінде "Даму" кәсіпкерлікті дамыту қоры" акционерлік қоғамы (бұдан әрі – қаржы агенттігі) "__________" жеке кәсіпкерінің/жауапкершілігі шектеулі серіктестігінің/акционерлік қоғамының (бұдан әрі – ЖК/ЖШС/АҚ) "___" _____________ жобасы бойынша қаржы агенттігінің кепілдігін беру туралы өтінімін қарап, мақұлдағанын хабарлаймыз. Қаржы агенттігі "_________" ЖК/ЖШС/АҚ "_________" _______ жобасы бойынша мынадай талаптармен кепілдік беруге әзір: 1) кепілдік сомасы: _________ (___________________) теңге, бұл кредит сомасының _______ %-ын құрайды; 2) кепілдік мерзімі _______________; 3) кепілдік берудің өзге талаптары Кепілдік беру қағидаларының шарттарына сәйкес жасалған кепілдік шартымен реттеледі; *талаптарды кесте нысанында қосуға жол беріледі. Осы алдын ала кепілдік хаттың қолданылуы __________ дейінгі мерзімді құрайды. Кәсіпкерлік субъектілерінің кредиттеріне ішінара кепілдік беру түріндегі мемлекеттік қолдау талаптарын реттейтін Қазақстан Республикасының нормативтік құқықтық актілеріне өзгерістер және/немесе толықтырулар енгізілген жағдайда қаржы агенттігі жоғарыда көрсетілген кепілдік беру талаптарын қайта қарауға және оларды толығымен немесе ішінара өзгертуге не жоюға құқылы, бұл жөнінде банк кепілдік шартына қол қойылғанға дейін хабардар етіледі.

Құрметпен, ___________ _____________ ________________________________

(лауазымы) (қолы) мөр орны (тегі, аты, әкесінің аты (бар болса)

Кредиттер/қаржылық лизинг
бойынша кепілдік беру
қағидаларына
4-қосымша

Кәсіпкердің жобасы бойынша банк* қаржы агенттігіне ұсынатын құжаттардың тізбесі

1. Жалпы құжаттар

Р/с №	Құжаттың атауы	Нысан
1	2	3
1	Банктен құжаттар тізбесіне ілеспе хат	түпнұсқа/электрондық цифрлық қолтаңба (бұдан әрі – ЭЦҚ) қолданылатын электрондық формат
2	Құжаттар топтамасындағы барлық құжаттар тізімдемесі немесе құжаттарды қабылдау-тапсыру актісі	банктің уәкілетті жұмыскері қол қойған және банктің мөрімен/мөртабанымен куәландырылған түпнұсқа/ЭЦҚ қолданылатын электрондық формат
3	Банктен кредит алуға өтінім	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылатын электрондық формат
4	Банктің уәкілетті органының қаржы агенттігінің кепілдігімен кредит беру туралы шешімі, банктің кредит, кепіл және заң басқармасының (бар болса) және тәуекелдерді басқару басқармасының сараптамалық қорытындылары	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылған электрондық формат
5	Соңғы есептік күнгі жағдай бойынша кәсіпкердің қаржылық құжаттары (берешектің туындау күнін, берешекті өтеудің жоспарланған күнін және берешектің нысанасын көрсете отырып, кредиторлық және дебиторлық берешекті толық жазу, негізгі құралдарды, тауарлық-материалдық қорларды (бұдан әрі – ТМҚ) толық жазу, соңғы 12 айдағы кірістер мен шығыстар туралы есеп (жеке кәсіпкерлер үшін)**	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылатын электрондық формат
6	Жыл басындағы және соңғы есептік күнгі жағдай бойынша (жыл басындағы және соңғы есепті күнгі жағдай бойынша берешектің туындау күнін, өтеудің жоспарланған күнін және берешектің нысанасын көрсете отырып, кредиторлық және дебиторлық берешекті толық жазу, негізгі құралдарды, ТМҚ-ны толық жазу) кәсіпкердің мөрімен расталған кәсіпкердің қаржылық құжаттары (заңды тұлғалар үшін)**	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылатын электрондық формат
7	Кірістер мен шығыстар туралы есептердің баптарын толық жазу – өткізуден түскен кіріс, өзіндік құны, кезең шығыстары, басқа да кірістер мен шығыстар, қаралған кезең үшін өткізілген өнімнің ақшалай және заттай мәндегі көлемі**	банктің уәкілетті тұлғасы түпнұсқамен салыстырып тексерген көшірме немесе түпнұсқа/ЭЦҚ қолданылатын электрондық формат
8	Қызмет көрсететін банктің толық деректемелерін көрсете отырып, қызмет көрсететін банктен несие берешегінің бар (жоқ) екендігі туралы, соңғы 12 айдағы айналымдары, сондай-ақ құжаттарды қарау сәтіндегі жағдай бойынша мерзімінде төленбеген (№ 2 картотека) есеп айырысу құжаттары туралы анықтама	банк нысаны бойынша түпнұсқа (күнтізбелік 30 күнге дейін түпнұсқамен салыстырып тексерілген көшірмеге жол беріледі)/ЭЦҚ қолданылатын электрондық формат
9	Несие берешегінің, оның ішінде басқа қаржы ұйымдарындағы мерзімі өткен берешегінің (банктерден басқа, кредиттері болса) бар-жоғы туралы анықтамалар	түпнұсқа (күнтізбелік 30 күнге дейін түпнұсқамен салыстырып тексерілген көшірмеге жол беріледі)/ЭЦҚ қолданылатын электрондық формат
10	Банктердегі барлық шоттары туралы мәліметтер	хаттың түпнұсқасы/ЭЦҚ қолданылатын электрондық формат
11	Лицензиялар***, патенттер, квоталар (өтініш беруші қызметінің түрі лицензияланатын немесе қарыз қаражаты жұмсалатын тауарлар мен көрсетілетін қызметтердің жекелеген түрлерін өткізу лицензияланатын жағдайда)	уәкілетті орган лицензия туралы ақпаратты қамтитын мәліметтерді "электрондық үкімет" шлюзі арқылы тиісті мемлекеттік ақпараттық жүйелерден алады
12	Жобаны іске асыру жөніндегі құжаттар (бар болса): 1) келісімшарттар, сатып алу-сату шарттары, ниет шарттары, жұмыстар жүргізу, қызметтер көрсету шарттары, орындалған жұмыстар актілері, төлем шоттары; 2) жоспарланатын жұмыстар бойынша смета, құрылыс-монтаждау жұмыстарын жүргізуге тиісті рұқсат (кредит құрылыс, реконструкциялау және т.с.с. салада пайдалану үшін берілген жағдайда); 3) жобаға өзінің қатысатынын растайтын құжаттар; 4) қаралатын жоба бойынша шешімдер қабылдау үшін банк пайдаланатын құжаттар	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылатын электрондық формат
13	Бизнес-жоспар	банктің уәкілетті тұлғасы түпнұсқамен салыстырып тексерген көшірме немесе түпнұсқа/ЭЦҚ қолданылатын электрондық формат
14	Соңғы және ағымдағы жылдар үшін қолданыстағы және аяқталған келісімшарттар (бар болса)	көшірмелер/ЭЦҚ қолданылатын электрондық формат
15	Кредиттік келісімдер (қолданыстағы кредиттер бар болса)	көшірмелер/ЭЦҚ қолданылатын электрондық формат
16	Банк қарызын, банк атынан кепіл және кепілдік шартын жасайтын тұлғаның өкілеттіктерін растайтын құжаттар	банктің мөрімен расталған көшірмелер (банк кепілдік шартын жасаған кезге қарай ұсынады)/ЭЦҚ қолданылатын электрондық формат
17	"Жасыл" жоба бойынша сыртқы бағалау провайдерінің қорытындысы/сертификат	банктің уәкілетті тұлғасы түпнұсқамен салыстырып тексерген көшірме

* қаржылық лизинг шарттары бойынша лизинг компаниялары да осы тізбені ұсынады;

** 500 (бес жүз) миллион теңгеден асатын кредиттер бойынша.

Ескертпе: қаржылық есептіліктің ескіру мерзімі банк құжаттар топтамасын ұсынған күнге 6 (алты) айдан аспайды.

2. Кәсіпкердің құқықтық мәртебесі мен өкілеттіктерін айқындайтын құжаттар*

1. Кәсіпкер жеке кәсіпкер болып табылатын жағдайда:

Р/с №	Құжаттың атауы	Нысан
1	2	3
1	Жеке басты куәландыратын құжат	уәкілетті орган жеке басты куәландыратын құжаттар туралы мәліметтерді "электрондық үкімет" шлюзі арқылы тиісті мемлекеттік ақпараттық жүйелерден алады
2	Кәсіпкерді мемлекеттік тіркеу туралы хабарлама***	уәкілетті орган жеке кәсіпкер ретінде тіркеу туралы мәліметтерді "электрондық үкімет" шлюзі арқылы тиісті мемлекеттік ақпараттық жүйелерден алады
3	Қол қою үлгілері, мөрдің бедері (бар болса) бар құжат	банктің уәкілетті тұлғасы түпнұсқамен салыстырып тексерген көшірме не түпнұсқа/ЭЦҚ қолданылатын электрондық формат
4	Кәсіпкердің/кепілгердің/қосалқы қарыз алушының/басшының және құрылтайшының кредиттік бюроға ақпарат беруге және кредиттік есеп алуға келісімі	түпнұсқа қаржы агенттігінің атына беріледі/ЭЦҚ қолданылатын электрондық формат
5	Кәсіпкердің/кепілгердің/қосалқы қарыз алушының/басшының және құрылтайшының дербес деректерді жинауға және өңдеуге келісімі	түпнұсқа қаржы агенттігінің атына беріледі/ЭЦҚ қолданылатын электрондық формат
6	Кәсіпкердің салық құпиясы болып табылатын мәліметтерді беруге келісімі	түпнұсқасы Қазақстан Республикасы Қаржы министрлігінің мемлекеттік кірістер комитетінің атына/ЭЦҚ қолдана отырып электрондық формат ұсынылады

2. Кәсіпкер Қазақстан Республикасының заңнамасына сәйкес тіркелген заңды тұлға болып табылатын жағдайда:

Р/с №	Құжаттың атауы	Нысан
1	2	3
1	Жарғы, оған енгізілген өзгерістер мен толықтырулар	банктің уәкілетті тұлғасы түпнұсқамен салыстырып тексерген көшірме/ЭЦҚ қолданылатын электрондық формат
2	Заңды тұлғаны мемлекеттік тіркеу/қайта тіркеу туралы куәлік/анықтама***	уәкілетті орган заңды тұлғаны мемлекеттік тіркеу (қайта тіркеу) туралы мәліметтерді "электрондық үкімет" шлюзі арқылы тиісті мемлекеттік ақпараттық жүйелерден алады
3	Уәкілетті органның бірінші басшыны тағайындау туралы шешімі	түпнұсқа не банктің уәкілетті тұлғасы түпнұсқамен салыстырып тексерген көшірме
4	Банкте және қаржы агенттігінде кәсіпкердің атынан құжаттарға қол қоюға уәкілеттік берілген тұлғаның жеке басын куәландыратын құжат, сондай-ақ оның өкілеттіктерін растайтын құжаттар	уәкілетті орган жеке басты куәландыратын құжаттар туралы мәліметтерді "электрондық үкімет" шлюзі арқылы тиісті мемлекеттік ақпараттық жүйелерден алады/ЭЦҚ қолданылатын электрондық формат
5	Кепілдік тарту туралы шешім қабылдаған уәкілетті органның шешімі	қаржы агенттігі бекіткен нысан бойынша түпнұсқа/ЭЦҚ қолданылатын электрондық формат
6	Кредит алу туралы шешім қабылдаған уәкілетті органның шешімі	банк бекіткен нысан бойынша түпнұсқа/ЭЦҚ қолданылатын электрондық формат
7	Бірінші басшының, бас бухгалтердің қол қою және кәсіпкердің мөр бедерінің (бар болса) үлгілері бар құжат	банктің уәкілетті органының түпнұсқасымен салыстырып тексерілген көшірме/ЭЦҚ қолданылатын электрондық формат
8	Кәсіпкердің/құрылтайшының/кепілгердің кредиттік бюроға ақпарат беруге және кредиттік есеп алуға келісімі	түпнұсқа/ЭЦҚ қолданылатын электрондық формат қаржы агенттінің атына беріледі

Ескертпе:

*** Шағын және орта кәсіпкерлік субъектісі бойынша, оның ішінде заңды тұлғаны мемлекеттік тіркеу/қайта тіркеу туралы куәлік және жеке кәсіпкерді тіркеу, кәсіпкерлік субъектісінің санаты, лицензия туралы хабарлама бойынша мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады.

Мемлекеттік көрсетілетін қызметті "электрондық үкімет" порталы арқылы алған кезде өтінішке жоғарыда көрсетілген мәліметтерді қоспағанда, құжаттардың электрондық көшірмелері қоса беріледі.

Бірнеше беттен тұратын құжат ұсынылған жағдайда мұндай құжат тігіліп, нөмірленеді не құжаттың әр парағында уәкілетті тұлғалардың қолы қойылып, мөрімен/мөртабанымен бекітіледі.

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Кәсіпкерлік субъектілері шығарған облигациялар бойынша кепілдік беру қағидалары

1-тарау. Жалпы ережелер

1. Осы Кәсіпкерлік субъектілері шығарған облигациялар бойынша кепілдік беру қағидалары (бұдан әрі – Облигациялар бойынша кепілдік беру қағидалары) Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді және кәсіпкерлік субъектілері шығарған облигациялар бойынша кепілдік беру шарттары мен тетігін айқындайды.

2. Осы Облигациялар бойынша кепілдік беру қағидаларында мынадай негізгі ұғымдар пайдаланылады:

1) айналым қаражатын толықтыру – эмитент облигацияларын шығару шарттары жобасының эмитенттің мәлімделген қызметімен байланысты әрі салықтық міндеттемелерді, зейнетақылық және әлеуметтік аударымдарды, кедендік төлемдерді/алымдарды/баждарды төлеуді қамтымайтын нысаналы мақсаты;

3) АХҚО-ның қаржылай көрсетілетін қызметтерді реттеу жөніндегі уәкілетті органы – АХҚО юрисдикциясындағы қаржылай көрсетілетін қызметтерді реттеуді жүзеге асыратын тәуелсіз уәкілетті орган;

4) АХҚО қор биржасы – АХҚО-да қаржы құралдарының сауда-саттығын ұйымдастырушылық және техникалық тұрғыдан қамтамасыз етуді жүзеге асыратын акционерлік қоғам ұйымдық-құқықтық нысанындағы заңды тұлға;

5) АХҚО қор биржасының облигациялар шығару жөніндегі актісі – АХҚО қор биржасында облигациялар шығару тәртібін регламенттейтін АХҚО биржалық реттеуі шеңберіндегі нормативтік құжат;

6) АХҚО қор биржасының орталық депозитарийі – АХҚО-ның қолданыстағы құқығына сәйкес тіркелген, АХҚО-ның Қаржылай көрсетілетін қызметтерді реттеу комитеті берген лицензияның негізінде депозитарлық қызметті жүзеге асыратын жекеше компания;

7) АХҚО қор биржасының тіркеушісі – АХҚО-ның қолданыстағы құқығына сәйкес тіркелген, қызметі бағалы қағаздар тізілімін қалыптастыру және жүргізу бойынша қызметтер көрсететуге сайып келетін жекеше компания;

8) АХҚО қор биржасының орталық депозитарийінің қағидалары – АХҚО қор биржасы орталық депозитарийінің бағалы қағаздар нарығының субъектілерімен өзара қарым-қатынасының шарттары мен тәртібін айқындайтын құжат;

9) бағалы қағаздар нарығын мемлекеттік реттеу жөніндегі уәкілетті орган – қаржы нарығын және қаржы ұйымдарын мемлекеттік реттеуді, бақылауды және қадағалауды жүзеге асыратын мемлекеттік орган;

10) банк-төлем агенті – банк немесе банк операцияларының жекелеген түрлерін жүзеге асыратын ұйым;

11) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экология заңнамасына сәйкес қолда бар табиғи ресурстарды пайдалану тиімділігін арттыруға, қоршаған ортаға келеңсіз әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар;

12) "жасыл" облигация – "жасыл" жобаларды іске асыру мақсатында ақша қаражатын тарту үшін кәсіпкерлік субъектілері Қазақстан Республикасының заңнамасына сәйкес шығаратын және қор биржасының ресми тізіміне енгізілген және (немесе) АХҚО актілеріне сәйкес шығарылып, АХҚО қор биржасының тізіміне енгізілген, кірісі тіркелген борыштық құрал;

13) "жасыл" таксономия – Қазақстан Республикасының экология заңнамасына сәйкес "жасыл" облигациялар және "жасыл" кредиттер арқылы қаржыландыруға жататын "жасыл" жобалардың жіктемесі;

14) жоба (бизнес-жоба) – кәсіпкерлік қызметтің мемлекеттік қаржылай қолдау көрсетілетін қызмет шеңберінде кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде эмитент жүзеге асыратын түрлі бағыттарындағы іс-қимыл мен іс-шаралар жиынтығы;

15) инвестициялық мақсаттар – негізгі құралдарды сатып алу, және (немесе) салу, және (немесе) жаңғырту, және (немесе) реконструкциялау, және (немесе) күрделі жөндеу, биологиялық және (немесе) материалдық емес активтерді сатып алу (осы анықтамада көрсетілген мақсаттарға байланысты ақы төлеу шоттарына сәйкес негізгі құралдардың/биологиялық/материалдық/ материалдық емес активтердің құнына енгізілген қосылған құн салығы бойынша шығыстар да инвестицияға жатады);

16) қайта қаржыландыру – эмитенттің бұдан бұрын туындаған ақшалай міндеттемелерін эмитент облигацияларды орналастырудан алған қаражат есебінен алмастыру, бұл ретте қайта қаржыландыру сомасына сыйақыны, айыппұлдарды, өсімпұлдарды және сот тәртібімен де, соттан тыс тәртіппен де берешекті өндіріп алуға байланысты өзге де төлемдерді есепке алмағанда, тек негізгі борыш кіреді;

17) кәсіпкер – өз қызметін осы Облигациялар бойынша кепілдік беру қағидаларына 1-қосымшаға сәйкес тізбе бойынша экономикалық қызметтің басым түрлерінде жүзеге асыратын, сондай-ақ Қазақстан Республикасының Азаматтық кодексіне немесе АХҚО-ның қолданыстағы құқығына сәйкес облигациялар түрінде қаржы құралдарын шығаратын, жұмыс істеп тұрған кәсіпкерлік субъекті мәртебесі бар шағын және (немесе) орта кәсіпкерлік субъектісі;

18) кепілдік – эмитенттің орналастырылған облигациялардың номиналды құны сомасының бір бөлігін төлеу жөніндегі міндеттемелерін орындауы үшін қаржы агенттігінің облигация ұстаушылар алдында облигациялар бойынша кепілдік шартының талаптарына сәйкес кепілдік сомасы шегінде жауап беру міндеттемесі;

19) кепілдік шарты – қаржы агенттігі, облигация ұстаушылардың өкілі және эмитент арасында кәсіпкерлік жөніндегі уәкілетті орган бекітетін нысан бойынша кепілдік беру туралы жасалған үшжақты жазбаша келісім.

20) қаржы агенттігінің кепілдігі бар облигациялар – эмитент шығарған және қор биржасының және/немесе АХҚО қор биржасының ресми тізіміне енгізілген, қаржы агенттігі эмитенттің орналастырылған облигациялардың номиналды құны сомасының бір бөлігін төлеу жөніндегі міндеттемелерін облигациялар бойынша кепілдік шартының талаптарына сәйкес кепілдік сомасы шегінде орындауды жүзеге асыратын облигациялар, оның ішінде "жасыл" облигациялар;

21) қамтамасыз етілген облигация – эмитент міндеттемелерін орындау толық немесе ішінара эмитент мүлкінің кепілімен, үшінші тұлғалар кепілдігімен қамтамасыз етілген облигация;

22) қаржы агенттігі – "Даму" кәсіпкерлікті дамыту қоры" акционерлік қоғамы;

23) қаржы агенттігінің уәкілетті органы – өз қызметін қаржы агенттігінің жарғысымен, қаржы агенттігінің кредиттік саясатымен берілген және қаржы агенттігінің ішкі құжаттарымен бекітілген өкілеттіктері шегінде жүзеге асыратын, тұрақты жұмыс істейтін алқалы орган;

24) қаржы консультанты – жасалған шартқа сәйкес эмитенттің бағалы қағаздарын қор биржасының ресми тізіміне енгізу мәселесі бойынша эмитентке консультациялық қызметтер көрсететін ұйым;

25) қор биржасы – акционерлiк қоғам ұйымдық-құқықтық нысанында құрылған, дауыс беретін акцияларының жалпы санының кемінде жиырма бес пайызы Қазақстан Республикасының Ұлттық Банкіне тиесілі, сауда-саттықты осы сауда-саттықты ұйымдастырушының сауда жүйелерiн пайдалана отырып тiкелей жүргiзу арқылы оны ұйымдастырушылық және техникалық тұрғыдан қамтамасыз етудi жүзеге асыратын заңды тұлға;

26) листинг – бағалы қағаздарды қор биржасындағы және/немесе АХҚО қор биржасындағы бағалы қағаздардың ресми тiзiмiнiң санатына және (немесе) секторына қосу, оларға қосу және онда болу үшін қор биржасының және/немесе АХҚО қор биржасының iшкi құжаттарында бағалы қағаздарға және олардың эмитенттерiне арнайы (листингтiк) талаптар белгiленген;

27) облигация ұстаушы – бағалы қағаздарды ұстаушылар тізілімі жүйесінде немесе номиналды ұстауды есепке алу жүйесінде тіркелген, облигациялар бойынша құқығы бар тұлға;

28) облигацияларды орналастырудан түскен қаражатты нысаналы пайдалану – облигацияларды орналастырудан түскен қаражатты эмитенттің осы Облигациялар бойынша кепілдік беру қағидаларының шарттарына сәйкес келетін мақсаттарға пайдалануы (нысаналы пайдалану жиынтығында кәсіпкердің активке/жұмыстарға/көрсетілетін қызметтерге толық көлемде ақы төлегенін, алғанын және пайдаланғанын және (немесе) осы Облигациялар бойынша кепілдік беру қағидаларының шарттарына сәйкес басқа мақсаттарға қол жеткізгенін растайтын тиісті құжаттармен расталады);

29) облигациялар бойынша кепілдік беру шарты – кәсіпкерлік жөніндегі уәкілетті орган бекітетін нысан бойынша қаржы агенттігі, облигация ұстаушылардың өкілі және эмитент арасында жасалатын үшжақты жазбаша келісім, оның талаптары бойынша қаржы агенттігі Қазақстан Республикасының заңнамасына сәйкес жеке кәсіпкерлік субъектілері шығарған және қызметін Қазақстан Республикасының аумағында, сондай-ақ АХҚО актілеріне сәйкес жүзеге асыратын қор биржасының ресми тізіміне енгізілген және АХҚО қор биржасының тізіміне енгізілген орналастырылған облигациялардың номиналды құны сомасының бір бөлігін төлеуге кепілдік береді.

Облигациялар бойынша кепілдік беру шарты қағаз жеткізгіште/электрондық нысанда жасалады, бұл ретте кепілдік шартының электрондық нысанына Қазақстан Республикасының қолданыстағы заңнамасына сәйкес электрондық цифрлық қолтаңбамен қол қойылады;

30) облигациялар шығару шарттары – эмитент, оның қаржы жағдайы, сатылуы болжанатын облигациялар, шығарылым көлемі, шығарылымдағы облигация саны, оларды шығару, орналастыру, айналысқа жіберу, сыйақы төлеу, өтеу рәсімі мен тәртібі туралы мәліметтерді және инвестордың облигацияны сатып алу туралы шешіміне әсер ететін басқа да ақпаратты қамтитын құжат;

31) облигацияларды орналастыру – облигацияларды бастапқы бағалы қағаздар нарығында сату;

32) облигацияларды өтеу – орналастырылған облигацияларды облигациялар шығару шарттарында белгiленген тәртiппен облигацияның сыйақысы мен номиналды құнын төлеу жолымен (кейiннен сату мақсатынсыз) эмитенттiң айналыстан алып қою бойынша іс-қимылы;

33) облигация ұстаушылардың өкiлi – бағалы қағаздардың қайталама нарығындағы облигациялар айналысы, облигациялар бойынша сыйақы төлеу және оларды өтеу процесiнде эмитентпен жасалған шарт негiзiнде облигация ұстаушылардың мүддесiнде әрекет ететін ұйым;

34) орталық депозитарий – "Бағалы қағаздар рыногы туралы" Қазақстан Республикасының Заңында көзделген қызмет түрлерін жүзеге асыратын коммерциялық емес мамандандырылған акционерлік қоғам;

35) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның кәсіпкерлік саласындағы құрылымдық бөлімшесі;

36) сыйақы мөлшерлемесі – облигацияны орналастыру нәтижесінде эмитент алған ақшаны пайдаланғаны үшін облигация ұстаушыға мерзімді негізде төленуге тиіс, облигациялар шығару шарттарында белгіленген пайызбен көрсетілген сыйақы мөлшерлемесі;

37) сыртқы бағалау провайдері – іске асыру межеленген немесе іске асырылып жатқан, "жасыл" облигация шығару арқылы қаржыландырылатын "жасыл" жоба бойынша тәуелсіз бағалауды жүзеге асырып, тиісті қорытынды дайындайтын ұйым;

38) уәкілетті орган – кәсіпкерлік жөніндегі уәкілетті орган;

39) үлестес/байланысты тұлғалар – "Акционерлік қоғамдар туралы" Қазақстан Республикасының Заңы 64-бабының 1, 1-1 және 2-тармақтарына, "Жауапкершілігі шектеулі және қосымша жауапкершілігі бар серіктестіктер туралы" Қазақстан Республикасының Заңы 12-1-бабының 1 және 2-тармақтарына сәйкес жеке және заңды тұлғалар;

40) эмитент – облигациялар шығаруды жүзеге асыратын кәсіпкер;

41) электрондық өтінім – ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған мемлекеттік қолдау алуға өтініш;

42) электрондық құжаттар топтамасы – өтініш берушінің немесе осы құжатты куәландыруға өкілеттігі бар тұлғаның не көрсетілетін қызметті алушының өзі қатысқанда берген жазбаша келісімі негізінде кәсіпкерлерге қызмет көрсету орталығының уәкілетті жұмыскерінің электрондық-цифрлық қолтаңбасымен куәландырылған, төлнұсқа құжаттың түрін және ақпаратын (деректерін) электрондық-цифрлық нысанда толық көрсететін құжаттар.

3. Эмитенттердің облигациялары бойынша, оның ішінде АХҚО актілеріне сәйкес шығарылған және қызметін Қазақстан Республикасының аумағында жүзеге асыратын АХҚО қор биржасының ресми тізіміне енгізілген "жасыл" облигациялар бойынша кепілдік беру кәсіпкерлерді қаржылай қолдау құралы болып табылады және кәсіпкерлік субъектілерінің қаржы ресурстарына қол жеткізуін кеңейту және қамтамасыз ету үшін пайдаланылады.

4. Қаржы агенттігі кепілдігінің құнын уәкілетті орган республикалық бюджет қаражаты есебінен төлейді және ол кепілдік сомасының 20 %-ын құрайды. Шығарылған кепілдіктердің құнынан алынған қаражат кейінге қалдырылған табыс ретінде есепке алынады және шығарылған кепілдіктің қолданылу мерзімі ішінде ай сайын амортизацияланады. Кепілдік шартының қолданылуы тоқтатылған кезде сома кейіннен жобаларға кепілдік беру үшін пайдаланылады.

Босаған қаражат есебінен кепілдік беру көлемі босаған қаражаттың кепілдік шарттарының қолданысы тоқтатылуы есебінен қалыптастырылған көлемінің 5-ке тең (100 %/20 %) мультипликаторға көбейтіндісіне тең.

Қаржы агенттігі алынған қаражатты әртүрлі қаржы құралдарына орналастырады.

5. Облигациялар бойынша кепілдік беру үшін көзделген қаражатты кәсіпкерлік жөніндегі уәкілетті орган қаржы агенттігіне өздерінің араларында жасалатын қаражатты аударуға арналған шарт негізінде қаржы агенттігінің арнайы шотына республикалық бюджет қаражаты есебінен аударады.

Облигациялар бойынша жергілікті бюджет қаражаты есебінен кепілдік беру үшін көзделген қаражатты өңірлік үйлестіруші қаржы агенттігіне кәсіпкерлік жөніндегі уәкілетті орган бекіткен субсидиялау және (немесе) кепілдік беру туралы шарттың үлгілік нысанына сәйкес жеке кәсіпкерлік субъектілері шығарған облигациялар бойынша жасалатын кепілдік беру шарты негізінде аударады.

Осы Облигациялар бойынша кепілдік беру қағидаларын іске асыру шеңберінде қаржы агенттігіне қаражат аударуды қаржы агенттігінің арнайы шотына қаражат аудару шартына сәйкес өңірлік үйлестіруші/кәсіпкерлік жөніндегі уәкілетті орган жүзеге асырады.

Облигациялар бойынша ішінара кепілдік беру үшін бюджет қаражаты жетіспеген жағдайда қаржы агенттігі облыстың (астананың, республикалық маңызы бар қалалардың) жергілікті атқарушы органынан/кәсіпкерлік жөніндегі уәкілетті органнан қосымша қаражат алғанға дейін ішінара кепілдік беруді тоқтата тұрады.

6. Облигациялар бойынша кепілдік беру нысанындағы қолдау шарасын қаржыландыру республикалық және/немесе жергілікті бюджеттердің қаражаты есебінен жүзеге асырылады.

Кепілдік беруге бөлінген және жеке кәсіпкерлік субъектілері шығарған облигациялар бойынша кепілдік беру шартының қолданылу кезеңі ішінде пайдаланылмаған республикалық және/немесе жергілікті бюджет қаражатын кәсіпкерлік субъектілерінің жобаларын субсидиялауға және/немесе кепілдік беруге пайдалануға жол беріледі.

7. Тиісті қаржы жылында бекітілген жаңа жобалар шеңберінде облигациялар бойынша кепілдік беру үшін бюджетті бөлу:

өңдеу өнеркәсібіне – бюджет қаражатының 50 %-ына дейін;

қызмет көрсету бойынша қызметке, оның ішінде сауда қызметі саласында – бюджет қаражатының 30 %-ына дейін;

микро және шағын кәсіпкерлік субъектілерінің қызметіне бюджет қаражатының 20 %-ына дейін жүзеге асырылады.

Бұл ретте өңдеу өнеркәсібіндегі және/немесе қызметтер көрсетуге және сауда қызметі саласындағы, және/немесе микрокәсіпкерлік субъектілеріндегі жобаларды қолдау шеңберінде бөлінген және қаржы жылының 1 қыркүйегіне пайдаланылмаған қаражатты қаржы агенттігі кепілдік беру қажеттігіне қарай солардың арасында қайта бөледі.

2-тарау. Кәсіпкерлік субъектілері шығарған облигациялар бойынша кепілдік беру тәртібі

1-параграф. Эмитенттерге қойылатын шарттар мен талаптар

8. Мыналар:

осы Облигациялар бойынша кепілдік беру қағидаларына 1-қосымшаға сәйкес тізбе бойынша экономикалық қызметтің басым түрлеріндегі жобаларды іске асыру үшін облигациялар шығару мен орналастыруды жүзеге асыратын эмитенттер;

"жасыл" жобаларды іске асыруды қаржыландыру үшін Қазақстан Республикасының заңнамасына және (немесе) АХҚО актілеріне сәйкес "жасыл" облигациялар шығаруды және орналастыруды жүзеге асыратын эмитенттер осы Облигациялар бойынша кепілдік беру қағидалары шеңберінде қатысушылар болып табылады.

9. Мыналар:

1) моторлы көлік құралдарын және Қазақстан Республикасының заңнамасына сәйкес дәрілік зат ретінде тіркелген, құрамында спирті бар медициналық мақсаттағы өнімдерді (бальзамдардан басқа) шығаруды көздейтін жобаларды қоспағанда, акцизделетін тауарларды/өнімдерді шығаруды жүзеге асыратын эмитенттер;

2) қиыршық тасты және құмды карьерлерді игеру жобаларын қоспағанда, ірі салық төлеушілер тізбесіне қосылған, тау-кен өндіру өнеркәсібіндегі және карьерлерді игерудегі жобаны іске асыруды жоспарлайтын эмитенттер;

3) құрылтайшылары (оның ішінде қатысушылары, акционерлері) мемлекеттік кәсіпорындар/мекемелер, ұлттық басқарушы холдингтер, ұлттық компаниялар мен қаржы агенттігінің уәкілетті органы өтінімді қараған кезде акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар болып табылатын эмитенттер/индустриялық-инновациялық қызмет субъектілері, олармен үлестес тұлғалар;

5) облигацияларды орналастырудан түскен қаражат есебінен актив сатып алынған тұлғаға оны сатуды/сыйға тартуды/сенімгерлік басқаруға/жалға/өтеусіз пайдалануға беруді жүзеге асырған және/немесе жүзеге асыруды жоспарлаған кәсіпкерлер, оның ішінде осы тұлғаға қосылу немесе осы тұлғамен бірігу нысанында кәсіпкер кәсіпорнын қайта ұйымдастыруды жүргізетін және/немесе болашақта жоспарлайтын кәсіпкерлер;

6) кепілдік алуға өтінім берген кезде жеке кәсіпкерлік субъектісі ретінде қызметін толық тоқтатқан немесе тоқтатып қойған кәсіпкерлер осы Облигациялар бойынша кепілдік беру қағидалары шеңберінде қатысушылар болып табылмайды.

10. Осы Облигациялар бойынша кепілдік беру қағидалары шеңберінде облигацияларды орналастырудан алынған қаражат бойынша эмитенттің өнім берушілермен, мердігерлермен, өзге контрагенттермен есеп айырысуы қолма-қол ақшасыз төлем жасау нысанында жүзеге асырылады.

2-параграф. Кепілдік беру шарттары

11. Кепілдік Қазақстан Республикасының бағалы қағаздар нарығы туралы заңнамасына сәйкес шығарылған және қор биржасының ресми тізіміне енгізілген облигацияларға қолданылады.

Кепілдік бойынша міндеттемелерді орындау эмитенттің орналастырылған (сатып алынғандарды шегергенде) облигациялары бойынша дефолт туындаған жағдайда облигация ұстаушыларға облигациялардың номиналды құнының бір бөлігін төлеуге байланысты эмитенттің міндеттемелерін өтеу жолымен басталады.

12. Кепілдік инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды іске асыруды қаржыландыру үшін кәсіпкерлік субъектілері шығарған облигацияларға, оның ішінде "жасыл" облигацияларға қолданылады.

13. Эмитенттің кепілдік берілетін облигацияларын, оның ішінде "жасыл" облигациялар шығарудың жиынтық номиналды құны бір эмитентке 5 (бес) миллиард теңгеден аспайды. Кепілдік мөлшері облигация шығару көлемінің 50 %-ынан аспайды, бірақ бір эмитентке 2,5 (екі жарым) миллиард теңгеден аспауға тиіс, бұл ретте эмитент облигациялар бойынша (кепілдік) құны облигация шығару көлемінің 50 %-ынан кем болмайтын мөлшерінде қамтамасыз етуді ұсынады.

14. Облигация шығару шарттарында облигацияларды орналастырудан алынған ақшаны пайдаланудың нысаналы мақсаты:

1) ұйымдардың, сондай-ақ кәсіпорындардың үлестерін, акцияларын мүліктік кешендер ретінде сатып алу;

2) айналым қаражатын толықтыру негізгі құралдарды сатып алуға және/немесе жаңғыртуға және/немесе өндірісті кеңейтуге облигация шығару шеңберінде жүзеге асырылатын, бірақ облигация шығарудың жиынтық номиналды құнының 30 %-нан аспайтын жағдайларды қоспағанда, айналым қаражатын толықтыру;

3) мыналарды:

4) жеңіл автомобильдерді (шанағы немесе кабинадан оқшауланған жүк платформасы бар жүк тасымалдауға арналған автомобильдерді қоспағанда) сатып алуға, оның ішінде ЭҚЖЖ коды 49.32 "Такси қызметі" бойынша қызметке ("жасыл" жобаларды, сондай-ақ 1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін сатып алуға бағытталған жобаларды қоспағанда), ЭҚЖЖ коды 77.11 "Жеңіл автомобильдер мен жеңіл автокөлік құралдарын жалға алу және олардың лизингі" бойынша жеңіл автомобильдерді жалға және лизингке беруге (1 (бір) бірлігінің құны 10 (он) миллион теңгеден аспайтын отандық өндірушілердің жеңіл автомобильдерін жалға және лизингке беруді қоспағанда) бағытталған;

5) мектепке дейінгі білім беру немесе бүлдіршін жастағы балаларға білім беру жағдайларын қоспағанда (ЭҚЖЖ коды 85.10 "Мектепке дейінгі білім беру" және 88.91 "Балаларға жасалатын күндізгі күтім"), сондай-ақ нысаналы мақсаты бизнес-мақсаттарға (апартаменттерді, пәтерлерді, тұрғын үйлерді, жеке тұрғын үй құрылысы бойынша жер учаскелерін жалға/қосалқы жалға беруді қоспағанда) қаржы агенттігінің уәкілетті органының бірінші шешімі шыққан күннен бастап бір жыл ішінде өзгерген кезде жылжымайтын мүлікпен операцияларды жүзеге асыру (апартаменттерді, пәтерлерді және тұрғын үйлерді, жеке тұрғын үй құрылысы бойынша жер учаскелерін сатып алу/жалға алу/қосалқы жалдау (осы Облигациялар бойынша кепілдік беру қағидаларында белгіленген мерзім өткеннен кейін қаржы агенттігінің уәкілетті органының шешімі негізінде 1 (бір) қаржы жылынан аспайтын қосымша мерзім беруге жол беріледі);

6) сатып алынатын жобаның кемінде 20 %-ын қосымша жаңғыртпай, бұрын субсидия және/немесе кепілдік алған, дайын және пайдалануға берілген/қолданыстағы жобаны сатып алуға шығарылған;

7) салықтық міндеттемелерді, зейнетақы аударымдары мен әлеуметтік аударымдарды, кедендік төлемдер мен алымдарды төлеу болып табылады деп көрсетілген облигацияларды қоспағанда, кепілдік инвестициялық тиімді жаңа жобаларды, сондай-ақ өндірісті жаңғыртуға және кеңейтуге бағытталған жобаларды іске асыруды қаржыландыру үшін және осы Облигациялар бойынша кепілдік беру қағидалары шеңберінде жобалар бойынша ағымдағы міндеттемелерді қайта қаржыландыру үшін Қазақстан Республикасының заңнамасына сәйкес шығарылған және қор биржасының ресми тізіміне енгізілген, сондай-ақ АХҚО актілеріне сәйкес шығарылған және АХҚО қор биржасының ресми тізіміне енгізілген облигацияларға, оның ішінде "жасыл" облигацияларға қолданылады.

15. Кепілдік беру салық декларациясының деректері, оның ішінде міндетті зейнетақы жарналары және (немесе) әлеуметтік аударымдар жөніндегі деректер негізінде жұмыс орындарының орташа жылдық санын сақтай отырып немесе ұлғайтып, еңбекақы төлеу қорының көлемін қаржы агенттігі шешім қабылдаған күннен бастап 2 (екі) қаржы жылынан кейін 10 %-ға міндетті ұлғайтуды көздейтін жобалар бойынша жүзеге асырылады.

Эмитент қаржы агенттігі шешім қабылдаған күннен бастап 2 (екі) қаржы жылынан кейін төленетін салық көлемінің (корпоративтік табыс салығы/жеке табыс салығы) 10 %-ға ұлғаятынын да растайды.

Эмитенттің айналым қаражатын толықтыруға, сондай-ақ ағымдағы міндеттемелерді қайта қаржыландыруға бағытталған жобаларына тиімділік өлшемшарттарына қол жеткізу туралы талаптар қолданылмайды.

16. Кепілдік Қазақстан Республикасының заңнамасына сәйкес шығарылған және қор биржасының ресми тізіміне енгізілген, сондай-ақ АХҚО актілеріне сәйкес шығарылған және АХҚО қор биржасының ресми тізіміне енгізілген, олар бойынша облигация шығару шарттарында облигацияларды орналастырудан алынған ақшаны пайдаланудың нысаналы мақсаты жаңа және/немесе қолданыстағы "жасыл" жобаларды қаржыландыру немесе қайта қаржыландыру болып табылады деп көрсетілген облигацияларға, оның ішінде "жасыл" облигацияларға қолданылады.

17. Кепілдік Қазақстан Республикасының заңнамасына сәйкес шығарылған және қор биржасының және (немесе) АХҚО қор биржасының ресми тізіміне енгізілген облигацияларға қолданылады.

18. Эмитент сатып алғандарын қоспағанда, орналастырылған облигациялардың, оның ішінде "жасыл" облигациялардың номиналдық құны сомасының бір бөлігіне кепілдік беріледі.

19. Бағалы қағаздар нарығы туралы заңда немесе АХҚО-ның қолданыстағы құқығында белгіленген жағдайлардан басқа, орналастырылған облигациялардың номиналды құны сомасының бір бөлігіне кепілдік беру жүзеге асырылатын облигацияны шығару шарттарына кепілдік берудің бүкіл мерзімі ішінде қаржы агенттігінің уәкілетті органымен келісу бойынша өзгерістер мен толықтырулар енгізуге болады.

20. Облигациялар/"жасыл" облигациялар бойынша кепілдік беру мерзімі ұзарту құқығынсыз 5 (бес) жылға дейін, бірақ облигациялардың айналыс мерзімінен аспайды.

21. Орналастырылған облигациялардың номиналды құны сомасының бір бөлігіне кепілдік беру облигация шығару шарттарында сыйақы төлеу кезеңділігі бір жылда 360 (үш жүз алпыс) күн және бір айда 30 (отыз) күн есебінен бір жылда екі реттен артық болмайды деп белгіленген облигациялар бойынша ғана жүзеге асырылады.

22. Кепілдігі бар эмитент облигациялары номиналды ұстауды есепке алу жүйесінде ескеріледі. Кепілдігі бар облигациялармен жасалған мәмілелерді тіркеу бағалы қағаздар нарығын мемлекеттік реттеу жөніндегі тиісті уәкілетті органдардың нормативтік құқықтық актісінде көзделген тәртіппен номиналды ұстау жүйесінде (орталық депозитарийдің және/немесе АХҚО қор биржасының орталық депозитарийінің есепке алу жүйесінде) жүргізіледі.

23. Эмитент кепілдігі бар облигация ұстаушылардың өкілін бағалы қағаздар нарығында кастодиандық және/немесе брокерлік және дилерлік қызметті жүзеге асыратын бағалы қағаздар нарығына кәсіпқой қатысушылар арасынан өзі таңдайды. Бұл ретте облигация ұстаушының өкілі эмитенттің үлестес тұлғасы және облигация шығару жөніндегі андерайтер болып табылмайды.

3-параграф. Қатысушылардың өзара іс-қимылы

24. Эмитент қаржы консультантымен бірлесіп мынадай кезеңдерден өтеді:

1) қор биржасының және/немесе АХҚО қор биржасының алдын ала келісімін алу. Алдын ала келісім алу үшін:

өтінішті және құжаттар топтамасын, оның ішінде облигация шығару шарттарының жобасын қор биржасына және/немесе АХҚО қор биржасына беру;

эмитентті және оның бағалы қағаздарын қор биржасының және/немесе АХҚО қор биржасының өлшемшарттарына/талаптарына сәйкестігі тұрғысынан тексеру қажет;

2) қаржы агенттігіне кепілдік алуға өтініш беру (оның ішінде Egov немесе Damu-online арқылы өтініш беруге болады);

3) шығару шарттарын қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда тіркеу және/немесе АХҚО қор биржасының тіркеуі;

4) қор биржасына және/немесе АХҚО қор биржасына листингке өтінішті және құжаттардың толық топтамасын беру.

25. Қаржы агенттігі эмитенттің қамтамасыз етуінің кепілдік құнын бағалауды қаржы агенттігінің уәкілетті органы бекітетін ішкі нормативтік құжаттарда белгіленген рәсімге сәйкес өзі жүргізеді.

26. Кепілдік алуға өтініш беру үшін эмитент қаржы агенттігіне осы Облигациялар бойынша кепілдік беру қағидаларына 2-қосымшаға сәйкес құжаттар топтамасымен қоса мынадай құжаттарды ұсынуы қажет:

1) қор биржасының және/немесе АХҚО қор биржасының эмитенттің және оның бағалы қағаздарының листингтік және құжаттарға қойылатын талаптарға сәйкестігі туралы алдын ала келісімі;

2) облигациялар шығару шарттарының жобасы;

3) эмитент пен орталық депозитарий және/немесе АХҚО қор биржасының орталық депозитарийі арасында төлем агентінің қызметтер көрсетуіне шарт жасасуға ниеттену туралы хабарлама;

4) қаржы агенттігіне өтінім берілген күні салық берешегінің жоқ екені туралы анықтама;

5) өтімді кепілдің кемінде 50 %-ының бар екені растау үшін бағалау компаниясының қорытындысы.

Көрсетілген, оның ішінде осы Облигациялар бойынша кепілдік беру қағидаларына 2-қосымшада көрсетілген құжаттарды қаржы агенттігіне Egov немесе Damu-online қосымшалары арқылы онлайн ұсынуға болады.

27. Құжаттарды алғаннан кейін 10 (он) жұмыс күні ішінде қаржы агенттігі эмитенттен/қаржы консультантынан түскен құжаттарды және эмитенттен түскен өтініштерді осы Облигациялар бойынша кепілдік беру қағидаларының шарттарына сәйкестігі тұрғысынан қарайды:

1) құжаттар топтамасының толық болуын тексереді. Құжаттар топтамасы толық ұсынылмаған не белгіленген нысандарға сәйкес келмейтін құжаттар ұсынылған жағдайларда ұсынылған құжаттар бойынша нақты кемшіліктерді көрсете отырып ұсынылған құжаттарды эмитентке пысықтау үшін қайтарады. Ұсынылған құжаттарға ескертулер болған және/немесе құжаттар топтамасы толық болмаған кезде қаржы агенттігі құжаттар топтамасын алған күннен бастап 3 (үш) жұмыс күні ішінде эмитентке жою үшін ескертулерді және (немесе) жетіспейтін құжаттарды, ақпаратты ұсынуға сұрату жібереді. Бұл ретте қаржы агенттігі үшін құжаттарды қарау мерзімі жаңадан басталады;

2) облигация шығару шарттары жобасының нысаналы мақсатын осы Облигациялар бойынша кепілдік беру қағидаларының шарттарына сәйкестігі тұрғысынан тексереді;

3) қаржы агенттігінің уәкілетті органы бекітетін ішкі нормативтік құжаттармен бекітілген нысан бойынша эмитенттің жобасын толық құжаттар топтамасымен қоса қаржы агенттігінің уәкілетті органының қарауына шығарады.

28. Қаржы агенттігінің уәкілетті органы жобаларды тиісті қаржы жылында кепілдік беру үшін бюджет қаражаты болған кезде қарайды.

29. Қаржы агенттігінің уәкілетті органы кепілдік беру (бермеу) туралы оң/теріс шешім қабылдағаннан кейін қаржы агенттігі эмитентке/қаржы консультантына, облигация ұстаушылардың өкіліне қаржы агенттігінің кепілдік беруінің мүмкіндігі (мүмкін еместігі) туралы шешімі бар хат жолдайды.

Қаржы агенттігінің кепілдік беру мүмкіндігі туралы оң шешімі бар хатта қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санының сақталуы/ұлғаюы, еңбекақы төлеу қоры көлемінің ұлғаю, бюджетке төленетін салықтар көлемінің (корпоративтік табыс салығы/жеке табыс салығы) 10 %-ға өсу мәндері көрсетіледі.

30. Қаржы агенттігі кәсіпкердің жобасы бойынша теріс шешім қабылдаған жағдайда мұндай шешім туралы хатта теріс шешімнің негізі дәлелденеді.

31. Оң шешімі бар хат алынғаннан кейін қаржы агенттігі, облигация ұстаушылардың өкілі және эмитент арасында облигациялар бойынша кепілдік беру шарты жасалады.

Облигациялар бойынша кепілдік беру үшін бюджетте қаражат болмаған жағдайда тиісті уәкілетті органнан/өңірлік үйлестірушіден кепілдік беру шартына қол қойылмайды.

32. Облигациялар бойынша кепілдік беру шартын жасасқан күннен бастап 5 (бес) жұмыс күнінен кешіктірмей эмитент орталық депозитарийге және/немесе АХҚО қор биржасының орталық депозитарийіне және қор биржасына және/немесе АХҚО қор биржасына облигациялар бойынша кепілдік беру шартының жасалғаны туралы хабарлама жібереді, онда облигация кепілдігінің мөлшері және орналастырылған облигация саны туралы мәліметтер міндетті түрде көрсетіледі.

4-параграф. Облигациялар бойынша кепілдік беру шартының тоқтатылуы

33. Эмитенттің жобасына кепілдік беру шартының қолданылуын тоқтату туралы шешімді қаржы агенттігі қабылдайды.

34. Қаржы агенттігі эмитенттің жобасына кепілдік беру шартын тоқтату/жою туралы шешімді мынадай фактілер анықталған кезден бастап 10 (он) жұмыс күні ішінде қабылдайды:

1) кепілдік беру жүзеге асырылатын облигацияларды орналастырудан түскен қаражатты толықтай нысаналы пайдаланбау. Облигацияларды орналастырудан түскен қаражатты ішінара нысаналы пайдаланбау фактілері анықталған кезде қаржы агенттігі кепілдік сомасын нысаналы пайдаланылмаған сомаға барабар төмендету туралы шешім қабылдайды;

2) жобаның және (немесе) эмитенттің осы Облигациялар бойынша кепілдік беру қағидаларының шарттарына сәйкес келмеуі;

3) эмитенттің шоттарындағы ақшаға тыйым салу (шоттағы ақшаның талап қоюды толық көлемде қамтамасыз ететуге жеткілікті болуы шартымен шоттардағы ақшаға талап қоюды қамтамасыз ету жөніндегі шаралар ретінде тыйым салуды қоспағанда) және/немесе эмитенттің шоты бойынша шығыс операцияларын тоқтата тұру.

35. Эмитенттің нысаналы пайдаланылмаған облигациялары анықталған жағдайда облигация ұстаушылар өкілі қаржы агенттігіне облигацияларды орналастырудан түскен қаражатты нысаналы пайдаланбау фактісін растайтын құжаттарды ұсынады. Облигациялар бойынша кепілдік беру шарты жойылады.

Эмитент қаржы агенттігінің уәкілетті органы шешім қабылдаған күннен бастап 2 (екі) қаржы жылынан кейін осы Облигациялар бойынша кепілдік беру қағидалары шеңберінде салық декларациясының деректері, оның ішінде міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын сақтау/ұлғайту, еңбекақы төлеу қоры көлемін ұлғайту, бюджетке төленетін салықтар (корпоративтік табыс салығы/жеке табыс салығы) көлемін 10 %-ға өсіру көрсеткіштеріне қол жеткізбеген жағдайда кепілдік шартының күші жойылмайды.

36. Осы Облигациялар бойынша кепілдік беру қағидаларының 34-тармағында көрсетілген фактілер анықталғаннан кейін қаржы агенттігі 5 (бес) жұмыс күні ішінде кепілдік беруді тоқтату немесе қайта бастау туралы шешім қабылдайды және тиісті хатпен облигация ұстаушылардың өкілін, орталық депозитарийді және эмитентті хабардар етеді.

37. Эмитент облигациялар бойынша купондық сыйақы төлеу бойынша міндеттемелерді орындамаған жағдайда эмитентке туындаған берешекті күнтізбелік 30 (отыз) күн ішінде өтеу үшін мерзім беріледі. Бұл ретте облигация ұстаушылардың өкілі қаржы агенттігін эмитенттің мерзімі өтіп кеткен берешегі туындағаны туралы хабардар етеді.

38. Қаржы агенттігі эмитентке кепілдік беру шартының қолданылуын тоқтату туралы шешім қабылданған күннен бастап 5 (бес) жұмыс күні ішінде эмитентке, облигация ұстаушылардың өкіліне және орталық депозитарийге және/немесе АХҚО қор биржасының орталық депозитарийіне тиісті хатпен кепілдік беру шартын біржақты бұзу туралы хабарлама жібереді, онда кепілдік беру шартын бұзу күні мен бұзу себебін көрсетеді.

39. Облигациялар бойынша кепілдік беру шарты мынадай жағдайда бұзылды деп танылады:

1) эмитенттің облигацияларды толық өтеуі;

2) облигациялар шығарылымын мемлекеттік тіркеудің сот шешімі бойынша жарамсыз деп танылуы;

3) бағалы қағаздар нарығын мемлекеттік реттеу жөніндегі уәкілетті органның және/немесе АХҚО қаржылай көрсетілетін қызметтерді реттеу жөніндегі уәкілетті органының шешімі бойынша облигациялар шығарылымының күшін жою;

4) қаржы агенттігінің кепілдік беруді тоқтату туралы шешім қабылдауы;

5) эмитент бастамасымен облигациялар бойынша кепілдік беру шартының бұзылуы;

6) облигациялар бойынша кепілдік беру шартының қолданылу мерзімінің аяқталуы.

40. Облигациялар мерзімінен бұрын өтелген жағдайда осылайша өтелген күннен кейінгі 2 (екі) жұмыс күні ішінде эмитент қаржы агенттігін осы облигацияларды мерзімінен бұрын өтеу фактісі туралы хабардар етеді.

5-параграф. Эмитенттің "электрондық үкімет" веб-порталы арқылы электрондық өтінім беруі

41. Кәсіпкер осы Облигациялар бойынша кепілдік беру қағидалары шеңберінде "электрондық үкімет" веб-порталы арқылы жүгінген кезде қаржы агенттігіне электрондық нысанда мынадай құжаттарды ұсынады:

1) кәсіпкердің электрондық цифрлық қолтаңбасымен куәландырылған электрондық сауал нысанындағы өтініш;

2) кредиттік бюроға ақпарат беруге және кредиттік есеп алуға келісім;

3) дербес деректерін жинауға және өңдеуге келісімі;

4) эмитенттің және оның бағалы қағаздарының листингтік талаптарға сәйкестігі туралы қор биржасының және/немесе АХҚК қор биржасының алдын ала қорытындысы бар электрондық көшірме (сканерленген көшірме);

5) кепілдік сомасының есеп-қисабымен облигациялар шығару шарттарының жобасы.

Кәсіпкер Қазақстан Республикасының заңнамасына сәйкес тіркелген заңды тұлға болып табылса, кепілдік тарту туралы шешім қабылдаған кәсіпкердің уәкілетті органының шешімі заңды тұлғаның электрондық цифрлық қолтаңбасымен келісу нысанында расталады.

Кәсіпкер жөніндегі мәлімет, оның ішінде заңды тұлғаны/дара кәсіпкерді мемлекеттік тіркеу туралы анықтама жөніндегі, қызмет түріне лицензия (егер қызмет түрі лицензияланатын болса) жөніндегі мәліметтерді және бюджетке төленетін міндетті төлемдер бойынша берешектің жоқ/бар екені туралы мәліметтерді қаржы агенттігі "электрондық үкімет" шлюзі арқылы тиісті мемлекеттік ақпараттық жүйелерден алады.

"Электрондық үкімет" шлюзі арқылы тиісті мемлекеттік ақпараттық жүйелерден деректерді алуға техникалық тұрғыдан мүмкіндік болмаған немесе деректер анық болмаған жағдайларда қаржы агенттігі құжаттарды кәсіпкерден сұратады.

42. Қызмет көрсету нәтижесі кәсіпкерге электрондық цифрлық қолтаңбамен куәландырылған электрондық құжат нысанында "жеке кабинетке" жіберіледі.

3-тарау. Жобалардың іске асырылуын мониторингтеу

43. Осы Облигациялар бойынша кепілдік беру қағидалары шеңберінде кәсіпкерлер жобаларының іске асырылуын мониторингтеуді қаржы агенттігі және облигация ұстаушылардың өкілі жүзеге асырады.

Қаржы агенттігі мониторингті кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына сәйкес жүзеге асырады.

44. Қаржы агенттігінің функциялары:

1) орталық депозитарий және/немесе АХҚО қор биржасының орталық депозитарийі және/немесе АХҚО қор биржасының тіркеушісі ұсынатын деректер мен құжаттар негізінде кепілдік шартын жасасқан эмитенттің облигациялық қарызды нысаналы пайдалануын мониторингтеу;

2) орталық депозитарий және/немесе АХҚО қор биржасының орталық депозитарийі ұсынатын деректер негізінде эмитенттің төлем тәртібін мониторингтеу;

3) жобаның іске асырылуын мониторингтеу;

4) кепілдік беру рәсімдері мен шарттары бөлігінде жобаның және/немесе эмитенттің осы Облигациялар бойынша кепілдік беру қағидаларының талаптарына сәйкестігін мониторингтеу.

45. Облигация ұстаушылар өкілінің функциялары, оның ішінде облигациялар бойынша кепілдік шартының талаптарына сәйкес:

1) облигация шығару шарттарында белгіленген міндеттемелерді эмитенттің облигация ұстаушылар алдында орындауын бақылау;

2) эмитенттің облигацияларды орналастырудан алынған ақшаны нысаналы пайдалануын бақылау;

3) эмитенттің облигация ұстаушылар алдындағы міндеттемелерінің орындалуын қамтамасыз ету болып табылатын мүліктің жай-күйін бақылау;

4) эмитенттің облигация ұстаушылар алдындағы міндеттемелерінің орындалуын қамтамасыз ету болып табылатын мүлікке қатысты эмитентпен кепіл шартын жасасу;

5) эмитенттің қаржылық жай-күйін мониторингтеу және оның корпоративтік оқиғаларын талдау;

6) эмитенттің облигация шығару шарттарында белгіленген міндеттемелерді орындамауы мәселелері бойынша облигация ұстаушылардың құқықтары мен мүдделерін қорғауға бағытталған, оның ішінде меншігіне эмитенттің орналастырылған (сатып алынғандарын шегергенде) облигацияларының елу және одан да көп пайызы тиесілі облигация ұстаушылардың атынан сотқа талап қою арқылы шаралар қолдану;

7) облигация ұстаушыларды және қор биржасының және/немесе АХҚО қор биржасының уәкілетті органын осы тармақтың жоғарыда көрсетілген тармақшаларына сәйкес өз әрекеті мен осындай әрекеттің нәтижелері туралы тоқсанына кемінде бір рет хабардар ету;

8) кепілдік сомасы 500 (бес жүз) миллион теңгеден асатын кепілдік беру жобалары бойынша қаржы агенттігінің сұратуына сәйкес тоқсан сайынғы негізде жобаның қаржы мониторингін жүргізу үшін қажетті құжаттар топтамасын қаржы агенттігіне тоқсанына бір реттен асырмай ұсыну.

46. Қор биржасының және/немесе АХҚО қор биржасының функциялары:

1) эмитенттің листингке құжаттарының толық топтамасын, оның ішінде облигациялар шығару шарттарының жобасын тексеруді жүргізеді;

2) эмитенттің облигацияларын, оның ішінде "жасыл" облигацияларды, қор биржасының және/немесе АХҚО қор биржасының ресми тізіміне енгізу туралы алдын ала келісім береді;

3) қажет болған жағдайда эмитенттің және оның бағалы қағаздарының қор биржасының және/немесе АХҚО қор биржасының өлшемшарттарына/талаптарына сәйкестігіне тексеру жүргізеді.

47. Мониторинг функцияларын жүзеге асыру үшін қаржы агенттігі эмитенттен мониторинг нысанасына қатысты, оның ішінде салықтық құпияны құрайтын қажетті құжаттар мен ақпаратты сұратады, жобаның іске асырылуын сол жерге барып мониторингтеуді жүзеге асырады.

"Жасыл" облигациялар бойынша қаржылай қолдау қаражатының нысаналы пайдаланылуын мониторингтеу шеңберінде қаржы агенттігі "жасыл" таксономияның шекті өлшемшарттарында:

1) энергия тұтынуды төмендетудің нақты ең төмен мәндері;

2) парниктік газдар шығарындыларының ең төмен деңгейі;

3) қалдықтардың кәдеге жаратудың/үлесін азайтудың;

4) су тұтынуды төмендету;

5) ең үздік қолжетімді технологиялар анықтамалықтарының талаптарына сәйкес келу (шекті өлшемшартта көрсетілген бөлікте) көзделген жағдайларда провайдерлердің тәуелсіз бағалауының негізінде эмитенттің белгіленетін "жасыл" жоба бойынша мәлімделген осы шекті өлшемшарттарға қол жеткізуін тексереді.

Сыртқы бағалау провайдерінің қорытындысын эмитент ұсынады.

48. Мониторинг функцияларын жүзеге асыру үшін облигация ұстаушылардың өкілі эмитенттен мониторинг нысанасына жататын, оның ішінде салықтық және коммерциялық құпияны құрайтын қажетті құжаттар мен ақпаратты жергілікті жерге бару құқығымен сұратады.

49. Облигация ұстаушылардың өкілі Қазақстан Республикасының заңнамасына сәйкес бағалы қағаздар нарығын мемлекеттік реттеу жөніндегі уәкілетті органды өз әрекеті туралы хабардар етеді.

50. Қаржы агенттігі облигацияларды орналастырудан түскен қаражат толықтай нысаналы пайдаланылмаған кезде кепілдікті тоқтатады/жояды/облигацияларды орналастырудан түскен қаражатты нысаналы мақсаты бойынша пайдаланбау, осы Облигациялар бойынша кепілдік беру қағидаларының және/немесе кепілдік шартының талаптарын бұзу, қаржы агенттігінің кепілдік беру туралы шешімімен белгіленген кепілдік беру шарттарын бұзу фактілері анықталған кезде кепілдік сомасын облигацияларды орналастырудан түскен қаражатты нысаналы пайдалану сомасына пропорционалды түрде төмендетеді.

51. Эмитент жобасының іске асырылу барысының ағымдағы мониторингі туралы қаржы агенттігінің бекітілген нысанына сәйкес есепті облигация ұстаушылардың өкілі қаржы агенттігіне есепті айдан кейінгі айдың 5 (бесінші) күнінен кешіктірмей, жазбаша түрде ұсынады және қаржы агенттігі айқындаған жауапты орындаушының электрондық мекенжайына қоса жолдайды.

Кәсіпкерлік субъектілері
шығарған облигациялар
бойынша кепілдік беру
қағидаларына
1-қосымша

Экономикалық қызметтің басым түрлерінің тізбесі

Экономикалық қызмет түрлерінің жалпы жіктеуішінің коды	Атауы
1	2
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді игеру
08.12.1	Қиыршық тасты және құмды карьерлерді игеру
09	Тау-кен өндіру өнеркәсібінде кызметтер көрсету
Өңдеу өнеркәсібі
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі*
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою қызметі және қалдықтарды жою саласындағы өзге де көрсетілетін қызметтер
Көтерме және бөлшек сауда; автомобильдерді және мотоциклдерді жөндеу
45.2	Автокөліктерге техникалық қызмет көрсету және жөндеу
Көлік және қоймаға жинау
49.3	Құрлықтағы өзге де жолаушылар көлігінің қызметі**
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
53	Пошта және курьер қызметі***
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру****
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.8	Жеке меншік немесе жалға алынған қойма үй-жайларын жалдау (қосалқы жалдау) және басқару*****
Кәсіптік, ғылыми және техникалық қызмет
69.2	Бухгалтерлік есеп және аудит саласындағы қызмет; салық салу бойынша консультация беру
71	Сәулет, инженерлік ізденістер, техникалық сынақтар мен талдау саласындағы қызмет
72	Ғылыми зерттеулер және әзірлемелер
74	Өзге де кәсіптік, ғылыми және техникалық қызмет
75	Ветеринариялық қызмет
Әкімшілік және қосалқы қызмет көрсету саласындағы қызмет
81	Ғимараттарға қызмет көрсету және аумақтарды абаттандыру қызметі
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
91	Кітапханалардың, архивтердің, музейлердің қызметі және мәдениет саласындағы өзге де қызмет
93	Спорт, демалысты және ойын-сауықты ұйымдастыру саласындағы қызмет******
Көрсетілетін қызметтердің өзге де түрлерін ұсыну
95	Компьютерлерді, жеке тұтыну заттарымен тұрмыстық тауарларды жөндеу
96.01	Текстиль және тері бұйымдарын жуу және (химиялық) тазалау

*** табиғи монополиялар саласына жататын қызметті қоспағанда;

**** апартаменттерді, пәтерлерді және тұрғын үйлерді қоспағанда;

***** бұл ЭҚЖЖ қойма үй-жайлары мен қойма алаңдарын жалға беруді көздейді;

****** дискотекалар мен караокені қоспағанда.

Кәсіпкерлік субъектілері
шығарған облигациялар
бойынша кепілдік беру
қағидаларына
2-қосымша

Кәсіпкердің жобасы бойынша қаржы агенттігіне ұсынылатын құжаттар тізбесі

1. Жалпы құжаттар

Р/с №	Құжаттың атауы	Нысан
1	2	3
1	Эмитенттен/эмитент өкілінің құжаттары тізбесіне ілеспе хат	түпнұсқа/электрондық цифрлық қолтаңба (бұдан әрі – ЭЦҚ) қолданылған электрондық формат
2	Құжаттар топтамасындағы барлық құжаттардың тізімдемесі немесе құжаттарды қабылдау-тапсыру актісі	эмитент/эмитент өкілі қол қойған және эмитенттің/эмитент өкілінің мөрімен расталған түпнұсқа/ЭЦҚ қолданылған электрондық формат
3	Қор биржасы үшін облигациялар шығаруға өтінім	көшірме/ЭЦҚ қолданылған электрондық формат
4	Қор биржасының алдын ала қорытындысы	түпнұсқа/ЭЦҚ қолданылған электрондық формат
5	Эмитенттің соңғы есепті күнгі жағдай бойынша қаржылық құжаттары (берешектің пайда болған күнін, өтеу жоспарланған күнді және берешектің нысанасын көрсете отырып, таратып жазылған кредиторлық және дебиторлық берешек, негізгі құралдардың, тауарлық-материалдық қорлардың (бұдан әрі – ТМҚ) таратып жазылуы, соңғы 12 айдағы кірістер мен шығыстар туралы есеп (жеке кәсіпкерлер үшін)*	Нотариат куәландырған көшірме/түпнұсқа/ЭЦҚ қолданылған электрондық формат
6	Кәсіпкердің мөрімен расталған (заңды тұлғалар үшін)* эмитенттің жыл басындағы және соңғы есепті күнгі жағдай бойынша қаржы құжаттары (берешектің пайда болған күнін, өтеудің жоспарланған күнді және берешектің нысанасын көрсете отырып, жыл басындағы және соңғы есепті күнгі жағдай бойынша таратып жазылған кредиторлық және дебиторлық берешек, негізгі құралдардың, ТМҚ-ның таратып жазылуы)	Нотариат куәландырған көшірме/түпнұсқа/ЭЦҚ қолданылған электрондық формат
7	Кірістер мен шығыстар туралы есеп баптарының таратылып жазылуы – өткізуден түскен кіріс, өзіндік құны, кезең шығыстары, өзге де кірістер мен шығыстар, қаралатын кезең үшін ақшалай және заттай мәндегі өткізілген өнімнің көлемі*	Нотариат куәландырған көшірме/түпнұсқа/ЭЦҚ қолданылған электрондық формат
8	Қызмет көрсететін банктің толық деректемелерін көрсетуді қоса алғанда, құжаттарды қарау кезіндегі жағдай бойынша қызмет көрсететін банктен несие берешегінің болуы (болмауы) туралы, соңғы 12 айдағы айналымдар, сондай-ақ мерзімінде төленбеген есеп айырысу құжаттары туралы анықтама (№ 2 картотека)	банк нысаны бойынша түпнұсқа (түпнұсқамен салыстырып тексерілген көшірме күнтізбелік 30 күнге дейін күшінде болады)/ ЭЦҚ қолданылған электрондық формат
9	Несие берешегінің, оның ішінде басқа қаржы ұйымдарынан мерзімі өткен берешектің болуы туралы анықтама (банктерден басқа кредиттер болған кезде)	түпнұсқа (түпнұсқамен салыстырып тексерілген көшірме күнтізбелік 30 күнге дейін күшінде болады)/ЭЦҚ қолданылған электрондық формат
10	Банктердегі барлық шоттар туралы мәліметтер	хаттың түпнұсқасы/ЭЦҚ қолданылған электрондық формат
11	Лицензиялар**, патенттер, квоталар және тағы да басқалар (өтініш берушінің қызмет түрі лицензияланатын немесе қарыз қаражаты жұмсалатын тауарлар мен көрсетілетін қызметтердің жекелеген түрлерін өткізу лицензияланатын жағдайда)	лицензия туралы ақпаратты қамтитын мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады
12	Жобаны іске асыру жөніндегі құжаттар (бар болса): 1) келісімшарттар, сатып алу-сату шарттары, ниет шарттары, жұмыстар жүргізу, қызметтер көрсету шарттары, орындалған жұмыстар актілері, төлем шоттары және тағыда басқа; 2) жоспарланатын жұмыстар бойынша смета, құрылыс-монтаждау жұмыстарын жүргізуге тиісті рұқсат (кредит құрылыс, реконструкциялау саласында пайдалану үшін берілген жағдайда); 3) жобаға жеке қатысқанын растайтын құжаттар; 4) қаралатын жоба бойынша шешім қабылдау үшін банк пайдаланатын құжаттар	түпнұсқамен салыстырып тексерілген көшірме/ЭЦҚ қолданылған электрондық нұсқа
13	Бизнес-жоспар	түпнұсқа немесе түпнұсқамен салыстырып тексерілген көшірме/ЭЦҚ қолданылған электрондық формат
14	Соңғы және ағымдағы жылдар үшін қолданыстағы және қолданылған келісімшарттар (бар болса)	көшірмелер/ЭЦҚ қолданылған электрондық формат
15	Кредиттік келісімдер (қолданыстағы кредиттер болған кезде)	көшірмелер/ЭЦҚ қолданылған электрондық формат
16	Банк атынан банктік қарыз, кепіл және кепілдік шартын жасасатын тұлғаның өкілеттіктерін растайтын құжаттар	банктің мөрімен куәландырылған көшірмелер (банктің кепілдік шартын жасасатын кезге қарай ұсынуына жол беріледі)/ЭЦҚ қолданылған электрондық формат

* 500 (бес жүз) миллион теңгеден асатын кредиттер бойынша.

Ескертпе: қаржы есептілігінің ескіру мерзімі банк құжаттар топтамасын ұсынған күнге 6 (алты) айдан аспайды.

2. Кәсіпкердің құқықтық мәртебесі мен өкілеттіктерін айқындайтын құжаттар

1. Эмитент жеке кәсіпкер болған жағдайда:

Р/с №	Құжаттың атауы	Нысан
1	2	3
1	Жеке басты куәландыратын құжат	жеке басты куәландыратын құжаттар туралы мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады
2	Кәсіпкерді мемлекеттік тіркеу туралы хабарлама**	жеке кәсіпкер ретінде тіркеу туралы мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады
3	Қол қою үлгілері, мөрдің бедері (бар болса) бар құжат	түпнұсқа не түпнұсқамен салыстырып тексерілген көшірме/ЭЦҚ қолданылған электрондық формат
4	Кәсіпкердің/кепілгердің кредиттік бюроға ақпарат беруге және кредиттік есеп алуға келісімі	түпнұсқа қаржы агенттігінің атына беріледі/ЭЦҚ қолданылған электрондық формат
5	Кәсіпкердің/кепілгердің дербес деректерді жинауға және өңдеуге келісімі	түпнұсқа қаржы агенттігінің атына беріледі/ЭЦҚ қолданылған электрондық формат

2. Эмитент Қазақстан Республикасының заңнамасына сәйкес тіркелген заңды тұлға болған жағдайда:

Р/с №	Құжаттың атауы	Нысан
1	2	3
1	Жарғы, оған енгізілген өзгерістер мен толықтырулар	түпнұсқамен салыстырып тексерілген көшірме/ЭЦҚ қолданылған электрондық формат
2	Заңды тұлғаны мемлекеттік тіркеу/қайта тіркеу туралы куәлік/анықтама**	заңды тұлғаны мемлекеттік тіркеу (қайта тіркеу) туралы мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады
3	Уәкілетті органның бірінші басшыны тағайындау туралы шешімі	түпнұсқа немесе түпнұсқамен салыстырып тексерілген көшірме
4	Банкте және қаржы агенттігінде кәсіпкердің атынан құжаттарға қол қоюға уәкілеттік берілген тұлғаның жеке басын куәландыратын құжат, сондай-ақ оның өкілеттіктерін растайтын құжаттар	жеке басты куәландыратын құжаттар туралы мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады/ЭЦҚ қолданылған электрондық формат
5	Кепілдіктер тарту туралы шешім қабылдаған уәкілетті органның шешімі	қаржы агенттігі бекіткен нысан бойынша түпнұсқа/ЭЦҚ қолданылған электрондық формат
6	Қор биржасы уәкілетті органының шешімі	қор биржасы бекіткен нысан бойынша түпнұсқа/ЭЦҚ қолданылған электрондық формат
7	Бірінші басшының, бас бухгалтердің қол қою және кәсіпкер мөрінің бедері (бар болса) үлгілері бар құжат	түпнұсқамен салыстырып тексерілген көшірме/ЭЦҚ қолданылған электрондық формат
8	Кәсіпкердің/құрылтайшының/кепілгердің кредиттік бюроға ақпарат беруге және кредиттік есеп алуға келісімі	түпнұсқа қаржы агенттінінің атына беріледі/ЭЦҚ қолданылған электрондық формат

Ескертпе:

** Шағын және орта кәсіпкерлік субъектісі бойынша, оның ішінде заңды тұлғаны мемлекеттік тіркеу/қайта тіркеу туралы анықтама және жеке кәсіпкерді тіркеу, кәсіпкерлік субъектісінің санаты, лицензия туралы хабарлама бойынша мәліметтерді уәкілетті орган "электрондық үкімет" шлюзі арқылы тиісті мемлекеттік ақпараттық жүйелерден алады.

Мемлекеттік көрсетілетін қызметті "электрондық үкімет" порталы арқылы алған кезде жоғарыда көрсетілген мәліметтерді қоспағанда, өтінішке құжаттардың электрондық көшірмелері қоса беріледі.

Бірнеше парақтан тұратын құжат ұсынылған жағдайда, мұндай құжат тігіліп, нөмірленеді не құжаттың әр парағында уәкілетті тұлғалардың қолы қойылып, мөрімен/мөртабанымен бекітіледі.

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Әлеуметтік кәсіпкерлік субъектілері үшін мемлекеттік гранттар беру қағидалары

1-тарау. Жалпы ережелер

1. Осы Әлеуметтік кәсіпкерлік субъектілері үшін мемлекеттік гранттар беру қағидалары (бұдан әрі – Мемлекеттік гранттар беру қағидалары) Қазақстан Республикасының Кәсіпкерлік кодексі 94-бабының 3-тармағына сәйкес әзірленді және кәсіпкерлерге бизнес-идеяларды іске асыру үшін мемлекеттік гранттар беру тәртібін айқындайды.

2. Осы Мемлекеттік гранттар беру қағидаларында мынадай негізгі ұғымдар пайдаланылады:

1) әлеуметтік кәсіпкерлік субъектісі – әлеуметтік кәсіпкерлік субъектілерінің тізіліміне енгізілген дара кәсіпкерлер және заңды тұлғалар (ірі кәсіпкерлік субъектілерін қоспағанда);

2) әлеуметтік кәсіпкерлік субъектілерінің тізілімі (бұдан әрі – тізілім) – осы Мемлекеттік гранттар беру қағидаларына 1-қосымшаға сәйкес нысан бойынша әлеуметтік кәсіпкерлік субъектілері болып табылатын дара кәсіпкерлер мен заңды тұлғалар туралы мәліметтер қамтылған электрондық деректер базасы;

3) бизнес-сәйкестендіру нөмірі (бұдан әрі – БСН) – заңды тұлға (филиал мен өкілдік) және қызметін бірлескен кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір;

4) бизнес-жоба – кәсіпкердің өз бизнесін құру (тауарлар өндіру, жұмыстарды орындау, қызметтер көрсету) мүмкіндігін ашатын, сипаттама, есеп-қисаптар, болжамдар нысанында орындалған, сондай-ақ жобаны іске асыру мерзімдері және бизнес-идеяларды іске асыру, жаңа жұмыс орындарын құру үшін берілетін мемлекеттік грант (бұдан әрі – мемлекеттік грант) көлемінің кемінде 20 %-ы деңгейінде кәсіпкердің өз қаражатымен (ақшалай қаражатпен, бизнес-жобаға қатысатын жылжымалы/жылжымайтын мүлікпен) қоса қаржыландыру қамтылған жоспары;

5) бизнес-идея – тауарлар шығаруды, қызметтер көрсетуді, жұмыстарды орындауды көздейтін нақты жобаны іске асыруға бағытталған кәсіпкерлік бастама;

6) веб-портал – Интернет желісінде орналастырылған, субсидиялаудың ақпараттық жүйесін қолжетімді ететін интернет-ресурс;

7) грант беру туралы шарт – кәсіпкерлік жөніндегі уәкілетті орган бекітетін нысан бойынша субсидиялаудың ақпараттық жүйесінің веб-порталында (бұдан әрі – веб-портал) өңірлік үйлестіруші, қаржы агенттігі және кәсіпкер арасында электрондық түрде жасалатын, шарттары бойынша кәсіпкерге бизнес-идеяларды іске асыруға нысаналы мемлекеттік грант берілетін үшжақты келісім;

8) жеке кабинет – тізілімдегі пайдаланушының (кәсіпкердің, кәсіпкерлік жөніндегі уәкілетті органның, ұлттық институттың, қаржы агенттігінің, өңірлік үйлестірушінің, конкурстық комиссияның) дербес веб-парағы;

9) жеке сәйкестендіру нөмірі (бұдан әрі – ЖСН) – жеке тұлға үшін, оның ішінде қызметін жеке кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір;

10) жеке шот – субсидиялаудың ақпараттық жүйесінде ашылатын, тізілімде тіркелген пайдаланушы туралы ақпаратты көрсететін, оны тану (сәйкестендіру) үшін және оның жеке деректері мен баптауларды қолжетімді ету үшін қажетті шот;

11) жоба – кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде кәсіпкер жүзеге асыратын бизнестің түрлі бағыттарындағы іс-әрекеттер мен іс-шаралар жиынтығы;

12) кәсіпкер – әлеуметтік кәсіпкерлік субъектісі, "Бір ауыл – бір өнім" бағдарламасының финалисі болып табылатын шағын және орта кәсіпкерлік субъектісі;

13) кәсіпкерлік жөніндегі уәкілетті орган – жеке кәсіпкерлікті дамыту және қолдау саласында басшылық пен салааралық үйлестіруді жүзеге асыратын мемлекеттік орган;

14) кворум – дауыс беру кезінде конкурстық комиссия мүшелері санының үштен екісінен астамының қатысуы;

15) кешендi кәсiпкерлiк лицензия (франчайзинг) – айрықша құқықтар кешенiнiң құқық иеленушiсi оны басқа тұлғаға өтеулi негiзде пайдалануға беретiн кәсiпкерлiк қызмет;

16) конкурстық комиссия – мемлекеттік грант алуға үміткер кәсіпкерлердің өтінімдерін іріктеу жөніндегі алқалы-кеңесші орган;

17) көрсетілетін қызметтерді беруші – мемлекеттік сатып алу туралы заңнамаға сәйкес өңірлік үйлестіруші/кәсіпкерлік жөніндегі уәкілетті орган айқындайтын, субсидиялаудың ақпараттық жүйесіне қол жеткізуді және оны иеленуші ретінде сүйемелдеуді қамтамасыз ететін тұлға;

18) қаржы агенттігі – "Даму" кәсіпкерлікті дамыту қоры" акционерлік қоғамы;

19) мүдделер қақтығысы – конкурстық комиссия мүшесінің жеке мүдделері арасындағы қайшылық, бұл жағдайда конкурстық комиссия мүшесінің жеке мүдделері оның өз өкілеттіктерін орындамауына немесе тиісінше орындамауына әкелуі мүмкін;

20) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның кәсіпкерлік саласындағы құрылымдық бөлімшесі;

21) өтінім – осы Мемлекеттік гранттар беру қағидаларының талаптарына сәйкес қажетті құжаттар қоса берілетін электрондық нысандағы өтініш;

22) өтінімдердің электрондық тізілімі (бұдан әрі – тізілім) – өтінімдер, сондай-ақ пайдаланушылар туралы мәліметтер жиынтығы және субсидиялаудың ақпараттық жүйесінде көрсетілген өзге де мәліметтер;

23) субсидиялаудың ақпараттық жүйесі – ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдық ретке келтірілген, мемлекеттік қолдау процестерін орындау жөнінде қызметтер көрсетуге арналған, "электрондық үкімет" веб-порталымен өзара іс-қимыл жасауға, өтінімді тіркеуге, сондай-ақ өтінімнің мемлекеттік қолдау көрсету шарттарына сәйкестігі тұргысынан оны автоматты түрде тексеру арқылы оны өңдеуге мүмкіндік беретін жиынтығы;

24) үлестес компаниялар/тұлғалар – "Акционерлік қоғамдар туралы" Қазақстан Республикасының Заңының 64-бабында айқындалған заңды тұлғаның үлестес компаниялары/тұлғалары, сондай-ақ жеке тұлғаның үлестес тұлғалары:

жақын туыстары, жұбайы (зайыбы), жұбайының (зайыбының) жақын туыстары (бұдан әрі – жақын туыстар);

осы жеке тұлға және (немесе) оның жақын туыстары өндірістік кооперативтің ірі акционері/ірі қатысушысы/мүшесі және (немесе) лауазымды тұлғасы болып табылатын заңды тұлға;

осы жеке тұлғаның және (немесе) оның жақын туыстарының бақылауындағы заңды тұлға;

осы тармақшаның 3) және 4) абзацтарында көрсетілген заңды тұлғалар ірі акционерлері (ірі қатысушылары) болып табылатын немесе мүліктегі тиісті үлеске құқығы бар заңды тұлға;

осы тармақшаның үшінші, төртінші және бесінші абзацтарында көрсетілген заңды тұлғалардың лауазымды тұлғалары;

25) "электрондық үкімет" веб-порталы – нормативтік құқықтық базаны қоса алғанда, барлық шоғырландырылған үкіметтік ақпаратқа және мемлекеттік көрсетілетін қызметтерге, табиғи монополиялар субъектілерінің желілеріне қосылуға техникалық шарттар беру жөніндегі көрсетілетін қызметтерге және квазимемлекеттік сектор субъектілерінің электрондық нысанда көрсетілетін қызметтеріне қол жеткізетін бірыңғай терезе болып табылатын ақпараттық жүйе;

26) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және ондағы мәліметтердің өзгермейтіндігін растайтын электрондық цифрлық нышандар жиыны.

3. Мемлекеттік гранттар әлеуметтік кәсіпкерлік субъектілеріне, "Бір ауыл – бір өнім" бағдарламасының финалистері болып табылатын шағын және орта кәсіпкерлік субъектілеріне өтеусіз негізде беріледі.

Мемлекеттік грант акцизделетін өнімге байланысты қызметті жүзеге асыратын әлеуметтік кәсіпкерлік субъектілеріне, "Бір ауыл – бір өнім" бағдарламасының финалистері болып табылатын шағын және орта кәсіпкерлік субъектілеріне берілмейді.

4. Мемлекеттік гранттарды мемлекет кәсіпкерлердің мемлекеттік грант беруге өтінімдерін іріктеу үшін өткізілетін конкурстардың нәтижелері бойынша өңірлік үйлестірушілер арқылы береді.

5. Мемлекеттік грант нысанындағы қолдау шаралары жергілікті бюджет қаражаты есебінен қаржыландырылады.

6. Субсидиялаудың ақпараттық жүйесін пайдалану жөніндегі шарттар мен талаптар өңірлік үйлестіруші/кәсіпкерлік жөніндегі уәкілетті орган мен көрсетілетін қызметті беруші арасында тиісті шарт жасалғаннан кейін туындаған қатынастарға қолданылады.

7. Осы Мемлекеттік гранттар беру қағидалары күшіне енген күні қолданыста болатын және субсидиялаудың ақпараттық жүйесінде тіркелген грант беру туралы шарттар қаржыландырылуға тиіс.

8. Қаржы агенттігінің және көрсетілетін қызметтерді берушінің қызметтеріне кәсіпкерлік жөніндегі өңірлік үйлестіруші/кәсіпкерлік жөніндегі уәкілетті орган республикалық/жергілікті бюджет қаражаты есебінен ақы төлейді.

2-тарау. Мемлекеттік грант берудің тәртібі мен шарттары

1-параграф. Мемлекеттік грант берудің шарттары

9. Әлеуметтік кәсіпкерлік субъектілері, "Бір ауыл – бір өнім" бағдарламасының финалистері болып табылатын шағын және орта кәсіпкерлік субъектілері мемлекеттік грант беруге арналған конкурстық іріктеуге қатыса алады.

10. Осы Мемлекеттік гранттар беру қағидаларының шарттарына сәйкес келетін әрбір кәсіпкер бір бизнес-жоба бойынша бизнес-идеяларды іске асыру үшін мемлекеттік грант беру мақсатындағы конкурстық іріктеуге қатыса алады.

Бұл ретте кәсіпкердің бизнес-жобасы тізілімде тіркелген әлеуметтік кәсіпкерлік субъектісінің қызмет саласына сәйкес келуге тиіс.

Бизнес-идеяларды іске асыруға арналған бизнес-жобаның міндетті шарттары:

1) кәсіпкердің жобаны іске асыруға арналған шығыстарды берілетін мемлекеттік грант көлемінің кемінде 20 %-ы мөлшерінде ақшалай қаражатпен, оның ішінде бизнес-жобаға қатысатын жылжымалы немесе жылжымайтын жеке мүлкімен қоса қаржыландыруы;

2) жаңа жұмыс орындарын құру;

3) кәсіпкердің бизнес-жобасында инфрақұрылымның болуы және (немесе) жобаны іске асыру үшін жеткілікті инфрақұрылым құру көзделген инвестициялық жоспардың болуы.

11. Кәсіпкерлер мемлекеттік грант қаражатын мына мақсаттарға пайдаланады:

1) тауар шығару немесе қызметтер көрсету үшін қажетті негізгі құралдарды (оның ішінде негізгі құралдарды салу/жаңғырту/реконструкциялау/ күрделі жөндеу), шикізат пен материалдарды сатып алу;

2) материалдық емес активтерді сатып алу;

3) технология сатып алу;

4) кешенді кәсіпкерлік лицензияға (франчайзингке) құқықтарды сатып алу;

5) зерттеу жұмыстарына және (немесе) жаңа технологияларды ендіруге байланысты шығыстар.

Мемлекеттік грант қаражатын өзге мақсаттарға пайдалануға жол берілмейді.

Кәсіпкердің бизнес-жобаны іске асыру мерзімі грант беру туралы шартқа қол қойылған кезден бастап 18 (он сегіз) айдан аспауға тиіс.

Бұл ретте іске асыру бойынша көрсетілген мерзім ішінде кәсіпкердің қызметі жүзеге асырмаса, сатып алынған негізгі құрал өткізіліп, бизнес-жобаны іске қосу және одан әрі іске асыру үшін ұқсас/баламалы құралмен ауыстырылмаса, кәсіпкер мемлекеттік грант қаражатын толық көлемде өтеуге міндетті.

12. Мемлекеттік грант қаражатын:

1) жылжымайтын мүлік және (немесе) жер учаскесін сатып алуға;

2) жалдау ақысын төлеу ретінде;

3) үлестес/байланысты компаниялардан/ тұлғалардан және (немесе) кәсіпкердің жақын туыстарынан ("Неке (ерлі-зайыптылық) және отбасы туралы" Қазақстан Республикасының Кодексіне сәйкес айқындалған) негізгі құралдарды/активтерді сатып алуға (көрсетілетін қызметтерді алуға/жұмыстарды орындауға);

4) бұрын пайдалануда болған негізгі құралдарды (жабдықтарды) сатып алуға пайдалануға болмайды.

Бұл ретте негізгі құралдарды (жабдықтарды) сатып алу тиісті құжаттармен (шарт/келісімшарт/жабдық паспорты/сапа сертификаты) расталуға тиіс;

5) шанағы немесе кабинадан оқшауланған жүк платформасы бар, жүк тасымалдауға арналған автокөлікті, сондай-ақ отандық өндірушілердің жеңіл автомобильдері мен жеңіл автокөлік құралдарын жалдауға және прокатқа алуға байланысты жобаларды қоспағанда, жеңіл автокөлік сатып алуға;

6) өңдеу өнеркәсібіне жататын тамақ өнімдерін өндіру жөніндегі жобаларды қоспағанда, ауыл шаруашылығы жануарларын (ірі қара/ұсақ мал, құс, бал арасын, сондай-ақ өзге де ауыл шаруашылығы жануарларын) сатып алуға пайдалануға болмайды.

Кәсіпкердің бизнес-идеяларды іске асыруға арналған мемлекеттік грант қаражатын игеруі кәсіпкерлік субъектісі ретінде тіркелген контрагент шотына қолма-қол ақшасыз төлем арқылы жүзеге асырылады (бұрын пайдалануда болған автокөлікті жеке тұлғадан сатып алуға жол беріледі).

13. Бір кәсіпкер үшін мемлекеттік грант сомасы мемлекеттік грант алуға ұсынылған өтінімге байланысты 5 (бес) миллион теңгеге дейінгі соманы құрайды.

14. Мемлекеттік гранттар:

1) қайта ұйымдастыру, тарату немесе банкроттық сатысындағы, сондай-ақ қызметі Қазақстан Республикасының қолданыстағы заңнамасына сәйкес тоқтатып қойылған;

2) салықтар мен мемлекеттік бюджетке басқа да міндетті төлемдер бойынша берешегі бар;

3) қызметінің негізгі түрі жылжымайтын мүлікті жалға беру болып табылатын;

4) мемлекеттік грант алуға өтінім берген кезде бизнес-жобаны іске асыруға арналған шығыстарды берілетін мемлекеттік грант көлемінің кемінде 20 %-ы мөлшерінде ақшалай қаражатпен, бизнес-жобаға қатысатын жылжымалы/жылжымайтын мүлікпен қоса қаржыландыруды растамаған;

5) мемлекеттік сатып алудың жосықсыз қатысушылары тізілімінде тұрған;

6) конкурсқа қатысушының кредиттік тарихына сәйкес қаржылық міндеттемелері бойынша мерзімі өткен берешегі бар;

7) осы Мемлекеттік гранттар беру қағидалары шеңберінде мемлекеттік грант беру бойынша қолдау алған (оның ішінде бұрын қолданыста болған бизнесті қолдау мен дамытудың мемлекеттік бағдарламалары қолданылған кезеңде);

8) конкурс өткізілетін өңірге сәйкес келмейтін басқа өңірде тіркелген және бизнес-жобаны іске асыруды жоспарлаған кәсіпкерлерге берілмейді.

15. Конкурс өткізу үшін облыс (астана, республикалық маңызы бар қалалар) әкімінің шешімімен мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия құрылып, құрамы бекітіледі.

Кәсіпкерлер үшін тең жағдайлар жасау, сондай-ақ оларға қойылатын талаптардың бір болуы, ұсынылатын құжаттарды зерттеудің толық және жан-жақты болуы, қабылданатын шешімдердің объективтілігі конкурстық комиссия қызметінің негізгі қағидаттары болып табылады.

16. Конкурстық комиссия құрамына төраға, төрағаның орынбасары және конкурстық комиссия мүшелері кіреді.

Жергілікті атқарушы органдар мен қаржы агенттігінің өкілдері конкурстық комиссияның төрағасы бола алмайды.

Конкурстық комиссияны жергілікті атқарушы органдардың, қоғамдық бірлестіктердің, ғылыми-білім беру мекемелерінің, салалық сарапшылардың, өңірлік бұқаралық ақпарат құралдарының кемінде 7 (жеті) адамнан тұратын өкілдері құрайды.

Конкурстық комиссияның құрамы жыл сайынғы негізде бекітіліп, конкурстық комиссия мүшелерінің бұрын бекітілген санының кемінде 50 (елу) пайызы жаңартылады.

Еңбек заңнамасына сәйкес конкурстық комиссия мүшесінің жұмыс орны (лауазымы) сақталады.

Конкурстық комиссияның хатшысы конкурстық комиссияның отырыстарын ұйымдастырады, атап айтқанда төрағамен келісу бойынша отырыстардың өткізілетін жерін, күнін және уақытын айқындайды, конкурстық комиссияның мүшелеріне алдағы отырыс туралы хабарлайды, оларға отырысты өткізуге қажетті материалдарды жеткізеді. Комиссия отырыстары бейнеконференцбайланыс режимінде өткізілуі мүмкін.

Конкурстық комиссияның хатшысы оның құрамына кірмейді және шешім қабылдау кезінде дауыс беруге құқығы жоқ.

Конкурстық комиссияның отырысы кворум болған кезде заңды болып саналады.

Конкурстық комиссияның отырысы кезеңінде мүдделер қақтығысы туындаған кезде конкурстық комиссияның мүшелері өздеріне бұл туралы белгілі болған кезде бірден конкурстық комиссияның төрағасын жазбаша нысанда хабардар етеді.

Конкурстық комиссияның төрағасында мүдделер қақтығысы туындаған жағдайда оның өкілеттігі конкурстық комиссия төрағасының орынбасарына өтеді.

Бұл ретте конкурстық комиссияның төрағасы және (немесе) мүшесі мүдделер қақтығысы туындаған кәсіпкердің өтінімін қарау кезінде дауыс беруге қатыспайды.

Кәсіпкерлік бастамалардың жария болуын жоққа шығару мақсатында конкурстық комиссияның мүшелері мен хатшысы осы Мемлекеттік гранттар беру қағидаларына 1-қосымшаға сәйкес нысан бойынша кәсіпкерлердің мемлекеттік грант беруге өтінімдерін іріктеу жөніндегі конкурс шеңберінде кәсіпкерлік бастамалар туралы мәліметтерді жария етпеу туралы келісімге қол қояды.

17. Өңірлік үйлестіруші конкурстық комиссияның жұмыс органы болып табылады, ол:

1) өңірлік үйлестірушінің ресми сайтында, сондай-ақ веб-порталда осы Мемлекеттік гранттар беру қағидаларына 2-қосымшаға сәйкес нысан бойынша конкурс өткізу туралы хабарландыру жариялайды;

2) кәсіпкерлерге мемлекеттік грант түрінде мемлекеттік қолдау көрсетілетін бүкіл мерзім ішінде арқылы жартыжылдық негізде өңірлік бұқаралық ақпарат құралдары жария етуді қамтамасыз етеді;

3) кәсіпкерлерге конкурсқа қатысу мәселелері және оны өткізуге қатысты мәселелер бойынша, мемлекеттік грант берудің шарттары мен тәртібі туралы консультация береді;

4) осы Мемлекеттік гранттар беру қағидаларына сәйкес кәсіпкерлерден конкурсқа қатысуға өтінімдер мен оларға қоса берілетін құжаттарды қабылдайды;

5) конкурсты ұйымдастырады және өткізеді;

6) хаттама жасалған күнінен бастап 2 (екі) жұмыс күні ішінде веб-портал арқылы кәсіпкерлерді мемлекеттік грант берілгені туралы хабардар етеді;

7) мемлекеттік грант беруден бас тартылған жағдайда хаттама жасалған күнінен бастап 2 (екі) жұмыс күні ішінде кәсіпкерге веб-портал арқылы автоматты түрде хаттамадан үзінді және мемлекеттік грант беруден дәлелді бас тарту жібереді.

18. Өңірлік үйлестіруші мемлекеттік грант беру жөніндегі жеке қаржыландыру жоспары (бұдан әрі – қаржыландыру жоспары) бекітілгеннен кейін оны 3 (үш) жұмыс күні ішінде веб-порталға орналастырады.

19. Өтінімдер кәсіпкердің тіркелген жері (заңды мекенжайы) бойынша қабылданады.

20. Мемлекеттік грант алуға өтінім мынадай шарттар сақталған кезде қаралады:

1) "электрондық үкімет" веб-порталы арқылы осы Мемлекеттік гранттарды беру қағидаларына 3-қосымша сәйкес нысан бойынша (конкурстық іріктеуге қатысуға өтінімге қосымша міндетті түрде толтырылады) бизнес-идеяларды іске асыру үшін мемлекеттік грант беруге конкурстық іріктеуге қатысуға өтінім беру.

"Электрондық үкімет" веб-порталы мен субсидиялаудың ақпараттық жүйесі Қазақстан Республикасының заңнамасына сәйкес ақпараттық өзара әрекеттеседі;

2) өтінімді субсидиялаудың ақпараттық жүйесінде тіркелу;

3) субсидиялаудың ақпараттық жүйесінде кәсіпкердің жеке шотының болуы, оның деректерінің субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорларымен ақпараттық өзара әрекеттесуі нәтижесінде расталуы.

Субсидиялаудың ақпараттық жүйесінде жеке шоттың болуы кәсіпкерге субсидиялаудың ақпараттық жүйесінде өтінімді өзінің тіркеуіне мүмкіндік береді, бұл жағдайда өтінім беру талап етілмейді және ол осындай тіркеу жүргізілген кезден бастап берілді деп есептеледі;

4) субсидиялаудың ақпараттық жүйесі мен мемлекеттік кірістер органдары ақпараттық жүйесінің ақпараттық өзара әрекеттесуі нәтижесінде алынған, мемлекеттік кірістер органдарында есепке алынатын бюджетке төленетін міндетті төлемдер бойынша берешектің жоқ екені туралы мәліметтерді растау;

5) бизнес-жобаға қатысатын жылжымайтын мүлікпен қоса қаржыландыруды растау мақсатында – субсидиялаудың ақпараттық жүйесінің мемлекеттік жер кадастрының автоматтандырылған ақпараттық жүйесімен және "Жылжымайтын мүлік тізілімі" мемлекеттік деректер базасымен ақпараттық өзара әрекеттесуі нәтижесінде расталған кәсіпкердің жер пайдалану және (немесе) жеке меншік құқығында жер учаскесінің (учаскелерінің) немесе өзге де жылжымайтын мүлігінің болуы;

6) бизнес-жобаға қатысатын жылжымалы мүлікті қоса қаржыландыруды растау мақсатында – субсидиялаудың ақпараттық жүйесінің ауыл шаруашылығы техникасы мемлекеттік тізілімімен және (немесе) "Автомобиль" дерекқорымен ақпараттық өзара әрекеттемуі арқылы расталған, кәсіпкердің жылжымалы мүлігінің болуы.

Конкурсқа қатысу үшін кәсіпкер бір өтінім ғана беруге құқылы. Өтінімдер конкурс өткізу туралы хабарландыруда көрсетілген мерзімдерде қабылданады.

21. Мемлекеттік грант алуға үміткер кәсіпкерлер өтінімге PDF форматында сканерленген мынадай құжаттардың көшірмелерін тіркейді:

1) өтінім берген кездегі жалдамалы жұмыскерлердің орташа саны туралы басшының қолымен және өтініш берушінің мөрімен расталған анықтама;

2) бизнес-жобаны іске асыруға арналған шығыстарды берілетін мемлекеттік грант көлемінің кемінде 20 %-ы мөлшерінде бизнес-жобаға қатысатын ақшалай қаражатпен, жылжымалы/жылжымайтын мүлікпен қоса қаржыландырудың бар екенін растайтын құжаттар, кәсіпкердің ағымдағы шотында ақша қаражатының бар-жоғы туралы банктік шоттан үзінді-көшірме немесе бизнес-жобаға қатысатын жылжымалы және (немесе) жылжымайтын мүліктің бағалау құнын растайтын құжаттар;

3) әлеуметтік кәсіпкерлік субъектісі немесе "Бір ауыл – бір өнім" бағдарламасының финалисі болып табылатын шағын және орта кәсіпкерлік субъектісі ретінде кәсіпкердің мәртебесін растайтын құжаттың көшірмесі.

22. Кәсіпкер туралы мәліметтер, оның ішінде заңды тұлғаны мемлекеттік тіркеу/қайта тіркеу туралы анықтама және (немесе) кәсіпкерді мемлекеттік тіркеу туралы хабарлама, заңды тұлға/жеке кәсіпкер қызметінің түрлері туралы, тарату, қайта ұйымдастыру немесе банкроттық кезеңдері туралы, сондай-ақ тоқтатылған қызмет туралы, бюджетке міндетті төлемдер бойынша берешектің бар-жоғы туралы, жылжымалы және/немесе жылжымайтын мүліктің бар-жоғы туралы мәліметтер, кредиттер (қарыздар) бойынша берешек туралы мәліметтер "электрондық үкімет" шлюзі арқылы тиісті мемлекеттік ақпараттық жүйелерден автоматты түрде айқындалады.

23. Веб-портал арқылы тізілім деректерін қолжетімді ету үшін (бұдан әрі – жеке кабинет):

1) кәсіпкерлер, өңірлік үйлестіруші, қаржы агенттігі, кәсіпкерлік жөніндегі уәкілетті орган (бұдан әрі – пайдаланушылар) субсидиялаудың ақпараттық жүйесінде өздері тіркелу үшін олардың ЭЦҚ болуға тиіс;

2) көрсетілетін қызметтерді берушіге өңірлік үйлестіруші ЭЦҚ бар жұмыскерлерінің өзектендірілген тізімдерін жыл сайын жібереді.

Пайдаланушылар жеке кабинетте тіркелу үшін мынадай мәліметтерді:

1) жеке тұлғалар мен жеке кәсіпкерлер үшін – ЖСН, тегін, атын және әкесінің атын (бар болса);

2) заңды тұлғалар үшін – БСН, толық атауын; бірінші басшының тегін, атын және әкесінің атын (бар болса) және ЖСН;

3) байланыс деректерін (пошталық мекенжайы, телефоны, электрондық пошта мекенжайы);

4) екінші деңгейдегі банктегі банктік шот деректемелерін көрсетеді.

Жоғарыда көрсетілген деректер өзгерген кезде пайдаланушы бір жұмыс күні ішінде жеке кабинетке енгізілген жеке шот деректерін өзгертеді.

Субсидиялаудың ақпараттық жүйесі кәсіпкерлік жөніндегі уәкілетті органға онлайн-режимде өтеусіз негізде үнемі қолжетімді болады.

Кәсіпкерлік жөніндегі уәкілетті орган субсидиялаудың ақпараттық жүйесіне кіре алатын көрсетілетін қызметтерді берушіге дербес деректерді қорғау жөніндегі талаптарға сәйкес жауапты тұлғалардың тізімін жыл сайын жіберіп тұрады.

Өтінімді қалыптастыру және тіркеу жеке кабинетте мынадай тәртіппен жүргізіледі:

1) осы Мемлекеттік гранттар беру қағидаларының 20-тармағы 3), 4), 5), 6) және 7) тармақшаларының талаптарын субсидиялаудың ақпараттық жүйесінің тексеруі үшін қажетті мәліметтер енгізіліп, өтінім қалыптастырылады;

2) өтінім субсидиялаудың ақпараттық жүйесінде кәсіпкердің ЭЦҚ-сымен қол қойылып тіркеледі және өңірлік үйлестірушінің жеке кабинетінде қолжетімді болады.

Егер өңірлік үйлестіруші өтінімді қабылдаған кезге дейін тіркелген өтінімде қате бар екені анықталса, кәсіпкер себебін көрсете отырып, өтінімді кері қайтарып алуға құқылы.

Кәсіпкер мемлекеттік грант беруге арналған конкурсқа қатысу үшін өтінім дайындау және құжат жинау мәселелері бойынша консультациялық қолдау алу үшін өңірлік үйлестірушіге жүгінеді.

24. Өңірлік үйлестіруші кәсіпкер өтінімді тіркеген кезден бастап 4 (төрт) жұмыс күні ішінде ЭЦҚ-ны пайдаланып тиісті хабарламаға қол қою арқылы оны қабылдағанын растайды. Бұл хабарлама кәсіпкердің жеке кабинетінде қолжетімді болады.

25. Кәсіпкер құжаттар топтамасын толық ұсынбаған не анық емес деректерді ұсынған немесе осы Мемлекеттік гранттар беру қағидаларының шарттарында белгіленген нысандарға сәйкес келмейтін құжаттарды ұсынған жағдайда өңірлік үйлестіруші ұсынылған құжаттар бойынша нақты кемшіліктерді көрсете отырып, оларды кәсіпкерге пысықтауға қайтарады. Кәсіпкер пысықталған құжаттар топтамасын конкурстық іріктеуге қатысуға өтінімдерді қабылдау аяқталғанға дейін кемінде 3 (үш) жұмыс күні қалған мерзімнен кешіктірмей қайта жібереді.

26. Өңірлік үйлестіруші өтінімдерді қабылдау мерзімі аяқталғаннан кейін 3 (үш) жұмыс күні ішінде:

1) субсидиялаудың ақпараттық жүйесі арқылы кәсіпкерлердің мақұлданған өтінімдерінің тізбесін қалыптастырады;

2) ақпараттық жүйе арқылы осы Мемлекеттік грант беру қағидаларына 4-қосымшаға сәйкес нысан бойынша күн тәртібін, күнін, уақытын көрсете отырып, мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигін қалыптастырады.

График қалыптастырылғаннан кейін өтінімдері мақұлданған өтінімдер тізбесіне енген барлық кәсіпкерлерге таныстырылымның күні, уақыты мен орны және кәсіпкерлердің жобалары бойынша дауыс беру туралы автоматты түрдегі хабарлама жіберіледі.

Конкурстық комиссия отырысында кәсіпкерлердің әрбір жобасы бойынша таныстырылым ұзақтығын өңірлік үйлестіруші айқындайды және осы Мемлекеттік гранттар беру қағидаларына 4-қосымшаға сәйкес мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигіне сәйкес белгіленеді;

3) субсидиялаудың ақпараттық жүйесінде конкурстық комиссия мүшелерінің авторландырылуын қамтамасыз етеді;

4) мәлімделген жобаларды мақұлдау/мақұлдамау бойынша шешім қабылдау үшін конкурстық комиссияның мүшелерін кәсіпкердің мақұлданған өтінімдерін және электрондық құжаттамасын қарау қажеттігі туралы хабарлама жібереді.

27. Бюджет қаражаты болған кезде конкурс жылына кемінде 1 (бір) рет өткізіледі.

28. Кәсіпкер өзінің бизнес-жобасын конкурстық комиссияның отырысында, оның ішінде бейнеконференцбайланыс арқылы өзі таныстырады.

Бизнес-жобаны таныстыру кезінде конкурстық комиссия мүшелерін, хатшысын және байқаушыларды қоспағанда, үшінші тұлғалардың қатысуына тыйым салынады.

29. Мемлекеттік грант беру тетігінің ашықтығы мақсатында аудио немесе бейне жазба жүргізіледі, өзінің бизнес-жобасын таныстыратын кәсіпкер бұл туралы хабардар етіледі.

Конкурстық комиссияның отырысына саны 2 (екі) адамнан кем болмайтын байқаушылар шақырылады.

Қазақстан Республикасы Парламентінің және барлық деңгейдегі мәслихаттардың депутаттары, бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың аккредиттелген өкілдері конкурстық комиссияның отырысына байқаушылар ретінде қатыса алады.

Конкурстық комиссияның отырысы барысында байқаушылар өздерінің бизнес-жобаларын таныстыратын кәсіпкерлерге сұрақ қоймайды. Байқаушыларға конкурстық комиссияның жұмысына кедергі келтіретін іс-әрекеттер жасауға, кәсіпкерлердің дербес деректеріне, кәсіпкерлер қатысатын конкурстық рәсімдерге қатысты мәліметтерді жариялауға, техникалық жазба құралдарын пайдалануға жол берілмейді.

Кәсіпкерлік бастамалардың жария болуын жоққа шығару мақсатында байқаушылар осы Мемлекеттік гранттар беру қағидаларына 1-қосымшаға сәйкес нысан бойынша кәсіпкерлердің мемлекеттік гранттар алуға өтінімдерін іріктеу жөніндегі конкурс шеңберінде кәсіпкерлік бастамалар туралы мәліметтерді жария етпеу туралы тиісті келісімге қол қояды.

30. Конкурстық комиссия Қазақстан Республикасының заңнамасына және осы Мемлекеттік гранттар беру қағидаларына сәйкес:

1) мәлімделген жобаны ұсынылған құжаттардың толықтығы мен анықтығы тұрғысынан қарайды;

2) бизнес-идеялар шеңберінде кәсіпкерді бағалаудың осы Мемлекеттік гранттар беру қағидаларына 5-қосымшада көрсетілген өлшемшарттарына сәйкес әрбір мәселе бойынша балл қою әдісімен дауыс береді;

3) осы Мемлекеттік гранттар беру қағидаларына 6-қосымшаға сәйкес нысан бойынша мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия отырысының дауыс беру нәтижелері мен конкурстық комиссияның қорытынды шешімі көрсетілген хаттамасына веб-портал арқылы қол қой ылады.

Кәсіпкерлерді іріктеу кезінде конкурстық комиссия мүшелерінің қалай дауыс бергені жөніндегі ақпарат жария етілмеуге тиіс.

Конкурстық комиссия өтінімдерді зерделеу кезінде өңірлік үйлестіруші арқылы тиісті мемлекеттік уәкілетті органдардан, сондай-ақ заңды және жеке тұлғалардан өтінімде көрсетілген мәліметтердің шындыққа сәйкестігі туралы ақпаратты сұратады.

31. Конкурстық комиссия конкурстық өтінімдерді қараған кезде бизнес-идеяларды іске асыру үшін мемлекеттік грант беру мүмкіндігі/мүмкін еместігі туралы шешімді мынадай өлшемшарттар:

1) бизнес-идеялардың әлеуметтік бағдарлану дәрежесі/"Бір ауыл – бір өнім" бағдарламасының өңірлік өнімі рейтингі;

2) бизнес-жобаның бәсекеге қабілеттілігі (нарық сұранысының пысықталуы – маркетингтік талдау);

3) бизнес-жобаның қолданысқа енгізуге әзірлігі (өндірісті ұйымдастыру мәселесінің пысықталуы, жобаны орналастыру үшін үй-жайдың, өткізу нарығының болуы, өндірісті іске қосу үшін жобаның әзірлік деңгейі) негізінде (оның ішінде бизнес-идеялар шеңберінде кәсіпкердің жобасын бағалаудың осы Мемлекеттік гранттар беру қағидаларына 5-қосымшада көрсетілген өлшемшарттарын басшылыққа ала отырып) қабылдайды.

Бұл ретте бизнес-идеялардың әлеуметтік бағдарлану дәрежесі өлшемшартына жұмыспен қамтуға жәрдемдесетін, кірістерді арттыруға бағытталған және халықтың әлеуметтік осал топтарына өзге де шаралар көрсететін, инклюзия, экологиялылық, қызметтер көрсету, жұмыстарды орындау, жаңа немесе жетілдірілген технологияларды қолдану көзделген әлеуметтік қолдау саласындағы жобалар кіреді.

32. Конкурстық комиссия отырысының хаттамасы веб-портал арқылы қалыптастырылады, оған конкурстық комиссияның мүшелері, хатшысы және конкурстық комиссияның төрағасы ЭЦҚ арқылы қол қояды.

Конкурстық комиссияның хаттамасына қол қою кезінде қаралған өтінімдерге сәйкес қаржыландыру жоспарында бюджет қаражатының көлемін автоматты түрде резервтеу жүргізіледі.

33. Конкурстық комиссияның отырысы хаттамасының қолданылу мерзімі конкурстық комиссияның шешімі қабылданған күннен бастап 9 (тоғыз) айды құрайды.

34. Жобаны бағалау үшін балл беру бизнес-идеялар шеңберінде кәсіпкердің жобасын бағалаудың осы Мемлекеттік гранттар беру қағидаларына 5-қосымшада көрсетілген өлшемшарттары негізінде жүргізіледі.

35. Конкурстық комиссия мүшесі кәсіпкердің бір жобасы бойынша беретін ең жоғары балл осы Мемлекеттік гранттар беру қағидаларына 5-қосымшаға сәйкес бизнес-идеялар шеңберінде кәсіпкердің жобасын бағалау өлшемшарттарына сәйкес 70 (жетпіс) балды құрайды.

36. Дауыс беру қорытындысы бойынша конкурстық комиссия мүшелері қойған балдар саны қосылып, конкурстық комиссияның қорытынды шешімі айқындалады. Кәсіпкерлердің жобалары бойынша балдар тең болған жағдайда, кезектілік бойынша ертерек өтінім берген кәсіпкерлердің мемлекеттік грант алу құқығы басым болады.

37. Конкурстық комиссия мүшелері мәлімделген жобаны қарау кезінде дискрециялық тәсілді басшылыққа алмайды. Жобаны қарау мерзімі 5 (бес) жұмыс күнін құрайды.

38. Хаттама бекітілгеннен кейін кәсіпкерлерге веб-порталда тіркелгенде көрсеткен телефон нөміріне және электрондық пошта мекенжайына тиісті хабарлама жіберіледі. Бұл ретте қаржы агенттігі мен кәсіпкер хаттаманы оған қол қойылғаннан кейін ғана веб-портал арқылы қарайды.

2-параграф. Мемлекеттік грантт беру тетігі

39. Өткізілген конкурс нәтижесі бойынша өңірлік үйлестіруші веб-портал арқылы:

1) грант беру туралы электрондық шартты қалыптастырады және оны конкурстық комиссияның хаттамасы бекітілген күннен бастап 5 (бес) жұмыс күні ішінде қаржы агенттігіне келісуге жібереді;

2) қаржы агенттігі грант беру туралы шарттың жобасын келіскен күннен бастап 5 (бес) жұмыс күні ішінде қаржы агенттігімен кәсіпкердің грант беру туралы шартқа қол қоюын қамтамасыз етеді.

40. Грант беру туралы шарт жасалғаннан кейін өңірлік үйлестіруші кәсіпкерге оның банктік есеп айырысу шотына ақша қаражатын аударады. Дара кәсіпкер ретінде тіркелмеген жеке тұлғаның шотына мемлекеттік грант қаражаты аударылмайды.

Мақұлданған өтінімдерді қаржыландыруға қаражат жетіспеген жағдайда өңірлік үйлестіруші грант беру туралы шартты қаражат түскеннен кейін қалыптастырады.

Мақұлданған өтінімдер бойынша бюджет қаражаты ішінара жетіспеген жағдайда бағдарламаның өңірлік үйлестірушісі грант беру туралы шартты қалыптастырады. Қаражат траншқа жасалған өтінімдерге сәйкес аударылады, қаражаттың жетіспейтін қалдығы кәсіпкердің шотына қосымша қаржыландыру алынған кезде аударылады.

41. Мемлекеттік грант беру туралы шартқа қосымша келісімдерді шарт тараптары веб-портал арқылы жасайды.

42. Кәсіпкер мемлекеттік грантты нысаналы мақсаты бойынша пайдалануға және грант беру туралы шарттың талаптарын орындауға міндетті. Осы тармақтың шарттары орындалмаған жағдайда кәсіпкер грант қаражатын өңірлік үйлестірушінің бірінші жазбаша хабарламасы бойынша, сол хабарламада көрсетілген тәртіппен және мерзімде қайтаруға міндетті.

3-тарау. Жобалардың іске асырылуын мониторингтеу

43. Осы Мемлекеттік гранттар беру қағидалары шеңберінде кәсіпкерлер жобаларының іске асырылуын мониторингтеу функцияларын жүзеге асыру үшін қаржы агенттігі кәсіпкерден барлық қажетті құжаттар мен ақпаратты, оның ішінде коммерциялық және банктік құпияларды құрайтын ақпаратты, сондай-ақ статистикалық деректерді белгіленген тәртіппен қолма-қол және (немесе) веб-портал арқылы (тиісті функционал іске асырылғаннан кейін) сұратады, жоба іске асырылатын жерге барып мониторинг жүргізеді.

44. Осы Мемлекеттік гранттар беру қағидалары шеңберінде жобалардың іске асырылуын мониторингтеуді қаржы агенттігі кәсіпкерлік жөніндегі уәкілетті орган бекіткен Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидалары негізінде жүргізеді.

Қаржы агенттігінің функцияларына:

1) мемлекеттік гранттың нысаналы пайдаланылуын мониторингтеу;

2) қаржы агенттігі бекітетін мониторингтеу жөніндегі жоспарға сәйкес кәсіпкерлердің бизнес-жобаларды орындау қызметін мониторингтеу;

3) кәсіпкердің жаңа жұмыс орындарын құру жөніндегі шарттарды орындауын мониторингтеу;

4) кәсіпкердің грант беру туралы шарт талаптарын орындауын мониторингтеу жатады.

45. Мониторинг шеңберінде қаржы агенттігі:

1) веб-порталда мемлекеттік гранттарды алушылар тізілімін жүргізеді (веб-порталда тиісті функционал іске асырылғаннан кейін);

2) кәсіпкерлер алған қаражаттың нысаналы пайдаланылуына мониторинг жүргізеді және кәсіпкерлердің бизнес-жобаларды іске асыруы жөнінде өңірлік үйлестірушіге есеп береді.

46. Қаржы агенттігі кәсіпкердің мемлекеттік грант қаражатын нысаналы пайдаланбағанын не жобаның және (немесе) кәсіпкердің мемлекеттік грант беру шарттарына және (немесе) конкурстық комиссияның шешіміне және (немесе) грант беру туралы шарттың талаптарына сәйкес келмейтінін не кәсіпкердің жұмыс орындары санына қол жеткізу жөніндегі міндеттемелерді орындамағанын анықтаған кезде қаржы агенттігі конкурстық комиссияның қарауына шығару үшін өңірлік үйлестірушіге кәсіпкердің мемлекеттік грант қаражатын нысаналы пайдаланбауы туралы ақпаратты қағаз жеткізгіште немесе веб-портал арқылы (веб-порталда тиісті функционал іске асырылғаннан кейін) енгізеді.

Кәсіпкердің мемлекеттік грант қаражатын нысаналы пайдаланбауы туралы алынған ақпарат негізінде бағдарламаның өңірлік үйлестірушісі анықталған ескертулерді жою үшін бір мәрте қосымша мерзім беру туралы не кәсіпкермен арадағы грант беру туралы шартты бұзу туралы шешім қабылдау үшін қаржы агенттігінің мониторингтік есебін алған күннен бастап 20 (жиырма) жұмыс күнінен кешіктірмей осы ақпаратты конкурстық комиссияның келесі отырысына шығарады, содан кейін өзінің шешімі туралы өңірлік үйлестіруші мен қаржы агенттігін веб-портал арқылы хабардар етеді.

Егер конкурстық комиссия берген қосымша мерзім өткеннен кейін жоба бойынша ескертулер жойылмаса, жоба іске асырылмайды, кәсіпкер грант қаражатын өңірлік үйлестірушінің бірінші жазбаша хабарламасы бойынша сол хабарламада көрсетілген тәртіппен және мерзімде қайтаруға міндетті.

47. Конкурстық комиссия кәсіпкермен грант беру туралы шартты бұзу туралы шешім қабылдаған жағдайда өңірлік үйлестіруші осындай шешім қабылданғаннан кейін 10 (он) жұмыс күнінен кешіктірмей кәсіпкерге веб-порталда грант беру туралы шартты бұзу жөнінде тиісті хабарлама, сондай-ақ осы Мемлекеттік гранттар беру қағидаларының 48-тармағында белгіленген мерзімде осы Мемлекеттік гранттар беру қағидаларына 7-қосымшаға сәйкес нысан бойынша мемлекеттік грант қаражатын қайтарудың қажеттігі туралы хабарлама жібереді және нысаналы пайдаланылмаған мемлекеттік грант қаражатын қайтару жөніндегі іс-шараларды жүргізеді. Мемлекеттік грант қаражатының бір бөлігі нысаналы пайдаланылмағаны анықталған жағдайда конкурстық комиссияның тиісті шешімі бойынша мемлекеттік грант қаражатының нысаналы пайдаланылмаған сомасын ғана қайтаруға жол беріледі.

48. Конкурстық комиссия мемлекеттік грант қаражатын қайтару туралы шешім қабылдаған жағдайда өңірлік үйлестіруші кәсіпкерге грант қаражатын қайтару туралы хабарлама жібереді, онда қайтару үшін мынадай мерзім көрсетіледі:

1) егер қайтару сомасы 100 айлық есептік көрсеткіш (бұдан әрі – АЕК) (қоса алғанда) дейін болса – 1 (бір) айға дейін;

2) егер қайтару сомасы 500 АЕК (қоса алғанда) дейін болса – 3 (үш) айға дейін;

3) егер қайтару сомасы 500 АЕК-тен асатын болса – 6 (алты) айға дейін.

Бұл ретте АЕК мөлшері конкурстық комиссияның мемлекеттік грант қаражатын қайтару туралы шешімі қабылданған күннен бастап есептеледі.

49. Өңірлік үйлестіруші мемлекеттік грант қаражатын қайтару туралы хабарламаның орындалу мерзімдерін үнемі мониторингте тұрады және кәсіпкер тарапынан хабарлама орындалмаған жағдайда Қазақстан Республикасының заңнамасында көзделген тәртіппен, оның ішінде сот тәртібімен мемлекеттік грант қаражатын қайтару жөніндегі іс-шараларды жүргізеді.

Әлеуметтік кәсіпкерлік
субъектілері үшін мемлекеттік
гранттар беру қағидаларына
1-қосымша

Нысан

Кәсіпкерлердің мемлекеттік грант беруге өтінімдерін іріктеу жөніндегі конкурс шеңберінде кәсіпкерлік бастамалар туралы мәліметтерді жария етпеу туралы келісім

Мен, _______________________________________________________,

(тегі, аты, әкесінің аты (бар болса)

кәсіпкерлердің мемлекеттік грант алуға өтінімдерін іріктеу жөніндегі конкурстық комиссияның мүшесі/байқаушысы бола отырып, осы келісіммен конкурсқа қатысушылардың кәсіпкерлік бастамаларын жария етпеуге міндеттенемін.

__________________ _____________________________________

қолы (тегі, аты, әкесінің аты (бар болса)

Әлеуметтік кәсіпкерлік
субъектілері үшін мемлекеттік
гранттар беру қағидаларына
2-қосымша

Нысан

Конкурс өткізу туралы хабарландыру

Конкурсты ұйымдастырушы: _____________________________________

Электрондық пошта мекенжайы: __________________________________

Байланыс телефоны _____________________________________________

Конкурстың нысанасы: әлеуметтік кәсіпкерлік субъектілері үшін кәсіпкерлерге мемлекеттік грант беру.

Конкурс нысаны: ашық конкурс.

Конкурсқа қатысу үшін өтінімдер беретін орын: субсидиялаудың ақпараттық жүйесінің веб-порталы.

Конкурстық құжаттаманы ұсыну тәртібі: конкурсқа қатысу үшін үміткерлер бекітілген нысан бойынша электрондық өтінімді және толық конкурстық құжаттар топтамасын ұсынады.

Өтінім беру мерзімі: 20___жылғы "_ "_____бастап 20___ жылғы "__" _____дейін қоса алғанда.

Көрсетілген мерзім өткеннен кейін түскен өтінімдер қабылданбайды.

Осы хабарландырумен және конкурстық құжаттамамен өңірлік үйлестірушінің:

___________________ресми сайтында танысуға болады.

Әлеуметтік кәсіпкерлік
субъектілері үшін мемлекеттік
гранттар беру қағидаларына
3-қосымша

Нысан

Әлеуметтік кәсіпкерлік субъектілері үшін мемлекеттік грант беруге арналған конкурстық іріктеуге қатысуға өтінім

___________________________

облысы (республикалық маңызы

бар қала, астана)

___________________________

(заңды тұлғаның толық атауы,

жеке тұлғаның тегі, аты, әкесінің аты

(бар болса)

Ұсынылған материалдарды қарауды сұраймын және әлеуметтік кәсіпкерлерге бизнес-идеяларды іске асыру үшін (өз бизнесін құруға) мемлекеттік грант беруге арналған конкурстық іріктеуге қатысатыным туралы мәлімдеймін.

1. Өтінім беруші туралы мәліметтер:

заңды тұлға үшін:

атауы __________________________________________________________

бизнес-сәйкестендіру нөмірі (бұдан әрі – БСН) _______________________

басшының тегі, аты, әкесінің аты (бар болса) ________________________

басшының жеке сәйкестендіру нөмірі (бұдан әрі – ЖСН) ______________

мекенжайы _____________________________________________________

телефон (факс) нөмірі ____________________________________________

жеке тұлға, жеке кәсіпкер үшін:

атауы _________________________________________________________

тегі, аты, әкесінің аты (бар болса) __________________________________

ЖСН __________________________________________________________

жеке басын куәландыратын құжат:

нөмірі _________________________________________________________

кім берген ______________________________________________________

берілген күні ___________________________________________________

мекенжайы _____________________________________________________

телефон (факс) нөмірі ____________________________________________

Жеке тұлға, жеке кәсіпкер ретінде қызметтің басталғаны туралы хабарлама:

орналасқан жері _________________________________________________

хабарлама күні __________________________________________________

2. Кәсіпкердің екінші деңгейдегі банкте ағымдағы шотының болуы туралы мәліметтер:

Банк деректемелері: ______________________________________________

Банктің атауы: __________________________________________________

БСК ___________________________________________________________

ЖСК _____________________________А_____________________________

БСН ___________________________________________________________

Кбе ___________________________________________________________

3. Сұратылатын ақша қаражаты, барлығы, мың теңге __________________;

оның ішінде жылдар бойынша:

Р/с №	Жыл	Сома, теңге	Мақсаты (бизнес-жобаны егжей-тегжейлі аша отырып)
1
2

Мыналарды:

1) бұрын берілген кредиттер (қарыздар) бойынша мерзімі өткен берешегім жоқ екенін;

2) осы өтінімдегі мәліметтер, сондай-ақ өңірлік үйлестіруші талап еткен барлық құжаттар осы Мемлекеттік гранттар беру қағидалары шеңберінде мемлекеттік гранттар беру үшін ғана ұсынылғанын растаймын.

Мен:

1) өңірлік үйлестірушінің бірінші талабы бойынша осы өтінімді қарау шеңберінде талап етілген банктік және коммерциялық құпияны қамтитын кез келген ақпарат пен құжаттарды беруге және ашуға;

2) өтінімде көрсетілген деректер өзгерген жағдайда өңірлік үйлестірушіні дереу хабардар етуге кепілдік беремін.

Мен:

1) өңірлік үйлестіруші мен конкурстық комиссияның ұсынылған мәліметтерді тексеруіне жол берілетінімен;

2) өңірлік үйлестірушінің көрсетілген деректердің анықтығын тексермеуіне жол берілетінімен;

3) көрсетілген деректер мен ақпараттың анық емес екені анықталған жағдайда осы өтінім қаралып жатқан кез келген кезеңде қабылданбайтынымен;

4) өңірлік үйлестірушінің осы өтінімде көрсетілген мәліметтерді, ақпаратты және кәсіпкер ұсынған құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органдарға, "Бәйтерек" ұлттық басқарушы холдингі" акционерлік қоғамына беруге құқылы екенімен;

5) өңірлік үйлестірушінің кәсіпкер өзі туралы хабарлайтын кез келген ақпаратты тексеру құқығын өзіне қалдыратынымен, ал кәсіпкер ұсынған құжаттар мемлекеттік грант ұсынылмаса да, өңірлік үйлестірушіде сақталатынымен;

6) өңірлік үйлестірушінің осы өтінімді қарауға қабылдауы, сондай-ақ кәсіпкердің ықтимал шығыстары (мемлекеттік грант алу үшін қажетті құжаттарды ресімдеуге) өңірлік үйлестірушіні мемлекеттік грант беруге немесе кәсіпкерге келтірілген шығасыларды өтеуге міндеттемейтінімен келісемін.

Конкурстың шарттарымен және Әлеуметтік кәсіпкерлік субъектілері үшін мемлекеттік гранттар беру қағидаларымен таныстым.

Ұсынылған ақпараттың анықтығын растаймын, Қазақстан Республикасының заңнамасына сәйкес анық мәліметтер ұсынбағаным үшін жауаптылық туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректер мен өзге де ақпаратты жинауға, өңдеуге, сақтауға, жүктеп шығаруға және пайдалануға келісім беремін.

Өтінім беруші қол қойып, 20__ жылғы "__" ______ сағат 00:00-де жіберді:

ЭЦҚ деректері

ЭЦҚ қойылған күні мен уақыты

Өтінімді қабылдау туралы хабарлама:

Өңірлік үйлестіруші 20 __ жылғы "__" ______ сағат 00:00-де қабылдады:

ЭЦҚ деректері

ЭЦҚ қойылған күні мен уақыты.

Әлеуметтік кәсіпкерлік
субъектілері үшін мемлекеттік
грант беруге арналған
конкурстық іріктеуге қатысуға
өтінімге қосымша

Нысан

Жоба туралы мәліметтер

1. Жалпы ақпарат:

жобаның атауы _________________________________________________;

жобаның қысқаша сипаттамасы ___________________________________;

жоба іске асырылатын жер _______________________________________;

жоба іске қосылатын күн _________________________________________;

қызметтің бейінді бағыты (жоба облыс орталықтарында, Астана, Алматы, Шымкент және Семей қалаларында іске асырылған жағдайда толтырылады)____________;

өнімді/көрсетілетін қызметті пайдаланушылардың нысаналы аудиториясы

_________________________________________________________;

жер учаскесінің және (немесе) үй-жайдың болуы (жалға алу немесе жекеменшік) ________________________________________________________;

учаскенің және (немесе) үй-жайдың кадастрлық нөмірі (бар болса)

_____________________________________________________________;

қажетті жабдықтың/қосалқы материалдардың бар-жоғы (бар болса, тізбелеу):

_______________________________________________________________.

Экономикалық қызмет түрлерінің жалпы жіктеуіші (ЭҚЖЖ) бойынша кәсіпкердің қызметі туралы деректер:

секциясы: ______________________________________________________;

бөлімі: ________________________________________________________;

тобы: __________________________________________________________;

сыныбы: _______________________________________________________;

кіші сыныбы: ___________________________________________________.

2. Жобаны/өнімді нарыққа шығару стратегиясы:

өнім нарығының көлемі мен сыйымдылығы, жоба іске асырылатын саланың қазіргі жағдайы мен даму перспективаларын талдау________________________________;

ұсынылатын өнім орын алуы ықтимал нарықтың әлеуетті үлесін негіздеу

_____________________________________________________________;

зерттелетін нарықтардағы негізгі үрдістер, күтілетін өзгерістер

___________________________________________________________;

өнімді әлеуетті тұтынушылармен уағдаластықтардың болуы және өнімді сатып алуға әзірлігін растайтын құжаттар (ниет хаттамалары, алдын ала жеткізу шарттары, жеткізу шарттары)

____________________________________________________________;

осы нарықта өнімді табысты өткізуге елеулі ықпал етуді қамтамасыз ететін факторлардың болуы (баға саясаты, өнімнің техникалық сипаттамалар бойынша артықшылығы, нарықтағы беделі, контрагенттермен қарым-қатынасы, еңбек ұжымы, өнімнің қалыптан тыс сапасы, географиялық және өзге де ерекшеліктері)

_______________________________________________________________;

жасалатын өнімнің бәсекелік артықшылықтары, техникалық-экономикалық сипаттамаларын аналогтармен салыстыру (техникалық және құндық сипаттамалары бойынша баламалы шешімдерге салыстырма талдау келтіріледі (аналогтармен салыстыра отырып, өндіруге ұсынылатын тауарлардың, көрсетілетін қызметтердің техникалық деңгейі мен құны, ақпарат көзіне сілтемелер):

Көрсеткіштердің атауы	Көрсеткіштердің мәні
Көрсеткіштердің атауы	ұсынылатын үлгі	№ 1 аналог	№ 2 аналог

3. Жоба командасы:

жалдамалы қызметкерлер саны ________________________________;

кәсіпкерлік қызмет саласындағы және іске асыру жоспарланып отырған саладағы жұмыс тәжірибесі (тиісті құзыреттің, машықтардың, дағдылардың немесе білімнің болуы)

___________________________________.

4. Жобаны іске асыру:

жобаның өтелу мерзімі, ай _____________________________________;

Шығыс түрлері	Шығыс баптарының атауы	Шығыс сомасы, мың теңге
Меншікті қаражат
Мемлекеттік грант қаражаты
Барлығы:

5. Жоба бойынша күтілетін экономикалық әсер:

5.1. Өтінім берілген күнге ақпарат:

Басшыны қоспағанда, қазіргі жұмыс орындарының саны, адам
Алдыңғы қаржы жылындағы салық түріндегі түсімдер сомасы, мың теңге

5.2. Болжамды ақпарат:

Жылдар	Болжам				4 жылғы сома
Жылдар	ағымдағы жыл	1-ші жыл	2-ші жыл	3-ші жыл
Құрылатын жаңа жұмыс орындарының саны, адам
Салықтар түріндегі жаңа түсімдер сомасы, мың теңге
Таза пайда, мың теңге

6. Тәуекелдерді басқару:

Тәуекел түрлері	Тәуекелдің басталу ықтималдығы	Тәуекелді реттеу тәсілдері
Мүліктік (өндірістік және қаржылық қызметті жүзеге асыру процесінде кәсіпорынның өз мүлкінің бір бөлігін жоғалтуы, оның бүлінуі және кірісті толық алмау ықтималдығы)
Маркетингтік (тауарды өткізу көлемінің немесе бағасының төмендеуінен пайданы толық алмау ықтималдығы)
Салалық (саланың экономикалық жай-күйінің өзгеруі нәтижесінде борышкердің өз міндеттемелерін орындамауы салдарынан шығындардың ықтималдығы)

7. Ұсынылған құжаттар туралы мәліметтер:

Р/с №	Құжаттың атауы	Электрондық файлдың атауы (pdf форматында)
1	2	3
1	Кәсіпкердің қысқа мерзімді курстарда оқығанын растайтын құжат (бар болса)
2	Кәсіпкердің шотында берілетін мемлекеттік грант көлемінің кемінде 20 %-ы мөлшерінде ақшалай қаражатының болуы туралы банктік шоттан үзінді немесе жылжымалы және (немесе) жылжымайтын мүліктің бағалау құнын растайтын құжаттар

8. Қосымша мәліметтер:

1) бизнес-жобаның бәсекеге қабілеттілігін сипаттаңыз (нарық сұранысын пысықтау – маркетингтік талдау) (жобаны бағалау өтінімде көрсетілген деректерге негізделуге тиіс);

2) бизнес-жобаның енгізуге әзірлігін өз пікіріңізше сипаттаңыз (өндірісті іске қосу үшін жобаның әзірлік деңгейі);

3) жобаны іске асырудан қандай экономикалық пайда бар екенін сипаттаңыз;

4) осы жоба бойынша жобаны тиімді басқару үшін өтелу мерзімі қаншалықты жеткілікті екенін өз пікіріңізше сипаттаңыз;

5) осы жоба бойынша жаңа жұмыс орындарын есептеу кезінде сіздің нені басшылыққа алғаныңызды, бұл санның қажетті нәтижелерге қол жеткізуге сәйкес келуін сипаттаңыз;

6) осы жобаны іске асыру үшін кәсіпкердің жұмыс тәжірибесін мақсатқа қол жеткізуге сәйкес келуі бөлігінде сипаттаңыз;

7) жобаны іске асырудан таза пайда алу қаншалықты тұрақты болатынын өз пікіріңізше сипаттаңыз (маусымдылықтың, мереке күндерінің жобаны іске асыруға әсер етуіне байланысты бағаланады);

8) қауіп-қатерлер (экономикалық, маркетингтік) туындаған жағдайда жобаны басқа салаға қайта бағдарлау бойынша жоспарланып отырған әрекетіңізді сипаттаңыз (бағалау кезінде өтінімде көрсетілген деректерді басшылыққа алу, сондай-ақ жобаның бағытына сүйену қажет);

9) жобаны іске асыру үшін өткізу нарықтарын, әлеуетті сатып алушыларды іздестіру бойынша қолда бар әзірлемелерді немесе әлеуетті тапсырыс берушілермен алдын ала уағдаластықтарды сипаттаңыз;

10) бизнес-идеяның жаңашылдығын сипаттаңыз (бірегейлігі, қолданылуы, пайдалы болуы, іске асыру мүмкіндігі, аналогтарыныз болуы).

9. Қосымша ақпарат:

негізгі жоспарлы экономикалық көрсеткіштерді (өндіріске арналған шығыстар, пайда, таза пайда, шығарылатын өнімнің рентабельділігі) жобаны іске асырудың соңына қарай Excel форматындағы көрсеткіштер есеп-қисабын қоса беру қажет;

Excel форматында кесте түріндегі есеп-қисап қоса беріліп, айларға бөлінген кірістердің, шығыстардың, ақша қозғалысының жоспар-болжамының есеп-қисабы. Кірістердің қызмет түрлері бойынша таратып жазылған кірістердің, шығындардың баптары таратып жазылған шығындардың есеп-қисабы.

Әлеуметтік кәсіпкерлік
субъектілері үшін мемлекеттік
гранттар беру қағидаларына
4-қосымша

Нысан

Мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигі

Р/с №	Заңды тұлғаның атауы/кәсіпкердің тегі, аты, әкесінің аты (бар болса)	Бизнес-жобаның атауы (қысқаша сипаттамасы)	Бизнес-жобаның іске асырылатын жері	Мемлекеттік грантқа сұратылатын сома, теңге	Конкурстық комиссия отырысы өткізілетін күні мен уақыты

Әлеуметтік кәсіпкерлік
субъектілері үшін мемлекеттік
гранттар беру қағидаларына
5-қосымша

Кәсіпкердің жобасын бизнес-идеялар шеңберінде бағалау өлшемшарттары

Р/с №	Өлшемшарт атауы	Сипаттамасы және өлшемі
1.	Бизнес-идеялардың әлеуметтік бағдарлану дәрежесі/"Бір ауыл – бір өнім" бағдарламасы өңірлік өнімінің рейтингі	1-ден 10 балға дейін
2.	Бизнес-жобаның тиімділігі	1-ден 10 балға дейін
3.	Дайындық дәрежесі	1-ден 10 балға дейін
4.	Меншікті инфрақұрылымның болуы	1-ден 10 балға дейін
5.	Жобаның аналогтармен салыстырғандағы артықшылықтары	1-ден 10 балға дейін
6.	Жобаның экономикалық орындылығы	1-ден 10 балға дейін
7.	Жобаның таныстырылымы	1-ден 10 балға дейін
	Жиыны:	Балдар қосындысы

Бағалау өлшемшарттары бойынша түсініктемелер:

1. Грант беру туралы мәселені қараған кезде бизнес-идеялардың әлеуметтік бағдарлану дәрежесі мынадай факторларға сүйене отырып бағаланады:

халықтың әлеуметтік осал топтарын жұмыс орындарымен қамтамасыз ету;

халықтың әлеуметтік осал топтарына кіретін қызметкерлер жалақысының өсуі;

физикалық және ақыл-ой кемістігі бар адамдарды толыққанды қоғамдық өмірге қосу, сондай-ақ ол үшін нақты шешімдер әзірлеп, қабылдау көзделген жобадағы инклюзия дәрежесі;

жобаның экологиялық дәрежесі;

жобаның технологиялық деңгейі (технологиялық жабдықтандырудың болуы) факторларына сүйене отырып жүзеге асырылады.

2. Бизнес-жобаның тиімділігін бағалау өлшемшарттары:

бизнес-жобаның өтелу мерзімі;

бизнес-жобаның бәсекеге қабілеттілігі (бәсекеге қабілетті артықшылықтардың болуы);

бір өнім берушіге не сатып алушылардың шағын тобына тәуелділік;

тауарды/негізгі құралдарды/шикізат пен материалдарды жеткізуге/ қызметтерді көрсетуге/жұмыстарды орындауға/технологияларды/франшиза/ патент сатып алуға шарттардың/ келісімшарттардың болуы;

бизнес-жобаны іске асыру үшін өзінің үй-жайының болуы;

жеке өзінің қатысуы.

3. Бизнес-жобаның дайындық дәрежесі мынадай өлшемшарттарға сүйене отырып бағаланады:

өткізу нарығының болуы және бизнес-жобаның ұсынылатын нәтижелерін коммерцияландыру ықтималдылығы;

білікті мамандар командасының болуы;

жобаларды іске асыру тәжірибесінің болуы;

бизнесті әртараптандыру (тәуекелдер (экономикалық, маркетингтік) туындаған жағдайда жобаны басқа салаға қайта бағдарлау мүмкін бе);

жобаның құны (бизнес-жобаны толық аяқтау үшін меншікті және тартылған капиталдың жеткіліктілігі, салыстырмалы талдау келтіру).

4. Жобаның экономикалық орындылығы мынадай өлшемшарттар негізінде бағаланады:

құрылатын жұмыс орындарының саны;

өңір үшін бизнес-жобаның маңыздылығы (іске асыру саласы, әлеуметтік-экономикалық әсердің болуы).

Әлеуметтік кәсіпкерлік
субъектілері үшін мемлекеттік
гранттар беру қағидаларына
6-қосымша

Нысан

Мемлекеттік грант алуға үміткер кәсіпкерлердің өтінімдерін іріктеу жөніндегі конкурстық комиссия отырысының № __ хаттамасы

1. Кәсіпкер туралы қысқаша мәліметтер:

өтінім нөмірі: _________________

өтінім берілген күн: ________________

заңды тұлға үшін: атауы __________ БСН ________ басшының тегі, аты, әкесінің аты (бар болса)

дара кәсіпкер үшін: атауы ________ ЖСН ________ тегі, аты, әкесінің аты (бар болса)

2. Жоба туралы қысқаша мәліметтер:

бизнес-жобаның атауы __________________________________________

бизнес-жобаның іске асырылатын жері _____________________________

мемлекеттік грантқа сұратылатын сома, теңге _____________________

3. Комиссия мүшелері:

1) _______________________ тегі, аты, әкесінің аты (бар болса);

2) …..

3) …..

Жоба бойынша дауыс беру нәтижелері:

дауыс беруге барлығы ___________ комиссия мүшесі қатысты, оның ішінде:

___дауыс берді; ___дауыс берген жоқ.

Комиссияның жобаны қарау нәтижелері:

Р/с №	Өлшемшарт атауы	Орташа балл:
1.	Бизнес-идеялардың әлеуметтік бағдарлану дәрежесі/"Бір ауыл – бір өнім" бағдарламасы өңірлік өнімінің рейтингі
2.	Бизнес-жобаның тиімділігі
3.	Дайындық дәрежесі
4.	Меншікті инфрақұрылымның болуы
5.	Жобаның аналогтармен салыстырғандағы артықшылықтары
6.	Жобаның экономикалық орындылығы
7.	Жобаның таныстырылымы
	Жиыны:

Жоба бойынша ең жоғары ықтимал балл қосындысы ___ балды құрайды.

Комиссия шешімі: жоба ______ мың теңге сомасына мақұлданды/ мақұлданған жоқ.

Комиссия мүшелерінің қолдары:

1. ЭЦҚ деректері; ЭЦҚ-мен қол қойылған күні мен уақыты.

2. …..

3. …..

Әлеуметтік кәсіпкерлік
субъектілері үшін мемлекеттік
гранттар беру қағидаларына
7-қосымша

Нысан

	__________________________
	__________________________
	(жеке кәсіпкердің, заңды
	тұлғаның тегі, аты, әкесінің
	аты (бар болса)

Мемлекеттік грант қаражатын қайтару қажеттігі туралы хабарлама

Әлеуметтік кәсіпкерлік субъектілері үшін Мемлекеттік гранттар беру қағидалары шеңберінде кәсіпкерлер жобаларының іске асырылуына жүргізген мониторинг барысында "Даму" кәсіпкерлікті дамыту қоры" акционерлік қоғамы:

__________________________________________________________________

______________________________________________________ анықтады.

(мемлекеттік грант қаражатын нысаналы пайдаланбау/не жобаның және (немесе)

кәсіпкердің мемлекеттік гранттар беру шарттарына және (немесе) конкурстық комиссияның шешіміне және (немесе) грант беру туралы шарттың талаптарына сәйкес келмеуі не жұмыс орындары санына қол жеткізу жөніндегі міндеттемелерін кәсіпкердің орындамауы) "Даму" кәсіпкерлікті дамыту қоры" акционерлік қоғамы ұсынған ақпарат негізінде конкурстық комиссия Сізбен арадағы 20___ жылғы "__" ______ № ____ грант беру туралы шартты бұзу туралы шешім қабылдады.

Осы арқылы _______________________________________________ Сізге

(өңірлік үйлестірушінің атауы)

20___ жылғы "__" ______ № ______ грант беру туралы шарт негізінде берілген мемлекеттік грант қаражатын 20___ жылғы "__" ____ дейінгі мерзімде қайтару қажеттігі туралы хабарлайды.

Осы хабарлама көрсетілген мерзімде орындалмаған жағдайда

_________________________________________________________________

(өңірлік үйлестірушінің атауы)

мемлекеттік грант қаражатын қайтару туралы талаппен сотқа жүгінуге құқылы.

___________________ ____________________________________

лауазымы (тегі, аты, әкесінің аты (бар болса)

Хабарламаның тапсырылғаны туралы мәліметтер

____________________________________________________________

(жеке кәсіпкердің, заңды тұлғаның тегі, аты, әкесінің аты (бар болса))

____________________________________________________________

(күні, уақыты, қолы)


	Қазақстан Республикасы Үкіметінің 2024 жылғы 17 қыркүйектегі № 754 қаулысымен бекітілген

Инженерлік инфрақұрылым жүргізу қағидалары

1-тарау. Жалпы ережелер

1. Осы Инженерлік инфрақұрылым жүргізу қағидалары Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді, шағын және орта кәсіпкерлік пен индустриялық аймақтардың жобаларына жетіспейтін инженерлік инфрақұрылымды жүргізу шарттары мен тетігін айқындайды.

2. Осы Инженерлік инфрақұрылым жүргізу қағидаларында мынадай негізгі ұғымдар пайдаланылады:

1) аяқталмаған құрылыс – тапсырыс беруші пайдалануға беру үшін белгіленген тәртіппен қабылдамаған және мақсатына сай (тұру, қызметтер көрсету, өнім шығару, пайда алу және басқа да пайдалану түрлері) пайдаланылмайтын құрылыс объектісі;

2) бюджеттік инвестициялық жоба (бұдан әрі – БИЖ) – жаңа объектілерді құру (салу) не қолда барларын реконструкциялау, сондай-ақ Қазақстан Республикасы Президентінің қызметін қамтамасыз етуге бағытталған міндеттерді іске асыруға арналған ақпараттандыру объектілерін, сондай-ақ арнаулы мемлекеттік органдардың ақпараттандыру объектілерін қоспағанда, ақпараттандыру объектілерін құру және дамыту үшін бағытталған, бюджет қаражаты есебінен тікелей бюджеттік бағдарлама әкімшісі белгілі бір уақыт кезеңі ішінде іске асыратын және аяқталған сипаты бар, білім беру саласындағы пилоттық ұлттық жобаны іске асыру жөніндегі дирекция белгілі бір уақыт кезеңі ішінде іске асыратын және аяқталған сипаты бар іс-шаралар жиынтығы;

3) бюджеттік инвестициялық жобаларды мониторингтеу – бюджет қаражаты бөлінген кезден бастап пайдалануға берілген кезге дейін жаңа объектілер тұрғызу (салу), жұмыс істеп тұрған объектілерді реконструкциялау, сондай-ақ ақпараттандыру объектілерін құру және дамыту барысы туралы ақпаратты тұрақты және жүйелі түрде жинау мен талдау жөніндегі іс-шаралар жиынтығы;

4) бюджет процесі – мемлекеттік органдардың Қазақстан Республикасының бюджет заңнамасымен регламенттелген бюджетті жоспарлау, қарау, бекіту, атқару, нақтылау және түзету, бухгалтерлік есеп пен қаржылық есептілікті жүргізу, бюджеттік есеп және бюджеттік есептілік, мемлекеттік аудит және қаржылық бақылау, бюджеттік мониторингтеу және нәтижелерді бағалау жөніндегі қызметі;

5) жеке кабинет – тізілімдегі пайдаланушының (кәсіпкер, уәкілетті орган, өңірлік үйлестіруші, өңірлік үйлестіру кеңесі, бюджеттік бағдарлама әкімшісі) дербес веб-парақшасы;

6) жеке шот – тізілімдегі өтінімдерді тіркеу және олармен операцияларды есепке алу мақсатында кәсіпкерді сәйкестендіруге мүмкіндік беретін жазбалардың жиынтығы;

7) жеке қаржыландыру жоспары – мемлекеттік мекеменің шығыстардың функционалдық және экономикалық сыныптамасына сәйкес міндеттемелер бойынша жеке жоспар, төлемдер бойынша жеке жоспар нысанында қалыптастырылатын негізгі құжаты;

8) жергiлiктi бюджеттік бағдарламалардың әкiмшiсi – облыс (астана, республикалық маңызы бар қалалар) әкiмi айқындайтын, жергiлiктi атқарушы органның бюджеттiк бағдарламаларды жоспарлауға, негіздеуге, іске асыруға және нәтижелерге қол жеткізуге жауапты құрылымдық бөлiмшесi;

9) заманауи форматтағы сауда объектілері – арнаулы немесе аралас тауарлар ассортиментінің атауы (бірліктері) бір мыңнан басталатын және одан асатын, дәстүрлі қызмет көрсету әдісімен қатар өзіне-өзі қызмет көрсету әдісімен, сондай-ақ саудада қосымша қызметтер көрсете отырып жұмыс істейтін, төлем карталарын пайдаланып төлем жүргізуге арналған жабдығы (құрылғысы) бар, еңбек өнімділігі және сауда алаңының шаршы метріне қатысты сату өнімділігі жоғары, аумағының шекарасы шегінде автокөлік құралдарының тұрағына арналған алаңның болуы көзделген, кемінде 500 (бес жүз) шаршы метр сауда алаңы бар стационарлық сауда объектілері;

10) инженерлік инфрақұрылым – халықтың тыныс-тіршілігіне, сондай-ақ өндірістің орнықты жұмыс істеуіне немесе тауарлар мен көрсетілетін қызметтердің айналымына қалыпты жағдай жасайтын кәсіпорындардың (ұйымдардың), объектілердің (ғимараттар мен құрылысжайлардың), коммуникациялар мен инженерлік және коммуналдық қамтамасыз ету желілерінің жиынтығы;

11) кәсіпкер – өз қызметін Кодекске сәйкес жүзеге асыратын шағын және (немесе) орта кәсіпкерлік субъектісі;

12) көрсетілетін қызметтерді беруші – мемлекеттік сатып алу туралы заңнамаға сәйкес өңірлік үйлестіруші айқындайтын, субсидиялаудың ақпараттық жүйесіне қол жеткізуді және оны иеленуші ретінде сүйемелдеуді қамтамасыз ететін тұлға;

13) қаржылық-экономикалық негіздеме (бұдан әрі – ҚЭН) – заңды тұлғалардың жарғылық капиталына бюджет қаражатын салудың орындылығы, негізділігі туралы мәліметтер және нәтижені бағалау қамтылған құжат;

14) құрылыс жобасы – көлемдік-жоспарлау, конструкциялық, технологиялық, инженерлік, табиғатты қорғау, экономикалық және өзге де шешімдер, сондай-ақ құрылысты ұйымдастыруға және жүргізуге, аумақты инженерлік дайындауға, абаттандыруға арналған сметалық есептер қамтылған жобалау (жобалау-сметалық) құжаттама (құрылыс жобаларына аяқталмаған объектілердің құрылысын консервациялау және өз ресурсы сарқылған объектілерді сүріп тастау жобалары да жатады);

15) құрылыстың сметалық құны (бұдан әрі – сметалық құн) – сомасы жобалық материалдар мен сметалық-нормативтік база негізінде айқындалатын, объект салуды жүзеге асыру үшін қажетті ақша;

16) мемлекеттiк жоспарлау жөнiндегi жергiлiктi уәкiлеттi орган – тиiстi әкiмшiлiк-аумақтық бiрлiкте стратегиялық, экономикалық және бюджеттiк жоспарлау саласындағы функцияларды жүзеге асыратын, жергiлiктi бюджеттен қаржыландырылатын атқарушы орган;

17) мемлекеттiк жоспарлау жөнiндегi орталық уәкiлеттi орган – стратегиялық және экономикалық жоспарлау, бюджет саясатын әзiрлеу және қалыптастыру, сондай-ақ өңiрлiк даму саласындағы мемлекеттiк саясатты қалыптастыру және іске асыру саласындағы басшылықты және салааралық үйлестiрудi жүзеге асыратын орталық атқарушы орган;

18) нəтижелер көрсеткіштері – стратегиялық жоспарды, аумақтарды дамыту бағдарламасын және (немесе) бюджеттік бағдарламаларды іске асыру жөніндегі мемлекеттік орган қызметін сипаттайтын нысаналы индикаторлардың, тікелей жəне түпкілікті нəтижелердің жиынтығы;

19) объектiнi пайдалануға қабылдау актiсi – бекiтiлген жобаға және мемлекеттiк (мемлекетаралық) нормативтерге сәйкес объект құрылысының аяқталғанын және объектiнiң пайдалануға толық әзірлігін растайтын құжат;

20) өңірлік үйлестіруші – облыс (астана, республикалық маңызы бар қалалар) әкімі айқындайтын кәсіпкерлік саласындағы жергілікті атқарушы органның құрылымдық бөлімшесі;

21) өңірлік үйлестіру кеңесі (бұдан әрі – ӨҮК) – облыстардың, Астана, Алматы және Шымкент қалаларының әкімдері құратын және басқаратын, қатысушылардың жалпы санының кемінде 50 %-ы бизнес-қоғамдастықтың өкілдерінен тұратын консультативтік-кеңесші орган;

22) өтінім – осы Инженерлік инфрақұрылымды жүргізу қағидаларының талаптарына сәйкес қажетті құжаттар қоса берілген қағаз немесе электрондық нысандағы өтініш;

23) өтінімдердің электрондық тізілімі (бұдан әрі – тізілім) – өтінімдер, сондай-ақ кәсіпкерлер туралы мәліметтердің жиынтығы және субсидиялаудың ақпараттық жүйесінде көрсетілген өзге де мәліметтер;

24) субсидиялаудың ақпараттық жүйесі – ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдық ретке келтірілген, мемлекеттік қолдау процестерін орындау жөнінде қызметтер көрсетуге арналған, "электрондық үкімет" веб-порталымен өзара іс-қимыл жасауға, өтінімді тіркеуге, сондай-ақ өтінімнің мемлекеттік қолдау көрсету шарттарына сәйкестігі тұргысынан оны автоматты түрде тексеру арқылы оны өңдеуге мүмкіндік беретін жиынтығы;

25) субсидиялаудың ақпараттық жүйесінің веб-порталы (бұдан әрі – веб-портал) – субсидиялаудың ақпараттық жүйесіне қолжетімділік беретін, интернет желісінде орналастырылған интернет-ресурс;

26) техникалық-экономикалық негіздеме (бұдан әрі – ТЭН) – негізгі техникалық, технологиялық және өзге де шешімдер туралы мәліметтер, сондай-ақ негізгі техникалық-экономикалық параметрлерді айқындап, пайда мен шығынды экономикалық талдау негізінде жүргізілетін бюджеттік инвестициялық жобаның жүзеге асырылуы мен тиімділігін зерделеу нәтижелері қамтылатын құжат;

27) тікелей нәтиже – көзделген бюджет қаражаты шегінде орындалатын мемлекеттік функциялар, өкілеттіктер мен көрсетілетін мемлекеттік қызметтер көлемінің сандық сипаттамасы, оларға қол жеткізу толығымен осы функцияларды, өкілеттіктерді жүзеге асыратын немесе қызметтер көрсететін ұйымның қызметіне байланысты;

28) түпкiлiктi нәтиже – мемлекеттiк орган қызметiнiң тікелей нәтижелерiне қол жеткiзуге негізделген стратегиялық жоспардың, аумақтарды дамыту бағдарламасының және (немесе) бюджеттiк бағдарламаның мақсатына қол жеткізуді санмен өлшейтін бюджеттік бағдарлама көрсеткіші;

29) "электрондық үкімет" веб-порталы – нормативтік құқықтық базаны қоса алғанда, барлық шоғырландырылған үкіметтік ақпаратқа және мемлекеттік көрсетілетін қызметтерге, табиғи монополиялар субъектілерінің желілеріне қосылуға техникалық шарттар беру жөніндегі көрсетілетін қызметтерге және квазимемлекеттік сектор субъектілерінің электрондық нысанда көрсетілетін қызметтеріне қол жеткізетін бірыңғай терезе болып табылатын ақпараттық жүйе;

30) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және ондағы мәліметтердің өзгермейтіндігін растайтын электрондық цифрлық нышандар жиыны.

3. Шағын және орта кәсіпкерлік және индустриялық аймақтар жобаларына инженерлік инфрақұрылым жеткізу Кодекстің 94-бабының 3-тармағына сәйкес жүзеге асырылады.

4. Инженерлік инфрақұрылымды дамыту жекелеген жобалар үшін дербес (оның ішінде бірнеше жобаларды қамтамасыз ету үшін), сол сияқты индустриялық аймақтар құру шеңберінде жаңа өндірістер құруға, жұмыс істеп тұрған өндірістерді жаңғыртуға және кеңейтуге бағытталған шағын және орта кәсіпкерліктің жобаларына жетіспейтін инженерлік инфрақұрылымды жүргізу болып табылады.

5. Шағын және орта кәсiпкерлік пен индустриялық аймақтар жобаларының инженерлік инфрақұрылымын дамытуға қаражат бөлу Қазақстан Республикасы Бюджет кодексінің 46-бабына сәйкес жүзеге асырылады.

6. Жетіспейтін инженерлік инфрақұрылымды жүргізуге көзделген қаражат белгіленген тәртіппен бекітілген төлемдер бойынша тиісті бюджеттік бағдарламаның жеке қаржыландыру жоспарының негізінде төмен тұрған бюджеттерге нысаналы трансферттермен аударылады.

7. Инженерлік инфрақұрылым жүргізу нысанында қолдау шараларын қаржыландыру республикалық және жергілікті бюджеттердің қаражаты, сондай-ақ Қазақстан Республикасы Ұлттық қорының қаражаты есебінен жүзеге асырылады.

8. Субсидиялаудың ақпараттық жүйесін пайдалану жөніндегі шарттар мен талаптар өңірлік үйлестіруші мен көрсетілетін қызметтерді беруші арасында тиісті шарт жасалғаннан кейін туындаған қатынастарға қолданылады.

2-тарау. Жетіспейтін инженерлік инфрақұрылымды жүргізу тәртібі

1-параграф. Жетіспейтін инженерлік инфрақұрылымды жүргізу шарттары

9. Инженерлік инфрақұрылымды дамыту осы Инженерлік инфрақұрылым жүргізу қағидаларына 1-қосымшаға сәйкес тізбе бойынша қызметін экономиканың басым секторларында, өңдеу өнеркәсібінің салаларында және көрсетілетін қызметтердің жекелеген түрлерінде жүзеге асыратын кәсіпкерлер, сондай-ақ жобаларын моноқалаларда, шағын қалалар мен ауылдық елді мекендерде іске асыратын кәсіпкерлер үшін салалық шектеусіз және кәсіпкердің тіркелген жерін есепке алмай жүзеге асырылады.

10. Бөлінген қаражат су бұру, сумен жабдықтау (сумен жабдықтау үшін ұңғыма бұрғылау), газдандыру, су таратқыштар, бу құбырлары, жылумен жабдықтау, су құбырлары, теміржол тұйықтары, кірме теміржолдар, телефон желілері, қосалқы электр станциялары, электр беру желілері, септиктер, бу-газ қондырғылары инфрақұрылымын салуға (реконструкциялауға) бағытталады.

11. Жетіспейтін инженерлік инфрақұрылымды жүргізу шағын және орта кәсіпкерлік субъектілерінің объектілері аумағының шекарасына дейін жүзеге асырылады, бұл ретте кәсіпкерлік объектісінің аумағының ішінде инженерлік инфрақұрылым жүргізуге қаражат бөлу көзделмейді.

12. Инженерлік инфрақұрылымды аумақтың шекарасына дейін және индустриялық аймақ ішінде жүргізу Қазақстан Республикасының бюджет заңнамасына сәйкес жергiлiктi бюджеттен қоса қаржыландырылып, республикалық бюджет қаражаты есебiнен жүзеге асырылады.

13. Жетіспейтін инфрақұрылымды жүргізу мынадай өлшемшарттарға сай келетін шағын және орта кәсіпкерлік субъектілерінің жобалары үшін жүзеге асырылады:

1) жобаға салынған инвестициялардың көлемі 200 (екі жүз) миллион теңгеден асады;

2) инфрақұрылым салудың (реконструкциялаудың) құны 50 (елу) миллион теңгеден асады, бұл ретте Қазақстан Республикасының экономикасын жаңғырту мәселелері жөніндегі мемлекеттік комиссияның ұсынымы бойынша жобалар үшін 5 (бес) миллиард теңгеден аспайтын сомадағы инфрақұрылым салуды (реконструкциялауды) қоспағанда, инфрақұрылымды (коммуникациялардың барлық түрлеріне) салудың (реконструкциялаудың) ең көп сомасы 1 (бір) миллиард теңгеден аспауға тиіс;

3) жобалар құрылысының әзірлік дәрежесі 30 %-дан кем болмауға тиіс.

14. Қазақстан Республикасының экономикасын жаңғырту мәселелері жөніндегі мемлекеттік комиссияның қарауы үшін экспортқа бағдарлануды және импорт алмастыруды салалық бағалау, сондай-ақ тиісті саланы дамытуға экономикалық әсер қамтылған тиісті салалық уәкілетті органның оң қорытындысы қажет.

15. Жетіспейтін инженерлік инфрақұрылымды жүргізу мынадай өлшемшарттарға сай келетін индустриялық аймақтарды құру немесе дамыту жобалары үшін жүзеге асырылады:

1) жобаға салынған инвестиция көлемі 10 (он) миллиард теңгеден кем емес;

2) инфрақұрылымды салу (реконструкциялау) құны 1 (бір) миллиард теңгеден кем емес, бірақ 10 (он) миллиард теңгеден аспайды;

3) жобалар құрылысының әзірлік дәрежесі кемінде 30 %.

16. Мынадай өлшемшарттарға сай келетін заманауи форматтағы сауда объектілерін салу жобаларына жетіспейтін инженерлік инфрақұрылымды жүргізуге жол беріледі:

1) Астана, Алматы және Шымкент қалаларында – сауда алаңы кемінде 3 (үш) мың шаршы метр;

2) облыстарда – сауда алаңы кемінде 1 (бір) мың шаршы метр.

17. Осы Инфрақұрылымды жүргізу қағидаларының өлшемшарттарына сай келмейтін шағын және орта кәсіпкерлік субъектілері мен индустриялық аймақтың жобаларына инфрақұрылым жүргізу жергілікті бюджет қаражаты есебінен жүзеге асырылады. Бұл ретте жетіспейтін инфрақұрылымды жүргізу өлшемшарттарына сай келетін шағын және орта кәсіпкерлік пен индустриялық аймақтың жобаларына жетіспейтін инфрақұрылымды жүргізу жергілікті атқарушы органдардың қалауы бойынша жергілікті бюджет қаражаты есебінен де жүзеге асырылуы мүмкін.

18. Шағын және орта кәсіпкерлік субъектілері мен индустриялық аймақтың жобаларына жетіспейтін инфрақұрылымды жүргізу жергілікті бюджеттен құрылыс құнының кемінде 10 %-ы мөлшерінде қоса қаржыландырылып жүзеге асырылады.

Жергілікті атқарушы органдар шағын және орта кәсіпкерлік субъектілерінің және индустриялық аймақтың жобаларына жетіспейтін инженерлік инфрақұрылымды жүргізу кезінде қатысушыларға халықты жұмыспен қамту орталықтарының бағыттары бойынша құрылыс (реконструкциялау) кезінде жаңадан құрылатын жұмыс орындарының кемінде 10 %-ын береді.

19. Инженерлік инфрақұрылымды салу (реконструкциялау) құны шағын және орта кәсіпкерлік субьектілерінің жобалары құнының және (немесе) индустриялық аймақтарды құру немесе дамыту жобасы құнының 50 %-ынан аспайды.

20. Инженерлік инфрақұрылымды салу (реконструкциялау) Қазақстан Республикасының қолданыстағы заңнамасына сәйкес жүзеге асырылады.

21. Өткен қаржы жылында тікелей нәтижелерге қол жеткізілмеген және жергілікті бюджеттен қоса қаржыландыру қамтамасыз етілмеген БИЖ-ді іске асыру үшін жетіспейтін инженерлік инфрақұрылымды жүргізуге республикалық бюджеттен, Қазақстан Республикасының Ұлттық қорынан қайтадан қаржыландыру жүзеге асырылмайды.

22. Құрылысқа (реконструкциялауға) жоба алдындағы (ТЭН) немесе жобалау (жобалау-сметалық) құжаттамасын әзірлеуге байланысты шығындарды республикалық және жергілікті бюджеттерден қаржыландыруға жол берілмейді.

23. Өңірлік үйлестіруші ӨҮК жұмыс органы болып табылады, ол:

1) өңірлік бұқаралық ақпарат құралдары және веб-портал арқылы ұлттық жобаны іске асырудың бүкіл мерзімі ішінде кәсіпкерлердің жобаларына және индустриялық аймақтарға жетіспейтін инженерлік инфрақұрылымды қаржыландыру түрінде кәсіпкерлерге мемлекеттік қолдау көрсету барысын ауық-ауық жариялап тұруды қамтамасыз етеді;

2) кәсіпкерлердің жобаларына және индустриялық аймақтарға жетіспейтін инженерлік инфрақұрылымды қаржыландыру шарттары мен тәртібі бойынша кәсіпкерлерге консультация береді.

24. Жергілікті бюджеттік бағдарламаның әкімшісі жеке қаржыландыру жоспары бекітілгеннен кейін 3 (үш) жұмыс күні ішінде оны веб-порталға орналастырады.

2-параграф. Шағын және орта кәсіпкерлік субъектілерінің жобаларына және индустриялық аймақтарға жетіспейтін инженерлік инфрақұрылымды алу үшін қатысушылардың өзара іс-қимылы

25. Кәсіпкер осы Инженерлік инфрақұрылымды жүргізу қағидаларына 2-қосымшаға сәйкес нысан бойынша жетіспейтін инфрақұрылымды қаржыландыруға арналған өтінішпен өңірлік үйлестірушіге жүгінеді, онда инфрақұрылымды жүргізу немесе жақсарту қажеттігінің негіздемесі қамтылып, мына құжаттар қоса беріледі:

1) бизнес-жоспар;

2) Қазақстан Республикасы Ұлттық экономика министрінің 2014 жылғы 5 желтоқсандағы № 129 бұйрығымен бекітілген Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудің орындылығын айқындау қағидаларына (нормативтік құқықтық актілерді мемлекеттік тіркеу тізілімінде № 9938 болып тіркелген) (бұдан әрі – Қағидалар) сәйкес ТЭН әзірлеуді талап етпейтін жобаларды қоспағанда, жобаның ТЭН-і;

3) жоба бойынша жобалау-сметалық құжаттама;

4) шағын және орта кәсіпкерлік субъектілерінің объектісі бойынша жобалау-сметалық құжаттама;

5) шағын және орта кәсіпкерлік субъектілерінің объектісі бойынша орындалған жұмыстардың актілері;

6) жобалау-сметалық құжаттаманы әзірлеу кезінде шеккен шығыстар бойынша төлем шоттары.

26. Өңірлік үйлестіруші құжаттарды алғаннан кейін 5 (бес) жұмыс күні ішінде:

1) кәсіпкердің жобасын осы Инженерлік инфрақұрылым жүргізу қағидаларының шарттарына сәйкестігі тұрғысынан тексереді;

2) ӨҮК үшін кәсіпкерлердің жобалары бойынша ұсынымдар әзірлейді;

3) құжаттардың толық топтамасымен қоса кәсіпкерлер жобаларының тізімін ӨҮК қарауына енгізеді;

4) ӨҮК отырысы күн тәртібінің мәселесін қалыптастырады, өткізілетін күнін, уақытын және орнын айқындайды, ол туралы ӨҮК барлық мүшелерін хабардар етеді.

27. Кәсіпкер құжаттардың және (немесе) оларда қамтылған деректердің (мәліметтердің) анық емес екенін анықтаған, сондай-ақ кәсіпкер және (немесе) ұсынылған материалдар, объектілер, мемлекеттік қызметтерді көрсету үшін қажетті деректер мен мәліметтер Қазақстан Республикасының нормативтік құқықтық актілерінде белгіленген талаптарға сәйкес келмеген жағдайларда өңiрлiк үйлестiрушi кәсiпкерге мемлекеттiк қызметтi көрсетуден бас тарту туралы уәжді жауаппен бар хабарлама жiбередi.

28. ӨҮК отырысы жобалардың қалыптасуына қарай өткізіледі. ӨҮК мүшелерінің саны кемінде 10 (он) адамды құрайды, оның кемінде 50 %-ы кәсіпкерлер қоғамдастығының өкілдері болады.

ӨҮК отырысы ӨҮК мүшелері санының кемінде үштен екісі (кворум) қатысқан кезде өткізіледі. Шешімді қатысушылардың жалпы санының кемінде үштен екісі қабылдайды.

29. ӨҮК өткізілетін отырыс шеңберінде мынадай іс-шараларды жүзеге асырады:

1) кәсіпкердің және ол іске асыратын жобалардың осы Инженерлік инфрақұрылым жүргізу қағидаларының өлшемшарттарына сәйкестігін тексереді;

2) ӨҮК мүшелері арасында кәсіпкердің жобасы мен қоса беріліп отырған құжаттарды, оның ішінде шағын және орта кәсіпкерлік субъектілерінің жобаларын іске асыру қорытындылары бойынша құрылатын тұрақты жұмыс орындары, бюджетке түсетін салық түсімдері, өнім өндіру көлемі туралы болжамды ақпаратты қарайды және талқылайды;

3) талқылаудың нәтижелері бойынша ӨҮК осы Инженерлік инфрақұрылымды жүргізу қағидаларына сәйкестігі тұрғысынан инженерлік инфрақұрылым салуды (реконструкциялауды) қаржыландыру мүмкіндігі (немесе мүмкін еместігі) туралы шешім қабылдайды.

30. ӨҮК шешімі ӨҮК отырысы өткізілген күннен бастап 3 (үш) жұмыс күні ішінде тиісті хаттамамен ресімделеді.

31. Өңірлік үйлестіруші ӨҮК хаттамасы ресімделгеннен кейін кәсіпкерге ӨҮК шешімі туралы хабарлама жібереді. ӨҮК теріс шешім қабылдаған жағдайда өңірлік үйлестіруші кәсіпкерге уәжді жауап жолдайды.

32. Өңірлік үйлестіруші ӨҮК хаттамасы ресімделген кезден бастап 3 (үш) жұмыс күні ішінде толық құжаттар топтамасымен қоса кәсіпкерлер жобаларының тізімін, ӨҮК хаттамасын БИЖ-ді одан әрі іске асыру жөнінде шаралар қабылдау үшін жергілікті бюджеттік бағдарламалардың әкімшісіне жолдайды.

33. Қазақстан Республикасының бюджет заңнамасына сәйкес жергілікті бюджеттік бағдарламалардың әкімшісі қаражат бөлу қажеттігі туралы бюджеттік өтінімді қалыптастырып, оны:

1) осы Инфрақұрылымды жүргізу қағидаларының 13, 15 және 16-тармақтарының өлшемшарттарына сәйкес келетін кәсіпкерлердің мақұлданған жобалары және индустриялық аймақты құру немесе дамыту жобалары бойынша мемлекеттік жоспарлау жөніндегі орталық уәкілетті органға;

2) жергілікті бюджет қаражаты есебінен инженерлік инфрақұрылым жүргізуді жоспарлап отырған және құрылыс құнының 10 %-ы мөлшерінде жобаларды қоса қаржыландыруды көздейтін кәсіпкерлердің мақұлданған жобалары бойынша мемлекеттік жоспарлау жөніндегі жергілікті уәкілетті органға жібереді.

34. Жергілікті бюджеттік бағдарламалар әкімшісі бюджеттік өтінімде қамтылған ақпарат пен есептемелердің толықтығы мен анықтығын қамтамасыз етеді.

35. Бюджеттік өтінім келіп түскеннен кейін уәкілетті орган мынадай іс-шараларды жүзеге асырады:

1) бюджет процесі шеңберінде бюджеттік өтінімнің осы Инженерлік инфрақұрылымды жүргізу қағидаларының шарттарына және Қазақстан Республикасының бюджет заңнамасына сәйкестігін қарайды;

2) қажет болған жағдайда жергілікті бюджеттік бағдарламалар әкімшілерінен БИЖ-ді іріктеу бойынша неғұрлым толық талдау жүргізу және шешім қабылдау үшін қажетті қосымша мәліметтер мен құжаттарды сұратады;

3) құжаттардың толық топтамасы бар БИЖ тізбесін қалыптастырады;

4) шығыстар көлемін негіздеу үшін мемлекеттік жоспарлау жөніндегі орталық уәкілетті органға Қазақстан Республикасының бюджет заңнамасына сәйкес жиынтық бюджеттік өтінім жібереді;

5) жергілікті бюджеттік бағдарламалардың әкімшілеріне бюджет комиссиясы қарауының қорытындысы және шешімі бойынша инженерлік инфрақұрылымды салуды (реконструкциялауды) қаржыландыру мүмкіндігі (немесе мүмкін еместігі) туралы ақпарат береді.

36. Мемлекеттік жоспарлау жөніндегі орталық/жергілікті уәкілетті орган мыналарды жүзеге асырады:

1) бюджеттік бағдарламалар әкімшілерінің бюджеттік өтінімдерін олардың Қазақстан Республикасының бюджет және өзге де заңнамасына, әлеуметтік-экономикалық даму болжамына, қолданыстағы табиғи нормалар мен стратегиялық жоспарлардың жобаларына немесе стратегиялық жоспарларға өзгерістер мен толықтырулардың жобаларына және бюджеттік бағдарламалардың жобаларына сәйкестігі тұрғысынан қарайды, бұл ретте бюджеттік өтінімдерді қарау кезінде әрбiр бюджеттік бағдарлама бойынша шығыстардың түрлерiн есептегенде басшылыққа алу үшін Қазақстан Республикасының мемлекеттік сатып алу туралы заңнамасында белгіленген тауарларға, жұмыстар мен көрсетілетін қызметтерге арналған бағалардың дерекқоры да пайдаланылады.

Бюджеттік өтінім жасалуы және ұсынылуы бойынша Қазақстан Республикасының бюджет заңнамасының талаптарына сәйкес келмеген кезде мемлекеттік жоспарлау жөніндегі орталық/жергілікті уәкілетті орган оны бюджеттік бағдарлама әкімшісіне қарамай қайтаруға міндетті;

2) материалдарды қарау нәтижелері бойынша бюджеттік өтінімдер мен бюджеттік бағдарламалардың жобалары бойынша қорытындылар қалыптастырып, оларды тиісті бюджет комиссиясының қарауына жібереді;

3) уәкілетті органды/жергілікті бюджеттік бағдарламалар әкімшілерін бюджет комиссиясының шешімі туралы хабардар етеді;

4) Қазақстан Республикасы Үкіметінің/жергілікті атқарушы органдардың республикалық бюджет туралы заңды іске асыру/жергілікті бюджет туралы мәслихат шешімін іске асыру туралы қаулы жобасын әзірлейді.

37. Республикалық бюджет туралы заңды іске асыру туралы Қазақстан Республикасы Үкіметінің қаулысы Қазақстан Республикасының Президенті республикалық бюджет туралы заңға қол қойған күннен бастап күнтізбелік 7 (жеті) күн ішінде қабылданады.

38. Жергілікті атқарушы органның жергілікті бюджет туралы мәслихат шешімін іске асыру туралы қаулысы (аудандық маңызы бар қала, ауыл, кент, ауылдық округ әкімінің шешімі) мәслихат жергілікті бюджетті бекіткеннен кейін күнтізбелік 14 (он төрт) күн ішінде қабылданады.

39. Тиісті кезеңге бекітілетін республикалық бюджет туралы заңға және мәслихаттардың кезекті қаржы жылына арналған жергілікті бюджеттер туралы шешімдеріне, Қазақстан Республикасы Үкіметінің және жергілікті атқарушы органдардың қаулыларына, аудандық маңызы бар қала, ауыл, кент, ауылдық округ әкімінің кезекті қаржы жылына арналған республикалық және жергілікті бюджеттерді іске асыру туралы шешімдеріне, мемлекеттік органдардың стратегиялық жоспарларына, бюджеттік бағдарламаларға, бюджеттік бағдарламалар әкімшілерінің бюджеттік өтінімдеріне, Қазақстан Республикасының мемлекеттік бюджеттік сыныптамасына, республикалық және жергілікті бюджеттерден қаржыландырылатын мемлекеттік мекемелердің анықтамалығына сәйкес жеке қаржыландыру жоспарлары, бюджеттік бағдарламалар әкімшілерінің қаржыландыру жоспарлары, төлемдер бойынша түсімдер мен қаржыландырудың жиынтық жоспары, міндеттемелер бойынша қаржыландырудың жиынтық жоспары әзірленеді.

40. Кәсіпкерлік субъектілерінің объектілеріне және индустриялық аймақтарға инженерлік инфрақұрылым жүргізу нысанындағы қолдау шараларын қаржыландыру белгіленген тәртіппен бекітілген төлемдер бойынша тиісті бюджеттік бағдарламаны қаржыландырудың жеке жоспары негізінде бюджеттік бағдарламалар әкімшісінің жоғары тұрған бюджеттен төмен тұрған бюджеттерге нысаналы трансферттер аударуы арқылы жүзеге асырылады.

3-параграф. Индустриялық аймақтарды құру немесе дамыту жөніндегі жобаларға жетіспейтін инженерлік инфрақұрылымды алу үшін қатысушылардың өзара іс-қимылы

41. Өңірлік үйлестіруші индустриялық аймақты құру немесе дамыту жобасын әзірлейді және оны ӨҮК қарауына жібереді.

ӨҮК жоба осы Инженерлік инфрақұрылым жүргізу қағидаларының өлшемшарттарына, жергілікті кәсіпкерліктің мүмкіндіктеріне сәйкес келген жағдайда оң шешім шығарады.

42. Өңірлік үйлестіруші ӨҮК оң шешімін алғаннан кейін Қазақстан Республикасының бюджет заңнамасына сәйкес құжаттардың толық топтамасымен қоса индустриялық аймақты құру немесе дамыту жобасын уәкілетті органның және индустриялық-инновациялық даму саласындағы уәкілетті органның қарауына жібереді.

43. Индустриялық-инновациялық даму саласындағы уәкілетті орган өтінім түскен кезден бастап 1 (бір) ай ішінде уәкілетті органға индустриялық аймақты құру немесе дамыту жобасының "Арнайы экономикалық және индустриялық аймақтар туралы" Қазақстан Республикасының Заңына сәйкес шарттарға сәйкестігі тұрғысынан қорытынды жібереді. Индустриялық-инновациялық даму саласындағы уәкілетті орган 1 (бір) ай ішінде қорытынды бермеген жағдайда ол оң шешіммен берілді деп саналады.

44. Өңірлік үйлестірушілер Қазақстан Республикасының бюджет заңнамасына сәйкес жетіспейтін инженерлік инфрақұрылымды жүргізуге арналған бюджеттік өтінімді, оның ішінде шағын және орта кәсіпкерлік субъектілерінің жобаларын іске асыру қорытындысы бойынша құрылатын тұрақты жұмыс орындары, бюджетке түсетін салықтық түсімдер, өнім өндірісінің көлемі туралы болжамды ақпарат береді.

45. Мемлекеттік жоспарлау жөніндегі орталық уәкілетті орган индустриялық-инновациялық даму саласындағы уәкілетті органның қорытындысын ескере отырып, өтінім түскен кезден бастап осы Инженерлік инфрақұрылым жүргізу қағидаларының 1-параграфында регламенттелген тәртіппен индустриялық аймақтарды құру немесе дамыту жөніндегі жобаларды қарайды.

4-параграф. Кәсіпкердің "электрондық үкімет" веб-порталы арқылы электрондық өтінім беруі

46. Жетіспейтін инженерлік инфрақұрылымды қаржыландыруға өтінім беру субсидиялаудың ақпараттық жүйесі арқылы электрондық түрде жүзеге асырылады.

47. Кәсіпкерлердің жобалары мен индустриялық аймақтарға жетіспейтін инженерлік инфрақұрылымды қаржыландыру мынадай шарттар сақталған жағдайда беріледі:

1) "электрондық үкімет" веб-порталы арқылы осы Инженерлік инфрақұрылым жүргізу қағидаларына 3-қосымшаға сәйкес нысан бойынша өтінім беру.

"Электрондық үкімет" веб-порталы мен субсидиялаудың ақпараттық жүйесінің ақпараттық өзара іс-қимылы Қазақстан Республикасының заңнамасына сәйкес жүзеге асырылады;

2) субсидиялаудың ақпараттық жүйесінде өтінімді тіркеу;

48. Кәсіпкерлердің жобалары мен индустриялық аймақтарға жетіспейтін инженерлік инфрақұрылымның қаржыландырылуына үміткер кәсіпкерлер өтінімге PDF форматында мынадай құжаттардың сканерленген көшірмелерін ұсынады:

1) бизнес-жоспар;

2) Қағидаларға сәйкес ТЭН әзірлеуді талап етпейтін жобаларды қоспағанда, жобаның ТЭН-і;

3) сараптаманың оң қорытындысы бар жоба бойынша жобалау-сметалық құжаттама.

49. Шағын және орта кәсіпкерлік субъектісі бойынша, оның ішінде заңды тұлғаны мемлекеттік тіркеу/қайта тіркеу туралы куәлік және жеке кәсіпкерді тіркеу туралы хабарлама, субъектінің санаты бойынша мәліметтер автоматты түрде "электрондық үкімет" шлюзі арқылы тиісті мемлекеттік ақпараттық жүйелер арқылы айқындалады.

50. Өтінімдерді қабылдау кәсіпкердің тіркелген жері (заңды мекенжайы) бойынша жүзеге асырылады.

Веб-портал (бұдан әрі – жеке кабинет) арқылы тізілім деректеріне қолжетімділік беру үшін:

1) субсидиялаудың ақпараттық жүйесінде өз бетінше тіркелуі үшін кәсіпкерлерде ЭЦҚ болады;

2) өңірлік үйлестіруші көрсетілетін қызметтерді берушіге ЭЦҚ бар өз жұмыскерлерінің өзектілендірілген тізімдерін, сондай-ақ ӨҮК мүшелерінің өзектілендірілген тізімдерін жыл сайын жібереді.

51. Жеке кабинетте тіркелу үшін кәсіпкер мынадай мәліметтерді:

1) жеке кәсіпкерлер үшін – жеке сәйкестендіру нөмірін (бұдан әрі – ЖСН), тегін, атын және әкесінің атын (бар болса);

2) заңды тұлғалар үшін – бизнес-сәйкестендіру нөмірін (бұдан әрі – БСН), толық атауын; бірінші басшының тегін, атын және әкесінің атын (бар болса) және ЖСН;

3) байланыс деректерін (пошта мекенжайы, телефоны, электрондық пошта мекенжайы);

4) екінші деңгейдегі банктегі банктік шоттың деректемелерін көрсетеді.

Жоғарыда көрсетілген деректер өзгерген кезде кәсіпкер бір жұмыс күні ішінде жеке кабинетке енгізілген жеке шоттың деректерін өзгертеді.

52. Кәсіпкердің өтінімді қалыптастыруы және тіркеуі жеке кабинетте мынадай тәртіппен жүргізіледі:

1) субсидиялаудың ақпараттық жүйесінің осы Инженерлік инфрақұрылым жүргізу қағидаларының 47-тармағы 3) тармақшасының талаптарын тексеруі үшін қажетті мәліметтер енгізіліп, өтінім қалыптастырылады;

2) өтінім кәсіпкердің ЭЦҚ-мен қол қоюы арқылы субсидиялаудың ақпараттық жүйесінде тіркеледі және өңірлік үйлестірушінің жеке кабинетінде қолжетімді болады. Өңірлік үйлестірушінің веб-порталда көрсетілген электрондық мекенжайына өтінімнің қарауға түскені туралы электрондық хабарлама жіберіледі.

Өңірлік үйлестіруші өтінімді ӨҮК қарауына жіберген кезге дейін тіркелген өтінімде қателіктер анықталған жағдайда кәсіпкер қайтарып алу себебін көрсете отырып, өтінімді кері қайтарып алады.

53. Өңірлік үйлестіруші кәсіпкер өтінімді тіркеген кезден бастап 3 (үш) жұмыс күні ішінде:

1) тиісті хабарламаға ЭЦҚ-ны пайдаланып қол қою арқылы оның қабылданғанын растайды (бұл хабарлама кәсіпкердің жеке кабинетінде қолжетімді болады);

2) ӨҮК үшін кәсіпкерлердің жобалары бойынша ұсынымдар әзірлейді;

3) ӨҮК барлық мүшелерін өтінім бойынша дауыс беру қажеттігі туралы хабардар етеді. Бұл хабарлама ӨҮК әрбір мүшесінің жеке кабинетінде қолжетімді болады.

54. Кәсіпкер және/немесе ұсынылған мемлекеттік қызметті көрсету үшін қажетті материалдар, объектілер, деректер мен мәліметтер Қазақстан Республикасының нормативтік құқықтық актілерінде белгіленген талаптарға сәйкес келмеген жағдайда өңірлік үйлестіруші өтінімді тіркеген күннен бастап 5 (бес) жұмыс күні ішінде кәсіпкерге уәжді бас тарту жібереді.

55. Дауыс беру аяқталатын күн өңірлік үйлестіруші өтінімнің қабылданғанын растаған күннен бастап бесінші жұмыс күніне белгіленеді.

Дауыс беруді ӨҮК әрбір мүшесі отырыс өткізбей субсидиялаудың ақпараттық жүйесінде өздері жүзеге асырады.

56. ӨҮК конкурстық іріктеуді жүргізу кезінде Қазақстан Республикасының заңнамасына және осы Инженерлік инфрақұрылымды жүргізу қағидаларына сәйкес веб-порталда мыналарды:

1) осы Инженерлік инфрақұрылымды жүргізу қағидаларының өлшемшарттарына сәйкестігі тұрғысынан кәсіпкердің жобалары мен қоса берілетін құжаттарды, сондай-ақ кәсіпкерлердің жобаларын іске асыру қорытындылары бойынша құрылатын тұрақты жұмыс орындары, бюджетке түсетін салықтық түсімдер, өнім өндіру көлемдері туралы болжамды ақпаратты қарауды;

2) "қолдаймын" немесе "қарсымын" деген тармақтарды белгілеу әдісімен дауыс беруді және жобаларды конкурсқа жіберуді жүзеге асырады.

Дауыс беру қорытындысы бойынша дауыстар саны қосылады және субсидиялаудың ақпараттық жүйесі автоматты түрде қорытынды шешімді айқындайды.

Кәсіпкердің жобасына субсидиялаудың ақпараттық жүйесінде тіркелген ӨҮК мүшелері санының үштен екісінен кемі дауыс берген жағдайда субсидиялаудың ақпараттық жүйесі хаттама қалыптастырмайды және өңірлік үйлестірушіге конкурстың өткізілмегені туралы хабарлама жібереді.

57. ӨҮК шешімі ӨҮК отырысы өткізілген күннен бастап 1 (бір) жұмыс күні ішінде тиісті хаттамамен ресімделеді.

58. ӨҮК құрамы хаттамаға ЭЦҚ-ны пайдаланып қол қояды. ӨҮК хаттамасына қол қойылғаннан кейін жоба бойынша кәсіпкердің құжаттамасы БИЖ-ді одан әрі іске асыру жөнінде шаралар қабылдау үшін өңірлік үйлестірушінің, кәсіпкердің және жергілікті бюджеттік бағдарламалар әкімшісінің жеке кабинетінде қолжетімді болады.

59. Осы Инженерлік инфрақұрылым жүргізу қағидалары шеңберінде қатысушылардың жетіспейтін инфрақұрылымды жүргізу үшін одан арғы өзара іс-қимылы осы Инженерлік инфрақұрылым жүргізу қағидаларының 1 және 2-параграфтарында айқындалған тәртіпке сәйкес жүзеге асырылады.

60. Субсидиялаудың ақпараттық жүйесіне қолжетімділік мемлекеттік жоспарлау жөніндегі орталық уәкілетті органға үнемі онлайн-режимде өтеусіз негізде беріледі.

Мемлекеттік жоспарлау жөніндегі орталық уәкілетті орган субсидиялаудың ақпараттық жүйесіне қолжетімділігі бар көрсетілетін қызметтерді берушіге дербес деректерді қорғау жөніндегі талаптарға сәйкес жауапты тұлғалардың тізімін жыл сайын жібереді.

3-тарау. Инженерлік инфрақұрылымды жүргізуді мониторингтеу

61. Осы Инженерлік инфрақұрылым жүргізу қағидалары шеңберінде инженерлік инфрақұрылымды жүргізу мониторингін уәкілетті орган/жергілікті бюджеттік бағдарламалардың әкімшісі Қағидалар негізінде жүзеге асырады.

62. БИЖ-дің іске асырылуын мониторингтеуде:

1) БИЖ-дің іске асырылу барысы туралы ақпарат жинау;

2) бюджеттік бағдарламаларға сәйкес бөлінген нысаналы трансферттерді пайдалану есебінен қол жеткізілген тікелей және түпкілікті нәтижелер туралы есеп дайындау;

3) БИЖ бойынша қаржы қаражатының игерілген сомасы жөнінде ақпарат жинау көзделеді.

63. Есепті қаржы жылы ішінде БИЖ бойынша орындалған жұмыстардың нақты және жоспарлы көлемдері мен қаржы қаражатының игерілген сомалары туралы ақпаратты қамтитын қағаз және электрондық жеткізгіштердегі есеп мониторингтің қорытындысы болып табылады.

Есептің PDF форматындағы сканерленген көшірмесін өңірлік үйлестіруші осындай есепті уәкілетті орган/жергілікті бюджеттік бағдарламалар әкімшісі қабылдаған күннен бастап 2 (екі) жұмыс күні ішінде субсидиялаудың ақпараттық жүйесіне жүктейді.

64. Нысаналы даму трансферттері есебінен іске асырылатын республикалық және жергілікті БИЖ бойынша жылдық мониторингті республикалық бюджеттiк бағдарламалардың әкiмшiлерi мемлекеттiк жоспарлау жөніндегі орталық уәкiлеттi органға, оның iшiнде электрондық порталға жыл сайын, есепті жылдан кейінгі жылдың 10 (он) сәуірінен кешiктiрмей қазақ және орыс тiлдерiнде ұсынады.

Жиынтық ақпаратта:

1) республикалық бюджет қаражаты есебінен іске асырылатын БИЖ туралы ақпарат;

2) республикалық бюджеттен бөлінетін нысаналы даму трансферттері және кредиттер есебінен іске асырылатын жергілікті БИЖ туралы ақпарат қамтылады.

65. Жергілікті бюджет қаражаты есебінен жүзеге асырылатын БИЖ іске асырылу барысы туралы жылдық мониторингті мемлекеттік жоспарлау жөніндегі жергілікті уәкілетті орган мемлекеттік және орыс тілдерінде дайындайды және есепті жылдан кейінгі жылғы 10 (он) сәуірден кешіктірмей облыстардың, республикалық маңызы бар қалалардың, астананың әкімдіктеріне ұсынады.

Жергілікті бюджеттік бағдарламалардың әкімшілері БИЖ-ді іске асырудың жылдық мониторингін мемлекеттік жоспарлау жөніндегі жергілікті уәкілетті органға есепті жылдан кейінгі жылғы 1 (бір) сәуірге дейін ұсынады.

Жиынтық ақпаратта:

1) жергілікті бюджет қаражаты есебінен іске асырылатын БИЖ туралы ақпарат;

2) аяқталған және өтпелі жобалар, әзірленетін ЖСҚ саны бойынша ақпарат;

3) ауданның (облыстық маңызы бар қаланың) бюджеті қаражатының және облыстық бюджеттен бөлінетін нысаналы даму трансферттері мен кредиттер есебінен қаржыландырылатын БИЖ тізбесі, қаржыландыру жоспарының сомалары, жобалардың нақты орындалуы, аяқталған жобалар саны, игерілмеген сомалар мен оның себептері туралы ақпарат қамтылады.

66. Жергілікті атқарушы органдар нысаналы трансферттерді тиісті бюджеттік бағдарламаларда айқындалған нысаналы мақсатқа сай ғана пайдаланады.

67. Мемлекеттiк аудиттiң нәтижелерi бойынша қабылданатын аудиторлық қорытындыға сәйкес нысаналы трансферттердiң нысаналы мақсаты бойынша пайдаланылмаған сомалар бюджетті атқару жөніндегі орталық уәкілетті орган айқындаған тәртіппен мемлекеттік аудит нәтижелерi бойынша қабылданатын аудиторлық қорытындыға қол қойылғаннан кейін 3 (үш) айдан кешiктiрілмей осы трансферттерді бөлген жоғары тұрған бюджетке мiндеттi түрде қайтарылуға тиiс.

68. Қазақстан Республикасы Үкiметiнiң/облыстың жергiлiктi атқарушы органының шешiмi бойынша Қазақстан Республикасы Үкiметiнiң/облыстың жергiлiктi атқарушы органының резервiнен бөлiнгендердi қоспағанда, республикалық/облыстық бюджеттен бөлінген нысаналы даму трансферттерiнiң тиiстi қаржы жылында пайдаланылмаған (толық пайдаланылмаған) сомалары нысаналы мақсаты сақтала отырып, келесі қаржы жылында пайдаланылады (толық пайдаланылады).

69. Қаржы жылы ішінде Қазақстан Республикасы Үкiметiнiң/облыстың жергiлiктi атқарушы органының шешiмi бойынша пайдалануға (толық пайдалануға) рұқсат берілген, өткен қаржы жылында бөлінген нысаналы даму трансферттерінің пайдаланылмаған (толық пайдаланылмаған) сомалары ағымдағы қаржы жылының соңына дейін оларды бөлген жоғары тұрған бюджетке қайтарылуға тиіс.

70. Қазақстан Республикасының Үкiметi, облыстың немесе ауданның (облыстық маңызы бар қаланың) жергiлiктi атқарушы органы ағымдағы қаржы жылында одан әрі пайдалану (толық пайдалану) туралы шешім қабылдамаған республикалық, облыстық және аудандық (облыстық маңызы бар қала) бюджеттен бөлінген нысаналы трансферттердің ағымдағы қаржы жылы пайдаланылмаған (толық пайдаланылмаған) сомалары жылдың басындағы бюджет қаражатының қалдығы есебінен ағымдағы қаржы жылының 1 (бірінші) наурызына дейін оларды бөлген жоғары тұрған бюджетке қайтарылуға тиіс.

71. Мониторинг нәтижелері бойынша тікелей нәтижелерге қол жеткізілмеген және жергілікті бюджеттен қоса қаржыландыру қамтамасыз етілмеген жағдайда БИЖ-ді іске асыруға жетіспейтін инженерлік инфрақұрылымды жүргізу қайта жүзеге асырылмайды.

72. Өңірлік үйлестірушілер жыл сайын есепті жылдан кейінгі жылғы 10 (оныншы) ақпаннан кешіктірмей кәсіпкерлік жөніндегі уәкілетті органға шағын және орта кәсіпкерлік жобаларының іске асырылу мәртебесі туралы ақпарат береді. Жобалар пайдалануға берілген жағдайда өңірлік үйлестірушілер құрылған тұрақты және уақытша жұмыс орындары, салық аударымдары, өнімнің шығарылуы және еңбекақы төлеу қорының ұлғаюы туралы ақпарат береді.

Инженерлік инфрақұрылым
жүргізу қағидаларына
1-қосымша

Экономиканың басым секторларының тізбесі

Экономикалық қызмет түрлерінің жалпы жіктеуішінің коды	Атауы
1	2
Ауыл, орман және балық шаруашылығы
01	01.11 "Дәнді дақылдарды (күріштен басқа), бұршақ және майлы дақылдарды өсіруді" қоспағанда, өсімдік және мал шаруашылығы, аңшылық және осы салаларда қызметтер көрсету
03	Балық аулау және балық өсіру
Тау-кен өндіру өнеркәсібі және карьерлерді қазу
08.12.1	Қиыршық тасты және құмды карьерлерді қазу
09	Тау-кен өндіру өнеркәсібінде кызметтер көрсету
Өңдеу өнеркәсібі
10	Тамақ өнімдерінің өндірісі
11.06	Уыт өндірісі
11.07	Алкогольсіз сусындар, минералды сулар және шөлмекке құйылған басқа да сусындар өндірісі
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
Электр энергиясымен, газбен, бумен, ыстық сумен және кондицияланған ауамен жабдықтау
35.11.2	Гидроэлектр станцияларының электр энергиясын өндіруі
35.11.4	Жел электр станцияларының электр энергиясын өндіруі
35.11.5	Күн электр станцияларының электр энергиясын өндіруі
35.11.9	Өзге де электр станцияларының электр энергиясын өндіруі
Сумен жабдықтау; су бұру; қалдықтарды жинау, өңдеу және жою, ластануды жою бойынша қызметі
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою жөніндегі қызмет және қалдықтарды жою саласындағы өзге де көрсетілетін қызметтер
Көтерме және бөлшек сауда; автомобильдерді және мотоциклдерді жөндеу
45.2	Автокөліктерге техникалық қызмет көрсету және жөндеу
Көлік және қоймаға жинау
49.3	Құрлықтағы өзге де жолаушылар көлігінің қызметі
49.41	Жүк автомобиль көлігінің қызметі
50	Су көлігінің қызметі
52	Жүктерді қоймаға жинау және қосалқы көлік қызметі
53	Пошта және курьер қызметі
Тұру және тамақтану бойынша қызметтер көрсету
55.10	Қонақүйлердің және тұруға арналған соған ұқсас орындардың қызметтер көрсетуі
55.20	Демалыс күндерінде және қысқа мерзімді тұрудың өзге де кезеңдеріне баспана беру
55.30	Кемпингтердің, автофургондарға арналған тұрақтардың және тұруға арналған автотіркемелердің қызметтер көрсетуі
Ақпарат және байланыс
58	Баспа қызметі
59.14	Кинофильмдерді көрсету жөніндегі қызмет
61	Телекоммуникациялар
62	Компьютерлік бағдарламалау, консультациялық және басқа ілеспе көрсетілетін қызметтер
Жылжымайтын мүлікпен операциялар
68.20.1	Жеке меншік немесе жалға алынған жылжымайтын тұрғын үй мүлкін жалдау (қосалқы жалдау) және басқару
68.20.2	Жеке меншік немесе жалға алынған бизнес орталығын, офистік үй-жайларды, әкімшілік ғимаратты жалдау (қосалқы жалдау) және басқару
Кәсіптік, ғылыми және техникалық қызмет
69.2	Бухгалтерлік есеп және аудит саласындағы қызмет; салық салу бойынша консультация беру
71	Сәулет, инженерлік ізденістер; техникалық сынақтар мен талдау саласындағы қызмет
72	Ғылыми зерттеулер және әзірлемелер
74	Өзге де кәсіби, ғылыми және техникалық қызмет
75	Ветеринариялық қызмет
Әкімшілік және қосалқы қызмет көрсету саласындағы қызмет
77.11	Жеңіл автомобильдер мен жеңіл автокөлік құралдарын жалдау және лизинг*
81	Ғимараттарға қызмет көрсету және аумақтарды абаттандыру қызметі
Білім беру
85	Білім беру
Денсаулық сақтау және халыққа әлеуметтік қызмет көрсету
86	Денсаулық сақтау саласындағы қызмет
87	Халыққа тұруын қамтамасыз ете отырып әлеуметтік қызмет көрсету саласындағы қызмет
88	Халыққа тұруын қамтамасыз етпей әлеуметтік қызмет көрсету саласындағы қызмет
Өнер, ойын-сауық және демалыс
91	Кітапханалардың, архивтердің, музейлердің қызметі және мәдениет саласындағы өзге де қызмет
93	Спорт, демалысты және ойын-сауықты ұйымдастыру саласындағы қызмет
Көрсетілетін қызметтердің өзге де түрлерін ұсыну
95	Компьютерлерді, жеке тұтыну заттарымен тұрмыстық тауарларды жөндеу
96.01	Текстиль және тері бұйымдарын жуу және (химиялық) тазалау

* осы экономикалық қызмет түрлерінің жалпы жіктеуіші отандық өндірушілердің жеңіл автомобильдерін жалға алуды және олардың лизингін көздейді.

Инженерлік инфрақұрылым
жүргізу қағидаларына
2-қосымша

Нысан

Жетіспейтін инженерлік инфрақұрылымды қаржыландыруға өтініш

_____________________________________________

(бұдан әрі – кәсіпкер) (заңды тұлғаның ұйымдық-құқықтық нысаны, атауы;

дара кәсіпкердің тегі, аты, әкесінің аты (бар болса), паспорт деректері)

_______________________________________________________________

(заңды тұлғаның орналасқан жері, пошта мекенжайы;

дара кәсіпкердің тұрғылықты жері)

______________________________________________________________

(жоба іске асырылатын жер)

_______________________________________________________________

(қала (аудан) коды көрсетілген байланыс телефонының нөмірі, электрондық пошта

мекенжайы) _____________________________________________________

(банк деректемелері)

_______________________________________________________________

(қызметтің бейінді бағыттары көрсетіледі)

_______________________________________________________________

(экономика саласы, экономикалық қызмет түрлерінің жалпы жіктеуіші (ЭҚЖЖ)

көрсетіледі) ____________________________________________________

(ұйымның басшысы (тегі, аты, әкесінің аты (бар болса), лауазымы, байланыс телефоны) ____________________________________________________________

(жобаның жауапты орындаушысы (тегі, аты, әкесінің аты (бар болса), лауазымы, байланыс телефоны)

_______________________________________________________________

қажетті ақша қаражаты (меншікті қаражаты, қарыз қаражаты)

_______________________________________________________________

инфрақұрылымды жүргізу немесе жақсарту қажеттігінің негіздемесі:

жетіспейтін инженерлік инфрақұрылымды қаржыландыру үшін конкурстық іріктеуге қатысатыны туралы мәлімдейді. Кәсіпкер конкурстың шарттарымен танысты және Инженерлік инфрақұрылым жүргізу қағидаларына сәйкес қажетті құжаттарды қоса беріп отыр.

_______________________________________________________________

қолы (тегі, аты, әкесінің аты (бар болса), лауазымы)

20___жылғы "___" __________ "____" сағ. "____" мин өтініштің №____.

Мен өзім ұсынған мәліметтердің анық екендігін растаймын және ӨҮК мәліметтерді тексеруіне қарсы емеспін.

Осы өтінімге қол қою арқылы кәсіпкер мынаны мәлімдейді және оған кепілдік береді:

1. Барлық деректер, ақпарат және құжаттама төменде көрсетілген күнге анық болып табылады және шындыққа толығымен сәйкес келеді.

2. Кәсіпкерге жалған, толық емес және/немесе анық емес мәліметтерді ұсынғаны үшін Қазақстан Республикасының заңнамасында көзделген жауаптылық туралы ескертілді.

3. Кәсіпкердің жарғылық құзыреті осы өтінішке қол қоятын тұлғаға осы өтінішті беруге мүмкіндік беретінін кәсіпкер растайды.

4. Көрсетілген деректер мен ақпараттың анық емес екені анықталған жағдайда көрсетілген деректердің анық емес екенін растайтын мәліметтер анықталған кез келген кезеңде осы өтінім қабылданбайтынымен келісемін.

Кәсіпкер осы арқылы мыналарға келісімін береді:

1. Өңірлік үйлестіруші осы өтінімде көрсетілген мәліметтерді, ақпаратты және кәсіпкер ұсынған құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамына ұсынады.

2. Осы өтiнiмде қамтылатын барлық мәліметтер, сондай-ақ барлық талап етілген құжаттар жетiспейтiн инженерлік инфрақұрылымды қаржыландыру үшiн ғана берiлдi.

3. Жетіспейтін инженерлік инфрақұрылым қаржыландырылған жағдайда ақпаратқа, оның ішінде коммерциялық және банктік құпияларды құрайтын ақпаратқа, сондай-ақ бастапқы статистикалық деректерге қолжетімділік ұсынады.

4. Жетіспейтін инженерлік инфрақұрылымды жүргізу бойынша мемлекеттік қолдауды ұсыну туралы мәселені қарау тәртібімен танысқанымды және келісетінімді растаймын.

________________________ ___________________________

Басшы (дара кәсіпкер) (қолы) (қолтаңбаның толық жазылуы).

Инженерлік инфрақұрылым
жүргізу қағидаларына
3-қосымша

Нысан

Жетіспейтін инженерлік инфрақұрылымды қаржыландыруға арналған конкурстық іріктеуге қатысуға электрондық өтінім

1. ___________ облысында (республикалық маңызы бар қалада, астанада).

____________________________________________________.

(заңды тұлғаның толық атауы, жеке кәсіпкердің тегі, аты, әкесінің аты (бар болса)

2. Ұсынылып отырған жетіспейтін инженерлік инфрақұрылымды қаржыландыруға арналған конкурстық іріктеуге қатысу туралы материалдарды қарауды сұраймын.

3. Өтініш беруші туралы мәліметтер:

заңды тұлға үшін:

атауы _________________________________________________________

БСН ___________________________________________________________

тегі, аты, әкесінің аты (бар болса) ____________________________

басшының ЖСН ________________________________________________

мекенжайы ____________________________________________________

телефон (факс) нөмірі ___________________________________________

дара кәсіпкер үшін:

атауы _________________________________________________________

тегі, аты, әкесінің аты (бар болса) ____________________________

ЖСН __________________________________________________________

жеке басын куәландыратын құжат:

нөмірі _________________________________________________________

кім берді ______________________________________________________

берілген күні ___________________________________________________

мекенжайы _____________________________________________________

телефон (факс) нөмірі ____________________________________________

Дара кәсіпкер ретінде қызметтің басталғаны туралы хабарлама:

орналасқан жері _________________________________________________

хабарланған күні ______________________________________________ .

4. Кәсіпкердің екінші деңгейдегі банкте ағымдағы шотының болуы туралы мәліметтер:

Банк деректемелері: _____________________________________________

Банктің атауы: __________________________________________________

БСК ___________________________________________________________

ЖСК___________________________________________________________

БСН ___________________________________________________________

Кбе ____________________________________________________________

5. Жоба туралы мәліметтер:

жобаның атауы __________________________________________________

жобаның қысқаша сипаттамасы ____________________________________

жоба іске асырылатын жер ________________________________________

қызметтің бейінді бағыты (*жоба облыс орталықтарында, Астана, Алматы, Шымкент және Семей қалаларында іске асырылған жағдайда толтырылады): _________________

қажетті инфрақұрылым түрі _______________________________________

инфрақұрылымды жүргізу немесе жақсарту қажеттілігінің негіздемесі

____________________________________________________________________

құрылыстың құны, мың теңге _____________________________________

жобаның құны (инвестициялар), мың теңге __________________________

салық салу жүйесі: _______________________________________________

экономика саласын көрсету: _______________________________________

экономикалық қызмет түрлерінің жалпы жіктеуіші (ЭҚЖЖ):________________________________________________________

жалдамалы жұмыскерлер саны ____________________________________

6. Жоба бойынша күтілетін экономикалық әсер:

Р/с №	Жылдар	Факт	Болжам
Р/с №	Жылдар	ағымдағы жыл	1-ші жыл	2-ші жыл	3-ші жыл
1	2	3	4	5	6
1	Құрылатын жұмыс орындарының саны, адам
2	Салықтар түріндегі түсімдер сомасы, мың теңге
3	Шығарылатын өнімнің көлемі, мың теңге

7. Берілген құжаттар туралы мәліметтер:

Р/с №	Құжаттың атауы	Электрондық файлдың атауы (pdf форматында)
1	2	3
1	Бизнес-жоспар
2	Жобаның ТЭН-і
3	Жоба бойынша жобалау-сметалық құжаттама

Мыналарға:

1) өңірлік үйлестірушінің алғаш талап етуі бойынша осы өтінімді қарау шеңберінде талап етілген банктік және коммерциялық құпияны қамтитын кез келген ақпарат пен құжаттарды беруге және ашуға;

2) өтінімде көрсетілген деректер өзгерген жағдайда өңірлік үйлестірушіні дереу хабардар етуге міндеттенемін.

Мен:

1) өңірлік үйлестіруші мен ӨҮК ұсынылған мәліметтерге тексеру жүргізілетінмен;

2) өңірлік үйлестіруші көрсетілген деректердің дұрыстығын тексеруге міндетті емес екенімен;

3) осы өтінімде қамтылған мәліметтер, сондай-ақ барлық талап етілген құжаттар жетіспейтін инженерлік инфрақұрылымды қаржыландыру үшін ғана ұсынылғанымен;

4) көрсетілген деректер мен ақпараттың анық еместігі анықталған жағдайда осы өтінім оны қараудың кез келген кезеңінде қабылданбайтынымен;

5) өңірлік үйлестіруші осы өтінімде көрсетілген мәліметтерді, ақпаратты және кәсіпкер ұсынған құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамына ұсынатынымен;

6) өңірлік үйлестірушінің осы өтінімді қабылдауы, сондай-ақ кәсіпкердің ықтимал шығыстары (қажетті құжаттарды ресімдеуге және т.с.с.) өңірлік үйлестірушінің қаржыландыруды беру немесе кәсіпкер шеккен шығасыларды өтеу міндеттемесі болып табылмайтынымен келісемін.

Конкурс шарттарымен және Инженерлік инфрақұрылым жүргізу қағидаларымен таныстым.

Өтініш беруші 20__ жылғы "___" _____ сағ. 00:00 қол қойып, жіберді:

ЭЦҚ деректері

ЭЦҚ қойылған күні мен уақыты

Өтінімді қабылдау туралы хабарлама:

Өңірлік үйлестіруші 20__ жылғы "___" __________ сағ. 00:00-де қабылдады:

ЭЦҚ деректері

ЭЦҚ қойылған күні мен уақыты.

Қазақстан Республикасы
Үкіметінің
2024 жылғы 17 қыркүйектегі
№ 754 қаулысымен
бекітілген

Шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру қағидалары

1-тарау. Жалпы ережелер

1. Осы Шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру қағидалары (бұдан әрі – Инвестициялық грант беру қағидалары) Қазақстан Республикасының Кәсіпкерлік кодексі (бұдан әрі – Кодекс) 94-бабының 3-тармағына сәйкес әзірленді және шағын кәсіпкерлік субъектілеріне жабдық сатып алуға инвестициялық грант беру тәртібін айқындайды.

2. Осы Инвестициялық грант беру қағидаларында мынадай негізгі ұғымдар пайдаланылады:

1) бизнес-жоба – кәсіпкердің өз бизнесін (тауарлар өндіру, жұмыстарды орындау, қызметтер көрсету) құру мүмкіндігін ашатын, сипаттама, есеп-қисап, болжамдар нысанында орындалған, сондай-ақ жобаны іске асыру мерзімдері және берілетін инвестициялық грант көлемінің кемінде 30 %-ы деңгейінде кәсіпкердің өз қаражатымен (ақшалай қаражатпен, бизнес-жобаға қатысатын жылжымалы/жылжымайтын мүлікпен) қоса қаржыландыруы және жаңа жұмыс орындарын құру қамтылған жоспары;

2) бизнес-идея – тауар шығаруды, қызметтер көрсетуді, жұмыстарды орындауды көздейтін нақты жобаны іске асыруға бағытталған кәсіпкерлік бастама (конкурстан өту кезінде нақты елді мекенде немесе ауылдық округте іске асырылмайтын, тауар шығаруды, қызметтер көрсетуді, жұмыстарды орындауды көздейтін жобалар да жаңа бизнес-идеяларға жатады) (жаңа және (немесе) жетілдірілген немесе басқа кәсіпорындардың практикасында іске асырылып қойған және технологиялық алмасу (патентсіз лицензиялар, ноу-хау, консультациялар) арқылы таратылатын тауарларды (өнімдерді)/көрсетілетін қызметтерді/жұмыстарды әзірлеу және (немесе) нарыққа енгізу жаңа бизнес-идеяны іске асырудың нәтижесі болып табылады);

3) веб-портал – Интернет желісінде орналастырылған, субсидиялаудың ақпараттық жүйесін қолжетімді ететін интернет-ресурс;

4) грант беру туралы шарт – кәсіпкерлік жөніндегі уәкілетті орган бекітетін нысан бойынша веб-порталында өңірлік үйлестіруші, қаржы агенттігі және кәсіпкер арасында электрондық түрде жасалатын, шарттары бойынша кәсіпкерге бизнес-идеяларды іске асыруға нысаналы инвестициялық грант берілетін үшжақты келісім;

5) жеке кабинет – тізілімдегі пайдаланушының (кәсіпкердің, кәсіпкерлік жөніндегі уәкілетті органның, ұлттық институттың, қаржы агенттігінің, өңірлік үйлестірушінің, конкурстық комиссияның) дербес веб-парағы;

6) жеке шот – субсидиялаудың ақпараттық жүйесінде ашылатын, веб-порталда инвестициялық гранттарды алушылардың тізілімінде тіркелген пайдаланушы туралы ақпаратты көрсететін, оны тану (сәйкестендіру) және оның жеке деректері мен баптауларына рұқсат беру үшін қажетті шот;

7) жоба – кіріс алуға бағытталған және Қазақстан Республикасының заңнамасына қайшы келмейтін, бастамашылық қызмет ретінде кәсіпкер жүзеге асыратын бизнестің түрлі бағыттарындағы іс-әрекеттер мен іс-шаралар жиынтығы;

8) инвестициялық грант – шағын кәсіпкерлік, оның ішінде микрокәсіпкерлік субъектілеріне бизнес-жобаны іске асыру мақсатында қажетті жабдықты сатып алу үшін өтеусіз негізде берілетін бюджет қаражаты;

9) инвестициялық жоба – жаңа өндірістер құруға, жұмыс істеп тұрғандарын кеңейтуге және жаңартуға инвестициялар көзделген іс-шаралар кешені;

10) кәсіпкер – дара кәсіпкер және (немесе) заңды тұлға болып табылатын, инвестициялық грант алуға өтінім берген кезде кәсіпкер ретінде тіркелгеніне кемінде 3 (үш) жыл болған шағын кәсіпкерлік субъектісі;

11) кәсіпкерлік жөніндегі уәкілетті орган – жеке кәсіпкерлікті дамыту және қолдау саласындағы басшылықты және салааралық үйлестіруді жүзеге асыратын мемлекеттік орган;

12) кворум – дауыс беру кезінде конкурстық комиссия мүшелері санының үштен екісінен астамының қатысуы;

13) кешендi кәсiпкерлiк лицензия (франчайзинг) – айрықша құқықтар кешенiнiң құқық иеленушiсi оны басқа тұлғаға өтеулi негiзде пайдалануға беретiн кәсiпкерлiк қызмет;

14) конкурстық комиссия – инвестициялық гранттар алуға үміткер кәсіпкерлердің өтінімдерін іріктеу жөніндегі алқалы-кеңесші орган;

15) көрсетілетін қызметтерді беруші – мемлекеттік сатып алу туралы заңнамаға сәйкес өңірлік үйлестіруші айқындайтын, субсидиялаудың ақпараттық жүйесіне қол жеткізуді және оны иеленуші ретінде сүйемелдеуді қамтамасыз ететін тұлға;

16) қаржы агенттігі – "Даму" кәсіпкерлікті дамыту қоры" акционерлік қоғамы;

17) мүдделер қақтығысы – конкурстық комиссия мүшесінің жеке мүдделері арасындағы қайшылық, бұл жағдайда конкурстық комиссия мүшесінің жеке мүдделері оның өз өкілеттіктерін орындамауына немесе тиісінше орындамауына әкелуі мүмкін;

18) өтінім – осы Инвестициялық грант беру қағидаларының талаптарына сәйкес қажетті құжаттар қоса берілетін электрондық нысандағы өтініш;

19) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның кәсіпкерлік саласындағы құрылымдық бөлімшесі;

20) субсидиялаудың ақпараттық жүйесі – ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдық ретке келтірілген, мемлекеттік қолдау процестерін орындау жөнінде қызметтер көрсетуге арналған, "электрондық үкімет" веб-порталымен өзара іс-қимыл жасауға, өтінімді тіркеуге, сондай-ақ өтінімнің мемлекеттік қолдау көрсету шарттарына сәйкестігі тұргысынан оны автоматты түрде тексеру арқылы оны өңдеуге мүмкіндік беретін жиынтығы;

21) үлестес компаниялар/тұлғалар – "Акционерлік қоғамдар туралы" Қазақстан Республикасының Заңының 64-бабында айқындалған заңды тұлғаның үлестес компаниялары/тұлғалары, сондай-ақ жеке тұлғаның үлестес тұлғалары:

жақын туыстары, жұбайы (зайыбы), жұбайының (зайыбының) жақын туыстары (бұдан әрі – жақын туыстары);

осы жеке тұлғаның және (немесе) оның жақын туыстарының бақылауындағы заңды тұлға;

осы тармақшаның екінші және үшінші абзацтарында көрсетілген заңды тұлғалар ірі акционерлері (ірі қатысушылары) болып табылатын немесе мүліктегі тиісті үлеске құқығы бар заңды тұлға;

осы тармақшаның екінші, үшінші және төртінші абзацтарында көрсетілген заңды тұлғалардың лауазымды тұлғалары;

23) "электрондық үкіметтің" веб-порталы – нормативтік құқықтық базаны қоса алғанда, барлық шоғырландырылған үкіметтік ақпаратқа және электрондық нысанда көрсетілетін мемлекеттік және өзге де қызметтерге қол жеткізетін "ортақ терезе" дегенді білдіретін ақпараттандыру объектісі;

24) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және ондағы мәліметтердің өзгермейтіндігін растайтын электрондық цифрлық нышандар жиыны.

3. Шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттары (бұдан әрі – инвестициялық грант) кәсіпкерлерге жабдық сатып алу мақсатында беріледі.

4. Инвестициялық грант кәсіпкерлерге осы Инвестициялық грант беру қағидаларына 1-қосымшаға сәйкес экономиканың басым секторлары тізбесі бойынша экономиканың басым секторларында өтеусіз негізде беріледі.

Бұл ретте акцизделетін өнімге байланысты қызметті жүзеге асыратын кәсіпкерлерге инвестициялық грант берілмейді.

5. Инвестициялық грант мемлекет кәсіпкерлердің инвестициялық грант алуға өтінімдерін іріктеу үшін өткізілетін конкурстардың нәтижелері бойынша өңірлік үйлестірушілер арқылы береді.

6. Инвестициялық грант нысанында қолдау шараларын қаржыландыру республикалық және/немесе жергілікті бюджет қаражаты есебінен жүргізіледі. Инвестициялық грант беру мақсатында кәсіпкерлік жөніндегі уәкілетті орган өңірлік үйлестірушіге республикалық бюджеттен қаражат аударады.

7. Субсидиялаудың ақпараттық жүйесін пайдалану жөніндегі шарттар мен талаптар өңірлік үйлестіруші мен көрсетілетін қызметтерді беруші арасында тиісті шарт жасалғаннан кейін туындаған қатынастарға қолданылады.

8. Қаржы агенттігінің және көрсетілетін қызметтерді берушінің қызметтеріне өңірлік үйлестіруші/кәсіпкерлік жөніндегі уәкілетті орган республикалық/жергілікті бюджет қаражаты есебінен ақы төлейді.

2-тарау. Инвестициялық грант берудің шарттары мен тәртібі

1-параграф. Инвестициялық грант беру шарттары

9. Өз қызметін Кодекске сәйкес жүзеге асыратын, алдыңғы 3 (үш) жылда салық аударымдарының ұлғаюын және еңбекақы төлеу қорының өсуін қамтамасыз еткен (өтінім берілген күнге дейін өткен жылмен салыстырғанда жыл сайын) және осы Инвестициялық грант беру қағидаларының 21-тармағына сәйкес конкурстық іріктеуге құжаттарды толық көлемде ұсынған кәсіпкерлер грант беруге арналған конкурстық іріктеуге қатысушы болады.

10. Осы Инвестициялық грант беру қағидаларының шарттарына сәйкес келетін әрбір кәсіпкер бір бизнес-жоба бойынша инвестициялық грант беру мақсатындағы конкурстық іріктеуге қатысушы болып табылады.

Жабдық сатып алуға арналған бизнес-жобаның міндетті шарттары:

1) кәсіпкердің жобаны іске асыруға арналған шығыстарды берілетін инвестициялық грант көлемінің кемінде 30 %-ы мөлшерінде ақша қаражатымен, оның ішінде бизнес-жобаға қатысатын жылжымалы немесе жылжымайтын жеке мүлкімен қоса қаржыландыруы;

2) жаңа жұмыс орындарын құру;

3) өнім шығаруды ұлғайту;

4) кәсіпкердің бизнес-жобасында инфрақұрылымның болуы және/немесе жобаны іске асыру үшін жеткілікті инфрақұрылым құру көзделген инвестициялық жоспардың болуы.

11. Кәсіпкерлер инвестициялық грант қаражатын қажетті жабдықты сатып алу мақсатында ғана пайдаланады.

Инвестициялық грант қаражатын өзге мақсаттарға пайдалануға жол берілмейді.

Кәсіпкердің бизнес-жобаны іске асыру мерзімі грант беру туралы шартқа қол қойылған кезден бастап 18 (он сегіз) айдан аспайды.

Бұл ретте егер бизнес-жобаны іске асыру бойынша көрсетілген мерзім ішінде кәсіпкердің қызметі жүзеге асырылмаса, сатып алынған негізгі құрал өткізіліп, бизнес-жобаны іске қосу және одан әрі іске асыру үшін ұқсас/баламалы құралмен ауыстырылмаса, кәсіпкер инвестициялық грант қаражатын толық көлемде өтеуге міндетті.

12. Инвестициялық грант қаражаты:

1) үлестес/байланысты компаниялардан/тұлғалардан және (немесе) кәсіпкердің жақын туыстарынан ("Неке (ерлі-зайыптылық) және отбасы туралы" Қазақстан Республикасының Кодексіне сәйкес айқындалған) жабдық сатып алуға;

2) бұрын пайдалануда болған жабдықты сатып алуға пайдаланылмайды.

Кәсіпкер жабдық сатып алуға арналған инвестициялық грант қаражатын кәсіпкерлік субъектісі ретінде тіркелген контрагенттің шотына қолма-қол ақшасыз жолмен игереді.

Бұл ретте жабдықты сатып алу тиісті құжаттармен (шарт/келісімшарт/ жабдық паспорты/сапа сертификаты) расталады.

13. Бір кәсіпкер үшін инвестициялық грант инвестициялық грант алуға ұсынылған өтінімге байланысты 10 (он) миллион теңгеге дейінгі соманы құрайды.

14. Гранттар мынадай кәсіпкерлерге берілмейді:

2) салықтар мен мемлекеттік бюджетке басқа да міндетті төлемдер бойынша берешегі бар;

3) қызметінің негізгі түрі жылжымайтын мүлікті жалға беру болып табылатын;

4) инвестициялық грант алуға өтінім берген кезде бизнес-жобаны іске асыруға арналған шығыстарды берілетін инвестициялық грант көлемінің кемінде 30 %-ы мөлшерінде ақшалай қаражатпен, бизнес-жобаға қатысатын жылжымалы/жылжымайтын мүлікпен қоса қаржыландыруды растамаған;

5) мемлекеттік сатып алудың жосықсыз қатысушылары тізілімінде тұрған;

6) кредиттік тарихына сәйкес қаржылық міндеттемелер бойынша мерзімі өткен берешегі бар;

7) осы Инвестициялық грант беру қағидалары шеңберінде инвестициялық гранттар беру бойынша қолдау алған;

8) конкурс өткізілетін өңірге сәйкес келмейтін басқа өңірде тіркелген және бизнес-жобаны іске асыруды жоспарлаған.

15. Конкурс өткізу үшін облыс, республикалық маңызы бар қала, астана әкімінің шешімімен инвестициялық грант алуға үміткер кәсіпкерлердің өтінімдерін іріктеу жөніндегі конкурстық комиссия құрылып, құрамы бекітіледі.

Кәсіпкерлер үшін тең жағдайлар жасау, сондай-ақ оларға қойылатын талаптардың бірдей болуы, ұсынылатын құжаттарды зерттеудің толық және жан-жақты болуы, қабылданатын шешімдердің объективтілігі конкурстық комиссия қызметінің негізгі қағидаттары болып табылады.

16. Конкурстық комиссия құрамына төраға, төрағаның орынбасары және конкурстық комиссия мүшелері кіреді.

Жергілікті атқарушы органдар мен қаржы агенттігінің өкілдері конкурстық комиссияның отырыстарына төраға ретінде жіберілмейді.

Конкурстық комиссия құрамын кемінде 7 (жеті) адамнан тұратын жергілікті атқарушы органдардың, қоғамдық бірлестіктердің, ғылыми-білім беру мекемелерінің, салалық сарапшылардан, өңірлік бұқаралық ақпарат құралдарының өкілдері құрайды.

Еңбек заңнамасына сәйкес конкурстық комиссия мүшесінің жұмыс орны (лауазымы) сақталады.

Конкурстық комиссияның хатшысы конкурстық комиссияның отырыстарын ұйымдастырады, атап айтқанда төрағамен келісу бойынша отырыстардың өткізілетін жерін, күнін және уақытын айқындайды, конкурстық комиссияның мүшелеріне алдағы отырыс туралы хабарлайды, оларға отырысты өткізуге қажетті материалдарды жеткізеді. Конкурстық комиссия отырыстарын бейнеконференцбайланыс режимінде өткізуге жол беріледі.

Конкурстық комиссияның хатшысы оның құрамына кірмейді және шешім қабылдау кезінде дауыс бермейді.

Конкурстық комиссияның отырысы кворум болған кезде заңды болып саналады.

Кәсіпкерлік бастамалардың жария болуын жоққа шығару мақсатында конкурстық комиссияның мүшелері мен хатшысы осы Инвестициялық грант беру қағидаларына 2-қосымшаға сәйкес нысан бойынша кәсіпкерлердің инвестициялық грант беруге өтінімдерін іріктеу жөніндегі конкурс шеңберінде кәсіпкерлік бастамалар туралы мәліметтерді жария етпеу туралы келісімге қол қояды.

17. Өңірлік үйлестіруші конкурстық комиссияның жұмыс органы болып табылады, ол:

1) өңірлік үйлестірушінің ресми сайтында, сондай-ақ веб-порталда осы Инвестициялық грант беру қағидаларына 3-қосымшаға сәйкес нысан бойынша конкурс өткізу туралы хабарландыру жариялайды;

2) ұлттық жоба іске асырылатын бүкіл мерзім ішінде кәсіпкерлерге инвестициялық грант түрінде мемлекеттік қолдау көрсету барысын өңірлік бұқаралық ақпарат құралдары арқылы жартыжылдық негізде жария етуді қамтамасыз етеді;

3) кәсіпкерлерге конкурсқа қатысу мәселелері және оны өткізуге қатысты мәселелер бойынша, инвестициялық грант берудің шарттары мен тәртібі туралы консультация береді;

4) осы Инвестициялық грант беру қағидаларына сәйкес кәсіпкерлерден конкурсқа қатысуға өтінімдер мен оларға қоса берілетін құжаттарды қабылдайды;

5) конкурсты ұйымдастырады және өткізеді;

6) хаттамаға қол қойылған күннен бастап 2 (екі) жұмыс күні ішінде веб-портал арқылы кәсіпкерлерге инвестициялық грант берілгені туралы хабарлайды;

7) инвестициялық грант беру мүмкін болмаған жағдайда хаттамаға қол қойылған күнінен бастап 2 (екі) жұмыс күні ішінде кәсіпкерге веб-портал арқылы автоматты түрде инвестициялық грант беруден бас тарту туралы хаттамадан жүктелім және дәлелді бас тарту жібереді.

18. Өңірлік үйлестіруші инвестициялық грант беру жөніндегі жеке қаржыландыру жоспары (бұдан әрі – қаржыландыру жоспары) бекітілгеннен кейін оны 3 (үш) жұмыс күні ішінде веб-порталға орналастырады.

19. Өтінімдер кәсіпкердің тіркелген жері (заңды мекенжайы) бойынша қабылданады.

20. Инвестициялық грант алуға өтінім мынадай шарттар сақталған кезде қаралады:

1) "электрондық үкімет" веб-порталы арқылы осы Инвестициялық грант беру қағидаларына 4-қосымшаға сәйкес нысан бойынша (конкурстық іріктеуге қатысуға өтінімге қосымша міндетті түрде толтырылады) жабдық сатып алу үшін инвестициялық грант беруге арналған конкурстық іріктеуге қатысуға өтінім беру.

2) өтінімді субсидиялаудың ақпараттық жүйесінде тіркелу;

5) бизнес-жобаға қатысатын жылжымайтын мүлікпен бірлесіп қаржыландыратынын растау мақсатында – кәсіпкердің жер пайдалану және (немесе) жеке меншік құқығында жер учаскесі (учаскелері) немесе өзге де жылжымайтын мүлкі болып, оның субсидиялаудың ақпараттық жүйесінің жылжымайтын мүліктің бірыңғай мемлекеттік кадастры ақпараттық жүйесімен ақпараттық өзара әрекеттесуі нәтижесінде расталуы;

6) бизнес-жобаға қатысатын жылжымалы мүлікпен бірлесіп қаржыландыратынын растау мақсатында – кәсіпкердің жылжымалы мүлікі болып, оның субсидиялаудың ақпараттық жүйесінің ауыл шаруашылығы техникасы мемлекеттік тізілімімен және/немесе "Автомобиль" дерекқорымен ақпараттық өзара әрекеттесуі арқылы расталуы;

7) алдын ала құнын көрсете отырып, сатып алынатын жабдық туралы ақпаратты растау (келісімшарт, шарт, прайс).

Конкурсқа қатысу үшін кәсіпкер бір ғана өтінім береді. Өтінімдер конкурс өткізу туралы хабарландыруда көрсетілген мерзімде қабылданады.

21. Инвестициялық грант алуға үміткер кәсіпкерлер өтінімге PDF форматында сканерленген мынадай құжаттардың көшірмелерін тіркейді:

1) басшының қолымен және өтініш берушінің мөрімен расталған, өтінім берген кездегі жалдамалы жұмыскерлердің орташа саны туралы анықтама (бар болса);

2) бизнес-жобаны іске асыруға арналған шығыстарды берілетін инвестициялық грант көлемінің кемінде 30 %-ы мөлшерінде бизнес-жобаға қатысатын ақшалай қаражатпен, жылжымалы/жылжымайтын мүлікпен қоса қаржыландырудың бар екенін растайтын құжаттар, кәсіпкердің ағымдағы шотында ақша қаражатының бар-жоғы туралы банктік шоттан үзінді-көшірме немесе бизнес-жобаға қатысатын жылжымалы және (немесе) жылжымайтын мүліктің бағалау құнын растайтын құжаттар;

3) кәсіпкердің өз қызметін экономиканың басым секторларында жүзеге асыратыны туралы мәліметтермен бірге дара кәсіпкерді тіркеу туралы хабарламаның көшірмесі (ақпараттық жүйелердің өзара әрекеттесуі нәтижесінде мәліметтер келіп түспеген жағдайда);

4) сатып алу шарттарын көрсете отырып, тараптардың жабдықты сатып алу туралы ниетін растайтын алдын ала келісімнің көшірмесі.

22. Кәсіпкер туралы мәліметтер, оның ішінде заңды тұлғаны мемлекеттік тіркеу/қайта тіркеу туралы куәлік және (немесе) дара кәсіпкерді тіркеу туралы хабарлама туралы мәліметтер, заңды тұлға/дара кәсіпкер қызметінің түрлері туралы анықтама, тарату, қайта ұйымдастыру немесе банкроттық кезеңдері туралы, сондай-ақ тоқтатылған қызмет туралы мәліметтер, бюджетке төленетін міндетті төлемдер бойынша берешектің бар-жоғы туралы мәліметтер, жылжымалы және/немесе жылжымайтын мүліктің болуы туралы мәліметтер, кредиттер (қарыздар) бойынша берешек туралы мәліметтер "электрондық үкімет" шлюзі арқылы тиісті мемлекеттік ақпараттық жүйелерден автоматты түрде айқындалады.

23. Веб-портал арқылы тізілім деректерін қолжетімді ету үшін (бұдан әрі – жеке кабинет):

1) кәсіпкерлер, өңірлік үйлестіруші, қаржы агенттігі, кәсіпкерлік жөніндегі уәкілетті орган (бұдан әрі – пайдаланушылар) ЭЦҚ арқылы субсидиялаудың ақпараттық жүйесінде өздері тіркеледі;

2) өңірлік үйлестіруші көрсетілетін қызметтерді берушілерге ЭЦҚ бар жұмыскерлерінің өзектілендірілген тізімдерін жыл сайын жібереді.

Пайдаланушылар жеке кабинетте тіркелу үшін мынадай мәліметтерді:

1) жеке тұлғалар мен дара кәсіпкерлер үшін – жеке сәйкестендіру нөмірін (бұдан әрі – ЖСН), тегін, атын және әкесінің атын (бар болса);

3) байланыс деректерін (пошта мекенжайы, телефоны, электрондық пошта мекенжайы);

4) екінші деңгейдегі банктегі банктік шот деректемелерін көрсетеді.

Өтінімді қалыптастыру және тіркеу жеке кабинетте мынадай тәртіппен жүргізіледі:

1) осы Инвестициялық грант беру қағидаларының 20-тармағы 3), 4), 5), 6) және 7) тармақшаларының талаптарын субсидиялаудың ақпараттық жүйесінің тексеруі үшін қажетті мәліметтер енгізіліп, өтінім қалыптастырылады;

Егер өңірлік үйлестіруші өтінімді қабылдаған кезге дейін тіркелген өтінімде қатенің бар екені анықталса, кәсіпкер өтінімді кері қайтарып алып, кері қайтарып алудың себебін көрсетеді.

Кәсіпкер ұлттық жобаға қатысу үшін өтінімді дайындау және құжаттарды жинау мәселелері бойынша консультациялық қолдау алу үшін өңірлік үйлестірушіге жүгінеді.

24. Өңірлік үйлестіруші кәсіпкер өтінімді тіркеген кезден бастап 4 (төрт) жұмыс күні ішінде тиісті хабарламаға ЭЦҚ-мен қол қою арқылы оны қабылдағанын растайды. Бұл хабарлама кәсіпкердің жеке кабинетінде қолжетімді болады.

25. Инвестициялық грант алуға үміткер кәсіпкер құжаттар топтамасын толық ұсынбаған не белгіленген нысандарға сәйкес келмейтін құжаттар ұсынған жағдайда, сондай-ақ анық емес әрі дұрыс емес мәліметтер, оның ішінде бизнес-жобаның қаржылық-экономикалық негіздемесінде анық емес әрі дұрыс емес мәліметтер ұсынған жағдайда өңірлік үйлестіруші кәсіпкерге бас тарту себептерін көрсете отырып, ұсынылған құжаттарды пысықтау үшін қайтарады.

26. Өңірлік үйлестіруші өтінімдерді қабылдау мерзімі аяқталғаннан кейін 3 (үш) жұмыс күні ішінде:

2) ақпараттық жүйе арқылы осы Инвестициялық грант беру қағидаларына 5-қосымшаға сәйкес нысан бойынша күн тәртібін, күнін, уақытын көрсете отырып, инвестициялық грант алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигін қалыптастырады.

График қалыптастырылғаннан кейін өтінімдері мақұлданған өтінімдер тізбесіне енген барлық кәсіпкерлерге таныстырылымның күні, уақыты, орны және кәсіпкерлердің жобалары бойынша дауыс беру туралы автоматты хабарлама жіберіледі.

Конкурстық комиссия отырысында кәсіпкерлердің әрбір жобасы бойынша таныстырылым ұзақтығын өңірлік үйлестіруші айқындайды және осы Инвестициялық грант беру қағидаларына 5-қосымшаға сәйкес инвестициялық гранттар алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигіне сәйкес белгіленеді;

3) субсидиялаудың ақпараттық жүйесінде конкурстық комиссия мүшелерінің авторландырылуын қамтамасыз етеді;

4) конкурстық комиссия мүшелеріне мәлімделген жобаларды мақұлдау/мақұлдамау жөнінде шешім қабылдау үшін кәсіпкердің мақұлданған өтінімдерін және электрондық құжаттамасын қарау қажеттігі туралы хабарлама жібереді.

27. Бюджет қаражаты болған кезде конкурс жылына кемінде 1 (бір) рет өткізіледі.

29. Инвестициялық грант беру тетігінің ашықтығы мақсатында өзінің бизнес-жобасын таныстыратын кәсіпкерді хабардар ете отырып, аудио және/немесе бейне жазба жүргізіледі. Өңірлік үйлестіруші конкурстық комиссия отырысы болған күннен бастап 1 (бір) жыл ішінде аудио және/немесе бейне- жазбаның сақталуын қамтамасыз етеді.

Конкурстық комиссияның отырысына саны 2 (екі) адамнан кем болмайтын байқаушылар шақырылады.

Кәсіпкерлік бастамаларды жария етпеу мақсатында байқаушылар осы Инвестициялық грант беру қағидаларына 2-қосымшаға сәйкес нысан бойынша тиісті келісімге қол қояды.

30. Конкурстық комиссия Қазақстан Республикасының заңнамасына және осы Инвестициялық грант беру қағидаларына сәйкес:

1) мәлімделген жобаны ұсынылған құжаттардың толықтығы мен анықтығы тұрғысынан қарайды;

2) бизнес-идеялар шеңберінде кәсіпкерді бағалаудың осы Инвестициялық грант беру қағидаларына 6-қосымшада көрсетілген өлшемшарттарына сәйкес әрбір мәселе бойынша балл қою әдісімен дауыс береді;

3) осы инвестициялық грант беру қағидаларына 7-қосымшаға сәйкес нысан бойынша инвестициялық грант алуға үміткер кәсіпкерлердің өтінімдерін іріктеу жөніндегі конкурстық комиссия отырысының нәтижелері мен конкурстық комиссияның қорытынды шешімі көрсетілген хаттамасына веб-портал арқылы қол қою дауыс беру.

31. Конкурстық комиссия конкурстық өтінімдерді қараған кезде бизнес-идеяларды іске асыру үшін инвестициялық грант беру мүмкіндігі/мүмкін еместігі туралы шешімді мынадай өлшемшарттар:

1) бизнес-идеялардың жаңашылдығы;

2) бизнес-жобаның тиімділігі;

3) әзірлік дәрежесі;

4) өз инфрақұрылымының болуы;

5) жобаның аналогтармен салыстырғандағы артықшылықтары;

6) жобаның экономикалық орындылығы;

7) жобаның таныстырылымы негізінде (оның ішінде бизнес-идеялар шеңберінде кәсіпкердің жобасын бағалаудың осы Инвестициялық грант беру қағидаларына 6-қосымшада көрсетілген өлшемшарттарын басшылыққа ала отырып) қабылдайды.

Бұл ретте бизнес-идеяның жаңашылдығы өлшемшартына облыста (республикалық маңызы бар қалаларда, астанада) тауарлар шығару, қызметтер көрсету, жұмыстарды орындау, жаңа немесе жетілдірілген технологияларды қолдану көзделген жобалар кіреді.

32. Конкурстық комиссия отырысының хаттамасы веб-портал арқылы қалыптастырылады, оған конкурстық комиссияның мүшелері, хатшысы және төрағасы ЭЦҚ арқылы қол қояды.

Конкурстық комиссияның хаттамасына қол қойған кезде қаралған өтінімдерге сәйкес қаржыландыру жоспарында бюджет қаражатының көлемін автоматты түрде резервтеу жүргізіледі.

33. Конкурстық комиссияның отырысы хаттамасының қолданылу мерзімі – конкурстық комиссия шешімі қабылданған күннен бастап 9 (тоғыз) ай.

34. Жобаны бағалау үшін балл беру бизнес-идеялар шеңберінде кәсіпкердің жобасын бағалаудың осы Инвестициялық грант беру қағидаларына 6-қосымшада көрсетілген өлшемшарттары негізінде жүргізіледі.

35. Конкурстық комиссия мүшесі кәсіпкердің бір жобасы бойынша беретін ең жоғары балл осы Инвестициялық грант беру қағидаларына 6-қосымшаға сәйкес бизнес-идеялар шеңберінде кәсіпкердің жобасын бағалау өлшемшарттарына сәйкес 70 (жетпіс) балды құрайды.

36. Дауыс беру қорытындысы бойынша конкурстық комиссия мүшелері қойған балдар саны қосылып, конкурстық комиссияның қорытынды шешімі айқындалады. Кәсіпкерлердің жобалары бойынша балдар тең болған жағдайда, кезектілік бойынша ертерек өтінім берген кәсіпкерлердің инвестициялық грант алу құқығы басым болады.

37. Конкурстық комиссияның мүшелері мәлімделген жобаны қараған кезде дискрециялық тәсілді басшылыққа алмайды. Жобаны қарау мерзімі 5 (бес) жұмыс күнін құрайды.

38. Егер жоба дауыс берген конкурстық комиссия мүшелері берген балдардың ең жоғары ықтимал қосындысының 70 %-дан астамын жинаса, конкурстық комиссия жобаны мақұлдады деп есептеледі.

39. Хаттамаға қол қойылғаннан кейін 1 (бір) жұмыс күні ішінде кәсіпкерлерге веб-порталда тіркелу кезінде көрсетілген телефон нөміріне және электрондық пошта мекенжайына тиісті хабарлама жіберіледі. Бұл ретте қаржы агенттігі мен кәсіпкер, хаттаманы оған қол қойылғаннан кейін ғана веб-портал арқылы қарайды.

2-параграф. Инвестициялық грант беру тәртібі

40. Өңірлік үйлестіруші өткізілген конкурс нәтижесі бойынша веб-портал арқылы:

2) қаржы агенттігі грант беру туралы шарттың жобасын келіскен күннен бастап 5 (бес) жұмыс күні ішінде грант беру туралы шартқа кәсіпкердің, қаржы агенттігінің қол қоюын қамтамасыз етеді.

41. Инвестициялық гранттарды мемлекет кәсіпкерлердің инвестициялық грант алуға өтінімдерін іріктеу бойынша өткізілетін конкурстардың қорытындылары бойынша өңірлік үйлестірушілер арқылы береді.

42. Грант беру туралы шарт жасалғаннан кейін өңірлік үйлестіруші кәсіпкерге оның банктік есеп айырысу шотына ақша қаражатын аударады. Дара кәсіпкер ретінде тіркелмеген жеке тұлғаның шотына инвестициялық грант қаражаты аударылмайды.

43. Өңірлік үйлестіруші мақұлданған өтінімдерді қаржыландыруға қаражат жетіспеген жағдайда грант беру туралы шартты қаражат түскеннен кейін қалыптастырады.

44. Мақұлданған өтінімдер бойынша бюджет қаражаты ішінара жетіспеген жағдайда Бағдарламаның өңірлік үйлестірушісі грант беру туралы шартты қалыптастырады. Қаражат траншқа арналған өтінімдерге сәйкес аударылады, қаражаттың жетіспейтін қалдығы кәсіпкердің шотына қосымша қаржыландыру алынған кезде аударылады.

45. Инвестициялық грант беру туралы шартқа қосымша келісімдерді шарт тараптары веб-портал арқылы жасайды.

46. Кәсіпкер грантты нысаналы мақсаты бойынша пайдаланады және инвестициялық грант беру туралы шарттың талаптарын орындайды.

Кәсіпкер осы тармақтың шарттарын орындамаса, грант қаражатын өңірлік үйлестірушінің алғашқы жазбаша хабарламасы бойынша сол хабарламада көрсетілген тәртіппен және мерзімде қайтарады.

3-тарау. Инвестициялық гранттар беру қағидалары шеңберінде кәсіпкерлер жобаларының іске асырылуын мониторингтеу

47. Осы Инвестициялық грант беру қағидалары шеңберінде кәсіпкерлер жобаларының іске асырылуын мониторингтеу функцияларын жүзеге асыру үшін қаржы агенттігі кәсіпкерден барлық қажетті құжаттар мен ақпаратты, оның ішінде коммерциялық және банктік құпияларды құрайтын ақпаратты, сондай-ақ бастапқы статистикалық деректерді қолма-қол және/немесе веб-портал арқылы (тиісті функционал іске асырылғаннан кейін) сұратады, жоба іске асырылатын жерге барып мониторинг жүргізеді.

48. Инвестициялық гранттар беру қағидалары шеңберінде жобалардың іске асырылуын мониторингтеуді қаржы агенттігі Жобаларға мониторинг жүргізу қағидаларына сәйкес жүргізеді.

Қаржы агенттігінің функцияларына мыналар:

1) инвестициялық гранттың нысаналы пайдаланылуын мониторингтеу;

3) кәсіпкердің жаңа жұмыс орындарын құру, өнім шығаруды ұлғайту жөніндегі шарттарды орындауын мониторингтеу;

4) кәсіпкердің грант беру туралы шарт талаптарын орындауын мониторингтеу жатады.

49. Мониторинг шеңберінде қаржы агенттігі:

1) веб-порталда инвестициялық гранттарды алушылар тізілімін жүргізеді;

50. Қаржы агенттігі кәсіпкердің инвестициялық грант қаражатын нысаналы пайдаланбағанын не жобаның және/немесе кәсіпкердің инвестициялық грант беру шарттарына және/немесе конкурстық комиссияның шешіміне және/немесе грант беру туралы шарттың талаптарына сәйкес келмейтінін не кәсіпкердің жұмыс орындары санына қол жеткізу жөніндегі міндеттемелерді орындамағанын анықтаған кезде қаржы агенттігі конкурстық комиссияның қарауына шығару үшін өңірлік үйлестірушіге кәсіпкердің инвестициялық грант қаражатын нысаналы пайдаланбауы туралы ақпаратты қағаз жеткізгіште немесе веб-портал арқылы (веб-порталда тиісті функционал іске асырылғаннан кейін) енгізеді.

Кәсіпкердің инвестициялық грант қаражатын нысаналы пайдаланбауы туралы алынған ақпарат негізінде бағдарламаның өңірлік үйлестірушісі анықталған ескертулерді жою үшін бір реттік қосымша мерзім беру туралы не кәсіпкермен арадағы грант беру туралы шартты бұзу туралы шешім қабылдау үшін осы ақпаратты конкурстық комиссияның келесі отырысына шығарады, кейін өзінің шешімі туралы кәсіпкер мен қаржы агенттігін веб-портал арқылы хабардар етеді.

Егер конкурстық комиссияның шешімімен белгіленген қосымша мерзім өткеннен кейін жоба бойынша ескертулер жойылмаса, жоба іске асырылмайды, кәсіпкер грант қаражатын өңірлік үйлестірушінің алғаш жазбаша хабарламасы бойынша сол хабарламада көрсетілген тәртіппен және мерзімде қайтарады.

51. Конкурстық комиссия кәсіпкермен грант беру туралы шартты бұзу туралы шешім қабылдаған жағдайда өңірлік үйлестіруші мұндай шешім қабылданғаннан кейін 10 (он) жұмыс күнінен кешіктірмей кәсіпкерге веб-порталда грант беру туралы шартты бұзу жөнінде тиісті хабарлама, сондай-ақ осы тармақта белгіленген мерзімдерде осы Инвестициялық грант беру қағидаларына 8-қосымшаға сәйкес нысан бойынша инвестициялық грант қаражатын қайтарудың қажеттігі туралы хабарлама жібереді және нысаналы пайдаланылмаған инвестициялық грант қаражатын қайтару жөніндегі іс-шараларды жүргізеді. Инвестициялық грант қаражатының бір бөлігінің нысаналы пайдаланылмағаны анықталған жағдайда конкурстық комиссияның тиісті шешімі бойынша инвестициялық грант қаражатының нысаналы пайдаланылмаған сомасын ғана қайтаруға жол беріледі.

52. Конкурстық комиссия инвестициялық грант қаражатын қайтару туралы шешім қабылдаған жағдайда өңірлік үйлестіруші кәсіпкерге грант қаражатын қайтару туралы хабарлама жібереді, онда қайтару үшін мынадай мерзім көрсетіледі:

2) егер қайтару сомасы 500 АЕК (қоса алғанда) дейін болса – 3 (үш) айға дейін;

3) егер қайтару сомасы 500 АЕК-тен асатын болса – 6 (алты) айға дейін.

53. Өңірлік үйлестіруші инвестициялық грант қаражатын қайтару туралы хабарламаның орындалу мерзімдерін үнемі мониторингте тұрады және кәсіпкер тарапынан хабарлама орындалмаған жағдайда Қазақстан Республикасының заңнамасында көзделген тәртіппен, оның ішінде сот тәртібімен инвестициялық грант қаражатын қайтару жөніндегі іс-шараларды жүргізеді.

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
1-қосымша

Экономиканың басым секторларының тізбесі

Экономикалық қызметтің жалпы жіктеуішінің коды	Атауы
1	2
Өңдеу өнеркәсібінде
13	Текстиль бұйымдарының өндірісі
14	Киім өндірісі
15	Былғары және оған жататын өнім өндірісі
16	Жиһаздан басқа, ағаш және тоз бұйымдарының өндірісі; сабаннан және тоқуға арналған материалдардан жасалған бұйымдар өндірісі
17	Қағаз және қағаз өнімдерінің өндірісі
18	Полиграфиялық қызмет және жазылған ақпарат жеткізгіштерін тыңдап-көрсету
19	Кокс және мұнайды қайта өңдеу өнімдерінің өндірісі
20	Химия өнеркәсібі өнімдерінің өндірісі
21	Негізгі фармацевтикалық өнімдер мен фармацевтикалық препараттар өндірісі
22	Резеңке және пластмасса бұйымдарының өндірісі
23	Өзге де бейметалл минералдық өнімдер өндірісі
24	Металлургия өндірісі
25	Машиналар мен жабдықтардан басқа дайын металл бұйымдарының өндірісі
26	Компьютерлер, электрондық және оптикалық жабдықтар өндірісі
27	Электр жабдықтарының өндірісі
28	Басқа топтамаларға енгізілмеген машиналар мен жабдықтар өндірісі
29	Автомобильдер, тіркемелер және жартылай тіркемелер өндірісі
30	Басқа көлік құралдарының өндірісі
31	Жиһаз өндірісі
32	Өзге де дайын бұйымдар өндірісі
33	Машиналар мен жабдықтарды жөндеу және орнату
Электр энергиясымен, газбен, бумен, ыстық сумен және кондицияланған ауамен жабдықтау
35.11	Электр энергиясын өндіру
35.3	Бумен, ыстық сумен және кондицияланған ауамен жабдықтау
Сумен жабдықтау; су бұру; қалдықтарды жинау, өңдеу және жою, ластануды жою қызметі
36	Суды жинау, тазарту және бөлу
37	Ағынды суларды жинау және тазарту
38	Қалдықтарды жинау, өңдеу және жою; материалдарды кәдеге жарату (қалпына келтіру)
39	Ластануды жою жөніндегі қызмет және қалдықтарды жою саласындағы өзге де көрсетілетін қызметтер

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
2-қосымша

Нысан

Кәсіпкерлердің инвестициялық гранттар беруге өтінімдерін іріктеу жөніндегі конкурс шеңберінде кәсіпкерлік бастамалар туралы мәліметтерді жария етпеу туралы келісім

Мен, ___________________________________________________________

(тегі, аты, әкесінің аты бар болса) кәсіпкерлердің инвестициялық гранттар алуға

арналған өтінімдерін іріктеу жөніндегі конкурстық комиссияның мүшесі/байқаушысы бола отырып, осы келісіммен қонкурсқа қатысушылардың кәсіпкерлік бастамаларын жария етпеуге міндеттенемін.

_____________________________________

қолы (аты, әкесінің аты (болған жағдайда), тегі)

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
3-қосымша

Нысан

Кәсіпкерлердің инвестициялық грант алуға арналған өтінімдерін іріктеу жөнінде конкурс өткізу туралы хабарландыру

Конкурсты ұйымдастырушы: _____________________________________;

электрондық пошта мекенжайы: ___________________________________;

байланыс телефоны _____________________________________________.

Конкурстың нысанасы: кәсіпкерлерге инвестициялық грант беру.

Конкурс нысаны: ашық конкурс.

Конкурсқа қатысу үшін өтінімдер берілетін жер: субсидиялаудың ақпараттық жүйесінің веб-порталы.

Конкурстық құжаттаманы ұсыну тәртібі: үміткерлер конкурсқа қатысу үшін шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру қағидаларына 4-қосымшаға сәйкес нысан бойынша электрондық өтінімді және конкурстық құжаттаманың толық топтамасын ұсынады.

Өтінімдерді беру мерзімі: 20_ жылғы "__" ___ бастап 20__ жылғы "__" ____ қоса алғанда.

Көрсетілген мерзім өткеннен кейін түскен өтінімдер қабылданбайды.

Осы хабарландыру және конкурстық құжаттама өңірлік үйлестірушінің ___________ ресми сайтында орналастырылады.

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
4-қосымша

Нысан

Жабдық сатып алу үшін инвестициялық грант беруге арналған конкурстық іріктеуге қатысуға өтінім

	___________________________
	облысы (республикалық маңызы
	бар қала, астана)
	____________________________
	____________________________
	(заңды тұлғаның толық атауы,
	жеке тұлғаның тегі, аты, әкесінің аты (бар болса)

Ұсынылған материалдарды қарауды сұраймын және кәсіпкерлерге инвестициялық гранттар беруге арналған конкурстық іріктеуге қатысатыным туралы мәлімдеймін.

1. Өтінім беруші туралы мәліметтер:

заңды тұлға үшін:

атауы __________________________________________________________

бизнес-сәйкестендіру нөмірі (бұдан әрі – БСН) _______________________

басшының тегі, аты, әкесінің аты (бар болса) ________________________

басшының жеке сәйкестендіру нөмірі (бұдан әрі – ЖСН) ______________

мекенжайы _____________________________________________________

телефон (факс) нөмірі ____________________________________________

жеке тұлға, дара кәсіпкер үшін:

атауы __________________________________________________________

тегі аты, әкесінің аты (бар болса) __________________________________

ЖСН __________________________________________________________

жеке басын куәландыратын құжат:

нөмірі _________________________________________________________

кім берді _______________________________________________________

берілген күні ___________________________________________________

мекенжайы _____________________________________________________

телефон (факс) нөмірі ____________________________________________

Жеке тұлға, дара кәсіпкер ретіндегі қызметінің басталғаны туралы хабарлама:

орналасқан жері _________________________________________________

хабарлама күні __________________________________________________

2. Кәсіпкердің екінші деңгейдегі банкте ағымдағы шотының болуы туралы мәліметтер:

Банк деректемелері: ______________________________________________

Банктің атауы: __________________________________________________

БСК ___________________________________________________________

ЖСК __________________________________________________________

БСН ___________________________________________________________

КБе ____________________________________________________________

3. Сұратылатын ақша қаражаты, барлығы, мың теңге _________________;

оның ішінде жылдар бойынша:

Р/с №	Жылы	Сомасы, теңге	Мақсаты (бизнес-жобаны егжей-тегжейлі аша отырып)
1
2

Мыналарды:

1) бұрын берілген кредиттер (қарыздар) бойынша мерзімі өткен берешегімнің жоқ екенін;

2) осы өтінімдегі инвестициялық грант алу үшін конкурстық іріктеуге қатысуға арналған өтінімге қосымшаға сәйкес жоба туралы мәліметтер, сондай-ақ өңірлік үйлестіруші талап еткен барлық құжаттар Инвестициялық гранттар беру қағидалары шеңберінде инвестициялық гранттар алу үшін ғана ұсынылғанын растаймын.

Мен:

1) осы өтінімді қарау шеңберінде талап етілген банктік және коммерциялық құпияны қамтитын кез келген ақпарат пен құжаттарды өңірлік үйлестірушінің алғаш талап етуі бойынша беруге және ашуға;

Мен:

1) өңірлік үйлестіруші мен конкурстық комиссияның ұсынылған мәліметтерді тексеруіне жол беретінімен;

2) өңірлік үйлестірушінің көрсетілген деректердің жарамдылығын тексермеуіне жол берілетінімен;

3) көрсетілген деректер мен ақпараттың анық емес екені анықталған жағдайда осы өтінім қаралып жатқан кез келген кезеңінде қабылданбауымен;

4) өңірлік үйлестірушінің осы өтінімде көрсетілген мәліметтерді, ақпаратты және кәсіпкер ұсынған құжаттарды мүдделі үшінші тұлғаларға (ақпарат алу құқығы Қазақстан Республикасының заңнамасында көзделген), сондай-ақ кәсіпкерлік жөніндегі уәкілетті органға, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға, "Бәйтерек" ұлттық басқарушы холдингі" акционерлік қоғамына беруімен;

5) өңірлік үйлестіруші кәсіпкер өзі туралы хабарлайтын кез келген ақпаратты тексеру құқығын өзіне қалдыратынымен, ал кәсіпкер ұсынған құжаттар инвестициялық грант берілмесе де, өңірлік үйлестірушіде сақталатынымен;

6) өңірлік үйлестірушінің осы өтінімді қарауға қабылдауы, сондай-ақ кәсіпкердің ықтимал шығыстары (нысаналы инвестициялық грант алу үшін қажетті құжаттарды ресімдеуге) өңірлік үйлестірушіні нысаналы инвестициялық грант беруге немесе кәсіпкерге келтірілген шығасыларды өтеуге міндеттемейтінімен келісемін.

Конкурстың шарттарымен және шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру шарттарымен таныстым.

Ұсынылған ақпараттың анықтығын растаймын, Қазақстан Республикасының заңнамасына сәйкес анық мәліметтер ұсынбағаным үшін жауаптылық туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректер мен өзге де ақпаратты жинауға, өңдеуге, сақтауға, жүктеуге және пайдалануға келісім беремін.

Өтінім беруші қол қойып, 20__ жылғы "__" ______ сағат _:_ жіберді:

Электрондық цифрлық қолтаңба деректері

Электрондық цифрлық қолтаңбаның қойылған күні мен уақыты

Өтінімді қабылдау туралы хабарлама:

Өңірлік үйлестіруші: 20 __ жылғы "__" ______ сағат _:_ қабылдады

Электрондық цифрлық қолтаңба деректері

Электрондық цифрлық қолтаңбаның қойылған күні мен уақыты.

	Инвестициялық грант беруге арналған конкурстық іріктеуге қатысуға өтінімге қосымша
	Нысан

Бизнес-жоба туралы мәліметтер

1. Жалпы ақпарат:

жобаның атауы: ________________________________________________;

жобаның қысқаша сипаттамасы: __________________________________;

жоба іске асырылатын жер: __________________________________;

жобаны іске қосу күні: _________________________________________;

қызметтің бейінді бағыты (жоба облыс орталықтарында, республикалық маңызы бар қалаларда және астанада іске асырылған жағдайда толтырылады)

__________________________________________________;

өнімді/көрсетілетін қызметтерді пайдаланушылардың нысаналы аудиториясы

____________________;

жер учаскесінің және/немесе үй-жайдың болуы (жалдау немесе жеке меншік)

_________________________;

учаскенің және/немесе үй-жайдың кадастрлық нөмірі (бар болса)

________________________________;

қажетті жабдықтың/қосалқы материалдардың болуы (бар болса, тізбелеу):

_______________________.

Экономикалық қызмет түрлерінің жалпы жіктеуіші (ЭҚЖЖ) бойынша кәсіпкердің қызметі туралы деректер:

секциясы: ______________________________________________________;

бөлімі: ________________________________________________________;

тобы: _________________________________________________________;

сыныбы: _______________________________________________________;

кіші сыныбы: ___________________________________________________.

2. Жобаны/өнімді нарыққа шығару стратегиясы:

өнім нарығының көлемі мен сыйымдылығы, жоба іске асырылатын саланың қазіргі жағдайы мен даму перспективаларын талдау _______________;

ұсынылатын өнім иеленуі мүмкін нарықтың әлеуетті үлесін негіздеу ___________;

зерттелетін нарықтардағы негізгі үрдістер, күтілетін өзгерістер _____________;

өнімді әлеуетті тұтынушылармен уағдаластықтардың болуы және өнімді сатып алуға дайын болуды растайтын құжаттар (ниет хаттамалары, алдын ала жеткізу шарттары, жеткізу шарттары) ___________________________________;

жасалатын өнімнің бәсекелес артықшылықтары, техникалық-экономикалық сипаттамаларын аналогтармен салыстыру (техникалық және құндық сипаттамалар бойынша балама шешімдерге салыстырма талдау келтіріледі (аналогтармен салыстыра отырып, өндіруге ұсынылатын тауарлардың, көрсетілетін қызметтердің техникалық деңгейі мен құны, ақпарат көзіне сілтемелер):

Көрсеткіштердің атауы	Көрсеткіштердің мәні
Көрсеткіштердің атауы	ұсынылатын үлгі	№ 1 аналог	№ 2 аналог

3. Жоба командасы:

жалдамалы қызметкерлер саны ______________________________;

_______________________________________________.

4. Жобаны іске асыру:

жобаның өтелу мерзімі, ай _______________________________________;

Шығыстардың түрлері	Шығыстар баптарының атауы	Шығыстар сомасы, мың теңге
Меншікті қаражат
Инвестициялық грант қаражаты
Барлығы:

5. Жоба бойынша күтілетін экономикалық әсер:

5.1. Өтінім берілген күнгі жағдай бойынша ақпарат:

Басшыны қоспағанда, қазіргі жұмыс орындарының саны, адам
Алдыңғы қаржы жылында түскен салық түріндегі түсімдер сомасы, мың теңге

5.2. Болжамды ақпарат:

Жылдар	Болжам				4 жылғы сома
Жылдар	ағымдағы жыл	1-ші жыл	2-ші жыл	3-ші жыл
Құрылатын жаңа жұмыс орындарының саны, адам
Салықтар түріндегі жаңа түсімдер сомасы, мың теңге
Таза пайда, мың теңге

6. Қауіп-қатерлерді басқару:

Тәуекел түрлері	Қауіп-қатерлердің болу ықтималдығы	Қауіп-қатерлерді реттеу тәсілдері
Мүліктік (өндірістік және қаржылық қызметті жүзеге асыру процесінде кәсіпорынның өз мүлкінің бір бөлігін жоғалтуы, оның бүлінуі және кірісті толық алмау ықтималдығы)
Маркетингтік (тауарды өткізу көлемінің немесе бағасының төмендеуінен пайданы толық алмау ықтималдығы)
Салалық (саланың экономикалық жай-күйінің өзгеруі нәтижесінде борышкердің өз міндеттемелерін орындамауы салдарынан шығындардың ықтималдығы)

7. Ұсынылған құжаттар туралы мәліметтер:

Р/с №	Құжаттың атауы	Электрондық файлдың атауы (pdf форматында)
1	2	3
1	Сатып алу шарттарын көрсете отырып, тараптардың жабдық сатып алу туралы ниеттерін растайтын алдын ала келісімнің көшірмесі
2	Кәсіпкердің шотында берілетін инвестициялық грант көлемінің кемінде 30 %-ы мөлшерінде ақшалай қаражатының болуы туралы банктік шоттан үзінді-көшірме немесе жылжымалы және/немесе жылжымайтын мүліктің бағалау құнын растайтын құжаттар

8. Қосымша мәліметтер:

1) бизнес-жобаның бәсекеге қабілеттілігін сипаттаңыз (нарықтық қажеттілікті пысықтау – маркетингтік талдау) (жобаны бағалау өтінімде көрсетілген деректерге негізделуге тиіс);

2) бизнес-жобаның ендіруге әзірлігін өз пікіріңізше сипаттаңыз (өндірісті іске қосу үшін жобаның әзірлік деңгейі);

3) жобаны іске асырудан қандай экономикалық пайда бар екенін сипаттаңыз;

4) осы жоба бойынша өтелу мерзімі жобаны тиімді басқару үшін қаншалықты жеткілікті екенін өз пікіріңізше сипаттаңыз;

5) осы жоба бойынша жаңа жұмыс орындарын есептеу кезінде өзіңіз нені басшылыққа алғаныңызды, бұл санның қажетті нәтижелерге қол жеткізуге сәйкес келетін-келмейтінін сипаттаңыз;

6) осы жобаны іске асыру үшін кәсіпкердің жұмыс тәжірибесін оның мақсатқа қол жеткізуге сәйкес келуі бөлігінде сипаттаңыз;

8) қауіп-қатерлер (экономикалық, маркетингтік) туындаған жағдайда жобаның бағдарын басқа салаға бұру бойынша жоспарланып отырған әрекетіңізді сипаттаңыз (бағалаған кезде өтінімде көрсетілген деректерді басшылыққа алу, сондай-ақ жобаның бағытына сүйену қажет);

10) бизнес-идеяның жаңашылдығын сипаттаңыз (бірегейлігі, қолданылуы, пайдалы болуы, іске асыру мүмкіндігі, аналогтарының бар-жоғы).

9. Қосымша ақпарат:

Негізгі жоспарлы экономикалық көрсеткіштерді (өндіріске арналған шығыстар, пайда, таза пайда, шығарылатын өнімнің рентабельділігі) жобаны іске асырудың соңына қарай Excel форматындағы көрсеткіштер есеп-қисабын қоса беру қажет;

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
5-қосымша

Нысан

Инвестициялық грант алуға үміткер кәсіпкерлердің өтінімдерін іріктеу жөніндегі конкурстық комиссия отырыстарының графигі

Р/с №	Заңды тұлғаның атауы/кәсіпкердің тегі, аты, әкесінің аты (бар болса)	Бизнес-жобаның атауы (қысқаша сипаттамасы)	Бизнес-жобаның іске асырылатын жері	Инвестициялық грантқа сұратылатын сома, теңге	Конкурстық комиссия отырысы өткізілетін күні мен уақыты

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
6-қосымша

Бизнес-идеялар шеңберінде кәсіпкердің жобасын бағалау өлшемшарттары

Р/с №	Өлшемшарттың атауы	Сипаттамасы және өлшемі
1.	Бизнес-жобаның жаңашылдығы	1-ден 10 балға дейін
2.	Бизнес-жобаның тиімділігі	1-ден 10 балға дейін
3.	Дайындық дәрежесі	1-ден 10 балға дейін
4.	Меншікті инфрақұрылымның болуы	1-ден 10 балға дейін
5.	Жобаның аналогтармен салыстырғандағы артықшылықтары	1-ден 10 балға дейін
6.	Жобаның экономикалық орындылығы	1-ден 10 балға дейін
7	Жобаның таныстырылымы	1-ден 10 балға дейін
	Жиыны:	балдар қосындысы

Бағалау өлшемшарттары бойынша түсініктемелер:

1. Грант беру туралы мәселені қарау кезінде бизнес-жобаның жаңашылдығы мынадай факторларға сүйене отырып бағаланады:

жобаның өзектілігі мен бірегейлігі (бизнес-жоба іске асырылатын өңірде аналогтардың болмауы);

жобада ұсынылатын шешімдердің жаңашылдығы (өткізу арналары, маркетингтік стратегияны құру, өнім өндірудің материалы/тәсілі);

жобаның технологиялық деңгейі (технологиялық жабдықтандырудың болуы);

өндірілетін тауарға/ұсынылатын көрсетілетін қызметке патенттің болуы (зияткерлік меншік объектісінің болуы);

бизнесті кеңейту перспективасы (оның ішінде өнімді немесе бизнес-процесті нарыққа шығару стратегиясының болуы, нарық қажеттілігінің болуы, жеке капиталды қаржыландыруға тарту перспективасы) факторларына сүйене отырып жүзеге асырылады.

2. Бизнес-жобаның тиімділігі мынадай өлшемшарттарға сүйене отырып бағаланады:

бизнес-жобаның өтелу мерзімі;

бизнес-жобаның бәсекеге қабілеттілігі (бәсекеге қабілетті артықшылықтардың болуы);

бір өнім берушіге не сатып алушылардың шағын тобына тәуелділік;

тауарды/негізгі құралдарды/шикізат пен материалдарды жеткізуге/қызметтерді көрсетуге/жұмыстарды орындауға/технологияларды/ франшиза/патент сатып алуға шарттардың/келісімшарттардың болуы;

жеке өзінің қатысуы.

3. Бизнес-жобаның дайындық дәрежесі мынадай өлшемшарттарға сүйене отырып бағаланады:

өткізу нарығының болуы және бизнес-жобаның ұсынылатын нәтижелерін коммерцияландыру ықтималдығы;

білікті мамандар командасының болуы;

жобаларды іске асыру тәжірибесінің болуы;

жобаның құны (бизнес-жобаны толық аяқтау үшін меншікті және тартылған капиталдың жеткіліктілігі, салыстырма талдау келтіру).

4. Меншікті инфрақұрылымның болуы:

бизнес-жобаны іске асыру үшін өз үй-жайының болуы;

жобаны іске асыру үшін жеткілікті инфрақұрылым құру.

5. Жобаның аналогтарымен салыстырғандағы артықшылықтары мынадай өлшемшарттарға сүйене отырып бағаланады:

жасалатын өнімнің бәсекелес артықшылықтары;

техникалық-экономикалық сипаттамаларды аналогтармен салыстыру.

6. Жобаның экономикалық орындылығы мынадай өлшемшарттар негізінде бағаланады:

құрылатын жұмыс орындарының саны;

өңір үшін бизнес-жобаның маңыздылығы (іске асыру саласы, әлеуметтік-экономикалық әсердің болуы).

7. Жобаның таныстырылымы мынадай өлшемшарттарға сүйене отырып бағаланады:

сөз сөйлеу кезіндегі мазмұны мен ұзақтығына сәйкес келетін PowerPoint форматында слайд түріндегі таныстырылымның немесе оның аналогтарының болуы;

бизнес-жоба туралы ақпаратты көрнекі түрде көрсету үшін құралдарды пайдалану (иллюстрациялар, кестелер, схемалар, графиктер);

сөз сөйлеушінің бизнес-жобаның мазмұнын жан-жақты білуі, конкурстық комиссияның сұрақтары мен ескертулеріне дұрыс жауап беру;

өңірлік үйлестіруші белгілеген сөз сөйлеу регламентін сақтау.

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
7-қосымша

Нысан

Инвестициялық гранттар алуға үміткер кәсіпкерлердің өтінімдерін іріктеу жөніндегі конкурстық комиссия отырысының

№ __ хаттамасы

1. Кәсіпкер туралы қысқаша мәліметтер:

өтінім нөмірі: _____________ өтінім берілген күн: _________________

заңды тұлға үшін:

атауы _____________________ БСН ____________________________

басшының тегі, аты, әкесінің аты (бар болса)

дара кәсіпкер үшін:

атауы ________________________

ЖСН ______________ тегі, аты, әкесінің аты (бар болса) ____________

2. Жоба туралы қысқаша мәліметтер:

бизнес-жобаның атауы ___________________________________________

бизнес-жобаның іске асырылатын жері ______________________________

инвестициялық грантқа сұратылатын сома, теңге _________________

3. Комиссия мүшелері:

1) _______________________ тегі, аты, әкесінің аты (бар болса)

2) …..

3) …..

Жоба бойынша дауыс беру нәтижелері:

дауыс беруге барлығы _________________ комиссия мүшесі қатысты, оның ішінде:

___ дауыс берді; ___ дауыс берген жоқ.

Комиссиясының жобаны қарау нәтижелері:

Р/с №	Өлшемшарт атауы	Орташа балл:
1.	Бизнес-жобаның жаңашылдығы
2.	Бизнес-жобаның тиімділігі
3.	Дайындық дәрежесі
4.	Меншікті инфрақұрылымның болуы
5.	Жобаның аналогтармен салыстырғандағы артықшылықтары
6.	Жобаның экономикалық орындылығы
7.	Жобаның таныстырылымы
	Жиыны

Жоба бойынша ең жоғары ықтимал балл қосындысы ___ балды құрайды.

Комиссия шешімі: жоба ______ мың теңге сомасына мақұлданды/мақұлданған жоқ.

Комиссия мүшелерінің қолдары:

1. ЭЦҚ деректері; ЭЦҚ-мен қол қойылған күні және уақыты.

2. …..

3. …..

Шағын бизнес субъектілерінің
бәсекеге қабілеттілігін
арттыруға бағытталған
"Бәсекеге қабілеттілік"
инвестициялық гранттарын
беру қағидаларына
8-қосымша

Нысан

_________________________________

________________________________

(дара кәсіпкердің, заңды тұлғаның

тегі, аты, әкесінің аты (бар болса)

Инвестициялық грант қаражатын қайтару қажеттігі туралы хабарлама

Шағын бизнес субъектілерінің бәсекеге қабілеттілігін арттыруға бағытталған "Бәсекеге қабілеттілік" инвестициялық гранттарын беру қағидалары шеңберінде кәсіпкерлер жобаларының іске асырылуына жүргізілген мониторинг барысында "Даму" кәсіпкерлікті дамыту қоры" акционерлік қоғамы

___________________________________________________________________

__________________________________________________________________

____________________________________________ анықтады.

(инвестициялық грант қаражатын нысаналы пайдаланбау/не жобаның және/немесе

кәсіпкердің инвестициялық гранттар беру шарттарына және/немесе конкурстық комиссияның шешіміне және/немесе грант беру туралы шарттың талаптарына сәйкес келмеуі не жұмыс орындары санына қол жеткізу жөніндегі міндеттемелерін кәсіпкердің орындамауы).

"Даму" кәсіпкерлікті дамыту қоры" акционерлік қоғамы ұсынған ақпарат негізінде конкурстық комиссия Сізбен арадағы 20___ жылғы "__" ______ № __ грант беру туралы шартты бұзу туралы шешім қабылдады.

Осы арқылы ____________________________________________________

(өңірлік үйлестірушінің атауы)

Сізге грант беру туралы 20__ жылғы "__" ____ № __ шарт негізінде берілген

инвестициялық грант қаражатын 20___ жылғы "__" ______ дейінгі мерзімде қайтару қажеттілігі туралы хабарлайды.

Осы хабарлама көрсетілген мерзімдерде орындалмаған жағдайда

_________________________________________________________________

(өңірлік үйлестірушінің атауы)

инвестициялық грант қаражатын қайтару туралы талаппен сотқа жүгінуге құқылы.

___________________ _____________________________________

лауазымы (тегі, аты, әкесінің аты (бар болса)

Хабарламаның тапсырылғаны туралы мәліметтер

______________________________________________________________

(дара кәсіпкердің, заңды тұлғаның тегі, аты, әкесінің аты (бар болса)

_______________________________________________________________

______________________________

(күні, уақыты, қолы).

Жеке кәсіпкерлікті мемлекеттік қолдаудың кейбір шаралары туралы

1-тарау. Жалпы ережелер

1-параграф. "Микро- және шағын кәсіпкерлікті қолдау" бағыты бойынша субсидия мен кепілдік беру шарттары

3-параграф. Портфельдік ішінара кепілдік беру

4-параграф. Сыйақы мөлшерлемесінің бір бөлігіне портфельдік субсидия беру тәртібі

3-тарау. Жобалардың іске асырылуын мониторингтеу

Экономикалық қызметтің басым түрлерінің тізбесі

Экономикалық қызметтің басым түрлерінің тізбесі

Хабарлама-хат

№ _______ кепілдік міндеттеме

Сыйақы мөлшерлемесінің бір бөлігін субсидиялау қағидалары

1-тарау. Жалпы ережелер

2-тарау. Сыйақы мөлшерлемесінің бір бөлігін субсидиялау тәртібі

1-параграф. "Шағын және орта кәсіпкерлікті қолдау" бағыты бойынша субсидия беру шарттары

2-параграф. "Шағын, орта және ірі кәсіпкерлікті қолдау" бағыты бойынша субсидиялар беру шарттары

3-параграф. "Моно- және шағын қалаларда, ауылдық елді мекендерде кәсіпкерлікті қолдау" бағыты бойынша субсидия беру шарттары

4-параграф. Әлеуметтік кәсіпкерлік субъектілерінің кредиттері/лизингі бойынша сыйақы мөлшерлемесінің бір бөлігін субсидиялау шарттары

5-параграф. "Шағын және орта кәсіпкерлік субъектілерін өңірлік қаржыландыру" бағыты бойынша субсидия беру шарттары

6-параграф. Субсидия беру үшін қатысушылардың өзара іс-қимыл жасасуы

7-параграф. Кәсіпкердің "электрондық үкімет" веб-порталы арқылы электрондық өтінім беруі

8-параграф. Кредиттер/микрокредиттер/қаржылық лизинг шарттары бойынша субсидиялау тетігі

9-параграф. Синдикатталған қарыздар бойынша субсидиялау тетігі

10-параграф. "Жасыл" жобаларды іске асыруға арналған кредиттер бойынша сыйақыны субсидиялау шеңберінде жобаларды сыртқы бағалау

11-параграф. Субсидиялауды тоқтата тұру, тоқтату және қайта бастау

3-тарау. Жобалардың іске асырылуын мониторингтеу

Экономикалық қызметтің басым түрлерінің тізбесі

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Негізгі (басым) экономикалық қызмет түрлерінің тізбесі

Өтініш

№ __________сауалнама-өтініш

Өңірлік үйлестірушіге/уәкілетті органға ________ бастап __________ дейінгі аралықтағы кезең үшін субсидиялау туралы есеп

1-тарау. Жалпы ережелер

1-параграф. "Шағын және орта кәсіпкерлікті қолдау" бағыты бойынша субсидия беру шарттары

2-параграф. "Шағын, орта және ірі кәсіпкерлікті қолдау" бағыты бойынша субсидия беру шарттары

3-параграф. Субсидия беру үшін қатысушылардың өзара іс-қимылы

4-параграф. "Электрондық үкімет" веб-порталы арқылы кәсіпкердің электрондық өтінім беру тәртібі

5-параграф. Субсидиялау тетігі

6-параграф. Субсидиялауды тоқтату және қайта бастау

3-тарау. Жобалардың іске асырылуын мониторингтеу

Экономикалық қызметтің басым түрлерінің тізбесі

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Өтініш

№ __________ өтініш-сауалнама

Өңірлік үйлестірушіге/уәкілетті органға ______________бастап ______________ аралығындағы кезеңде субсидиялау туралы есеп

Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары

1-тарау. Жалпы ережелер

2-тарау. Кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау тәртібі

1-параграф. Эмитенттерге қойылатын шарттар мен талаптар

2-параграф. Субсидиялау шарттары

3-параграф. Қатысушылардың өзара іс-қимылы

4-параграф. Субсидиялау тетігі

5-параграф. Субсидиялау шартын тоқтата тұру/қайта бастау/тоқтату тәртібі

3-тарау. Жобалардың іске асырылуын мониторингтеу

Экономикалық қызметтің басым түрлерінің тізбесі

№ __________ өтініш-сауалнама

Өтінім туралы ақпарат

Кредиттер/қаржылық лизинг бойынша кепілдік беру қағидалары

1-тарау. Жалпы ережелер

2-тарау. Кредиттер/қаржылық лизинг бойынша кепілдік беру тәртібі

1-параграф. "Шағын және орта кәсіпкерлікті қолдау" бағыты бойынша кепілдік беру шарттары

2-параграф. "Шағын, орта және ірі кәсіпкерлікті қолдау" бағыты бойынша кепілдік беру шарттары

3-параграф. "Моно- және шағын қалаларда, ауылдық елді мекендерде кәсіпкерлікті қолдау" бағыты бойынша кепілдік беру шарттары

4-параграф. "Әлеуметтік кәсіпкерлік субъектілерін қолдау" бағыты бойынша кепілдік беру шарттары

5-параграф. Кепілдік беру үшін қатысушылардың өзара іс-қимыл жасасуы

6-параграф. Кәсіпкердің "электрондық үкімет" веб-порталы арқылы электрондық өтінім беруі

3-тарау. Жобалардың іске асырылуын мониторингтеу

Экономикалық қызметтің басым түрлерінің тізбесі

Өңдеу өнеркәсібіндегі, электр энергиясымен, газбен, бумен жабдықтау және ауа кондициялаудағы экономикалық қызмет түрлерінің тізбесі

Тау-кен өндіру өнеркәсібі және көрсетілетін қызметтер бойынша экономикалық қызмет түрлерінің тізбесі

Агроөнеркәсіптік кешендегі өндіріс бойынша экономика салаларының тізбесі

Алдын ала кепілдік хат

Кәсіпкердің жобасы бойынша банк* қаржы агенттігіне ұсынатын құжаттардың тізбесі

Кәсіпкерлік субъектілері шығарған облигациялар бойынша кепілдік беру қағидалары

1-тарау. Жалпы ережелер

2-тарау. Кәсіпкерлік субъектілері шығарған облигациялар бойынша кепілдік беру тәртібі

1-параграф. Эмитенттерге қойылатын шарттар мен талаптар

2-параграф. Кепілдік беру шарттары

3-параграф. Қатысушылардың өзара іс-қимылы

Өңірлік үйлестірушіге/уәкілетті органға бастап __ дейінгі аралықтағы кезең үшін субсидиялау туралы есеп

Өңірлік үйлестірушіге/уәкілетті органға бастап аралығындағы кезеңде субсидиялау туралы есеп