1. Қазақстан Республикасының Өнеркәсiп және сауда министрлiгi бiр ай мерзiмде Израиль Мемлекетiнде өзiн-өзi қаржыландыру шартымен Қазақ сауда үйiн құратын болсын.
2. Израиль Мемлекетiндегi Қазақ сауда үйiнiң негiзгi мiндеттерi:
Қазақстан Республикасының сыртқы экономикалық қызмет мәселелерi жөнiндегi мүддесiн бiлдiру;
Қазақстан Республикасы мен Израиль Мемлекетi арасындағы сауда-экономикалық байланысты үйлестiру әрi дамыту;
республиканың мұқтажына арналған инвестицияларды, технологияларды тарту және тауарларды, шикiзаттарды, материалдар мен қызмет көрсетулердi сатып алуды ұйымдастыру;
Қазақстан Республикасына Израиль Мемлекетi беретiн кредиттердiң тиiмдi пайдаланылуына жәрдемдесу болып табылады деп айқындалсын.
Қазақстан Республикасының Үкiметi мен Өнеркәсiп және сауда министрлiгiнiң тапсыруы бойынша Қазақ сауда үйi басқа да мiндеттердi жүзеге асырады деп белгiленсiн.
3. <*>
Ескерту. 3-шi тармақтың күшi жойылған - ҚРМК-нiң 1995.
06.15. N 631 қаулысымен. P950631_
4. Қазақ сауда үйiнiң Израильдiң "Фармеди" фирмасымен медициналық препараттар өндiру жөнiндегi, Израильдiң "Моро" институтымен медициналық диагностикалық орталық, сондай-ақ Израиль технологиясы бойынша медициналық аспаптар өндiретiн зауыттың құрылысын жүргiзу жөнiндегi бiрлескен кәсiпорын құру туралы ұсынысы қабыл алынсын.
Бiрлескен кәсiпорын құру жөнiндегi жобаны қаржыландыру Израиль Мемлекетiнiң Қазақстан Республикасына бөлетiн кредит желiсi шеңберiнде жүзеге асырылады деп белгiленсiн.
5. Қазақ сауда үйiне Қазақстан Республикасының Израиль Мемлекетiндегi Сауда өкiлдiгiнiң құқықтық мәртебесi белгiленсiн.
Қазақстан Республикасы
Премьер-министрiнiң
бiрiншi орынбасары
