Қостанай спирт зауытының мәселелерi

Қазақстан Республикасы Үкiметiнiң Қаулысы 1997 жылғы 23 сәуiр N 647

Сыртқы инвестицияларды, озық технологияларды және басқарудың қазiргi заманғы әдiстерiн пайдалана отырып Қостанай спирт зауытының құрылысын аяқтау мақсатында Қазақстан Республикасының Үкiметi қаулы етедi:
1. Қазақстан Республикасы Қаржы министрлiгiнiң Мемлекеттiк мүлiк пен активтердi басқару департаментi заңдарда белгiленген тәртiппен:
"Тағам" акционерлiк компаниясымен жасалған, Қостанай спирт зауытын басқару құқығына арналған 1996 жылғы 22 ақпандағы N 44/96 келiсiм-шартты бұзу жөнiнде шаралар қабылдасын;
республиканың фосфор саласындағы шаруашылық серiктестiктерiнiң "ЛУКойл-Қазақстан" акционерлiк қоғамына берешектерiн ескере отырып, спирт өндiруге арналған кешендi импорттық жабдықты (Спейшим, Франция) мүлiктiк жалға алу шарты бойынша "ЛУКойл-Қазақстан" акционерлiк қоғамына берсiн.
2. "Қостанай спирт зауытының құрылысын аяқтау және iске қосу жөнiндегi шаралар туралы" Қазақстан Республикасы Үкiметiнiң 1996 жылғы 29 қаңтардағы N 116 қаулысының күшi жойылған деп танылсын.

     Қазақстан Республикасының
       Премьер-Министрi