Жеңiл және ағаш өңдеу өнеркәсiбi кәсiпорындарын қаржылай сауықтыру өндiрiсiн тұрақтандыру мақсатында Қазақстан Республикасының Үкiметi қаулы етедi:
1. Қазақстан Республикасының Өнеркәсiп және сауда министрлiгiнiң, облыстар мен Алматы қаласы әкiмдерiнiң жеңiл және ағаш өңдеу өнеркәсiбiнiң бәсекелестiк тауарлар шығаруын қамтамасыз етуде мейлiнше келешегi бар кәсiпорындарына тендерлiк негiзде мемлекеттiк қолдау көрсету туралы ұсынысы қабылдансын.
2. Қазақстан Республикасының Қаржы министрлiгi он күн мерзiм iшiнде Қазақстан Республикасының мемлекеттiк медетшi банкiсiне жеңiл және ағаш өңдеу өнеркәсiбiнiң кәсiпорындарына кредит беру үшiн оған 1996 жылға арналған республикалық бюджетте көзделген қаржыдан (1,3 млрд. (бiр миллиард үш жүз миллион) теңге бөлетiн болсын.
Бұдан басқа, 1996 жылдың 1 қыркүйегiне дейiн оған 1996 жылға арналған республикалық бюджетте көзделген қаражаттардан қайта ұйымдастыру процедураларын жүргiзу мен жеңiл және ағаш өңдеу өнеркәсiбi кәсiпорындарын сауықтыруды қамтамасыз ету жөнiндегi қаржылық инфрақұрылымдарды құруға арнап оларды әлеуметтiк дамуды кредиттеудiң Қазақ акционерлiк банкiнiң (бұдан әрi - Қазкредәлеуметбанк) депозитiне орналастыру үшiн бiр жыл мерзiмге 234,0 млн. (екi жүз отыз төрт миллион) теңге бөлсiн.<*>
3. Жеңiл және ағаш өңдеу өнеркәсiбiнiң кәсiпорындары негiзiнде Қазкредәлеуметбанкi клиенттерi болып табылатынын ескере отырып, Қазақстан Республикасының мемлекеттiк Медетшi банкiсiне:<*>
бөлiнген қаражатты кәсiпорындардың бизнес-жоспарлары негiзiнде жасалып бекiтiлген кредит беру кестесi бойынша Қазәлеуметбанкiсiне жiберу мен оның нысаналы пайдаланылуына бақылау жасау;
Қазәлеуметбанкiсiмен кәсiпорындарды қолдауға бөлiнген қаражатты банктiң қайтарымдық негiзiндегi кепiлдiгiмен қамтамасыз ету және де Қазәлеуметбанкiсiнiң қолданылып жүрген заңдарға сәйкес жеңiл және ағаш өңдеу өнеркәсiбiнiң кәсiпорындарында қайта ұйымдастыру процедураларын жүргiзу туралы келiсiм жасасу ұсынылсын.
ЕСКЕРТУ. 3-тармаққа өзгерiс енгiзiлдi - ҚРҮ-нiң 1996.08.19.
N 1028
қаулысымен.
4. Қазәлеуметбанкiсiне жеңiл және ағаш өңдеу өнеркәсiбi кәсiпорындарының тендер негiзiнде қабылданған бизнес-жоспарлары мен акционерлердiң шешiмi бойынша акциялардың мүлiкпен қамтамасыз етiлген бақылау пакетiнiң кепiлдiгiмен банкке берiлуiне сәйкес кредиттеудi iске асыру ұсынылсын.
5. Қазақстан Республикасының Мемлекеттiк мүлiктi басқару жөнiндегi мемлекеттiк комитетi қайта ұйымдастыру процедураларын жүргiзу кезеңiне әлеуметтiк дамуды кредиттеу жөнiндегi Қазақ акционерлiк банкiсiне жеңiл және ағаш өңдеу өнеркәсiбi кәсiпорындары акцияларының мемлекеттiк пакеттерiн кепiлдiкке беру туралы шартты ресiмдесiн.
6. Осы қаулының орындалуына бақылау жасау Қазақстан Республикасының Өнеркәсiп және сауда министрлiгiне жүктелсiн.
Қазақстан Республикасының
Премьер-Министрi
